Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

li tistabbilixxi Eurojust bil-għan li tiġi msaħħa l-ġlieda kontra l-kriminalità serja

IL-KUNSILL TA' L-UNJONI EWROPEA,

Wara li kkunsidra t-Trattat dwar l-Unjoni Ewropea, u b'mod partikolari l-Artikoli 31 u 34(2)(ċ) tiegħu,

Wara li kkunsidra l-inizjattiva tar-Repubblika Federali ta-Ġermanja u dik tar-Repubblika Portugiża, tar-Repubblika Franċiża, tar-Renju ta' l-Isvezja u tar-Renju tal-Belġju ( 1 ),

Wara li kunsidra l-opinjoni tal-Parlament Ewropew ( 2 );

Billi:

(1)	Hu neċessarju li tittejjeb aktar il-koperazzjoni ġudizzjarja bejn l-Istati Membri, b'mod partikolari fil-ġlieda kontra forom serji ta' kriminalità li sikwit ikunu x-xogħol ta' organizzazzjonijiet transnazzjonali.

(2)

It-titjib effettiv tal-koperazzjoni ġudizzjarja bejn l-Istati Membri jeħtieġ l-adozzjoni immedjata ta' miżuri strutturali fil-livell ta' l-Unjoni Ewropea biex tiġi faċilitata l-aħjar kordinazzjoni ta' azzjoni għall-investigazzjonijiet u prosekuzzjonijiet li jkopru t-territorju ta' iktar minn Stat Membru wieħed bir-rispett kollu lejn id-drittijiet u l-libertajiet fundamentali.

(3)

Bil-għan li terġa' tissaħħaħ l-ġlieda kontra l-kriminalità organizzata serja, il-Kunsill Ewropew ta' Tampere tal-15 u tas-16 ta Ottubru 1999, b'mod partikolari fil-punt 46 tal-konklużjonijiet tiegħu, iddeċieda dwar l-istabbiliment ta' unità (Eurojust) magħmula minn prosekuturi, maġistrati jew uffiċjali tal-pulizija b'kompetenza ekwivalenti.

(4)	Din l-unità Eurojust hi stabbilita b'din id-Deċiżjoni bħala korp ta' l-Unjoni Ewropea b'natura legali u finanzjata mill-budget ġenerali ta' l-Unjoni Ewropea, barra fir-rigward ta' salarji tal-membri nazzjonali u ta' l-assistenti tagħhom, li jieħu ħsiebhom l-Istat Membru li joriġinahom.

(5)

L-għanijiet tar-Regolament (KE) Nru. 1073/1999 tal-Parlament Ewropew u tal-Kunsill tal-25 ta' Mejju 1999 li jikkonċernaw l-investigazzjonijiet immexxija mill-Uffiċċju Ewropew ta' Kontra l-Frodi (OLAF) ( 3 ) huma rilevanti wkoll għall-Eurojust. Il-Kulleġġ Eurojust għandu jadotta l-miżuri ta' implimentazzjoni neċessarji biex jinkisbu dawn l-għanijiet. Għandu jiġi kkunsidrat ix-xogħol sensittiv magħmul mill-Eurojust fil-kuntest ta' investigazzjonijiet u prosekuzzjonijiet. F'dan il-kuntest, OLAF m'għandux jingħata aċċess għal dokumenti, prova, rapporti, noti jew informazzjoni, f'kwalunkwe forma, li huma miżmuma jew maħluqa matul dawn l-attivitajiet, kemm jekk għadhom qed isiru kif ukoll jekk diġà konklużi, u għandha tkun ipprojbita t-trasmissjoni ta' dawn id-dokumenti, provi, rapporti, noti u informazzjoni għal OLAF.

(6)	Bil-għan li jkunu jistgħu jintlaħqu l-iskopijiet bil-mod l-aktar effiċjenti, Eurojust għandha twettaq il-kompiti tagħha jew permezz ta' waħda jew aktar mill-membri nazzjonali jew bħala Kulleġġ.

(7)	L-awtoritajiet kompetenti ta' l-Istati Membri għandhom ikunu jistgħu jbiddlu l-informazzjoni ma' Eurojust skond l-arranġamenti li jservu u li josservaw l-interessi tas-servizz pubbliku.

(8)

Il-ġurisdizzjoni tal-Eurojust hi mingħajr preġudizzju għall-kompetenza tal-Komunità li tipproteġi l-interessi finanzjarji proprji tagħha u hi ukoll mingħajr preġudizzju għal konvenzjonijiet u ftehim ġa eżistenti, b'mod partikolari il-Konvenzjoni Ewropea dwar Assistenza Reċiproka f'Kwistjonijiet Kriminali (Kunsill ta' l-Ewropa) iffirmat fi Strasbourg fl-20 t'April 1959, u wkoll il-Konvenzjoni dwar Assistenza Reċiproka fuq Kwistjonijiet Kriminali bejn l-Istati Membri ta' l-Unjoni Ewropea ( 4 ) adotatti mill-Kunsill fid-29 ta' Mejju 2000, u l-Protokoll ( 5 ) tiegħu adottat fis-16 t'Ottubru 2001.

(9)

Bil-għan li tikseb l-għanijiet tagħha, Eurojust tipproċessa informazzjoni personali b'mezzi awtomatiċi jew f'fajls manwali strutturali. Għalhekk għandhom jittieħdu l-passi neċessarji biex jiġi żgurat livell ta' protezzjoni ta' l-informazzjoni li jikkorrespondi mill-inqas ma' dak li jirriżulta mill-applikazzjoni tal-prinċipji tal-Konvenzjoni għall-Protezzjoni ta' l-Individwi rigward l-Ipproċessar Awtomatiku ta' Informazzjoni Personali (Kunsill ta' l-Ewropa) iffirmata fi Strasbourg fit-28 ta' Jannar 1981, flimkien ma' l-emendi sussegwenti tagħha, b'mod partikolari l-Protokoll miftuħ għall-firma fit-8 ta' Novembru 2001, meta dawn l-emendi jidħlu fis-seħħ bejn l-Istati Membri.

(10)

Għal kontribuzzjoni ta' garanzija u ta' kontroll biex l-informazzjoni personali tiġi proċessata sew mill-Eurojust, għandu jiġi stabbilit korp konġunt ta' sorveljanza li, minħabba l-kompożizzjoni tal-Eurojust, għandu jikkonsisti f'imħallfin jew, jekk is-sistema kostituzzjonali jew nazzjonali ta' Stat Membru teħtieġ hekk, f'persuni li jeżerċitaw funzjoni ekwivalent li tagħtihom indipendenza suffiċjenti. Il-poteri ta' dan il-korp konġunt ta' sorveljanza għandhom ikunu mingħajr preġudizzju għall-ġurisdizzjoni tal-qrati nazzjonali jew għall-arranġamenti għal xi appelli li jistgħu jinġiebu quddiemu.

(11)

Biex tiġi żgurata kordinazzjoni armonizzata ta' l-attivitajiet varji magħmula mill-Unjoni u mill-Komunità u wara li kkunsidrat l-Artikolu 29 u l-Artikolu 36(2) tat-Trattat, il-Kummissjoni għandha tkun kompletament involuta fix-xogħlijiet tal-Eurojust dwar mistoqsijiet ġenerali u mistoqsijiet li ġejjin mill-kompetenza tagħha. Ir-regoli u l-proċedura tal-Eurojust għandhom jagħtu dettalji dwar l-arranġament għall-Kummissjoni biex tipparteċipa fl-attivitajiet tal-Eurojust f'żoni fil-ġurisdizzjoni tagħha.

(12)	Għandhom jiġu stabbiliti disposizzjonijiet biex jiġi żgurat li l-Eurojust u l-Uffiċċju Ewropew tal-Pulizija (Europol) ( 6 ) jistabbilixxu u jżommu koperazzjoni fil-qrib.

(13)	Eurojust u n-Network Ġudizzjarja Ewropea stabbiliti bl-Azzjoni Konġunta 98/428/JHA ( 7 ) għandhom ikollhom rapport privileġġat. Għal dak il-għan, is-segretarjat tan-Network għandu jitpoġġa fis-segretarjat tal-Eurojust.

(14)	Biex jiġu faċilitati l-attivitajiet tal-Eurojust, l-Istati Membri għandhom jistabbilixxu jew jinnominaw wieħed jew aktar korrispondenti nazzjonali.

(15)	Sakemm hu neċessarju fit-twettiq tal-funzjonijiet tagħha, għandu jkun possibbli għall-Eurojust li tibda koperazzjoni ma' Stati mhux Membri u biex jiġu milħuqa ftehim għal dak il-għan, primarjament ma' pajjiżi kandidati għal adeżjoni fl-Unjoni u pajjiżi oħra li ntlaħaq ftehim magħhom.

(16)	Peress li l-adozzjoni ta' din id-Deċiżjoni tfisser li miżuri leġislattivi ġodda importanti għandhom ikunu approvati fl-Istati Membri, għandhom isiru disposizzjonijiet għal ċerti disposizzjonijiet transitorji.

(17)	Il-punt 57 tal-konklużjonijiet tal-Kunsill Ewropew ta' Laeken ta' l-14 u l-15 ta' Diċembru 2001 provda għall-Eurojust biex tkun tista' tibda operazzjonijiet fl-Aja, sakemm jintlaħaq ftehim ġenerali dwar is-sede ta' ċerti aġenziji.

(18)	Din id-Deċiżjoni tirrispetta d-drittijiet fundamentali u tosserva l-prinċipji rikonoxxuti mill-Artikolu 6(2) tat-Trattat u riflessa fil-Karta tad-Drittijiet Fundamentali ta' l-Unjoni Ewropea,

IDDEĊIEDA DAN LI ĠEJ:

Din id-Deċiżjoni tistabbilixxi unità, imsejħa bħala “Eurojust”, bħala korp ta' l-Unjoni.

1. L-Eurojust għandha jkollha membru nazzjonali wieħed sekondat minn kull Stat Membru konformement mas-sistema ġuridika tiegħu, li jkun prosekutur, imħallef jew uffiċjal tal-pulizija ta’ kompetenza ekwivalenti.

2. L-Istati Membri għandhom jiżguraw kontribut kontinwu u effikaċi għall-kisba mill-Eurojust tal-għanijiet tagħha taħt l-Artikolu 3. Sabiex jinkisbu dawk l-għanijiet:

3. Il-membru nazzjonali għandu jkollu pożizzjoni li tagħtih is-setgħat imsemmija f’din id-Deċiżjoni sabiex ikun jista’ jwettaq il-kompiti tiegħu.

4. Il-membri nazzjonali, id-deputati u l-assistenti għandhom ikunu suġġetti għal-liġijiet nazzjonali tal-Istati Membri tagħhom fir-rigward l-istatus tagħhom.

5. Id-deputat għandu jissodisfa l-kriterji previsti fil-paragrafu 1 u jkun kapaċi jaġixxi f’isem jew jissostitwixxi l-membru nazzjonali. Assistent jista’ jaġixxi wkoll f’isem jew jissostitwixxi l-membru nazzjonali jekk dan jissodisfa l-kriterji previsti fil-paragrafu 1.

6. L-Eurojust għandha tkun konnessa mas-sistema ta’ koordinazzjoni nazzjonali tal-Eurojust skond l-Arikolu 12.

7. L-Eurojust għandha jkollha l-possibbiltà li tassenja maġistrati ta’ kollegament fi Stati terzi konformement ma’ din id-Deċiżjoni.

8. L-Eurojust għandha, konformement ma’ din id-Deċiżjoni, ikollha Segretarjat immexxi minn Direttur Amministrattiv.

1. Fil-kuntest ta' investigazzjonijiet u prosekuzzjonijiet, li jikkonċernaw tnejn jew aktar Stati Membri, ta' imġieba kriminali msemmija fl-Artikolu 4 rigward kriminalità serja, partikolarment meta hi organizzata, l-għanijiet tal-Eurojust għandhom ikunu li:

2. Skond ir-regoli stabbiliti b'din id-Deċiżjoni u fuq talba ta' l-awtorità kompetenti ta' Stat Membru, l-Eurojust tista' tassisti wkoll f'investigazzjonijiet u prosekuzzjonijiet dwar dak l-Istat Membru biss u Stat mhux Membru fejn ftehim li jistabbilixxi koperazzjoni skond ►M2 fl-Artikolu 3(2) ◄ ġie konkluż ma' l-istess Stat jew fejn f'każ speċifiku jkun hemm interess essenzali li tiġi provduta din l-assistenza.

3. Skond ir-regoli stabbiliti b'din id-Deċiżjoni u fuq talba jew ta' l-awtorità kompetenti ta' Stat Membru jew tal-Kummissjoni, l-Eurojust tista' tassisti wkoll f'investigazzjonijiet u prosekuzzjonijiet dwar dak l-Istati Membri biss u l-Komunità.

2. Għal forom ta' reati għajr dawk imsemmija fil-paragrafu 1, l-Eurojust tista' wkoll, skond l-għanijiet tagħha, tassisti f'investigazzjonijiet u prosekuzzjonijiet fuq talba ta' l-awtorità kompetenti ta' Stat Membru.

1. Biex l-Eurojust tilħaq l-għanijiet tagħha, l-Eurojust għandha twettaq il-funzjonijiet tagħha:

2. Meta twettaq il-funzjonijiet tagħha, l-Eurojust għandha tindika jekk hiex taġixxi permezz ta' wieħed jew aktar membri nazzjonali fis-sens ta' l-Artikolu 6 jew bħala Kulleġġ fis-sens ta' l-Artikolu 7.

1. Sabiex twettaq il-kompiti tagħha f’każijiet urġenti, l-Eurojust għandha tistabbilixxi Sistema Permanenti ta’ Koordinazzjoni (On-call Coordination, OCC) kapaċi li tirċievi u tipproċessa f’kull ħin talbiet indirizzati lilha. L-OCC għandha tkun kuntattabbli, permezz ta’ punt ta’ kuntatt OCC uniku fl-Eurojust, fuq bażi ta’ 24 siegħa għal sebat ijiem fil-ġimgħa.

2. L-OCC għandha sserraħ fuq rappreżentant wieħed (rappreżentant OCC) għal kull Stat Membru, li jista’ jkun jew il-membru nazzjonali, id-deputat tiegħu, jew assistent intitolat li jissostitwixxi l-membru nazzjonali. Ir-rappreżentant OCC għandu jkun jista’ jaġixxi fuq bażi ta’ 24 siegħa għal sebat ijiem fil-ġimgħa.

3. Meta f’każijiet urġenti, talba għal, jew deċiżjoni dwar, koperazzjoni ġudizzjarja, inkluż rigward l-istrumenti li jagħtu effett lill-prinċipju ta’ rikonoxximent reċiproku, jeħtieġ li titwettaq fi Stat Membru wieħed jew aktar, l-awtorità kompetenti rikjedenti jew emittenti tista’ tgħaddiha lill-OCC. Il-punt ta’ kuntatt OCC għandu jgħaddiha immedjatament lir-rappreżentant OCC tal-Istat Membru minn fejn tkun oriġinat it-talba u, jekk espliċitament mitlub mill-awtortià trasmittenti jew emittenti, lir-rappreżentanti OCC tal-Istati Membri li fuq it-territorju tagħhom tiġi eżegwita t-talba. Ir-rappreżentanti OCC għandhom jaġixxu mingħajr dewmien, b’rabta mal-eżekuzzjoni tat-talba fl-Istat Membru tagħhom, permezz tal-eżerċizzju tal-kompiti jew is-setgħat disponibbli għalihom, kif imsemmija fl-Artikolu 6 u l-Artikoli 9a sa 9f.

►M2 1. ◄ Meta l-Eurojust taġixxi permezz tal-membri nazzjonali kkonċernati tagħha, hi:

2. L-Istati Membri għandhom jiżguraw li l-awtoritajiet nazzjonali kompetenti jirreaġixxu mingħajr dewmien inġustifikabbli għal talbiet magħmulin taħt dan l-Artikolu.

2. Fejn żewġ membri nazzjonali jew aktar ma jistgħux jaqblu dwar kif isolvu każ ta’ konflitt ta’ ġurisdizzjoni fir-rigward it-teħid ta’ investigazzjonijiet jew prosekuzzjonijiet taħt l-Artikolu 6 u b’mod partikolari l-Artikolu 6(1)(c), il-Kulleġġ għandu jintalab jagħti opinjoni mhux vinkolanti bil-miktub dwar il-każ, dment li l-każ ma kienx jista’ jiġi solvut permezz ta’ qbil reċiproku bejn l-awtoritajiet nazzjonali kompetenti konċernati. L-opinjoni tal-Kulleġġ għandha tintbagħat minnufih lill-Istati Membri konċernati. Dan il-paragrafu huwa mingħajr preġudizzju għall-paragrafu 1(a)(ii).

3. Minkejja d-dispożizzjonijiet li jinsabu fi kwalunkwe strument adottat mill-Unjoni Ewropea rigward il-koperazzjon ġudizzjarja, awtorità kompetenti tista’ tirrapporta lill-Eurojust ċaħdiet rikorrenti jew diffikultajiet li jikkonċernaw l-eżekuzzjoni ta’ talbiet għal, u deċiżjonijiet dwar, koperazzjoni ġudizzjarja inkluż dwar strumenti li jagħtu effett lill-prinċipju ta’ rikonoxximent reċiproku, u titlob lill-Kulleġġ sabiex joħroġ opinjoni mhux vinkolanti bil-miktub dwar il-kwistjoni, dment li din ma tkunx tista’ tiġi solvuta permezz ta’ qbil reċiproku bejn l-awtoritajiet nazzjonali kompetenti jew permezz tal-involviment tal-membri nazzjonali konċernati. L-opinjoni tal-Kulleġġ għandha tintbagħat minnufih lill-Istati Membri konċernati. L-opinjoni tal-Kulleġġ għandha tintbagħat minnufih lill-Istati Membri konċernati.

Jekk l-awtoritajiet kompetenti tal-Istati Membri konċernati jiddeċiedu li ma jikkonformawx ma’ talba msemmija fl-Artikolu 6(1)(a) jew fl-Artikolu 7(1)(a), jew jiddeċiedu li ma jsegwux opinjoni bil-miktub imsemmija fl-Artikolu 7(2) u (3), huma għandhom jinformaw lill-Eurjust mingħajr wisq dewmien dwar id-deċiżjoni tagħhom u r-raġunijiet għaliha. Fejn ma jkunx possibbli li jingħataw raġunijiet għaċ-ċaħda tal-konformità ma’ talba minħabba li jekk isir hekk dan ikun ta’ ħsara għall-interessi tas-sigurtà nazzjonali essenzjali jew jipperikola s-sikurezza ta’ xi individwi, l-awtoritajiet kompetenti tal-Istati Membri jistgħu jiċċitaw raġunijiet operattivi.

1. It-tul tal-mandat ta’ membru nazzjonali għandu jkun ta’ mill-anqas erba’ snin. L-Istati Membri ta’ oriġini jistgħu jġeddu l-mandat. Il-membru nazzjonali m’għandhux jitneħħa qabel l-aħħar ta’ mandat mingħajr ma’ l-Kunsill ikun informat minn qabel bit-tneħħija u bir-raġuni għal dan. Fejn membru nazzjonali jkun President jew Viċi-President tal-Eurojust, il-mandat tiegħu għandu tal-anqas ikun tali li hu jkun jista’ jwettaq il-funzjoni tiegħu bħala President jew Viċi-President għall-mandat elett kollu.

2. L-informazzjoni kollha skambjata bejn l-Eurojust u l-Istati Membri għandha tiġi trasmessa permezz tal-membru nazzjonali.

3. Sabiex jintlaħqu l-għanijiet tal-Eurojust, il-membru nazzjonali għandu jkollu tal-inqas aċċess ekwivalenti għal jew tal-inqas ikun jista’ jikseb id-data fit-tipi ta’ reġistri li ġejjin tal-Istat Membru tiegħu kif tkun disponibbli lilu fir-rwol tiegħu bħala prosekutur, imħallef jew uffiċjal tal-pulizija, abbażi ta’ liema jkun applikabbli, fuq livell nazzjonali:

4. Membru nazzjonali jista’ jagħmel kuntatt mal-awtoritajiet kompetenti tal-Istat Membru tiegħu direttament.

1. Fejn il-membru nazzjonali jeżerċita s-setgħat imsemmija fl-Artikoli 9b, 9c u 9d, huwa jagħmel dan fil-kapaċità tiegħu bħala awtorità nazzjonali kompetenti u jaġixxi taħt il-liġi nazzjonali u suġġett għall-kondizzjonijiet stabbiliti f’dan l-Artikolu u fl-Artikoli 9a sa 9e. Fit-twettiq tal-kompiti tiegħu, il-membru nazzjonali għandu, fejn xieraq, jgħarraf jekk huwa jkun qiegħed jaġixxi konformement mas-setgħat mogħtija lill-membru nazzjonali taħt dan l-Artikolu u l-Artikoli 9b, 9c u 9d.

2. Kull Stat Membru għandu jiddefinixxi n-natura u l-estent tas-setgħat li huwa jagħti lill-membru nazzjonali tiegħu fir-rigward ta’ koperazzjoni ġudizzjarja rigward dak l-Istat Membru. Madankollu, kull Stat Membru għandu jikkonferixxi lill-membru nazzjonali tiegħu mill-anqas is-setgħat deskritti fl-Artikolu 9b u, suġġett għall-Artikolu 9e, is-setgħat deskritti fl-Artikoli 9c u 9d, li jkunu disponsibbli għalih bħala mħallef, prosekutur jew uffiċjal tal-pulizija, abbażi ta’ liema jkun applikabbli, fil-livell nazzjonali.

3. Meta jaħtar lill-membru nazzjonali tiegħu u fi kwalunkwe ħin ieħor jekk ikun meħtieġ, l-Istat Membru għandu jinnotifika lill-Eurojust u lis-Segretarjat Ġenerali tal-Kunsill bid-deċiżjoni tiegħu rigward l-implimentazzjoni tal-paragrafu 2 sabiex dan tal-aħħar ikun jista’ jinforma lill-Istati Membri l-oħrajn. L-Istati Membri għandhom jintrabtu li jaċċettaw u li jirrikonoxxu l-prerogattivi mogħtija sa fejn ikunu konformi ma’ l-impenli internazzjonali.

4. Kull Stat Membru għandu jiddefinixxi d-dritt għal membru nazzjonali li jaġixxi fir-rigward tal-awtoritajiet ġudizzjarji barranin, konformement ma’ l-impenji internazzjonali tiegħu.

1. Il-membri nazzjonali, fil-kapaċità tagħhom bħala awtoritajiet nazzjonali kompetenti, għandhom ikunu intitolati li jirċievu, jittrasmettu, jiffaċilitaw, jagħmlu segwitu u jipprovdu data supplimentari relatata mal-eżekuzzjoni ta’ talbiet għal, u deċiżjonijiet dwar, koperazzjoni ġudizzjarja, inkluż rigward strumenti li jagħtu effett lill-prinċipju ta’ rikonoxximent reċiproku. Fejn ikunu eżerċitati s-setgħat imsemmija f’dan il-paragrafu, l-awtorità kompetenti għandha tkun infurmata minnufih.

2. Fil-każ ta’ eżekuzzjoni parzjali jew inadegwata ta’ talba għal koperazzjoni ġudizzjarja, il-membri nazzjonali, fil-kapaċità tagħhom bħala awtoritajiet nazzjonali kompetenti, għandhom ikunu intitolati li jitolbu lill-awtorità nazzjonali kompetenti tal-Istat Membru tagħhom għal miżuri supplimentari sabiex it-talba tiġi eżegwita kompletament.

1. Il-membri nazzjonali jistgħu, fil-kapaċità tagħhom bħala awtoritajiet nazzjonali kompetenti, bi qbil ma’ awtorità nazzjonali kompetenti, jew fuq talba tagħha u abbażi ta’ każ b’każ, jeżerċitaw is-setgħat li ġejjin:

2. Is-setgħat imsemmija f’dan l-Artikolu għandhom, fil-prinċipju, ikunu eżerċitati minn awtorità nazzjonali kompetenti.

Fil-kapaċità tagħhom bħala awtoritajiet nazzjonali kompetenti, il-membri nazzjonali għandhom, f’każijiet urġenti u sa fejn ma jkunx possibbli għalihom li jidentifikaw jew li jikkuntattjaw l-awtorità nazzjonali kompetenti tempestivament, ikunu intitolati:

Hekk kif l-awtorità nazzjonali kompetenti tkun identifikata jew ikkuntattjata, hija għandha tkun infurmata bl-eżerċizzju tas-setgħat imsemmija f’dan l-Artikolu.

1. Il-membru nazzjonali, fil-kapaċità tiegħu bħala awtorità nazzjonali kompetenti, għandu tal-anqas ikun kompetenti biex jissottometti proposta lill-awtorità kompetenti għat-twettiq tas-setgħat imsemmija fl-Artikoli 9c u 9d meta l-konferiment ta’ tali setgħat lill-membru nazzjonali imur kontra:

2. L-Istati Membri għandhom jiżguraw li, fil-każijiet imsemmija fil-paragrafu 1, it-talba emessa mill-membru nazzjonali tkun trattata mingħajr dewmien inutli mill-awtorità kompetenti nazzjonali.

Il-membri nazzjonali għandhom ikunu intitolati li jipparteċipaw fi skwadri investigattivi konġunti, inkluż fl-istabbiliment tagħhom, taħt l-Artikolu 13 tal-Konvenzjoni dwar Assistenza Reċiproka f’Materji Kriminali bejn l-Istati Membri tal-Unjoni Ewropea jew id-Deċiżjoni Qafas tal-Kunsill 2002/465/ĠAI tat-13 ta’ Ġunju 2002 dwar skwadri investigattivi konġunti ( 9 ) li tikkonċerna l-Istat Membru tagħhom stess. Madankollu, l-Istati Membri jistgħu jagħmlu l-parteċipazzjoni tal-membru nazzjonali suġġetta għall-qbil tal-awtorità nazzjonali kompetenti. Il-membri nazzjonali, id-deputati tagħhom jew l-assistenti tagħhom, għandhom ikunu mistiedna jipparteċipaw fi kwalunkwe skwadra investigattiva konġunta li tinvolvi l-Istat Membru tagħhom u li għaliha jingħata finanzjament Komunitarju skont l-istrumenti finanzjarji applikabbli. Kull Stat Membru għandu jiddefinixxi jekk il-membru nazzjonali jipparteċipax fl-iskwadra investigattiva konġunta bħala awtorità nazzjonali kompetenti jew f’isem l-Eurojust.

1. Il-Kulleġġ għandu jikkonsisti fil-membri nazzjonali kollha. Kull membru nazzjonali għandu jkollu vot wieħed.

2. ►M2 Il-Kunsill għandu, b’maġġoranza kwalifikata, japprova r-Regoli ta’ Proċedura tal-Eurojust fuq proposta mill-Kulleġġ. Il-Kulleġġ għandu jadotta l-proposta tiegħu b’maġġoranza ta’ żewġ terzi wara konsultazzjoni mal-Bord Konġunt ta’ Sorveljanza previst fl-Artikolu 23 fir-rigward tad-dispożizzjonijiet dwar l-ipproċessar ta’ data personali. ◄ Id-disposizzjonijiet tar-regoli ta' proċedura li jikkonċernaw l-ipproċessar ta' informazzjoni personali jistgħu jkunu bla ħsara għal approvazzjoni separata mill-Kunsill.

3. ►M2 Meta jaġixxi taħt l-Artikolu 7(1)(a), (2) u (3) ◄ , il-Kulleġġ għandu jieħu d-deċiżjonijiet tiegħu fuq maġġoranza ta' żewġ terzi. Deċiżjonijiet oħra tal-Kulleġġ għandhom jittieħdu skond ir-regoli tal-proċedura.

1. Il-Kummissjoni għandha tkun assoċjata għalkollox ma' l-operat ta' l-Eurojust, skond l-Artikolu 36(2) tat-Trattat. Għandha tipparteċipa f'dak ix-xogħol li hu fil-qasam tal-kompetenza tagħha.

2. Rigward xogħol magħmul mill-Eurojust dwar il-kordinazzjoni ta' investigazzjonijiet u prosekuzzjonijiet, il-Kummissjoni tista' tkun mistiedna biex tipprovdi l-kompetenza tagħha.

3. Bil-għan li tkabbar il-koperazzjoni bejn Eurojust u l-Kummissjoni, l-Eurojust tista' taqbel fuq arranġamenti prattiċi neċessarji fil-Kummissjoni.

1. Kull Stat Membru għandu jaħtar korrispondent nazzjonali wieħed jew aktar għall-Eurojust.

2. Kull Stat Membru għandu, qabel l-4 ta’ Ġunju 2011 jistabbilixxi sistema ta’ koordinazzjoni nazzjonali tal-Eurojust biex tkun żgurata l-koordinazzjoni tal-ħidma mwettqa minn:

3. Il-persuni msemmijin fil-paragrafi 1 u 2 għandhom iżommu l-pożizzjoni u l-istatus tagħhom skond il-liġi nazzjonali.

4. Il-korrispondenti nazzjonali għall-Eurojust għandhom ikunu responsabbli għall-funzjonament tas-sistema ta’ koordinazzjoni nazzjonali tal-Eurojust. Meta jinħatru diversi korrispondenti għall-Eurojust, wieħed minnhom għandu jkun responsabbli għall-funzjonament tas-sistema ta’ koordinazzjoni nazzjonali tal-Eurojust.

5. Is-sistema ta’ koordinazzjoni nazzjonali tal-Eurojust għandha tiffaċilita, fl-Istat Membru, it-twettiq tal-kompiti tal-Eurojust, partikolarment billi:

6. Sabiex jiksbu l-għanijiet imsemmija fil-paragrafu 5, il-persuni msemmija fil-paragrafu 1 u fil-paragrafu 2(a), (b) u (c) għandhom, u l-persuni msemmija fil-paragrafu 2(d) jistgħu, ikunu konnessi mas-Sistema ta’ Ġestjoni ta’ Każijiet konformement ma’ dan l-Artikolu u mal-Artikoli 16, 16a, 16b u 18 kif ukoll mar-Regoli ta’ Proċedura tal-Eurojust. Il-konnessjoni mas-Sistema ta’ Ġesjoni tal-Każijiet għandha titħallas mill-baġit ġenerali tal-Unjoni Ewropea.

7. Xejn f’dan l-Artikolu m’għandu jinftiehem li jinċidi fuq il-kuntatti diretti bejn l-awtoritajiet ġudizzjarji kompetenti kif previst fi strumenti dwar il-koperazzjoni ġudizzjarja, bħall-Artikolu 6 tal-Konvenzjoni dwar Assistenza Reċiproka f’Affarijiet Kriminali bejn l-Istati Membri tal-Unjoni Ewropea. Ir-relazzjonijiet bejn il-membru nazzjonali u l-korrispondenti nazzjonali m’għandhomx jipprekludu kuntatti diretti bejn il-membru nazzjonali u l-awtoritajiet kompetenti tiegħu.

1. L-awtoritajiet kompetenti tal-Istati Membri għandhom jiskambjaw mal-Eurojust kull data meħtieġa għat-twettiq tal-kompiti tagħha konformement mal-Artikoli 4 u 5 kif ukoll konformement mar-regoli dwar il-protezzjoni tad-data stabbiliti f’din id-Deċiżjoni. Din għandha tinkludi mill-inqas id-data msemmija fil-Paragrafi 5, 6 u 7.

2. It-trasmissjoni tad-data lill-Eurojust għandha tkun interpretata bħala talba għal assistenza tal-Eurojust fil-każ konċernat biss jekk ikun speċifikat hekk mill-awtorità kompetenti.

3. Il-membri nazzjonali tal-Eurojust għandhom ikunu awtorizzati li jiskambjaw kull data meħtieġa għat-twettiq tal-kompiti tal-Eurojust, mingħajr awtorizzazzjoni minn qabel, fosthom jew mal-awtoritajiet kompetenti tal-Istati Membri tagħhom. B’mod partikolari l-membri nazzjonali għandhom ikunu infurmati minnufih b’każ li jikkonċernahom.

4. Dan l-Artikolu għandu jkun mingħajr preġudizzju għal obbligi oħrajn rigward it-trasmissjoni ta’ data lill-Eurojust, inkluża d-Deċiżjoni tal-Kunsill 2005/671/ĠAI tal-20 ta’ Settembru 2005 dwar l-iskambju ta’ data u l-koperazzjoni fir-rigward ta’ reati terroristiċi ( 13 ).

5. L-Istati Membri għandhom jiżguraw li l-membri nazzjonali jkunu informati dwar l-istabbiliment ta’ skwadra investigattiva konġunta, kemm jekk stabbilita taħt l-Artikolu 13 tal-Konvenzjoni dwar Assistenza Reċiproka f’Materji Kriminali bejn l-Istati Membri tal-Unjoni Ewropea kif ukoll jekk taħt id-Deċiżjoni Qafas 2002/465/ĠAI, u dwar ir-riżultati tal-ħidma ta’ dawn l-iskwadri.

6. L-Istati Membri għandhom jiżguraw li l-membru nazzjonali tagħhom ikun infurmat mingħajr dewmien inutli b’kull każ li fih ikunu involuti direttament mill-anqas tliet Stati Membri u li t-talbiet għalih jew id-deċiżjonijiet dwar il-koperazzjoni ġudizzjarja inkluż rigward strumenti li jagħtu effett lill-prinċipju ta’ rikonoxximent reċiproku jkunu ntbagħtu lil mill-anqas żewġ Stati Membri u

7. L-Istati Membri għandhom jiżguraw li l-membru nazzjonali tagħhom jkun informat ukoll dwar:

8. L-awtoritajiet nazzjonali m’għandhomx ikunu obbligati f’każ partikolari li jagħtu xi data jekk dan ikun ifisser:

9. Dan l-Artikolu għandu jkun mingħajr preġudizzju għall-kondizzjonijiet stabbiliti f’kull ftehim jew arranġament bilaterali jew multilaterali bejn l-Istati Membri u Stati terzi inkużi kwalunkwe kondizzjonijiet stabbiliti minn Stati terzi dwar l-użu ta’ data ladarba tkun ingħatat.

10. Id-data mibgħuta mill-Eurojust taħt il-paragrafi 4, 5 u 8 għandha mill-anqas tinkludi, fejn disponibbli, it-tipi ta’ data li tinsab fil-lista prevista fl-Anness għal din id-Deċiżjoni.

11. L-informazzjoni msemmija f’dan l-Artikolu għandha tinbagħat lill-Eurojust f’mod strutturat.

12. Sal-4 ta’ Ġunju 2014 (13) , il-Kummissjoni għandha tistabbilixxi, abbażi tad-data mibgħuta mill-Eurojust, rapport dwar l-implimentazzjoni ta’ dan l-Artikolu, akkumpanjat minn kwalunkwe proposta li hija tqis adegwata, inkluż bil-ħsieb li tiġi kkunsidrata emenda għall-paragrafi 5, 6 u 7 u l-Anness.

1. L-Eurojust għandha tipprovdi lill-awtoritajiet nazzjonali kompetenti b’informazzjoni u reazzjoni dwar ir-riżultati tal-ipproċċessar tal-informazzjoni, inkluża l-eżistenza ta’ kollegamenti ma’ każijiet diġà maħżunin fis-Sistema ta’ Ġestjoni ta’ Każijiet.

2. Barra minn hekk, fejn awtorità nazzjonali kompetenti titlob lill-Eurojust biex tipprovdiha b’informazzjoni, l-Eurojust għandha tibgħatha fiż-żmien mitlub minn dik l-awtorità.

1. Sakemm hu neċessarji li tikseb l-għanijiet tagħha, l-Eurojust tista', fil-qafas tal-kompetenza tagħha u biex taqdi l-funzjonijiet tagħha, tipproċessa informazzjoni personali, b'mezzi awtomatiċi jew f'fajls manwali strutturati.

2. Eurojust għandha tieħu l-miżuri neċessarji biex tiggarantixxi livell ta' protezzjoni għal informazzjoni personali minn ta' l-inqas ekwivalenti għal dak li jirriżulta mill-applikazzjoni tal-prinċipji tal-Konvenzjoni tal-Kunsill ta' l-Ewropa tat-28 ta' Jannar 1981 u emendi sussegwenti tagħha meta huma fis-seħħ fl-Istati Membri.

3. Informazzjoni personali proċessata mill-Eurojust għandha tkun adegwata, rilevanti u mhux eċċessiva rigward l-iskop ta' l-ipproċessar, u waqt li tiġi kkunsidrata l-informazzjoni provduta mill-awtoritajiet kompetenti ta' l-Istati Membri jew soċji oħra ►M2 taħt l-Artikoli 13, 26 u 26a ◄ , eżatta u aġġornata. Informazzjoni personali proċessata mill-Eurojust għandha tiġi proċessata b'mod onest u legali.

1. Meta tkun qed tiġi proċessata informazzjoni skond l-Artikolu 14(1), Eurojust tista' tipproċessa biss l-informazzjoni personali li ġejja fuq persuni li, skond il-leġislazzjoni nazzjonali ta' l-Istati Membri konċernati, ►M2 huma suspettati li wettqu jew ħadu sehem f’reat kriminali li fir-rigward tiegħu l-Eurojust hija kompetenti jew li ġew ikkundannati b’tali reat. ◄ :

2. Meta tkun qed tiġi proċessata informazzjoni skond l-Artikolu 14(1), Eurojust tista' tipproċessa biss l-informazzjoni personali li ġejja fuq persuni li, taħt il-leġislazzjoni nazzjonali ta' l-Istati Membri konċernati, huma meqjusa bħala xhieda jew vittmi f'investigazzjoni kriminali jew prosekuzzjoni li tikkonċerna waħda jew iktar mill-forom ta' reati u l-offiżi mfissra fl-Artikolu 4:

3. Madankollu, f'każijiet eċċezzjonali, Eurojust tista' wkoll, għal perijodu limitat ta' żmien, tipproċessa informazzjoni personali dwar iċ-ċirkostanzi ta' offiża meta jkunu immedjatament rilevanti għal u inklużi fl-investigazzjonijiet kontinwi li l-Eurojust qed tgħin fil-kordinazzjoni, sakemm l-ipproċessar ta' din l-informazzjoni speċifika hi skond l-Artikoli 14 u 21.

L-Uffiċjal dwar Protezzjoni ta' Informazzjoni msemmi fl-Artikolu 17 għandu jkun informat immedjatament dwar rikors għal dan il-paragrafu.

Meta informazzjoni bħal din tirreferi għal xhieda jew vittmi fis-sens tal-paragrafu 2, id-deċiżjoni biex tiġi pproċessata għandha tittieħed b'mod konġunt minn ta' l-inqas żewġ membri nazzjonali.

4. Informazzjoni personali, proċessata b'mezzi awtomatiċi jew b'mezzi oħra, li għandha oriġini razzista jew etnika, li turi opinjoni politika, twemmin reliġjuz jew filosofiku, sħubija f'sindakat, u informazzjoni relattata ma' saħħa u ħajja sesswali tista' tiġi proċessata mill-Eurojust biss meta din l-informazzjoni hi neċessarja għal investigazzjonijiet nazzjonali konċernati kif ukoll għal kordinazzjoni fil-Eurojust.

L-Uffiċjal dwar Protezzjoni ta' Informazzjoni għandu jkun informat immedjatament dwar rikors għal dan il-paragrafu.

Din l-informazzjoni ma tistax tiġi proċessata fl-indiċi msemmi fl-Artikolu 16(1).

Meta din l-informazzjoni tirreferi għal xhieda jew vittmi fis-sens tal-paragrafu 2, id-deċiżjoni li tipproċessaha għandha tittieħed mill-Kulleġġ.

Sistema ta’ Ġestjoni ta’ Każijiet, indiċi u fajls ta’ ħidma temporanji

1. Konformement ma’ din id-Deċiżjoni, l-Eurojust għandha tistabbilixxi Sistema ta’ Ġestjoni ta’ Każijiet magħmula minn fajls ta’ ħidma temporanji u ta’ indiċi li fih data personali u mhux personali.

3. Is-Sistema ta’ Ġestjoni ta’ Każijiet, sa fejn din tkun konformi mar-regoli dwar il-protezzjoni tad-data li tinsab f’din id-Deċiżjoni, tista’ tiġi konnessa mal-konnessjoni ta’ telekomunikazzjonijiet siguri msemmija fl-Artikolu 9 tad-Deċiżjoni tal-Kunsill 2008/976/ĠAI tas-16 ta’ Diċembru 2008 dwar in-Network Ġudizzjarju Ewropew ( 15 ).

4. L-indiċi għandu jkun fih referenzi għal fajls ta’ ħidma temporanji pproċessati fil-qafas tal-Eurojust u ma jista’ jkun fih l-ebda data personali minbarra dik imsemmija fl-Artikolu 15(1)(a) sa (i), (k) u (m) u fl-Artikolu 15(2).

5. Fil-qadi ta’ dmirijiethom konformement ma’ din id-Deċiżjoni, il-membri nazzjonali tal-Eurojust jistgħu jipproċessaw informazzjoni dwar każijiet individwali li qed jaħdmu fuqhom f’fajl temporanju ta’ xogħol. Huma għandhom jippermettu lill-Uffiċjal għall-Protezzjoni tad-Data jkollu aċċess għall-fajl ta’ ħidma. L-Uffiċjal għall-Protezzjoni tad-Data għandu jkun mgħarraf mill-membru nazzjonali konċernat bil-ftuħ ta’ kull fajl ta’ ħidma temporanju ġdid li jkun fih data personali.

6. Għall-ipproċessar ta’ data personali relatata ma’ każ, l-Eurojust ma tista’ tistabbilixxi l-ebda fajl ta’ data awtomatizzat ħlief is-Sistema ta’ Ġestjoni ta’ Każijiet.

1. Għandu jinfetaħ fajl ta’ ħidma temporanju mill-membru nazzjonali konċernat għal kull każ li fir-rigward tiegħu tintbagħatlu informazzjoni sa fejn din it-trasmissjoni tkun konformi ma’ din id-Deċiżjoni jew mal-istrumenti msemmijin fl-Artikolu 13(3). Il-membru nazzjonali għandu jkun responsabbli mill-ġestjoni tal-fajls ta’ ħidma temporanji li jkun fetaħ.

2. Il-membru nazzjonali li jkun fetaħ fajl ta’ ħidma temporanju għandu jiddeċiedi, fuq bażi ta’ każ b’każ, jekk iżommx il-fajl ta’ ħidma temporanju ristrett jew jagħtix aċċess għalih jew għal partijiet minnu, fejn meħtieġ biex jippermetti lill-Eurojust twettaq il-kompiti tagħha, lil membri nazzjonali oħra jew lil membri tal-persunal awtorizzat tal-Eurojust.

3. Il-membru nazzjonali li jkun fetaħ fajl ta’ ħidma temporanju għandu jiddeċiedi wkoll liema informazzjoni relatata ma’ dan il-fajl ta’ ħidma temporanju għandha tiġi introdotta fl-indiċi.

1. Persuni msemmija fl-Artikolu 12(2) sakemm huma konnessi mas-Sistema ta’ Ġestjoni ta’ Każijiet taħt l-Artikolu 12(6) jista’ jkollhom biss aċċess għal:

2. Il-membru nazzjonali għandu, fil-limitazzjonijiet previsti fil-paragrafu 1, jiddeċiedi dwar kemm jingħata aċċess għall-fajls ta’ ħidma temporanji fl-Istat Membru tiegħu lill-persuni msemmija fl-Artikolu 12(2) safejn dawn huma konnessi mas-Sistema ta’ Ġestjoni ta’ Każijiet taħt l-Artikolu 12(6).

3. Kull Stat Membru għandu jiddeċiedi, wara konsultazzjoni mal-membru nazzjonali tiegħu, dwar kemm jingħata aċċess għall-Indiċi fl-Istat Membru tiegħu lill-persuni msemmija fl-Artikolu 12(2) safejn dawn huma konnessi mas-Sistema ta’ Ġestjoni ta’ Każijiet taħt l-Artikolu 12(6). L-Istati Membri għandhom jinnotifikaw lill-Eurojust u lis-Segretarjat Ġenerali tal-Kunsill bid-deċiżjoni tagħhom dwar l-implimentazzjoni ta’ dan il-paragrafu sabiex dan tal-aħħar ikun jista’ jgħarraf lill-Istati Membri l-oħra.

Madankollu, il-persuni msemmija fl-Artikolu 12(2) safejn huma konnessi mas-Sistema ta’ Ġestjoni ta’ Każijiet taħt l-Artikolu 12(6) għandhom tal-inqas ikollhom aċċess għall-Indiċi sa fejn ikun meħtieġ biex jaċċessaw il-fajls ta’ ħidma temporanji li jkun ngħataw aċċess għalihom taħt il-paragrafu 2 ta’ dan l-Artikolu.

4. Sal-4 ta’ Ġunju 2013, l-Eurojust għandha tirrapporta lill-Kunsill u lill-Kummissjoni dwar l-implimentazzjoni tal-paragrafu 3. Kull Stat Membru għandu jikkunsidra, abbażi ta’ dak ir-rapport, l-opportunità tar-reviżjoni ta’ kemm ikun ingħata aċċess taħt il-paragrafu 3.

1. Eurojust għandha taħtar Uffiċjal dwar il-Protezzjoni ta' l-Informazzjoni, li għandu jkun membru tal-persunal. F'dak il-qafas, hu għandu jkun taħt l-awtorità diretta tal-Kulleġġ. Fil-qadi tal-funzjonijiet imsemmija f'dan l-Artikolu, hu ►M2 għandu jaġixxi b’mod indipendenti ◄ .

2. L-Uffiċjal dwar il-Protezzjoni ta' l-Informazzjoni għandu jkollu b'mod partikolari l-funzjonijiet li ġejjin:

3. Fil-qadi tal-funzjonijiet tiegħu, ►M2 Uffiċjali tal-Protezzjoni tad-Data ◄ għandu jkollu aċċess għall-informazzjoni kollha proċessata mill-Eurojust u għall-bini kollu ta' l-Eurojust.

4. Meta jsib li skond hu l-ipproċessar ma konformax ma' din id-Deċiżjoni, ►M2 Uffiċjali tal-Protezzjoni tad-Data ◄ għandu:

Huma biss il-membri nazzjonali, id-deputati tagħhom u l-assistenti tagħhom imsemmija fl-Artikolu 2(1a), persuni msemmija fl-Artikolu 12(2) safejn huma konnessi mas-Sistema ta’ Ġestjoni ta’ Każijiet taħt l-Artikolu 12(6) u persunal awtorizzat tal-Eurojust li jistgħu, għall-finijiet li jinkisbu l-għanijiet tal-Eurojust u fil-limiti previsti fl-Artikoli 16, 16a u 16b, ikollhom aċċess għad-data personali pproċessata mill-Eurojust.

1. Kull individwu għandu jkun intitolat li jkollu aċċess għal informazzjoni personali dwaru pproċessata mill-Eurojust taħt il-kondizzjonijiet stabbiliti f'dan l-Artikolu.

2. Kull individwu li jixtieq li jeserċita d-dritt tiegħu li jkollu aċċess għal informazzjoni dwaru li hi miżmuma mill-Eurojust, jew li jiċċekkjaha skond l-Artikolu 20, jista' jagħmel dan gratwitament billi jippreżenta talba fl-Istat Membru ta' l-għażla tiegħu, lill-awtorità maħtura għal dak il-għan fl-Istat Membru, u dik l-awtorità għandha tirreferi t-talba lill-Eurojust mingħajr dewmien.

3. Id-dritt ta' kull individwu li jkollu aċċess għal informazzjoni personali dwaru jew li jiċċekkjaha għandu jiġu eżerċitat skond il-liġijiet u l-proċeduri ta' l-Istat Membru fejn l-individwu għamel it-talba tiegħu. Jekk, madankollu, Eurojust tista' taċċerta liema awtorità fi Stat ikkomunikat l-informazzjoni in kwistjoni, dik l-awtorità tista' teħtieġ li d-dritt ta' aċċess jiġi eserċitat skond ir-regoli tal-liġi ta' dak l-Istat Membru.

5. Id-deċiżjoni li jiġi awtorizzat dan id-dritt ta' aċċess għandha tikkunsidra l-kwalità tal-persuni li qed jippreżentaw it-talba, rigward l-informazzjoni maħżuna mill-Eurojust.

6. Il-membri nazzjonali interessati mit-talba għandhom jitrattawha u jilħqu deċiżjoni f'isem l-Eurojust. It-talba għandha tiġi trattata kompletament fi żmien tliet xhur minn meta tiġi rċevuta. Meta l-membri ma jaqblux, għandhom jirreferu l-kwistjoni lill-Kulleġġ, li għandu jieħu d-deċiżjoni tiegħu fuq talba ta' maġġoranza ta' żewġ terzi.

7. Jekk ma jingħatax aċċess jew informazzjoni personali li tinteressa lill-applikant li m'hix proċessata mill-Eurojust, din ta' l-aħħar għandha tgħarraf lill-applikant li l-kontrolli saru, mingħajr ma tingħata informazzjoni li tista' turi jekk l-applikant hux magħruf jew le.

8. Jekk l-applikant mhux sodisfatt bir-risposta mogħtija għat-talba tiegħu, hu jista' jappella dik id-deċiżjoni quddiem il-korp konġunt ta' sorveljanza. Il-korp konġunt ta' sorveljanza għandu jeżamina jekk id-deċiżjoni meħuda mill-Eurojust hiex konformi jew le ma' din id-Deċiżjoni.

9. L-awtoritajiet kompetenti dwar l-infurzar tal-liġi ta' l-Istati Membri għandhom jiġu konsultati mill-Eurojust qabel tittieħed deċiżjoni. Huma għandhom sussegwentament jiġu mgħarrfa bil-kontenut permezz tal-membri nazzjonali konċernati.

1. Skond l-Artikolu 19(3), kull individwu għandu jkun intitolat li jistaqsi lill-Eurojust biex tikkorreġi, timblokka, jew tħassar informazzjoni dwaru jekk mhix korretta jew mhix sħiħa jew jekk id-dħul u l-ħażna tagħhom huma kuntrarji għal din id-Deċiżjoni.

2. L-Eurojust għandha tgħarraf lill-applikant meta tikkorreġi, timblokka jew tħassar informazzjoni dwaru. Jekk l-applikant mhux sodisfatt bir-risposta ta' l-Eurojust, hu jista' jirreferi l-kwistjoni lill-korp konġunt ta' sorveljanza fi żmien tletin ġurnata minn meta jirċievi d-deċiżjoni ta' l-Eurojust.

3. Fuq talba ta' l-awtoritajiet ta' Stat Membru, ta' membru nazzjonali tiegħu jew ta' korispondent nazzjonali tiegħu, u taħt ir-responsabbiltà tagħhom, l-Eurojust għandha, skond ir-regoli ta' proċedura tagħha, tikkorreġi jew tħassar informazzjoni personali li qed tiġi proċessata mill-Eurojust li kienet trasmessa jew imdaħħla minn dak l-Istat Membru, il-membru nazzjonali tiegħu jew il-korrispondent nazzjonali tiegħu. L-awtoritajiet kompetenti ta' l-Istati Membri u l-Eurojust, li jinkludu l-membru nazzjonali jew il-korrispondent nazzjonali, jekk hemm, għandhom f'dan il-kuntest jiżguraw li l-prinċipji stabbiliti fl-Artikolu 14(2) u (3) u fl-Artikolu 15(4) huma mħarsa.

4. Jekk jirriżulta li informazzjoni personali proċessata mill-Eurojust mhix korretta jew mhix sħiħa jew li d-dħul jew l-ħażna tagħha jmorru kontra d-disposizzjonijiet ta' din id-Deċiżjoni, l-Eurojust għandha timblokka, tikkorreġi jew tħassar din l-informazzjoni.

5. Fil-każijiet imsemmija fil-paragrafi 3 u 4, il-fornituri u d-destinatarji kollha ta' din l-informazzjoni għandhom jiġu mgħarrfa immedjatament. Skond ir-regoli applikabbli għalihom, id-destinatarji, għandhom imbagħad jikkorreġu, jimblokkaw jew iħassru din l-informazzjoni fis-sistemi proprji tagħhom.

1. Informazzjoni personali proċessata mill-Eurojust għandha tinżamm mill-Eurojust għaż-żmien neċessarju biss biex tilħaq l-għanijiet tagħha.

2. L-informazzjoni personali msemmija fl-Artikolu 14(1) li ġiet ipproċessata mill-Eurojust ma tistax tibqa' maħżuna wara ►M2 l-ewwel applikabbli fost id-dati li ġejjin ◄ :

4. Meta jeżisti fajl li jkun fih informazzjoni mhux awtomatizzata u mhux strutturata, meta jiskadi t-terminu perentorju għall-ħażna ta' l-aħħar punt ta' informazzjoni awtomatizzata mill-fajl, id-dokumenti kollha fil-fajl għandhom jiġu ritornati lill-awtorità li provvdiethom u kull kopja għandha tinqered.

5. Fejn l-Eurojust ikkordinat investigazzjoni jew prosekuzzjonijiet, il-membri nazzjonali kkonċernati għandhom jinformaw lill-Eurojust u lill-Istati Membri l-oħra konċernati dwar id-deċiżjonijiet ġudizzjarji kollha li jirrelataw mal-każ li ġew iffinalizzati sabiex, fost ħwejjeġ oħra, l-paragrafu 2(b) jkun jista' jiġi applikat.

1. L-Eurojust, u safejn hu konċernat bl-informazzjoni trasmessa mill-Eurojust kull Stat Membru, għandu, fir-rigward tal-ipproċessar ta' informazzjoni personali fil-qafas ta' din id-Deċiżjoni, jipproteġi informazzjoni personali kontra qerda aċċidentali jew illegali, telf aċċidentali jew kxif mhux awtorizzat, alterazzjoni u aċċess jew kull forma oħra li mhix awtorizzata għal ipproċessar.

2. Ir-regoli tal-proċedura għandhom ikollhom il-miżuri tekniċi u l-arranġamenti ta' l-organizzazzjoni meħtieġa biex tiġi implimentata din id-Deċiżjoni rigward is-sigurtà ta' informazzjoni u b'mod partikolari miżuri magħmulha biex:

1. Korp konġunt ta' sorveljanza indipendenti għandu jiġi stabbilit biex josserva b'mod kollettiv l-attivitajiet ta' l-Eurojust imniżżla ►M2 fl-Artikolu 14 sa 22, 26, 26a u 27 ◄ sabiex jiżgura li l-ipproċessar ta' informazzjoni personali hu magħmul skond din id-Deċiżjoni. Biex iwettaq dawn il-funzjonijiet, il-Korp Konġunt ta' Sorveljanza għandu jkun intitolat li jkollu aċċess sħiħ għall-fajls kollha fejn hi proċessata informazzjoni bħal din. L-Eurojust għandha tipprovdi lill-Korp Konġunt ta' Sorveljanza bl-informazzjoni kollha minn dawn il-fajls li hi meħtieġa u għandha tassisti lil dak il-korp fil-funzjonijiet tiegħu b'kull mezz ieħor.

Il-Korp Konġunt ta’ Sorveljanza għandu jiltaqa’ mill-inqas darba f’kull sitt xhur. Huwa għandu jiltaqa’ wkoll fi żmien it-tliet xhur wara l-preżentazzjoni ta’ appell kif imsemmi fl-Artikolu 19(8) jew fi żmien tliet xhur wara d-data meta każ ikun ġie riferut lilu taħt l-Artikolu 20(2). Il-Korp Konġunt ta’ Sorveljanza jista’ wkoll jitlaqqa’ mill-president tiegħu meta tal-inqas żewġ Stati Membri jitolbu dan.

Biex jiġi stabbilit il-Korp Konġunt ta' Sorveljanza, kull Stat Membru, waqt li jaġixxi skond is-sistema ġuridika tiegħu, għandu jaħtar imħallef li mhux membru ta' l-Eurojust, jew, jekk is-sistema kostituzzjonali jew nazzjonali teħtieġ hekk persuna li teżerċita funzjonijiet li jagħtuha indipendenza suffiċenti, għal inklużjoni fuq il-lista ta' mħallfin li jistgħu jippresiedu fuq il-Korp Konġunt ta' Sorveljanza bħala membri jew imħallfin ad hoc. L-ebda ħatra bħal din m'għandha tkun ta' inqas minn ►M2 tliet snin ◄ . Revoka tal-ħatra għandha tiġi regolata mill-prinċipji għal tneħħija applikabbli taħt il-liġi nazzjonali ta' l-Istat Membru ta' oriġini. Ħatra u tneħħija għandhom ikunu komunikati kemm lis-Segretarjat tal-Kunsill Ġenerali kif ukoll lill-Eurojust.

2. Il-Korp Konġunt ta' Sorveljanza għandu jkun magħmul minn tliet membri permanenti u, kif imsemmi fil-paragrafu 4, minn imħallfin ad hoc.

3. Imħallef maħtur minn Stat Membru għandu jsir membru permanenti wara li jiġi elett mil-laqgħa plenarja tal-persuni maħturin mill-Istati Membri skond il-paragrafu 1, u għandu jibqa’ membru permanenti għal tliet snin. L-elezzjonijiet għandhom isiru kull sena għal membru permanenti wieħed tal-Korp Konġunt ta’ Sorveljanza permezz ta’ vot sigriet. Il-Korp Konġunt ta’ Sorveljanza għandu jkun ippresedut mill-membru li hu/hi fit-tielet sena tal-mandat tiegħu/tagħha wara l-elezzjonijiet. Il-membri permanenti jistgħu jerġgħu jiġu eletti. Persuni maħturin li jixtiequ jiġu eletti għandhom jippreżentaw il-kandidatura tagħhom bil-miktub lis-Segretarjat tal-Korp Konġunt ta’ Sorveljanza għaxart ijiem qabel il-laqgħa li fiha l-elezzjoni għandha ssir.

4. Imħallef ad hoc wieħed jew aktar għandhom jkollhom ukoll sede, imma biss għat-tul ta' l-eżami ta' appel li jikkonċerna informazzjoni personali mill-Istat Membru li ħatarhom.

4a. Il-Korp Konġunt ta’ Sorveljanza għandu jadotta fir-regoli ta’ proċedura tiegħu l-miżuri meħtieġa għall-implimentazzjoni tal-paragrafi 3 u 4.

5. Il-kompożizzjoni tal-Korp Konġunt ta' Sorveljanza għandha tibqa' l-istess għat-tul tal-proċedura ta' appelli anke jekk il-membri permanenti laħqu t-tmiem ta' kariga skond il-paragrafu 3.

6. Kull membru u imħallef ad hoc hu intitolat għal vot wieħed. F'każ ta' parità ta' voti, il-president għandu jkollu l-vot deċiżiv.

7. Il-Korp Konġunt ta' Sorveljanza għandu jeżamina appelli mogħtija lilu skond l-Artikolu 19(8) u l-Artikolu 20(2) u jagħmel kontrolli skond il-paragrafu 1, l-ewwel sub-paragrafu, ta' dan l-Artikolu.

Jekk il-Korp Konġunt ta' Sorveljanza jikkunsidra li xi deċiżjoni meħuda mill-Eurojust jew l-ipproċessar ta' informazzjoni minnha mhix kompatibbli ma' din id-Deċiżjoni, il-kwistjoni għandha tiġi rriferuta lill-Eurojust, li għandu jaċċetta d-deċiżjoni tal-Korp Konġunt ta' Sorveljanza.

8. Id-Deċiżjonijiet tal-Korp Konġunt ta' Sorveljanza għandhom ikunu finali u vinkolanti għall-Eurojust.

9. Il-persuni maħtura mill-Istati Membri skond il-paragrafu 1, it-tielet sub-paragrafu, ippreseduti mill-president tal-Korp Konġunt ta' Sorveljanza, għandhom jadottaw regoli interni ta' proċedura li, għall-iskop ta' l-eżami ta' l-appelli, iniżżlu l-kriterja ta' skop għall-ħatra tal-membri tal-Korp.

10. L-ispejjeż tas-Segretarjat għandhom jiddaħħlu fil-budget ta' l-Eurojust. Is-Segretarjat tal-Korp Konġunt ta' Sorveljanza għandu jgawdi indipendenza fit-twettiq tal-funzjonijiet tiegħu fis-segretarjat ta' l-Eurojust. ►M2 Is-Segretarjat tal-Korp Konġunt ta’ Sorveljanza jista’ jirrikorri għall-konoxxenza esperta tas-segretarjat stabbilit bid-Deċiżjoni 2000/641/ĠAI ( 16 ). ◄

11. Il-membri tal-Korp Konġunt ta' Sorveljanza għandhom ikunu bla ħsara għall-obbligazzjoni ta' riservatezza stabbilita fl-Artikolu 25.

12. Il-Korp Konġunt ta' Sorveljanza għandu jagħti rapport annwali lill-Kunsill.

Responsabbiltà għal ipproċessar ta' informazzjoni mhix awtorizzata u mhix korretta

1. L-Eurojust għandha tkun responsabbli, skond il-liġi nazzjonali ta' l-Istat Membru fejn jinstabu l-kwartieri ġenerali, għal kull ħsara kawżata lil individwu li tirriżulta minn proċessar ta' informazzjoni mhIx awtorizzata jew mhix korretta magħmulha minnha.

2. Ilmenti kontra l-Eurojust skond ir-responsabbiltà stabbilita fil-paragrafu 1 għandhom jinstemgħu mill-qrati ta' l-Istat Membru fejn jinsabu l-kwartieri ġenerali tiegħu.

3. Kull Stat Membru għandu jkun responsabbli, skond il-liġi nazzjonali tiegħu, għal kull ħsara kawżata lil individwu li tirriżulta minn proċessar ta' informazzjoni mhix awtorizzata jew mhix korretta magħmulha minnha ta' informazzjoni li ġiet ikkomunikata lill-Eurojust.

1. Il-membri nazzjonali, id-deputati tagħhom u l-assistenti tagħhom imsemmija fl-Artikolu 2(2a), il-persunal tal-Eurojust, il-korrispondenti nazzjonali u l-Uffiċjal għall-Protezzjoni tad-data huma marbuta b’obbligu ta’ kunfidenzjalità, mingħajr preġudizzju għall-Artikolu 2(4).

2. L-obbligazzjoni ta' riservatezza għandha tapplika għall-persuni kollha u għall-korpi kollha msejħa biex jaħdmu ma' l-Eurojust.

3. L-obbligazzjoni ta' riservatezza għandha tgħodd anke wara t-tmiem tal-funzjonijiet, jew tat-tmiem ta' l-attivitajiet tal-persuni msemmija fil-paragrafi 1 u 2.

4. Mingħajr preġudizzju ►M2 fl-Artikolu 2(4) ◄ , l-obbligazzjoni ta' riservatezza għandha tgħodd għall-informazzjoni kollha li tirċievi l-Eurojust.

Koperazzjoni man-Network Ġudizzjarju Ewropew u networks oħra tal-Unjoni Ewropea involuti fil-koperazzjoni f’materji kriminali

1. L-Eurojust u n-Network Ġudizzjarju Ewropew għandhom iżommu relazzjonijiet privileġġati ma’ xulxin, ibbażati fuq konsultazzjoni u komplementarjetà, speċjalment bejn il-membru nazzjonali, il-punti ta’ kuntatt tan-Network Ġudizzjarju Ewropew tal-istess Stat Membru u l-korrispondenti għall-Europol u n-Network Ġudizzjarju Ewropew. Sabiex tiġi żgurata koperazzjoni effiċjenti, għandhom jittieħdu l-miżuri li ġejjin:

2. Mingħajr preġudizzju għall-Artikolu 4(1), is-Segretarjat tan-Network għal Skwadri ta’ Investigazzjoni Konġunta u tan-Networks stabbiliti bid-Deċiżjoni 2002/494/ĠAI għandhom jifformaw parti mill-persunal tal-Eurojust. Dawn is-segretarjati għandhom jiffunzjonaw bħala unitajiet separati. Huma jistgħu jużaw ir-riżorsi amministrattivi tal-Eurojust li huma meħtieġa għat-twettiq tal-kompiti tagħhom. Il-koordinazzjoni bejn is-segretarjati għandha tkun żgurata mill-Eurojust.

Dan il-paragrafu għandu japplika għas-segretarjat ta’ kwalunkwe network ġdid stabbilit b’deċiżjoni tal-Kunsill fejn dik id-deċiżjoni tipprevedi li s-segretarjat għandu jiġi provdut mill-Eurojust.

3. In-network stabbilit bid-Deċiżjoni 2008/852/ĠAI jista’ jitlob li l-Eurojust tipprovdi segretarjat għan-Network. Jekk issir tali talba, għandu japplika l-paragrafu 2.

Relazzjonijiet ma’ istituzzjonijiet, korpi u aġenziji Komunitarji jew relatati mal-Unjoni

1. Sa fejn ikun rilevanti għat-twettiq tal-kompiti tiegħu, l-Europol jista’ jistabbilixxi u jżomm relazzjonijiet koperattivi mal-istituzzjonijiet, il-korpi u l-aġenziji stabbiliti minn, jew abbażi tat-Trattatti li jistabbilixxu l-Komunitajiet Ewropej jew it-Trattat dwar l-Unjoni Ewropea. L-Eurojust għandha tistabbilixxi u żżomm relazzjonijiet koperattivi ma’ għall-anqas:

L-Eurojust għandha wkoll tistabbilixxi u żżomm relazzjonijiet koperattivi man-Network Ewropew tat-Taħriġ Ġudizzjarju.

2. L-Eurojust tista’ tikkonkludi strumenti ta’ ftehim jew arranġamenti ta’ ħidma mal-entitajiet imsemmija fil-paragrafu 1. Tali ftehim jew arranġament ta’ ħidma jista’, b’mod partikolari, jikkonċerna l-iskambju ta’ informazzjoni, inkluża data personali, u l-issekondar ta’ uffiċjali ta’ kollegament mal-Eurojust. Tali ftehim jew arranġament ta’ ħidma jista’ jiġi konkluż biss wara konsultazzjoni mill-Eurojust tal-Korp Konġunt ta’ Sorveljanza li tikkonċerna d-dispożizzjonijiet dwar il-protezzjoni tad-data wara l-approvazzjoni mill-Kunsill, li jaġixxi b’maġġoranza kkwalifikata. L-Eurojust għandha tinforma lill-Kunsill b’kull pjan li jkollha li tidħol fi kwalunkwe negozjazzjoni bħal din u l-Kunsill jista’ jasal għal kwalunkwe konklużjoni li jikkunsidra xierqa.

3. Qabel id-dħul fis-seħħ ta’ xi ftehim jew arranġament kif imsemmi fil-paragrafu 2, l-Eurojust tista’ tirċievi direttament u tuża informazzjoni, inkluża data personali, mill-entitajiet imsemmija fil-paragrafu 1, sa fejn dan ikun meħtieġ għat-twettiq leġittimu tal-kompiti tagħha, u tista’ tibgħat informazzjoni direttament, inkluża data personali, lil tali entitajiet, sa fejn dan ikun meħtieġ għat-twettiq leġittimu tal-kompiti ta’ min jirċiviha u konformement mar-regoli dwar il-protezzjoni tad-data previsti f’din id-Deċiżjoni.

4. L-OLAF jista’ jikkontribwixxi għall-ħidma tal-Eurojust għall-finijiet tal-koordinazzjoni ta’ investigazzjonijiet u proċeduri ta’ prosekuzzjoni dwar il-protezzjoni tal-interessi finanzjarji tal-Komunitajiet Ewropej, jew fuq l-inizjattiva tal-Eurojust jew fuq talba tal-OLAF fejn l-awtoritajiet komptenti nazzjonali konċernati ma jopponux tali parteċipazzjoni.

5. Għall-finijiet tar-riċezzjoni u t-trasmissjoni ta’ data bejn l-Eurojust u l-OLAF, u mingħajr preġudizzju għall-Artikolu 9, l-Istati Membri għandhom jiżguraw li l-membri nazzjonali tal-Eurojust għandhom jitqiesu bħala awtoritajiet kompetenti tal-Istati Membri biss għall-finijiet tar-Regolament (KE) Nru. 1073/1999 u tar-Regolament tal-Kunsill (Euratom) Nru 1074/1999 tal-25 ta’ Mejju 1999 dwar l-investigazzjonijiet immexxija mill-Uffiċċju Ewropew Kontra l-Frodi (OLAF) ( 17 ). L-iskambju ta’ informazzjoni bejn l-OLAF u l-membri nazzjonali għandu jkun mingħajr preġudizzju għall-informazzjoni li għandha tingħata lill-awtoritajiet kompetenti l-oħra skond dawn ir-regolamenti.

1. Sa fejn ikun meħtieġ għat-twettiq tal-kompiti tiegħu, l-Europol jista’ wkoll jistabbilixxi u jżomm relazzjonijiet koperattivi mal-entitajiet li ġejjin:

2. L-Eurojust tista’ tikkonkludi strumenti ta’ ftehim mal-entitajiet imsemmija fil-paragrafu 1. Kull ftehim bħal dan jista’, b’mod partikolari, jikkonċerna l-iskambju ta’ informazzjoni, inkluża data personali, u l-issekondar ta’ uffiċjali ta’ kollegament jew maġistrati ta’ kollegament mal-Eurojust. Kull ftehim bħal dan jista’ jiġi konkluż biss wara l-approvazzjoni mill-Kunsill, filwaqt li jaġixxi b’ maġġoranza kwalifikata, wara konsultazzjoni mill-Eurojust mal-Korp Superviżorju Konġunt dwar id-dispożizzjonijiet dwar il-protezzjoni tad-data. L-Eurojust għandha tinforma lill-Kunsill b’kull pjan li jkollha li tidħol fi kwalunkwe negozjazzjoni bħal din u l-Kunsill jista’ jasal għal kwalunkwe konklużjoni li jikkunsidra xierqa.

3. Kwalunkwe ftehim imsemmi fil-paragrafu 2 li jinkludi dispożizzjonijiet dwar l-iskambju ta’ data personali jista’ jiġi konkluż biss jekk l-entità konċernata tkun suġġetta għall-Konvenzjoni tat-28 ta’ Jannar 1981 tal-Kunsill tal-Ewropa jew wara valutazzjoni li tikkonferma l-eżistenza ta’ livell adegwat ta’ protezzjoni tad-data żgurat minn dik l-entità.

4. Kwalunkwe ftehim imsemmi fil-paragrafu 2 għandu jinkludi dispożizzjonijiet dwar is-sorveljanza tal-implimentazzjoni tiegħu, inkluża l-implimentazzjoni tar-regoli dwar il-protezzjoni tad-data.

5. Qabel id-dħul fis-seħħ ta’ kwalunkwe ftehim imsemmi fil-paragrafu 2, l-Eurojust tista’ tirċievi data direttament, inkluża data personali u data klassifikata, sa fejn din tkun meħtieġa għat-twettiq leġittimu tal-kompiti tagħha.

6. Qabel id-dħul fis-seħħ ta’ kwalunkwe ftehim imsemmi fil-paragrafu 2, l-Eurojust tista’ taħt il-kondizzjonijiet stabbiliti fl-Artikolu 27(1), tittrasmetti data direttament, ħlief data personali, lil dawn l-entitajiet, sa fejn dan ikun meħtieġ għat-twettiq leġittimu tal-kompitu tar-riċevent.

7. L-Eurojust tista’ taħt il-kondizzjonijiet stabbiliti fl-Artikolu 27(1), tittrasmetti data personali lill-entitajiet imsemmija fil-paragrafu 1, fejn:

8. Kwalunkwe nuqqas sussegwenti jew probabbiltà sostanzjali ta’ nuqqas, min-naħa tal-Istati terzi jew entitajiet imsemmija fil-paragrafu 1 biex jiġu sodisfatti l-kondizzjonijiet imsemmija fil-paragrafu 3, għandhom jiġu komunikati immedjatament mill-Eurojust lill-Korp Konġunt ta’ Sorveljanza u l-Istati Membri konċernati. Il-Korp Konġunt ta’ Sorveljanza jista’ ma jawtorizzax aktar skambju ta’ informazzjoni personali ma’ l-entitajiet rilevanti sakemm hu sodisfatt li remedji adegwati ġew provduti.

9. Madankollu, anke jekk il-kondizzjonijiet imsemmija fil-paragrafu 7 ma jiġux sodisfatti, membru nazzjonali jista’, filwaqt li jaġixxi fil-kapaċità tiegħu bħala awtorità nazzjonali kompetenti u konformement mad-dispożizzjonijiet tal-liġi nazzjonali tiegħu, fuq bażi ta’ eċċezzjoni u bl-għan waħdieni li jittieħdu miżuri urġenti biex jopponi periklu serju imminenti li jhedded persuna jew sigurtà pubblika, iwettaq skambju ta’ informazzjoni li jinvolvi data personali. Il-membru nazzjonali għandu jkun responsabbli għal-legalità tal-awtorizzazzjoni tal-komunikazzjoni. Il-membru nazzjonali għandu jżomm reġistru tal-komunikazzjonijiet ta’ data u r-raġunijiet għal dawn il-komunikazzjonijiet. Il-komunikazzjoni ta’ data għandha tkun awtorizzata biss jekk min jirċeviha jerfa’ r-responsabbiltà li d-data ser tintuża biss għall-fini li għalih ġiet trasmessa.

1. Qabel ma’ l-Eurojust tiskambja kwalunkwe informazzjoni mal-entitajiet imsemmija fl-Artikolu 26a, il-membru nazzjonali tal-Istat Membru li ppreżenta l-informazzjoni għandu jagħti l-konsensus tiegħu għat-trasferiment ta’ dik l-informazzjoni. F’każi adatti l-membru nazzjonali għandu jikkonsulta l-awtoritajiet kompetenti tal-Istati Membri.

2. L-Eurojust għandha tkun responsabbli għal-legalità tat-trasmissjoni tad-data. L-Eurojust għandha tirreġistra t-trasmissjonijiet kollha ta’ data taħt l-Artikoli 26 u 26a u tar-raġunijiet għal tali trasmissjonijiet. Għandha tintbgħat data biss jekk min jirċeviha jintrabat li d-data tintuża biss għall-fini li għalih intbagħtet.

1. Għall-finijiet li tkun iffaċilitata l-koperazzjoni ġudizzjarja ma’ Stati terzi f’każijiet fejn l-Eurojust tkun qed tipprovdi assistenza konformement ma’ din id-Deċiżjoni, il-Kulleġġ jista’ jassenja maġistrati ta’ kollegament lil Stat terz, suġġett għal ftehim kif imsemmi fl-Artikolu 26a ma’ dak l-Istat terz. Qabel id-dħul f’negozjati ma’ Stat terz, il-Kunsill, filwaqt li jaġixxi b’maġġoranza kwalifikata, għandu jagħti l-approvazzjoni tiegħu. L-Eurojust għandha tinforma lill-Kunsill b’kull pjan li jkollha li tidħol fi kwalunkwe negozjazzjoni bħal din u l-Kunsill jista’ jasal għal kwalunkwe konklużjoni li jikkunsidra xierqa.

2. Il-maġistrat ta’ kollegament imsemmi fil-paragrafu 1 għandu jkollu esperjenza ta’ ħidma mal-Eurojust u konoxxenza adegwata tal-koperazzjoni ġudizzjarja u ta’ kif taħdem l-Eurojust. L-assenjazzjoni ta’ maġistrat ta’ kollegament f’isem l-Eurojust għandha tkun suġġetta għall-kunsens minn qabel tal-maġistrat u tal-Istat Membru tiegħu.

3. Jekk il-maġistrat ta’ kollegament assenjat mill-Eurojust jingħażel minn fost membri, deputati jew assistenti nazzjonali:

4. Mingħajr preġudizzju għall-Artikolu 110 tar-Regolamenti tal-Persunal ta’ l-Uffiċjali Tal-Komunitajiet Ewropej stabbiliti mir-Regolament (KEE), Euratom, KEFA) Nru 259/68 ( 18 ), il-Kulleġġ tal-Eurojust għandu jfassal ir-regoli dwar l-assenjazzjoni tal-maġistrati ta’ kollegament u jadotta l-arranġamenti implimentattivi neċessarji meħtieġa f’dan ir-rigward f’konsultazzjoni mal-Kummissjoni.

5. L-attivitajiet tal-maġistrati ta’ kollegament assenjati mill-Eurojust għandhom ikunu suġġetti għal sorveljanza mill-Korp Konġunt ta’ Sorveljanza. Il-maġistrati ta’ kollegament għandhom jirrapportaw lill-Kulleġġ tal-Eurojust li għandu jinforma lill-Parlament Ewropew u lill-Kunsill fir-rapport annwali, u f’manjiera adatta, dwar l-attivitajiet tagħhom. Il-maġistrati ta’ kollegament għandhom jinformaw lill-membri nazzjonali u lill-awtoritajiet nazzjonali kompetenti dwar il-każijiet kollha rigward l-Istat Membru tagħhom.

6. L-awtoritajiet kompetenti tal-Istati Membri, u l-maġistrati ta’ kollegament imsemmijin fil-paragrafu 1, jistgħu jikkuntattjaw lil xulxin direttament. F’tali każijiet, il-maġistrat ta’ kollegament għandu jinforma lill-membru nazzjonali konċernat dwar kuntatti bħal dawn.

7. Il-maġistrati ta’ kollegament imsemmijin fil-paragrafu 1 għandhom ikunu konnessi mas-Sistema ta’ Ġestjoni tal-Każijiet.

1. L-Eurojust tista’, bi qbil mal-Istati Membri konċernati, tikkoordina l-eżekuzzjoni ta’ talbiet għal koperazzjoni ġudizzjarja emessi minn Stat terz fejn dawn it-talbiet ikunu parti mill-istess investigazzjoni u jeħtieġu eżekuzzjoni f’minn tal-anqas żewġ Stati Membri. It-talbiet imsemmija f’dan il-paragrafu jistgħu wkoll jiġu trasmessi lill-Eurojust minn awtorità nazzjonali kompetenti.

2. F’każ ta’ urġenza u konformement mal-Artikolu 5a, l-OCC tista’ tirċievi u tipproċessa talbiet imsemmijin fil-paragrafu 1 ta’ dan l-Artikolu u maħruga minn Stat terz li kkonkluda ftehim ta’ koperazzjoni mal-Eurojust.

3. Mingħajr preġudizzju għall-Artikolu 3(2), fejn talbiet għal koperazzjoni ġudizzjarja li jikkonċernaw l-istess investigazzjoni u jeħtieġu eżekuzzjoni fi Stat terz, l-Eurojust tista’ wkoll, bi qbil mal-Istati Membri konċernati, tiffaċilita l-koperazzjoni ġudizzjarja ma’ dak l-Istat terz.

4. Talbiet imsemmijin fil-paragrafi 1, 2 u 3 jistgħu jintbagħtu permezz tal-Eurojust jekk ikunu konformi mal-istrumenti applikabbli għar-relazzjoni bejn dak l-Istat terz u l-Unjoni Ewropea jew l-Istati Membri konċernati.

Responsabbiltà diversa mir-responsabbiltà għall-ipproċessar mhux awtorizzata jew skorrett ta’ informazzjoni

1. Ir-responsabbiltà kuntrattwali tal-Eurjust għandha tkun regolata mil-liġi applikabbli għall-kuntratt in kwistjoni.

2. Fil-każ tar-responsabbiltà non-kuntrattwali, l-Eurojust għandha, indipendentement minn kwalunkwe responsabbiltà taħt l-Artikolu 24, tkun obbligata tħallas kwalunkwe dannu kkawżata ħtija tal-Kulleġġ jew il-persunal tal-Eurojust fit-twettiq tad-doveri tagħhom, sa fejn hu jista’ jkun imputat lilhom u indipendentement mill-proċeduri differenti għat-talba tad-danni li jeżistu taħt il-liġi tal-Istati Membri.

3. Il-paragrafu 2 għandu japplika wkoll għal danni kkawżati minħabba nuqqas min-naħa ta’ membru, deputat jew assistent nazzjonali fit-twettiq ta’ dmirijietu jew dmirijietha. Madankollu, meta dan tal-aħħar ikun qed jaġixxi abbażi tas-setgħat konferiti lilu taħt l-Artikoli 9a sa 9e, l-Istat Membru tal-oriġini tiegħu għandu jirrimborża lill-Eurojust is-somom li l-Eurojust tkun ħallset b’riparazzjoni għal tali dannu.

4. Il-parti milquta għandha jkollha d-dritt li titlob li l-Eurojust ma’ tieħu l-ebda azzjoni, jew li twaqqafha.

5. Il-qrati nazzjonali tal-Istati Membri kompetenti li jittrattaw disputi li jinvolvu r-responsabbiltà tal-Eurojust kif imsemmi f’dan l-Artikolu għandhom jiġu determinati b’referenza għar-Regolament tal-Kunsill (KE) Nru 44/2001 tat-22 ta’ Diċembru 2000 dwar ġurisdizzjoni u r-rikonoxximent u l-infurzar ta’ sentenzi f’materji ċivili u kummerċjali ( 19 ).

1. Il-Kulleġġ għandu jkun responsabbli mill-organizzazzjoni u l-operat ta' l-Eurojust.

2. Il-Kulleġġ għandu jaħtar President mill-membri nazzjonali u jista', jekk jikkonsidra li hu neċessarju, jaħtar sa żewġ Viċi-Presidenti. Ir-riżultat ta' l-elezzjoni għandu jingħata lill-Kunsill ►M2 b’maġġoranza kwalifikata ◄ għall-approvazzjoni tiegħu.

3. Il-President għandu jeżerċita d-dmirijiet tiegħu f'isem il-Kulleġġ u taħt l-awtorità tiegħu, jidderieġi x-xogħol tiegħu u josserva l-amministrazzjoni ta' kuljum magħmula mid-Direttur Amministrattiv. Ir-regoli ta' proċedura għandhom jispeċifikaw il-każi meta d-deċiżjonijiet jew l-azzjonijiet tiegħu għandhom bżonn awtorizzazzjoni minn qabel jew rapport mill-Kulleġġ.

4. Iż-żmien ta' kariga tal-President hi ta' tliet snin. Jista' jerġa' jinħatar darba biss. Iż-żmien ta' kariga ta' kull Viċi-President għandu jkun regolat mir-regoli ta' proċedura.

5. L-Eurojust għandha tkun megħjuna minn segretarjat li l-kap tiegħu hu d-Direttur Amministrattiv.

6. L-Eurojust għandha teżerċita fuq il-persunal taghha l-poteri żviluppati mill-Awtorità li ħatritu. Il-Kulleġġ għandu jaddotta regoli xierqa għall-implimentazzjoni ta' dan il-paragrafu skond ir-regoli ta' proċedura.

1. Id-Direttur Amministrattiv ta' l-Eurojust għandu jkun maħtur ►M2 b’maġġoranza ta’ tliet-kwarti ◄ mill-Kulleġġ. Il-Kulleġġ għandu jistabbilixxi bord ta' selezzjoni li, wara sejħa għal applikazzjonijiet, għandu jistabbilixxi lista ta' kandidati li minnhom il-Kulleġġ għandu jagħżel lid-Direttur Amministrattiv. ►M2 Il-Kummissjoni għandha tkun intitolata tipparteċipa fil-proċess ta’ għażla u tieħu sehem fil-bord tal-għażla. ◄

2. Iż-żmien ta' kariga tad-Direttur Amministrattiv għandu jkun ta' ħames snin. ►M2 Għandu jkun jista’ jiġi estiż mingħajr il-ħtieġa ta’ sejħa għal applikazzjonijiet, dment li l-Kulleġġ jiddeċiedi hekk b’maġġoranza ta’ tliet-kwarti u jaħtar id-Direttur Amministrattiv bl-istess maġġoranza. ◄

3. Id-Direttur Amministrattiv għandu jkun soġġett għar-regoli u regolamenti applikabbli għal uffiċjali u impjegati oħra tal-Komunitajiet Ewropej.

4. Id-Direttur Amministrattiv għandu jaħdem taħt l-awtorità tal-Kulleġġ u tal-President tiegħu, skond l-Artikolu 28(3). Jista' jitneħħa mill-kariga mill-Kulleġġ b'maġġoranza ta' żewġ terzi.

5. Id-Direttur Amministrattiv għandu jkun responsabbli, taħt is-superviżjoni tal-President, għall-amministrazzjoni ta' kuljum ta' l-Eurojust u għall-amministrazzjoni tal-persunal. ►M2 Għal dak l-għan, huwa għandu jkun responsabbli għall-istabbiliment u l-implimentazzjoni, f’koperazzjoni mal-Kulleġġ, ta’ proċedura effikaċi ta’ monitoraġġ u evalwazzjoni dwar il-prestazzjoni tal-amministrazzjoni tal-Eurojust f’termini tal-ksib tal-għanijiet tagħha. Id-Direttur Amministrattiv għandu jirrapporta lill-Kulleġġ regolarment dwar ir-riżultati ta’ dak il-monitoraġġ. ◄

1. Il-persunal ta' l-Eurojust għandhom ikunu soġġetti għar-regoli u regolamenti applikabbli għall-uffiċjali u impjegati oħra tal-Komunitajiet Ewropej, b'mod partikolari dwar ir-reklutaġġ u l-istatut tagħhom.

2. Il-persunal ta' l-Eurojust għandu jikkonsisti f'persunal irreklutat skond ir-regoli u r-regolamenti msemmija fil-paragrafu 1, waqt li jiġu kunsidrati l-kriterji kollha msemmija fl-Artikolu 27 tar-Regolamenti tal-Persunal ta' l-Uffiċjali tal-Komunitajiet Ewropej stabbiliti bir-Regolament (KEE, Euratom, KEFA) Nru. 259/68 ( 20 ), li jinkludu d-distribuzzjoni ġeografika tagħhom. Għandu jkollhom id-deskrizzjoni ta' persunal permanenti, persunal temporanju u persunal lokali. Fuq it-talba tad-Direttur Amministrattiv, u bi ftehim mal-President f'isem il-Kulleġġ, uffiċjali tal-Komunità jistgħu jiġu sekondati lill-Eurojust mill-istituzzjonijiet tal-Komunità bħala persunal temporanju. L-Istati Membri jistgħu jissekondaw esperti nazzjonali lill-Eurojust ►M2 li jistgħu jassistu wkoll lill-membru nazzjonali ◄ . ►M2 Il-Kulleġġ għandu jadotta l-arranġamenti ta’ implimentazzjoni meħtieġa għall-esperti nazzjonali ssekondati. ◄

3. Taħt l-awtorità tal-Kulleġġ, il-persunal għandu jaqdi l-funzjonijiet tiegħu waqt li jkun konxju ta' l-għanijiet u l-mandat ta' l-Eurojust, mingħajr ma jfittex u jew jaċċetta struzzjonijiet minn kull gvern, awtorità, organizzazzjoni jew persuna estranja għall-Eurojust ►M2 mingħajr preġudizzju għall-Artikoli 25a(1)(c) u 25a(2) ◄ .

1. L-arranġamenti lingwistiċi uffiċjali ta' l-Unjoni għandhom japplikaw għal proċeduri ta' l-Eurojust.

2. Ir-rapport annwali lill-Kunsill, imniżżel fit-tieni sub-paragrafu ta' l-Artikolu 32(1), għandu jsir fl-ilsna uffiċjali ta' l-istituzzjonijiet ta' l-Unjoni.

►M2 Informazzjoni għall-Parlament Ewropew, għall-Kunsill u għall-Kummissjoni ◄

1. Il-President, f'isem il-Kulleġġ, għandu jirrapporta lill-Kunsill bil-kitba kull sena dwar l-attivitajiet u l-amministrazzjoni, li jinkludu l-amministrazzjoni tal-budget, ta' l-Eurojust.

Għal dak il-għan, il-Kulleġġ għandu jipprepara rapport annwali dwar l-attivitajiet ta' l-Eurojust u dwar xi problemi ta' politika kriminali fl-Unjoni, enfasizzati b'riżultat ta' l-attivitajiet ta' l-Eurojust. F'dak ir-rapport, l-Eurojust tista' tagħmel proposti għal titjib fil-koperazzjoni ġudizzjarja fi kwistjonijiet kriminali.

Il-President jista' jagħti kull rapport jew kull informazzjoni oħra dwar l-operat ta' l-Eurojust li jistgħu jkunu meħtieġa mill-Kunsill.

2. Kull sena l-Presidenza tal-Kunsill għandha tibgħat rapport lill-Parlament Ewropew dwar ix-xogħol magħmul mill-Eurojust and fuq l-attivitajiet tal-Korp Konġunt ta' Sorveljanza.

3. Il-Kummissjoni jew il-Kunsill jistgħu jfittxu l-opinjoni tal-Eurojust dwar l-abbozz tal-istrumenti kollha mħejjija taħt it-Titolu VI tat-Trattat.

1. Is-salarji u l-emolumenti tal-membri, id-deputati u l-assistenti nazzjonali msemmija fl-Artikolu 2(2) għandhom jinġarru mill-Istat Membru ta’ oriġini.

2. Meta membri, deputati u assistenti nazzjonali jaġixxu fil-qafas tal-funzjonijiet tal-Eurojust, l-ispiża rilevanti marbuta ma’ dawn l-attivitajiet għandha titqies bħala spiża operattiva fis-sens tal-Artikolu 41(3) tat-Trattat.

1. Għandhom isiru previżjonijiet tad-dħul u tal-ħruġ kollu ta' l-Eurojust għal kull sena finanzjarja, li għandha tkun l-istess bħas-sena kalendarja. Dawn għandhom jiddaħħlu fil-budget, li għandu jinkludi l-pjan ta' stabbiliment li għandu jingħata lill-awtorità kompetenti tal-budget għal budget ġenerali ta' l-Unjoni Ewropea. Il-pjan ta' stabbiliment għandu jikkonsisti f'postijiet permanenti u temporanji, u referenza għal esperti nazzjonali sekondati, u għandu juri n-numru, il-grad u l-kategorija tal-persunal impjegat mill-Eurojust għas-sena finanzjarja in-kwistjoni.

3. Mingħajr preġudizzju għal riżorsi oħra, id-dħul ta' l-Eurojust jista' jinkludi sussidju mdaħħal fil-budget ġenerali ta' l-Unjoni Ewropea.

4. Il-ħruġ ta' l-Eurojust għandu jinkludi, fost ħwejjeġ oħra, infiq relattat ma' interpreti u tradutturi, infiq fuq sigurtà, infiq fuq amministrazzjoni u infrastruttura, spejjeż operattivi u ta' kirja, spejjeż ta' vjaġġar tal-membri ta' l-Eurojust u tal-persunal tagħha u spejjeż li nħolqu minn kuntratti ma' terzi persuni.

1. Kull sena l-Kulleġġ, fuq il-bażi ta' abbozz imfassal mid-Direttur Amministrattiv, għandu jipproduċi l-estimi tad-dħul u n-nefqa ta' l-Eurojust għas-sena finanzjarja ta' wara. Din l-istima, li għandha tinkudi abbozz tal-pjan ta' l-istabbiliment, għandha tintbagħat mill-Kulleġġ lill-Kummissjoni l-iktar tard sal- ►M2 10 ta’ Frar ◄ . ►M2 In-Network Ġudizzjarju Ewropew u n-networks imsemmijin fl-Artikolu 25a(2) għandhom jiġu infurmati dwar il-partijiet relatati mal-attivitajiet tas-segretarjati tagħhom fi żmien dovut qabel ma jintbagħtu l-estimi lill-Kummissjoni. ◄

2. Fuq il-bażi ta' din l-istima, il-Kummissjoni għandha tipproponi fl-abbozz preliminari ta' l-estimi finanzjarji ġenerali ta' l-Unjoni Ewropea l-ammont tas-sussidju annwali kif ukoll il-postijiet ta' natura permanenti jew tempornja u tissottometti din il-proposta lill-awtorità ta' l-estimi finanzjarji skond l-Artikolu 272 tat-Trattat.

3. L-awtorità ta' l-estimi finanzjarji għandha tawtorizza l-approprjazzjonijiet għas-sussidju lill-Eurojust u tistabbilixxi l-postijiet ta' natura permanenti jew temporanja ġewwa l-qafas tar-Regolamenti dwar il-Personal ta' l-uffiċjali u impjegati oħra tal-Komunitajiet Ewropej.

4. Qabel il-bidu tas-sena finanzjarja, il-Kulleġġ ta' l-Eurojust għandu jadotta l-estimi finanzjarji, fuq il-bażi tas-sussidju annwali u l-postijiet awtorizzati mill-awtorità ta' l-estrimi finanzjarji skond il-paragrafu 3 ta' dan l-Artikolu, billi jiġu aġġustati skond il-kontribuzzjonijiet varji konċessi lill-Eurojust u l-fondi minn sorsi oħra.

1. Id-Direttur Amminiatrattiv għandu, bħala l-uffiċjat ta' l-awtorizzazjonijiet, jimplimenta l-estimi finanzjarji ta' l-Eurojust. Għandu jirrapporta lill-Kulleġġ dwar l-implimentazzjoni ta' l-estimi finanzjarji.

2. ►M2 Sa mhux aktar tard mill-1 ta’ Marzu wara kull sena finanzjarja, l-uffiċjal tal-kontabbiltà tal-Europol għandu jikkomunika l-kontijiet provviżorji lill-uffiċjal tal-kontabbiltà tal-Kummissjoni u lill-Qorti tal-Awdituri flimkien ma’ rapport dwar l-amministrazzjoni baġitarja u finanzjarja għal dik is-sena finanzjarja. ◄ L-uffiċjal tal-kontijiet tal-Kummissjoni għandu jikkonsolida l-kontijiet proviżorji ta' l-istitituzzjonijiet u tal-korpi ddeċentralizzati skond l-Artikolu 128 tar-Regolament Finanzjarju ġenerali.

3. L-Eurojust għandha tibgħat ir-rapport dwar il-ġestjoni baġitarja u finanzjarja għas-sena finanzjarja lill-Parlament Ewropew u lill-Kunsill sal-31 ta’ Marzu tas-sena ta’ wara.

4. Malli jirċievi l-osservazzjonijiet tal-Qorti tal-Verifika dwar il-kontijiet proviżorji ta' l-Eurojust skond l-Artikolu 129 tar-Regolament Finanzjarju ġenerali, id-Direttur Amministrattiv għandu jfassal il-kontijiet finali ta' l-Aġenzija fuq ir-responsabbiltà tiegħu nnifsu u jissottomettihom lill-Kulleġġ ta' l-Eurojust għal opinjoni.

5. Il-Kulleġġ ta' l-Eurojust għandu jagħti opinjoni dwar il-kontijiet finali ta' l-Eurojust.

6. Id-Direttur Amministrattiv għandu jibgħat, l-iktar tard sa' l-1 ta' Lulju wara kull sena finanzjarja, il-kontijiet finali lill-Parlament Ewropew, lill-Kunsill, lill-Kummissjoni u lill-Qorti tal-Verifika, flimkien ma' l-opinoni tal-Kulleġġ ta' l-Eurojust.

8. Id-Direttur Amministrattiv għandu jibgħat lill-Qorti tal-Verifika tweġiba għall-osservazzjonijiet tagħha l-iktar tard sat-30 ta' Settembru. Għandhu jibgħat din it-tweġiba wkoll lill-Kulleġġ ta' l-Eurojust.

9. Id-Direttur Amministrattiv, filwaqt li jaġixxi taħt l-awtorità tal-Kulleġġ ta' l-Eurojust u l-President tiegħu, għandu jissottometti lill-Parlament Ewropew, fuq it-talba ta' dan ta' l-aħħar, kull tagħrif meħtieġ sabiex tiġi applikata bla xkiel il-proċedura ta' l-iskarigu għas-sena finanzjarja fil-kwisjoni, kif stabbilit fl-Artikolu 146(3) tar-Regolament Finanzjarju ġenerali.

10. Il-Parlament Ewropew, fuq rakkomandazzjoni mill-Kunsill huwa u jaġixxi b'maġġoranza kkwalifikata, għandu, qabel it- ►M2 15 ta’ Mejju ◄ tas-sena N +2, jagħti skarigu lid-Direttur Eżekuttiv rigward l-implimentazzjoni ta' l-estimi finanzjarji għas-sena N.

1. Ir-regoli finanzjarji li japplikaw għall-estimi finanzjarji ta' l-Eurojust għandhom jiġu adottati bl-unanimità mill-Kulleġġ wara li tkun ġiet ikkonsultata l-Kummissjoni. Ma jistgħux jitilqu mir-Regolament tal-Kummissjoni (KE, Euratom) Nru 2343/2002 tad-19 ta' Novembru 2002 dwar ir-Regolament Finanzjarju qafas għall-korpi riferiti fl-Artikolu 185 tar-Regolament tal-Kunsill (KE, Euratom) Nru 1605/2002 dwar ir-Regolament Finanzjarju li japplika għall-estimi finanzjarji ġenerali tal-Komunitajiet Ewropej ( 21 ) għajr jekk dan it-tluq ikun meħtieġ speċifikament għall-ħidma ta' l-Aġenzija u l-Kummissjoni tkun tat il-kunsens tagħha bil-quddiem.

1. Ir-reponsabbiltà għat-tqegħid fil-post tas-sistemi interni tal-kontroll u l-proċeduri xierqa għat-twettiq tal-kompiti tiegħu għandha taqa' fuq l-uffiċjal ta' l-awtorizzazzjonijiet.

2. Il-Kulleġġ għandu jaħtar awditur intern li għandu jkun responsabbli b'mod partikolari fil-provvediment, skond il-livelli internazzjonali rilevanti, ta' assigurazzjoni dwar il-funzjonament proprju tas-sistemi u proċeduri għall-implimentazzjoni tal-budget. L-awditur intern ma jistax ikun l-uffiċjal awtorizzat jew l-accountant. Il-Kulleġġ jista' jsaqsi lill-awditur intern tal-Kummissjoni biex iwettaq dawn il-funzjonijiet.

3. L-awditur għandu jirrapporta dak li jinstab u r-rakkomandazzjonijiet tiegħu lill-Eurojust u jagħti kopja tar-rapport lill-Kummissjoni. L-Eurojust għandha, fid-dawl tar-rapporti ta' l-awditur, tieħu l-miżuri neċessarji bħala risposta għal dawn ir-rakkomandazzjonijiet.

4. Ir-regoli stabbiliti bir-Regolament (KE) Nru. 1073/1999 għandhom jgħoddu għall-Eurojust. Il-Kulleġġ għandu jadotta l-miżuri ta' implimentazzjoni neċessarji.

Fuq il-bażi ta' proposta mid-Direttur Amministrattiv, il-Kulleġġ għandu jadotta regoli għal aċċess ta' dokumenti ta' l-Eurojust, waqt li jikkonsidra l-prinċipji u l-limiti mniżżla fir-Regolament (KE) Nru. 1049/2001 tal-Parlament Ewropew u tal-Kunsill tat-30 ta' Mejju 2001 dwar aċċess pubbliku għal dokumenti tal-Parlament Ewropew, tal-Kunsill u tal-Kummissjoni ( 22 ).

L-Eurojust għandha tapplika l-prinċipji ta’ sigurtà u standards minimi stabbiliti fid-Deċiżjoni tal-Kunsill 2001/264/KE tad-19 ta’ Marzu 2001 li tadotta r-regolamenti tal-Kunsill rigward is-sigurtà ( 23 ) fil-ġestjoni ta’ informazzjoni klassifikata tal-UE.

Din id-Deċiżjoni għandha tgħodd għal Ġibiltà, li għandha tkun rappreżentata mill-membru nazzjonali għar-Renju Unit.

1. L-Istati Membri għandhom jinnotifikaw lill-Eurojust u lis-Segretarjat Ġenerali tal-Kunsill bi kwalunkwe ħatra ta’ membri nazzjonali, assistenti kif ukoll persuni msemmija fl-Artikolu 12(1) u (2) u bi kwalunkwe bidla għal din il-ħatra. Is-Segretarjat Ġenerali tal-Kunsill għandu jżomm lista aġġornata ta’ dawn il-persuni u għandu jagħmel l-ismijiet u d-dettalji ta’ kuntatt tagħhom disponibbli lill-Istati Membri kollha u lill-Kummissjoni.

2. Il-ħatra definittiva ta’ membru nazzjonali ma tistax tidħol fis-seħħ qabel il-jum li fih is-Segretarjat Ġenerali tal-Kunsill jirċievi n-notifiki uffiċjali msemmija fil-paragrafu 1 u fl-Artikolu 9a(3).

1. Qabel l-4 ta’ Ġunju 2014 u kull ħames snin wara, il-Kulleġġ għandu jikkummissjona evalwazzjoni esterna indipendenti tal-implimentazzjoni ta’ din id-Deċizjoni kif ukoll tal-attivitajiet imwettqa mill-Eurojust.

2. Kull evalwazzjoni għandha tagħti stima tal-impatt ta’ din id-Deċiżjoni, tivvaluta l-prestazzjoni tal-Eurojust f’termini ta’ ksib tal-għanijiet imsemmijin f’din id-Deċiżjoni kif ukoll l-effikaċja u l-effiċjenza tal-Eurojust. Il-Kulleġġ għandu jistipula termini ta’ referenza speċifiċi b’konsultazzjoni mal-Kummissjoni.

3. Ir-rapport ta’ evalwazzjoni għandu jinkludi l-konklużjonijiet u r-rakkomandazzjonijiet tal-evalwazzjoni. Dan ir-rapport għandu jintbagħat lill-Parlament Ewropew, lill-Kunsill u lill-Kummissjoni u għandu jsir disponibbli għall-pubbliku.

Jekk neċessarju, l-Istati Membri għandhom jikkonformaw l-liġi nazzjonali tagħhom ma' din id-Deċiżjoni ma' l-ewwel opportunità u f'kull każ mhux aktar tard mis-6 ta' Settembru 2003.

Din id-Deċiżjoni għandha tidħol fis-seħħ fil-ġurnata tal-pubblikazzjoni tagħha fil-Ġurnal Uffiċjali tal-Komunitajiet Ewropej mingħajr preġudizzju għall-Artikolu 41. F'dik id-data l-Unità Provviżorja tal-Koperazzjoni Ġudizzjarja tieqaf teżisti.

Lista msemmija fl-Artikolu 13(10) li tistabbilixxi l-minimu tat-tipi ta’ informazzjoni li għandha tintbagħat, fejn disponibbli, lill-Eurojust taħt l-Artikolu 13(5), (6) u (7)

( 2 ) ĠU C 34 E, tas-7.2.2002, p. 347 u l-opinjoni mogħtija fid-29 ta' Novembru 2001 (għadha mhiex ippubblikata fil-Ġurnal Uffiċjali).

( 8 ) Fil-mument tal-adozzjoni ta’ din id-Deċiżjoni, il-kompetenza tal-Europol tkun kif previst fl-Artikolu 2(1) tal-Konvenzjoni dwar l-istabbiliment ta’ Uffiċċju Ewropew tal-Pulizija (Konvenzjoni tal-Europol) (ĠU C 316, 27.11.1995, p. 2), kif emendata mill-Protokoll tal-2003 (ĠU C 2, 6.1.2004, p. 1), u fl-Anness miegħu. Madankollu, ladarba tidħol fis-seħħ id-Deċiżjoni tal-Kunsill li tistabbilixxi l-Uffiċċju Ewropew tal-Pulizija (Europol), il-kompetenza tal-Eurojust tkun kif previst fl-Artikolu 4(1) ta’ dik id-Deċiżjoni u fl-Anness magħha.

( 10 ) ĠU L 167, 26.6.2002, p. 1. (Verżjoni MT, Edizzjoni Speċjali, Kapitolu 19, Volum 6, p. 23).

( 16 ) Deċiżjoni tal-Kunsill 2000/641/ĠAI tas-17 ta’ Ottubru 2000 li tistabbilixxi segretarjat għall-korpi superviżorji konġunti għall-protezzjoni tad-data stabbiliti mill-Konvenzjoni dwar l-Istabbiliment ta’ Uffiċċju Ewropew tal-Pulizija (Konvenzjoni Europol), il-Konvenzjoni dwar l-Użu tat-Teknoloġija Informatika għal Finijiet Doganali u l-Konvenzjoni li timplimenta l-Ftehin ta’ Schengen dwar l-abolizzjoni gradwali tal-kontrolli fuq il-fruntieri komuni (Konvenzjoni Schengen) (ĠU L 271, 24.10.2000, p. 1).

( 20 ) ĠU L 56, ta' l-4.3.1968. Regolament kif l-aħħar emendat bir-Regolament (KE, KEFA, Euratom) Nru 2581/2001 (ĠU L 345, tad-29.12.2001, p. 1).

( 21 ) ĠU L 357, tal-31.12.2002, p. 72 bil-corrigendum fil-ĠU L 2, tas-7.1.2003, p. 39.

		Il-Ġurnal Uffiċjali
		No	page	date
►M1	ID-DEĊIŻJONI TAL-KUNSILL 2003/659/JHA tat-18 ta' Ġunju 2003	L 245	44	29.9.2003
►M2	DEĊIŻJONI TAL-KUNSILL 2009/426/ĠAI tas-16 ta’ Diċembru 2008	L 138	14	4.6.2009