02000R0847 — MT — 19.06.2018 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
|
IR-REGOLAMENT TAL-KUMMISSJONI (KE) Nru. 847/2000 tas-27 ta' April 2000 (ĠU L 103 28.4.2000, p. 5) |
Emendat bi:
|
|
|
Il-Ġurnal Uffiċjali |
||
|
Nru |
Paġna |
Data |
||
|
REGOLAMENT TAL-KUMMISSJONI (UE) 2018/781 tad-29 ta' Mejju 2018 |
L 132 |
1 |
30.5.2018 |
|
IR-REGOLAMENT TAL-KUMMISSJONI (KE) Nru. 847/2000
tas-27 ta' April 2000
li jistabbilixxi d-dispożizzjonijiet għall-implimentazzjoni tal-kriterji għall-għażla ta' prodott mediċinali bħala prodott mediċinali orfni u definizzjonijiet tal-kunċetti “prodott mediċinali simili” u “superjorità klinika”
Artikolu 1
Għan
Dan ir-Regolament jestabilixxi fatturi li għandhom ikunu ikkunsidrati meta jkun qed jiġi implimentat l-Artikolu 3 tar-Regolament (KE) Nru. 141/2000 fuq prodotti mediċinali orfni u jistabilixxi definizzjonijiet ta' “prodott mediċinali simili” u “superjorità klinika” għall-iskopijiet li jkun implimentat l-Artikolu 8 tar-Regolament hawn fuq imsemmi. Huwa intiż li jassisti sponsers potenzjali, l-Kumitat għal Prodotti Mediċinali Orfni, u l-awtoritajiet kompetenti fl-interpretazzjoni tar-Regolament (KE) Nru. 141/2000.
Artikolu 2
Kriterji għad-denominazzjoni
1.
Prevalenza ta' kondizzjoni fil-Komunità
Għall-iskop li jkun stabbilit, konformi ma’ l-ewwel subparagrafu ta' l-Artikolu 3(1)(a) tar-Regolament (KE) Nru. 141/2000, li prodott mediċinali hu intiż għal djanjożi, prevenzjoni jew trattament ta' kondizzjoni li thedded il-ħajja jew hi kronikament debilitanti li teffettwa mhux aktar minn ħamsa f'1 000 persuna fil-Komunità, r-regoli speċifiċi segwenti għandhom japplikaw u d-dokumentazzjoni elenkata hawn taħt ser tkun ipprovduta bil-gwida mfassla konformi ma’ l-Artikolu 5(3) tar-Regolament (KE) Nru. 141/2000.
(a) id-dokumentazzjoni għandha tinkludi referenzi awtoritattivi appendiċi li jiddimostraw li l-marda jew kondizzjoni għal liema l-prodott mediċinali ser ikun amministrat, jeffettwa mhux inqas minn ħamsa f'kull 10 000 persuna fil-Komunità fil-ħin li fih l-applikazzjoni għall-għażla hi sottomessa, fejn dawn huma disponibbli;
(b) l-informazzjoni għandha tinkludi dettalji xierqa fuq il-kondizzjoni intiża li tkun ittrattata u ġustifikazzjoni tan-natura li thedded il-ħajja jew hi kronikament debilitanti megħejuna minn referenzi xjentifiċi jew mediċinali.
(ċ) id-dokumentazzjoni sottomessa mill-isponser ser tinkludi jew tirreferi għal reviżjoni tal-letteratura xjentifika rilevanti u ser tipprovdi informazzjoni minn bażijiet ta' informazzjoni rilevanti fil-Komunità fejn dawn huma disponibbli. Fejn l-ebda bażi ta' informazzjoni m' hi disponibbli, referenza tista' tkun magħmula għal bażi ta' informazzjoni disponibbli f'pajjiżi terzi, dejjem jekk l-extrapolitazzjonijiet xierqa huma magħmula;
(d) fejn marda jew kondizzjoni ġiet kunsidrata fil-qafas ta' attivitajiet oħra tal-Komunità fuq mard rari, din l-informazzjoni għandha tkun provduta. Fil-każ ta' mard jew kondizzjonijiet inklużi fi proġetti finanzjarjament megħejjuna mill-Komunità sabiex tkun imtejba informazzjoni fuq mard rari, estratt rileventi minn din l-informazzjoni li tinkludi b'mod partikolari, dettalji tal-prevalenza tal-marda jew kondizzjoni in kwistjoni għandha tkun ipprovduta.
2.
Potenzjal għal redditu fuq l-investiment
Għall-iskop li jkun stabbilit, konformi mat-tieni sub paragrafu ta' l-Artikolu 3(1)(a) tar-Regolament (KE) Nru. 141/2000, li prodott mediċinali hu intiż għal djanjożi, prevenzjoni jew trattament ta' kondizzjoni li thedded il-ħajja jew hi kronikament debilitanti jew kondizzjoni serja u kronika fil-Komunità, u li mingħajr inċentivi mhux daqstanti mistenni li l-ippubliċiżżar tal-prodott mediċinali fil-Komunità' jiġġenera redditu suffiċjenti biex jiġġustifika l-investiment neċessarju, r-regoli speċifiċi segwenti għandhom japplikaw u d-dokumentazzjoni xierqa għandha tkun pprovduta bi qbil mal-gwida mfassla konformi ma’ l-Artikolu 5(3) tar-Regolament (KE) Nru/141/2000:
(a) l-informazzjoni għandha tinkludi dettalji xierqa fuq il-kondizzjoni intiża li tkun trattata u ġustifikazzjoni tan-natura li thedded il-ħajja jew hi kronikament debilitanti jew natura serja u kronika tal-kondizzjoni megħjjuna minn referenzi xjentifiċi jew mediċinali.
(b) id-dokumentazzjoni sottomessa mill-isponser għandha tinkludi informazzjoni fuq kull spiża li l-isponser sostna fil-proċess ta' l-iżvilupp tal-prodott mediċinali;
(ċ) id-dokumentazzjoni pprovduta għandha tinkludi dettalji ta' għotjiet, inċentivi ta' taxxa jew spejjeż oħra dispożizzjonijiet ta' rkupru irċevuti jew fil-Komunità jew f' pajjiżi terzi;
(d) f' każijiet fejn il-prodott mediċinali hu diġa awtorizzat għal kwalunkwe indikazzjoni jew fejn il-prodott mediċinali hu taħt investigazzjoni għal waħda jew aktar indikazzjonijiet, spejgazzjoni ċara ta' u ġustifikazzjoni għal dak il-metodu li hu wżat biex japproporzjona l-ispejjeż ta' żvilupp fost l-indikazzjonijiet varji għandhom ikunu provduti;
(e) dikjarazzjoni ta' u ġustifikazzjoni għall-ispejjeż kollha ta' l-iżvilupp li l-i sponser jippretendi li jħallas wara s-sottomissjoni ta' l-applikazzjoni għall-għażla għandha tkun provduta;
(f) dikjarazzjoni ta' u ġustifikazzjoni għal kull produzzjoni u spejjeż ta' reklamar li l-i sponser ħallas fil-passat u li mistenni li jħallas matul l-ewwel 10 snin li l-prodott mediċinali hu awtorizzat għandha tkun provduta;
(g) kalkolu u ġustifikazzjoni għad-dħul mistenni mill-bejgħ tal-prodott mediċinali fil-Komunità matul l-ewwel 10 snin wara l-awtorizzazzjoni;
(g) l-ispejjeż kollha u l-informazzjoni tad-dħul għandhom ikunu determinati bi qbil mal-prattiċi ta' l-accounting ġeneralment aċċettati u għandhom ikunu ċertifikati minn accountant reġistrat fil-Komunità;
(h) id-dokumentazzjoni provduta għandha tinkludi informazzjoni fuq il-prevalenza u inċidenza fil-Komunità tal-Kondizzjoni għal liema l-prodott mediċinali ikun amministrat fil-ħin f'liema applikazzjoni għall-għażla hi sottomessa.
3.
Eżistenza ta' metodi oħra ta' djanjożi, prevenzjoni jew trattament
Applikazzjoni għall-għażla ta' prodott mediċinali bħala prodott mediċinali orfni jista' jkun sottomess bi qbil ma’ jew paragrafu 1 jew paragrafu 2 ta' dan l-Artikolu. Irrispettivament minn jekk applikazzjoni għall-għażla hi sottomessa bi qbil mal-paragrafu 1 jew 2, l-isponser irid addizzjonalment jistabilixxi li ma jeżisti l-ebda metodu sodisfaċenti ta' djanjożi, prevenzjoni jew trattament tal-kondizzjoni in kwistjoni, jew jekk tali metodu jeżisti li l-prodott mediċinali jkun ta' benefiċċju sinifikanti lil dawk effettwati mill-kondizzjoni.
Għall-iskop li jkun stabbilit konformi ma’ l-Artikolu 3(1)(b) tar-Regolament (KE) Nru. 141/2000 li ma jeżisti l-ebda metodu sodisfaċenti ta' djanjożi, prevenzjoni jew trattament tal-kondizzjoni in kwistjoni, jew jekk tali metodu jeżisti li l-prodott mediċinali ikun ta' benefiċċju sinifikanti lil dawk effettwati mill-kondizzjoni, is-segwenti regoli japplikaw:
(a) dettalji ta' kwalunkwe metodu ta' djanjożi, prevenzjoni jew trattament tal-kondizzjoni in kwistjoni li ġew awtoriżżati fil-Komunità għandhom ikunu provduti, filwaqt li ssir referenza għal letteratura xjentifika u mediċinali jew informazzjoni oħra rilevanti. Dawn jistgħu jinkludu prodotti mediċinali awtoriżżati, aġġeġġi mediċinali jew metodi oħra ta' djanjożi, prevenzjoni jew trattament li huma wżati fil-Komunità;
(b) jew ġustifikazzjoni għalfejn il-metodi rreferuti fil-paragrafu (a) mhumiex kunsidrati sodisfaċenti;
jew
(ċ) ġustifikazzjoni għall-assunzjoni li l-prodott mediċinali għal liema l-għażla hi mfittxija tkun ta' benefiċċju sinifikanti għal dawk effettwati mill-kondizzjoni.
4.
Dispożizzjonijiet ġenerali
(a) Sponser li japplika għall-għażla ta' prodott mediċinali bħala prodott mediċinali orfni għandu japplika għall-għażla fi kwalunkwe stadju ta' żvilupp tal-prodott mediċinali qabel l-applikazzjoni għall-awtorizzazzjoni tar-reklamar m'hi magħmula. Applikazzjoni għall-għażla tista pero' tkun sottomessa għal indikazzjoni terapewtika ġdida għal prodott mediċinali diġa awtorizzat. F'dan il-każ, dak li jżomm l-awtorizzazzjoni tar-reklamar għandu japplika għal awtorizzazzjoni tar-reklamar separata li tkopri biss l-indikazzjonijiet orfni.
(b) Iktar minn sponser wieħed jista' jottjeni għażla bħala prodott mediċinali orfni għall-istess prodott mediċinali intiż li jipprevjeni, jittratta jew jagħmel djanjożi ta' l-istess marda jew kondizzjoni, dejjem jekk applikazzjoni sħiħa għall-għażla kif imfassal mir-regoli gwida speċifikat fl-Artikolu 5(3) hu sottomess f' kull każ.
(ċ) Fejn prodott mediċinali hu magħżul mill-Kumitat għall-Prodotti Mediċinali Orfni referenza għall-kriterji ta' l-għażla tkun magħmula jew għal l-Artikolu 2(1) jew għal l-Artikolu 2(2) ta' dan ir-Regolament.
Artikolu 3
Definizzjonijiet
1. Id-definizzjonijiet ta' l-Artikolu 2 tar-Regolament (KE) Nru. 141/2000 japplikaw għal dawk it-termini meta użati f' dan ir-Regolament:
— “sustanza” tfisser sustanza użata fil-manifattura ta' prodott mediċinali għall-użu uman kif definit fl-Artikolu 1 tad-Direttiva 65/65/KEE.
2. Għall-iskop ta' l-implimentazzjoni ta' l-Artikolu 3 tar-Regolament (KE) Nru. 141/2000 fuq prodott mediċinali orfni, d-definizzjoni segwenti għandha tapplika:
— “benefiċċju sinifikanti” jfisser vantaġġ klinikament rileventi jew kontribuzzjoni kbira lill-kura tal-pazjent.
3. ►M1 Għall-finijiet tal-applikazzjoni tal-Artikolu 8 tar-Regolament (KE) Nru 141/2000 fuq prodott mediċinali orfni, għandhom japplikaw id-definizzjonijiet li ġejjin:
(a) imħassra;
(b) “prodott mediċinali simili” tfisser prodott mediċinali li jikkontjeni sustanzi simili attivi ta' sustanzi kif kontenuti fi prodott mediċinali orfni bħalissa awtorizzat, u li hu intiż għall-istess indikazzjoni terapewtika;
(c) “sustanza simili attiva” tfisser sustanza attiva identika, jew sustanza attiva bl-istess karatteristiċi fl-istruttura prinċipali molekolari (imma mhux neċessarjament kollha tal-istess karatteristiċi strutturali molekolari) u li taġixxi via l-istess mekkaniżmu. Madankollu, fil-każ ta' prodotti mediċinali ta' terapija avvanzata, li għalihom il-karatteristiċi strutturali prinċipali molekolari ma jistgħux jiġu kompletament definiti, is-similarità bejn żewġ sustanzi attivi għandha tiġi vvalutata abbażi tal-karatteristiċi bijoloġiċi u funzjonali.
Għall-fini tal-applikazzjoni tal-punt (c) ta' hawn fuq, dan li ġej japplika għal:
(1) Prodotti kimiċi mediċinali
Il-karatteristiċi strutturali prinċipali molekolari huma l-komponenti strutturali rilevanti ta' sustanza attiva. Dawn jistgħu jkunu l-molekula sħiħa jew parti minnha. Permezz ta' paragun bejn l-istrutturi tagħhom se jiġi identifikat jekk il-karatteristiċi strutturali prinċipali molekolari humiex l-istess bejn tnejn jew iktar molekoli.
|
(1.1) |
Isomeri, taħlita ta' isomeri, kumplessi, esteri, eteri, imluħa u derivattivi tas-sustanza attiva oriġinali, jew sustanza attiva li hija differenti mis-sustanza attiva oriġinali biss fir-rigward ta' bidliet żgħar fl-istruttura molekolari, bħal pereżempju analogu strutturali, għandhom jiġu kkunsidrati li huma simili. |
|
(1.2) |
Sustanzi polinuklejotidi sintetiċi, singoli jew b'filament doppju, li jikkonsistu minn żewġ jew aktar nuklejotidi fejn: — id-differenza fis-sekwenza tan-nuklejotidi tal-bażijiet purini u pirimidini jew id-derivattivi tagħhom mhijiex kbira, għandhom jiġu kkunsidrati li huma simili. Għalhekk għal sustanzi antisensi jew nuklejotidi interferenti, l-addizzjoni, is-sostituzzjoni jew it-tneħħija ta' nuklejotid li ma jaffettwawx b'mod sinifikanti l-kinetika tal-ibridizzazzjoni għall-mira għandhom normalment jiġu ikkunsidrati li huma simili; — id-differenza fl-istruttura relatata mal-modifiki tal-katina taz-zokkor ribosjo jew desossiribosjo jew mas-sostituzzjoni ta' din b'analogi sintetiċi għandha normalment tirriżulta f'sustanzi li jistgħu jiġu kkunsidrati li huma simili. Għal sustanzi antisensi jew nuklejotidi interferenti, tibdil fid-(desossi-)ribosjo li ma jaffettwax b'mod sinifikanti l-kinetiċi tal-ibridizzazzjoni għall-mira normalment jistgħu jiġu kkunsidrati li huma simili. |
(2) Prodotti bijoloġiċi mediċinali (għajr il-prodotti mediċinali ta' terapija avvanzata)
Il-karatteristiċi strutturali prinċipali molekolari huma komponenti strutturali ta' sustanza attiva li huma relevanti għal ċerti karatteristiċi funzjonali ta' dik is-sustanza. Il-karatteristiċi strutturali prinċipali molekolari jistgħu jkunu komposti minn porzjon terapewtiku jew porzjon terapewtiku ikkumbinat mal-element(i) strutturali addizzjonali li jikkontribwixxu b'mod sinifikanti għal-karatteristiċi funzjonali tas-sustanza attiva.
Elementi strutturali addizzjonali ta' dan it-tip jistgħu jkunu konjugati, mdewweb/mdewba jew konness/i permezz ta' mezzi oħra għall-porzjon terapewtiku jew jista'/jistgħu jkun/jkunu estensjoni tal-katina tal-proteini tal-porzjon terapewtiku b'aċidi amminiċi addizzjonali. Sustanzi b'elementi strutturali li għalihom jintużaw metodi simili ta' modifikazzjoni jew teknoloġija tal-konjugazzjoni normalment għandhom jirriżultaw f'sustanzi simili.
Sustanzi attivi bijoloġiċi li jvarjaw minn sustanza bijoloġika oriġinali biss b'rispett għal bidliet żgħar fl-istruttura molekolari għandhom jiġu kkunsidrati li huma simili.
|
(2.1) |
Sustanzi proteiniċi: Id-differenza fl-istruttura bejniethom hija dovuta għal avvenimenti posttraduzzjonali (bħalma huma disinni ta' glikosilazzjoni differenti), is-sustanzi normalment għandhom jiġu kkunsidrati li huma simili. Madankollu, b'mod eċċezzjonali xi modifiki posttraduzzjonali jistgħu jirriżultaw f'sustanzi li mhumiex simili, jekk ikun hemm effett sinifikanti fuq il-karatteristiċi funzjonali tas-sustanza. Jekk id-differenza fis-sekwenza tal-aċidu amminku mhijiex kbira, is-sustanzi għandhom normalment jiġu kkunsidrati li huma simili. Għalhekk, żewġ sustanzi tal-proteini farmakoloġikament relatati tal-istess grupp (pereżempju, li għandhom differenzi relatati ma' eż. metjonina N-terminal, naturalment estratta versus proteini derivati mill-rDNA jew varjanti minuri) għandhom normalment jiġu kkunsidrati li huma simili. Madankollu, iż-żieda ta' element strutturali tista' tirriżulta f'sustanzi li jitqiesu li mhumiex simili jekk dan jaffettwa b'mod sinifikanti l-karatteristiċi funzjonali tas-sustanza. Antikorpi monoklonali vinkolanti għall-istess epitopu fil-mira għandhom normalment jiġu kkunsidrati li huma simili. Madankollu, żewġ antikorpi monoklonali konjugati jew proteini ta' fużjoni jista' jkun li jiġi determinat li mhumiex simili sew jekk is-sekwenzi tar-Reġjun Komplementari tad-Determinazzjoni tal-antikorp u sew jekk l-element strutturali addizzjonali tal-antikorp monoklonali konjugat kienu differenti. |
|
(2.2) |
Sustanzi polisakkaridi: Jekk is-sustanzi għandhom l-istess unitajiet repetittivi ta' sakkarida, anke jekk in-numru tal-unitajiet ivarja dawn għandhom normalment jitqiesu li huma simili. Vaċċin konjugat tal-polisakkarid ipparagunat ma' vaċċin mhux konjugat tal-polisakkarid li fih l-istess antiġen huwa kkunsidrat bħala sustanza mhux simili. |
(3) Prodotti Mediċinali ta' Terapija Avvanzata (ATMPs)
|
(3.1) |
ATMPs ibbażati fuq iċ-ċelloli: Żewġ prodotti mediċinali relatati bbażati fuq iċ-ċelloli mhumiex simili jekk: — hemm differenzi fil-materjali tal-bidu jew fil-kompożizzjoni finali tal-prodott li għandhom impatt sinifikanti fuq il-karatteristiċi bijoloġiċi u/jew l-attività bijoloġika rilevanti għall-effett terapewtiku maħsub u/jew l-attributi tas-sigurtà tal-prodott. Sors differenti ta' materjali tal-bidu (pereż. bħal fil-każ ta' ATMPs awtologi) mhuwiex biżżejjed biex isostni asserzjoni li żewġ prodotti mhumiex simili; jew — hemm id-differenzi fit-teknoloġija tal-manifattura u dan iħalli impatt sinifikanti fuq il-karatteristiċi bijoloġiċi u/jew attività bijoloġika rilevanti għal effett terapewtiku maħsub u/jew għall-attributi tas-sigurtà tal-prodott. |
|
(3.2) |
Prodotti mediċinali ta' terapija tal-ġeni: Żewġ prodotti mediċinali ta' terapija tal-ġeni ma għandhomx jiġu kkunsidrati li huma simili meta jkun hemm differenzi fis-sekwenza terapewtika, fil-vettur virali, fis-sistema ta' trasferiment, fis-sekwenzi regolatorji jew fit-teknoloġija tal-manifattura li jaffettwaw b'mod sinifikanti l-karatteristiċi bijoloġiċi u/jew l-attività bijoloġika rilevanti għall-effett terapewtiku maħsub u/jew l-attributi tas-sigurtà tal-prodott. Differenzi fis-sekwenza terapewtika mingħajr impatt sinifikanti fuq l-effett terapewtiku maħsub mhumiex biżżejjed biex jappoġġjaw l-asserzjoni li ż-żewġ prodotti mediċinali tat-terapija tal-ġeni mhumiex simili. |
|
(3.3) |
Ċelloli ġenetikament modfikati. Il-kunsiderazzjonijiet taħt (3.1) u (3.2) għandhom japplikaw. |
(4) Prodotti mediċinali radjofarmaċewtiċi
L-istess sustanza radjofarmaċewtika attiva, jew waħda li hija differenti mill-oriġinali fir-radjunuklida, fil-ligand, fis-sit tat-tikkettar jew fil-mekkaniżmu tal-akkoppjar tal-molekoli-radjonuklidi li jgħaqqad il-molekola u r-radjonuklida sakemm dan jaġixxi permezz tal-istess mekkaniżmu għandha tiġi kkunsidrata li hija sustanza simili; ◄
(d) “klinikament superjuri” tfisser li prodott mediċinali hu muri li jipprovdi vantaġġ terapewtiku jew djanjostiku sinifikanti fuq dik provduta minn prodott mediċinali orfni awtorizzat f'wieħed jew aktar mill-modi segwenti:
(1) aktar effikaċja minn prodott mediċinali orfni awtorizzat (kif eżaminat b'effett fuq punt tat-tmiem klinikament sinifikanti f' testijiet kliniċi adegwati u kontrollati sew). Ġeneralment, dan jirrappreżenta l-istess tip ta' evidenza li hemm bżonn biex tkun mgħejuna sejħa ta' effikaċja komparattiva għal żewġ prodotti mediċinali differenti. Testijiet komprattivi kliniċi diretti huma ġeneralment neċessarji, imma qbil bażat fuq punti tat-tmiem oħra, kif ukoll punti tat-tmiem surrogati jistgħu ikunu wżati. Fi kwalunkwe każ, l-approċċ metodoloġiku għandu jkun ġustifikat;
jew
(2) aktar sigurtà f' porzjoni sostanzjali tal-popolazzjoni(jiet) bersalji. F' ċertu każijiet testijiet kliniċi direttament komparattivi għandhom ikunu neċessarji;
jew
(3) f' każijiet eċċezzjonali, fejn la sigurtà akbar u lanqas effikaċja akbar ma ġiet murija, dimostrazzjoni li l-prodott mediċinali b'mod ieħor jagħmel kontribuzzjoni kbira għad-djanjożi għall-kura tal-pazjenti.
Artikolu 4
Dħul fis-seħħ.
Dan ir-Regolament ser jidħol fis-seħħ fil-ġurnata wara l-adozzjoni tiegħu mill-Kummissjoni u ser japplika mill-istess ġurnata.
Dan ir-Regolament għandu jorbot fl-intier tiegħu u japplika direttament fl-Istati Membri kollha.