(2)

Billi, fil-laqgħa tal-Kunsill Ewropew f'Madrid, ġiet meħuda d-deċiżjoni li t-terminu “ECU” wżat fit-Trattat biex jirreferi għall-unità tal-munita Ewropea huwa terminu ġeneriku; billi l-Gvernijiet tal-ħmistax-il Stat Membru kisbu l-ftehim komuni li din id-deċiżjoni hija l-interpretazzjoni miftiehma u definittiva tad-dispożizzjonijiet tat-Trattat rilevanti; billi l-isem mogħti lill-munita Ewropea għandu jkun “Euro”; billi l-Euro bħala l-munita ta' l-Istati Membri parteċipanti għandu jinqasam f'mitt sotto-unità bl-isem ta' “ċenteżmu”; billi wkoll il-Kunsill ikkunsidra li l-isem tal-munita unika għandu jkun l-istess fil-lingwi uffiċjali kollha ta' l-Unjoni Ewropea, fil-waqt li tingħata kunsiderazzjoni għall-alfabetti differenti li jeżistu;

(3)

Billi r-Regolament dwar id-dħul ta' l-Euro għandu jkun adottat mill-Kunsill fuq il-bażi tat-tielet sentenza ta' l-Artikolu 109l(4) tat-Trattat hekk kif l-Istati Membri parteċipanti jingħarfu sabiex jiddefinixxu l-qafas legali ta' l-Euro; billi l-Kunsill, meta jaġixxi fid-data tal-bidu tat-tielet stadju bi qbil ma' l-ewwel sentenza ta' l-Artikolu 109l(4) tat-Trattat, għandu jadotta r-rati tal-kambju fissi b' mod irrevokabbli;

(4)

Billi huwa meħtieġ, matul l-operat tas-suq komuni u għall-qlib f'munita unika, li tkun provvduta ċ-ċertezza legali liċ-ċittadini u lill-azjendi fl-Istati Membri kollha dwar ċerti dispożizzjonijiet li jkollhom x'jaqsmu mad-dħul ta' l-Euro minn ħafna qabel id-dħul fit-tielet stadju; billi din iċ-ċertezza fi stadju bikri tagħti lok li t-tħejjijiet miċ-ċittadini u l-azjendi jipproċedu f'kundizzjonijiet tajba;

(5)

Billi t-tielet sentenza ta' l-Artikolu 109l (4) tat-Trattat, li jagħti permess lill-Kunsill, huwa u jaġixxi bl-unanimità ta' l-Istati Membri parteċipanti, sabiex jieħu l-miżuri l-oħrajn meħtieġa għad-dħul bil-ħeffa tal-munita unika, isir disponibbli biss bħala bażi legali meta jiġi konfermat, bi qbil ma' l-Artikolu 109j(4) tat-Trattat, liema Stat Membru jista' jwettaq il-kundizzjonijiet meħtieġa għall-adozzjoni tal-munita unika; billi għalhekk huwa meħtieġ li jsir rikors għall-Artikolu 235 tat-Trattat bħala bażi legali għal dawk id-disposizzjonijiet meta jkun hemm urġenza għal ċertezza legali; billi għalhekk dan ir-Regolament u r-Regolament imsemmi qabel dwar id-dħul ta' l-Euro għandhom flimkien jipprovdu l-qafas legali għall-Euro, liema prinċipji ta' dan il-qafas legali ġew miftiehma fil-Kunsill Ewropew f'Madrid; billi d-dħul ta' l-Euro jinteressa operaturi minn jum għall-ieħor tal-popolazzjoni kollha ta' l-Istati Membri parteċipanti; billi l-miżuri l-oħrajn apparti minn dawk f'dan ir-Regolament u fir-Regolament li jrid jiġi adottat skond it-tielet sentenza ta' l-Artikolu 109l(4) tat-Trattat għandhom jiġu eżaminati biex jassiguraw qalba bilanċjata, partikolarment għall-konsumaturi;

(6)

Billi l-ECU kif imsemmi fl-Artikolu 109g tat-Trattat u kif definit bir-Regolament tal-Kunsill (KE) Nru 3320/94 tat-22 ta' Diċembru 1994 dwar il-konsolidazzjoni tal-leġislazzjoni eżistenti tal-Komunità meta d-definizzjoni ta' l-ECU wara li jidħol fis-seħħ it-Trattat ta' l-Unjoni Ewropea ( 4 ) ma jibqax ikun definit bħala basket ta' muniti komponenti fl-1 Jannar 1999 u l-Euro jsir munita bid-drittijiet tiegħu; billi d-deċiżjoni tal-Kunsill li għandha x'taqsam ma' l-adozzjoni tar-rati tal-kambju ma għandhiex fiha nnifisha tibdel il-valur estern ta' l-ECU; billi dan ifisser li ECU wieħed fil-kompożizzjoni tiegħu bħala basket ta' muniti komponenti għandu jsir Euro wieħed; billi r-Regolament (KE) Nru 3320/94 għalhekk ma jibqax jintuża iktar u għandu jiġi mħassar; billi fir-referenzi għall-ECU fi strumenti legali, il-partijiet għandhom jitqiesu li ftiehmu li jirreferu għall-ECU kif imsemmi fl-Artikolu 109g tat-Trattat u kif definit fir-Regolament imsemmi qabel; billi din il-preżunzjoni għandha tiġi miċħuda fil-waqt li tingħata kunsiderazzjoni għall-intenzjoni tal-partijiet;

(7)

Billi huwa ġeneralment aċċettat bħala prinċipju tal-liġi li l-kontinwità tal- kuntratti u ta' l-istrumenti legali l-oħrajn ma tiġix affettwata bid-dħul ta' munita ġdida; billi l-prinċipju tal-libertà tal-kuntratt għandu jkun rispettat; billi l-prinċipju tal-kontinwità għandu jkun kompatibbli ma' dak kollu li l-partijiet ikunu ftiehmu fuqu f'dak li għandu x'jaqsam mad-dħul ta' l-Euro; billi, sabiex jiġu nfurzati mill-ġdid iċ-ċertezza u l-kjarezza legali, huwa xieraq li jiġi konfermat espliċitament li l-prinċipju ta' kontinwità tal-kuntratti u ta' l-istrumenti legali l-oħrajn għandu japplika bejn il-muniti nazzjonali ta' qabel u l-Euro u bejn l-ECU kif imsemmi fl-Artikolu 109g tat-Trattati u kif definit fir-Regolament (KE) No 3320/94 u l-Euro; billi dan partikolarment jimplika, li fil-każ ta' strumenti ta' skali ta' l-imgħax fiss id-dħul ta' l-Euro ma jibdilx l-iskala nominali ta' l-imgħax li jitħallas mid-debitur; billi d-dispożizzjonijiet dwar il-kontinwità jistgħu jwettqu l-għan tagħhom li jipprovdu ċertezza legali u trasparenza lill-aġenti ekonomiċi, partikolarment lill-konsumaturi, biss jekk jidħlu fis-seħħ malajr kemm jista' jkun;

(8)

Billi d-dħul ta' l-Euro jikkostitwixxi bidla fil-liġi monetarja ta' kull Stat Membru parteċipanti; billi l-għarfien tal-liġi monetarja ta' Stat huwa prinċipju aċċettat universalment; billi l-konferma espliċita tal-prinċipju tal-kontinwità għandha twassal għall-għarfien tal-kontinwità tal-kuntratti u l-istrumenti legali l-oħrajn fil-ġudikaturi ta' pajjiżi terzi;

(9)

Billi t-terminu “kuntratt” użat għad-definizzjoni ta' strumenti legali huwa mifhum li jinkludi t-tipi kollha ta' kuntratti, irrispettivament mill-mod kif ikunu konklużi;

(10)

Billi l-Kunsill, huwa u jaġġixxi bi qbil ma' l-ewwel sentenza ta' l-Artikolu 109l (4) tat-Trattat, għandu jiddefinixxi r-rata tal-kambju ta' l-Euro fit-termini ta' kull waħda mill-muniti nazzjonali ta' l-Istati Membri parteċipanti; billi dawn l-iskali ta' kambju għandhom jintużaw għal kull konverżjoni bejn l-Euro u l-unitajiet ta' munita nazzjonali jew fost l-unitajiet tal-muniti nazzjonali nfushom; billi għal kull konverżjoni fost l-unitajiet ta' muniti nazzjonali, algoriżmu fiss għandu jiddefinixxi r-riżultat; billi l-użu ta' skala invertita għall-konverżjoni timplika l-arrotondament tar-rati fl-iskali u tista' tirriżulta f'nuqqasijiet sinifikanti fl-eżattezza, l-iktar jekk ikunu involuti somom kbar;

(11)

Billi d-dħul ta' l-Euro jeħtieġ l-arrotondament fl-ammonti monetarji; billi indikazzjoni bikrija tar-regoli dwar l-arrotondament hija meħtieġa matul l-operat tas-suq komuni u biex tagħti lok għal tħejjija f'waqtha u għal transizzjoni bla tfixkil għall-Unjoni Ekonomika u Monetarja; billi dawn ir-regoli ma jaffettwawx il-prattika ta' l-arrotondament, konvenzjonijiet jew disposizzjoniet nazzjonali li jipprovdu livell ogħla ta' eżattezza għal kalkoli intermedjarji;

(12)

Billi, sabiex jinkiseb livell għoli ta' eżattezza fl-operati tal-kambju, ir-rati tal-kambju għandhom jiġu definiti f'sitt ċifri sinifikattivi; billi l-iskala ta' sitt ċifri sinifikattivi tfisser l-iskala li, magħduda mix-xellug u tibda bl-ewwel ċifra li mhux zero, għandha sitt ċifri,