1996D0578 — MT — 20.07.2002 — 002.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
ID-DEĊIŻJONI TAL-KUMMISSJONI ta’ l-24 ta’ Ġunju, 1996, dwar il-proċedura ta’ prova ta’ konformità ta’ prodotti ta’ kostruzzjoni skond l-Artikolu 20(2) tad-Direttiva tal-Kunsill 89/106/KEE dwar apparat sanitarju (test rilevanti għaż-ŻEE) (ĠU L 254, 8.10.1996, p.49) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
L 209 |
33 |
2.8.2001 |
||
|
L 192 |
57 |
20.7.2002 |
||
ID-DEĊIŻJONI TAL-KUMMISSJONI
ta’ l-24 ta’ Ġunju, 1996,
dwar il-proċedura ta’ prova ta’ konformità ta’ prodotti ta’ kostruzzjoni skond l-Artikolu 20(2) tad-Direttiva tal-Kunsill 89/106/KEE dwar apparat sanitarju
(test rilevanti għaż-ŻEE)
(96/578/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 89/106/KEE tal-21 ta’ Diċembru, 1988, dwar l-approssimazzjoni tal-liġijiet, regolamenti u dispożizzjonijiet amministrattivi ta’ l-Istati Membri dwar prodotti ta’ kostruzzjoni ( 1 ), kif emendata bid-Direttiva 93/68/KEE ( 2 ), u partikolarment l-Artikolu 13(4) tagħha,
Billi l-Kummissjoni jeħtiġilha, skond iż-żewġ proċeduri msemmija fl-Artikolu 13(3) tad-Direttiva 89/106/KEE dwar prova ta’ konformità ta’ prodott, illi tagħżel “il-proċedura l-inqas oneruża possibbli li tkun taqbel mas-sigurtà”; billi dan ifisser li jeħtieġ li jkun deċiż jekk, għal ċertu prodott jew klassi ta’ prodotti, tkunx meħtieġa sistema ta’ kontroll tal-produzzjoni fil-fabbrika u kondizzjoni ta’ prova ta’ konformità tajba biżżejjed, jew, biex jitħarsu l-kriterji msemmija fl-Artikolu 13(4), hemmx ħtieġa li jkun hemm korp approvat ta’ ċertifikazzjoni;
Billi l-Artikolu 13(4) jitlob li l-proċedura adottata għandha tintwera fl-ordnijiet u fl-ispeċifikazzjonijiet tekniċi; billi, għalhekk, ikun aħjar li jkun hemm definizzjoni tal-kunċett ta’ prodotti jew klassi ta’ prodotti kif użati fl-ordnijiet u fl-ispeċifikazzjonijiet tekniċi;
Billi ż-żewġ proċeduri msemmija fl-Artikolu 13(3) huma murija fid-dettal fl-Anness III tad-Direttiva 89/106/KEE; billi għalhekk jeħtieġ li jintwerew b’mod ċar il-metodi li bihom iż-żewġ proċeduri għandhom ikunu implimentati, b’riferenza għall-Anness III, għal kull prodott jew klassi ta’ prodotti peress li l-Anness III jagħti preferenza lil ċerti sistemi;
Billi l-proċedura li għaliha saret riferenza f’punt (a) ta’ l-Artikolu 13(3) taqbel mas-sistemi msemmija fl-ewwel possibbiltà, mingħajr sorveljanza kontinwa, u t-tieni u t-tielet possibbiltà ta’ punt (ii) tat-Taqsima 2 ta’ l-Anness III, u l-proċedura msemmija f’punt (b) ta’ l-Artikolu 13(3) taqbel mas-sistemi msemmija f’punt (i) tat-Taqsima 2 ta’ l-Anness III, u fl-ewwel possibbiltà b’sorveljanza kontinwa, ta’ punt (ii) tat-Taqsima 2 ta’ l-Anness III;
Billi l-miżuri stabbiliti f’din id-Deċizjoni huma skond l-opinjoni tal-Kumitat Permanenti dwar Il-Kostruzzjoni,
ADOTTAT DIN ID-DEĊIŻJONI:
L-Artikolu 1
Il-prova ta’ konformità tal-prodotti u tal-klassijiet ta’ prodotti msemmija fl-Anness I għandha tkun skond proċedura li biha l-manifattur ikollu taħt ir-responsabbiltà tiegħu biss sistema ta’ kontroll tal-produzzjoni fil-fabbrika li tassigura li l-prodott ikun konformi ma’ l-ispeċifikazzjonijiet tekniċi rilevanti.
L-Artikolu 2
Il-prodotti msemmija fl-Anness II għandu jkollhom il-prova tagħhom ta’ konformità skond proċedura li biha, flimkien mas-sistema ta’ kontroll tal-produzzjoni fil-fabbrika mħaddma mill-manifattur, korp approvat ta’ ċertifikazzjoni jieħu sehem fil-verifika u s-sorveljanza ta’ kontroll tal-produzzjoni jew tal-prodott innifsu.
L-Artikolu 3
Il-proċedura għall-prova ta’ konformità, kif mogħtija fl-Anness III, għandha tintwera f’ordnijiet għal standards armonizzati.
L-Artikolu 4
Din id-Deċiżjoni hija indirizzata lill-Istati Membri.
L-ANNESS I
STRUMENTI SANITARJI
Sinkijiet, fliskaturi u reċipjenti komunali; banjijiet; vaski tad-doċċa; bidet; awrinari; bwieqi jew tapsini tat-toilet; armarji għal sustanzi trab, kimiċi u tal-ikkompostjar; toilets maċeraturi, toilets ta’ bil-qiegħda, tankijiet għall-flushing, banjijiet idromassaġġi, paraventi jew għeluq għal doċċa u banju.
Toilets pubbliċi modulari u kabini tat-Toilets barra minn dawk speċifikati fl-Anness II.
L-ANNESS II
STRUMENTI SANITARJI
Toilets pubbliċi modulari u kabini tat-toilets li huma miksija bl-użu ta' materjali li jaqgħu fil-klassijiet A1 ( 3 ), A2 (3) , B (3) , Ċ (3) .
L-ANNESS III
KLASSI TA’ PRODOTTI
STRUMENTI SANITARJI (1/1)
Sistemi ta’ prova ta’ konformità
Għall-prodott jew prodotti u l-użu maħsub għalihom, imsemmija hawn taħt, il-Kumitat Ewropew ta’ Standardizzazzjoni/Kumitat Ewropew ta’ Standardizzazzjoni Elettroteknika (CEN/Cenelec) huwa mitlub li jispeċifika s-sistema jew sistemi li ġejjin ta’ prova ta’ konformità skond standards armonizzati rilevanti:
|
Prodott/i |
użu maħsub għal strumenti sanitarji |
Livell/i jew klassi/ijiet Reazzjoni għan-nar (1) |
Sistema/i ta’ prova ta’ konformità |
|
Sinkijiet |
Preparament ta' ikel, ħasil tal-platti u rimi ta' ilma skart domestiku |
4 (4) |
|
|
►M2 Sinkijiet, ◄ Fliskaturi, u reċipjenti komunali; banjijiet, vaski tad-doċċa, bedè, awrinari, bwieqi jew tapsini tat-toilet, armarji għal sustanzi trab, kimiċi u taħlitiet oħra, toilets maċeraturi, toilets ta’ bilqiegħda, tankijiet għall-flushing, banjiet idromassaġġi, paraventi u għeluq għal doċċa u banju u moduli tat-toilet prefabbrikati. |
iġjene personali |
— |
4 (4) |
|
Toilets pubbliċi modulari, u kompartimenti tat-toilets prefabbrikati |
iġjene personali |
1 (5) |
|
|
3 (6) |
|||
|
4 (4) |
|||
|
(1) Għal reazzjoni għan-nar, ara ►M1 d-Deċiżjoni tal-Kummissjoni 2000/147/KE (ĠU L 50, tat-23.2.2000, p. 14) ◄ (2) ►M1 Prodotti/materjali fejn stadju identifikabbli b'mod ċar fil-proċess tal-produzzjoni jirriżulta f'titjib fil-klassifika dwar ir-reazzjoni għan-nar (p.e. żieda ta' fire retardants jew limitu fuq il-materjali organiċi) ◄ . (3) ►M1 Prodotti/materjali mhux koperti bin-nota ta' l-aħħar 2 ◄ . (4) Sistema 1: Ara l-Anness III, Taqsima 2, punt (i), tad-Direttiva 89/106/KEE, mingħajr verifika tal-kontijiet ta’ kampjuni. (5) Sistema 3: Ara l-Anness III, Taqsima 2, punt (ii), tad-Direttiva 89/106/KEE, it-tieni possibbiltà. (6) Sistema 4: Ara l-Anness III, Taqsima 2, punt (ii), tad-Direttiva 89/106/KEE, it-tielet possibbiltà. (7) Prodotti/materjali li ma jenħtieġux li jkunu ttestjati għal reazzjoni għan-nar (p.e. Prodotti/metarjali tal-Klassijiet A1 skond id-Deċiżjoni tal-Kummissjoni 96/603/KE). |
|||
L-ispeċifikazzjoni għas-sistema għandha tkun tista’ titħaddem ukoll fejn mhux meħtieġ li jkun magħruf kif intlaqgħet xi karatteristika, peress li mill-inqas fi Stat Membru wieħed biss jista’ ma jkunx hemm obbligu legali għal dik il-karatteristika (Ara l-Artikolu 2(1) tad-Direttiva 89/106/KEE u, fejn ikun applikabbli, il-klawsoli 1.2.3 tad-Dokumenti Interpretattivi). F’dawk il-każijiet il-verifika ta’ din il-karatteristika m’għandhiex tkun imposta fuq il-manifattur jekk huwa ma jkunx jixtieq jiddikkjara kif intlaqa’ prodott f’dak ir-rigward.
( 1 ) ĠU L 40, tal-11.2.1989, p. 12.
( 2 ) ĠU L 220, tat-30.8.1993, p. 1.
( 3 ) Prodotti/materjali fejn stadju identifikkabbli b'mod ċar fil-proċess tal-produzzjoni jirriżulta f'titjib dwar il-klassifika tar-reazzjoni għan-nar (p.e. żieda ta' fire retardants jew limitu fuq il-materjali organiċi).