01990L0270 — MT — 27.06.2007 — 001.003
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
►C1 ID-DIRETTIVA TAL-KUNSILL tad-29 ta' Mejju 1990 dwar il-ħtiġijiet minimi ta' saħħa u sigurtà għax-xogħol b'tagħmir li għandu display screen (il-ħames Direttiva individwali fi ħdan it-tifsira ta' l-Artikolu 16(1) tad-Direttiva 89/391/KEE) ◄ (ĠU L 156 21.6.1990, p. 14) |
Emendata bi:
|
|
Il-Ġurnal Uffiċjali |
||
Nru |
Paġna |
Data |
||
L 165 |
21 |
27.6.2007 |
Ikkoreġuta bi:
ID-DIRETTIVA TAL-KUNSILL
tad-29 ta' Mejju 1990
dwar il-ħtiġijiet minimi ta' saħħa u sigurtà għax-xogħol b'tagħmir li għandu display screen (il-ħames Direttiva individwali fi ħdan it-tifsira ta' l-Artikolu 16(1) tad-Direttiva 89/391/KEE)
(90/270/KEE)
IT-TAQSIMA I
DISPOŻIZZJONIJIET ĠENERALI
L-Artikolu 1
Suġġett
1. Din id-Direttiva, li hija l-ħames Direttiva individwali fit-tifsira ta' l-Artikolu 16(1) tad-Direttiva 89/391/KEE, issemmi ħtiġijiet minimi għas-saħħa u s-sigurtà għal xogħol b'tagħmir li għandu display screen kif definit fl-Artikolu 2.
2. Id-dispożizzjonijiet tad-Direttiva 89/391/KEE huma applikabbli kollha kemm huma għall-qasam kollu msemmi fil-paragrafu 1, mingħajr preġudizzju għal dispożizzjonijiet aktar strinġenti u/jew speċifiċi li jinsabu fid-Direttiva preżenti.
3. Din id-Direttiva m'għandhiex tapplika għal:
(a) kabini tax-xufiera jew kabini tal-kontroll għal vetturi jew makkinarju;
(b) sistemi tal-kompjuter abbord mezz tat-trasport;
(ċ) sistemi tal-kompjuter maħsubin prinċipalment għall-użu pubbliku;
(d) sistemi 'portable' użati għal perijodu ta' żmien twil fuq workstation;
(e) kalkulaturi, cash registers, u kull apparat li jkollu display ta' l-informazzjoni jew tal-kejl żgħira meħtieġa għall-użu dirett ta' l-apparat;
(f) magni tal-kitba ta' disinn tradizzjonali, magħrufin bħala “typewriter with window”.
L-Artikolu 2
Definizzjonijiet
Għall-iskopijiet ta' din id-Direttiva, it-termini li ġejjin għandhom ikollhom it-tifsir li ġej:
(a) tagħmir tad – display screen: display screen alfanumeriku jew grafiku, ikun xi jkun il-proċess ta' display impjegat;
(b) workstation: numru ta' komponenti li jinkludu tagħmir tad – display screen, li jista' jkollu wkoll keyboard jew apparat biex iddaħħal l-informazzjoni u/jew software li jiddetermina l-interface bejn l-operatur u l-makkinarju, aċċessorji fakoltattivi, tagħmir perferali li jinkludi drive tad-diskette, telefon, modem, stampatriċi, għodda li żżomm id-dokumenti, siġġu tax-xogħol u bank jew wiċċ tax-xogħol, u l-ambjent immedjat tal-post tax-xogħol;
(ċ) ħaddiem: kull ħaddiem kif definit fl-Artikolu 3(a) tad-Direttiva 89/391/KEE li juża regolarment tagħmir li għandu display screen bħala parti importanti tax-xogħol normali tiegħu.
IT-TAQSIMA II
OBBLIGI TA' MIN IĦADDEM
L-Artikolu 3
Analiżi tal-workstations
1. Min iħaddem għandu l-obbligu li jagħmel analiżi tal-workstations sabiex jivvaluta l-kondizzjonijiet ta' saħħa u sigurtà li dawn iħallu fuq il-ħaddiema tiegħu, partikolarment fejn jidħlu riskji possibbli tal-vista, problemi fisiċi u problemi ta' stress mentali.
2. Min iħaddem għandu jieħu l-miżuri xierqa sabiex jirrimedja r-riskji misjuba, fuq il-bażi tal-valutazzjoni msemmija fil-paragrafu 1, waqt li jikkonsidra l-effetti addizzjonali u/jew magħqudin tar-riskji misjuba.
L-Artikolu 4
Workstations imdaħħla fis-servizz għall-ewwel darba
Min iħaddem għandu jieħu l-passi xierqa sabiex jiżgura li workstations imdaħħla fis-servizz għall-ewwel darba wara l-31 ta' Diċembru 1992 ikunu konformi mal-ħtiġijiet minimi msemmija fl-Anness.
L-Artikolu 5
Workstations diġà funzjonanti
Min iħaddem għandu jieħu l-passi xierqa sabiex jiżgura li workstations li diġà qed jintużaw qabel jew fil-31 ta' Diċembru 1992 jiġu adattati sabiex ikunu konformi mal-ħtiġijiet minimi imsemmija fl-Anness mhux aktar tard minn erba' snin wara dik id-data.
L-Artikolu 6
Informazzjoni u taħriġ għall-ħaddiema
1. Mingħajr preġudizzju għall-Artikolu 10 tad-Direttiva 89/391/KEE, il-ħaddiema għandhom jirċievu informazzjoni dwar l-aspetti kollha tas-saħħa u s-sigurtà relatati mal-workstation tagħhom, partikolarment informazzjoni dwar dawk il-miżuri applikabbli għal workstations kif implimentati taħt l-Artikoli 3, 7 u 9.
Fil-każi kollha, il-ħaddiema jew ir-rappreżentanti tagħhom għandhom jiġu infurmati dwar kull miżura għas-saħħa u s-sigurtà meħuda konformi ma' din id-Direttiva.
2. Mingħajr preġudizzju għall-Artikolu 12 tad-Direttiva 89/391/KEE, kull ħaddiem għandu jirċievi wkoll taħriġ fl-użu tal-workstation qabel ma jibda dan it-tip ta' xogħol u kull meta l-organizzazzjoni tal-workstation tkun sostanzjalment mibdula.
L-Artikolu 7
Rutina tax-xogħol ta' kuljum
Min iħaddem għandu jippjana l-attivitajiet tal-ħaddiema b'mod li xogħol ta' kuljum fuq display screen ikun interrott perjodikament b'ħinijiet ta' mistrieħ jew bi bdil fl-attività li jnaqqsu l-massa ta' xogħol fuq id-display screen.
L-Artikolu 8
Konsultazzjoni mal-ħaddiema u l-parteċipazzjoni tagħhom
Għandu jkun hemm konsultazzjoni mal-ħaddiema u/jew mar-rappreżentanti tagħhom u l-parteċipazzjoni tagħhom skond l-Artikolu 11 tad-Direttiva 89/391/KEE dwar il-kwistjonijiet koperti minn din id-Direttiva, inkluż l-Anness tagħha.
L-Artikolu 9
Protezzjoni ta' l-għajnejn u tal-vista tal-ħaddiema
1. Il-ħaddiema huma intitolati għal test ta' l-għajnejn u tal-vista xieraq magħmul minn persuna bil-kapaċitajiet neċessarji:
— qabel jibdew xogħol ta' display screen,
— f'intervalli regolari minn hemm 'il quddiem, u
— jekk jiltaqgħu ma' diffikultajiet ta' l-għajnejn li jistgħu ikunu minħabba xogħol ta' display screen.
2. Il-ħaddiema huma intitolati għal eżami oftalmoloġiku jekk ir-riżultati tat-test imsemmi fil-paragrafu 1 juri li dan hu neċessarju.
3. Jekk ir-riżultati tat-test imsemmi fil-paragrafu 1 jew ta' l-eżami msemmija fil-paragrafu 2 juru li hu neċessarju u jekk strumenti korrettivi normali ma jistgħux jintużaw, il-ħaddiema għandhom jiġu pprovduti bi strumenti korrettivi speċjali xierqa għax-xogħol ikkonċernat.
4. Miżuri meħuda skond dan l-Artikolu ma jistgħu fl-ebda ċirkostanza jinvolvu l-ħaddiema fi spejjeż finanzjarji addizzjonali.
5. Il-protezzjoni ta' għajnejn u tal-vista tal-ħaddiema tista' tkun ipprovduta bħala parti minn sistema tas-saħħa nazzjonali.
IT-TAQSIMA III
DISPOŻIZZJONIJIET VARJI
L-Artikolu 10
Adattamenti għall-Anness
L-adattamenti strettament tekniċi għall-Anness sabiex ikun ikkonsidrat il-progress tekniku, l-iżviluppi ta' regolamenti internazzjonali u l-ispeċifikazzjonijiet u l-għarfien fil-qasam ta' tagħmir li għandu display screen għandhom jiġu adottati skond il-proċedura msemmija fl-Artikolu 17 tad-Direttiva 89/391/KEE.
L-Artikolu 11
Dispożizzjonijiet finali
1. L-Istati Membri għandhom idaħħlu fis-seħħ il-liġijiet, regolamenti u dispożizzjonijiet amministrattivi neċessarji sabiex jikkonformaw ma' din id-Direttiva sal-31 ta' Diċembru 1992.
Huma għandhom jinfurmaw lill-Kummissjoni d'dan minnufih.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet tal-liġi nazzjonali li huma jadottaw, jew li diġà adottaw, fil-qasam li jaqa' taħt din id-Direttiva.
▼M1 —————
L-Artikolu 12
Din id-Direttiva hija indirizzata lill-Istati Membri.
L-ANNESS
ĦTIĠIJIET MINIMI
(L-Artikoli 4 u 5)
Rimarka Preliminari
L-obbligi msemmija f'dan l-Anness għandhom japplikaw sabiex jintlaħqu l-għanijiet ta' din id-Direttiva u sakemm, l-ewwelnett, il-komponenti kkonċernati huma preżenti fuq il-workstation, u t-tininett, sakemm il-ħtiġijiet jew karatteristiċi inerenti fill-biċċa xogħol ma jipprekluduhiex.
1. TAGĦMIR
(a) Kumment Ġenerali
L-użu nnifsu tat-tagħmir m'għandux ikun sors ta' riskju għall-ħaddiema.
(b) Display screen
Il-karattri fuq l-iskrin għandhom ikunu definiti tajjeb u ffurmati b'mod ċar, ta' daqs adegwat u bi spazji adegwati bejn il-karattri u l-linji.
L-immaġni fuq l-iskrin għandha tkun stabbli, mingħajr ċaqliq jew forom oħra ta' instabbilità.
Il-luminożità u/jew il-kuntrast bejn il-karattri u l-isfond għandha tkun waħda li tista' tiġi aġġustata b'mod faċli għall-kondizzjonijiet ambjentali.
L-iskrin għandu jkun jiċċaqlaq 'il fuq u 'l isfel u minn naħa għal oħra b'mod faċli u liberu sabiex jissodisfa l-bżonnijiet tal-ħaddiem.
Għandu jkun possibbli li tintuża bażi separata għall-iskrin jew mejda aġġustabbli.
L-iskrin għandu jkun liberu minn dija riflessiva u riflessjonijiet li jistgħu jikkawżaw skumdità għall-utent.
(c) Keyboard
Il-keyboard għandha tkun tiċċaqlaq 'il fuq u 'l isfel u separata mill-iskrin sabiex tħalli lill-ħaddiem isib pożizzjoni komda biex jaħdem u jevita l-għajja fid-dirgħajn u fl-idejn.
L-ispazju quddiem il-keyboard għandu jkun biżżejjed sabiex ikun ta' appoġġ għall-idejn u d-dirgħajn ta' l-operatur.
Il-keyboard għandu jkollha wiċċ matt sabiex jiġi evitat dawl riflessiv.
L-arranġament tal-keyboard u l-karatteristiċi tal-keys għandhom jiffaċilitaw l-użu tal-keyboard.
Is-simboli fuq il-keys għandhom jikkuntrastaw adegwatament u jkun leġibbli mill-pożizzjoni tax-xogħol.
(d) Il-bank jew il-wiċċ tal-post tax-xogħol
Il-bank jew il-wiċċ tax-xogħol għandu jkollu wiċċ kbir biżżejjed u li ma tantx jirrifletti u li jħalli arranġament flessibbli ta' l-iskrin, il-keyboard, id-dokumenti u l-apparat relatat.
L-għodda li żżomm id-dokumenti għandha tkun stabbli u aġġustabbli u għandha tkun impoġġija b'mod li tnaqqas il-bżonn ta' ċaqliq skomdu tar-ras u ta' l-għajnejn.
Għandu jkun hemm spazju adegwat għall-ħaddiema sabiex isibu pożizzjoni komda.
(e) Siġġu tax-xogħol
Is-siġġu tax-xogħol għandu jkun stabbli u jħalli l-ħaddiem libertà tal-moviment faċli u pożizzjoni komda.
Is-siġġu għandu jkun aġġustabbli mill-għoli.
Id-dahar tas-siġġu għandu jkun aġġustabbli kemm għall-għoli kif ukoll għaċ-ċaqliq 'il fuq u 'l isfel.
Għal min jixtieq għandu jkun hemm post disponibbli fejn wieħed iserraħ saqajh.
2. AMBJENT
(a) Ħtiġijiet ta' spazju
Il-workstation għandu jkun dimensjonat u ddisinjat b'mod li jħalli spazju biżżejjed lill-utent sabiex jibdel il-pożizzjoni u jvarja l-movimenti.
(b) Dawl
Id-dawl tal-kamra u/jew id-dawl tal-lampi għandu jiżgura kondizzjonijiet ta' dawl sodisfaċenti u kuntrast xieraq bejn l-iskrin u l-isfond ambjentali, skond it-tip ta' xogħol u l-bżonnijiet viżivi ta' l-utent.
Dija u riflessjonijiet fuq l-iskrin jew apparat ieħor li jistgħu jiddisturbaw m'għandhomx jitħallew billi wieħed jikkoordina l-post tax-xogħol u l-arranġament tal-workstation ma' l-ippożizzjonar u l-karatteristiċi tekniċi tas-sorsi tad-dawl artifiċjali.
(ċ) Riflessjonijiet u dija
Il-workstations għandhom ikunu ddisinjati b'mod li s-sorsi tad-dawl, bħal twieqi jew fetħiet oħra, ħitan trasparenti jew li jgħaddi d-dawl minnhom, u tagħmir imwaħħal jew ħitan ikkuluriti jgħajtu ma jikkawżawx dija diretta u, kemm jista' jkun, lanqas riflessjonijiet fuq l-iskrin.
It-twieqi għandhom ikunu mgħammra b'sistema tajba ta' għatu aġġustabbli sabiex innaqqas id-dawl tal-ġurnata minn fuq il-workstation.
(d) Storbju
Storbju li joħroġ mill-apparat tal-workstation(s) għandu jitqies meta workstation ikun qiegħed jiġi mgħammar, partikolarment sabiex ma jtellifx l-attenzjoni jew jiddisturba d-diskors.
(e) Sħana
Tagħmir li jagħmel parti mill-workstation(s) m'għandux jipproduċi sħana eċċessiva li tista' tikkawża skomfort lill-ħaddiema.
(f) Radjazzjoni
Ir-radjazzjoni kollha bl-eċċezzjoni tal-parti viżiva ta' l-ispettru elettromanjetiku għandha titnaqqas għal livelli negliġibbli mill-perspettiva tal-protezzjoni tas-saħħa u s-sigurtà tal-ħaddiema.
(g) Umdità
Għandu jiġi stabbilit u miżmum livell adegwat ta' umdità.
3. INTERFACE BEJN L-OPERATUR U L-KOMPJUTER
Fit-tfassil, l-għażla, il-kuntrattar u l-modifika tas-software, u fit-tfassil tax-xogħol li juża tagħmir tad-display screen, min iħaddem għandu jikkunsidra l-prinċipji li ġejjin:
(a) is-software għandu jkun adattat għal dak ix-xogħol;
(b) is-software għandu jkun faċli biex tużah u, fejn hu xieraq, adattabbli għal-livell ta' għarfien u esperjenza tal-ħaddiem; l-ebda faċilità ta' kontroll kwantitattiv jew kwalitattiv ma tista' tintuża mingħajr l-għarfien tal-ħaddiema;
(ċ) is-sistemi għandhom jipprovdu feedback lill-ħaddiema dwar il-prestazzjoni tagħhom;
(d) is-sistemi għandhom juru informazzjoni f'format u b'pass li huma adattati għall-ħaddiem;
(e) il-prinċipji ta' ergonomija tas-software għandhom japplikaw, partikolarment għall-ipproċessar ta' data umana.