Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

dwar l-approssimazzjoni tal-liġijiet ta’ l-Istati Membri dwar l-approvazzjoni tat-tip ta’ komponent għal tagħmir ta’ dawl u sinjalizzazzjoni bid-dawl fuq tratturi bir-roti għall-agrikoltura jew għall-foresterija

IL-KUNSILL TAL-KOMUNITAJIET EWROPEJ

Wara li kkunsidra t-Trattat li jistabbilixxi l-Komunità Ekonomika Ewropea, u b’mod partikulari l-Artikolu 100 tiegħu,

Wara li kkunsidra l-proposta tal-Kummissjoni ( 1 ),

Wara li kkunsidra l-opinjoni tal-Parlament Ewropew ( 2 ),

Wara li kkunsidra l-opinjoni tal-Kumitat Ekonomiku u Soċjali ( 3 ),

Billi r-rekwiżiti tekniċi li għandhom jissodisfaw it-tratturi skond il-liġijiet nazzjonali huma dwar, fost ħwejjeġ oħra, tagħmir ta’ dawl u sinjalizzazzjoni bid-dawl;

Billi dawk ir-rekwiżiti jvarjaw minn Stat Membru għal ieħor; billi huwa għalhekk meħtieġ li l-Istati Membri jadottaw l-istess rekwiżiti, jew b’żieda jew minflok ir-regoli tagħhom eżistenti, sabiex, b’mod partikolari, tiġi permessa l-proċedura għall-approvazzjoni tat-tip KEE li kienet is-suġġett tad-Direttiva tal-Kunsill 74/150/KEE ta’ l-4 ta’ Marzu 1974 dwar l-approssimazzjoni tal-liġijiet ta’ l-Istati Membri li jirrelataw ma’ l-approvazzjoni tat-tip ta’ tratturi bir-roti għall-agrikoltura jew għall-forestrija ( 4 ), li għandhom jiġu applikati għal kull tip ta’ trattur;

Billi fid-Direttiva 78/933/KEE ( 5 ) il-Kunsill stipula rekwiżiti komuni għall-tagħmir ta’ dawl u sinjalizzazzjoni bid-dawl fuq tratturi bir-roti għall-agrikoltura jew għall-forestrija;

Billi dak id-dawl u dak l-apparat li jagħmel sinjali bid-dawl għandhom l-istess karatteristiċi ta’ dawk li jitwaħħlu mal-karozzi; billi, għalhekk, apparat li jkun irċieva timbru ta’ approvazzjoni tal-komponenti tat-tip KEE skond id-Direttivi diġà adottata dwar dan is-suġġett b’konessjoni ma’ l-approvazzjoni tat-tip ta’ vetturi bil-mutur u l-karrijiet tagħhom jista’ jintuża wkoll fuq tratturi għall-agrikoltura,

ADOTTA DIN ID-DIRETTIVA:

1. “Trattur għall-agrikoltura jew għall-forestrija” tfisser kull vettura bil-mutur, mgħammra b’roti jew b’ċineg mingħajr tarf li għandha ta’ l-anqas żewġ fusien, li l-funzjoni primarja tagħha hi fil-forza trattiva tagħha u li hija disinjata speċifikament biex tirmonka, timbotta, iġġor jew tipprovdi enerġija għal ċerti għodda makkinarju jew karrijiet maħsuba għall-użu għall-agrikoltura jew għall-forestrija. Tista tkun mgħammra sabiex iġġorr tagħbija jew passiġġieri.

2. Din id-Direttiva għandha tgħodd biss għal tratturi definiti fil-paragrafu 1 li jkunu ffittjati b’tyres pnewmatiċi u li jkollhom żewġ fusien u veloċità massima skond id-disinn ta’ bejn is-6 u t- ►M2 40 km/siegħa ◄ .

L-ebda Stat Membru ma jista jirrifjuta li jagħti approvazzjoni tat-tip KEE jew approvazzjoni tat-tip nazzjonali għal trattur minħabba raġunijiet ta’:

jekk dawn ikunu jġorru l-marka ta’ l-approvazzjoni ta’ komponent tat-tip KEE kif jipprovdi għalihom l-Anness hwan mehmuż u li huma stallati skond il-ħtiġiet stipulati fid-Direttiva 78/933/KEE.

L-ebda Stat Membru ma jista jirrifjuta r-reġistrazzjoni jew jipprojbixxi l-bejgħ, dħul fis-servizz jew użu ta’ trattur minħabba raġunijiet ta’:

jekk dawn ikunu jġorru l-marka ta’ l-approvazzjoni ta’ komponent tat-tip KEE kif jipprovdi għalihom l-Anness hawn mehmuż u li huma stallati skond il-ħtiġiet stipulati fid-Direttiva 78/933/KEE.

Kull emenda meħtieġa għall-aġġustament tal-ħtiġiet ta’ l-Anness mal-progress tekniku għandha tiġi adottata skond il-proċedura stipulata fl-Artikolu 13 tad-Direttiva 74/150/KEE.

1. L-Istati Membri għandhom idaħħlu fis-seħħ id-dispożizzjonijiet meħtieġa biex jikkonformaw ma’ din id-Direttiva fi żmien 18-il xahar min-notifikazzjoni tagħha u għandhom minnufih javżaw lill-Kummissjoni b’dan.

2. L-Istati Membri għandhom jassiguraw li t-test tad-dispożizzjonijiet prinċipali tal-liġi nazzjonali li jadottaw fil-qasam kopert minn din id-Direttiva jiġu komunikati lill-Kummissjoni.

1. Fanali ta’ quddiem li jaħdmu bħala fanali ta’ dawl ewlieni u/jew fanali ta’ dawl sekondarju jew fanali inkandexxenti b’filament elettrikugħal dawk il-fanali ta’ dawl ewlieni,

Il-marka ta’ l-approvazzjoni ta’ komponent tat-tip KEE hija dak stipulata fid-Direttiva tal-Kunsill 76/761/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri rigward fanali ta’ quddiem li jaħdmu bħala fanali ta’ dawl ewlieni u/jew fanali ta’ dawl sekondarju jew fanali inkandexxenti b’filament elettriku għal dawk il-fanali ta’ dawl ewlieni ( 6 ).

Id-dispożizzjonijiet tad-Direttiva 76/761/KEE japplikaw ukoll għall-approvazzjoni ta’ komponent tat-tip ta’ fanali ta’ quddiem speċjali għal tratturi għall-agrikoltura jew għall-forestrija maħsuba li jipprovdu kemm dawl ewlieni kif ukoll dawl sekondarju ta’ inqas minn 160 mm, djametru D, bl-emendi li ġejjin:

(a) il-valuri minimi ta’ illuminazzjoni stabbiliti fit-taqsima 6.3 ta’ l-Anness I jitnaqqsu skond il-proporzjon

soġġetti għal-limiti assoluti aktar baxxi li ġejjin:

— 3 lux, jew fil-punt 75 R jew fil-punt 75 L,

— 5 lux, jew fil-punt 50 R jew fil-punt 50 L,

— 1.5 lux, f’Żona IV.

Nota:

Jekk il-wiċċ li jidher tar-riflettur ma jkunx ċirkulari, id-djametru hu dak ta’ ċirku bl-istess wesgħa daqs il-wiċċ li jidher utli tar-riflettur.

2. Fanaliend-outline marker, fanali ta’ quddiem (tal-ġenb), fanali ta’ wara (tal-ġenb) u fanali tal-waqfien:

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 76/758/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar fanali end-outline marker, fanali ta’ quddiem (tal-ġenb), fanali ta’ wara (tal-ġenb) u fanali tal-waqfien għall-vetturi bil-mutur u l-karrijiet tagħhom ( 7 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 76/759/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar fanali ta’ l-indikazzjoni tad-direzzjoni għall-vetturi bil-mutur u l-karrijiet tagħhom ( 8 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 76/757/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar ir-rifletturi tar-refless tad-direzzjoni għall-vetturi bil-mutur u l-karrijiet tagħhom ( 9 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 76/760/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar fanali tal-pjanċa tar-reġistrazzjoni ta’ wara għal vetturi bil-mutur u l-karrijiet tagħhom ( 10 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 76/762/KEE tas-27 ta’ Lulju 1976 dwar l-approssimazzjoni tal-liġijiet ta’ l-Istati Membri dwar fanali taċ-ċpar ta’ quddiem għall-vetturi bil-mutur u l-karrijiet tagħhom ( 11 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 77/538/KEE tat-28 ta’ Ġunju 1977 dwar l-approssimazzjoni tal-liġijiet ta’ l-Istati Membri dwar fanali taċ-ċpar ta’ wara għall-vetturi bil-mutur u l-karrijiet tagħhom ( 12 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 77/539/KEE tat-28 ta’ Ġunju 1977 dwar l-approssimazzjoni tal-liġijiet ta’ l-Istati Membri dwar fanali tat-treġġiegħ lura għall-vetturi bil-mutur u l-karrijiet tagħhom ( 13 ).

Il-marka ta’ approvazzjoni ta’ komponent tat-tip KEE hija dik stipulata fid-Direttiva tal-Kunsill 77/540/KEE tat-28 ta’ Ġunju 1977 dwar l-approssimazzjoni tal-liġijiet ta’ l-Istati Membri dwar fanali tal-parkeġġ għall-vetturi bil-mutur u l-karrijiet tagħhom ( 14 ).

		Il-Ġurnal Uffiċjali
		No	page	date
►M1	ID-DIRETTIVA TAL-KUNSILL tas-17 ta’ Diċembru 1982	L 378	45	31.12.1982
►M2	ID-DIRETTIVA 97/54/KE TAL-PARLAMENT EWROPEW U TAL-KUNSILL tat-23 ta’ Settembru 1997	L 277	24	10.10.1997