1976L0756 — MT — 09.07.2007 — 008.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
ID-DIRETTIVA TAL-KUNSILL tas-27 ta’ Lulju 1976 dwar l-approssimazzjoni ta’ liġijiet ta’ l-Istati Membri li għandhom x’jaqsmu ma’ l-istallazzjoni ta’ mezzi ta’ dawl u ta’ sinjalazzjoni bid-dawl fuq vetturi bil-mutur u l-karrijiet tagħhom (ĠU L 262, 27.9.1976, p.1) |
Emendat bi:
|
|
Il-Ġurnal Uffiċjali |
||
No |
page |
date |
||
ID-DIRETTIVA TAL-KUMMISSJONI 80/233/KEE tal-21 ta’ Novembru 1979 |
L 51 |
8 |
25.2.1980 |
|
ID-DIRETTIVA TAL-KUMMISSJONI 82/244/KEE tas-17 ta’ Marzu 1982 |
L 109 |
31 |
22.4.1982 |
|
L 151 |
47 |
9.6.1983 |
||
ID-DIRETTIVA TAL-KUMMISSJONI 84/8/KEE ta’ l-14 Diċembru 1983 |
L 9 |
24 |
12.1.1984 |
|
L 109 |
38 |
20.4.1989 |
||
ID-DIRETTIVA TAL-KUMMISSJONI 91/663/KEE tal-10 ta’ Diċembru 1991 |
L 366 |
17 |
31.12.1991 |
|
ID-DIRETTIVA TAL-KUMMISSJONI 97/28/KE Test b’rilevanża għaż-ŻEE tal-11 ta’ Ġunju 1997 |
L 171 |
1 |
30.6.1997 |
|
DIRETTIVA TAL-KUMMISSJONI 2007/35/KE Test b’relevanza għaż-ŻEE tat-18 ta’ Ġunju 2007 |
L 157 |
14 |
19.6.2007 |
ID-DIRETTIVA TAL-KUNSILL
tas-27 ta’ Lulju 1976
dwar l-approssimazzjoni ta’ liġijiet ta’ l-Istati Membri li għandhom x’jaqsmu ma’ l-istallazzjoni ta’ mezzi ta’ dawl u ta’ sinjalazzjoni bid-dawl fuq vetturi bil-mutur u l-karrijiet tagħhom
(76/756/KEE)
IL-KUNSILL TAL-KOMUNITAJIET EWROPEJ
Wara li kkunsidra t-Trattat li jistabbilixxi l-Komunitajiet Ewropej, u b’mod partikolari l-Artikolu 100 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew ( 1 ),
Wara li kkunsidra l-opinjoni tal-Kumitat Ekonomiku u Soċjali ( 2 ),
Billi l-ħtiġiet tekniċi li vetturi bil-mutur għandhom jissodisfaw skond il-liġijiet nazzjonali jirrelataw, inter alia, għall-istallazzjoni ta’ mezzi ta’ dawl u ta’ sinjalazzjoni bid-dawl;
Billi dawk il-ħtiġiet ivarjaw minn Stat Membru għall-ieħor; billi huwa meħtieġ għalhekk li l-Istati Membri kollha jadottaw l-istess ħtiġiet jew b’żieda ma’ jew minflok ir-regolamenti eżistenti tagħhom, sabiex, b’mod partikolari, jippermettu li l-proċedura ta’ l-approvazzjoni tat-tip tal-KEE li kienet is-suġġett tad-Direttiva tal-Kunsill Nru 70/156/KEE tas-6 ta’ Frar 1970 dwar l-approssimazzjoni tal-liġijiet ta’ l-Istati Membri li għandhom x’jaqsmu ma’ l-approvazzjoni tat-tip ta’ vetturi bil-mutur u l-karrijiet tagħhom ( 3 ),tiġi introdotta fir-rigward ta’ kull tip ta’ vettura;
Billi ħtiġiet komuni għall-kostruzzjoni ta’ mezzi ta’ dawl u ta’ sinjalazzjoni bid-dawl għandhom ikunu s-suġġett ta’ aktar Direttivi speċjali;
Billi l-approssimazzjoni tal-liġijiet nazzjonali li għandhom x’jaqsmu mal-vetturi bil-mutur tinvolvi r-rikonoxximent reċiproku mill-Istati Membri tal-verifiki mwettqa minn kull wieħed minnhom abbażi tal-ħtiġiet komuni; billi, jekk is-sistema għandha taħdem sew, dawn il-ħtiġiet għandhom jiġu applikati mill-istess data,
ADOTTA DIN ID-DIRETTIVA:
Artikolu 1
Għall-għanijiet ta’ din id-Direttiva, “vettura” tfisser kwalunkwe vettura li għaliha tkun tapplika d-Direttiva tal-Kunsill 70/156/KEE.
Artikolu 2
1. B’effett mill-1 ta’ Jannar 1993, l-ebda Stat Membru ma jista’:
— jirrifjuta, fir-rigward ta’ tip ta’ vettura, li jagħti l-approvazzjoni tat-tip tal-KE jew joħroġ id-dokument imsemmi fl-aħħar inċiż ta’ l-Artikolu 10(1) tad-Direttiva 70/156/KEE, jew li jagħti approvazzjoni tat-tip nazzjonalitip, jew
— jipprojbixxi d-dħul fis-servizz ta’ vetturi
għal raġunijiet marbuta mal-istallazzjoni ta’ mezzi ta’ dawl u ta’ sinjalazzjoni bid-dawl fuq dan it-tip tip ta’ vettura jew fuq dawn il-vetturi, jekk dawn il-mezzi jkunu stallati f’konformità mal-ħtiġiet ta’ din id-Direttiva.
2. B’effett mill-1 ta’ Ottubru 1993, l-Istati Membri:
— ma għandhomx aktar joħorġu id-dokument msemmi fl-aħħar inċiż ta’ l- l-Artikolu 10(1) tad-Direttiva 70/156/KEE, u
— jistgħu jirrifjutaw li jagħtu l-approvazzjoni tat-tip nazzjonali tip
fir-rigward ta’ tip ta’ vettura li fuqha l-istallazzjoni ta’ mezzi ta’ dawl u ta’ sinjalazzjoni bid-dawl ma tkunx f’konformità mal-ħtiġiet ta’ din id-Direttiva.
3. B’effett mill-1 ta’ Ottubru 1994, l-Istati Membri jistgħu jipprojbixxu l-ewwel dħul fis-servizz ta’ vetturi li fuqhom l-istallazzjoni ta’ dawn il-mezzi ma tkunx skond il-ħtiġiet ta’ din id-Direttiva.
Artikolu 3
►M7 Stat Membru li jkun ta approvazzjoni tat-tip tal-KE għandu jieħu l-miżuri neċessarji biex jassigura li hu informat b’kull modifika għal xi parti jew karatteristika imsemmija fid-definizzjoni tat-tip ta’ vettura għar-rigward tal-istallazzjoni ta’ dawl u mezzi ta’ sinjalazzjoni bid-dawl. ◄ L-awtoritajiet kompetenti ta’ dak l-Istat Membru għandhom jiddeterminaw jekk għandhomx jitwettqu testijiet oħra fuq it-tip ta’ vettura modifikat u jekk għandux jitfassal rapport ġdid. Meta testijiet bħal dawn jiżvelaw nuqqas ta’ konformità mal-ħtiġiet ta’ din id-Direttiva, il-modifikazzjoni ma għandhiex tiġi approvata.
Artikolu 4
Kwalunkwe emendi meħtieġa biex ikunu adattat il-kontenut tal-Annessi għal din id-Direttiva biex dawn jieħdu kont tal-progress tekniku għandhom ikunu adottati f’konformità mal-proċedura stabbilita fl-Artikolu 13 tad-Direttiva 70/156/KEE.
Artikolu 5
1. L-Istati Membri għandhom idaħħlu fis-seħħ il-liġijiet, ir-regoli u d-dispożizzjonijiet amministrattivi neċessarji biex jikkonformaw ma’ din id-Direttiva qabel l-1 ta’ Jannar 1993 u għandhom jinfurmaw minnufih lill-Kummissjoni b’dan.
2. Meta l-Istati Membri jadottaw dawn id-dispożizzjonijiet dawn għandhom jagħmlu riferenza għal din id-Direttiva fil-pubblikazzjoni uffiċjali tagħhom. Il-mod ta’ kif issir din ir-riferenza għandha tkun stabbilita mill-Istati Membri.
3. L-Istati Membri għandhom jiżguraw li t-termini tad-dispożizzjonijiet ewlenin tal-liġi nazzjonali li huma jadottaw fil-qasam kontrollat b’din id-Direttiva jkunu komunikati lill-Kummissjoni.
Artikolu ►M1 6 ◄
Din id-Direttiva hija indirizzata lill-Istati Membri.
LISTA TA’ L-ANNESSI
L-ANNESS I: |
Disposizzjonijiet amministrattivi għall-approvazzjoni tat-tip |
Appendiċi 1: Dokument ta’ informazzjoni |
|
Appendiċi 2: Ċertifikazzjoni ta’ approvazzjoni tat-tip |
|
L-ANNESS II: |
Ħtiġiet tekniċi |
L-ANNESS I
DISPOSIZZJONIJIET AMMINISTRATTIVI GĦALL-APPROVAZZJONI TAT-TIP
1. APPLIKAZZJONI GĦAL-APPROVAZZJONI TAT-TIP TAL-KE TA’ TIP TA’ VETTURA
1.1. |
L-applikazzjoni għall-approvazzjoni tat-tip tal-KE skond l-Artikolu 3(4) tad-Direttiva 70/156/KEE ta’ tip ta’ vettura fir-rigward għal-istallazzjoni tad-dawl u tal-mezzi ta’ sinjalazzjoni bid-dawl tiegħu għandha tiġi sottomessa mill-manifattur, |
1.2. |
Mudell għad-dokument ta’ informazzjoni jingħata f’Appendiċi 1. |
1.3. |
Dan li ġej għandu jiġi sottomess lis-serviżż tekniku responsabbli mit-twettieq tat-testijiet ta’ l-approvazzjoni tat-tip:
|
2. L-GĦOTI TA’ APPLIKAZZJONI TAT-TIP TAL-KE TA’ TIP TA’ VETTURA
2.1. |
Jekk ikun hemm konformità mal-ħtiġiet rilevanti, l-approvazzjoni tat-tip tal-KE skond l-Artikolu 4(3) tad-Direttiva 70/156/KEE għandha tingħata. |
2.2. |
Mudell għaċ-ċertifikat ta’ approvazzjoni tat-tip tal-KE jingħata f’Appendiċi 2. |
2.3. |
Numru ta’ approvazzjoni skond l-Anness VII għad-Direttiva 70/156/KEE għandu jkun assenjat għal kull tip ta’ vettura approvata. L-istess Stat Membru ma għandux jagħti l-istess numru għal-tip ieħor ta’ vettura. |
3. MODIFIKI TAT-TIP U L-EMENDI GĦALL-APPROVAZZJONI
3.1. |
Fil-każ tal-modifiki tat-tip approvat skond din id-Direttiva, id-disposizzjonijiet ta’ l-Artikolu 5 tad-Direttiva 70/156/KEE għandhom japplikaw. |
4. KONFORMITA’ TAL-PRODUZZJONI
4.1. |
Bħala regola ġenerali, miżuri biex jassiguraw il-konformità tal-produzzjoni għandhom jittieħdu skond id-disposizzjonijiet stipulati fl-Artikolu 10 tad-Direttiva 70/156/KEE. |
4.2. |
Ħtiġiet speċifiċi rigward it-testijiet li għandhom jitwettqu huma stipulati fl-Anness 9 tad-dokumenti msemmija fl-Artikolu 1 ta’ l-Anness II ta’ din id-Direttiva. |
Appendċi 1
Appendiċi 2
Addendum
L-ANNESS II
1. Il-ħtiġiet tekniċi huma dawk stipulati fil-paragrafi 2, 5 u 6 tar-Regolament NU-ECE Nru 48 ( 4 ) u l-Annessi 3 sa 9 tiegħu.
2. Għall-għanijiet ta’ l-applikazzjoni tad-dispożizzjonijiet imsemmija fil-punt 1, japplika dan li ġej:
(a) “Vettura mhux mgħobbija” tfisser vettura li l-massa tagħha hija deskritta fil-punt 2.6 ta’ l-Appendiċi 1 ta’ l-Anness 1 ta’ din id-Direttiva, mingħajr sewwieq;
(b) “Il-formula ta’ komunikazzjoni” għandha tinftiehem bħala ċ-ċertifikat ta’ approvazzjoni tat-tip stabbilit fl-Appendiċi 2 ta’ l-Anness I ta’ din id-Direttiva;
(c) “Partijiet Kontraenti għar-regolamenti rispettivi” għandhom jinftiehmu bħala Stati Membri;
(d) Ir-referenza għar-Regolament Nru. 3 għandha titqies bħala referenza għad-Direttiva 76/757/KEE;
(e) In-nota ta’ qiegħ il-paġna (2) fil-paragrafu 2.7.25 ma għandhiex tapplika;
(f) In-nota ta’ qiegħ il-paġna (8) fil-paragrafu 6.19 ma għandhiex tapplika;
(g) In-nota ta’ qiegħ il-paġna (1) fl-Anness 5 għandha tinftiehem kif ġej: “Għad-definizzjonijiet tal-kategoriji, ara l-Anness II A tad-Direttiva 70/156/KEE”.
3. Mingħajr preġudizzju għar-rekwiżiti ta’ l-Artikolu 8(2)(a) u (c) u (3) tad-Direttiva 70/156/KEE, ta’ dan l-Anness u għal kwalunkwe rekwiżit fi kwalunkwe direttiva separata, l-istallazzjoni ta’ dawl jew mezzi ta’ senjalazzjoni bid-dawl għajr dawk definiti fil-paragrafu 2.7. tar-Regolament NU/ECE Nru 48 hija pprojbita.
( 1 ) ĠU Ċ 55, 13.5.1974, p.14.
( 2 ) ĠU Ċ 109, 19.9.1974, p. 22.
( 3 ) ĠU L 42, 23.2.1970, p. 1.
( 4 ) ĠU L 137, 30.5.2007, p. 1.