(1)

Id-Deċiżjoni tal-Kummissjoni 2001/556/KE tal-11 ta' Lulju 2001 li tispeċifika listi proviżorji ta' stabbilimenti ta’ pajjiżi terzi li minnhom l-Istati Membri jawtorizzaw importazzjoni ta’ ġelatina maħsuba għall-konsum mill-bniedem (2) tistipula listi proviżjorji ta’ stabbilimenti f’pajjiżi terzi li minnhom l-Istati Membri huma awtorizzati li jimportaw ġelatina maħsuba għall-konsum mill-bniedem.

(2)

L-Indja pprovdiet lista ta’ stabbilimenti li jipproduċu l-ġelatina maħsuba għall-konsum mill-bniedem li għalihom l-awtoritajiet responsabbli jiċċertifikaw li l-istabbilimenti huma konformi mar-regoli tal-Komunità.

(3)

Għalhekk, dawn l-istabbilimenti għandhom jinkludu fil-listi stipulati fid-Deċiżjoni 2001/556/KE.

(4)

Billi spezzjonijiet fuq il-post tal-istabbilimenti kkonċernati għadhom ma sarux, importazzjoni minnhom m’għandhiex tkun eliġibbli għal kontrolli fiżiċi mnaqqsa skont id-Direttiva tal-Kunsill 97/78/KE tat-18 ta’ Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3).

(5)

Id-Deċiżjoni 2001/556/KE għandha għalhekk tkun emendata skont dan.

(6)

Il-miżuri previsti f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,