Rikors ippreżentat fit-3 ta’ Settembru 2024 – Trotsenko vs Il-Kunsill

(Kawża T-459/24)

(C/2024/5977)

Lingwa tal-kawża: l-Ingliż

Partijiet

Rikorrent: Roman Trotsenko (Moska, ir-Russja) (rappreżentanti: C. Zatschler, SC, u A. Beauchemin, avukat)

Konvenut: Il-Kunsill tal-Unjoni Ewropea

Talbiet

Ir-rikorrenti jitlob li l-Qorti Ġenerali jogħġobha:

—	tiddikjara, skont l-Artikolu 277 TFUE, li l-Artikolu 2(1)(g) tal-Deċiżjoni tal-Kunsill 2014/145/PESK u l-Artikolu 3(1)(g) tar-Regolament tal-Kunsill (UE) Nru 269/2014 tas-17 ta’ Marzu 2014, ma japplikawx għar-rikorrent sa fejn il-Kunsill isostni li japplikaw għalih;

—	tannulla d-Deċiżjoni tal-Kunsill (PESK) 2024/1738 tal-24 ta’ Ġunju 2024 li temenda d-Deċiżjoni 2014/145/PESK dwar miżuri restrittivi fir-rigward ta’ azzjonijiet li jipperikolaw jew jheddu l-integrità territorjali, is-sovranità u l-indipendenza tal-Ukrajna, sa fejn tapplika għar-rikorrent;

—

tannulla r-Regolament ta’ Implimentazzjoni tal-Kunsill (UE) 2024/1746 tal-24 ta’ Ġunju 2024 li jimplimenta r-Regolament (UE) Nru 269/2014 dwar miżuri restrittivi fir-rigward ta’ azzjonijiet li jdgħajfu jew jheddu l-integrità territorjali, is-sovranità u l-indipendenza tal-Ukrajna, sa fejn dan japplika għar-rikorrent;

—	tikkundanna lill-Kunsill tal-Unjoni Ewropea għall-ispejjeż rispettivi tiegħu u għal dawk sostnuti mir-rikorrent.

Motivi u argumenti prinċipali

Insostenn tar-rikors tiegħu, ir-rikorrent jinvoka ħames motivi.

1.	L-ewwel motiv, ibbażat fuq allegazzjoni ta’ ksur tad-drittijiet tad-difiża.

2.	It-tieni motiv, ibbażat fuq allegazzjoni ta’ ksur tad-dritt għal rimedju ġudizzjarju effettiv u tal-obbligu ta’ motivazzjoni.

3.	It-tielet motiv, ibbażat fuq allegazzjoni tal-illegalità tal-kriterju mmodifikat (g).

4.	Ir-raba’ motiv, ibbażat fuq allegazzjoni ta’ żbalji ta’ evalwazzjoni.

5.	Il-ħames motiv, ibbażat fuq allegazzjoni ta’ ksur tal-prinċipju ta’ proporzjonalità u tad-drittijiet fundamentali.