“2.

Tat-tip vann:

Il-vettura tat-tip vann b’aktar minn ringiela waħda ta’ sits għandha tissodisfa l-indikazzjonijiet mogħtija fin-Nota ta’ Spjegazzjoni tas-SA tal-intestatura 8703.

Madankollu, vetturi bħal dawn għandhom ikunu kklassifikati fl-intestatura 8704 jekk it-tul massimu intern tal-art tal-parti maħsuba għat-trasport tal-oġġetti jkun aktar minn 50 % tat-tul tal-bażi tar-roti tal-vettura jew jekk ikollhom aktar minn żewġ fusijiet.

Il-vetturi tat-tip vann b’ringiela waħda ta’ sits, u mingħajr punti u fittings permanenti ta’ ankraġġ għall-installazzjoni ta’ sits u tagħmir ta’ sikurezza fil-parti ta’ wara tal-vettura, kemm jekk ikollhom pannell jew barriera permanenti bejn il-parti għall-persuni u l-parti għat-tagħbija jew twieqi fil-pannelli tal-ġnub u kemm jekk le, għandhom ikunu kklassifikati fl-intestatura 8704.”.