Deċiżjoni tal-Kumitat Konġunt taż-ŻEE

Nru 15/96

ta' l-4 ta' Marzu 1996

li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala l-Ftehim, u b'mod partikolari l-Artikolu 98 tiegħu,

Billi l-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 46/95 tat-22 ta' Ġunju 1995 [1];

Billi d-Direttiva tal-Kummissjoni 95/35/KE ta' l-14 ta' Lulju 1995 li temenda d-Direttiva tal-Kunsill 91/414/KEE dwar it-tqegħid fis-suq ta' prodotti ta' protezzjoni tal-pjanti [2] għandha tiġi inkorporata fil-Ftehim;

Billi d-Direttiva tal-Kummissjoni 95/36/KE ta' l-14 ta' Lulju 1995 li temenda d-Direttiva tal-Kunsill 91/414/KEE dwar it-tqegħid fis-suq ta' prodotti ta' protezzjoni tal-pjanti [3] għandha tiġi inkorporata fil-Ftehim,

IDDEĊIEDA DAN LI ĠEJ:

Artikolu 1

L-inċiżi li ġejjin għandhom jiddaħħlu wara l-punt 12a (Direttiva tal-Kunsill 91/414/KEE) fil-Kapitolu XV ta' l-Anness II għall-Ftehim:

"- 395 L 0035: Id-Direttiva tal-Kummissjoni 95/35/KE ta' l-14 ta' Lulju 1995 (ĠU L 172, tat-22.7.1995, p. 6),

- 395 L 0036: Id-Direttiva tal-Kummissjoni 95/36/KE ta' l-14 ta' Lulju 1995 (ĠU L 172, tat-22.7.1995, p. 8)."

Artikolu 2

It-testi tad-Direttivi tal-Kummissjoni 95/36/KE fil-lingwa Islandiża u f'dik Norveġiża, li huma annessi għall-verżjonijiet tal-lingwi rispettivi ta' din id-Deċiżjoni, huma awtentiċi.

Artikolu 3

Din id-Deċiżjoni għandha tidħol fis-seħħ nhar l-1 ta' April 1996, sakemm ikunu ġew magħmula n-notifiki kollha taħt l-Artikolu 103(1) tal-Ftehim għall-Kumitat Konġunt taż-ŻEE.

Artikolu 4

Din id-Deċiżjoni għandha tiġi ppubblikata fis-Sezzjoni taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

Magħmul fi Brussel, fl-4 ta' Marzu 1996.

Għall-Kumitat Konġunt taż-ŻEE

Il-President

P. Benavides

[1] Għadha mhix ippubblikata fil-Ġurnal Uffiċjali.

[2] ĠU L 172, tat-22.7.1995, p. 6.

[3] ĠU L 172, tat-22.7.1995, p. 8.

--------------------------------------------------