REGOLAMENT (UE) 2019/2033 TAL-PARLAMENT EWROPEW U TAL-KUNSILL
tas-27 ta' Novembru 2019
dwar ir-rekwiżiti prudenzjali tad-ditti tal-investiment u li jemenda r-Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014
(Test b'rilevanza għaż-ŻEE)
L-EWWEL PARTI
DISPOŻIZZJONIJIET ĠENERALI
TITOLU I
SUĠĠETT, KAMP TA' APPLIKAZZJONI U DEFINIZZJONIJIET
Artikolu 1
Suġġett u kamp ta' applikazzjoni
Dan ir-Regolament jistabbilixxi rekwiżiti prudenzjali uniformi li japplikaw għal ditti tal-investiment li huma awtorizzati u taħt superviżjoni skont id-Direttiva 2014/65/UE u taħt superviżjoni għall-konformità ma' rekwiżiti prudenzjali skont id-Direttiva (UE) 2019/2034 fir-rigward ta' dawn li ġejjin:
rekwiżiti tal-fondi proprji relatati ma' elementi kwantifikabbli, uniformi u standardizzati tar-riskju għad-ditta, tar-riskju għall-klijenti u tar-riskju għas-suq;
rekwiżiti li jillimitaw ir-riskju tal-konċentrazzjoni;
rekwiżiti tal-likwidità relatati ma' elementi kwantifikabbli, uniformi u standardizzati tar-riskju tal-likwidità;
rekwiżiti ta' rapportar relatati mal-punti (a), (b) u (c);
rekwiżiti ta' divulgazzjoni pubblika.
B'deroga mill-paragrafu 1, ditta tal-investiment awtorizzata u ssorveljata skont id-Direttiva 2014/65/UE, li twettaq kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE, għandha tapplika r-rekwiżiti tar-Regolament (UE) Nru 575/2013 fejn l-impriża ma tkunx negozjant tal-komoditajiet u tal-kwoti tal-emissjonijiet, impriża tal-investiment kollettiv jew impriża tal-assigurazzjoni, u japplikaw kwalunkwe waħda mill-kondizzjonijiet li ġejiin:
il-valur totali tal-assi konsolidati tad-ditta tal-investiment ikun ugwali għal jew jaqbeż l-EUR 15-il biljun, ikkalkolat bħala medja tat-12-il xahar preċedenti jeskludi l-valur tal-assi individwali ta' kwalunkwe sussidjarja stabbilita barra mill-Unjoni li twettaq xi waħda mill-attivitajiet imsemmija f'dan is-subparagrafu;
il-valur totali tal-assi konsolidati tad-ditta tal-investiment ikun anqas minn EUR 15-il biljun, u d-ditta tal-investiment tkun parti minn grupp li fih il-valur totali tal-assikonsolidati tal-impriżi kollha fil-grupp li jkollhom individwalment assi totali ta' anqas minn EUR 15-il biljun u li jwettqu kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE ikun ugwali għal jew jaqbeż l-EUR 15-il biljun, kollha kemm huma ikkalkolati bħala medja tat-12-il xahar preċedenti, eskluż il-valur tal-assi individwali ta' kwalunkwe sussidjarja stabbilita barra mill-Unjoni li twettaq waħda mill-attivitajiet imsemmija f'dan is-subparagrafu; jew
id-ditta tal-investiment hija soġġetta għal deċiżjoni mill-awtorità kompetenti f'konformità mal-Artikolu 5 tad-Direttiva (UE) 2019/2034.
Id-ditti tal-investiment imsemmija f'dan il-paragrafu għandhom ikunu ssorveljati għall-konformità mar-rekwiżiti prudenzjali skont it-Titoli VII u VIII tad-Direttiva 2013/36/UE, inkluż għall-finijiet tal-istabbiliment tas-superviżur ta' konsolidazzjoni meta tali ditti tal-investiment ikunu jappartjenu lil grupp ta' ditti tal-investiment kif definit fil-punt (25) tal-Artikolu 4(1) ta' dan ir-Regolament.
Permezz ta' deroga mill-paragrafu 1, l-awtoritajiet kompetenti jistgħu jippermettu ditta tal-investiment awtorizzata u ssorveljata skont id-Direttiva 2014/65/UE li twettaq kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE tapplika r-rekwiżiti tar-Regolament (UE) Nru 575/2013 meta jiġu ssodisfati l-kondizzjonijiet kollha li ġejjin:
id-ditta tal-investiment hija sussidjarja u hija inkluża fis-superviżjoni fuq bażi konsolidata ta' istituzzjoni ta' kreditu, kumpannija holding finanzjarja jew kumpannija holding finanzjarja mħallta, f'konformità mad-dispożizzjonijiet tal-Kapitolu 2 tat-Titolu II, l-Ewwel Parti tar-Regolament (UE) Nru 575/2013;
id-ditta tal-investiment tinnotifika lill-awtorità kompetenti skont dan ir-Regolament u lis-superviżur konsolidanti, jekk applikabbli;
l-awtorità' kompetenti hija sodisfatta li l-applikazzjoni tar-rekwiżiti tal-fondi proprji tar-Regolament (UE) Nru 575/2013 fuq bażi individwali għad-ditta tal-investiment u fuq bażi konsolidata għall-grupp, kif applikabbli, hija prudenzjalment soda, ma tirriżultax fi tnaqqis tar-rekwiżiti ta' fondi proprji tad-ditta tal-investiment skont dan ir-Regolament, u mhijiex imwettqa għall-iskop ta' arbitraġġ regolatorju.
L-awtoritajiet kompetenti għandhom jinfurmaw lid-ditta tal-investiment dwar deċiżjoni biex tippermetti l-applikazzjoni tar-Regolament (UE) Nru 575/2013 u d-Direttiva 2013/36/UE skont l-ewwel subparagrafu fi żmien xahrejn minn meta jirċievu notifika msemmija fil-punt (b) tal-ewwel subparagrafu ta’ dan il-paragrafu, u għandhom jinfurmaw lill-ABE dwar dan. Meta awtorità kompetenti tirrifjuta li tippermetti l-applikazzjoni tar-Regolament (UE) Nru 575/2013 u d-Direttiva 2013/36/UE, hija għandha tipprovdi raġunijiet kompluti.
Id-ditti tal-investiment imsemmija f'dan il-paragrafu għandhom ikunu ssorveljati għall-konformità mar-rekwiżiti prudenzjali skont it-Titoli VII u VIII tad-Direttiva 2013/36/UE, inkluż għall-finijiet tal-istabbiliment tas-superviżur ta' konsolidazzjoni meta tali ditti tal-investiment ikunu jappartjenu lil grupp ta' ditti tal-investiment kif definit fil-punt (25) tal-Artikolu 4(1) ta' dan ir-Regolament.
Għall-finijiet ta' dan il-paragrafu, għandu japplika l-Artikolu 7 tar-Regolament (UE) Nru 575/2013.
Artikolu 2
Setgħat superviżorji
Għall-finijiet tal-iżgurar tal-konformità ma' dan ir-Regolament, l-awtoritajiet kompetenti għandhom ikollhom is-setgħat u għandhom isegwu l-proċeduri stipulati fid-Direttiva (UE) 2019/2034.
Artikolu 3
Applikazzjoni ta' rekwiżiti aktar stretti mid-ditti tal-investiment
Dan ir-Regolament ma għandux iwaqqaf lid-ditti tal-investiment milli jżommu fondi proprji u l-komponenti u l-assi likwidi tagħhom f'eċċess ta', jew japplikaw miżuri li jkunu aktar stretti minn, dawk meħtieġa minn dan ir-Regolament.
Artikolu 4
Definizzjonijiet
Għall-finijiet ta' dan ir-Regolament, japplikaw id-definizzjonijiet li ġejjin:
“impriża ta' servizzi anċillari” tfisser impriża li l-attività ewlenija tagħha tikkonsisti f'li jkollha jew f'li tamministra proprjetà, tamministra servizzi ta' proċessar ta' data, jew attività simili li hija anċillari għall-attività ewlenija ta' ditta tal-investiment waħda jew aktar;
“kumpannija tal-ġestjoni tal-assi” tfisser kumpannija tal-ġestjoni tal-assi kif definit fil-punt (19) tal-Artikolu 4 tar-Regolament (UE) Nru 575/2013;
“membru tal-ikklerjar” tfisser impriża stabbilita fi Stat Membru li tissodisfa d-definizzjoni fil-punt (14) tal-Artikolu 2 tar-Regolament (UE) Nru 648/2012 tal-Parlament Ewropew u tal-Kunsill ( 1 );
“klijent” tfisser klijent kif definit fil-punt (9) tal-Artikolu 4(1) tad-Direttiva 2014/65/UE ħlief li, għall-fini tal-Parti Erbgħa ta’ dan ir-Regolament, “klijent” tfisser kwalunkwe kontroparti tad-ditta tal-investiment;
“negozjant tal-komoditajiet u tal-kwoti tal-emissjonijiet” tfisser negozjant tal-komoditajiet u tal-kwoti tal-emissjonijiet kif definiti fil-punt (150) tal-Artikolu 4(1) tar-Regolament (UE) Nru 575/2013;
“derivati ta' komoditajiet” tfisser derivati ta' komoditajiet kif definiti fil-punt (30) tal-Artikolu 2(1) tar-Regolament (UE) Nru 600/2014;
“awtorità kompetenti” tfisser awtorità kompetenti kif definita fil-punt (5) tal-Artikolu 3(1) tad-Direttiva (UE) 2019/2034.;
“istituzzjoni ta' kreditu” tfisser istituzzjoni ta' kreditu kif definita fil-punt (1) tal-Artikolu 4(1) tar-Regolament (UE) Nru 575/2013;
“negozjar akkont tagħhom infushom” tfisser negozjar fl-istess isem kif definit fil-punt (6) tal-Artikolu 4(1) tad-Direttiva 2014/65/UE;
“derivati” tfisser derivati kif definiti fil-punt (29) tal-Artikolu 2(1) tar-Regolament (UE) Nru 600/2014;
“sitwazzjoni konsolidata ” tfisser is-sitwazzjoni li tirriżulta mill-applikazzjoni tar-rekwiżiti ta' dan ir-Regolament skont l-Artikolu 7 għal ditta tal-investiment prinċipali tal-Unjoni, kumpannija holding ta' investiment prinċipali jew kumpannija holding finanzjarja mħallta prinċipali tal-Unjoni daqs li kieku dik l-impriża, flimkien mad-ditti tal-investiment, l-istituzzjonijiet finanzjarji, l-impriżi anċillari tas-servizzi u l-aġenti marbuta kollha fil-grupp tad-ditta tal-investiment kienu jiffurmaw ditta tal-investiment unika; għall-fini ta' din id-definizzjoni, it-termini “ditta tal-investiment”, “istituzzjoni finanzjarja”, “impriża anċillari tas-servizzi” u “aġent marbut” għandhom japplikaw ukoll għal impriżi stabbiliti f'pajjiżi terzi li, kieku kienu stabbiliti fl-Unjoni, jissodisfaw id-definizzjonijiet ta' dawk it-termini;
“bażi konsolidata” tfisser fuq il-bażi tas-sitwazzjoni konsolidata;
“eżekuzzjoni tal-ordnijiet f'isem il-klijenti” tfisser l-eżekuzzjoni tal-ordnijiet f'isem il-klijenti kif definit fil-punt (5) tal-Artikolu 4(1) tad-Direttiva 2014/65/UE;
“istituzzjoni finanzjarja” tfisser impriża oħra għajr istituzzjoni ta' kreditu jew ditta tal-investiment, u għajr kumpannija holding industrijali pura, li l-attività prinċipali tagħha hija l-akkwiżizzjoni ta' parteċipazzjonijiet jew li twettaq waħda, jew aktar, mill-attivitajiet elenkati fil-punti (2) sa (12) u fil-punt (15) tal-Anness I għad-Direttiva 2013/36/UE, inkluż kumpannija holding finanzjarja, kumpannija holding finanzjarja mħallta, kumpannija holding ta' investiment, istituzzjoni ta' pagament fis-sens tad-Direttiva (UE) 2015/2366 tal-Parlament Ewropew u tal-Kunsill ( 2 ), u kumpannija tal-ġestjoni tal-assi, iżda esklużi kumpaniji holding tal-assigurazzjoni u kumpaniji holding tal-assigurazzjoni b'attività mħallta kif definiti fil-punt (g) tal-Artikolu 212(1) tad-Direttiva 2009/138/KE tal-Parlament Ewropew u tal-Kunsill ( 3 );
“strument finanzjarju” tfisser strument finanzjarju kif definit fil-punt (15) tal-Artikolu 4(1) tad-Direttiva 2014/65/UE;
“kumpannija holding finanzjarja” tfisser kumpannija azzjonarja finanzjarja kif definit fil-punt (20) tal-Artikolu 4(1) tar-Regolament (UE) Nru 575/2013;
“entità tas-settur finanzjarju” tfisser entità tas-settur finanzjarju kif definita fil-punt (27) tal-Artikolu 4(1) tar-Regolament (UE) Nru 575/2013;
“kapital inizjali” tfisser kapital inizjali kif definit fil-punt (18) tal-Artikolu 3(1) tad-Direttiva (UE) 2019/2034;
“grupp ta' klijenti konnessi” tfisser grupp ta' klijenti konnessi kif definit fil-punt (39) tal-Artikolu 4(1) tar-Regolament (UE) Nru 575/2013;
“parir dwar l-investiment” tfisser parir dwar investiment kif definit fil-punt (4) tal-Artikolu 4(1) tad-Direttiva 2014/65/UE;
“parir dwar l-investiment ta' natura kontinwa” tfisser il-forniment rikorrenti ta' parir dwar l-investiment kif ukoll il-valutazzjoni u l-monitoraġġ jew l-eżami mill-ġdid kontinwi jew perjodiċi ta' portafoll ta' klijent ta' strumenti finanzjarji, inkluż ta' investimenti mwettqa mill-klijent abbażi ta' arranġament kuntrattwali;
“ditta tal-investiment” tfisser ditta tal-investiment kif definita fil-punt (1) tal-Artikolu 4(1) tad-Direttiva 2014/65/UE;
“kumpannija holding ta' investiment” tfisser istituzzjoni finanzjarja, li s-sussidjarji tagħha huma esklużivament jew prinċipalment ditti tal-investiment jew istituzzjonijiet finanzjarji, fejn mill-inqas waħda mit-tali sussidjarji hija ditta tal-investiment, u li mhix kumpannija azzjonarja finanzjarja kif definit fil-punt (20) tal-Artikolu 4(1) tar-Regolament (UE) Nru 575/2013;
“servizzi u attivitajiet ta' investiment” tfisser servizzi u attivitajiet ta' investiment kif definiti fil-punt (2) tal-Artikolu 4(1) tad-Direttiva 2014/65/UE;
“grupp ta' ditti tal-investiment” tfisser grupp ta' impriżi li jikkonsisti f'impriża prinċipali u s-sussidjarji tagħha jew f'impriżi li jissodisfaw il-kondizzjonijiet stabbiliti fl-Artikolu 22 tad-Direttiva 2013/34/UE tal-Parlament Ewropew u tal-Kunsill ( 4 ), li mill-inqas waħda minnhom hija ditta tal-investiment u li ma jinkludix istituzzjoni ta' kreditu;
“Fatturi-K” tfisser rekwiżiti tal-fondi proprji stabbiliti fit-Titolu II tal-Parti Tlieta għal riskji li ditta tal-investiment toħloq għall-klijenti, għas-swieq jew għaliha nnifisha;
“assi mmaniġġjati”jew“AUM”" tfisser il-valur tal-assi li ditta tal-investiment timmaniġġja għall-klijenti tagħha kemm taħt arranġamenti ta' ġestjoni tal-portafoll diskrezzjonali kif ukoll nondiskrezzjonali li jikkostitwixxu parir ta' investiment ta' natura kontinwa;
'flus tal-klijenti miżmuma' jew “CMH”tfisser l-ammont ta' flus tal-klijenti li ditta tal-investiment iżżomm, b'kont meħud tal-arranġamenti legali fir-rigward tas-segregazzjoni tal-assi u irrispettivament mir-reġim kontabilistiku nazzjonali applikabbli għall-flus tal-klijenti miżmuma mid-ditta tal-investiment;
“assi salvagwardjati u amministrati ”jew“ASA”tfisser il-valur tal-assi li ditta tal-investiment tissalvagwardja u tamministra għall-klijenti, irrispettivament minn jekk l-assi jidhrux fil-karta tal-bilanċ tad-ditta tal-investiment jew humiex segregati f'kontijiet oħra;
ordnijiet tal-klijenti mmaniġġati " jew “ COH” tfisser il-valur tal-ordnijiet li ditta tal-investiment timmaniġġa għall-klijenti, permezz tar-riċevuta u t-trażmissjoni ta' ordnijiet tal-klijenti u permezz tal-eżekuzzjoni tal-ordnijiet f'isem il-klijenti;
“riskju tal-konċentrazzjoni” jew “ CON” tfisser l-iskoperturi fil-portafoll tan-negozjar ta' ditta tal-investiment lil klijent jew grupp ta' klijenti konnessi li l-valur tagħhom jaqbeż il-limiti fl-Artikolu 37(1);
marġni tal-ikklerjar mogħti" jew “ CMG” tfisser l-ammont tal-marġni totali rikjest minn membru tal-ikklerjar jew minn kontroparti ċentrali li tikkwalifika, fejn l-eżekuzzjoni u s-saldu ta' tranżazzjonijiet ta' ditta tal-investiment li tinnegozja akkont tagħha nfisha jseħħu taħt ir-responsabbiltà ta' membru tal-ikklerjar jew ta' kontroparti ċentrali li tikkwalifika;
“fluss tan-negozjar ta' kuljum” jew “ DTF”tfisser il-valur ta' kuljum tat-tranżazzjonijiet li ditta tal-investiment iddaħħal permezz tan-negozjar akkont tagħha nfisha jew bl-eżekuzzjoni tal-ordnijiet f'isem il-klijenti f'isimha stess, eskluż il-valur tal-ordnijiet li ditta tal-investiment timmaniġġa għall-klijenti billi tirċievi u tittrasmetti ordnijiet tal-klijenti u permezz tal-eżekuzzjoni tal-ordnijiet f'isem il-klijenti li diġà huma meqjusa fl-ambitu tal-ordinijiet tal-klijenti mmaniġġati;
riskju ta' pożizzjoni netta " jew “ NPR” tfisser il-valur tat-tranżazzjonijiet irreġistrati fil-portafoll tan-negozjar ta' ditta tal-investiment;
inadempjenza tal-kontroparti tan-negozjar “jew ” TCD" tfisser l-iskoperturi fil-portafoll tan-negozjar ta' ditta tal-investiment fi strumenti u tranżazzjonijiet imsemmija fl-Artikolu 25 li jwasslu għar-riskju ta' inadempjenza tal-kontroparti tan-negozjar;
“valur tas-suq attwali” jew “CMV” tfisser il-valur tas-suq nett tal-portafoll ta' tranżazzjonijiet jew komponenti tat-titoli soġġetti għal netting f'konformità mal-Artikolu 31, fejn kemm valuri tas-suq pożittivi kif ukoll negattivi jintużaw fil-kalkolu tas-CMV;
“tranżazzjonijiet b'saldu fit-tul” tfisser tranżazzjonijiet b'saldu twil kif definit fil-punt (2) tal-Artikolu 272 tar-Regolament (UE) Nru 575/2013;
“tranżazzjoni ta' self b'marġini” tfisser tranżazzjonijiet ta' self b'marġini kif definit fil-punt (10) tal-Artikolu 3 tar-Regolament (UE) 2015/2365 tal-Parlament Ewropew u tal-Kunsill ( 5 );
“korp maniġerjali” tfisser korp maniġerjali kif definit fil-punt (36) tal-Artikolu 4(1) tad-Direttiva 2014/65/UE;
“kumpannija holding finanzjarja mħallta” tfisser kumpannija azzjonarja finanzjarja mħallta kif definit fil-punt (15) tal-Artikolu 2 tad-Direttiva 2002/87/KE tal-Parlament Ewropew u tal-Kunsill ( 6 );
“entrata ma tidhirx fil-karta tal-bilanċ” tfisser kwalunkwe wieħed mill-elementi msemmijin fl-Anness I għar-Regolament (UE) Nru 575/2013;
“impriża prinċipali” tfisser impriża prinċipali skont it-tifsira fil-punt (9) tal-Artikolu 2 u l-Artikolu 22 tad-Direttiva 2013/34/UE;
“parteċipazzjoni” tfisser holding kif definit fil-punt (35) tal-Artikolu 4(1) tar-Regolament (UE) Nru 575/2013;
“profitt” tfisser profitt kif definit fil-punt (121) tal-Artikolu 4(1) tar-Regolament (UE) Nru 575/2013;
“kontroparti ċentrali li tikkwalifika” jew “QCCP” tfisser kontroparti ċentrali li tikkwalifika kif definita fil-punt (88) tal-Artikolu 4(1) tar-Regolament (UE) Nru 575/2013;
“ġestjoni tal-portafoll” tfisser ġestjoni tal-portafolli kif definit fil-punt (8) tal-Artikolu 4(1) tad-Direttiva 2014/65/UE;
“holding kwalifikattiva” tfisser holding kwalifikattiva kif definita fil-punt (36) tal-Artikolu 4(1) tar-Regolament (UE) Nru 575/2013;
“transazzjoni ta' finanzjament tat-titoli” jew “SFT” tfisser SFT kif definit fil-punt (11) tal-Artikolu 3 tar-Regolament (UE) 2015/;
“kontijiet segregati”, għall-finijiet tat-Tabella 1 fl-Artikolu 15(2), tfisser kontijiet ma' entitajiet fejn il-flus tal-klijenti miżmuma minn ditta tal-investiment ikunu depożitati skont l-Artikolu 4 tad-Direttiva Delegata tal-Kummissjoni (UE) 2017/593 ( 7 ) u, fejn applikabbli, fejn il-liġi nazzjonali tipprovdi li, fil-każ ta' insolvenza jew dħul f'riżoluzzjoni jew amministrazzjoni tad-ditta tal-investiment, il-flus tal-klijenti ma jistgħux jintużaw biex jiġu ssodisfati pretensjonijiet fir-rigward tad-ditta tal-investiment minbarra pretensjonijiet mill-klijent;
“tranżazzjoni ta' riakkwist” tfisser tranżazzjoni ta' riakkwist kif definit fil-punt (9) tal-Artikolu 3 tar-Regolament (UE) 2015/2365;
“sussidjarja” tfisser impriża sussidjarja skont it-tifsira tal-punt (10) tal-Artikolu 2 u fit-tifsira tal-Artikolu 22 tad-Direttiva 2013/34/UE, inkluża kwalunkwe sussidjarja ta' impriża sussidjarja ta' impriża prinċipali aħħarija;
“aġent marbut” tfisser aġent marbut kif definit fil-punt (29) tal-Artikolu 4(1) tad-Direttiva 2014/65/UE;
“dħul gross totali” tfisser l-introjtu operatorju annwali ta' ditta tal-investiment, b'rabta mas-servizzi u l-attivitajiet ta' investiment tad-ditta tal-investiment li hi awtorizzata twettaq, inkluż introjtu li jirriżulta minn imgħax riċevibbli, minn ishma u minn titoli oħra kemm jekk b'rendita fissa jew varjabbli, minn kummissjoni u tariffi, kwalunkwe gwadann u telf li d-ditti tal-investiment iġarrbu fl-assi ta' negozjar tagħhom, fl-assi miżmuma b'valur ġust, jew minn attivitajiet ta' ħħeġġjar, iżda eskluż kwalunkwe introjtu li mhuwiex marbut mas-servizzi u l-attivitajiet ta' investiment imwettqa;
“portafoll tan-negozjar” tfisser il-pożizzjonijiet kollha fl-istrumenti finanzjarji u l-komoditajiet f'idejn ditta tal-investiment, jew bil-ħsieb ta' negozju jew sabiex ikunu ħħeġġjati l-pożizzjonijiet miżmuma bil-ħsieb ta' negozjar;
“pożizzjonijiet miżmuma bil-ħsieb ta' negozjar” tfisser kwalunkwe waħda minn dawn li ġejjin:
pożizzjonijiet proprjetarji u pożizzjonijiet li jirriżultaw minn servizzi għall-klijenti u ġenerazzjoni tas-suq;
pożizzjonijiet maħsuba li jiġu mibjugħa mill-ġdid fit-terminu qasir;
pożizzjonijiet maħsuba għal benefiċċju minn differenzi fil-prezz reali jew mistennija f'terminu qasir bejn il-prezzijiet tax-xiri u l-prezzijiet tal-bejgħ jew minn varjazzjonijiet oħra fil-prezz jew fir-rata tal-imgħax;
“ditta tal-investiment prinċipali tal-Unjoni” tfisser ditta tal-investiment fi Stat Membru li tkun parti minn grupp ta' ditta tal-investiment u li jkollha ditta tal-investiment jew istituzzjoni finanzjarja bħala sussidjarja jew li jkollha parteċipazzjoni f'tali ditta tal-investiment jew istituzzjoni finanzjarja, u li fiha nnifisha ma tkunx sussidjarja ta' ditta tal-investiment oħra awtorizzata f'xi Stat Membru, jew ta' kumpannija azzjonarja ta' investiment jew kumpannija holding finanzjarja mħallta stabbilita fi kwalunkwe Stat Membru;
“kumpannija azzjonarja ta' investiment prinċipali tal-Unjoni” tfisser kumpannija azzjonarja ta' investiment fi Stat Membru li tkun parti minn grupp ta' ditta tal-investiment u li hi stess ma tkunx sussidjarja ta' ditta tal-investiment awtorizzata fi kwalunkwe Stat Membru jew ta' kumpannija azzjonarja ta' investiment oħra fi kwalunkwe Stat Membru;
“kumpannija holding finanzjarja mħallta” tfisser impriża prinċipali ta' grupp ta' ditti tal-investiment li hi kumpannija holding finanzjarja mħallta kif definit fil-punt (15) tal-Artikolu 2 tad-Direttiva 2002/87/KE.
Il-Kummissjoni għandha s-setgħa li tadotta atti delegati skont l-Artikolu 56 biex tissupplimenta dan ir-Regolament billi tiċċara d-definizzjonijiet stabbiliti fil-paragrafu 1 biex:
tiżgura l-applikazzjoni uniformi ta' dan ir-Regolament;
fl-applikazzjoni ta' dan ir-Regolament, tingħata kunsiderazzjoni għall-iżviluppi fis-swieq finanzjarji.
TITOLU II
LIVELL TAL-APPLIKAZZJONI TAR-REKWIŻITI
KAPITOLU 1
Applikazzjoni tar-rekwiżiti fuq bażi individwali
Artikolu 5
Prinċipju ġenerali
Id-ditti tal-investiment għandhom jikkonformaw mar-rekwiżiti stabbiliti fil-Parti Tnejn sa Parti Sebgħa fuq bażi individwali.
Artikolu 6
Eżenzjonijiet
L-awtoritajiet kompetenti jistgħu jeżentaw lil ditta tal-investiment mill-applikazzjoni tal-Artikolu 5 fir-rigward tal-Parti Tnejn, Tlieta, Erbgħa, Sitta u Sebgħa, fejn japplikaw dawn il-kondizzjonijiet kollha li ġejjin:
id-ditta tal-investiment tissodisfa l-kondizzjonijiet ta' kwalifika bħala ditta tal-investiment żgħira u mhux interkonnessa stabbilit fl-Artikolu 12(1);
tiġi ssodisfata waħda mill-kondizzjonijiet li ġejjin:
id-ditta tal-investiment hija sussidjarja u hija inkluża fis-superviżjoni fuq bażi konsolidata ta' istituzzjoni ta' kreditu, kumpannija holding finanzjarja jew kumpannija holding finanzjarja mħallta, f'konformità mad-dispożizzjonijiet tal-Kapitolu 2 tat-Titolu II tal-Ewwel Parti tar-Regolament (UE) Nru 575/2013;
id-ditta tal-investiment hija sussidjarja u hija inkluża fi grupp ta' ditti tal-investiment b'superviżjoni fuq bażi konsolidata f'konformità mal-Artikolu 7;
kemm id-ditta tal-investiment kif ukoll l-impriża prinċipali tagħha huma soġġetti għal awtorizzazzjoni u għal superviżjoni mill-istess Stat Membru;
l-awtoritajiet kompetenti għas-superviżjoni fuq bażi konsolidata f'konformità mar-Regolament (UE) Nru 575/2013 jew f'konformità mal-Artikolu 7 ta' dan ir-Regolament jaqblu ma' eżenzjoni tali;
il-fondi proprji huma mqassma b’mod adegwat bejn l-impriża prinċipali u d-ditta tal-investiment u jiġu ssodisfati l-kondizzjonijiet kollha li ġejjin:
ma hemm l-ebda impediment prattiku jew ġuridiku materjali attwali jew previst għat-trasferiment fil-pront ta’ kapital jew ħlas lura ta’ obbligazzjonijiet mill-impriża prinċipali;
mal-approvazzjoni minn qabel tal-awtorità kompetenti, l-impriża prinċipali tiddikjara li tiggarantixxi l-impenji li daħlet għalihom id-ditta tal-investiment jew li r-riskji fid-ditta tal-investiment huma ta’ interess negliġibbli;
il-proċeduri ta’ evalwazzjoni, ta’ kejl u ta’ kontroll tar-riskji tal-impriża prinċipali jinkludu lid-ditta tal-investiment; u
l-impriża prinċipali għandha aktar minn 50 % tad-drittijiet tal-vot marbuta mal-ishma fil-kapital tad-ditta tal-investiment jew għandha d-dritt li taħtar jew tneħħi maġġoranza tal-membri tal-korp maniġerjali tad-ditta tal-investiment.
L-awtoritajiet kompetenti jistgħu jeżentaw lid-ditti tal-investiment mill-applikazzjoni tal-Artikolu 5 fir-rigward tal-Parti Sitta, meta jiġu ssodisfati l-kondizzjonijiet kollha li ġejjin:
id-ditta tal-investiment tissodisfa l-kondizzjonijiet ta' kwalifika bħala ditta tal-investiment żgħira u mhux interkonnessa stabbilit fl-Artikolu 12(1);
id-ditta tal-investiment hija sussidjarja u hija inkluża fis-superviżjoni fuq bażi konsolidata ta' impriża tal-assigurazzjoni jew tar-riassigurazzjoni f'konformità mal-Artikolu 228 tad-Direttiva 2009/138/KE;
kemm id-ditta tal-investiment kif ukoll l-impriża prinċipali tagħha huma soġġetti għal awtorizzazzjoni u għal superviżjoni mill-istess Stat Membru;
l-awtoritajiet kompetenti għas-superviżjoni fuq bażi konsolidata f'konformità mad-Direttiva 2009/138/KE jaqblu dwar eżenzjoni bħal din;
il-fondi proprji huma mqassma b’mod adegwat bejn l-impriża prinċipali u d-ditta tal-investiment, u jiġu ssodisfati l-kondizzjonijiet kollha li ġejjin:
ma hemm l-ebda impediment prattiku jew ġuridiku materjali attwali jew previst għat-trasferiment fil-pront ta’ kapital jew ħlas lura ta’ obbligazzjonijiet mill-impriża prinċipali;
mal-approvazzjoni minn qabel tal-awtorità kompetenti, l-impriża prinċipali tiddikjara li tiggarantixxi l-impenji li daħlet għalihom id-ditta tal-investiment jew li r-riskji fid-ditta tal-investiment huma ta’ interess negliġibbli;
il-proċeduri ta’ evalwazzjoni, ta’ kejl u ta’ kontroll tar-riskji tal-impriża prinċipali jinkludu lid-ditta tal-investiment; u
l-impriża prinċipali għandha aktar minn 50 % tad-drittijiet tal-vot marbuta mal-ishma fil-kapital tad-ditta tal-investiment jew għandha d-dritt li taħtar jew tneħħi maġġoranza tal-membri tal-korp maniġerjali tad-ditta tal-investiment.
L-awtoritajiet kompetenti jistgħu jeżentaw lid-ditti tal-investiment mill-applikazzjoni tal-Artikolu 5 fir-rigward tal-Parti Ħamsa meta jiġu ssodisfati l-kondizzjonijiet kollha li ġejjin:
id-ditta tal-investiment tkun inkluża fis-superviżjoni fuq bażi konsolidata f'konformità mal-Kapitolu 2 tat-Titolu II tal-Ewwel Parti tar-Regolament (UE) Nru 575/2013 jew tkun inkluża fi grupp ta’ ditti tal-investiment li għalih japplika l-Artikolu 7(3) ta’ dan ir-Regolament u l-eżenzjoni prevista fl-Artikolu 7(4) ma tapplikax;
l-impriża prinċipali fuq bażi konsolidata timmonitorja u tissorvelja fi kwalunkwe ħin il-pożizzjonijiet ta’ likwidità tal-istituzzjonijiet u d-ditti tal-investiment kollha fi ħdan il-grupp jew sottogrupp, li jkunu soġġetti għar-rinunzja u tiżgura livell suffiċjenti ta' likwidità għal dawk l-istituzzjonijiet u d-ditti tal-investiment kollha;
l-impriża prinċipali u d-ditta tal-investiment daħlu f’kuntratti li, għas-sodisfazzjon tal-awtoritajiet kompetenti, jipprevedu l-moviment liberu tal-fondi bejn l-impriża prinċipali u d-ditta tal-investiment sabiex ikunu jistgħu jissodisfaw l-obbligi individwali u konġunti tagħhom meta jsiru dovuti;
ma hemm l-ebda impediment prattiku jew legali materjali attwali jew previst għas-sodisfazzjon tal-kuntratti msemmija fil-punt (c);
l-awtoritajiet kompetenti għas-superviżjoni fuq bażi konsolidata f’konformità mar-Regolament (UE) Nru 575/2013 jew f'konformità mal-Artikolu 7 ta' dan ir-Regolament jaqblu ma' eżenzjoni tali.
KAPITOLU 2
Konsolidazzjoni prudenzjali u eżenzjonijiet għal grupp ta’ ditti tal-investiment
Artikolu 7
Konsolidazzjoni prudenzjali
Għal dak il-għan, fl-applikazzjoni tad-dispożizzjonijiet tal-Artikolu 84(1), l-Artikolu 85(1), u l-Artikolu 87(1) tar-Regolament (UE) Nru 575/2013 ir-referenzi għall-Artikolu 92(1) tar-Regolament (UE) Nru 575/2013 biss għandhom japplikaw u għandhom bħala riżultat jinftehmu bħala li jirreferu għar-rekwiżiti tal-fondi proprji stabbiliti taħt id-dispożizzjonijiet korrispondenti f'dan ir-Regolament.
L-ABE għandha tippreżenta dak l-abbozz ta’ standards tekniċi regolatorji lill-Kummissjoni sas-26 ta’ Diċembru 2020.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
Artikolu 8
It-test tal-kapital tal-grupp
Għall-fini ta' dan ir-Regolament, għandhom japplikaw dawn li ġejjin:
“strumenti ta’ fondi proprji” tfisser “fondi proprji” kif definit fl-Artikolu 9 ta' dan ir-Regolament, mingħajr ma jiġi applikat it-tnaqqis imsemmi fil-punt (i) tal-Artikolu 36(1), il-punt (d) tal-Artikolu 56, u l-punt (d) tal-Artikolu 66 tar-Regolament (UE) Nru 575/2013;
it-termini “ditta tal-investiment”, “istituzzjoni finanzjarja”, “impriża ta' servizzi anċillari” u “aġent marbut” għandhom japplikaw ukoll għal impriżi stabbiliti f’pajjiżi terzi li, kieku kienu stabbiliti fl-Unjoni, jissodisfaw id-definizzjonijiet ta’ dawk it-termini fl-Artikolu 4.
Ditti ta' investiment prinċipali tal-Unjoni, kumpanniji azzjonarji ta' investiment prinċipali tal-Unjoni, kumpanniji azzjonarji finanzjarji mħallta prinċipali tal-Unjoni u kwalunkwe impriża prinċipali oħra li hija ditta tal-investiment, istituzzjonijiet finanzjarji, impriżi ta' servizzi anċillari jew aġenti marbuta fil-grupp ta' ditti tal-investiment għandu jkollhom minn tal-inqas strumenti ta' fondi proprji biżżejjed biex ikopru s-somma ta' dan li ġej:
is-somma tal-valur kontabilistiku sħiħ tal-impriżi, il-pretensjonijiet subordinati u l-istrumenti tagħhom kollha msemmija fil-punt (i) tal-Artikolu 36(1), il-punt (d) tal-Artikolu 56, u l-punt (d) tal-Artikolu 66 tar-Regolament (UE) Nru 575/2013 f’ditti tal-investiment, istituzzjonijiet finanzjarji, impriżi ta’ servizzi anċillari u aġenti marbuta fil-grupp ta’ ditti tal-investiment; u
l-ammont totali tal-obbligazzjonijiet kontinġenti tagħhom kollha favur ditti tal-investiment, istituzzjonijiet finanzjarji, impriżi ta’ servizzi anċillari u aġenti marbuta fil-grupp ta’ ditti tal-investiment.
Għall-fini ta’ dan il-paragrafu, ir-rekwiżiti ta’ fondi proprji għal impriżi sussidjarji kif imsemmi fl-ewwel subparagrafu u li jkunu jinsabu f’pajjiżi terzi għandhom ikunu rekwiżiti ta’ fondi proprji nozzjonali li jiżguraw livell sodisfaċenti ta’ prudenza biex ikunu koperti r-riskji li jirriżultaw minn dawk l-impriżi sussidjarji, kif approvati mill-awtoritajiet kompetenti rilevanti.
IT-TIENI PARTI
FONDI PROPRJI
Artikolu 9
Kompożizzjoni tal-fondi proprji
Ditti tal-investiment għandu jkollhom fondi proprji li jikkonsistu mis-somma tal-kapital tal-Grad 1 ta’ Ekwità Komuni, il-kapital tal-Grad 1 u l-kapital tal-Grad 2 Addizzjonali tagħhom, u għandhom jissodisfaw il-kondizzjonijiet kollha li ġejjin f’kull ħin:
,
fejn:
il-kapital tal-Grad 1 ta’ Ekwità Komuni 1 huwa definit skont il-Kapitolu 2 tat-Titolu I tat-Tieni Parti tar-Regolament (UE) Nru 575/2013, il-kapital tal-Grad 1 Addizzjonali huwa definit skont il-Kapitolu 3 tat-Titolu I tat-Tieni Parti tar-Regolament (UE) Nru 575/2013, u l-kapital tal-Grad 2 huwa definit skont il-Kapitolu 4 tat-Titolu I tat-Tieni Parti tar-Regolament (UE) Nru 575/2013; u
D huwa definit fl-Artikolu 11.
B’deroga mill-paragrafu 1:
it-tnaqqis imsemmi fil-punt (c) tal-Artikolu 36(1) tar-Regolament (UE) Nru 575/2013 għandu japplika b' mod sħiħ, mingħajr l-applikazzjoni tal-Artikoli 39 u 48 ta’ dak ir-Regolament;
it-tnaqqis imsemmi fil-punt (e) tal-Artikolu 36(1) tar-Regolament (UE) Nru 575/2013 għandu japplika b'mod sħiħ, mingħajr l-applikazzjoni tal-Artikolu 41 ta’ dak ir-Regolament;
it-tnaqqis imsemmi fil-punt (h) tal-Artikolu 36(1), il-punt (c) tal-Artikolu 56, u l-punt (c) tal-Artikolu 66 tar-Regolament (UE) Nru 575/2013, sa fejn għandu x’jaqsam ma’ parteċipazzjonijiet ta’ strumenti kapitali li mhumiex miżmuma fil-portafoll tan-negozjar, għandu japplika b'mod sħiħ, mingħajr l-applikazzjoni tal-mekkaniżmi previsti fl-Artikoli 46, 60 u 70 ta’ dak ir-Regolament;
it-tnaqqis imsemmi fil-punt (i) tal-Artikolu 36(1) tar-Regolament (UE) Nru 575/2013 għandu japplika b'mod sħiħ, mingħajr l-applikazzjoni tal-Artikolu 48 ta’ dak ir-Regolament;
id-dispożizzjonijiet li ġejjin ma għandhomx japplikaw għad-determinazzjoni tal-fondi proprji ta’ ditti tal-investiment:
l-Artikolu 49 tar-Regolament (UE) Nru 575/2013;
it-tnaqqis imsemmi fil-punt (h) tal-Artikolu 36(1), il-punt (c) tal-Artikolu 56, il-punt (c) tal-Artikolu 66 tar-Regolament (UE) Nru 575/2013 u d-dispożizzjonijiet relatati fl-Artikoli 46, 60 u 70 ta’ dak ir-Regolament, sa fejn dak it-tnaqqis għandu x’jaqsam ma’ parteċipazzjonijiet ta’ strumenti kapitali miżmuma fil-portafoll tan-negozjar;
l-avveniment skattatur imsemmi fil-punt (a) tal-Artikolu 54(1) tar-Regolament (UE) Nru 575/2013; l-avveniment skattatur għandu minflok ikun speċifikat mid-ditta tal-investiment fit-termini tal-istrument tal-Grad 1 Addizzjonali msemmi fil-paragrafu 1;
l-ammont aggregat imsemmi fil-punt (a) tal-Artikolu 54(4) tar-Regolament (UE) Nru 575/2013; l-ammont li għandu jitniżżel fil-valur jew jiġi kkonvertit għandu jkun l-ammont prinċipal sħiħ tal-istrument tal-Grad 1 Addizzjonali msemmi fil-paragrafu 1.
Parteċipazzjonijiet ta’ strumenti ta’ fondi proprji ta’ entità tas-settur finanzjarju fi ħdan grupp ta’ ditti tal-investiment ma għandhomx jitnaqqsu għall-fini tal-kalkolu tal-fondi proprji ta’ kwalunkwe ditta tal-investiment fil-grupp fuq bażi individwali, dment li l-kondizzjonijiet kollha li ġejjin ikunu ssodisfati:
ma hemm l-ebda impediment prattiku jew ġuridiku materjali attwali jew previst għat-trasferiment fil-pront ta’ kapital jew ħlas lura ta’ obbligazzjonijiet mill-impriża prinċipali;
il-proċeduri ta’ evalwazzjoni, ta’ kejl u ta’ kontroll tar-riskju tal-impriża prinċipali jinkludu lill-entità tas-settur finanzjarju;
id-deroga prevista fl-Artikolu 8 ma tintużax mill-awtoritajiet kompetenti.
Artikolu 10
Holdings kwalifikattivi barra s-settur finanzjarju
Għall-finijiet ta’ din il-Parti, ditti tal-investiment għandhom inaqqsu l-ammonti li jaqbżu l-limiti speċifikati fil-punti (a) u (b) mid-determinazzjoni tal-entrati tal-Grad 1 ta’ Ekwità Komuni msemmija fl-Artikolu 26 tar-Regolament (UE) Nru 575/2013:
holding kwalifikattiva, li l-ammont tagħha jaqbeż il-15 % tal-fondi proprji tad-ditta tal-investiment ikkalkolat skont l-Artikolu 9 ta’ dan ir-Regolament iżda mingħajr ma jiġi applikat it-tnaqqis imsemmi fil-punt (k)(i) tal-Artikolu 36(1) tar-Regolament (UE) Nru 575/2013, f’impriża li mhix entità tas-settur finanzjarju;
l-ammont totali tal-holdings kwalifikattivi ta’ ditta tal-investiment f’impriżi minbarra entitajiet tas-settur finanzjarju li jaqbeż is-60 % tal-fondi proprji tagħha kkalkolat skont l-Artikolu 9 ta’ dan ir-Regolament iżda mingħajr l-applikazzjoni tat-tnaqqis imsemmi fil-punt (k)(i) tal-Artikolu 36(1) tar-Regolament (UE) Nru 575/2013.
L-ishma f’impriżi li mhumiex entitajiet tas-settur finanzjarju m’għandhomx jiġu inklużi fil-kalkolu speċifikat fil-paragrafu 1 meta tiġi ssodisfata kwalunkwe waħda mill-kondizzjonijiet li ġejjin:
dawk l-ishma jinżammu b’mod temporanju matul operazzjoni ta’ assistenza finanzjarja kif imsemmi fl-Artikolu 79 tar-Regolament (UE) Nru 575/2013;
iż-żamma ta’ dawk l-azzjonijiet hija pożizzjoni ta’ sottoskrizzjoni miżmuma għal ħamest ijiem tax-xogħol jew anqas;
dawk l-azzjonijiet ikunu miżmuma f’isem id-ditta tal-investiment stess u għan-nom ta’ oħrajn.
IT-TIELET PARTI
REKWIŻITI KAPITALI
TITOLU I
REKWIŻITI ĠENERALI
Artikolu 11
Rekwiżiti tal-fondi proprji
Ditti tal-investiment għandu jkollha f'kull mument fondi proprji skont l-Artikolu 9 li jammonta minn tal-inqas għal D, fejn D huwa definit bħala l-ogħla minn dawn li ġejjin:
ir-rekwiżit tal-ispejjeż ġenerali fissi tagħhom ikkalkolat f'konformità mal-Artikolu 13;
ir-rekwiżit tal-kapital minimu permanenti tagħhom f'konformità mal-Artikolu 14; jew
ir-rekwiżit tal-fattur-K tagħhom ikkalkolat f'konformità mal-Artikolu 15.
Artikolu 12
Ditti tal-investiment żgħar u mhux interkonnessi
Ditti tal-investiment għandhom jitqiesu bħala ditti tal-investiment żgħar u mhux interkonnessi għall-finijiet ta’ dan ir-Regolament meta jissodisfaw il-kondizzjonijiet kollha li ġejjin:
AUM imkejjel f'konformità mal-Artikolu 17 ikun anqas minn EUR 1,2 biljuni;
COH imkejjel f'konformità mal-Artikolu 20 ikun anqas minn kwalunkwe waħda minn dawn li ġejjin:
EUR 100 miljun/jum għal negozji fi flus; jew
EUR 1 biljun/jum għal derivati;
ASA mkejla f'konformità mal-Artikolu 19 ikun żero;
CMH imkejla f'konformità mal-Artikolu 18 ikun żero;
DTF imkejjel f'konformità mal-Artikolu 33 ikun żero;
NPR jew CMG imkejjel f'konformità mal-Artikoli 22 u 23 ikun żero;
TCD imkejjel f'konformità mal-Artikolu 26 ikun żero;
it-total ta’ dak fil-karta tal-bilanċ u barra l-karta tal-bilanċ tad-ditta tal-investiment ikun anqas minn EUR 100 miljun;
id-dħul gross annwali totali mis-servizzi u l-attivitajiet tal-investiment tad-ditta tal-investiment ikun inqas minn EUR 30 miljun ikkalkolat bħala medja fuq il-bażi tal-figuri annwali mill-perijodu ta’ sentejn eżatt qabel is-sena finanzjarja partikolari.
B’deroga mid-dispożizzjonijiet tat-Titolu II, għall-finijiet tal-punti (a), (b), (c), (e), (f), sa fejn dan il-punt ikun marbut mal-NPR u (g) tal-ewwel subparagrafu, għandhom japplikaw il-valuri ta’ tmiem il-jum.
Għall-finijiet tal-punt (f) tal-ewwel subparagrafu, sa fejn dak il-punt ikollu x’jaqsam mas-CMG, għandhom japplikaw il-valuri ta’ matul l-istess jum.
Għall-finijiet tal-punt (d), tal-ewwel subparagrafu ta' dan il-paragrafu, u mingħajr preġudizzju għall-Artikolu 16(9) tad-Direttiva 2014/65/UE u l-Artikoli 2 u 4 tad-Direttiva Delegata (UE) 2017/593, għandhom japplikaw il-valuri ta’ matul l-istess jum, ħlief fejn kien hemm żball fiż-żamma tar-rekords jew fir-rikonċiljazzjoni tal-kontijiet li b'mod żbaljat indika li ditta tal-investiment kisret il-livell limitu żero msemmi fil-punt (d) tal-ewwel subparagrafu ta' dan il-paragrafu, u li jiġi solvut qabel ma jintemm il-jum ta' negozju. Id-ditta tal-investiment għandha tinnotifika lill-awtorità kompetenti mingħajr dewmien dwar l-iżball, ir-raġunijiet għalfejn seħħ u l-korrezzjoni tiegħu.
Għall-finijiet tal-punti (h) u (i) tal-ewwel subparagrafu, għandhom japplikaw il-livelli fi tmiem l-aħħar sena finanzjarja li fir-rigward tagħha l-kontijiet ġew iffinalizzati u approvati mill-bord maniġerjali. Fejn il-kontijiet ikunu għadhom ma ġewx iffinalizzati u approvati wara sitt xhur mit-tmiem tal-aħħar sena finanzjarja, ditta tal-investiment għandha tuża kontijiet proviżorji.
Ditti tal-investiment jistgħu jkejlu l-valuri taħt il-punti (a) u (b) tal-ewwel subparagrafu billi tuża l-metodi speċifikati taħt it-Titolu II, bl-eċċezzjoni li l-kejl għandu jsir fuq medda ta’ 12-il xahar, mingħajr l-esklużjoni tal-valuri mensili tal-aktar tliet xhur reċenti. Ditti tal-investiment li jagħżlu dan il-metodu ta’ kejl għandhom jinnotifikaw lill-awtorità kompetenti b'dan u għandhom japplikaw il-metodu magħżul għal perijodu kontinwu ta’ mhux inqas minn 12-il xahar konsekuttivi.
Il-kondizzjonijiet stabbiliti fil-punti (c) sa (g) tal-paragrafu 1 għandhom japplikaw għal kull ditta tal-investiment fuq bażi individwali.
B’deroga mill-ewwel subparagrafu, fejn ditta tal-investiment ma tibqax tissodisfa l-kondizzjonijiet stabbiliti fil-punti (a), (b), (h) jew (i) tal-paragrafu 1 iżda tibqa’ tissodisfa l-kondizzjonijiet stabbiliti fil-punti (c) sa (g) ta’ dak il-paragrafu, din ma għandhiex tibqa' titqies bħala ditta tal-investiment żgħira u mhux interkonnessa wara perijodu ta’ tliet xhur, ikkalkolati mid-data li fiha jkun inqabeż il-livell limitu. Id-ditta tal-investiment għandha tinnotifika lill-awtorità kompetenti mingħajr dewmien bla bżonn ta' kwalunkwe ksur ta’ livell limitu.
Artikolu 13
Rekwiżit tal-ispejjeż ġenerali fissi
L-ABE, f’konsultazzjoni mal-ESMA, għandha tiżviluppa abbozz ta’ standards tekniċi regolatorji biex jiġi supplimentat il-kalkolu tar-rekwiżit imsemmi fil-paragrafu 1 li jinkludi mill-inqas il-punti li ġejjin għat-tnaqqis:
bonuses tal-persunal u remunerazzjoni oħra, sa fejn jiddependu fuq il-profitt nett tad-ditta tal-investiment fis-sena rispettiva;
l-ishma tal-impjegati, tad-diretturi u tas-sħab fil-profitti;
approprjazzjonijiet oħra ta’ profitti u remunerazzjoni varjabbli oħra, sal-punt li jkunu kompletament diskrezzjonali;
kummissjoni u tariffi kondiviżi pagabbli li huma direttament relatati ma’ kummissjoni u tariffi riċevibbli, li huma inklużi fid-dħul totali, u fejn il-ħlas tal-kummissjoni u t-tariffi pagabbli huwa kontinġenti fuq ir-riċevuta nnifisha tal-kummissjoni u t-tariffi riċevibbli;
tariffi lill-aġenti marbuta;
spejjeż mhux rikorrenti minn attivitajiet mhux ordinarji.
L-ABE għandha tispeċifika wkoll għall-finijiet ta’ dan l-Artikolu l-kunċett ta’ bidla materjali.
L-ABE għandha tippreżenta dak l-abbozz ta’ standards tekniċi regolatorji lill-Kummissjoni sas-26 ta’ Diċembru 2020.
Il-Kummissjoni hija ddelegata s-setgħa li tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
Artikolu 14
Rekwiżit ta' kapital minimu permanenti
Għall-finijiet tal-Artikolu 11(1)(b), ir-rekwiżit ta' kapital minimu permanenti għandu jammonta għal mill-inqas il-livelli ta’ kapital inizjali speċifikati fl-Artikolu 9 tad-Direttiva (UE) 2019/2034.
TITOLU II
REKWIŻIT TAL-FATTUR-K
KAPITOLU 1
Prinċipji Ġenerali
Artikolu 15
Rekwiżit tal-fattur-K u koeffiċjenti applikabbli
Għall-finijiet tal-punt (c) tal-Artikolu 11(1), ir-rekwiżit tal-fattur-K għandu jammonta għal mill-inqas is-somma ta’ dawn li ġejjin:
Il-fatturi-K tar-Riskju għall-Klijent (RtC) ikkalkolati skont il-Kapitolu 2;
Il-fatturi-K tar-Riskju għas-Suq (RtM) ikkalkolati skont il-Kapitolu 3;
Il-fatturi-K tar-Riskju għad-Ditta (RtF) ikkalkolati skont il-Kapitolu 4.
Il-koeffiċjenti li ġejjin għandhom japplikaw għall-fatturi-K korrispondenti:
Tabella 1
|
FATTURI-K |
KOEFFIĊJENT |
|
|
Assi mmaniġġati kemm permezz ta’ mmaniġġar ta’ portafolli diskrezzjonali kif ukoll permezz ta’ arranġamenti konsultattivi mhux diskrezzjonali ta’ natura kontinwa |
K-AUM |
0.02 % |
|
Flus tal-klijenti miżmuma |
K-CMH (fuq kontijiet segregati) |
0.4 % |
|
K-CMH (fuq kontijiet mhux segregati) |
0.5 % |
|
|
Assi ssalvagwardjati u amministrati |
K-ASA |
0.04 % |
|
Ordnijiet tal-klijenti mmaniġġati |
Negozji fi flus ta’ K-COH |
0.1 % |
|
|
derivati ta’ K-COH |
0.01 % |
|
Fluss tan-negozjar ta’ kuljum |
Negozji fi flus ta’ K-DTF |
0.1 % |
|
|
derivati ta’ K-DTF |
0.01 % |
Sabiex tiżgura l-applikazzjoni uniformi ta' dan ir-Regolament u tikkunsidra l-iżviluppi fis-swieq finanzjarji, l-ABE għandha, f'konsultazzjoni mal-ESMA, tiżviluppa abbozz ta' standards tekniċi regolatorji sabiex:
tispeċifika l-metodi għall-kejl tal-fatturi-K fit-Titolu II tat-Tielet Parti;
tispeċifika l-kunċett ta' kontijiet segregati għall-finijiet ta' dan ir-Regolament għall-kundizzjonijiet li jiżguraw il-protezzjoni tal-flus tal-klijenti fil-każ tal-falliment ta' ditta tal-investiment;
tispeċifika l-aġġustamenti għall-koeffiċjenti K-DTF imsemmija fit-Tabella 1 tal-paragrafu 2 ta' dan l-Artikolu fil-każ li, f’kundizzjonijiet ta' stress tas-suq kif imsemmi fir-Regolament Delegat tal-Kummissjoni (UE) 2017/578 ( 9 ), ir-rekwiżiti K-DTF jidhru li huma restrittivi żżejjed u ta' detriment għall-istabbiltà finanzjarja.
L-ABE għandha tippreżenta dak l-abbozz ta’ standards tekniċi regolatorji lill-Kummissjoni sas-26 ta’ Diċembru 2020.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu f’konformità mal-Artikoli 10 sa 14 tar-Regolament (UE) Nru 1093/2010.
KAPITOLU 2
Fatturi-K ta’ RtC
Artikolu 16
Rekwiżit tal-fattur-K ta’ RtC
Ir-rekwiżit tal-fattur-K ta’ RtC hu determinat bil-formula li ġejja:
K-AUM + K-CMH + K-ASA + K-COH
fejn:
il-fattur K-AUM ikun daqs l-AUM imkejla f’konformità mal-Artikolu 17, multiplikat bil-koeffiċjent korrispondenti fl-Artikolu 15(2);
il-fattur K-CMH ikun daqs is-CMH imkejla f’konformità mal-Artikolu 18, multiplikat bil-koeffiċjent korrispondenti fl-Artikolu 15(2);
il-fattur K-ASA jkun daqs l-ASA mkejla f’konformità mal-Artikolu 19, multiplikat bil-koeffiċjent korrispondenti fl-Artikolu 15(2);
il-fattur K-COH ikun daqs is-COH imkejla f’konformità mal-Artikolu 20 multiplikat bil-koeffiċjent korrispondenti fl-Artikolu 15(2).
Artikolu 17
Kejl tal-AUM għall-finijiet tal-kalkolu ta' K-AUM
L-AUM għandu jkun il-medja aritmetika tat-12-il valur mensili li jifdal.
Il-K-AUM għandu jiġi kkalkolat fl-ewwel jum ta’ negozju ta’ kull xahar.
Fil-każ fejn entità finanzjarja oħra tkun iddelegat b’mod formali l-immaniġġjar tal-assi lid-ditta tal-investiment, dawn l-assi delegati għandhom jiġu esklużi mill-ammont totali ta’ assi mmaniġġjati mkejla f’konformità mal-paragrafu 1.
Fejn ditta tal-investiment tkun ilha timmaniġġja l-assi għal inqas minn 15-il xahar, jew fejn tkun għamlet dan għal perijodu itwal bħala ditta tal-investiment żgħira u mhux interkonnessa u issa taqbeż il-livell limitu għal AUM, din għandha tuża data storika għall-AUM għall-perijodu speċifikat taħt il-paragrafu 1 hekk kif tali data ssir disponibbli biex tikkalkula K-AUM. L-awtorità kompetenti tista’ tissostitwixxi punti ta’ data storiċi neqsin b’determinazzjonijiet regolatorji bbażati fuq il-projezzjonijiet tan-negozju tad-ditta tal-investiment ippreżentati skont l-Artikolu 7 tad-Direttiva 2014/65/UE.
Artikolu 18
Kejl tas-CMH għall-fini tal-kalkolu tal-K-CMH
Is-CMH għandu jkun il-medja aritmetika tal-valuri ta’ kuljum mis-sitt xhur li jifdal.
Il-K-CMH għandu jiġi kkalkolat fl-ewwel jum ta’ negozju ta’ kull xahar.
L-awtorità kompetenti tista’ tissostitwixxi punti ta’ data storiċi neqsin b’determinazzjonijiet regolatorji bbażati fuq il-projezzjonijiet tan-negozju tad-ditta tal-investiment ippreżentati skont l-Artikolu 7 tad-Direttiva 2014/65/UE.
Artikolu 19
Kejl tal-ASA għall-fini tal-kalkolu tal-K-ASA
L-ASA għandhom ikunu l-medja tal-valur ta’ kuljum mis-sitt xhur li jifdal.
Il-K-ASA għandu jiġi kkalkolat fl-ewwel jum ta’ negozju ta’ kull xahar.
Artikolu 20
Kejl ta’ COH għall-finijiet tal-kalkolu ta' K-COH
Is-COH għandhom ikunu l-medja aritmetika tal-valuri ta’ kuljum mit-tliet xhur li jifdal.
Il-K-COH għandu jiġi kkalkolat fl-ewwel jum ta’ negozju ta’ kull xahar.
Is-COH għandhom jitkejlu bħala s-somma tal-valur assolut ta’ xirjiet u l-valur assolut ta’ bejgħ kemm għal negozju fi flus kontanti kif ukoll għal derivati skont dawn li ġejjin:
għal negozji fi flus, il-valur hu l-ammont imħallas jew riċevut għal kull negozju;
għal derivati, il-valur tan-negozju hu l-ammont nozzjonali tal-kuntratt.
L-ammont nozzjonali ta’ derivati tar-rata tal-imgħax għandu jiġi aġġustat għaż-żmien (fi snin) sal-maturità ta’ dawk il-kuntratti. L-ammont nozzjonali għandu jiġi mmultiplikat bit-tul ta’ żmien stabbilit fil-formula li ġejja:
Durata = żmien sal-maturità (fi snin) / 10
Mingħajr preġudizzju għall-ħames paragrafu, COH għandhom jinkludu tranżazzjonijiet eżegwiti mid-ditti tal-investiment li jipprovdu servizzi ta’ mmaniġġar ta’ portafolli għan-nom ta’ fondi ta’ investiment.
COH għandhom jinkludu tranżazzjonijiet li jirriżultaw minn parir dwar l-investiment li fir-rigward tiegħu ditta tal-investiment ma tikkalkulax K-AUM.
COH għandhom jeskludu tranżazzjonijiet ittrattati mid-ditta tal-investiment li jirriżultaw mis-servisjar tal-portafoll ta’ investiment ta’ klijent fejn id-ditta tal-investiment diġà tikkalkula K-AUM fir-rigward tal-investimenti ta’ dak il-klijent jew fejn dik l-attività tkun relatata mad-delega tal-ġestjoni tal-assi għad-ditta tal-investiment li ma tikkontribwixxix għall-AUM ta’ dik id-ditta tal-investiment bis-saħħa tal-Artikolu 17(2).
COH għandhom jeskludu tranżazzjonijiet eżegwiti mid-ditta tal-investiment f’isimha stess għaliha stess jew għan-nom ta’ klijent.
Id-ditti tal-investiment jistgħu jeskludu mill-kejl ta' COH kwalunkwe ordni li ma tkunx ġiet eżegwita, fejn tali nuqqas ta' eżekuzzjoni jkun dovut għall-kanċellazzjoni fil-ħin tal-ordni mill-klijent.
KAPITOLU 3
Fatturi-K ta’ RtM
Artikolu 21
Rekwiżit tal-fatturi-K ta’ RTM
Artikolu 22
Kalkolu ta' K-NPR
Għall-fini ta’ kalkolu ta' K-NPR, ir-rekwiżit tal-fondi proprji għall-pożizzjonijiet tal-portafoll tan-negozjar ta’ ditta tal-investiment li tinnegozja akkont tagħha nfisha, kemm jekk għaliha stess jew għan-nom ta’ klijent, għandu jiġi kkalkolat bl-użu ta’ wieħed mill-approċċi li ġejjin:
l-approċċ standardizzat stipulat fil-Kapitoli 2, 3 u 4 tat-Titolu IV tal-Parti Tlieta tar-Regolament (UE) Nru 575/2013;
l-approċċ standardizzat alternattiv stabbilit fil-Kapitolu 1a tat-Titolu IV tal-Parti Tlieta tar-Regolament (UE) Nru 575/2013;
l-approċċ tal-mudell intern alternattiv stabbilit fil-Kapitolu 1b tat-Titolu IV tal-Parti Tlieta tar-Regolament (UE) Nru 575/2013.
Artikolu 23
Kalkolu ta' K-CMG
Għall-finijiet tal-Artikolu 21, l-awtorità kompetenti għandha tippermetti ditta tal-investiment tikkalkula K-CMG għall-pożizzjonijiet kollha li huma soġġetti għall-ikklirjar, jew fuq bażi ta’ portafoll fejn il-portafoll kollu huwa soġġett għal ikklirjar jew proviżjonament ta’ marġni, skont il-kondizzjonijiet li ġejjin:
id-ditta tal-investiment ma tkunx parti minn grupp li jkun fih istituzzjoni ta’ kreditu;
l-ikklirjar u s-saldu ta’ dawn it-tranżazzjonijiet isiru taħt ir-responsabbiltà ta’ membru tal-ikklirjar ta’ QCCP u dak il-membru tal-ikklirjar ikun istituzzjoni ta’ kreditu jew ditta tal-investiment imsemmija fl-Artikolu 1(2) ta’ dan ir-Regolament, u t-tranżazzjonijiet jew ikunu kklerjati ċentralment fi QCCP inkella jiġu saldati mod ieħor fuq bażi ta’ pagament abbażi ta’ konsenja taħt ir-responsabbiltà ta’ dak il-membru tal-ikklirjar;
il-kalkolu tal-marġni totali rikjest mill- membru tal-ikklirjar ikun ibbażat fuq mudell ta’ marġni tal-membru tal-ikklirjar;.
id-ditta tal-investiment tkun uriet lill-awtorità kompetenti li l-għażla tal-kalkolu ta’ RtM ma’ K-CMG hija ġġustifikata b’ċerti kriterji, li jistgħu jinkludu n-natura tal-attivitajiet ewlenin tad-ditta tal-investiment li essenzjalment għandhom ikunu attivitajiet ta’ negozjar soġġetti għall-ikklirjar u proviżjonament ta’ marġni taħt ir-responsabbiltà ta’ membru tal-ikklirjar, u l-fatt li attivitajiet oħra mwettqa mid-ditta tal-investiment ikunu immaterjali meta mqabbla ma’ dawk l-attivitajiet ewlenin; u
l-awtorità kompetenti tkun ivvalutat li l-għażla tal-portafoll(i) soġġett(i) għal K-CMG ma saritx bil-ħsieb li jsir arbitraġġ regolatorju tar-rekwiżiti ta’ fondi proprji b’mod sproporzjonat jew prudenzjalment skorrett.
Għall-fini tal-punt (c) tal-ewwel subparagrafu, l-awtorità kompetenti għandha twettaq valutazzjoni regolari biex tikkonferma li l-mudell ta’ marġni jwassal għal rekwiżiti tal-marġni li jirriflettu l-karatteristiċi tar-riskju tal-prodotti li d-ditti tal-investiment jinnegozjaw fihom u jqis l-intervall bejn il-ġbir tal-marġni, il-likwidità tas-suq u l-possibbiltà ta’ bidliet matul id-durata tat-tranżazzjoni.
Ir-rekwiżiti tal-marġni għandhom ikunu suffiċjenti biex ikopru t-telf li jista’ jirriżulta minn tal-inqas 99 % tal-movimenti tal-iskoperturi fuq perijodu ta’ żmien xieraq b’perijodu ta’ żamma ta’ mill-inqas jumejn ta’ negozju. Il-mudelli ta’ marġni użati minn dak il-membru tal-ikklirjar biex isejjaħ il-marġni msemmi fil-punt (c) tal-ewwel subparagrafu ta' dan il-paragrafu għandhom dejjem ikunu mfassla biex jiksbu livell ta’ prudenza simili għal dak meħtieġ fid-dispożizzjonijiet dwar ir-rekwiżiti tal-marġni fl-Artikolu 41 tar-Regolament (UE) Nru 648/2012.
L-ABE għandha tippreżenta dan l-abbozz ta’ standards tekniċi regolatorji lill-Kummissjoni sas-26 ta’ Diċembru 2020.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
KAPITOLU 4
Fatturi-K ta’ RtF
Artikolu 24
Rekwiżit tal-fatturi-K ta’ RtF
Ir-rekwiżit tal-fatturi-K ta’ RtF hu ddeterminat bil-formula li ġejja:
K-TCD +K-DTF + K-CON
fejn:
Il-fattur K-TCD huwa daqs l-ammont kalkolat f’konformità mal-Artikolu 26;
Il-fattur K-DTF huwa daqs id-DTF imkejjel f’konformità mal-Artikolu 33, multiplikat bil-koeffiċjent korrispondenti stabbilit fl-Artikolu 15(2) u
Il-fattur K-CON huwa daqs l-ammont kalkolat f’konformità mal-Artikolu 39.
K-TCD u K-CON għandhom ikunu bbażati fuq it-tranżazzjonijiet reġistrati fil-portafoll tan-negozjar ta’ ditta tal-investiment li tinnegozja akkont tagħha nfisha, kemm jekk għaliha stess jew għan-nom ta’ klijent.
K-DTF għandu jkun ibbażat fuq it-tranżazzjonijiet irreġistrati fil-portafoll tan-negozjar ta’ ditta tal-investiment li tinnegozja akkont tagħha nfisha, kemm jekk għaliha stess jew għan-nom ta’ klijent, u t-tranżazzjonijiet li ditta tal-investiment tidħol għalihom permezz tal-eżekuzzjoni tal-ordnijiet f'isem il-klijenti f’isimha stess.
Artikolu 25
Kamp ta’ applikazzjoni
Din it-Taqsima tapplika għall-kuntratti u t-tranżazzjonijiet li ġejjin:
kuntratti tad-derivati elenkati fl-Anness II għar-Regolament (UE) Nru 575/2013, bl-eċċezzjoni ta’ dawn li ġejjin:
kuntratti tad-derivati kklerjati direttament jew indirettament permezz ta’ kontroparti ċentrali (CCP) meta jiġu ssodisfati l-kondizzjonijiet kollha li ġejjin:
kuntratti tad-derivati nnegozjati fil-borża;
kuntratti tad-derivati miżmumin biex tiġi ħħeġġjata pożizzjoni tad-ditta tal-investiment li tirriżulta minn attività tal-portafoll mhux tan-negozjar;
tranżazzjonijiet b’saldu fit-tul;
tranżazzjonijiet ta’ riakkwist;
transazzjonijiet ta’ għoti jew teħid b’self ta’ titoli jew komoditajiet;
transazzjonijiet ta’ self b’marġini;
kwalunkwe tip ieħor ta’ SFT;
il-krediti u s-self imsemmija fil-punt (2) tat-Taqsima B tal-Anness I għad-Direttiva 2014/65/UE, jekk id-ditta tal-investiment qed twettaq il-kummerċ f’isem il-klijent jew qed tirċievi u tittrażmetti l-ordni mingħajr l-eżekuzzjoni tagħha.
Għall-finijiet tal-punt (a)(i) tal-ewwel subparagrafu, il-kuntratti tad-derivati kklerjati direttament jew indirettament permezz ta’ QCCP għandhom jitqiesu li jissodisfaw il-kondizzjonijiet stabbiliti f'dak il-punt.
It-tranżazzjonijiet mat-tipi ta’ kontropartijiet li ġejjin għandhom jiġu esklużi mill-kalkolu ta' K-TCD:
gvernijiet ċentrali u banek ċentrali, fejn l-iskoperturi sottostanti jirċievu piż tar-riskju ta’ 0 % skont l-Artikolu 114 tar-Regolament (UE) Nru 575/2013;
banek multilaterali tal-iżvilupp elenkati fl-Artikolu 117(2) tar-Regolament (UE) Nru 575/2013;
organizzazzjonijiet internazzjonali elenkati fl-Artikolu 118 tar-Regolament (UE) Nru 575/2013.
Soġġett għall-approvazzjoni minn qabel tal-awtoritajiet kompetenti, ditta tal-investiment tista’ teskludi mill-ambitu tal-kalkolu ta' K-TCD it-tranżazzjonijiet ma’ kontroparti li tkun l-impriża prinċipali tagħha, is-sussidjarja tagħha, sussidjarja tal-impriża prinċipali tagħha jew impriża marbuta b’relazzjoni skont it-tifsira tal-Artikolu 22(7) tad-Direttiva 2013/34/UE. L-awtoritajiet kompetenti għandhom jagħtu l-approvazzjoni jekk il-kondizzjonijiet li ġejjin jiġu ssodisfatti:
il-kontroparti hija istituzzjoni ta’ kreditu, ditta tal-investiment, jew istituzzjoni finanzjarja, soġġetta għal rekwiżiti prudenzjali xierqa;
il-kontroparti hija inkluża fl-istess konsolidazzjoni prudenzjali tad-ditta tal-investiment fuq bażi sħiħa skont ir-Regolament (UE) Nru 575/2013 jew l-Artikolu 7 ta’ dan ir-Regolament, jew il-kontroparti u d-ditta tal-investiment ikunu sorveljati għall-konformità mat-test tal-kapital ta’ grupp skont l-Artikolu 8 ta’ dan ir-Regolament;
il-kontroparti tkun soġġetta għall-istess proċeduri għall-evalwazzjoni tar-riskju, ta’ kalkolu u ta’ kontrolli bħad-ditta tal-investiment;
il-kontroparti tkun stabbilita fl-istess Stat Membru bħad-ditta tal-investiment;
ma jkun hemm l-ebda impediment legali, materjali jew prattiku kurrenti jew previst għat-trasferiment immedjat tal-fondi proprji jew għar-ripagament ta’ obbligazzjonijiet mill-kontroparti għad-ditti tal-investiment.
Id-ditti tal-investiment inklużi fis-superviżjoni fuq bażi konsolidata skont il-Kapitolu 2 tat-Titolu II tal-Parti Wieħed tar-Regolament (UE) Nru 575/2013 jistgħu jikkalkulaw ir-rekwiżit tal-fondi proprji relatat billi jimmultiplikaw l-ammonti ta’ skoperturi ponderati għar-riskju, ikkalkulati skont it-Taqsima 1 tal-Kapitolu 2 tat-Titolu II tal-Parti Tlieta tar-Regolament (UE) Nru 575/2013, bi 8 %.
Aktar milli japplikaw il-multiplikatur tal-fattur CVA, id-ditti tal-investiment inklużi fis-superviżjoni fuq bażi konsolidata skont il-Kapitolu 2 tat-Titolu II tal-Parti Wieħed tar-Regolament (UE) Nru 575/2013 jistgħu jikkalkulaw ir-rekwiżiti tal-fondi proprji għar-riskju tal-aġġustament tal-valwazzjoni tal-kreditu f'konformità mat-Titolu VI tal-Parti Tlieta tar-Regolament (UE) Nru 575/2013.
Artikolu 26
Kalkolu ta' K-TCD
Għall-fini tal-kalkolu ta’ K-TCD, ir-rekwiżit tal-fondi proprji għandu jiġi stabbilit permezz ta’ din il-formula:
Rekwiżit tal-fondi proprji = α • EV • RF • CVA
fejn:
α = 1.2
EV = il-valur tal-iskopertura kkalkulat skont l-Artikolu 27;
RF = il-fattur ta’ riskju definit għal kull tip ta’ kontroparti kif stabbilit fit-Tabella 2; u
CVA = l-aġġustament tal-valwazzjoni tal-kreditu kkalkulat skont l-Artikolu 32.
Tabella 2
|
Tip ta’ kontroparti |
Fattur ta’ riskju |
|
Gvernijiet ċentrali, banek ċentrali u s-settur pubbliku entitajiet |
1.6 % |
|
Istituzzjonijiet ta’ kreditu u ditti tal-investiment |
1.6 % |
|
Kontropartijiet oħra |
8 % |
Artikolu 27
Kalkolu tal-valur tal-iskopertura
Il-kalkolu tal-valur tal-iskopertura għandu jkun determinat skont il-formola li ġejja:
Valur tal-iskopertura = Massimu (0; RC + PFE - C)
fejn:
RC = il-kost tas-sostituzzjoni kif stabbilit fl-Artikolu 28;
PFE = l-iskopertura futura potenzjali kif stabbilit fl-Artikolu 29; u
RC = il-kollateral kif stabbilit fl-Artikolu 30.
Il-kost tas-sostituzzjoni (RC) u tal-kollateral (C) għandhom japplikaw għat-tranżazzjonijiet kollha msemmija fl-Artikolu 25.
L-iskopertura futura potenzjali (PFE) japplika biss għal kuntratti tad-derivati.
Ditta tal-investiment tista’ tikkalkula valur tal-iskopertura wieħed fil-livell tan-netting għat-tranżazzjonijiet kollha koperti bi ftehim kuntrattwali ta’ netting, soġġett għall-kondizzjonijiet stabbiliti fl-Artikolu 31. Meta xi waħda minn dawn il-kondizzjonijiet ma tiġix issodisfata, id-ditta tal-investiment għandha tittratta kull transazzjoni bħallikieku kienet sett tan-netting tagħha stess.
Artikolu 28
Kost tas-sostituzzjoni (RC)
Il-kost tas-sostituzzjoni msemmi fl-Artikolu 27 għandu jiġi determinat kif ġej:
għal kuntratti tad-derivati, RC jiġi determinat bħala s-CMV;
għal tranżazzjonijiet b’saldu fit-tul, RC jiġi determinat bħala l-ammont tas-saldu ta’ flus kontanti li jitħallsu jew li tirċievi d-ditta tal-investiment mas-saldu; riċevibbli jiġi ttrattat bħala ammont pożittiv u somma pagabbli tiġi ttrattata bħala ammont negattiv;
għal tranżazzjonijiet ta’ riakkwist u tranżazzjonijiet ta’ għoti jew teħid b’self ta’ titoli jew komoditajiet, RC jiġi determinat bħala l-ammont ta’ flus mislufa jew riċevuti; il-flus kontanti mislufa mid-ditta tal-investiment jiġu ttrattati bħala ammont pożittiv u l-flus kontanti missellfa mid-ditta tal-investiment jiġu ttrattati bħala ammont negattiv;
għal tranżazzjonijiet ta’ finanzjament tat-titoli, fejn iż-żewġ partijiet tat-tranżazzjoni huma titoli, RC jiġi determinat bis-CMV tal-garanzija mogħtija b’self mid-ditta tal-investiment; is-CMV għandu jiżdied billi jintuża l-aġġustament korrispondenti għall-volatilità fit-Tabella 4 tal-Artikolu 30;
għal tranżazzjonijiet ta’ self b'marġini u l-krediti u s-self imsemmija fil-punt (g) tal-Artikolu 25(1), RC jiġi determinat skont il-valur kontabilistiku tal-assi skont il-qafas tal-kontabbiltà applikabbli.
Artikolu 29
Skopertura futura potenzjali
L-iskopertura futura potenzjali (PFE) imsemmija fl-Artikolu 27 għandha tiġi kkalkolata għal kull derivat bħala l-prodott ta’:
l-ammont nozzjonali effettiv (EN) tat-tranżazzjoni stabbilit f’konformità mal-paragrafi 2 sa 6 ta’ dan l-Artikolu; u
il-fattur superviżorju (SF) stabbilit f’konformità mal-paragrafu 7 ta’ dan l-Artikolu.
L-ammont nozzjonali, sakemm ma jkunx stipulat biċ-ċar u fiss sal-maturità, għandu jiġi determinat kif ġej:
għall-kuntratti tad-derivati tal-kambju, l-ammont nozzjonali hu ddefinit bħala l-ammont nozzjonali tal-komponent tal-munita barranija tal-kuntratt, ikkonvertit għall-munita domestika, jekk iż-żewġ komponenti ta’ derivat tal-kambju jkunu denominati f’muniti li mhumiex il-munita domestika, l-ammont nozzjonali ta’ kull komponent jiġi kkonvertit għall-munita domestika u l-komponent bl-akbar valur tal-munita domestika jkun l-ammont nozzjonali;
għal kuntratti ta’ ekwità u ta’ derivati ta' komoditajiet u għal kwoti tal-emissjonijiet u derivati tagħhom, l-ammont nozzjonali hu ddefinit bħala r-riżultat tal-multiplikazzjoni tal-prezz tas-suq ta’ unità waħda tal-istrument u n-numru ta’ unitajiet referenzjati min-negozju;
għal tranżazzjonijiet b’diversi ħlasijiet li huma kontinġenti għall-istat inklużi opzjonijiet diġitali jew forwards ta’ tifdija fil-mira, ditta tal-investiment għandha tikkalkola l-ammont nozzjonali għal kull stat u tuża l-akbar kalkolu li jirriżulta;
jekk in-nozzjonal ikun formula ta’ valuri tas-suq, id-ditta tal-investiment għandha ddaħħal is-CMV biex tiddetermina l-ammont nozzjonali tan-negozju;
għal swaps nozzjonali varjabbli bħal swaps ta’ amortizzazzjoni u ta’ akkrezzjoni, id-ditti tal-investiment għandhom jużaw in-nozzjonal medju tul il-ħajja li jifdal tas-swap bħala l-ammont nozzjonali tan-negozju;
swaps ingranati għandhom jiġu kkonvertiti fl-ammont nozzjonali tas-swap mhux ingranata ekwivalenti biex meta r-rati kollha fi swap jiġu multiplikati b’fattur, l-ammont nozzjonali ddikjarat jiġi multiplikat bil-fattur fuq ir-rati tal-imgħax biex jiġi determinat l-ammont nozzjonali;
għal kuntratt tad-derivati bi skambji multipli ta’ prinċipal, l-ammont nozzjonali għandu jiġi multiplikat bin-numru ta’ skambji ta’ prinċipal fil-kuntratt tad-derivati biex jiġi determinat l-ammont nozzjonali.
Durata = (1 – ska (-0,05 • żmien sal-maturità)) / 0,05
Għal kuntratti tad-derivati għajr il-kuntratti tar-rata tal-imgħax u l-kuntratti tad-derivati ta’ kreditu, id-durata għandha tkun ta’ 1.
Jekk id-derivat jagħmel referenza għall-valur ta’ rata tal-imgħax oħra jew għal strument tal-kreditu ieħor, il-perijodu ta’ żmien għandu jiġi determinat fuq il-bażi tal-istrument sottostanti.
Għal opzjonijiet, il-maturità għandha tkun l-aħħar data tal-eżerċizzju kuntrattwali kif speċifikata mill-kuntratt.
Għal kuntratt tad-derivati li hu strutturat b’tali mod li f’dati speċifiċi kwalunkwe skopertura pendenti tiġi saldata u t-termini jiġu risettjati sabiex il-valur ġust tal-kuntratt ikun żero, il-maturità li jifdal għandha tkun daqs iż-żmien sad-data ta’ risettjar li jmiss.
Il-fattur superviżorju (SF) għal kull klassi tal-assi għandu jiġi stabbilit f'konformità mat-tabella li ġejja:
Tabella 3
|
Klassi tal-assi |
Fattur ta’ superviżjoni |
|
Rata tal-imgħax |
0.5 % |
|
Munita barranija |
4 % |
|
Kreditu |
1 % |
|
Isem uniku tal-ekwità |
32 % |
|
Indiċi ta’ ekwità |
20 % |
|
Komoditajiet u kwoti tal-emissjonijiet |
18 % |
|
Oħrajn |
32 % |
L-iskopertura futura potenzjali ta’ sett tan-netting hija s-somma tal-iskopertura futura potenzjali tat-tranżazzjonijiet kollha inklużi fis-sett tan-netting, immultiplikata bi:
0,42, għal settijiet tan-netting ta’ tranżazzjonijiet ma’ kontropartijiet finanzjarji u mhux finanzjarji li għalihom kollateral jiġi skambjat bilateralment mal-kontroparti, jekk meħtieġ, skont il-kondizzjonijiet stabbiliti fl-Artikolu 11 tar-Regolament (UE) Nru 648/2012;
1, għal settijiet tan-netting oħra.
Artikolu 30
Kollateral
Il-kollateral kollu għaż-żewġ tranżazzjonijiet bilaterali kif ukoll ikklerjati msemmija fl-Artikolu 25, għandu jkun soġġetti għal aġġustamenti tal-volatilità f’konformità mat-tabella li ġejja:
Tabella 4
|
Klassi tal-assi |
Tranżazzjonijiet ta’ riakkwist tal-aġġustament tal-volatilità |
Tranżazzjonijiet ta’ riakkwist tal-aġġustament tal-volatilità |
|
|
Titoli ta’ dejn maħruġa minn gvernijiet ċentrali jew minn banek ċentrali |
≤ sena (1) |
0,707% |
1% |
|
> sena (1) ≤ 5 snin |
2,121% |
3% |
|
|
> 5 snin |
4,243% |
6% |
|
|
Titoli ta’ dejn maħruġa minn entitajiet oħra |
≤ sena (1) |
1,414% |
2% |
|
> sena (1) ≤ 5 snin |
4,243% |
6% |
|
|
> 5 snin |
8,485% |
12% |
|
|
Pożizzjonijiet ta’ titolizzazzjoni |
≤ sena (1) |
2,828% |
4% |
|
> sena (1) ≤ 5 snin |
8,485 % |
12 % |
|
|
> 5 snin |
16,970% |
24% |
|
|
Ekwitajiet u konvertibbli elenkati |
14,143% |
20% |
|
|
Titoli u komoditajiet oħrajn |
17,678% |
25% |
|
|
Deheb |
10,607% |
15% |
|
|
Flus |
0% |
0% |
|
Għall-finijiet tat-Tabella 4, il-pożizzjonijiet ta’ titolizzazzjoni m’għandhomx jinkludu pożizzjonijiet ta’ rititolizzazzjoni.
L-awtoritajiet kompetenti jistgħu jibdlu l-aġġustament għall-volatilità għal ċerti tipi ta’ komoditajiet li għalihom hemm livelli differenti ta’ volatilità fil-prezzijiet. Huma għandhom jinnotifikaw lill-ABE b’tali deċiżjonijiet flimkien mar-raġunijiet għall-bidliet.
Il-valur tal-kollateral għandu jiġi ddeterminat kif ġej:
għall-finijiet tal-punti (a), (e) u (g) tal-Artikolu 25(1), bl-ammont ta’ kollateral riċevut mid-ditta tal-investiment mill-kontroparti tagħha mnaqqas f'konformità mat-Tabella 4;
għat-tranżazzjonijiet imsemmija fil-punti (b), (c), (d) u (f) tal-Artikolu 25(1), mis-somma tas-CMV tal-parti tas-sigurtà u l-ammont nett ta’ kollateral depożitat jew riċevut mid-ditta tal-investiment.
Għal tranżazzjonijiet ta’ finanzjament tat-titoli, fejn iż-żewġ partijiet tat-tranżazzjoni huma titoli, il-kollateral jiġi determinat bis-CMV tal-garanzija mislufa mid-ditta tal-investiment.
Meta d-ditta tal-investiment tkun qed tixtri jew tkun silfet it-titolu, is-CMV tal-garanzija għandu jiġi ttrattat bħala ammont negattiv u għandu jitnaqqas għal ammont negattiv akbar, bl-użu tal-aġġustament tal-volatilità fit-Tabella 4. Meta d-ditta tal-investiment tkun qed tbigħ jew tkun isselfet it-titolu, is-CMV tal-garanzija għandu jiġi ttrattat bħala ammont pożittiv u jitnaqqas billi jintuża l-aġġustament tal-volatilità fit-Tabella 4.
Fejn tipi differenti ta’ tranżazzjonijiet huma koperti minn ftehim ta’ netting kuntrattwali, soġġetti għall-kondizzjonijiet stabbiliti fl-Artikolu 31, l-aġġustamenti tal-volatilità applikabbli għal ''tranżazzjonijiet oħrajn'' tat-Tabella 4 għandhom jiġu applikati għall-ammonti rispettivi kkalkulati skont il-punti (a) u (b) tal-ewwel subparagrafu fuq bażi ta’ emittent fi ħdan kull klassi ta’ assi.
Artikolu 31
Netting
Għall-finijiet ta’ din it-Taqsima, ditta tal-investiment tista’, l-ewwel, tittratta kuntratti bi tlaqqigħ perfett inklużi fi ftehim ta’ netting daqslikieku kienu kuntratt wieħed bi prinċipal nozzjonali ekwivalenti għar-riċevuti netti, it-tieni, tagħmel netting ta’ tranżazzjonijiet oħra soġġetti għan-novazzjoni li skont dawn l-obbligi kollha bejn id-ditta tal-investiment u l-kontroparti tagħha huma amalgamati b’mod awtomatiku b’tali mod li n-novazzjoni legalment tissostitwixxi ammont nett wieħed uniku għall-obbligi gross preċedenti, u t-tielet, tinnettja tranżazzjonijiet oħra fejn id-ditta tal-investiment tiżgura li ġew issodisfati l-kondizzjonijiet li ġejjin:
kuntratt ta’ kalkolu tal-valur nett mal-kontroparti jew ftehim ieħor li joħloq obbligu legali wieħed ikopri t-tranżazzjonijiet inklużi kollha, b'tali mod li d-ditta tal-investiment ikollha pretensjoni li tirċievi jew obbligu li tħallas biss is-somma netta tal-valuri pożittivi u negattivi tal-valwazzjoni skont is-suq ta’ tranżazzjonijiet individwali inklużi f’każ li kontroparti tonqos milli teżegwixxi minħabba waħda minn dawn iċ-ċirkustanzi li ġejjin:
inadempjenza;
falliment;
likwidazzjoni; jew
ċirkustanzi simili;
il-kuntratt ta’ kalkolu tal-valur nett ma jkun fih l-ebda klawżola li, f’każ ta’ inadempjenza ta’ kontroparti, tippermetti lil kontroparti mhux inadempjenti tagħmel pagamenti limitati biss, jew l-ebda pagament, lill-proprjetà tal-parti inadempjenti, anki jekk il-parti inadempjenti tkun kreditur nett;
id-ditta tal-investiment tkun kisbet opinjoni ġuridika indipendenti, miktuba u mmotivata li, f’każ ta’ kontestazzjoni legali tal-ftehim ta’ netting, il-pretensjonijiet u l-obbligi tad-ditta tal-investiment ikunu ekwivalenti għal dawk imsemmija fil-punt (a) skont ir-reġim legali li ġej:
il-liġi tal-ġurisdizzjoni li fiha tkun inkorporata l-kontroparti;
jekk tkun involuta fergħa barranija ta’ kontroparti, il-liġi tal-ġurisdizzjoni li fiha tinsab il-fergħa;
il-liġi li tirregola t-tranżazzjonijiet individwali inklużi fil-ftehim ta’ netting; jew
il-liġi li tirregola kwalunkwe kuntratt jew ftehim neċessarju biex iseħħ in-netting.
Artikolu 32
Aġġustament tal-valwazzjoni tal-Kreditu
Għall-finijiet ta' din it-Taqsima, ''CVA'' tfisser aġġustament għall-valwazzjoni tas-suq medju tal-portafoll tat-transazzjonijiet ma' kontroparti li jirrifletti s-CMV tar-riskju tal-kreditu tal-kontroparti għad-ditta tal-investiment, iżda ma jirriflettix is-CMV tar-riskju tal-kreditu tad-ditta tal-investiment għall-kontroparti.
CVA għandu jkun 1,5 għat-tranżazzjonijiet kollha minbarra dawn it-transazzjonijiet li ġejjin, li għalihom is-CVA għandu jkun 1:
transazzjonijiet ma' kontropartijiet mhux finanzjarji kif definiti fil-punt (9) tal-Artikolu 2 tar-Regolament (UE) Nru 648/2012, jew ma' kontropartijiet mhux finanzjarji stabbiliti f'pajjiż terz, fejn dawk it-transazzjonijiet ma jeċċedux il-livell limitu tal-ikklirjar kif speċifikat fl-Artikolu 10(3) u (4) ta' dak ir-Regolament;
tranżazzjonijiet intragrupp kif previst fl-Artikolu 3 tar-Regolament (UE) Nru 648/2012;
tranżazzjonijiet b’saldu fit-tul;
SFTs, inkluż tranżazzjonijiet ta’ self b’marġini, sakemm l-awtorità kompetenti ma tiddeterminax li l-iskoperturi tar-riskju tas-CVA tad-ditta tal-investiment li jirriżultaw minn dawk it-tranżazzjonijiet huma materjali; u
krediti u self msemmija fil-punt (g) tal-Artikolu 25(1).
Artikolu 33
Kejl ta’ DTF għall-fini ta’ kalkolu ta’ K-DTF
DTF għandu jkun il-medja aritmetika tal-valuri ta’ kuljum mis-sitt xhur li jifdal.
Il-K-DTF għandu jiġi kkalkolat fl-ewwel jum ta’ negozju ta’ kull xahar.
DTF għandu jitkejjel bħala s-somma tal-valur assolut ta’ xirjiet u l-valur assolut ta’ bejgħ kemm għal negozji fi flus kif ukoll għal derivati f’konformità ma’ dawn li ġejjin:
għal negozji fi flus, il-valur hu l-ammont imħallas jew riċevut għal kull negozju.
għal derivati, il-valur tan-negozju hu l-ammont nozzjonali tal-kuntratt.
L-ammont nozzjonali ta’ derivati tar-rata tal-imgħax għandu jiġi aġġustat għaż-żmien (fi snin) sal-maturità ta’ dawn il-kuntratti. L-ammont nozzjonali għandu jiġi mmultiplikat bit-tul ta’ żmien stabbilit fil-formula li ġejja:
Durata = żmien sal-maturità (fi snin) / 10
DTF għandu jinkludi tranżazzjonijiet eżegwiti minn ditta tal-investiment f’isimha stess għaliha stess jew għan-nom ta’ klijent.
KAPITOLU 5
Għanijiet ambjentali u soċjali
Artikolu 34
Trattament prudenzjali ta' assi esposti għal attivitajiet assoċjati ma' għanijiet ambjentali jew soċjali
L-ABE, wara li tikkonsulta mal-Bord Ewropew dwar ir-Riskju Sistemiku, għandha tivvaluta, fuq il-bażi tad-data disponibbli u l-konklużjonijiet tal-Grupp ta' Esperti ta' Livell Għoli tal-Kummissjoni dwar il-Finanzi Sostenibbli, jekk trattament prudenzjali dedikat għal assi esposti għal attivitajiet assoċjati sostanzjalment ma' objettivi ambjentali jew soċjali, fil-forma ta' fatturi aġġustati K jew koeffiċjenti aġġustati tal-fattur K, ikunx ġustifikat minn perspettiva prudenzjali. B'mod partikolari, l-ABE għandha tivvaluta l-elementi li ġejjin:
għażliet metodoloġiċi għall-valutazzjoni tal-iskoperturi ta' klassijiet ta' assi għal attivitajiet assoċjati sostanzjalment ma' għanijiet ambjentali jew soċjali;
profili ta' riskju speċifiku ta' assi esposti għal attivitajiet sostanzjalment assoċjati ma' għanijiet ambjentali jew soċjali;
riskji relatati mad-deprezzament tal-assi minħabba bidliet regolatorji bħall-mitigazzjoni għat-tibdil fil-klima;
l-effetti potenzjali ta' trattament prudenzjali dedikat ta' assi esposti għal attivitajiet sostanzjalment assoċjati ma' objettivi ambjentali jew soċjali dwar l-istabbiltà finanzjarja.
PARTI ERBGĦA
RISKJU TAL-KONĊENTRAZZJONI
Artikolu 35
Obbligu ta’ monitoraġġ
Artikolu 36
Kalkolu tal-valur tal-iskopertura
Ditti tal-investiment li ma jissodisfawx il-kondizzjonijiet ta' kwalifika bħala ditti tal-investiment żgħar jew mhux interkonnessi stabbiliti fl-Artikolu 12(1) għandhom jikkalkulaw il-valur tal-iskopertura fir-rigward ta' klijent jew grupp ta’ klijenti konnessi għall-finijiet ta’ din il-Parti billi żżid flimkien l-entrati li ġejjin:
l-eċċess pożittiv tal-pożizzjonijiet twal ta’ ditta tal-investiment fuq il-pożizzjonijiet qosra tagħha fl-istrumenti finanzjarji kollha tal-portafoll tan-negozjar maħruġa mill-klijent inkwistjoni, il-pożizzjoni netta għal kull strument ikkalkulat f'konformità mad-dispożizzjonijiet imsemmija fil-punti (a), (b) u (c) tal-Artikolu 22.
il-valur tal-iskopertura tal-kuntratti u t-tranżazzjonijiet imsemmija fl-Artikolu 25(1) mal-klijent inkwistjoni, ikkalkulat bil-mod stipulat fl-Artikolu 27.
Għall-finijiet tal-punt (a) tal-ewwel subparagrafu, ditta tal-investiment li, għall-finijiet tar-rekwiżit tal-fatturi-K ta’ RtM, tikkalkula r-rekwiżiti tal-fondi proprji għall-pożizzjonijiet tal-portafoll tan-negozjar skont l-approċċ speċifikat fl-Artikolu 23, għandha tikkalkula l-pożizzjoni netta għall-finijiet tar-riskju ta’ konċentrazzjoni ta’ dawk il-pożizzjonijiet f’konformità mad-dispożizzjonijiet imsemmija fil-punt (a) tal-Artikolu 22.
Għall-finijiet tal-punt (b) tal-ewwel subparagrafu ta' dan il-paragrafu, ditta tal-investiment li, għall-finijiet ta’ K-TCD, tikkalkula r-rekwiżiti tal-fondi proprji billi tapplika l-metodi msemmija fl-Artikolu 25(4) ta’ dan ir-Regolament għandha tikkalkula l-valur tal-iskopertura tal-kuntratti u t-tranżazzjonijiet imsemmija fl-Artikolu 25(1) ta’ dan ir-Regolament billi tapplika l-metodi stabbiliti fit-Taqsimiet 3, 4 jew 5 tal-Kapitolu 6 tat-Titolu II tal-Parti Tlieta tar-Regolament (UE) Nru 575/2013.
Artikolu 37
Limiti fir-rigward tar-riskju ta’ konċentrazzjoni u l-eċċess tal-valur tal-iskopertura
Meta dan il-klijent individwali jkun istituzzjoni ta’ kreditu jew ditta tal-investiment, jew meta grupp ta' klijenti konnessi jkun jinkludi istituzzjoni ta’ kreditu jew ditta tal-investiment waħda, il-limitu fir-rigward tar-riskju ta’ konċentrazzjoni għandu jkun l-ogħla minn 25 % tal-fondi proprji jew EUR 150 miljun, sakemm għas-somma tal-valuri ta’ skopertura fir-rigward tal-klijenti konnessi kollha li mhumiex istituzzjonijiet ta’ kreditu jew ditti tal-investiment, il-limitu fir-rigward tar-riskju ta’ konċentrazzjoni jibqa’ ta’ 25 % tal-fondi proprji tad-ditti tal-investiment.
Meta l-ammont ta’ EUR 150 miljun ikun akbar mill-25 % tal-fondi proprji tad-ditta tal-investiment, il-limitu fir-rigward tar-riskju ta’ konċentrazzjoni m’għandux jaqbeż il-100 % tal-fondi proprji tad-ditta tal-investiment.
Ditti tal-investiment għandhom jikkalkulaw eċċess tal-valur tal-iskopertura fir-rigward ta' klijent individwali jew grupp ta’ klijenti konnessi skont il-formula li ġejja:
eċċess tal-valur tal-iskopertura = EV – L
fejn:
EV = il-valur tal-iskopertura kkalkulat skont il-mod stipulat fl-Artikolu 36; u
L = limitu fir-rigward tar-riskju ta’ konċentrazzjoni kif determinat fil-paragrafu 1 ta’ dan l-Artikolu.
Il-valur tal-iskopertura fir-rigward ta' klijent individwali jew grupp ta’ klijenti konnessi ma għandux jaqbeż:
500 % tal-fondi proprji tad-ditta tal-investiment, fejn ikunu għaddew 10 ijiem jew inqas minn meta jkun seħħ l-eċċess;
b’mod aggregat, 600 % tal-fondi proprji tad-ditta tal-investiment, għal kwalunkwe eċċessi li jkun ippersistew għal aktar minn 10 ijiem.
Artikolu 38
Obbligu ta' notifika
Artikolu 39
Kalkolu ta’ K-CON
Ir-rekwiżit tal-fondi proprji ta’ K-CON għandu jkun l-ammont aggregat tar-rekwiżit tal-fondi proprji kkalkulat għal kull klijent jew grupp ta’ klijenti konnessi bħala r-rekwiżit tal-fondi proprji tal-linja xierqa fil-Kolonna 1 fit-Tabella 6 li tammonta għal parti mill-eċċess individwali totali, immultiplikat bi:
200 %, fejn l-eċċess ma jkunx ippersista għal aktar minn 10 ijiem;
il-fattur korrispondenti fil-Kolonna 2 tat-Tabella 6, wara l-perijodu ta’ 10 ijiem ikkalkolati mid-data li fiha jkun seħħ l-eċċess, billi kull proporzjon tal-eċċess jiġi allokat fil-linja xierqa fil-Kolonna 1 tat-Tabella 6.
fejn:
OFRE = rekwiżit kapitali għall-eċċess;
OFR = rekwiżit tal-fondi proprji ta’ skoperturi għal klijent individwali jew gruppi ta’ klijenti konnessi, ikkalkulat billi jingħaddu flimkien ir-rekwiżiti tal-fondi proprji tal-iskoperturi għall-klijenti individwali fi ħdan il-grupp, li għandu jiġi ttrattat bħala skopertura waħda;
EV = il-valur tal-iskopertura kkalkulat skont il-mod stipulat fl-Artikolu 36;
EVE = l-eċċess tal-valur tal-iskopertura kkalkulat skont il-mod stipulat fl-Artikolu 37(2).
Għall-fini tal-kalkolu tal-K-CON, ir-rekwiżiti tal-fondi proprji tal-iskoperturi li jirriżultaw mill-eċċess pożittiv tal-pożizzjonijiet twal ta’ ditta tal-investiment fuq il-pożizzjonijiet qosra tagħha fl-istrumenti finanzjarji kollha tal-portafoll tan-negozjar maħruġa mill-klijent inkwistjoni, il-pożizzjoni netta ta’ kull strument ikkalkulata skont id-dispożizzjonijiet imsemmija fil-puni (a), (b) u (c) tal-Artikolu 22 għandhom jinkludu biss rekwiżiti għar-riskju.
Ditta tal-investiment li, għall-finijiet tar-rekwiżit tal-fatturi-K ta’ RtM tikkalkula r-rekwiżiti tal-fondi proprji għall-pożizzjonijiet tal-portafoll tan-negozjar skont l-approċċ speċifikat fl-Artikolu 23 għandha tikkalkula r-rekwiżit tal-fondi proprji tal-iskopertura għall-iskopijiet tar-riskju ta’ konċentrazzjoni ta’ dawk il-pożizzjonijiet f’konformità mad-dispożizzjonijiet imsemmija fil-punt (a) tal-Artikolu 22.
Tabella 6
|
Kolonna 1: Eċċess tal-valur tal-iskopertura bħala persentaġġ ta' fondi proprji |
Kolonna 2: Fatturi |
|
Sa 40 % |
200 % |
|
Minn 40 % sa 60 % |
300 % |
|
Minn 60 % sa 80 % |
400 % |
|
Minn 80 % sa 100 % |
500 % |
|
Minn 100 % sa 250 % |
600 % |
|
Aktar minn 250 % |
900 % |
Artikolu 40
Proċeduri li jipprevjenu lid-ditti tal-investiment milli jevitaw ir-rekwiżit tal-fondi proprji ta’ K-CON
Artikolu 41
Esklużjonijiet
L-iskoperturi li ġejjin għandhom jiġu esklużi mir-rekwiżiti stabbiliti fl-Artikolu 37:
skoperturi li huma kompletament imnaqqsa mill-fondi proprji ta’ ditta tal-investiment;
skoperturi mġarrba matul il-perkors ordinarju tas-saldu tas-servizzi ta’ pagament, tranżazzjonijiet ta’ munita barranija, tranżazzjonijiet ta’ titoli u l-forniment ta’ trażmissjoni ta’ flus;
skoperturi li jikkostitwixxu pretensjonijiet kontra:
gvernijiet ċentrali, banek ċentrali, entitajiet tas-settur pubbliku, organizzazzjonijiet internazzjonali jew banek multilaterali tal-iżvilupp u skoperturi garantiti minn tali persuni jew attribwibbli għalihom, meta dawk l-iskoperturi jirċievu piż tar-riskju ta’ 0 % skont l-Artikoli 114 sa 118 tar-Regolament (UE) Nru 575/2013;
il-gvernijiet reġjonali u awtoritajiet lokali ta' pajjiżi li huma membri taż-Żona Ekonomika Ewropea;
kontropartijiet ċentrali u kontribuzzjonijiet għal fondi tal-inadempjenza għal kontropartijiet ċentrali.
L-awtoritajiet kompetenti jistgħu jeżentaw b'mod sħiħ jew parzjali l-iskoperturi li ġejjin mill-applikazzjoni tal-Artikolu 37:
bonds koperti;
skoperturi mġarrba minn ditta tal-investiment għall-impriża prinċipali tagħha, għal sussidjarji oħra ta’ dik l-impriża prinċipali jew għas-sussidjarji tagħha stess, sakemm dawk l-impriżi jkunu sorveljati fuq bażi konsolidata, f'konformità mal-Artikolu 7 ta' dan ir-Regolament jew mar-Regolament (UE) Nru 575/2013, ikunu sorveljati għall-konformità mat-test tal-kapital tal-grupp, skont l-Artikolu 8 ta’ dan ir-Regolament, jew ikunu sorveljati skont standards ekwivalenti fis-seħħ f’pajjiż terz, u dment li jiġu ssodisfati l-kondizzjonijiet li ġejjin:
ma hemm l-ebda impediment prattiku jew ġuridiku materjali attwali jew previst għat-trasferiment fil-pront ta’ kapital jew ħlas lura ta’ obbligazzjonijiet mill-impriża prinċipali; u
il-proċeduri ta’ evalwazzjoni, ta’ kejl u ta’ kontroll tar-riskju tal-impriża prinċipali jinkludu lill-entità tas-settur finanzjarju.
Artikolu 42
Eżenzjoni għal negozjanti tal-komoditajiet u tal-kwoti tal-emissjonijiet
Id-dispożizzjonijiet ta' din il-Parti m'għandhomx japplikaw għal negozjanti tal-komoditajiet u tal-kwoti tal-emissjonijiet fejn jiġu ssodisfati l-kondizzjonijiet kollha li ġejjin:
il-kontroparti tkun kontroparti mhux finanzjarja;
iż-żewġ kontropartijiet ikunu soġġetti għal proċeduri ċentralizzati xierqa ta’ evalwazzjoni, ta’ kejl u ta’ kontroll tar-riskju;
it-tranżazzjoni tkun tista’ tiġi vvalutata bħala waħda li tnaqqas riskji direttament relatati mal-attività kummerċjali jew mal-attività ta’ finanzjament tat-teżor tal-kontroparti mhux finanzjarja jew ta’ dak il-grupp.
IL-ĦAMES PARTI
LIKWIDITÀ
Artikolu 43
Rekwiżit tal-likwidità
B'deroga mill-ewwel subparagrafu ta' dan il-paragrafu, l-awtoritajiet kompetenti jistgħu jeżentaw lill-ditti tal-investiment li jissodisfaw il-kondizzjonijiet ta' kwalifika bħala ditti tal-investiment żgħar jew mhux interkonnessi stabbiliti fl-Artikolu 12(1) mill-applikazzjoni tal-ewwel subparagrafu ta' dan il-paragrafu u għandhom jinfurmaw kif xieraq lill-ABE dwar dan.
Għall-finijiet tal-ewwel subparagrafu, assi likwidi għandhom ikunu kwalunkwe wieħed minn dawn li ġejjin, mingħajr limitazzjoni għall-kompożizzjoni tagħhom:
l-assi msemmija fl-Artikoli 10 sa 13 tar-Regolament Delegat (UE) 2015/61, soġġett għall-istess kondizzjonijiet rigward il-kriterji ta’ eliġibbiltà u l-istess telf impost applikabbli bħal dawk previsti f’dawk l-Artikoli;
l-assi msemmija fl-Artikolu 15 tar-Regolament Delegat (UE) 2015/61, sa ammont assolut ta’ EUR 50 miljun jew l-ammont ekwivalenti fil-munita domestika, soġġetti għall-istess kondizzjonijiet rigward il-kriterji ta’ eliġibbiltà, minbarra l-livell limitu ta’ EUR 500 miljun imsemmi fl-Artikolu 15(1) ta' dak ir-Regolament, u l-istess telf impost applikabbli bħal dak stabbilit f’dak l-Artikolu;
strumenti finanzjarji mhux koperti mill-punt (a) u (b) ta' dan is-subparagrafu, innegozjati f’ċentru tan-negozjar li għalihom hemm suq likwidu kif definit fil-punt (17) tal-Artikolu 2(1) tar-Regolament (UE) Nru 600/2014 u fl-Artikoli 1 sa 5 tar-Regolament Delegat tal-Kummissjoni (UE) 2017/567 ( 10 ), soġġetti għal telf impost ta’ 55 %;
depożiti fuq terminu qasir mhux mirhuna f'istituzzjoni ta' kreditu.
Għall-finijiet tal-paragrafu 1 ta' dan l-Artikolu, ditti tal-investiment li jissodisfaw il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) ta’ dan ir-Regolament u ditti tal-investiment li ma jissodisfawx il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) ta’ dan ir-Regolament iżda li ma jwettqux l-ebda waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE jistgħu jinkludu wkoll riċevibbli mingħand debituri tan-negozju u tariffi jew kummissjonijiet riċevibbli fi żmien 30 jum fl-assi likwidi tagħhom, meta dawk ir-riċevibbli jikkonformaw mal-kondizzjonijiet li ġejjin:
dawn jirrappreżentaw sa massimu ta’ terz tar-rekwiżiti minimi tal-likwidità kif imsemmi fil-paragrafu 1 ta' dan l-Artikolu;
dawn ma jingħaddu għall-ebda rekwiżit addizzjonali tal-likwidità meħtieġ mill-awtorità kompetenti għal riskji speċifiċi għad-ditta f’konformità mal-Artikolu 39(2)(k) tad-Direttiva (UE) 2019/2034;
dawn ikunu soġġetti għal telf impost ta’ 50 %.
Artikolu 44
Tnaqqis temporanju tar-rekwiżit tal-likwidità
Artikolu 45
Garanziji tal-klijenti
Ditti tal-investiment għandhom iżidu l-assi likwidi tagħhom b’1,6 % tal-ammont totali ta’ garanziji pprovduti lill-klijenti.
PARTI SITTA
DIVULGAZZJONI MINN DITTI TAL- INVESTIMENT
Artikolu 46
Kamp ta' Applikazzjoni
Artikolu 46a
Aċċessibbiltà tal-informazzjoni dwar il-punt ta’ aċċess uniku Ewropew
Dik l-informazzjoni għandha tikkonforma mar-rekwiżiti li ġejjin:
tiġi sottomessa f’format li minnu tista’ tiġi estratta d-data, kif definit fl-Artikolu 2, il-punt (3), tar-Regolament (UE) 2023/2859 jew, meta jkun meħtieġ mid-dritt tal-Unjoni, f’format li jinqara mill-magni, kif definit fl-Artikolu 2, il-punt (4), ta’ dak ir-Regolament;
tkun akkumpanjata mill-metadata li ġejja:
l-ismijiet kollha tad-ditta tal-investiment li magħha hija relatata l-informazzjoni;
l-identifikatur ta’ entità ġuridika tad-ditta tal-investiment, kif speċifikat skont l-Artikolu 7(4), il-punt (b), tar-Regolament (UE) 2023/2859;
id-daqs tad-ditta tal-investiment skont il-kategorija, kif speċifikat skont l-Artikolu 7(4), il-punt (d), ta’ dak ir-Regolament;
it-tip ta’ informazzjoni, kif ikklassifikat skont l-Artikolu 7(4), il-punt (c), ta’ dak ir-Regolament;
indikazzjoni dwar jekk l-informazzjoni tkunx fiha data personali.
Għall-fini li jiġu żgurati l-ġbir u l-ġestjoni effiċjenti tal-informazzjoni sottomessa f’konformità mal-paragrafu 1 għandha tiżviluppa abbozzi ta’ standards tekniċi ta’ implimentazzjoni biex tispeċifika:
kwalunkwe metadata oħra li għandha takkumpanja l-informazzjoni;
l-istruttura tad-data fl-informazzjoni;
għal liema informazzjoni huwa meħtieġ format li jinqara mill-magni u, f’tali każijiet, liema format li jinqara mill-magni għandu jintuża.
Għall-finijiet tal-punt (c), l-EBA għandha tivvaluta l-vantaġġi u l-iżvantaġġi ta’ formati differenti li jinqraw mill-magni u twettaq testijiet xierqa fuq il-post għal dak il-fini.
L-EBA għandha tissottometti dawk l-abbozzi ta’ standards tekniċi ta’ implimentazzjoni lill-Kummissjoni.
Is-setgħa ta’ adozzjoni tal-istandards tekniċi ta’ implimentazzjoni msemmija fl-ewwel subparagrafu ta’ dan il-paragrafu hija mogħtija lill-Kummissjoni f’konformità mal-Artikolu 15 tar-Regolament (UE) Nru 1093/2010.
Artikolu 47
Objettivi u politiki ta’ ġestjoni tar-riskju
Ditti tal-investiment għandhom jiddivulgaw l-objettivi u l-politiki tagħhom ta’ ġestjoni tar-riskju għal kull kategorija separata ta’ riskju stabbilita fit-Tielet, ir-Raba' u l-Ħames Parti f’konformità mal-Artikolu 46, inklużi sommarju tal-istrateġiji u l-proċessi għall-ġestjoni ta’ dawk ir-riskji u dikjarazzjoni tar-riskju konċiża approvata mill-korp maniġerjali tad-ditta tal-investiment li fil-qosor tiddeskrivi l-profil tar-riskju ġenerali tad-ditta tal-investiment assoċjat mal-istrateġija kummerċjali.
Artikolu 48
Governanza
Ditti tal-investiment għandhom jiddivulgaw l-informazzjoni li ġejja rigward l-arranġamenti interni ta’ governanza, f’konformità mal-Artikolu 46:
in-numru ta’ direttorati miżmuma mill-membri tal-korp maniġerjali;
il-politika dwar id-diversità fir-rigward tal-għażla ta’ membri tal-korp maniġerjali, l-objettivi tagħha u kull mira rilevanti stabbilita f’dik il-politika, u sa fejn ikunu ntlaħqu dawk l-objettivi u l-miri;
jekk id-ditta tal-investiment stabbilixxietx jew le kumitat separat tar-riskju u kemm-il darba ltaqa’ dan il-kumitat annwalment.
Artikolu 49
Fondi proprji
Ditti tal-investiment għandhom jiddivulgaw l-informazzjoni li ġejja rigward il-fondi proprji tagħhom, f’konformità mal-Artikolu 46:
rikonċiljazzjoni sħiħa tal-entrati tal-Grad 1 ta’ Ekwità Komuni, tal-entrati tal-Grad 1 Addizzjonali, tal-entrati tal-Grad 2 u tal-filtri applikabbli u tat-tnaqqisijiet applikati għall-fondi proprji tad-ditta tal-investiment u għall-karta tal-bilanċ fir-rapporti finanzjarji awditjati tad-ditta tal-investiment;
deskrizzjoni tal-karatteristiċi ewlenin tal-istrumenti tal-Grad 1 ta’ Ekwità Komuni u tal-Grad 1 Addizzjonali u tal-istrumenti tal-Grad 2 maħruġa mid-ditta tal-investiment;
deskrizzjoni tar-restrizzjonijiet kollha applikati fuq il-kalkolu tal-fondi proprji f’konformità ma’ dan ir-Regolament u l-istrumenti u t-tnaqqis li japplikaw għalihom dawk ir-restrizzjonijiet.
L-ABE għandha tippreżenta dan l-abbozz ta’ standards tekniċi ta’ implimentazzjoni lill-Kummissjoni sas-26 ta’ Ġunju 2021.
Il-Kummissjoni tingħata s-setgħa li tadotta l-istandards tekniċi ta’ implimentazzjoni msemmija fl-ewwel subparagrafu f’konformità mal-Artikolu 15 tar-Regolament (UE) Nru 1093/2010.
Artikolu 50
Rekwiżiti ta' fondi proprji
Ditti tal-investiment għandhom jiddivulgaw l-informazzjoni li ġejja rigward il-konformità tagħhom mar-rekwiżiti stabbiliti fl-Artikolu 11(1) ta' dan ir-Regolament u fl-Artikolu 24 tad-Direttiva (UE) 2019/2034, f’konformità mal-Artikolu 46 ta' dan ir-Regolament:
sommarju tal-approċċ tad-ditta tal-investiment għall-valutazzjoni tal-adegwatezza tal-kapital intern tagħha għall-appoġġ ta' attivitajiet attwali u tal-ġejjieni;
fuq talba mill-awtorità kompetenti, ir-riżultat tal-proċess ta' valutazzjoni tal-adegwatezza tal-kapital intern tad-ditta tal-investiment, inkluża l-kompożizzjoni tal-fondi proprji addizzjonali abbażi tal-proċess ta' rieżami superviżorju kif imsemmi fil-punt (a) tal-Artikolu 39(2) tad-Direttiva (UE) 2019/2034;
ir-rekwiżiti tal-fattur-K ikkalkolati, f’konformità mal-Artikolu 15 ta' dan ir-Regolament, f’forma aggregata għal RtM, RtF u RtC, fuq il-bażi tas-somma tal-fatturi-K applikabbli; u
ir-rekwiżit tal-ispejjeż ġenerali fissi ddeterminat f’konformità mal-Artikolu 13 ta' dan ir-Regolament.
Artikolu 51
Politiki u prattiki ta' remunerazzjoni
Id-ditti tal-investiment għandhom jiddivulgaw l-informazzjoni li ġejja rigward il-politika u l-prattiki tar-remunerazzjoni tagħhom, inkluż aspetti relatati man-newtralità bejn is-sessi u d-differenza bejn il-pagi tal-irġiel u n-nisa, għal dawk il-kategoriji ta' persunal li l-attivitajiet professjonali tagħhom għandhom impatt materjali fuq il-profil tar-riskju tad-ditta tal-investiment, f'konformità mal-Artikolu 46;
l-aktar karatteristiċi importanti fis-sistema ta’ remunerazzjoni, inkluż il-livell ta’ remunerazzjoni varjabbli u l-kriterji biex tingħata remunerazzjoni varjabbli, il-ħlas fil-politika dwar l-istrumenti, il-politika ta’ differiment u l-kriterji ta’ vestiment;
il-proporzjon bejn ir-remunerazzjoni fissa u varjabbli stabbilita f'konformità mal-Artikolu 30(2) tad-Direttiva (UE) 2019/2034 ( 12 );
informazzjoni kwantitattiva aggregata dwar ir-rimunerazzjoni, disaggregata skont il-maniġment superjuri u l-membri tal-persunal li l-azzjonijiet tagħhom ikollhom impatt materjali fuq il-profil tar-riskju tad-ditta tal-investiment, li tindika dan li ġej:
l-ammonti tar-remunerazzjoni mogħtija fis-sena finanzjarja, maqsuma f’remunerazzjoni fissa, inkluża deskrizzjoni tal-komponenti fissi, u remunerazzjoni varjabbli, u n-numru ta’ benefiċjarji;
l-ammonti u l-forom tar-remunerazzjoni varjabbli mogħtija, maqsuma fi flus, ishma, strumenti marbuta mal-ishma u tipi oħra b’mod separat għall-parti mħallsa bil-quddiem u għall-parti differita;
l-ammonti ta’ remunerazzjoni differita mogħtija għall-perijodi preċedenti tal-prestazzjoni, maqsuma fl-ammont dovut għall-vestiment fis-sena finanzjarja u l-ammont dovut għall-vestiment fis-snin sussegwenti;
l-ammont ta’ remunerazzjoni differita dovut għall-vestiment fis-sena finanzjarja li jitħallas matul is-sena finanzjarja, u li jitnaqqas permezz ta’ aġġustamenti tal-prestazzjoni;
l-għotjiet ta’ remunerazzjoni varjabbli ggarantita matul is-sena finanzjarja u n-numru ta’ benefiċjarji ta’ dawk l-għotjiet;
il-pagamenti mal-għoti ta’ sensja mogħtija fil-perijodi preċedenti, li tħallsu matul is-sena finanzjarja;
l-ammonti ta’ pagamenti mal-għoti tas-sensja mogħtija matul is-sena finanzjarja, maqsuma f’dawk imħallsa bil-quddiem u differiti, in-numru ta’ benefiċjarji ta’ dawk il-pagamenti u l-ogħla pagament li ngħata lil persuna waħda;
informazzjoni dwar jekk id-ditta tal-investiment tibbenefikax minn deroga stabbilita fl-Artikolu 32(4) tad-Direttiva (UE) 2019/2034.
Għall-finijiet tal-punt (d) tal-ewwel subparagrafu, id-ditti tal-investiment li jibbenefikaw minn tali deroga għandhom jindikaw jekk dik id-deroga ngħatatx fuq il-bażi tal-punt (a) jew tal-punt (b) tal-Artikolu 32(4) tad-Direttiva (UE) 2019/2034, jew it-tnejn. Dawn għandhom jindikaw ukoll għal liema prinċipji tar-remunerazzjoni japplikaw id-deroga/i, in-numru ta’ membri tal-persunal li jibbenefikaw mid-deroga/i u r-remunerazzjoni totali tagħhom, maqsuma f’remunerazzjoni fissa u varjabbli.
Dan l-Artikolu għandu jkun mingħajr ħsara għad-dispożizzjonijiet stabbiliti fir-Regolament (UE) 2016/679 tal-Parlament Ewropew u tal-Kunsill ( 13 ).
Artikolu 52
Politika ta' investiment
L-Istati Membri għandhom jiżguraw li d-ditti tal-investiment li ma jissodisfawx il-kriterji msemmija fil-punt (a) tal-Artikolu 32(4) tad-Direttiva (UE)2019/2034 jiżvelaw dan li ġej f'konformità mal-Artikolu 46 ta' dan ir-Regolament:
il-proporzjon tad-drittijiet tal-vot marbuta mal-ishma miżmuma direttament jew indirettament mid-ditta tal-investiment, imqassma skont l-Istat Membru u s-settur;
deskrizzjoni sħiħa tal-imġiba tal-vot fil-laqgħat ġenerali tal-kumpanniji li l-ishma tagħhom huma miżmuma f'konformità mal-paragrafu 2, spjegazzjoni tal-voti, u l-proporzjon tal-proposti mressqa mill-korp amministrattiv jew maniġerjali tal-kumpannija li tkun approvat id-ditta tal-investiment; u
spjegazzjoni tal-użu ta’ ditti konsultattivi bi prokura;
il-linji gwida tal-votazzjoni fir-rigward tal-kumpanniji li l-ishma tagħhom huma miżmuma f'konformità mal-paragrafu 2.
Ir-rekwiżit ta' divulgazzjoni msemmi fil-punt (b) tal-ewwel subparagrafu ma għandux japplika jekk l-arranġamenti kuntrattwali tal-azzjonisti kollha rappreżentati mid-ditta tal-investiment fil-laqgħa tal-azzjonisti ma jawtorizzawx lid-ditta tal-investiment tivvota f'isimhom sakemm ma jingħatawx ordnijiet ta' votazzjoni espressi mill-azzjonisti wara li jirċievu l-aġenda tal-laqgħa.
L-ABE għandha tissottometti dak l-abbozz ta’ standards tekniċi regolatorji lill-Kummissjoni sas-26 ta’ Ġunju 2021.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.
Artikolu 53
Riskji ambjent, soċjali u ta' governanza
Mis-26 ta’ Diċembru 2022, id-ditti tal-investiment li ma jissodisfawx il-kriterji msemmija fl-Artikolu 32(4) tad-Direttiva (UE) 2019/2034 għandhom jiddivulgaw informazzjoni dwar ir-riskji tal-ambjent, dawk soċjali u ta' governanza, inklużi r-riskji fiżiċi u r-riskji ta' tranżizzjoni kif definit fir-rapport imsemmi fl-Artikolu 35 tad-Direttiva (UE) 2019/2034
L-informazzjoni msemmija fl-ewwel paragrafu għandha tiġi divulgata darba fl-ewwel sena ta' divulgazzjoni u darbtejn fis-sena suċċessivament.
PARTI SEBA’
RAPPORTAR MINN DITTI TAL-INVESTIMENT
Artikolu 54
Rekwiżiti ta' rapportar
Ditti tal-investiment għandhom jirrapportaw fuq bażi ta' kull tliet xhur lill-awtoritajiet kompetenti l-informazzjoni kollha li ġejja:
il-livell u l-kompożizzjoni tal-fondi proprji;
ir-rekwiżiti tal-fondi proprji;
il-kalkoli tar-rekwiżit tal-fondi proprji;
il-livell ta’ attività fir-rigward tal-kondizzjonijiet stabbiliti fl-Artikolu 12(1), inklużi l-karta tal-bilanċ u disaggregazzjoni tad-dħul skont is-servizz ta’ investiment u l-fattur-K applikabbli;
ir-riskju ta' konċentrazzjoni;
ir-rekwiżiti tal-likwidità.
B'deroga mill-ewwel subparagrafu, id-ditti tal-investiment li jissodisfaw il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) għandhom jippreżentaw rapporti fuq bażi annwali.
L-informazzjoni speċifikata fil-punt (e) tal-paragrafu 1 għandha tinkludi l-livelli ta’ riskju li ġejjin u għandha tiġi rrapportata lill-awtoritajiet kompetenti mill-inqas fuq bażi annwali:
il-livell ta’ riskju tal-konċentrazzjoni assoċjat mal-inadempjenza tal-kontropartijiet u ma' pożizzjonijiet tal-portafoll tan-negozjar, kemm fuq bażi individwali tal-kontroparti kif ukoll aggregata;
il-livell ta’ riskju tal-konċentrazzjoni fir-rigward tal-istituzzjonijiet ta’ kreditu, ditti tal-investiment u entitajiet oħra fejn jinżammu flus tal-klijenti;
il-livell ta’ riskju tal-konċentrazzjoni fir-rigward tal-istituzzjonijiet ta’ kreditu, ditti tal-investiment u entitajiet oħra fejn jiġu ddepożitati titoli ta’ klijenti;
il-livell ta’ riskju tal-konċentrazzjoni fir-rigward tal-istituzzjonijiet ta’ kreditu fejn jiġu ddepożitati l-flus tad-ditta tal-investiment stess;
il-livell ta’ riskju tal-konċentrazzjoni mill-qligħ;
il-livell ta' riskju tal-konċentrazzjoni kif deskritt fil-punti (a) sa (e) ikkalkulat billi jitqiesu l-assi u l-elementi li ma jidhrux fil-karta tal-bilanċ mhux irreġistrati fil-portafoll tan-negozjar flimkien mal-iskoperturi li jirriżultaw mill-pożizzjonijiet tal-portafoll tan-negozjar.
Għall-finijiet ta’ dan il-paragrafu, it-termini ''istituzzjoni ta’ kreditu'' u ''ditta tal-investiment'' jinkludu impriżi privati u pubbliċi, inkluż il-fergħat ta' tali impriżi, dment li dawk l-impriżi, kieku kienu stabbiliti fl-Unjoni, kienu jkunu istituzzjonijiet ta' kreditu jew ditti tal-invetiment kif definit f'dan ir-Regolament, u dment li dawk l-imptiżi ikunu ġew awtorizzati f'pajjiż terz li japplika rekwiżiti superviżorji u regolatorji prudenzjali tal-anqas ekwivalenti għal dawk applikati fl-Unjoni.
B'deroga mill-paragrafu 1 ta' dan l-Artikolu, ditta tal-investiment li tissodisfa l-kondizzjonijiet ta' kwalifika bħala ditta tal-investiment żgħira u mhux interkonnessa stabbiliti fl-Artikolu 12(1) ma għandhiex tkun meħtieġa tirrapporta l-informazzjoni speċifikata fil-punt (e) tal-paragrafu 1 ta' dan l-Artikolu u, sa fejn tkun ingħatat eżenzjoni f'konformità mat-tieni subparagrafu tal-Artikolu 43(1), fil-punt (f) tal-paragrafu 1 ta’ dan l-Artikolu.
Għall-finijiet tar-rekwiżiti ta’ rapportar stabbiliti f’dan l-Artikolu, l-ABE, f’konsultazzjoni mal-ESMA, għandha tiżviluppa abbozz ta’ standards tekniċi ta’implimentazzjoni biex tispeċifika:
il-formati;
id-dati tar-rapportar u d-definizzjonijiet u l-istruzzjonijiet assoċjati li għandhom jiddeskrivu kif għandhom jintużaw dawn il-formati.
L-abbozz tal-istandards tekniċi ta' implimentazzjoni msemmi fl-ewwel subparagrafu għandu jkun konċiż u proporzjonat man-natura, l-ambitu u l-kumplessità tal-attivitajiet tad-ditti tal-investiment, filwaqt li titqies id-differenzi fil-livell ta' dettall tal-informazzjoni ppreżentata minn ditta tal-investiment li tissodisfa l-kondizzjonijiet ta' kwalifika bħala ditta tal-investiment żgħira u mhux interkonnessa stabbiliti fl-Artikolu 12(1).
L-ABE għandha tiżviluppa l-istandards tekniċi ta’ implimentazzjoni msemmija fl-ewwel subparagrafu sas-26 ta’ Diċembru 2020.
Il-Kummissjoni tingħata s-setgħa biex tadotta l-istandards tekniċi ta’ implimentazzjoni msemmija f'dan il-paragrafu f’konformità mal-Artikolu 15 tar-Regolament (UE) Nru 1093/2010.
Artikolu 55
Rekwiżiti ta’ rapportar għal ċerti ditti tal-investiment għall-finijiet tal-limiti msemmija fl-Artikolu 1(2) ta’ dan ir-Regolament u l-punt (1)(b) tal-Artikolu 4(1) tar-Regolament (UE) Nru 575/2013
L-ABE għandha tissottometti dawk l-abbozz ta’ standards tekniċi regolatorji lill-Kummissjoni sas-26 ta’ Diċembru 2020.
Il-Kummissjoni hija ddelegata s-setgħa biex tissupplimenta dan ir-Regolament billi tadotta l-istandards tekniċi regolatorji msemmija f'dan il-paragrafu, f’konformità mal-Artikoli 10 sa 14 tar-Regolament (UE) Nru 1093/2010.
PARTI TMIENJA
ATTI DELEGATI
Artikolu 56
Eżerċizzju tad-delega
PARTI DISA’
DISPOŻIZZJONIJIET TRANŻIZZJONALI, RAPPORTI, ANALIŻI U EMENDI
TITOLU I
DISPOŻIZZJONIJIET TRANŻITORJI
Artikolu 57
Dispożizzjonijiet transizzjonali
B'deroga mill-punti (a) u (c) tal-Artikolu 11(1), id-ditti tal-investiment jistgħu japplikaw rekwiżiti tal-fondi proprji aktar baxxi għal perijodu ta’ ħames snin mis-26 ta’ Ġunju 2021, ugwali għal:
id-doppju tar-rekwiżit tal-fondi proprji rilevanti skont il-Kapitolu 1 tat-Titolu 1 tat-Tielet Parti tar-Regolament (UE) Nru 575/2013,soġġett għall-Artikolu 93(1) ta’ dak ir-Regolament, b'referenza għal-livelli tal-kapital inizjali stabbiliti bit-Titolu IV tad-Direttiva 2013/36/UE, kif emendata bid-Direttiva (UE) 2019/878, li kienu jkunu applikati jekk id-ditta tal-investiment kienet kompliet tkun soġġetta għar-rekwiżiti tal-fondi proprji ta’ dak ir-Regolament kif emendat bir-Regolament (UE) 2019/630; jew
id-doppju tar-rekwiżit tal-ispejjeż ġenerali fissi applikabbli stabbilit fl-Artikolu 13 ta’ dan ir-Regolament, meta ditta tal-investiment ma kinitx teżisti fid-data jew qabel is-26 ta’ Ġunju 2021.
B'deroga mill-punt (b) tal-Artikolu 11(1), id-ditti tal-investiment jistgħu japplikaw rekwiżiti tal-fondi proprji aktar baxxi għal perijodu ta’ ħames snin mis-26 ta’ Ġunju 2021 kif ġej:
id-ditti tal-investiment li kienu soġġetti biss għal rekwiżit tal-kapital inizjali qabel is-26 ta’ Ġunju 2021 jistgħu jillimitaw ir-rekwiżiti tal-fondi proprji tagħhom għad-doppju tar-rekwiżit kapitali inizjali applikabbli stabbilit fit-Titolu IV tad-Direttiva 2013/36/UE, kif emendat bid-Direttiva (UE) 2019/878, bl-eċċezzjoni għall-punti (b) u (c) tal-Artikolu 31(1) u l-Artikolu 31(2) rispettivament, ta’ dik id-Direttiva;
id-ditti tal-investiment li kienu jeżistu qabel is-26 ta’ Ġunju 2021 jistgħu jillimitaw ir-rekwiżiti kapitali minimi permanenti tagħhom għal dawk previsti fl-Artikolu 93(1) tar-Regolament (UE) Nru 575/2013, kif emendat bir-Regolament (UE) 2019/876, b'referenza għal-livelli tal-kapital inizjali stabbiliti bit-Titolu IV tad-Direttiva 2013/36/UE, kif emendata bid-Direttiva (UE) 2019/878, li kienu japplikaw kieku d-ditta tal-investiment kienet kompliet tkun soġġetta għal dak ir-Regolament, soġġetti għal żieda annwali fl-ammont ta' dawk ir-rekwiżiti ta’ mill-inqas EUR 5 000 matul il-perijodu ta’ ħames snin;
ditti tal-investiment li kienu jeżistu qabel is-26 ta’ Ġunju 2021, li mhumiex awtorizzati li jipprovdu s-servizzi anċillari msemmija fil-punt (1) tat-Taqsima B tal-Anness I tad-Direttiva 2014/65/UE, li jipprovdu biss wieħed jew aktar mis-servizzi ta' investiment u attivitajiet elenkati fil-punti 1, 2, 4 u 5 tat-Taqsima A tal-Anness I għal dik id-Direttiva, li mhumiex permessi jżommu flus jew titoli li jappartjenu għall-klijenti tagħhom li għalhekk ma jistgħux f'ebda mument ikollhom dejn ma' dawk il-klijenti, jistgħu jillimitaw ir-rekwiżit kapitali minimu permanenti tagħhom għal mill-inqas EUR 50 000 , soġġett għal żieda annwali ta’ mill-inqas EUR 5 000 matul il-perijodu ta’ ħames snin.
Irrispettivament minn jekk ditta tal-investiment msemmija f’dan il-paragrafu tagħmilx użu mid-deroga msemmija fl-ewwel subparagrafu, il-punt (a) tal-paragrafu 4 ma għandux japplika għal tali ditta tal-investiment.
Artikolu 58
Deroga għall-impriżi msemmija fil-punt (1)(b) tal-Artikolu 4(1) tar-Regolament (UE) Nru 575/2013
Id-ditti tal-investiment li fil-25 ta’ Diċembru 2019 jissodisfaw il-kondizzjonijiet tal-punt (1)(b) tal-Artikolu 4(1) tar-Regolament (UE) Nru 575/2013 u li għadhom ma kisbux l-awtorizzazzjoni bħala istituzzjonijiet ta’ kreditu f’konformità mal-Artikolu 8 tad-Direttiva 2013/36/UE għandhom ikomplu jkun soġġetti għar-Regolament (UE) Nru 575/2013 u għad-Direttiva 2013/36/UE.
Artikolu 59
Deroga għad-ditti tal-investiment msemmija fl-Artikolu 1(2)
Ditta tal-investiment li fil-25 ta’ Diċembru 2019 tissodisfa l-kondizzjonijiet stabbiliti fl-Artikolu 1(2)ta' dan ir-Regolament għandha tkompli tkun soġġetta għar-Regolament (UE) Nru 575/2013 u d-Direttiva 2013/36/UE.
TITOLU II
RAPPORTI U RIEŻAMIJIET
Artikolu 60
Klawżola ta' rieżami
Sas-26 ta’ Ġunju 2024, il-Kummissjoni għandha, wara li tikkonsulta mal-ABE u l-ESMA, twettaq rieżami u tressaq rapport lill-Parlament Ewropew u lill-Kunsill, akkumpanjat, jekk ikun xieraq, bi proposta leġislattiva rigward mill-inqas dawn li ġejjin:
il-kondizzjonijiet biex id-ditti tal-investiment jikkwalifikaw bħala ditti tal-investiment żgħar u mhux interkonnessi f’konformità mal-Artikolu 12;
il-metodi għall-kejl tal-fatturi-K fit-Titolu II tal-Parti Tlieta, inkluż il-parir dwar l-investiment fil-kamp ta' applikazzjoni tal-AUM, u fl-Artikolu 39;
il-koeffiċjenti msemmija fl-Artikolu 15(2);
il-metodu użat għall-kalkolu ta’ K-CMG, il-livell tar-rekwiżiti tal-fondi proprji li jirriżulta minn K-CMG meta mqabbel ma' K-NPR, u l-kalibrazzjoni tal-fattur multiplikanti stabbilit fl-Artikolu 23;
id-dispożizzjonijiet stabbiliti fl-Artikoli 43 u 45 u b’mod partikolari l-eliġibbiltà għar-rekwiżit tal-likwidità ta’ assi likwidi fil-punti (a), (b) u (c) tal-Artikolu 43(1);
id-dispożizzjonijiet stabbiliti fit-Taqsima 1 tal-Kapitolu 4 tat-Titolu II tal-Parti Tlieta;
l-applikazzjoni tal-Parti Tlieta għan-negozjanti tal-komoditajiet u tal-kwoti tal-emissjonijiet.
il-modifika tad-definizzjoni ta' istituzzjoni ta' kreditu fir-Regolament (UE) Nru 575/2013 bħala riżultat tal-punt (a) tal-Artikolu 62(3) ta' dan ir-Regolament u l-konsegwenzi negattivi potenzjali mhux mistennija;
id-dispożizzjonijiet stabbiliti fl-Artikolu 47 u 48 tar-Regolament (UE) Nru 600/2014 u l-allinjament tagħhom ma' qafas konsistenti għal ekwivalenza fis-servizzi finanzjarji;
il-livelli limitu stabbiliti fl-Artikolu 12(1);
l-applikazzjoni tal-istandards tal-Kapitoli 1a u 1b tat-Titolu IV tal-Parti Tlieta tar-Regolament (UE) Nru 575/2013 għad-ditti tal-investiment;
il-metodu tal-kejl tal-valur ta' derivattiva fil-punt (b) tal-Artikolu 20(2) u u l-punt (b) tal-Artikolu 33(2), u l-adegwatezza tal-introduzzjoni ta' sistema metrika u/jew ta' kalibrazzjoni alternattiva;
id-dispożizzjonijiet stabbiliti fil-Parti Tnejn, b’mod partikolari dwar il-permess biex strumenti jew fondi oħra jikkwalifikaw bħala fondi proprji skont l-Artikolu 9(4), u l-possibbiltà li jingħata permess bħal dan lid-ditti tal-investiment li jissodisfaw il-kondizzjonijiet ta' kwalifika bħala ditta tal-inverstiment żgħira u mhux interkonnessa stabbiliti fl-Artikolu 12(1);
il-kondizzjonijiet biex id-ditti tal-investiment japplikaw ir-rekwiżiti tar-Regolament (UE) Nru 575/2013 f'konformità mal-Artikolu 1(2) ta' dan ir-Regolament;
id-dispożizzjoni stabbilita fl-Artikolu 1(5).
ir-rilevanza tal-applikazzjoni tar-rekwiżiti ta’ divulgazzjoni stabbiliti fl-Artikolu 52 ta’ dan ir-Regolament għal setturi oħrajn, inkluż id-ditti tal-investiment imsemmija fl-Artikolu 1(2) u 1(5) ta’ dan ir-Regolament u l-istituzzjoni ta’ kreditu kif definita fil-punt (1) tal-Artikolu 4(1) tar-Regolament (UE) Nru 575/2013.
TITOLU III
EMENDI GĦAL REGOLAMENTI OĦRA
Artikolu 61
Emenda għar-Regolament (UE) Nru 1093/2010
Fil punt (2) tal-Artikolu 4 tar-Regolament (UE) Nru 1093/2010, jiżdied il-punt li ġej:
Artikolu 62
Emendi għar-Regolament (UE) Nru 575/2013
Ir-Regolament (UE) Nru 575/2013 huwa emendat kif ġej:
it-titolu jinbidel b'dan li ġej:”.
“Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012”;
fl-Artikolu 2, jiżdied il-paragrafu li ġej:
l-Artikolu 4(1) huwa emendat kif ġej:
il-punt (1) huwa sostitwit b'dan li ġej:
‘istituzzjoni ta’ kreditu’ tfisser impriża li n-negozju tagħha jikkonsisti fi kwalunkwe wieħed minn dawn li ġejjin:
li tieħu depożiti jew fondi ripagabbli oħra mingħand il-pubbliku u tagħti krediti f’isimha stess;
li twettaq kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I tad-Direttiva 2014/65/UE tal-Parlament Ewropew u tal-Kunsill ( *5 ), fejn tapplika waħda minn dawn li ġejjin, iżda l-impriża ma tkunx negozjant tal-komoditajiet u tal-kwoti tal-emissjonijiet, impriża tal-investiment kollettiv jew impriża tal-assigurazzjoni:
il-valur totali tal-assi konsolidati tal-impriża ikun ugwali għal jew jaqbeż l-EUR 30 biljun;
il-valur totali tal-assi tal-impriża jkun anqas minn EUR 30 biljun, u l-impriża tkun parti minn grupp li fih il-valur totali tal-assi konsolidati tal-impriżi kollha f'dak il-grupp li individwalment ikollhom assi totali ta' anqas minn EUR 30 biljun u li jwettqu kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE ikun ugwali għal jew jaqbeż l-EUR 30 biljun; jew
il-valur totali tal-assi tal-impriża jkun anqas minn EUR 30 biljun, u l-impriża tkun parti minn grupp li fih il-valur totali tal-assi konsolidati tal-impriżi kollha fil-grupp li jwettqu kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE jkun ugwali għal jew jaqbeż l-EUR 30 biljun, fejn is-superviżur tal-konsolidazzjoni f’konsultazzjoni mal-kollega superviżur jiddeċiedu hekk sabiex jindirizzaw riskji potenzjali ta’ ċirkomvenzjoni u riskji potenzjali għall-istabbiltà finanzjarja tal-Unjoni;
għall-finijiet tal-punti (b)(ii) u (b)(iii), meta l-impriża tkun parti minn grupp ta' pajjiż terz, l-assi totali ta' kull fergħa tal-grupp ta' pajjiż terz awtorizzati fl-Unjoni jiġu inklużi fil-valur totali kkombinat tal-assi tal-impriżi kollha fil-grupp;
il-punt (2) huwa sostitwit b'dan li ġej:
‘ditta tal-investiment’ tfisser ditta tal-investiment kif definit fil-punt (1) tal-Artikolu 4(1) tad-Direttiva 2014/65/UE, li tkun awtorizzata skont dik id-Direttiva iżda teskludi l-istituzzjonijiet ta” kreditu;''
il-punt (3) huwa sostitwit b'dan li ġej:
‘istituzzjoni’ tfisser istituzzjoni ta’ kreditu awtorizzata skont l-Artikolu 8 tad-Direttiva 2013/36/UE jew impriża kif imsemmi fl-Artikolu 8a(3);”;
il-punt (4) jitħassar;
il-punt (26) huwa sostitwit b'dan li ġej:
''istituzzjoni finanzjarja'' tfisser impriża għajr istituzzjoni u għajr kumpannija holding industrijali pura, li l-attività prinċipali tagħha tkun l-akkwiżizzjoni ta’ parteċipazzjonijiet jew li ssegwi attività waħda jew aktar minn dawk elenkati fil-punti 2 sa 12 u l-punt 15, tal-Anness I għad-Direttiva 2013/36/UE, inkluża ditta tal-investiment, kumpannija holding finanzjarja, kumpannija holding finanzjarja mħallta, istituzzjoni ta' pagament fis-sens tad-Direttiva (UE) 2015/2336 tal-Parlament Ewropew u tal-Kunsill ( *6 ), u kumpannija tal-ġestjoni tal-assi, iżda esklużi kumpanniji azzjonarji tal-assigurazzjoni u kumpaniji azzjonarji tal-assigurazzjoni b'attività mħallta kif definit fil-punti (f) u (g) tal-Artikolu 212(1) tad-Direttiva 2009/138/KE;
il-punt (29a) huwa sostitwit b'dan li ġej:
‘ditta tal-investiment prinċipali fi Stat Membru’ tfisser impriża prinċipali fi Stat Membru li hija ditta tal-investiment;”;
il-punt (29b) huwa sostitwit b'dan li ġej:
‘ditta tal-investiment prinċipali tal-UE’ tfisser impriża prinċipali tal-UE li hija ditta tal-investiment;”;
il-punt (51) huwa sostitwit b'dan li ġej:
‘kapital inizjali’ tfisser l-ammont u t-tipi ta’ fondi proprji speċifikati fl-Artikolu 12 tad-Direttiva 2013/36/UE;”;
il-punt (60) huwa sostitwit b'dan li ġej:
‘strument ta’ flus assimilat’ tfisser ċertifikat ta’ depożitu, bond. li jinkludi bond kopert jew kwalunkwe strument mhux subordinat ieħor, li nħareġ minn istituzzjoni jew ditta tal-investiment, li għaliha l-istituzzjoni jew id-ditta tal-investiment diġà tkun irċeviet pagament sħiħ u li għandu jiġi rimborżat mingħajr kondizzjonijiet mill-istituzzjoni jew id-ditta tal-investiment bil-valur nominali tiegħu;”;
fil-punt (72), il-punt (a) huwa sostitwit b'dan li ġej:
huwa suq regolat jew suq ta' pajjiż terz li huwa kkunsidrat ekwivalenti għal suq regolat skont il-proċedura stabbilita fil-punt (a) tal-Artikolu 25(4) tad-Direttiva 2014/65/UE;”;
jiżdied il-punt li ġej:
‘negozjant tal-komoditajiet u tal-kwoti tal-emissjonijiet’ tfisser impriża li n-negozju prinċipali tagħha jikkonsisti esklużivament fil-forniment ta’ servizzi jew ta’ attivitajiet ta’ investiment relatati ma’ derivati ta’ komoditajiet jew ma’ kuntratti ta’ derivati ta’ komoditajiet imsemmija fil-punti (5), (6), (7), (9) u (10), derivati tal-kwoti tal-emissjonijiet imsemmija fil-punt 4, jew kwoti tal-emissjonijiet imsemmija fil-punt 11 tat-Taqsima C tal-Anness I tad-Direttiva 2014/65/UE;”;
l-Artikolu 6 huwa emendat kif ġej:
il-paragrafu 4 huwa sostitwit b’dan li ġej:
L-istituzzjonijiet għandhom jikkonformaw mal-obbligi stabbiliti fil-Parti Sitta u fil-punt (d) tal-artikolu 430(1) ta' dan ir-Regolament fuq bażi individwali.
L-istituzzjonijiet li ġejjin ma għandhomx ikunu meħtieġa jikkonformaw mal-Artikolu 413(1) u r-rekwiżiti ta' rapportar dwar il-likwidità assoċjati stabbiliti fil-Parti Sebgħa A ta' dan ir-Regolament:
l-istituzzjonijiet li huma awtorizzati wkoll f'konformità mal-Artikolu 14 tar-Regolament (UE) Nru 648/2012;
istituzzjonijiet li huma awtorizzati wkoll f'konformità mal-Artikolu 16 u l-punt (a) tal-Artikolu 54(2) tar-Regolament (UE) Nru 909/2014 tal-Parlament Ewropew u tal-Kunsill ( *7 ), sakemm dawn ma jwettqu l-ebda trasformazzjoni tal-maturità sinifikanti; u
istituzzjonijiet li huma deżinjati f'konformità mal-punt (b) tal-Artikolu 54(2) tar-Regolament (UE) Nru 909/2014, dment li:
l-attivitajiet tagħhom huma limitati sabiex joffru servizzi ta' tip bankarju, kif imsemmi fit-Taqsima C tal-Anness għal dak ir-Regolament, għal depożitorji ċentrali tat-titoli awtorizzati f'konformità mal-Artikolu 16 ta' dak ir-Regolament; u
dawn ma jwettqu l-ebda trasformazzjonijiet tal-maturità sinifikanti.”;
il-paragrafu 5 huwa sostitwit b’dan li ġej:
jiddaħħal l-artikolu li ġej fit-Taqsima 1 tal-Kapitolu 2 tat-Titolu II tal-Parti Wieħed:
“Artikolu 10a
L-applikazzjoni ta’ rekwiżiti prudenzjali fuq bażi konsolidata fejn id-ditti tal-investiment huma impriżi prinċipali
Għall-finijiet tal-applikazzjoni ta’ dan il-Kapitolu, id-ditti tal-investiment għandhom jitqiesu bħala kumpanniji azzjonarji finanzjarji prinċipali fi Stat Membru jew f’kumpanniji azzjonarji finanzjarji prinċipali tal-Unjoni meta tali ditti tal-investiment ikunu impriżi prinċipali ta’ istituzzjoni jew ta’ ditta tal-investiment soġġetta għal dan ir-Regolament li hija msemmija fl-Artikolu 1(2) jew (5) tar-Regolament (UE) 2019/2033.”;
fl-Artikolu 11, il-paragrafu 4 hu sostitwit b'dan li ġej:
L-istituzzjonijiet prinċipali tal-UE għandhom jikkonformaw mal-Parti Sitta u l-punt (d) tal-Artikolu 430(1) ta' dan ir-Regolament abbażi tas-sitwazzjoni konsolidata tagħhom meta l-grupp jinkludi istituzzjoni ta' kreditu jew ditta tal-investiment waħda jew iktar li huma awtorizzati li jipprovdu s-servizzi u l-attivitajiet tal-investiment elenkati fil-punti (3) u (6) tat-Taqsima A tal-Anness I għad-Direttiva 2014/65/UE.
Meta tkun ingħatat rinunzja skont l-Artikolu 8(1) sa (5), l-istituzzjonijiet u, fejn applikabbli, il-kumpanniji azzjonarji finanzjarji jew il-kumpanniji azzjonarji finanzjarji mħallta li huma parti minn sottogrupp ta' likwidità għandhom jikkonformaw mal-Parti Sitta u l-punt (d) tal-Artikolu 430(1) ta' dan ir-Regolament fuq bażi konsolidata jew fuq il-bażi subkonsolidata tas-sottogrupp ta' likwidità.”;
l-Artikoli 15, 16 u 17 huma mħassra;
fl-Artikolu 81(1), il-punt (a) huwa sostitwit b'dan li ġej:
is-sussidjarja tkun waħda minn dawn li ġejjin:
istituzzjoni;
impriża li skont id-dritt nazzjonali applikabbli tkun soġġetta għar-rekwiżiti ta’ dan ir-Regolament u tad-Direttiva 2013/36/UE;
kumpannija holding finanzjarja intermedja jew kumpannija holding finanzjarja mħallta intermedja li tkun soġġetta għal rekwiżiti ta' dan ir-Regolament fuq bai sub-konsolidata, kumpannija holding tal-investiment intermedja li tkun soġġetta għar-rekwiiti tar-Regolament (UE) 2019/2033 fuq bażi konsolidata;
ditta tal-investiment;
kumpannija holding finanzjarja intermedja f'pajjiż terz, dment li dik il-kumpannija holding finanzjarja intermedja tkun soġġetta għar-rekwiżiti prudenzjali li jkunu daqstant stretti daqs dawk applikati għall-istituzzjonijiet ta' kreditu ta' dak il-pajjiż terz u dment li l-Kummissjoni tkun adottat deċiżjoni f'konformità mal-Artikolu 107(4) li tiddetermina li dawk ir-rekwiżiti prudenzjali jkunu tal-inqas ekwivalenti għal dawk ta' dan ir-Regolament;”;
fl-Artikolu 82, il-punt (a) huwa sostitwit b'dan li ġej:
is-sussidjarja tkun waħda minn dawn li ġejjin:
istituzzjoni;
impriża li skont id-dritt nazzjonali applikabbli tkun soġġetta għar-rekwiżiti ta’ dan ir-Regolament u tad-Direttiva 2013/36/UE;
kumpannija holding finanzjarja intermedja jew kumpannija holding finanzjarja mħallta intermedjali tkun soġġetta għar-rekwiżiti ta' dan ir-Regolament fuq bażi sub-konsolidata, jew kumpannija holding tal-investiment intermedja li tkun soġġetta għar-rekwiżiti tar-Regolament (UE) 2019/2033 fuq bażi konsolidata;
ditta tal-investiment;
kumpannija holding finanzjarja intermedja f'pajjiż terz, dment li dik il-kumpannija holding finanzjarja intermedja tkun soġġetta għar-rekwiżiti prudenzjali li jkunu daqstant stretti daqs dawk applikati għall-istituzzjonijiet ta' kreditu ta' dak il-pajjiż terz u dment li l-Kummissjoni tkun adottat deċiżjoni f'konformità mal-Artikolu 107(4) li tiddetermina li dawk ir-rekwiżiti prudenzjali jkunu tal-inqas ekwivalenti għal dawk ta' dan ir-Regolament;”;
l-Artikolu 84 huwa emendat kif ġej:
il-paragrafu 1 huwa sostitwit b’dan li ġej:
L-istituzzjonijiet għandhom jiddeterminaw l-ammont ta’ interessi minoritarji ta’ sussidjarja li jiġi inkluż fil-kapital konsolidat tal-Grad 1 ta’ Ekwità Komuni billi jnaqqsu mill-interessi minoritarji ta’ dik l-impriża r-riżultat tal-multiplikazzjoni tal-ammont imsemmi fil-punt (a) bil-perċentwal imsemmi fil-punt (b), kif ġej:
il-kapital tal-Grad 1 ta' Ekwità Komuni tas-sussidjarja nieqes l-iċken minn dawn li ġejjin:
l-ammont tal-kapital tal-Grad 1 ta’ Ekwità Komuni ta' dik is-sussidjarja li jkun meħtieġ biex jissodisfa dan li ġej:
l-ammont tal-kapital konsolidat ta’ kapital Grad 1 ta’ Ekwità Komuni li jirrelata għal dik is-sussidjarja li jkun meħtieġ fuq bażi konsolidata biex tintlaħaq is-somma tar-rekwiżit stipulat fil-punt (a) tal-Artikolu 92(1) ta’ dan ir-Regolament, ir-rekwiżiti msemmija fl-Artikoli 458 u 459 ta’ dan ir-Regolament, ir-rekwiżiti speċifiċi tal-fondi proprji msemmija fl-Artikolu 104 tad-Direttiva 2013/36/UE, ir-rekwiżit ta’ riżerva kombinata definit fil-punt (6) tal-Artikolu 128 ta’ dik id-Direttiva, u kwalunkwe regolament superviżorju lokali addizzjonali f’pajjiżi terzi sakemm dawk ir-rekwiżiti għandhom jiġu ssodisfati mill-kapital tal-Grad 1 ta’ Ekwità Komuni;
l-interessi minoritarji tas-sussidjarja espress bħala perċentwal tal-entrati kollha ta’ Grad 1 ta’ Ekwità Komuni ta’ dik l-impriża.”;
il-paragrafu 3 huwa sostitwit b’dan li ġej:
l-Artikolu 85 huwa emendat kif ġej:
il-paragrafu 1huwa sostitwit b’dan li ġej:
L-istituzzjonijiet għandhom jiddeterminaw l-ammont ta' kapital kwalifikattiv ta' Grad 1 ta' sussidjarja li jiġi inkluż fil-fondi proprji konsolidati billi jitnaqqas mill-kapital kwalifikattiv ta' Grad 1 ta' dik l-impriża r-riżultat tal-multiplikazzjoni tal-ammont imsemmi fil-punt (a) bil-perċentwal imsemmi fil-punt (b) kif ġej:
il-kapital ta’ Grad 1 tas-sussidjarja nieqes l-iċken minn dawn li ġejjin:
l-ammont tal-kapital Grad 1 tas-sussidjarja li jkun meħtieġ biex jissodisfa dan li ġej:
l-ammont tal-kapital konsolidat tal-Grad 1 relatat mas-sussidjarja meħtieġa fuq bażi konsolidata biex tintlaħaq is-somma tar-rekwiżit stipulat fil-punt (b) tal-Artikolu 92(1) ta’ dan ir-Regolament, ir-rekwiżiti imsemmija fl-Artikoli 458 u 459 ta’ dan ir-Regolament, ir-rekwiżiti speċifiċi tal-fondi proprji msemmija fl-Artikolu 104 tad-Direttiva 2013/36/UE, ir-rekwiżit ta’ riżerva kombinata tal-kapital definit fil-punt (6) tal-Artikolu 128 ta’ dik id-Direttiva, u kwalunkwe regolament superviżorju lokali addizzjonali f’pajjiżi terzi sakemm dawk ir-rekwiżiti għandhom jiġu ssodisfati mill-kapital ta’ Grad 1;
il-kapital kwalifikattiv ta’ Grad 1 tas-sussidjarja espress bħala perċentwal tal-entrati kollha ta’ Grad 1 ta’ dik l-impriża.”;
il-paragrafu 3 huwa sostitwit b’dan li ġej:
l-Artikolu 87 huwa emendat kif ġej:
il-paragrafu 1 huwa sostitwit b’dan li ġej:
L-istituzzjonijiet għandhom jiddeterminaw l-ammont ta’ fondi proprji kwalifikattivi ta’ sussidjarja li jiġi inkluż fil-fondi proprji konsolidati billi jitnaqqas mill-fondi proprji kwalifikattivi ta’ dik l-impriża r-riżultat tal-multiplikazzjoni tal-ammont imsemmi fil-punt (a) bil-perċentwal imsemmi fil-punt (b) kif ġej:
il-fondi proprji tas-sussidjarja nieqes l-iċken minn dawn li ġejjin:
l-ammont ta' fondi proprji tas-sussidjarja meħtieġ biex jissodisfa dan li ġej:
l-ammont tal-fondi proprji li jirrigwarda s-sussidjarja li jkun meħtieġ fuq bażi konsolidata biex tintlaħaq is-somma tar-rekwiżit stipulat fil-punt (c) tal-Artikolu 92(1) ta’ dan ir-Regolament, ir-rekwiżiti msemmija fl-Artikoli 458 u 459 ta’ dan ir-Regolament, ir-rekwiżiti speċifiċi tal-fondi proprji msemmija fl-Artikolu 104 tad-Direttiva 2013/36/UE, ir-rekwiżit ta’ riżerva kombinata ta’ kapital definit fil-punt (6) tal-Artikolu 128 ta’ dik id-Direttiva, u kwalunkwe regolament superviżorju lokali addizzjonali f’pajjiżi terzi;
il-fondi proprji kwalifikattivi tal-impriża, espressi bħala perċentwal tas-somma tal-entrati kollha tal-Grad 1 ta’ Ekwità Komuni, tal-entrati tal-Grad 1 Addizzjonali u tal-entrati tal-Grad 2, bl-esklużjoni tal-ammonti msemmija fil-punti (c) u (d) tal-Artikolu 62, ta’ dik l-impriża.”;
il-paragrafu 3 huwa sostitwit b’dan li ġej:
l-Artikolu 93 huwa emendat kif ġej:
jitħassar il-paragrafu 3;
il-paragrafi 4, 5 u 6 huma sostitwiti b'dan li ġej:
fil-Kapitolu 1 tat-Titolu I tat-Tielet Parti, it-Taqsima 2 (l-Artikoli 95 sa 98) hija mħassra b'effett mis-26 ta’ Ġunju 2026;
fl-Artikolu 119, il-paragrafu 5 huwa sostitwit b'dan li ġej:
L-iskoperturi għall-istituzzjonijiet finanzjarji awtorizzati u taħt is-superviżjoni tal-awtoritajiet kompetenti u soġġetti għal rekwiżiti prudenzjali komparabbli għal dawk applikati għall-istituzzjonijiet f’termini ta’ robustezza għandhom jiġu ttrattati bħala skoperturi għall-istituzzjonijiet.
Għall-finijiet ta' dan il-paragrafu, ir-rekwiżiti prudenzjali dstabbiti fir-Regolament (UE) 2019/2033 għandhom jiġu kkunsidrati bħala paragunabbli għal dawk applikati għal istituzzjonijiet f'termini ta' robustezza.”;
fit-tieni subparagrafu tal-Artikolu 162(3), il-punt (a) huwa sostitwit b'dan li ġej:
skoperturi għal istituzzjonijiet jew ditti tal-investiment li jirriżultaw mis-saldu ta’ obbligi ta’ kambju;”;
l-Artikolu 197 huwa emendat kif ġej:
fil-paragrafu 1, il-punt (c) huwa sostitwit b'dan li ġej:
titoli ta’ dejn maħruġa minn istituzzjonijiet jew minn ditti tal-investiment li għandhom valutazzjoni tal-kreditu minn ECAI li ġiet iddeterminata mill-ABE li hija assoċjata mal-livell 3 jew ogħla tal-kwalità tal-kreditu skont ir-regoli għall-ponderazzjoni tar-riskju ta’ skoperturi għal istituzzjonijiet skont il-Kapitolu 2;”;
fil-paragrafu 4, il-frażi introduttorju hija sostitwita b'dan li ġej:
fl-Artikolu 200, il-punt (c) huwa sostitwit b’dan li ġej:
strumenti maħruġa minn istituzzjoni jew minn ditta tal-investiment ta' parti terza li għandhom jiġu riakkwistati minn dik l-istituzzjoni jew minn dik id-ditta tal-investiment fuq talba.”;
fl-Artikolu 202, il-frażi introduttorja hija sostitwita b'dan li ġej:
''Istituzzjoni tista’ tuża istituzzjonijiet, ditti tal-investiment, kumpaniji tal-assigurazzjoni jew tar-riassigurazzjoni u aġenziji ta’ esportazzjoni tal-kreditu bħala fornituri eliġibbli ta’ protezzjoni mhux iffinanzjata tal-kreditu li jikkwalifikaw għat-trattament stabbilit fl-Artikolu 153(3) fejn jilħqu l-kondizzjonijiet kollha li ġejjin:''.
fl-Artikolu 224, il-paragrafu 6 huwa sostitwit b'dan li ġej:
fl-Artikolu 227(3), jiddaħħal il-punt li ġej:
ditti tal-investiment;”;
fl-Artikolu 243(1), it-tieni subparagrafu huwa sostitwit b'dan li ġej:
“Fil-każ ta’ riċevibbli tan-negozju, il-punt (b) tal-ewwel subparagrafu ma japplikax meta r-riskju tal-kreditu ta’ dawk ir-riċevibbli tan-negozju jkun kopert b’mod sħiħ mill-protezzjoni tal-kreditu eliġibbli b’konformità mal-Kapitolu 4, dment li, f’dak il-każ, il-fornitur tal-protezzjoni jkun istituzzjoni, ditti tal-investiment, impriża tal-assigurazzjoni jew impriża tar-riassigurazzjoni.”;
fl-Artikolu 382(4), il-punt (b) huwa sostitwit b'dan li ġej:
transazzjonijiet intragrupp kif previsti fl-Artikolu 3 tar-Regolament (UE) Nru 648/2012, dment li l-Istati Membri ma jadottawx liġi nazzjonali li jirrikjedu s-separazzjoni strutturali fi ħdan grupp bankarju, li f'dak il-każ l-awtoritajiet kompetenti jistgħu jeżiġu li dawk it-transazzjonijiet intragrupp bejn l-entitajiet separati strutturalment jiġu inklużi fir-rekwiżiti ta’ fondi proprji;”;
l-Artikolu 388 huwa mħassar;
fl-Artikolu 395, l-ewwel subparagrafu huwa sostitwit b’dan li ġej:
l-Artikolu 402(3) huwa emendat kif ġej:
il-punt (a) huwa sostitwit b'dan li ġej:
il-kontroparti hija istituzzjoni jew ditta tal-investiment;”;
il-punt (e) hu sostitwit b'dan li ġej:
l-istituzzjoni tirrapporta lill-awtoritajiet kompetenti f'konformità mal-Artikolu 394 l-ammont totali ta' skoperturi għal kull istituzzjoni jew ditti tal-investiment oħra li huma trattati skont dan il-paragrafu.”.
fl-Artikolu 412, il-paragrafu 4a huwa sostitwit b'dan li ġej:
fil-punt (a) tal-Artikolu 422(8), il-punt (i) huwa sostitwit b'dan li ġej:
istituzzjoni prinċipali jew sussidjarja tal-istituzzjoni, jew ditta tal-investiment prinċipali jew sussidjarja tal-istituzzjoni, jew sussidjarja oħra tal-istess istituzzjoni prinċipali jew ditta tal-investiment prinċipali;”;
fl-Artikolu 428a, jitħassar il-punt (d);
fl-Artikolu 430b, il-paragrafu 1 huwa sostitwit b'dan li ġej:
fl-Artikolu 456(1) jitħassru l-punti (f) u (g);
l-Artikolu 493 huwa emendat kif ġej:
il-paragrafu 1 hu sostitwit b’dan li ġej:
“Sas-26 ta’ Ġunju 2021, id-dispożizzjonijiet fuq skoperturi kbar kif stabbiliti fl-Artikoli 387 sa 403) ta' dan ir-Regolament ma għandhomx japplikaw għal ditti tal-investimenti li n-negozju ewlieni tagħhom jikkonsisti b’mod esklussiv fil-forniment ta’ servizzi tal-investimenti jew f’attivitajiet relatati mal-istrumenti finanzjarji stabbiliti fil-punti (5), (6), (7), (9), (10) u (11) tat-Taqsima C tal-Anness I għad-Direttiva 2014/65/UE u li għalihom, fil-31 ta’ Diċembru 2006, ma kinitx tapplika d-Direttiva 2004/39/KE tal-Parlament Ewropew u tal-Kunsill ( *8 ).
jitħassar il-paragrafu 2;
l-Artikolu 498 huwa sostitwit b’dan li ġej:
“Artikolu 498
Eżenzjoni għal negozjanti tal-komoditajiet
Sas-26 ta’ Ġunju 2021, id-dispożizzjonijiet fuq ir-rekwiżiti tal-fondi proprji kif stabbiliti f’dan ir-Regolament ma għandhomx japplikaw għal ditti tal-investiment li n-negozju ewlieni tagħhom jikkonsisti b’mod esklussiv fil-forniment ta’ servizzi tal-investiment jew f’attivitajiet relatati mal-istrumenti finanzjarji stabbiliti fil-punti (5), (6), (7), (9), (10) u (11) tat-Taqsima C tal-Anness I għad-Direttiva 2014/65/UE u li ma applikatx għalihom id-Direttiva 2004/39/KE fil-31 ta’ Diċembru 2006.”;
fl-Artikolu 508 jitħassru l-paragrafi 2 u 3;
fil-punt (1) tal-Anness I, il-punt (d) huwa sostitwit b'dan li ġej:
approvazzjonijiet fuq kambjali li ma jkollhomx l-isem ta’ istituzzjoni oħra jew ditta tal-investiment;”;
l-Anness III huwa emendat kif ġej:
fil-punt (3), il-punt(b) huwa sostitwit b’dan li ġej:
mhumiex obbligazzjoni fuq istituzzjoni jew ditta tal-investiment jew fuq waħda mill-entitajiet affiljati tagħha.”;
fil-punt (5), il-punt (b) huwa sostitwit b’dan li ġej:
mhumiex obbligazzjoni fuq istituzzjoni jew ditta tal-investiment jew fuq waħda mill-entitajiet affiljati tagħha.”;
fil-punt (6) il-punt (a) huwa sostitwit b’dan li ġej:
ma jirrappreżentawx pretensjoni fuq SSPE, istituzzjoni jew ditta tal-investiment jew kwalunkwe waħda mill-entitajiet affiljati tagħha;”;
il-punt 7 huwa sostitwit b’dan li ġej:
Sigurtajiet trasferibbli minbarra dawk imsemmija fil-punti 3 sa 6 li jikkwalifikaw għal piż tar-riskju ta' 50 % jew aħjar skont il-Kapitolu 2 tat-Titolu II tal-Parti Tlieta jew li huma klassifikati internament bi kwalità ta’ kreditu ekwivalenti, u ma jirrappreżentawx pretensjoni fuq SSPE, istituzzjoni jew ditta tal-investiment jew kwalunkwe waħda mill-entitajiet affiljati tagħhom;”;
il-punt 11 huwa sostitwit b’dan li ġej:
Azzjonijiet ta' ekwità komuni skambjati fuq borża u kklerjati ċentralment, li huma kostitwent ta' indiċi ta' borża ewlieni, denominati fil-munita domestika tal-Istat Membru u mhux maħruġin minn istituzzjoni jew ditta tal-investiment jew kwalunkwe wieħed mill-affiljati tagħha.”.
Artikolu 63
Emendi għar-Regolament (UE) Nru 600/2014
Ir-Regolament (UE) Nru 600/2014 huwa emendat kif ġej:
fl-Artikolu 1, jiddaħħal il-paragrafu li ġej:
fit-Titolu III, it-Titolu huwa sostitwit b'dan li ġej:
“TRASPARENZA GĦALL-INTERNALIZZATURI SISTEMATIĊI U GĦAD-DITTI TAL- INVESTIMENT LI JINNEGOZJAW OTC U REĠIMI GĦALL-FLUTTWAZZJONIJIET MINIMI POSSIBBLI FIL-PREZZIJIET GĦAL INTERNALIZZATURI SISTEMATIĊI”;
jiddaħħal l-artikolu li ġej:
“Artikolu 17a
Daqs tal-fluttwazzjonijiet minimi possibbli fil-prezzijiet
Il-kwotazzjonijiet tal-internalizzaturi sistematiċi, it-titjib tal-prezz fuq dawk il-kwotazzjonijiet u l-prezzijiet tal-eżekuzzjoni, għandhom jikkonformaw mad-daqs tal-fluttwazzjonijiet minimi possibbli fil-prezzijiet f'konformità mal-Artikolu 49 tad-Direttiva 2014/65/UE.
L-applikazzjoni tad-daqsijiet tal-fluttwazzjonijiet minimi possibbli fil-prezzijiet m’għandhiex tipprevjeni lill-internalizzaturi sistematiċi li jqabblu ordnijiet fuq skala kbira f’nofs l-offerta kurrenti u toffri prezzijiet.”;
l-Artikolu 46 huwa emendat kif ġej:
fil-paragrafu 2, jiżdied il-punt li ġej:
id-ditta stabbilixxiet l-arranġamenti u l-proċeduri meħtieġa biex tirrapporta l-informazzjoni stabbilita fil-paragrafu 6a.”;
fil-paragrafu 4, il-ħames subparagrafu huwa sostitwit b'dan li ġej:
“L-Istati Membri jistgħu jippermettu li ditti minn pajjiżi terzi jipprovdu servizzi ta’ investiment lil, jew iwettqu attivitajiet ta’ investiment flimkien ma’ servizzi anċillari għal, kontropartijiet eliġibbli u klijenti professjonali fis-sens tat-Taqsima I tal-Anness II tad-Direttiva 2014/65/UE fit-territorji tagħhom b’konformità mar-reġimi nazzjonali fejn ma tkun ġiet adottata l-ebda deċiżjoni tal-Kummissjoni b’konformità mal-Artikolu 47(1) jew meta tali deċiżjoni tkun ġiet adottata iżda jew ma tkunx għadha effettiva jew ma tkoprix is-servizzi jew l-attivitajiet ikkonċernati.”;
fil-paragrafu 5, it-tielet subparagrafu huwa sostitwit b'dan li ġej:
“L-Istati Membri għandhom jiżguraw li meta kontroparti eliġibbli jew klijent professjonali fis-sens tat-Taqsima I tal-Anness II tad-Direttiva 2014/65/UE stabbilit jew li jinsab fl-Unjoni jibda fuq l-inizjattiva esklużiva tiegħu l-għoti ta’ servizz jew attività ta’ investiment minn ditta ta' pajjiż terz, dan l-Artikolu ma japplikax għall-għoti ta’ dak is-servizz jew ta’ dik l-attività mid-ditta tal-pajjiż terz lil dik il-persuna, inkluż relazzjoni marbuta speċifikament mal-għoti ta’ dak is-servizz jew ta’ dik l-attività. Mingħajr preġudizzju għal relazzjonijiet intragrupp, meta ditta ta' pajjiż terz, inkluż permezz ta’ entità li taġixxi f’isimha jew li jkollha rabtiet mill-qrib ma’ tali ditta tal-pajjiż terz jew kwalunkwe persuna oħra li taġixxi f’isem tali entità, tissolleċita klijenti jew klijenti potenzjali fl-Unjoni, ma għandhiex titqies bħala servizz ipprovdut fuq l-inizjattiva proprja esklussiva tal-klijent. Inizjattiva minn tali klijenti ma għandhiex tintitola lid-ditta ta' pajjiż terz li tikkummerċjalizza kategoriji ġodda ta’ prodotti tal-investiment jew servizzi tal-investiment lil dak l-individwu.”;
jiżdiedu l-paragrafi li ġejjin:
ditti ta' pajjiż terz li jipprovdu servizzi jew iwettqu attivitajiet skont dan l-Artikolu għandhom, fuq bażi annwali, jinformaw lill-ESMA b'dan li ġej:
l-iskala u l-ambitu tas-servizzi u l-attivitajiet imwettqa mid-ditti fl-Unjoni, inkluż id-distribuzzjoni ġeografika madwar l-Istati Membri;
għal ditti li jwettqu l-attività msemmija fil-punt (3) tat-Taqsima A tal-Anness I għad-Direttiva 2014/65/UE, l-iskopertura minima, medja u massima tagħhom ta’ kull xahar għall-kontropartijiet tal-UE;
għal ditti li jipprovdu s-servizzi msemmija fil-punt (6) tat-Taqsima A tal-Anness I għad-Direttiva 2014/65/UE, il-valur totali tal-istrumenti finanzjarji li joriġinaw mill-kontropartijiet tal-UE sottoskritti jew imqiegħda fuq bażi ta’ impenn sod matul it-12-il xahar preċedenti;
il-fatturat u l-valur aggregat tal-assi li jikkorrispondi għas-servizzi u l-attivitajiet imsemmija fil-punt (a);
jekk sarux arranġamenti għall-protezzjoni tal-investituri, u deskrizzjoni dettaljata tagħhom;
il-politika u l-arranġamenti tal-immaniġġar tar-riskji applikati mid-ditta fit-twettiq tas-servizzi u l-attivitajiet imsemmija fil-punt (a)';
l-arranġamenti għall-governanza, inkluż it-titolari ta' funzjonijiet ewlenin għall-attivitajiet tad-ditta fl-Unjoni;
kwalunkwe informazzjoni oħra meħtieġa biex l-ESMA jew l-awtoritajiet kompetenti jkunu jistgħu jwettqu l-kompiti tagħhom f’konformità ma’ dan ir-Regolament.
L-ESMA għandha tikkomunika l-informazzjoni li tirċievi skont dan il-paragrafu lill-awtoritajiet kompetenti tal-Istati Membri fejn ditta ta' pajjiż terz tipprovdi servizzi ta' investiment jew twettaq attivitajiet ta’ investiment skont dan l-Artikolu.
Fejn meħtieġ għat-twettiq tal-kompiti tal-ESMA jew tal-awtoritajiet kompetenti skont dan ir-Regolament, l-ESMA tista’, inkluż fuq talba tal-awtorità kompetenti tal-Istati Membri fejn ditta ta' pajjiż terz tipprovdi servizzi ta' investiment jew twettaq attivitajiet ta’ investiment skont dan l-Artikolu, titlob lil ditti ta' pajjiż terz li jipprovdu servizzi jew iwettqu attivitajiet skont dan l-Artikolu biex jipprovdu kwalunkwe informazzjoni ulterjuri fir-rigward tal-operazzjonijiet tagħhom.
Meta ditta ta' pajjiż terz tipprovdi servizzi jew twettaq attivitajiet skont dan l-Artikolu, hija għandha żżomm, għad-dispożizzjoni tal-ESMA, id-data relatata mal-ordnijiet kollha u t-tranżazzjonijiet kollha fl-Unjoni skont l-istrumenti finanzjarji li jkunu wettqu, kemm jekk f’isimhom kif ukoll f’isem klijent, għal perijodu ta’ ħames snin.
Fuq talba tal-awtorità kompetenti ta’ Stat Membru fejn ditta ta' pajjiż terz tipprovdi servizzi ta' investiment jew twettaq attivitajiet ta’ investiment f’konformità ma’ dan l-Artikolu, l-ESMA għandha taċċessa d-data rilevanti miżmuma għad-dispożizzjoni tagħha f'konformità mal-ewwel subparagrafu u għandha tagħmel dik id-data disponibbli għall-awtorità kompetenti li tagħmel it-talba.
Meta ditta ta' pajjiż terz ma tikkooperax f’investigazzjoni jew spezzjoni fuq il-post imwettqa skont l-Artikolu 47(2), jew meta ma tikkonformax ma’ talba mill-ESMA f’konformità mal-paragrafu 6a jew 6b ta' dan l-Artikolu fi żmien debitu u b'mod adatt, l-ESMA tista’ tirtira r-reġistrazzjoni tagħha jew tipprojbixxi temporanjament jew tirrestrinġi l-attivitajiet tagħha f'konformità mal-Artikolu 49.”;
►C1 il-paragrafu 7 huwa sostitwit b’dan li ġej:
L-ESMA għandha tissottometti dak l-abbozz ta’ standards tekniċi regolatorji lill-Kummissjoni sas-26 ta’ Settembru 2020.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1095/2010.”; ◄
jiżdied il-paragrafu li ġej:
L-ESMA għandha tippreżenta dak l-abbozz ta’ standards tekniċi ta' implimentazzjoni lill-Kummissjoni sas-26 ta’ Settembru 2020.
Il-Kummissjoni hija ddelegata s-setgħa li tissupplimenta dan ir-Regolament billi tadotta l-istandards tekniċi ta’ implimentazzjoni msemmija fl-ewwel subparagrafu skont l-Artikolu 15 tar-Regolament (UE) Nru 1095/2010.”;
l-Artikolu 47 huwa emendat kif ġej:
il-paragrafu 1 huwa sostitwit b'dan li ġej:
Il-Kummissjoni tista’ tadotta deċiżjoni skont il-proċedura ta’ eżaminazzjoni msemmija fl-Artikolu 51(2) fir-rigward ta’ pajjiż terz li tiddikjara li l-arranġamenti legali u superviżorji ta’ dak il-pajjiż terz jiżguraw dan kollu li ġej:
li d-ditti awtorizzati f’dak il-pajjiż terz jikkonformaw ma’ rekwiżiti prudenzjali, organizzazzjonali u tal-kondotta tan-negozju legalment vinkolanti, li għandhom effett ekwivalenti għar-rekwiżiti stipulati f’dan ir-Regolament, fir-Regolament (UE) Nru 575/2013 u r-Regolament (UE) 2019/2033 tal-Parlament Ewropew u tal-Kunsill ( *9 ), fid-Direttiva 2013/36/UE, id-Direttiva 2014/65/UE u d-Direttiva (UE) 2019/2034 tal-Parlament Ewropew u tal-Kunsill ( *10 ), u fil-miżuri ta' implimentazzjoni adottati skont dawk l-atti leġislattivi;
li d-ditti awtorizzati f’dak il-pajjiż terz huma soġġetti għal superviżjoni u infurzar effettivi li jiżguraw il-konformità mar-rekwiżiti prudenzjali, organizzazzjonali u tal-kondotta tan-negozju applikabbli u legalment vinkolanti; u
li l-qafas legali ta’ dak il-pajjiż terz jipprevedi sistema ekwivalenti u effettiva għar-rikonoxximent tad-ditti tal-investiment awtorizzati skont reġimi legali ta’ pajjiżi terzi;
Meta l-iskala u l-kamp ta' applikazzjoni tas-servizzi pprovduti u l-attivitajiet imwettqa minn ditti minn pajjiżi terzi fl-Unjoni wara l-adozzjoni tad-deċiżjoni msemmija fl-ewwel subparagrafu x’aktarx ikunu ta’ importanza sistemika għall-Unjoni, ir-rekwiżiti prudenzjali, organizzazzjonali u tal-kondotta tan-negozju legalment vinkolanti msemmija fl-ewwel subparagrafu jistgħu jitqiesu biss li jkollhom effett ekwivalenti għar-rekwiżiti stipulati fl-atti msemmija f’dak is-subparagrafu wara valutazzjoni dettaljata u granulari. Għal dawk il-għan, il-Kummissjoni għandha wkoll tivvaluta u tqis il-konverġenza superviżorja bejn il-pajjiż terz konċernat u l-Unjoni.
Il-Kummissjoni għandha s-setgħa li tissupplimenta dan ir-Regolament billi tadotta atti delegati skont l-Artikolu 50 sabiex tispeċifika aktar iċ-ċirkostanzi li fihom l-iskala u l-ambitu tas-servizzi pprovduti u l-attivitajiet imwettqa minn ditti ta' pajjiżi terzi fl-Unjoni wara l-adozzjoni ta’ deċiżjoni ta’ ekwivalenza msemmija fil- paragrafu 1 x’aktarx ikunu ta’ importanza sistemika għall-Unjoni.
Meta l-iskala u l-kamp ta’ applikazzjoni tas-servizzi pprovduti u l-attivitajiet imwettqa minn ditti ta' pajjiżi terzi x’aktarx li jkunu ta’ importanza sistemika għall-Unjoni, il-Kummissjoni tista’ tehmeż kondizzjonijiet operattivi speċifiċi ma’ deċiżjonijiet ta’ ekwivalenza biex jiġi żgurat li l-ESMA u l-awtoritajiet nazzjonali kompetenti jkollhom l-għodod meħtieġa biex jipprevjenu l-arbitraġġ regolatorju u jimmonitorjaw l-attivitajiet ta’ ditti tal-investiment ta’ pajjiżi terzi rreġistrati skont l-Artikolu 46(2) fir-rigward ta’ servizzi pprovduti u attivitajiet imwettqa fl-Unjoni billi jiġi żgurat li dawk id-ditti jikkonformaw:
mar-rekwiżiti li għandhom effett ekwivalenti għar-rekwiżiti msemmija fl-Artikoli 20 u 21;
mar-rekwiżiti ta’ rapportar li għandhom effett ekwivalenti għar-rekwiżiti msemmija fl-Artikolu 26, fejn tali informazzjoni ma tistax tinkiseb direttament u fuq bażi kontinwa permezz ta’ Memorandum ta’ Qbil mal-awtorità kompetenti ta’ pajjiż terz;
ma’rekwiżiti li għandhom effett ekwivalenti għall-obbligu ta’ negozjar imsemmi fl-Artikoli 23 u 28, fejn applikabbli.
Meta tadotta d-deċiżjoni msemmija fil-paragrafu 1 ta' dan l-Artikolu, il-Kummissjoni tista’ tikkunsidra jekk il-pajjiż terz humiex identifikat bħala ġurisdizzjoni li ma tikkooperax għal skopijiet ta’ taxxa skont il-politika rilevanti tal-Unjoni jew bħala pajjiż b’riskju għoli skont l-Artikolu 9(2) tad-Direttiva (UE) 2015/849.'';
Il-qafas prudenzjali, organizzazzjonali u tal-kondotta tan-negozju ta’ pajjiż terz jista’ jiġi kkunsidrat li jkollu effett ekwivalenti meta dak il-qafas jissodisfa l-kondizzjonijiet kollha li ġejjin:
id-ditti li jipprovdu servizzi jew li jwettqu attivitajiet ta’ investiment f’dak il-pajjiż terz huma soġġetti għal awtorizzazzjoni u superviżjoni effettiva u infurzar fuq bażi kontinwa;
id-ditti li jipprovdu servizzi jew li jwettqu attivitajiet ta’ investiment f’dak il-pajjiż terz huma soġġetti għal rekwiżiti kapitali suffiċjenti u, b'mod partikolari, id-ditti li jipprovdu servizzi jew li jwettqu l-attivitajiet imsemmija fil-punt (3) jew (6) tat-Taqsima A tal-Anness I tad-Direttiva 2014/65/UE huma soġġetti għal rekwiżiti kapitali komparabbli ma' dawk li japplikaw kieku kienu stabbiliti fl-Unjoni;
id-ditti li jipprovdu servizzi jew li jwettqu attivitajiet ta’ investiment f’dak il-pajjiż terz huma soġġetti għal rekwiżiti xierqa applikabbli għall-azzjonisti u l-membri tal-korp maniġerjali tagħhom;
id-ditti li jipprovdu servizzi jew li jwettqu attivitajiet tal-investiment huma soġġetti għal imġiba kummerċjali u rekwiżiti organizzazzjonali adegwati;
it-trasparenza u l-integrità tas-suq tiġi żgurata billi jipprevjenu l-abbuż tas-suq fil-forma ta’ abbuż minn informazzjoni privileġġata u manipulazzjoni tas-suq.
Għall-finijiet tal-paragrafu 1a ta' dan l-Artikolu, meta tivvaluta l-ekwivalenza tar-regoli ta’ pajjiżi terzi fir-rigward tal-obbligu ta' negozjar stabbilit fl-Artikoli 23 u 28, il-Kummissjoni għandha tivvaluta wkoll jekk il-qafas legali tal-pajjiż terz jipprevedix kriterji għad-deżinjazzjoni ta’ ċentri tan-negozjar bħala eliġibbli għall-konformità mal-obbligu ta' negozjar li għandhom effett simili għal dawk stabbiliti skont dan ir-Regolament jew skont id-Direttiva 2014/65/UE.”;
il-paragrafu 2 huwa emendat kif ġej:
il-punt (a) huwa sostitwit b'dan li ġej:
il-mekkaniżmu għall-iskambju tal-informazzjoni bejn l-ESMA u l-awtoritajiet kompetenti ta’ pajjiżi terzi konċernati, fosthom l-aċċess għall-informazzjoni kollha dwar id-ditti mhux mill-Unjoni awtorizzati f’pajjiżi terzi li tintalab mill-ESMA, u fejn rilevanti, il-modalitajiet tal-kondiviżjoni ulterjuri mill-ESMA, u, fejn rilevanti, l-arranġamenti għall-kondiviżjoni ulterjuri mill-ESMA ta' informazzjoni bħal din mal-awtoritajiet kompetenti tal-Istati Membri;”;
il-punt (c) huwa sostitwit b’dan li ġej:
il-proċeduri li jikkonċernaw il-koordinazzjoni ta’ attivitajiet superviżorji inkluż investigazzjonijiet u spezzjonijiet fuq il-post li tista’ twettaq l-ESMA, b’kooperazzjoni mal-awtoritajiet kompetenti tal-Istati Membri fejn id-ditta ta' pajjiż terz tipprovdi servizzi ta' investiment jew twettaq attivitajiet ta’ investiment skont l-Artikolu 46, meta dan ikun meħtieġ għat-twettiq tal-kompiti tal-ESMA jew tal-awtoritajiet kompetenti skont dan ir-Regolament, wara li tkun informat kif xieraq lill-awtorità kompetenti tal-pajjiż terz tiegħu.”;
jiżdied dan li ġej:
il-proċeduri li jikkonċernaw talba għal informazzjoni skont l-Artikolu 46 (6a) u (6b) li l-ESMA tista’ tibgħat lil ditta ta' pajjiż terz irreġistrata skont l-Artikolu 46(2).”';
jiżdiedu l-paragrafi li ġejjin:
L-ESMA għandha timmonitorja l-iżviluppi regolatorji u superviżorji, il-prattiki ta' infurzar u żviluppi oħra fis-suq rilevanti f'pajjiżi terzi li għalihom ikunu ġew adottati deċiżjonijiet ta' ekwivalenza mill-Kummissjoni skont il-paragrafu 1 sabiex tivverifika li l-kondizzjonijiet li fuq il-bażi tagħhom ikunu ttieħdu dawk id-deċiżjonijiet għadhom sodisfatti. L-ESMA għandha tippreżenta rapport kunfidenzjali dwar is-sejbiet tagħha lill-Kummissjoni fuq bażi annwali. Fejn jitqies xieraq mill-ESMA, l-ESMA tista’ tikkonsulta lill-ABE fir-rigward tar-rapport.
Ir-rapport għandu jirrifletti wkoll ix-xejriet osservati abbażi tad-data miġbura skont l-Artikolu 46(6a), b’mod partikolari fir-rigward ta’ ditti li jipprovdu servizzi jew iwettqu l-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE.
Il-Kummissjoni għandha, abbażi tar-rapport imsemmi fil-paragrafu 5, tippreżenta rapport lill-Parlament Ewropew u lill-Kunsill mill-inqas fuq bażi annwali. Ir-rapport għandu jinkludi lista tad-deċiżjonijiet ta’ ekwivalenza meħuda jew irtirati mill-Kummissjoni fis-sena ta’ rapportar, kif ukoll kwalunkwe miżura meħuda mill-ESMA skont l-Artikolu 49, u jipprovdi r-raġunament għal dawk id-deċiżjonijiet u l-miżuri.
Ir-rapport tal-Kummissjoni għandu jinkludi informazzjoni dwar il-monitoraġġ tal-iżviluppi regolatorji u superviżorji, il-prattiki ta’ infurzar u żviluppi oħra tas-suq rilevanti f’pajjiżi terzi li għalihom ġew adottati deċiżjonijiet ta’ ekwivalenza. Għandu wkoll jieħu kont ta’ kif il-provvista transkonfinali ta’ servizzi ta’ investiment minn ditti ta' pajjiżi terzi evolviet b’mod ġenerali u b’mod partikolari fir-rigward tas-servizzi u l-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE. Fi żmien debitu, ir-rapport għandu jinkludi wkoll informazzjoni dwar il-valutazzjonijiet ta’ ekwivalenza li għaddejjin li l-Kummissjoni qed twettaq fir-rigward ta’ pajjiż terz.”;
l-Artikolu 49 huwa sostitwit b'dan li ġej:
“Artikolu 49
Miżuri li għandhom jittieħdu mill-ESMA
Mingħajr preġudizzju għall-paragrafu 1, l-ESMA għandha tirtira r-reġistrazzjoni ta’ ditta ta' pajjiż terz fir-reġistru stabbilit skont l-Artikolu 48, meta l-ESMA tkun irreferiet il-kwistjoni lill-awtorità kompetenti tal-pajjiż terz u dik l-awtorità kompetenti ma tkunx ħadet il-miżuri xierqa meħtieġa biex tipproteġi lill-investituri jew il-funzjonament xieraq tas-swieq fl-Unjoni, jew tkun naqset milli turi li d-ditta mill-pajjiż terz ikkonċernat tikkonforma mar-rekwiżiti applikabbli għaliha fil-pajjiż terz, jew mal-kondizzjonijiet li taħthom tkun ġiet adottata deċiżjoni skont l-Artikolu 47(1), u tapplika waħda minn dawn li ġejjin:
L-ESMA jkollha raġunijiet fondati sew abbażi ta’ evidenza dokumentata, inkluż iżda mhux limitata għall-informazzjoni annwali pprovduta skont l-Artikolu 46(6a), biex temmen li, fil-forniment tas-servizzi u l-attivitajiet ta’ investiment fl-Unjoni, id-ditta ta' pajjiż terz qed taġixxi b’manjiera li hija ċarament ta’ preġudizzju għall-interessi tal-investituri jew tal-funzjonament ordnat tas-swieq;
L-ESMA jkollha raġunijiet fondati sew abbażi ta’ evidenza dokumentata, inkluż iżda mhux limitata għall-informazzjoni annwali pprovduta skont l-Artikolu 46(6a), biex temmen li fil-forniment tas-servizzi u l-attivitajiet ta’ investiment fl-Unjoni, id-ditta ta' pajjiż terz tkun kisret id-dispożizzjonijiet applikabbli għaliha fil-pajjiż terz u li fuq il-bażi tagħhom il-Kummissjoni tkun adottat id-Deċiżjoni skont l-Artikolu 47(1).
L-ESMA għandha tinforma lill-awtorità kompetenti tal-pajjiż terz bl-intenzjoni tagħha li tieħu azzjoni fi żmien debitu f'konformità mal-paragrafu 1 jew 2.
Meta tiddeċiedi dwar l-azzjoni xierqa li għandha tittieħed skont dan l-Artikolu, l-ESMA għandha tqis in-natura u s-serjetà tar-riskju maħluq għall-investituri u l-funzjonament xieraq tas-swieq fl-Unjoni, filwaqt li tqis il-kriterji li ġejjin:
id-durata u l-frekwenza tar-riskju li jirriżulta;
jekk ir-riskju jkunx żvela dgħufijiet serji jew sistemiċi fil-proċeduri tad-ditti ta' pajjiż terz;
jekk ir-reat finanzjarju ġiex ikkawżat, iffaċilitat jew attribwit b'mod ieħor għar-riskju;
jekk ir-riskju jkunx seħħ intenzjonalment jew b’negliġenza.
L-ESMA għandha tinforma lill-Kummissjoni u lid-ditta minn pajjiż terz ikkonċernat dwar kwalunkwe miżura adottata skont il-paragrafu 1 jew 2 mingħajr dewmien u għandha tippubblika d-deċiżjoni tagħha fil-websajt tagħha.
Il-Kummissjoni għandha tivvaluta jekk il-kondizzjonijiet skont liema ġiet adottata deċiżjoni skont l-Artikolu 47(1) għadhomx jeżistu fir-rigward tal-pajjiż terz ikkonċernat.”;
l-Artikolu 50 huwa emendagt kif ġej:
il-pararafu 2 huwa sostitwit b’dan li ġej:
il-paragrafu 3 huwa sostitwit b’dan li ġej:
il-paragrafu 5 huwa sostitwit b’dan li ġej:
fl-Artikolu 52, jiżdied il-paragrafu li ġej:
fl-Artikolu 54 il-paragrafu 1 huwa sostitwit b'dan li ġej:
Artikolu 64
Emenda għar-Regolament (UE) Nru 806/2014
Fl-Artikolu 12a tar-Regolament (UE) Nru 806/2014 tal-Parlament Ewropew u tal-Kunsill ( 14 ), jiżdied il-paragrafu li ġej:
F’konformità mal-Artikolu 65 tar-Regolament (UE) 2019/2033 tal-Parlament Ewropew u tal-Kunsill ( *11 ) ( 15 ), ir-referenzi għall-Artikolu 92 tar-Regolament (UE) Nru 575/2013 f’dan ir-Regolament fir-rigward tar-rekwiżiti ta’ fondi proprji fuq bażi individwali ta’ ditti tal-investiment imsemmija fil-punt (c) tal-Artikolu 2 ta’ dan ir-Regolament u li mhumiex ditti tal-investiment msemmija fl-Artikolu 192) jew 1(5) tar-Regolament (UE) 2019/2033 għandhom jinftiehmu kif ġej:
ir-referenzi għall-punt (c) tal-Artikolu 92(1) tar-Regolament (UE) Nru 575/2013 fir-rigward tar-rekwiżit tal-proporzjon kapitali totali f’dan ir-Regolament għandhom jirreferu għall-Artikolu 11(1) tar-Regolament (UE) 2019/2033;
ir-referenzi għall-Artikolu 92(3) tar-Regolament (UE) Nru 575/2013 fir-rigward tal-ammont totali tal-iskopertura għar-riskju f’dan ir-Regolament għandhom jirreferu għar-rekwiżit applikabbli fl-Artikolu 11(1) tar-Regolament (UE) 2019/2033 immultiplikat bi 12,5.
F’konformità mal-Artikolu 65 tar-Regolament (UE) 2019/2034 tal-Parlament Ewropew u tal-Kunsill ( *12 ) ( 16 ), ir-referenzi għall-Artikolu 104a tad-Direttiva 2013/36/UE f’dan ir-Regolament fir-rigward tar-rekwiżit ta’ fondi proprji addizzjonali ta’ ditti tal-investiment imsemmija fil-punt (c) tal-Artikolu 2 ta’ dan ir-Regolament u li ma jkunux ditti tal-investiment imsemmija fl-Artikolu 1(2) jew 1(5) tar-Regolament (UE) 2019/2033 għandhom jiġu interpretati bħala li jirreferu għall-Artikolu 40 tad-Direttiva (UE) 2019/2034”.
PARTI GĦAXRA
DISPOŻIZZJONIJIET FINALI
Artikolu 65
Referenzi għar-Regolament (UE) Nru 575/2013 f'atti legali oħra tal-Unjoni
Għall-finijiet tar-rekwiżiti prudenzjali ta’ ditti tal-investiment, ir-referenzi għar-Regolament (UE) Nru 575/2013 f’atti oħra tal-Unjoni għandhom jiġu interpretati bħala referenzi għal dan ir-Regolament.
Artikolu 66
Dħul fis-seħħ u data ta’ applikazzjoni
Dan ir-Regolament għandu jorbot fl-intier tiegħu u japplika direttament fl-Istati Membri kollha.