EUR-Lex Access to European Union law
This document is an excerpt from the EUR-Lex website
Document 32008R0176
Regulation (EC) No 176/2008 of the European Parliament and of the Council of 20 February 2008 amending Regulation (EC) No 1059/2003 on the establishment of a common classification of territorial units for statistics (NUTS) by reason of the accession of Bulgaria and Romania to the European Union
Regolament (KE) Nru 176/2008 tal-Parlament Ewropew u tal-Kunsill ta' l- 20 ta' Frar 2008 li jemenda r-Regolament (KE) Nru 1059/2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS) minħabba l-adeżjoni tal-Bulgarija u tar-Rumanija ma' l-Unjoni Ewropea
Regolament (KE) Nru 176/2008 tal-Parlament Ewropew u tal-Kunsill ta' l- 20 ta' Frar 2008 li jemenda r-Regolament (KE) Nru 1059/2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS) minħabba l-adeżjoni tal-Bulgarija u tar-Rumanija ma' l-Unjoni Ewropea
OJ L 61, 5.3.2008, p. 1–5
(BG, ES, CS, DA, DE, ET, EL, EN, FR, GA, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 14 Volume 003 P. 83 - 87
In force
|
5.3.2008 |
MT |
Il-Ġurnal Uffiċjali ta’ l-Unjoni Ewropea |
L 61/1 |
REGOLAMENT (KE) Nru 176/2008 TAL-PARLAMENT EWROPEW U TAL-KUNSILL
ta' l-20 ta' Frar 2008
li jemenda r-Regolament (KE) Nru 1059/2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS) minħabba l-adeżjoni tal-Bulgarija u tar-Rumanija ma' l-Unjoni Ewropea
IL-PARLAMENT EWROPEW U L-KUNSILL TA' L-UNJONI EWROPEA,
Wara li kkunsidraw it-Trattat li jistabbilixxi l-Komunità Ewropea, u b'mod partikolari l-Artikolu 285 (1) tiegħu,
Wara li kkunsidraw il-proposta tal-Kummissjoni,
Wara li kkunsidraw l-opinjoni tal-Kumitat Ekonomiku u Soċjali Ewropew (1),
Wara li kkonsultaw il-Kumitat tar-Reġjuni,
Filwaqt li jaġixxu skond il-proċedura stabbilita fl-Artikolu 251 tat-Trattat (2),
Billi:
|
(1) |
Ir-Regolament tal-Parlament Ewropew u tal-Kunsill (KE) Nru 1059/2003 (3) jikkostitwixxi l-qafas legali għall-klassifikazzjoni reġjonali sabiex jippermetti l-ġbir, il-kumpilazzjoni u t-tqassim ta' l-istatistika reġjonali armonizzata fil-Komunità. |
|
(2) |
L-istatistika kollha ta' l-Istati Membri maqsuma f'unitajiet territorjali li tiġi trażmessa lill-Kummissjoni għandha tuża l-klassifikazzjoni tan-NUTS, fejn applikabbli. |
|
(3) |
Huwa meħtieġ li l-Annessi tar-Regolament (KE) Nru 1059/2003 jiġu addattati biex titqies l-adeżjoni tal-Bulgarija u tar-Rumanija ma' l-Unjoni Ewropea. |
|
(4) |
Ladarba l-għan ta' dan ir-Regolament, jiġifieri l-ħolqien ta' standards ta' statistika komuni li jippermettu l-produzzjoni ta' data armonizzata, ma jistax jinkiseb b'mod suffiċjenti mill-Istati Membri u għalhekk jista' jinkiseb aħjar fil-livell Komunitarju, il-Komunità tista' tadotta miżuri, b'konformità mal-prinċipju tas-sussidjarjetà kif stabbilit fl-Artikolu 5 tat-Trattat. B'konformità mal-prinċipju tal-proporzjonalità, kif stabbilit f'dak l-Artikolu, dan ir-Regolament ma jmurx lil hinn minn dak li hu meħtieġ sabiex jintlaħaq dak il-għan. |
|
(5) |
Għalhekk, ir-Regolament (KE) Nru 1059/2003 għandu jiġi emendat kif meħtieġ, |
ADDOTTAW DAN IR-REGOLAMENT:
Artikolu 1
Ir-Regolament (KE) Nru 1059/2003 huwa b'dan emendat kif ġej:
|
1. |
L-Anness I għandu jiġi emendat skond it-test li jidher fl-Anness I ta' dan ir-Regolament. |
|
2. |
L-Anness II għandu jiġi emendat skond it-test li jidher fl-Anness II ta' dan ir-Regolament. |
|
3. |
L-Anness III għandu jiġi emendat skond it-test li jidher fl-Anness III ta' dan ir-Regolament. |
Artikolu 2
Dan ir-Regolament għandu jidħol fis-seħħ fil-jum ta' wara dak tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu, 20 ta' Frar 2008.
Għall-Parlament Ewropew
Il-President
H.-G. PÖTTERING
Għall-Kunsill
Il-President
J. LENARČIČ
(1) ĠU C 175, 27.7.2007, p. 13.
(2) Opinjoni tal-Parlament Ewropew ta' l-4 ta' Settembru 2007 (għadha mhijiex ippubblikata fil-Ġurnal Uffiċjali) u Deċiżjoni tal-Kunsill tal-21 ta' Jannar 2008
(3) ĠU L 154, 21.6.2003, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 105/2007 (ĠU L 39, 10.2.2007, p. 1).
ANNESS I
L-Anness I għar-Regolament (KE) Nru 1059/2003 huwa emendat kif ġej:
|
(1) |
it-tabella li ġejja tiddaħħal bejn BE – BELGIQUE/BELGIË u CZ – ČESKÁ REPUBLIKA: “БЪЛГАРИЯ
|
|
(2) |
it-tabella li ġejja tiddaħħal bejn PT – PORTUGAL u SI – SLOVENIJA: “ROMÂNIA
|
ANNESS II
L-Anness II għar-Regolament (KE) Nru 1059/2003 huwa emendat kif ġej:
|
(1) |
dan li ġej jiddaħħal fil-paragrafu li jirreferi għal-livell 3 tan-NUTS bejn il-Belġju u r-Repubblika Ċeka: “għall-Bulgarija ‘Области (Oblasti)’,”; |
|
(2) |
dan li ġej jiddaħħal fil-paragrafu li jirreferi għal-livell 3 tan-NUTS bejn l-Ungerija u r-Repubblika Slovakka: “għar-Rumanija ‘Judeţe’,”. |
ANNESS III
L-Anness III għar-Regolament (KE) Nru 1059/2003 huwa emendat kif ġej:
|
(1) |
dan li ġej jiddaħħal bejn il-Belġju u r-Repubblika Ċeka: “għall-Bulgarija ‘Общини (Obshtini)’,”; |
|
(2) |
dan li ġej jiddaħħal bejn il-Portugall u s-Slovenja: “għar-Rumanija ‘Municipii, Oraşe, Comune’,”. |