EUR-Lex Access to European Union law
This document is an excerpt from the EUR-Lex website
Document 32007D0813
2007/813/EC: Commission Decision of 28 November 2007 on the allocation to Spain of additional days at sea within ICES Divisions VIIIc and IXa excluding the Gulf of Cadiz (notified under document number C(2007) 5719)
2007/813/KE: Deċiżjoni tal-Kumissjoni tat- 28 ta’ Novembru 2007 dwar l-allokazzjoni lil Spanja ta’ jiem addizzjonali fuq il-baħar fit-Taqsimiet VIIIċ u IXa ta’ l-ICES bl-eċċezzjoni tal-Golf ta’ Cadiz (notifikata taħt id-dokument numru C(2007) 5719)
2007/813/KE: Deċiżjoni tal-Kumissjoni tat- 28 ta’ Novembru 2007 dwar l-allokazzjoni lil Spanja ta’ jiem addizzjonali fuq il-baħar fit-Taqsimiet VIIIċ u IXa ta’ l-ICES bl-eċċezzjoni tal-Golf ta’ Cadiz (notifikata taħt id-dokument numru C(2007) 5719)
OJ L 325, 11.12.2007, p. 92–93
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
11.12.2007 |
MT |
Il-Ġurnal Uffiċjali ta’ l-Unjoni Ewropea |
L 325/92 |
DEĊIŻJONI TAL-KUMISSJONI
tat-28 ta’ Novembru 2007
dwar l-allokazzjoni lil Spanja ta’ jiem addizzjonali fuq il-baħar fit-Taqsimiet VIIIċ u IXa ta’ l-ICES bl-eċċezzjoni tal-Golf ta’ Cadiz
(notifikata taħt id-dokument numru C(2007) 5719)
(It-test bl-Ispanjol biss huwa awtentiku)
(2007/813/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 41/2007 tal-21 ta’ Diċembru 2006 li jistabbilixxi għall-2007 l-opportunitajiet ta’ sajd u l-kundizzjonijiet assoċjati magħhom għal ċerti stokkijiet [ħażniet] ta’ ħut u gruppi ta’ stokkijiet ta’ ħut, applikabbli fl-ilmijiet tal-Komunità u, għal bastimenti Komunitarji, f’ilmijiet fejn huma meħtieġa limiti ta’ qbid (1), u b’mod partikolari l-punt 9 ta’ l-Anness IIB tiegħu,
Billi:
|
(1) |
Il-Punt 7 ta’ l-Anness IIB għar-Regolament (KE) Nru 41/2007 jispeċifika l-għadd massimu ta’ ġranet li fihom bastimenti tal-Komunità ta’ tul totali ta’ 10 metri jew aktar u li jġorru abbord xbieki tat-tkarkir b’malji ta’ 32 mm jew akbar, xkitti b’malji ta’ 60 mm jew akbar jew konzijiet tal-qiegħ, jistgħu ikunu preżenti fit-taqsimiet VIIIc u IXa ta’ l-ICES, bl-eċċezzjoni tal-Golf ta’ Cadiz, mill-1 ta’ Frar 2007 sal-31 ta’ Jannar 2008. |
|
(2) |
Il-punt 9 ta’ l-Anness IIB jippermetti li l-Kummissjoni talloka numru ta’ ġranet addizzjonali fuq il-baħar fejn bastiment jista’ jkun preżenti fiz-zona ġeografika, meta jkun qed iġorr irkaptu bħal dan, abbażi tal-waqfiet permanenti ta’ l-attivitajiet tas-sajd li saru mill-1 ta’ Jannar 2004 ’l hawn. |
|
(3) |
Fis-6 ta’ Lulju 2007, Spanja ressqet dejta li turi li bastimenti li waqfu mill-attivitajiet mill-1 ta’ Jannar 2004, għamlu, rispettivament, 4.20 % ta’ l-isforz tas-sajd li sar fl-2003 mill-bastimenti Spanjoli preżenti fiż-żona ġeografika u li ġarrew abbord xbieki tat-tkarkir b’malji ta’ 32 mm jew akbar, 9.55 % tas-sajd li sar fl-2003 mill-bastimenti Spanjoli preżenti fiz-zona ġeografika u li ġarrew abbord xkitti b’malji ta’ 60 mm jew akbar u 20.86 % tas-sajd li sar fl-2003 mill-bastimenti Spanjoli preżenti fiż-żona ġeografika u li ġarrew abbord konzijiet tal-qiegħ. |
|
(4) |
Meta titqies id-dejta mressqa u jitqies il-metodu tal-kalkolu mniżżel fil-punt 9.1 ta’ l-Anness IIB, għandhom jiġu allokati lil Spanja disat ijiem addizzjonali fuq il-baħar għal bastimenti li jġorru abbord irkaptu tat-tip 3(a), wieħed u għoxrin jum addizzjonali fuq il-baħar għal bastimenti li jġorru abbord irkaptu tat-tip 3(b) u ħamsa u erbgħin jum addizzjonali fuq il-baħar għal bastimenti li jġorru abbord irkaptu tat-tip 3(ċ) għall-perjodu mill-1 ta’ Frar 2007 sal-31 ta’ Jannar 2008. |
|
(5) |
Il-miżuri pprovduti f’din id-Deċiżjoni konformi ma’ l-opinjoni tal-Kumitat għas-Sajd u l-Akkwakultura, |
ADOTTAT DIN ID-DEĊIŻJONI
Artikolu 1
1. L-għadd massimu ta’ jiem li fihom bastiment tas-sajd li jtajjar il-bandiera ta’ Spanja u li jġorr abbord irkaptu tas-sajd imsemmi fil-punt 3(a) ta’ l-Anness IIB għar-Regolament (KE) Nru 41/2007 u m’hu suġġett għall-ebda waħda mill-kundizzjonijiet speċjali elenkati fil-punt 7.1 ta’ dak l-Anness jista’ jkun preżenti fit-Taqsimiet VIIIċ u IXa ta’ l-ICES, bl-eċċezzjoni tal-Golf ta’ Cadiz, kif stipulat fit-Tabella I ta’ dak l-Anness, għandhom jiġu emendati għal 225 jum fis-sena.
2. L-għadd massimu ta’ jiem li fihom bastiment tas-sajd li jtajjar il-bandiera ta’ Spanja u li jġorr abbord irkaptu tas-sajd imsemmi fil-punt 3(b) ta’ l-Anness IIB għar-Regolament (KE) Nru 41/2007 u m’hu soġġett għall-ebda waħda mill-kundizzjonijiet speċjali elenkati fil-punt 7.1 ta’ dak l-Anness jista’ jkun preżenti fit-Taqsimiet VIIIċ u IXa ta’ l-ICES, bl-eċċezzjoni tal-Golf ta’ Cadiz, kif stipulat fit-Tabella I ta’ dak l-Anness, għandhom jiġu emendati għal 237 jum fis-sena.
3. L-għadd massimu ta’ jiem li fihom bastiment tas-sajd li jtajjar il-bandiera ta’ Spanja u li jġorr abbord irkaptu tas-sajd imsemmi fil-punt 3(ċ) ta’ l-Anness IIB għar-Regolament (KE) Nru 41/2007 u m’hu soġġett għall-ebda waħda mill-kundizzjonijiet speċjali elenkati fil-punt 7.1 ta’ dak l-Anness jista’ jkun preżenti fit-Taqsimiet VIIIċ u IXa ta’ l-ICES, bl-eċċezzjoni tal-Golf ta’ Cadiz, kif stipulat fit-Tabella I ta’ dak l-anness, għandhom jiġu emendati għal 261 jum fis-sena.
Artikolu 2
Din id-Deċiżjoni hija indirizzata lir-Renju ta’ Spanja.
Magħmula fi Brussell, 28 ta’ Novembru 2007.
Għall-Kummissjoni
Joe BORG
Membru tal-Kummissjoni
(1) ĠU L 15, 20.1.2007, p. 1. Ir-Regolament kif emendat l-aħħar bir-Regolament (KE) Nru 898/2007 (ĠU L 196, 28.7.2007, p. 22).