This document is an excerpt from the EUR-Lex website
Document 32016D0320
Commission Implementing Decision (EU) 2016/320 of 3 March 2016 amending Decision 2004/842/EC concerning implementing rules whereby Member States may authorise the placing on the market of seed belonging to varieties for which an application for entry in the national catalogues of varieties of agricultural plant species or vegetable species has been submitted (notified under document C(2016) 1221) (Text with EEA relevance)
Deċiżjoni ta' Implimentazzjoni tal-Kummissjoni (UE) 2016/320 tat-3 ta' Marzu 2016 li temenda d-Deċiżjoni 2004/842/KE rigward l-implimentar ta' regolamentazzjoni li biha l-Istati Membri jistgħu jawtorizzaw it-tqegħid fis-suq ta' żerriegħa li tappartjeni għal varjetajiet li għalihom ġiet sottomessa applikazzjoni għad-dħul fil-katalogu nazzjonali ta' varjetajiet ta' speċi ta' pjanti agrikoli jew speċi veġetali (notifikata bid-dokument C(2016) 1221) (Test b'rilevanza għaż-ŻEE)
Deċiżjoni ta' Implimentazzjoni tal-Kummissjoni (UE) 2016/320 tat-3 ta' Marzu 2016 li temenda d-Deċiżjoni 2004/842/KE rigward l-implimentar ta' regolamentazzjoni li biha l-Istati Membri jistgħu jawtorizzaw it-tqegħid fis-suq ta' żerriegħa li tappartjeni għal varjetajiet li għalihom ġiet sottomessa applikazzjoni għad-dħul fil-katalogu nazzjonali ta' varjetajiet ta' speċi ta' pjanti agrikoli jew speċi veġetali (notifikata bid-dokument C(2016) 1221) (Test b'rilevanza għaż-ŻEE)
C/2016/1221
ĠU L 60, 5.3.2016, p. 88–89
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
5.3.2016 |
MT |
Il-Ġurnal Uffiċjali tal-Unjoni Ewropea |
L 60/88 |
DEĊIŻJONI TA' IMPLIMENTAZZJONI TAL-KUMMISSJONI (UE) 2016/320
tat-3 ta' Marzu 2016
li temenda d-Deċiżjoni 2004/842/KE rigward l-implimentar ta' regolamentazzjoni li biha l-Istati Membri jistgħu jawtorizzaw it-tqegħid fis-suq ta' żerriegħa li tappartjeni għal varjetajiet li għalihom ġiet sottomessa applikazzjoni għad-dħul fil-katalogu nazzjonali ta' varjetajiet ta' speċi ta' pjanti agrikoli jew speċi veġetali
(notifikata bid-dokument C(2016) 1221)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 66/401/KEE tal-14 ta' Ġunju 1966 dwar it-tqegħid fis-suq ta' żerriegħa ta' pjanti tal-għalf (1), u b'mod partikolari l-Artikolu 4a(2) tagħha,
Wara li kkunsidrat id-Direttiva tal-Kunsill 66/402/KEE tal-14 ta' Ġunju 1966 dwar il-marketing taż-żerriegħa tal-ġwież (2), u b'mod partikolari l-Artikolu 4a(2) tagħha,
Wara li kkunsidrat id-Direttiva tal-Kunsill 2002/54/KE tat-13 ta' Ġunju 2002 dwar il-bejgħ fis-suq ta' żerriegħa tal-pitravi (3), u b'mod partikolari l-Artikolu 6(2) tagħha,
Wara li kkunsidrat id-Direttiva tal-Kunsill 2002/55/KE tat-13 ta' Ġunju 2002 dwar il-marketing ta' żrieragħ tal-ħxejjex (4), u b'mod partikolari l-Artikolu 23(2) tagħha,
Wara li kkunsidrat id-Direttiva tal-Kunsill 2002/56/KE tat-13 ta' Ġunju 2002 dwar il-bejgħ fis-suq tal-patata taż-żerriegħa (5), u b'mod partikolari l-Artikolu 6(2) tagħha,
Wara li kkunsidrat id-Direttiva tal-Kunsill 2002/57/KE tat-13 ta' Ġunju 2002 dwar il-marketing taż-żerriegħa ta' pjanti taż-żejt u tal-fibra (6), u b'mod partikolari l-Artikolu 6(2) tagħha,
Billi:
(1) |
id-Deċiżjoni tal-Kummissjoni 2004/842/KE (7) tistipula r-regoli dwar it-tikketta uffiċjali tal-pakketti taż-żrieragħ ta' varjetajiet li għalihom tressqet applikazzjoni għad-dħul fil-katalogu nazzjonali ta' varjetajiet ta' speċijiet ta' pjanti agrikoli jew ħxejjex. |
(2) |
F'dawn l-aħħar snin instabu għadd ta' każijiet ta' użu qarrieqi ta' tikketti uffiċjali. Għalhekk jeħtieġ li tiżdied is-sigurtà tat-tikketti uffiċjali b'aġġornament mal-għarfien tekniku, biex jiġi żgurat li dawn il-prattiki frodulenti jiġu evitati. Minn din il-perspettiva, u biex l-awtoritajiet kompetenti jkunu jistgħu jirreġistraw u jikkontrollaw aħjar l-istampar, id-distribuzzjoni u l-użu ta' tikketti uffiċjali individwali mill-operaturi, u biex jiġu segwiti l-lottijiet taż-żrieragħ, is-sigurtà tat-tikketti uffiċjali għandha tiżdied bl-introduzzjoni ta' numru tas-serje assenjat uffiċjalment fuq dawk it-tikketti uffiċjali. |
(3) |
Din id-Deċiżjoni u d-Direttiva ta' Implimentazzjoni tal-Kummissjoni (UE) 2016/317 (8) għandhom jibdew japplikaw mill-istess data biex ikun żgurat trattament ugwali rigward ir-rekwiżiti għall-utenti kollha tat-tikketti rilevanti. Għaldaqstant, din id-Deċiżjoni għandha tapplika mill-1 ta' April 2017. |
(4) |
Għalhekk id-Deċiżjoni 2004/842/KE tiġi emendata skont dan. |
(5) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Emenda għad-Deċiżjoni 2004/842/KE
Fl-Artikolu 9(2) tad-Deċiżjoni 2004/842/KE, jiddaħħal il-paragrafu (aa) li ġej:
“(aa) |
in-numru tas-serje assenjat uffiċjalment,”. |
Artikolu 2
Destinatarji
Din id-Deċiżjoni hija indirizzata lill-Istati Membri.
Artikolu 3
Data tal-applikazzjoni
Din id-Deċiżjoni tapplika mill-1 ta' April 2017.
Magħmul fi Brussell, it-3 ta' Marzu 2016.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU 125, 11.7.1966, p. 2298/66.
(2) ĠU 125, 11.7.1966, p. 2309/66.
(3) ĠU L 193, 20.7.2002, p. 12.
(4) ĠU L 193, 20.7.2002, p. 33.
(5) ĠU L 193, 20.7.2002, p. 60.
(6) ĠU L 193, 20.7.2002, p. 74.
(7) Id-Deċiżjoni tal-Kummissjoni 2004/842/KE tal-1 ta' Diċembru 2004 rigward l-implimentar ta' regolamentazzjoni li biha l-Istati Membri jistgħu jawtorizzaw it-tqegħid fis-suq ta' żerriegħa li tappartjeni għal varjetajiet li għalihom ġiet sottomessa applikazzjoni għad-dħul fil-katalogu nazzjonali ta' varjetajiet ta' speċi ta' pjanti agrikoli jew speċi veġetali (ĠU L 362, 9.12.2004, p. 21).
(8) Direttiva ta' Implimentazzjoni tal-Kummissjoni (UE) 2016/317 tat-3 ta' Marzu 2016 li temenda d-Direttivi tal-Kunsill 66/401/KEE, 66/402/KEE, 2002/54/KE, 2002/55/KE, 2002/56/KE u 2002/57/KE dwar it-tikketta uffiċjali tal-pakketti taż-żerriegħa (Ara paġna 72 ta' dan il-Ġurnal Uffiċjali).