This document is an excerpt from the EUR-Lex website
Document 32013D0090
2013/90/EU: Commission Implementing Decision of 18 February 2013 approving the plan for the eradication of classical swine fever in feral pigs and the emergency vaccination of such pigs in certain areas of Latvia (notified under document C(2013) 720)
2013/90/UE: Deċiżjoni ta’ Implimentazzjoni tal-Kummissjoni tat- 18 ta’ Frar 2013 li tapprova l-pjan għall-eradikazzjoni tad-deni klassiku tal-ħnieżer fil-ħanżir salvaġġ u t-tilqim ta’ emerġenza ta’ dawn il-ħnieżer f’ċerti żoni fil-Latvja (notifikata bid-dokument numru C(2013) 720)
2013/90/UE: Deċiżjoni ta’ Implimentazzjoni tal-Kummissjoni tat- 18 ta’ Frar 2013 li tapprova l-pjan għall-eradikazzjoni tad-deni klassiku tal-ħnieżer fil-ħanżir salvaġġ u t-tilqim ta’ emerġenza ta’ dawn il-ħnieżer f’ċerti żoni fil-Latvja (notifikata bid-dokument numru C(2013) 720)
ĠU L 47, 20.2.2013, p. 70–71
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 13/07/2021; Imħassar b' 32020R0687
|
20.2.2013 |
MT |
Il-Ġurnal Uffiċjali tal-Unjoni Ewropea |
L 47/70 |
DEĊIŻJONI TA’ IMPLIMENTAZZJONI TAL-KUMMISSJONI
tat-18 ta’ Frar 2013
li tapprova l-pjan għall-eradikazzjoni tad-deni klassiku tal-ħnieżer fil-ħanżir salvaġġ u t-tilqim ta’ emerġenza ta’ dawn il-ħnieżer f’ċerti żoni fil-Latvja
(notifikata bid-dokument numru C(2013) 720)
(It-test bil-Latvjan biss huwa awtentiku)
(2013/90/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2001/89/KE tat-23 ta’ Ottubru 2001 dwar il-miżuri tal-Komunità għall-kontroll tal-marda tal-infafet vesikolari (deni klassiku) tal-ħnieżer (1), u b’mod partikolari t-tieni sottoparagrafu tal-Artikolu 16(1) u r-raba’ sottoparagrafu tal-Artikolu 20(2) tiegħu,
Billi:
|
(1) |
Id-Direttiva 2001/89/KE tintroduċi l-miżuri minimi tal-Unjoni għall-kontroll tad-deni klassiku tal-ħnieżer, inklużi dawk li għandhom jiġu applikati jekk tiġi kkonfermata l-preżenza tad-deni klassiku tal-ħnieżer fil-ħnieżer slavaġ. |
|
(2) |
Il-Latvja kkonfermat il-preżenza tad-deni klassiku tal-ħnieżer fil-ħnieżer slavaġ f’Novembru 2012, fin-naħa tal-Lvant tat-territorju tagħha, mal-fruntiera tagħha mar-Russja u l-Belarus. |
|
(3) |
Wara li nstabu xi każi ta’ din il-marda fost iċ-ċingjali f’Novembru 2012, fl-istess żona ġew ikkonfermati wkoll tifqigħat tad-deni klassiku tal-ħnieżer f’xi rziezet żgħar. |
|
(4) |
Il-Latvja adottat il-miżuri biex il-marda tiġi kkontrollata kif stipulat fid-Direttiva 2001/89/KE, u dawn wasslu għall-eradikazzjoni tal-marda minn dawn l-irziezet. |
|
(5) |
Fid-dawl tal-qagħda epidemjoloġika, fil-15 ta’ Jannar 2013, b’konformità mad-Direttiva 2001/89/KE, il-Latvja bagħtet pjan għall-eradikazzjoni tad-deni klassiku tal-ħnieżer fiż-żona kkonċernata ta’ dak l-Istat Membru lill-Kummissjoni. Barra minn hekk, billi l-Latvja biħsiebha tintroduċi t-tilqim għall-ħnieżer slavaġ, fl-istess data ressqet pjan ta’ tilqim quddiem il-Kummissjoni għall-approvazzjoni tagħha. |
|
(6) |
Dawn il-pjanijiet imressqa mill-Latvja ġew eżaminati mill-Kummissjoni u nstab li huma konformi mad-Direttiva 2001/89/KE. |
|
(7) |
Għal raġunijiet ta’ trasparenza, jixraq li f’din id-Deċiżjoni jiġu stabbiliti ż-żoni ġeografiċi tal-Latvja fejn għandu jiġi implimentat il-pjan ta’ qerda u fejn għandu jsir it-tilqim tal-ħnieżer slavaġ. |
|
(8) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
Il-pjan imressaq mil-Latvja fil-15 ta’ Jannar 2013 għall-qerda tad-deni klassiku tal-ħnieżer fiż-żoni msemmija fil-Parti 1 tal-Anness huwa approvat.
Artikolu 2
Il-pjan imressaq mil-Latvja fil-15 ta’ Jannar 2013 għat-tilqim b’emerġenza tal-ħnieżer slavaġ fiż-żoni msemmija fil-Parti 2 tal-Anness huwa approvat.
Artikolu 3
Il-Latvja trid iddaħħal fis-seħħ il-liġijiet, ir-regolamenti u d-dispożizzjonijiet amministrattivi għall-implimentazzjoni tal-pjanijiet imsemmijin fl-Artikoli 1 u 2.
Artikolu 4
Din id-Deċiżjoni hija indirizzata lir-Repubblika tal-Latvja.
Magħmul fi Brussell, it-18 ta’ Frar 2013.
Għall-Kummissjoni
Tonio BORG
Membru tal-Kummissjoni
(1) ĠU L 316, 1.12.2001, p. 5.
ANNESS
PARTI 1
Iż-żoni koperti mill-pjan ta’ qerda
Fil-komun ta’ Alūksnes, id-distretti ta’ Pededzes u ta’ Liepnas. Fil-komun ta’ Rēzeknes, id-distretti ta’ Pušas, ta’ Mākoņkalna u ta’ Kaunatas. Fil-komun ta’ Daugavpils, id-distretti ta’ Dubnas, ta’ Višķu, ta’ Ambeļu, ta’ Biķernieku, ta’ Maļinovas, ta’ Naujenes, ta’ Tabores, ta’ Vecsalienas, ta’ Salienas, ta’ Skrudalienas, ta’ Demenes u ta’ Laucesas. Fil-komun ta’ Balvu, id-distretti ta’ Vīksnas, ta’ Kubuļu, ta’ Balvu, ta’ Bērzkalnes, ta’ Lazdulejas, ta’ Briežuciema, ta’ Vectilžas, ta’ Tilžas, ta’ Krišjāņu u ta’ Bērzpils. Fil-komun ta’ Rugāju, id-distretti ta’ Rugāju u ta’ Lazdukalna. Fil-komun ta’ Viļakas, id-distretti ta’ Žiguru, ta’ Vecumu, ta’ Kupravas, ta’ Susāju, ta’ Medņevas u ta’ Šķilbēnu. Fil-komun ta’ Baltinavas, id-distrett ta’ Baltinavas. Fil-komun ta’ Kārsavas, id-distretti ta’ Salnavas, ta’ Malnavas, ta’ Goliševas, ta’ Mērdzenes u ta’ Mežvidu. Fil-komun ta’ Ciblas, id-distretti ta’ Pušmucovas, ta’ Līdumnieku, ta’ Ciblas, ta’ Zvirgzdenes u ta’ Blontu. Fil-komun ta’ Ludzas, id-distretti ta’ Ņukšu, ta’ Briģu, ta’ Isnaudas, ta’ Nirzas, ta’ Pildas, ta’ Rundēnu u ta’ Istras. Fil-komun ta’ Zilupes, id-distretti ta’ Zaļesjes, ta’ Lauderu u ta’ Pasienes. Fil-komun ta’ Dagdas, id-distretti ta’ Andzeļu, ta’ Ezernieku, ta’ Šķaunes, ta’ Svariņu, ta’ Bērziņu, ta’ Ķepovas, ta’ Asūnes, ta’ Dagdas, ta’ Konstantinovas u ta’ Andrupenes. Fil-komun ta’ Aglonas, id-distretti ta’ Kastuļinas, ta’ Grāveru, ta’ Šķeltovas u ta’ Aglonas. Fil-komun ta’ Krāslavas, id-distretti ta’ Aulejas, ta’ Kombuļu, ta’ Skaistas, ta’ Robežnieku, ta’ Indras, ta’ Piedrujas, ta’ Kalniešu, ta’ Krāslavas, ta’ Kaplavas, ta’ Ūdrīšu u ta’ Izvaltas.
PARTI 2
Iż-żoni koperti mill-pjan tilqim ta’ emerġenza
Fil-komun ta’ Alūksnes, id-distretti ta’ Pededzes u ta’ Liepnas. Fil-komun ta’ Rēzeknes, id-distretti ta’ Pušas, ta’ Mākoņkalna u ta’ Kaunatas. Fil-komun ta’ Daugavpils, id-distretti ta’ Dubnas, ta’ Višķu, ta’ Ambeļu, ta’ Biķernieku, ta’ Maļinovas, ta’ Naujenes, ta’ Tabores, ta’ Vecsalienas, ta’ Salienas, ta’ Skrudalienas, ta’ Demenes u ta’ Laucesas. Fil-komun ta’ Balvu, id-distretti ta’ Vīksnas, ta’ Kubuļu, ta’ Balvu, ta’ Bērzkalnes, ta’ Lazdulejas, ta’ Briežuciema, ta’ Vectilžas, ta’ Tilžas, ta’ Krišjāņu u ta’ Bērzpils. Fil-komun ta’ Rugāju, id-distretti ta’ Rugāju u ta’ Lazdukalna. Fil-komun ta’ Viļakas, id-distretti ta’ Žiguru, ta’ Vecumu, ta’ Kupravas, ta’ Susāju, ta’ Medņevas u ta’ Šķilbēnu. Fil-komun ta’ Baltinavas, id-distrett ta’ Baltinavas. Fil-komun ta’ Kārsavas, id-distretti ta’ Salnavas, ta’ Malnavas, ta’ Goliševas, ta’ Mērdzenes u ta’ Mežvidu. Fil-komun ta’ Ciblas, id-distretti ta’ Pušmucovas, ta’ Līdumnieku, ta’ Ciblas, ta’ Zvirgzdenes u ta’ Blontu. Fil-komun ta’ Ludzas, id-distretti ta’ Ņukšu, ta’ Briģu, ta’ Isnaudas, ta’ Nirzas, ta’ Pildas, ta’ Rundēnu u ta’ Istras. Fil-komun ta’ Zilupes, id-distretti ta’ Zaļesjes, ta’ Lauderu u ta’ Pasienes. Fil-komun ta’ Dagdas, id-distretti ta’ Andzeļu, ta’ Ezernieku, ta’ Šķaunes, ta’ Svariņu, ta’ Bērziņu, ta’ Ķepovas, ta’ Asūnes, ta’ Dagdas, ta’ Konstantinovas u ta’ Andrupenes. Fil-komun ta’ Aglonas, id-distretti ta’ Kastuļinas, ta’ Grāveru, ta’ Šķeltovas u ta’ Aglonas. Fil-komun ta’ Krāslavas, id-distretti ta’ Aulejas, ta’ Kombuļu, ta’ Skaistas, ta’ Robežnieku, ta’ Indras, ta’ Piedrujas, ta’ Kalniešu, ta’ Krāslavas, ta’ Kaplavas, ta’ Ūdrīšu u ta’ Izvaltas.