24.12.2008   

MT

Il-Ġurnal Uffiċjali ta’ l-Unjoni Ewropea

L 348/76

(1)

Ir-Regolament (KE) Nru 104/2000 jipprovdi l-possibbiltà li jiġu adottati standards komuni tal-kummerċjalizzazzjoni tal-prodotti tas-sajd fil-Komunità, partikolarment biex jiffaċilita n-negozju bbażat fuq kompetizzjoni ġusta. Dawn l-istandards jistgħu, b’mod partikolari, ikopru t-tikkettar.

(2)

Ir-Regolament tal-Kunsill (KEE) Nru 2136/89 (2) jistabbilixxi standards komuni tal-kummerċjalizzazzjoni tas-sardin ippriservat kif ukoll deskrizzjonijiet kummerċjali tas-sardin ippriservat u tal-prodotti tat-tip tas-sardin fil-Komunità.

(3)

Il-varjetà wiesgħa tal-provvista ta’ prodotti ppriservati li jitqiegħdu fis-suq u li huma ppreżentati fil-Komunità bl-istess mod bħala sardin ippriservat, għandha tipprovdi lill-konsumaturi l-informazzjoni suffiċjenti dwar l-identità u l-karatteristiċi ewlenin tal-prodott. Għalhekk huwa neċessarju li r-regoli attwali dwar id-deskrizzjonijiet kummerċjali tal-prodotti ppriservati li jitqiegħdu fis-suq u li huma ppreżentati bl-istess mod bħala sardin ippriservat fil-Komunità, jiġu emendati.

(4)

L-istandard tal-Codex Alimentarius Codex STAN94, kif ġie rivedut fl-2007, kif ukoll il-kundizzjonijiet partikolari fis-suq tal-Komunità għandhom jitqiesu għal dak il-għan.

(5)

Fl-interess tat-trasparenza tas-suq, tal-kompetizzjoni ġusta u tal-għażla varjata, hu neċessarju li mal-ispeċijiet awtorizzati fil-preparazzjoni tal-prodotti tat-tip tas-sardin, tiżdied ukoll l-ispeċi Strangomera bentincki.

(6)

Sabiex titjieb l-identifikazzjoni ta’ kull prodott tat-tip tas-sardin, l-isem xjentifiku tal-ispeċi u ż-żona ġeografika ta’ fejn inqabdet l-ispeċi għandhom jintużaw bħala termini ta’ kwalifika.

(7)

Il-ħtiġijiet stabbiliti f’dan ir-Regolament għandhom ikunu applikati bla ħsara għad-Direttiva 2000/13/KE tal-Parlament Ewropew u tal-Kunsill tal-20 ta’ Marzu 2000 fuq l-approsimazzjoni ta’ liġijiet ta’ l-Istati Membri li għandhom x’jaqsmu ma’ tikkettjar, preżentazzjoni u riklamar ta’ oġġetti ta’ l-ikel (3).

(8)

Ir-Regolament (KEE) Nru 2136/89 għandu għaldaqstant jiġi emendat skont dan.

(9)

Sabiex l-operaturi jkunu jistgħu jadattaw għar-rekwiżiti l-ġodda, għandu jkun hemm perjodu ta’ tranżizzjoni biex il-prodotti li jridu joqogħdu għall-verżjoni attwali tar-Regolament (KEE) Nru 2136/89 jitqiegħdu fis-suq.

(10)

Il-Kumitat ta’ Ġestjoni għall-Prodotti tas-Sajd ma tax opinjoni fil-perjodu stipulat mill-President tiegħu.

(1)

Fl-Artikolu 1a (2) għandu jiżdied il-punt li ġej:

(2)

L-Artikolu 7a għandu jinbidel b’dan li ġej:

Artikolu 7a

1.   Bla ħsara għad-Direttiva 2000/13/KE, prodotti ppriservati tat-tip tas-sardin jistgħu jitqiegħdu fis-suq tal-Komunità taħt deskrizzjoni kummerċjali li tikkonsisti fil-kelma “sardin” magħquda flimkien mal-isem xjentifiku tal-ispeċi u maż-żona ġeografika fejn l-ispeċi nqabdet.

2.   Kull fejn id-deskrizzjoni kummerċjali provduta fil-paragrafu 1 tkun immarkata fuq il-kontenitur ta’ prodott ippriservat tat-tip tas-sardin, għandha tkun tidher ċara u b’mod distint.

3.   L-isem xjentifiku għandu jinkludi l-ismijiet bil-Latin tal-ġeneru u tal-ispeċi fil-każi kollha.

4.   Iż-żona ġeografika għandha tkun indikata b’wieħed mill-ismijiet imniżżlin fl-ewwel kolonna tal-Anness, fil-qies tal-identifikatur korrispondenti taż-żona li jingħata fit-tieni kolonna tal-Anness.

5.   Speċi waħda biss għandha titqiegħed fis-suq taħt deskrizzjoni kummerċjali waħda.