31.12.2008   

MT

Il-Ġurnal Uffiċjali ta’ l-Unjoni Ewropea

1

(1)

Il-Kummissjoni nnegozjat f'isem il-Komunità l-Konvenzjoni Ewropea għall-protezzjoni ta' l-annimali matul it-trasport internazzjonali.

(2)

Soġġett għall-konklużjoni eventwali tagħha f'data aktar tard, il-Konvenzjoni Ewropea għall-protezzjoni ta' l-annimali matul it-trasport internazzjonali, li hija miftuħa għall-iffirmar sa mill-5 ta' Novembru 2003, għandha tiġi ffirmata,

31.12.2008   

MT

Il-Ġurnal Uffiċjali ta’ l-Unjoni Ewropea

2

(1)

Il-Kunsill, bir-Regolament (KE) Nru 1601/1999 (2), impona dazju kumpensatorju definittiv fuq l-importazzjoni ta’ wire ta’ l-istainless steel b’dijametru ta’ inqas minn 1 mm (“il-prodott ikkonċernat”), li jaqa’ taħt il-Kodiċi NM ex 7223 00 19 u li joriġina fl-Indja. Il-miżuri ħadu l-forma ta’ dazju ad valorem li jvarja bejn 0 % u 42,9 % għal esportaturi individwali, b’rata ta’ 44,4 % għal esportaturi li ma kkollaborawx.

(2)

Wara l-imposizzjoni ta’ miżuri definittivi, il-Kummissjoni rċeviet talba għall-bidu ta’ reviżjoni aċċelerata tar-Regolament (KE) Nru 1601/1999, skond l-Artikolu 20 tar-Regolament bażiku, mingħand produttur Indjan, VSL Wires Limited (“l-applikant”). L-applikant iddikjara li ma kellux rabtiet ma’ esportaturi oħrajn tal-prodott ikkonċernat fl-Indja. Barra minn dan, huwa iddikjara li ma kienx esporta l-prodott ikkonċernat matul il-perijodu oriġinali ta’ investigazzjoni (jiġifieri mill-1 ta’ April 1997 sal-31 ta’ Marzu 1998), iżda kien esporta l-prodott ikkonċernat lejn il-Komunità wara dan il-perijodu. Abbażi ta’ dan ta’ hawn fuq, huwa talab li tiġi stabbilita rata ta’ dazju individwali għalih.

(3)

Il-Kummissjoni eżaminat l-evidenza mressqa mill-applikant u qisitha biżżejjed biex tiġġustifika l-bidu ta’ reviżjoni skond id-dispożizzjonijiet ta’ l-Artikolu 20 tar-Regolament bażiku. Wara konsultazzjoni mal-Kumitat Konsultattiv u wara li l-industrija Komunitarja kkonċernata ngħatat l-opportunità li tikkummenta, il-Kummissjoni bdiet, b’notifika fil-Ġurnal Uffiċjali (3), reviżjoni aċċelerata tar-Regolament (KE) Nru 1601/1999 fir-rigward tal-kumpannija kkonċernata u bdiet l-investigazzjoni tagħha.

(4)

Il-prodott kopert mir-reviżjoni attwali huwa l-istess prodott bħal dak ikkunsidrat fir-Regolament (KE) Nru 1601/1999, jiġifieri wire ta’ l-istainless steel li għandu dijametru ta’ inqas minn 1mm, u li fih piż ta' 2,5 % jew iżjed ta' nîkil, eskluż il-wire li fih 28 % jew iżjed iżda mhux aktar minn 31 % ta’ nîkil skond il-piż u 20 % jew iżjed iżda mhux aktar minn 22 % ta’ kromju.

(5)

L-investigazzjoni tas-sussidju kopriet l-perijodu mill-1 ta’ April 2002 sal-31 ta’ Marzu 2003 (“il-perijodu ta’ l-investigazzjoni ta'reviżjoni”).

(6)

Il-Kummissjoni għarrfet uffiċjalment lill-applikant u lill-Gvern ta’ l-Indja (GtI) bil-bidu tal-proċedura. Barra minn dan, hija tat l-opportunità lill-partijiet oħrajn direttament ikkonċernati biex jesprimu l-opinjonijiet tagħhom bil-miktub u li jitolbu smigħ. Madankollu, l-Kummissjoni ma rċeviet l-ebda opinjoni jew talba għal smigħ.

(7)

Il-Kummissjoni bagħtet kwestjonarju lill-applikant u rċeviet risposta sħiħa fl-iskadenza meħtieġa. Il-Kummissjoni fittxet u vverifikat l-informazzjoni kollha li dehrilha li kienet meħtieġa għall-fini ta’ l-investigazzjoni u għamlet żjara ta’ verifika fil-proprjetà ta’ l-applikant.

(8)

Billi ma kien hemm l-ebda talba mill-applikant għal reviżjoni tas-sejbiet ta’ ħsara, ir-reviżjoni kienet limitata għas-sussidju.

(9)

Il-Kummissjoni eżaminat l-istess skemi ta’ sussidju li kienu analizzati fl-investigazzjoni oriġinali. Hija eżaminat ukoll jekk l-applikant kienx uża xi skemi ta’ sussidju li fl-ilment oriġinali kienu allegati li jikkonferixxu benefiċċji iżda li nstab li ma ntużawx waqt l-investigazzjoni oriġinali.

Finalment ġie eżaminat jekk l-applikant għamilx użu minn skemi ta’ sussidju li kienu stabbiliti wara t-tmiem tal-perijodu ta’ l-investigazzjoni oriġinali, jew jekk irċeviex sussidji ad hoc wara din id-data.

(10)

L-applikant kien kapaċi juri b’mod suffiċjenti li fir-rigward tal-prodott ikkonċernat, huwa ma kellu l-ebda relazzjoni, diretta jew indiretta, ma’ xi produttur Indjan li jesporta soġġett għall-miżuri kumpensatorji.

(11)

L-investigazzjoni kkonfermat li l-applikant ma kienx esporta l-prodott ikkonċernat matul il-perijodu ta’ l-investigazzjoni oriġinali, jiġifieri mill-1 ta’ April 1997 sal-31 ta’ Marzu 1998.

(12)

Ġie stabbilit li l-applikant kien biegħ darba waħda biss fil-Komunità u dan seħħ f’Awissu 2001, jiġifieri wara l-perijodu ta’ investigazzjoni oriġinali iżda ħafna qabel il-perijodu ta’ l-investigazzjonijiet ta’ reviżjoni.

(13)

Fir-risposta għall-kwestjonarju, l-applikant identifika kuntratt wieħed biss li kien ġie ffirmat waqt il-perijodu ta’ l-investigazzjoni ta’ reviżjoni, iżda l-verifika fuq il-post ikkonfermat li l-bejgħ qatt ma twettaq. Konsegwentement, ma kien hemm l-ebda obbligu kuntrattwali irrevokabbli mill-applikant sabiex jesporta lejn il-Komunità.

(14)

Madankollu, ta’ min jinnota li l-kumpannija kellha numru sostanzjali ta’ bejgħ għall-esportazzjoni lejn pajjiżi oħra waqt il-perijodu ta’ l-investigazzjoni ta' reviżjoni, li ppermettew li jiġi kkalkolat il-benefiċċju li sar mis-sussidju miżjud għal bejgħ għall-esportazzjoni, billi benefiċċji bħal dawn jiżdiedu tkun xi tkun id-destinazzjoni ta’ dan il-bejgħ.

F’dan ir-rigward, il-Kummissjoni ddeċidiet li tivverifika l-informazzjoni kollha li qieset meħtieġa għall-fini ta’ l-investigazzjoni tar-reviżjoni aċċelerata sabiex jiġi kkalkulat kwalunkwe ammont ta’ sussidju ibbilanċjat billi talloka dak l-ammont ’il fuq mil-livell tal-qligħ totali rilevanti ta’ l-applikant matul il-perijodu ta’ l-investigazzjoni ta’reviżjoni.

(15)

Abbażi ta’ l-informazzjoni li tinsab fir-risposta ta’ l-applikant għall-kwestjonarju tal-Kummissjoni, ġew investigati l-iskemi li ġejjin:

(16)

Ġie stabbilit li l-applikant irċieva benefiċċji taħt din l-iskema waqt il-perijodu ta’ l-investigazzjoni ta’ reviżjoni. Huwa għamel użu mid-DEPB fuq bażi ta’ post-esportazzjoni. Id-deskrizzjoni dettaljata ta’ l-iskema tinsab fil-paragrafu 4(3) tal-Polza ta’ l-Importazzjoni u l-Esportazzjoni (Notifika Nru 1/2002-07 tal-31 ta’ Marzu 2002 mill-Ministeru tal-Kummerċ u l-Industrija tal-Gvern ta’ l-Indja).

Skond din l-iskema, kull esportatur eliġibbli jista’ japplika għal krediti li huma kkalkulati bħala perċentwali tal-valur tal-prodotti esportati bħala lesti. Dawn ir-rati ta’ DEPB ġew stabbiliti għall-maġġoranza tal-prodotti mill-awtoritajiet Indjani, inkluż il-prodott ikkonċernat, abbażi tan-Normi Standard ta' Input/Output (SION). Awtomatikament tinħareġ liċenzja li tiddikjara l-ammont ta’ kreditu mogħti.

Id-DEPB fuq bażi ta’ wara l-esportazzjoni tippermetti l-użu ta’ dawn il-krediti għal kwalunkwe esportazzjoni sussegwenti (eż. materja prima jew oġġetti kapitali) ħlief dik il-merkanzija li għandha importazzjoni ristretta jew ipprojbita. Dawn l-oġġetti importati jistgħu jinbiegħu biss fis-suq domestiku (soġġett għal taxxa fuq il-bejgħ) jew użati mod ieħor.

Il-krediti tad-DEPB huma trasferibbli liberament. Il-liċenzja għad-DEPB hija valida għal perijodu ta’ 12-il xahar mid-data tal-ħruġ tal-liċenzja.

(17)

Il-karatteristiċi tad-DEPB ma nbidlux mill-investigazzjoni oriġinali lil hawn. L-iskema hija ta’ sussidju kkondizzjonata fil-liġi fuq it-twettiq ta’ l-esportazzjoni, u għalhekk waqt l-investigazzjoni oriġinali, kien iddeterminat li hija titqies bħala speċifika u kompensatorja skond l-Artikolu 3(4)(a) tar-Regolament bażiku.

(18)

Ġie stabbilit li l-applikant ittrasferixxa l-krediti kollha tad-DEPB lill-kumpannija konnessa miegħu Viraj Alloys Ltd. L-istess prattika ġiet segwita wkoll minn tliet kumpanniji oħrajn ta’ l-applikant, jiġifieri Viraj Forgings Ltd, Viraj Impoexpo Ltd u Viraj Profiles Ltd. L-investigazzjoni kkonfermat li Viraj Alloys Ltd pprovdiet il-materja prima tal-kumpanniji msemmijin aktar qabel u użat il-krediti tad-DEPB li kienu ttrasferiti lilha biex timporta mingħajr dazju.

Barra minn dan, ġie stabbilit li l-esportazzjonijiet tal-prodott ikkonċernat saru permezz ta’ diversi kumpanniji relatati. Meta jitqies li s-sidien ta’ l-applikant jikkontrollaw dawn il-kumpanniji relatati kollha permezz ta’ sistema estensiva ta’ proprjetà f'ishma, u li l-kumpanniji relatati huma involuti f’ċerti aspetti tal-manifattura u d-distribuzzjoni tal-prodott ikkonċernat, kien ikkunsidrat adatt li dawn il-kumpanniji jiġu trattati bħala riċevent wieħed tal-benefiċċju.

Għalhekk, l-ammont tas-sussidju taħt l-iskema DEPB kien ibbażat fuq l-ammont totali ta’ kreditu fil-liċenzji mogħtija kemm lill-applikant kif ukoll lill-kumpanniji relatati miegħu. Meta jkun ikkunsidrat li s-sussidju ma ngħatax skond l-ammonti esportati, l-ammont ta’ sussidju kien allokat fuq id-dħul totali mill-esportazzjoni mill-applikant u l-kumpanniji relatati miegħu skond id-disposizzjonijiet ta’ l-Artikolu 7(2) tar-Regolament bażiku.

Bħala konklużjoni, il-VSL Wires Limited ibbenefikat minn din l-iskema waqt il-perijodu ta’ l-investigazzjoni ta’ reviżjoni u akkwistat sussidji ta’ 12,7 %.

(19)

Ġie stabbilit li l-applikant irċieva benefiċċji taħt din l-iskema b’mod partikolari taħt it-Taqsima 80HHC ta’ l-Att Indjan dwar id-Dħul.

L-Att Indjan dwar it-Taxxa tad-Dħul ta’ l-1961 jistabbilixxi l-bażi għall-eżenzjonijiet fuq il-ġbir ta’ taxxi li jistgħu jintalbu mill-kumpanniji. Fost l-eżenzjonijiet li jistgħu jintalbu hemm dawk trattati mit-Taqsimiet 10A (applikabbli għal kumpanniji li jinsabu f’Żoni ta’ Kummerċ Ħieles), 10B (applikabbli għal kumpanniji li huma Unitajiet Orjentati lejn l-Esportazzjoni) u 80HHC (applikabbli għal kumpanniji li jesportaw merkanzija) ta’ l-Att. Biex tibbenefika mill-ITES, kumpannija trid tagħmel it-talba rilevanti meta tkun qed tippreżenta l-prospett tat-taxxa lill-Awtoritajiet tat-Taxxa. Is-sena tat-taxxa hi bejn l-1 ta’ April sal-31 ta’ Marzu u l-prospett tat-taxxa għandu jiġi ppreżentat sat-30 ta’ Novembru tas-sena ta’ wara. F’dan il-każ, il-perijodu ta’ l-investigazzjoni ta’ reviżjoni ħabat mas-sena tat-taxxa u dik finanzjarja ta' l-1 ta’ April 2002 sal-31 ta’ Marzu 2003.

(20)

Il-karatteristiċi ta’ l-ITES ma nbidlux mill-investigazzjoni originali. Waqt l-investigazzjoni oriġinali, ġie stabbilit li l-ITES hija sussidju kumpensatorju għax l-GtI jagħti kontribuzzjoni finanzjarja lill-kumpannija billi jċedi d-dħul tal-gvern fil-forma ta’ taxxi diretti fuq il-qligħ mill-esportazzjonijiet li kieku jkun dovut jekk il-kumpannija ma tiddikjarax eżenzjonijiet fuq it-taxxa tad-dħul. Madankollu, taħt it-Taqsima 80HHC instab li l-ITES qed tiġi gradwalment abolita mis-sena finanzjarja 2000-2001 sas-sena finanzjarja 2004-2005 meta l-ebda profitt mill-esportazzjoni ma jkun eżentat mit-taxxa tad-dħul. Waqt il-perijodu ta’ l-investigazzjoni ta’ reviżjoni, 50 % biss tal-profitti miksubin mill-esportazzjonijiet kienu eżentati mit-taxxa tad-dħul

(21)

Is-sussidju huwa kkondizzjonat fil-liġi fuq il-prestazzjoni ta’ esportazzjoni fit-tifsira ta’ l-Artikolu 3(4)(a) tar-Regolament bażiku, peress li dan jeżenta l-profitti mill-bejgħ għall-esportazzjonijiet biss, u għalhekk jitiqes bħala speċifiku.

(22)

Il-benefiċċju lill-applikant ġie ikkalkulat abbażi tad-differenza bejn l-ammont ta’ taxxi normalment dovuti bil-benefiċċju ta’ l-eżenzjoni u mingħajru matul il-perijodu ta’ l-investigazzjoni ta’ reviżjoni. Ir-rata tat-taxxa tad-dħul, inkluż it-taxxa korporattiva biż-żieda ta’ soprataxxa, applikabbli waqt dan il-perijodu kienet ta’ 36,75 %. Sabiex ikun stabbilit il-benefiċċju sħiħ lill-applikant u billi t-tliet kumpanniji relatati ma’ l-applikant ukoll esportaw il-prodott ikkonċernat waqt il-perijodu ta’ l-investigazzjoni ta’ reviżjoni (ara l-premessa (18) hawn fuq), l-ammont ta’ sussidju ġie stabbilit meta jitqiesu ta’ l-eżenzjonijiet mit-taxxa tad-dħul skond it-Taqsima 80HHC ta’ l-applikant, Viraj Forgings Ltd, Viraj Impoexpo Ltd u Viraj Profiles Ltd. Meta ikun ikkunsidrat li s-sussidju ma ngħatax skond il-kwantitajiet esportati, l-ammont ta’ sussidju ġie allokat fuq id-dħul totali mill-esportazzjoni mill-applikant u l-kumpanniji relatati miegħu skond id-disposizzjonijiet ta’ l-Artikolu 7(2) tar-Regolament bażiku. Abbażi ta' dan, ġie stabbilit li taħt din l-iskema, VSL Wires Limited ħadet sussidji ta’ 1,4 %.

(23)

Ġie stabbilit li l-applikant m’għamilx użu mill-EPCGS.

(24)

Ġie stabbilit li l-applikant ma kienx jinsab f’EPZ u ma kienx EOU u, għalhekk, ma għamilx użu mill-iskema.

(25)

Ġie stabbilit li l-applikant la kien uża skemi ġodda ta’ sussidju li ġew stabbiliti wara t-tmiem tal-perijodu ta’ investigazzjoni oriġinali, u lanqas irċieva xi sussidji ad hoc wara din id-data.

(26)

Meta jitqiesu r-riżultati definittivi relatati mad-diversi skemi kif imniżżlin hawn fuq, l-ammont ta’ sussidji kumpensatorji għall-applikant hu kif ġej:

(27)

Abbażi tas-sejbiet magħmulin waqt l-investigazzjoni, huwa kkunsidrat li l-importazzjonijiet fil-Komunità ta’ wire ta’ l-istainless steel li għandhom dijametru ta' inqas minn 1mm maħdum u esportat minn VSL Wires Limited għandu jkun soġġett għal livell ta’ dazju kumpensatorju korrispondenti għal ammonti individwali ta’ sussidji stabbiliti għal din il-kumpannija waqt il-perijodu ta’ l-investigazzjoni ta’ reviżjoni.

(28)

Għalhekk ir-Regolament (KE) Nru 1601/1999 għandu jiġi emendat kif meħtieġ.

(29)

Il-Kummissjoni infurmat lill-applikant u lill-GtI bil-fatti u l-konsiderazzjonijiet essenzjali li abbażi tagħhom kellha l-intenzjoni li tipproponi li jkun emendat ir-Regolament tal-Kunsill (KE) Nru 1601/1999. Huma ngħataw ukoll perijodu ta’ żmien raġjonevoli biex jikkummentaw.

(30)

Fir-risposta tiegħu għall-iżvelar, l-applikant iddikjara li d-DEPB wara l-esportazzjoni hija skema ta’ sostituzzjoni ta’ remissjoni/rifużjoni li kienet ivvalutata ħażin mill-Kummissjoni f’termini ta’ l-estensjoni tas-sussidju u l-ammont ta’ benefiċċju kompensatorju. Huwa argumenta li l-valutazzjoni tal-Kummissjoni tal-benefiċċji taħt din l-iskema kienet inkoretta billi dak id-dazju rifondibbli żejjed biss seta’ jkun ikkunsidrat bħala sussidju u li l-operazzjonijiet prattiċi tas-sistema ma kinux investigati mill-Kummissjoni.

Il-Kummissjoni kkonkludiet ripetutament (ara per eżempju r-Regolament tal-Kunsill (KE) Nru 1338/2002 (4) u b’mod partikulari l-premessi (14) sa (20)) li d-DEPB wara l-esportazzjoni m’hijiex skema ta’ rifużjoni jew ta’ rifużjoni ta’ sostituzzjoni billi ma tikkonforma ma’ l-ebda dispożizzjoni ta’ l-Annessi I sa III tar-Regolament bażiku konnessi ma’ l-Artikolu 2(1)(ii). L-iskema hija nieqsa minn obbligu intrinsiku, sabiex tiġi importata biss dik il-merkanzija li hija użata fil-produzzjoni tal-merkanzija esportata (l-Anness II tar-Regolament bażiku), li jiżgura li jintlaħqu r-rekwiżiti ta’ l-Anness I(i). Barra minn dan, m’hemmx sistema adatta li tivverifika jekk l-importazzjonijiet kinux attwalment ikkunsmati waqt il-proċess ta’ produzzjoni. Hi wkoll m’hijiex skema ta’ sostituzzjoni ta’ rifużjoni peress li l-merkanzija importata m’għandhiex għaliex ikollha l-istess kwantità u karatteristiċi bħall-merkanzija fornuta lokalment u li kienet użata fil-produzzjoni għall-esportazzjoni (l-Anness III tar-Regolament bażiku). Fl-aħħarnett, produtturi li jesportaw huma eliġibbli għall-benefiċċji tad-DEPB irrispettivament minn jekk jimportawx xi inputs.

Fil-każ ta’ l-applikant, l-investigazzjoni kkonfermat li l-materja prima kienet importata bla dazju minn waħda mill-kumpanniji relatati miegħu billi ntużaw il-krediti trasferribbli kollha tad-DEPB tal-kumpanniji kollha relatati miegħu miksubin permezz ta’ l-esportazzjonijiet ta’ prodotti diversi. Madankollu ma setgħet tiġi stabbilita l-ebda rabta bejn il-krediti ta’ kull kumpannija u l-merkanzija importata mill-unika kumpannija relatata li ngħatalha l-kompitu li timporta l-materja prima. Barra minn dan, ma kien hemm l-ebda sistema ta’ verifika mill-GtI sabiex tikkontrolla liema importazzjonijiet kienu verament ikkunsmati f’liema prodott u minn liema kumpannija. Billi din l-eċċezzjoni għad-definizzjoni ta’ sussidju t’hawn fuq għalhekk ma tapplikax, il-benefiċċju kompensatorju huwa l-ammont ta’ kreditu totali mogħti taħt din l-iskema. Għal dawn ir-raġunijiet it-talba ma tistax tkun aċċettata.

L-applikant saħaq ukoll li “s-servizzi tal-Kummissjoni naqsu milli jisseparaw id-dazji fuq l-importazzjonijiet mill-ispejjeż, bir-riżultat li l-kalkoli tas-sussidju saru inkorretti u esaġerati”. F’dan ir-rigward, għandu jkun innotat li l-applikant intalab minn qabel u abbażi tas-sitwazzjoni deskritta fil-premessa (18) ta' hawn fuq, sabiex jippreżenta kumpilazzjonijiet ta’ krediti tad-DEPB ta’ wara l-esportazzjoni għall-esportazzjonijiet kollha li għamel waqt il-perijodu ta’ l-investigazzjoni ta’ reviżjoni. L-applikant intalab ukoll sabiex jippreżenta l-istess informazzjoni għall-esportazzjonijiet kollha magħmulin mill-kumpanniji relatati miegħu fl-istess perijodu, flimkien mad-dettalji ta’ xi ħlas għal applikazzjonijiet jew xi spejjeż li weħel biex kiseb il-krediti. Madankollu, l-applikant ma rrapurtax dawn id-dettalji u ma kienx f’pożizzjoni li jipprovdi din l-informazzjoni waqt il-verifika fuq il-post. Għalhekk, minħabba n-nuqqas ta’ informazzjoni rilevanti ma seta’ jsir l-ebda aġġustament fuq l-ammont ta’ sussidju għal spejjeż simili kif stabbilit fil-premessa (18) ta' hawn fuq.

(31)

Din ir-reviżjoni ma taffettwax id-data li fiha jiskadi r-Regolament tal-Kunsill (KE) Nru 1601/1999 skond l-Artikolu 18(1) tar-Regolament bażiku,

31.12.2008   

MT

Il-Ġurnal Uffiċjali ta’ l-Unjoni Ewropea

7

(1)

Il-Pożizzjoni Komuni tal-Kunsill 2004/31/PESK (2) tipprovdi għal embargo fuq l-armi, il-munizzjoni u t-tagħmir militari fuq is-Sudan, inkluża projbizzjoni fuq il-fornitura ta' assistenza teknika u finanzjarja relatata ma' l-attivitajiet militari fis-Sudan. Il-projbizzjoni fuq il-fornitura ta' assistenza teknika u finanzjarja relatata ma' l-attivitajiet militari hija implimentata fuq livell Komunitarju bir-Regolament (KE) Nru 131/2004 dwar ċerti miżuri restrettivi dwar is-Sudan (3).

(2)

Fid-dawl ta' żviluppi reċenti fis-Sudan u fir-reġjun, inkluż l-iffirmar fit-8 ta' April 2004 ta' Ftehim Umanitarju ta' Waqfien mill-Ġlied għall-Kunflitt fid-Darfur, u fid-dawl ta' l-iskjerament ippjanat ta' Kummissjoni għall-Waqfien mill-Ġlied immexxija mill-Unjoni Afrikana fis-Sudan, il-Pożizzjoni Komuni 2004/31/PESK ġiet emendata bil-Pożizzjoni Komuni 2004/510/PESK fl-10 ta' Ġunju 2004 billi ġiet ipprovduta eżenzjoni addizzjonali għall-embargo għal operazzjonijiet ta' ġestjoni ta' kriżijiet ta' l-Unjoni Afrikana.

(3)

Dik l-eżenzjoni tapplika wkoll għall-embargo fuq ċerta assistenza finanzjarja u teknika. Ir-Regolament (KE) Nru 131/2004 għandu għalhekk jiġi emendat kif meħtieġ.

(4)

Sabiex jiġi żgurat li l-eżenzjoni ssir effettiva malajr kemm jista' jkun, dan ir-Regolament għandu jidħol fis-seħħ immedjatament u japplika mid-data li fiha ġiet adottata l-Pożizzjoni Komuni 2004/510/PESK,

31.12.2008   

MT

Il-Ġurnal Uffiċjali ta’ l-Unjoni Ewropea

9

(1)

F'konformità mar-Riżoluzzjoni 1483(2003) tal-Kunsill tas-Sigurtà tan-NU, ir-Regolament (KE) Nru 1210/2003 (2) jagħti ċerti immunitajiet minn proċedimenti legali u miżuri ta' infurzar lil ċerti fondi u prodotti bażiċi Iraqqini li ser japplikaw sal-31 ta' Diċembru 2007.

(2)

Ir-Riżoluzzjoni 1546(2004) tal-Kunsill tas-Sigurtà tan-NU tipprovdi li l-immunitajiet applikabbli għall-esportazzjoni mill-Iraq ta' żejt mhux raffinat u għall-Fond ta' l-Iżvilupp għall-Iraq m'għandhomx japplikaw għal deċiżjonijiet finali li jirriżultaw minn obbligi kuntrattwali li jkun daħal għalihom l-Iraq wara t-30 ta' Ġunju 2004.

(3)

Fit-28 ta’ Ġunju 2004 l-Awtoritá Proviżorja ta’ Koalizzjoni ma baqgħetx teżisti u l-Iraq reġa’ asserixxa s-sovranità sħiħa tiegħu.

(4)

Il-Pożizzjoni Komuni 2004/553/PESK temenda d-dispożizzjoni korrispondenti tal-Pożizzjoni Komuni 2003/495/PESK dwar l-Iraq biex iġġibha konformi mar-Riżoluzzjoni 1546(2004).

(5)

Ir-Regolament (KE) Nru 1210/2003 għandu jiġi emendat f'dan is-sens,

31.12.2008   

MT

Il-Ġurnal Uffiċjali ta’ l-Unjoni Ewropea

10

(1)

Fid-19 ta' Frar 2004, il-Kummissjoni imponiet, bir-Regolament (KE) Nru 306/2004 (2) (“ir-Regolament proviżorju”), dazju anti-dumping proviżorju fuq importazzjonijiet fil-Komunità ta' polyethylene terephthalate (“PET”) li joriġinaw fl-Awstralja, fir-Repubblika Popolari taċ-Ċina u fil-Pakistan (“il-pajjiżi kkonċernati”).

(2)

Huwa mfakkar li l-perijodu ta' l-investigazzjoni tad-dumping u ħsara (IP) kopra l-perijodu bejn l-1 ta' April 2002 u l-31 ta' Marzu 2003. Il-valutazzjoni ta' xejriet rilevanti għall-analiżi ta' ħsara kopriet il-perijodu mill-1 ta' Jannar 1999 sa tmiem l-IP (“il-perijodu kkunsidrat”).

(3)

Huwa mfakkar li nbdiet reviżjoni interim dwar importazzjonijiet ta' PET li joriġinaw fir-Repubblika tal-Korea u t-Tajwan b'avviż ippubblikat fil-Ġurnal Uffiċjali ta' l-Unjoni Ewropea fit-22 ta' Mejju 2003 (3).

(4)

Wara l-impożizzjoni ta' dazju anti-dumping proviżorju fuq importazzjonijiet ta' PET mill-pajjiżi kkonċernati, il-partijiet kollha rċevew tagħrif tal-fatti u tal-konsiderazzjonijiet li fuqhom kien ibbażat ir-Regolament proviżorju. Il-partijiet kollha ngħataw perijodu li fih setgħu jagħmlu sottomissjonijiet dwar dan it-tagħrif.

(5)

Xi partijiet interessati ssottomettew kummenti bil-miktub. Dawk il-partijiet li talbu dan, ingħataw ukoll l-opportunità li jinstemgħu verbalment. Il-Kummissjoni fittxet u vverifikat l-informazzjoni kollha li hija qieset neċessarja. Ġew eżaminati l-kummenti verbali u bil-miktub sottomessi mill-partijiet, u, fejn kien ikkunsidrat xieraq, ir-riżultati proviżorji ġew emendati kif meħtieġ.

(6)

Is-servizzi tal-Kummissjoni żvelaw ukoll il-fatti u l-konsiderazzjonijiet essenzjali kollha li abbażi tagħhom il-Kummissjoni kien bi ħsiebha tirrakkomanda l-impożizzjoni ta' dazju anti-dumping definittiv u l-ġbir definittiv ta' l-ammonti ggarantiti permezz tad-dazju proviżorju. Il-partijiet interessati ngħataw ukoll perijodu li fih huma setgħu jagħmlu s-sottomissjonijiet tagħhom wara dan it-tagħrif. Il-kummenti verbali u bil-miktub sottomessi mill-partijiet ġew ikkunsidrati, u fejn xieraq, il-proposta għal dazju anti-dumping definittiv ġiet emendata kif meħtieġ.

(7)

Huwa mfakkar illi fil-premessa (14) tar-Regolament proviżorju, il-prodott ikkonċernat kien definit bħala polyethylene terephthalate bi grad ta' viskożità ta' 78 ml/g jew aktar skond l- Istandard ISO 1628-5, bħalissa klassifikabbli taħt il-Kodici NM 3907 60 20, u li joriġina fil-pajjiżi kkonċernati.

(8)

Barra minn hekk, fil-premessa (18) tar-Regolament proviżorju, ingħad li l-Kummissjoni kienet sabet li l-PET prodott mill-industrija Komunitarja u mibjugħ fis-suq Komunitarju kif ukoll il-PET prodott fil-pajjiżi kkonċernati u esportat lejn il-Komunità huma prodotti simili, billi ma nstabet l-ebda differenza fil-karatteristiċi fiżiċi u kimiċi bażiċi u fl-użu tat-tipi differenti eżistenti ta' PET.

(9)

Fin-nuqqas ta' kwalunkwe kumment dwar id-definizzjoni tal-prodott ikkonċernat u l-prodott simili, il-kontenut u l-konklużjonijiet proviżorji tal-premessi (14) sa (18) tar-Regolament proviżorju huma b'dan ikkonfermati.

(10)

Il-metodoloġija ġenerali użata sabiex tistabbilixxi jekk l-importazzjonijiet fil-Komunità tal-prodott ikkonċernat ġewx soġġetti għal dumping kienet deskritta fil-premessi (19) sa (34) tar-Regolament proviżorju.

(11)

Fin-nuqqas ta' kwalunkwe kumment, is-sejbien proviżorju rigward il-valuri normali kif stipulat fil-premessi (20) sa (27) tar-Regolament proviżorju huwa kkonfermat.

(12)

Diversi kumpanniji argumentaw illi r-rati ta' kambju użati mill-Kummissjoni meta għamlet is-sejbien proviżorju ma kinux korretti, ma kinux ġejjin minn sors pubbliku affidabbli u talbu illi r-rati tal-kambju għandhom minflok jiġu minn sors uffiċjali verifikabbli.

(13)

Dawn l-allegazzjonijiet ġew investigati fil-fond u wara verifika, instab li kien hemm xi żbalji fir-rati tal-kambju użati mill-Kummissjoni meta għamlet is-sejbien proviżorju. Għalhekk, il-kalkoli ġew riveduti abbażi tar-rati tal-kambju medji ta' kull xahar ippubblikati minn (i) il-Kummissjoni għall-kambji kollha li jinvolvu l-Euro (EUR); (ii) ir-Riżerva Federali ta' l-Istati Uniti ta' l-Amerika għall-kambji kollha bejn id-dollaru Amerikan, il-Yen Ċiniż (CNY) u d-dollaru ta' Hong Kong (HKD); u (iii) il-Bank taċ-Ċina għall-kambji bejn id-dollaru ta' Hong Kong (HKD) u l-Yen Ċiniż (CNY). Dawn ir-rati ta' kambju kollha ġew applikati, kif kien il-każ għall-kalkolazzjonijiet proviżorji abbażi tar-rati tal-kambju medju ta' kull xahar applikabbli għax-xahar tal-ħruġ tal-fattura tal-bejgħ.

(14)

Fin-nuqqas ta' kwalunkwe kumment dwar il-bażi li fuqha ġew imqabbla l-valur normali u l-prezzijiet ta' l-esportazzjoni, il-premessa (30) tar-Regolament proviżorju hija kkonfermata.

(15)

Fin-nuqqas ta' kwalunkwe kumment, il-premessi (31) sa (34) tar-Regolament proviżorju dwar il-metodoloġija applikata għall-kalkolazzjoni tal-marġni ta' dumping huma kkonfermati.

(16)

Wieħed biss miż-żewġ produtturi esportaturi li kkooperaw għamel sottomissjonijiet wara l-impożizzjoni tal-miżuri proviżorji.

(17)

Fin-nuqqas ta' kwalunkwe kumment, is-sejbien proviżorju dwar il-valur normali, kif stipulat fil-premessa (36) tar-Regolament proviżorju huwa kkonfermat.

(18)

Fin-nuqqas ta' kwalunkwe kumment għajr dawk diġà msemmijin hawn fuq fil-premessi (12) u (13), il-metodoloġija imfissra fil-premessa (37) tar-Regolament proviżorju hija kkonfermata.

(19)

Produttur esportatur wieħed sostna illi konċessjonijiet differenti dwar assistenza teknika ta' wara l-bejgħ u spejjeż ta' kummerċjalizzazzjoni ma kinux tqiesu mill-Kummissjoni meta għamlet is-sejbien proviżorju tagħha. It-talba fir-rigward ta' l-assistenza teknika ġiet aċċettata wara verifika skond l-Artikolu 2(10)(h) tar-Regolament bażiku. It-talba dwar spejjeż ta' kummerċjalizzazzjoni ġiet aċċettata wara verifika skond l-Artikolu 2(10)(k) tar-Regolament bażiku.

(20)

Fin-nuqqas ta' kwalunkwe kumment, is-sejbien fil-premessi (39) sa (41) tar-Regolament proviżorju dwar il-metodoloġija applikata għall-kalkolazzjoni tal-marġni ta' dumping 'huwa b'dan ikkonfermat.

(21)

Il-marġnijiet ta' dumping definittivi, espressi bħala perċentwali tal-prezz ta' importazzjoni CIF fil-fruntiera Komunitarja, huma:

(22)

Iż-żewġ produtturi esportaturi li kkooperaw għamlu sottomissjonijiet wara l-impożizzjoni tal-miżuri proviżorji fejn huma sostnew li ma kellhomx jiġu trattati bħala żewġ entitajiet separati għalkemm relatati, iżda, minħabba r-relazzjoni tagħhom, kellhom jiġu trattati bħala produttur esportatur uniku u għalhekk konsegwentement, kellha ssir biss kalkolazzjoni waħda ta' dumping.

(23)

Din it-talba ġiet analizzata fil-fond abbażi ta' l-argumenti żviluppati minn dawn il-produtturi esportaturi sussegwentement għas-sejbien proviżorju.

(24)

Instab illi l-karatteristiċi partikolari tar-relazzjoni bejn il-kumpanniji kkonċernati u l-interkonnessjonijiet mill-qrib fl-operazzjonijiet tagħhom kienet tali li tiddistingwi l-pożizzjoni tagħhom minn sitwazzjoni tipika ta' żewg kumpanniji relatati. B'mod partikolari ġiet ikkunsidrata r-rabta finanzjarja tassew sinifikanti u l-konnessjonijiet l-oħrajn bejn iż-żewġ produtturi esportaturi, il-fatt li jbiegħu il-prodott ikkonċernat taħt l-istess marka, il-fatt li jaqsmu l-istess bini u organizzazzjoni amministrattiva kif ukoll l-istess taqsima ta' kummerċjalizzazzjoni. Barra minn hekk, dawn jaqsmu fil-parti l-kbira, l-istess persunal u Diretturi u għandhom pjan ta' produzzjoni komuni. Dawn l-elementi kollha flimkien jistgħu jitqiesu bħala suffiċjenti sabiex jiġi kkunsidrat li taħt dawn iċ-ċirkostanzi partikolari, is-sitwazzjoni taż-żewġ produtturi esportaturi titlob li dawn jiġu trattati bħala produttur esportatur uniku fil-kummerċ tal-PET Pakistani, aktar milli bħala żewġ kumpanniji separati. Għaldaqstant, fid-dawl ta' dawn l-elementi kollha, ġie kkunsidrat li din it-talba għandha tintlaqa'.

(25)

Fid-dawl ta' dan t'hawn fuq, il-metodoloġija ġenerali spjegata fil-premessi (20) sa (34) tar-Regolament proviżorju kienet applikata għal produttur esportatur uniku u l-metodoloġija spjegata fil-premessi (43) u (44) tar-Regolament proviżorju ġiet riveduta.

(26)

Il-Kummissjoni l-ewwel stabbiliet, għall-produttur esportatur uniku, jekk il-bejgħ domestiku totali tal-prodott ikkonċernat kienx rappreżentattiv meta mqabbel mal-bejgħ ta' l-esportazzjoni totali lejn il-Komunità. Skond l-Artikolu 2(2) tar-Regolament bażiku, il-bejgħ domestiku kien ikkunsidrat rappreżentattiv meta l-volum totali tal-bejgħ domestiku ta' kull produttur esportatur kien ta' mill-inqas 5 % tat-total tal-volum ta' bejgħ esportat lejn il-Komunità.

(27)

Sussegwentement, il-Kummissjoni identifikat dawk it-tipi ta' PET, mibjugħin domestikament mill-produttur esportatur uniku li kellu bejgħ domestiku totali rappreżentattiv u li kienu identiċi jew direttament komparabbli mat-tipi mibjugħin għall-esportazzjoni lejn il-Komunità.

(28)

Għal kull tip mibjugħ mill-produttur esportatur uniku fis-suq domestiku tiegħu u misjub li hu komparabbli direttament mat-tip ta' PET mibjugħ għall-esportazzjoni lejn il-Komunità, ġie stabbilit jekk il-bejgħ domestiku kienx rappreżentattiv biżżejjed għall-għanijiet ta' l-Artikolu 2(2) tar-Regolament bażiku. Bejgħ domestiku ta' tip partikolari ta' PET kien ikkunsidrat rappreżentattiv biżżejjed meta l-volum totali tal-bejgħ domestiku ta' dak it-tip matul l-IP irrappreżenta 5 % jew aktar tal-volum totali ta' bejgħ tat-tip ta' PET komparabbli esportat lejn il-Komunità.

(29)

Ġie eżaminat ukoll jekk il-bejgħ domestiku ta' kull tip ta' PET setax jiġi kkunsidrat li seħħ fil-kors ordinarju tal-kummerċ, billi ġie stabbilit il-proporzjon ta' bejgħ bi qligħ lill-klijenti indipendenti tat-tip ta' PET in kwistjoni, skond il-premessi (23) u (24) tar-Regolament proviżorju.

(30)

Kull fejn prezz domestiku ta' tip partikolari mibjugħ minn produttur esportatur uniku ma setax jintuża', kellu jintuża valur normali mibni.

(31)

Konsegwentament, skond l-Artikolu 2(3) tar-Regolament bażiku, inbena valur normali billi mal-medja ta' l-ispejjeż peżati tal-manifattura tat-tipi esportati, aġġustati fejn hemm bżonn, żdied ammont raġonevoli għal spejjeż ta' bejgħ, ġenerali u amministrattivi (“SG&A”) u marġni raġonevoli ta' profitt. Għal dan il-għan, il-Kummissjoni eżaminat jekk l-SG&A involuti u l-profitt magħmul mill-produttur esportatur uniku fis-suq domestiku kinitx data affidabbli.

(32)

Spejjeż attwali domestiċi SG&A kienu kkunsidrati affidabbli meta l-volum totali tal-bejgħ domestiku tal-produttur esportatur uniku seta' kien ikkunsidrat bħala rappreżentattiv meta mqabbel mal-volum ta' bejgħ esportat lejn il-Komunità. Il-marġni ta' profitt domestiku kien stabbilit abbażi tal-bejgħ domestiku ta' dawk it-tipi li nbiegħu fil-kors ordinarju tan-negozju. Għal din ir-raġuni, ġiet applikata l-metodoloġija stabbilita fil-premessa (23) tar-Regolament proviżorju.

(33)

Għal żewġ tipi ta' PET esportati mill-produttur esportatur uniku, il-Kummissjoni setgħet tistabbilixxi valur normali abbażi tal-prezzijiet imħallsa jew pagabbli fil-kors ordinarju tan-negozju mill-klijenti indipendenti fis-suq domestiku, skond l-Artikolu 2(1) tar-Regolament bażiku. Għat-tliet tipi ta' PET, li nstab li l-bejgħ domestiku tagħhom ma kienx wieħed rappreżentattiv, intuża valur normali mibni, skond l-Artikolu 2(3) tar-Regolament bażiku.

(34)

Il-bejgħ kollu tal-prodott ikkonċernat magħmul mill-produttur esportatur uniku fis-suq Komunitarju sar lill-klijenti indipendenti fil-Komunità. Konsegwentament, il-prezz ta' esportazzjoni ġie stabbilit skond l-Artikolu 2(8) tar-Regolament bażiku abbażi tal-prezzijiet attwalment imħallsa jew pagabbli.

(35)

Sabiex jiġi żgurat paragun ġust, ġew ikkunsidrati, skond l-Artikolu 2(10) tar-Regolament bażiku, id-differenzi fil-fatturi allegati u murija li jaffettwaw il-prezzijiet u l-paragun tal-prezz. Abbażi ta' dan, ingħataw konċessjonijiet għad-differenzi fit-trasport, fl-assigurazzjoni, spejjeż ta' maniġġ, kummissjonijiet, kreditu u fatturi oħrajn.

(36)

Kif previst fl-Artikolu 2(11) tar-Regolament bażiku, il-valur normali medju peżat ta' kull tip ta' prodott ikkonċernat esportat lejn il-Komunità mill-produttur esportatur uniku, tqabbel mal-prezz ta' l-esportazzjoni medju peżat ta' kull tip ta' prodott li jikkorrispondi tal-prodott ikkonċernat.

(37)

Il-marġni ta' dumping, imfisser bħala perċentwali tal-prezz ta' importazzjoni CIF fil-fruntiera Komunitarja, ġie rivedut fid-dawl tal-punti deskritti hawn fuq, u nstab li kien 1,6 % jiġifieri taħt il-livell de minimis kif definit fl-Artikolu 9(3) tar-Regolament bażiku.

(38)

L-erba' kumpanniji li la ngħataw MET u lanqas Trattament Individwali (“IT”) għamlu sottomissjonijiet fejn tennew it-talbiet imsemmija fil-premessi (57) sa (73) tar-Regolament proviżorju. Madankollu, ħadd minnhom ma pprovda evidenzi li setgħu jwasslu sabiex jikkontradixxu l-konklużjonijiet li ntlaħqu fir-Regolament proviżorju. Għalhekk, id-deċiżjoni li dawn l-erba' produtturi esportaturi li kkooperaw ma jingħatawx MET u s-sejbien stabbilit fil-premessi msemmijin hawn fuq tar-Regolament proviżorju huma kkonfermati.

(39)

Wara kummenti rċevuti, ma kienx possibbli li jiġi kkalkolat il-marġni individwali għal waħda mill-kumpanniji li ngħatat IT biss, minħabba li l-esportazzjonijiet tagħha tal-prodott ikkonċernat għall-Unjoni Ewropea matul l-IP ma setgħux jiġu kkunsidrati li kienu fi kwantitajiet kummerċjali sinifikanti. Il-kumpannija l-oħra li ngħatat biss IT u li t-talba tagħha għall-MET ġiet miċħuda abbażi li ma ssodisfatx il-kriterju 2 speċifikat fl-Artikolu 2(7)(ċ) tar-Regolament bażiku, ukoll għamlet sottomissjonijiet fejn hija rrepetiet it-talba tagħha għal MET. Madankollu, ma ġiet ippreżentata l-ebda evidenza oħra li kienet ta' natura li tikkontradixxi l-konklużjonijiet magħmulin fir-Regolament proviżorju. Konsegwentement, il-konklużjoni stabbilita fil-premessa (68) tar-Regolament proviżorju hija kkonfermata għal din il-kumpannija.

(40)

Waħda mill-erba' kumpanniji li la ngħataw MET u lanqas IT sostniet li madankollu, il-kundizzjonijiet kollha għall-għoti ta' l-IT ġew sodisfatti. Iżda, minħabba li l-ebda evidenza ġdida ma ġiet ipprovduta, il-konklużjonijiet imniżżlin fil-premessa (76) tar-Regolament proviżorju huma kkonfermati u t-talba ġiet rifjutata.

(41)

Il-produtturi esportaturi rrepetew l-oġġezzjoni tagħhom dwar l-għażla ta' l-Istati Uniti ta' l-Amerika ("“US”) bħala l-pajjiż analogu. Ir-raġunijiet ewlenin mogħtijin kienu d-differenzi fl-iżvilupp kulturali u ekonomiku, id-differenzi fl-ispejjeż u l-fatt li l-pajjiżi bħall-Pakistan jew ir-Repubblika tal-Korea t'Isfel (“Korea”) kienu ferm aktar adatti milli l-Istati Uniti.

(42)

L-ewwelnett, differenzi fit-termini ta' l-iżvilupp kulturali huma kkunsidrati rrilevanti għall-għażla ta' pajjiż analogu, minħabba li pajjiż analogu huwa meħud li jirrifletti l-kundizzjonijiet ta' ekonomija tas-suq u mhux livelli ta' l-iżvilupp kulturali komparabbli.

(43)

Fir-rigward ta' l-użu ta' pajjiż bi żvilupp ekonomiku differenti, għandu jissemma' illi, b'definizzjoni, pajjiż b'ekonomija mhux tas-suq jew b'ekonomija tranżitorja m'għandux l-istess karatteristiċi ekonomiċi bħal pajjiż b'ekonomija tas-suq. M'hijiex ħaġa rari li tkun teżisti differenza bħal din fl-iżvilupp ekonomiku bejn pajjiż analogu u pajjiż b'ekonomija mhux tas-suq jew b'ekonomija tranżitorja. Din, madankollu, ma twaqqafx lill-Istati Uniti milli jiġi magħżul bħala pajjiż analogu dment li dan jitqies iktar xieraq.

(44)

Fir-rigward tad-differenzi fl-ispejjeż, ta' min ifakkar li ma nstabet l-ebda differenza sinifikanti fil-prezzijiet imħallsa mill-produtturi fl-Istati Uniti u l-PRC għall-materja prima (PTA) li tirrappreżenta l-iktar parti sinifikanti ta' l-ispiża tal-produzzjoni tal-PET.

(45)

Xi produtturi esportaturi enfasizzaw il-fatt li waqt li l-ispejjeż tax-xogħol huma ogħla fl-Istati Uniti milli fil-PRC, l-ispejjeż tax-xogħol fil-Pakistan u l-Korea huma aktar komparabbli ma' l-ispejjeż tax-xogħol fiċ-Ċina. F'dawn iċ-ċirkostanzi, dawn il-produtturi kkunsidraw li l-Pakistan jew il-Korea jkunu aktar adatti bħala pajjiż analogu milli l-Istati Uniti.

(46)

Kif ingħad fil-premessa (43) hawn fuq, pajjiż b'livell ta' żvilupp ekonomiku differenti jista' jintgħażel bħala pajjiż analogu għal pajjiż li m'għandux ekonomija ta' suq jew b'ekonomija tranżitorja. Bl-istess mod, l-ispejjeż tax-xogħol li jirriflettu l-istat ta' żvilupp ekonomiku ta' pajjiż m'humiex ikkunsidrati, f'iżolament, bħala kriterju rilevanti. Fil-każ preżenti, minħabba l-parti tassew żgħira li l-ispiża tax-xogħol tirrappreżenta fl-ispiża totali tal-produzzjoni (jiġifieri inqas minn 3 % ta' l-ispiża totali tal-produzzjoni) meta mqabbel ma' l-ispiża tal-PTA (aktar minn 60 % ta' l-ispiża totali tal-produzzjoni), dan il-kriterju ma kienx ikkunsidrat suffiċjentement sinifikanti sabiex il-Pakistan jew il-Korea jintgħażlu bħala pajjiż analogu minflok l-Istati Uniti. Barra minn hekk, fid-dawl tal-livell ta' kompetizzjoni fil-pajjiż analogu magħżul u r-rappreżentattività tal-bejgħ domestiku lil klijenti indipendenti fil-pajjiż analogu kif imqabbel ma' l-esportazzjonijiet Ċiniżi ta' PET, il-Pakistan u l-Korea tqiesu bħala inqas adatti mill-Istati Uniti, kif spjegat fil-premessi (78) sa (86) tar-Regolament proviżorju. Għaldaqstant, din it-talba ġiet miċħuda.

(47)

Fin-nuqqas ta' kummenti oħrajn dwar il-pajjiż analogu, l-għażla ta' l-Istati Uniti hija kkonfermata.

(48)

Fin-nuqqas ta' kwalunkwe kumment dwar id-determinazzjoni tal-valur normali, il-metodoloġija deskritta fil-premessi (87) sa (88) tar-Regolamenti proviżorju hija kkonfermata.

(49)

Żewġ produtturi esportaturi allegaw li l-Kummissjoni kienet għaddiet darbtejn l-ammont ta' dazju li jinġabar lura fil-prezz tal-produzzjoni u sostnew l-allegazzjoni tagħhom b'dokumentazzjoni ta' appoġġ. Abbażi ta' din l-evidenza l-ġdida, it-talbiet ġew aċċettati għaż-żewġ kumpanniji kkonċernati u l-kalkolazzjoni ta' l-ispiża tal-produzzjoni ġiet ikkoreġuta kif meħtieġ. Wieħed minn dawn l-produtturi esportaturi argumenta wkoll illi xi aġġustamenti jew tħallew barra jew ma ġewx applikati korrettament. Wara verifika din it-talba ġiet aċċettata b'eċċezzjoni waħda relatata ma' l-ispiża tal-kreditu. Għal dan ta' l-aħħar, il-metodoloġija applikata mill-Kummissjoni fl-istadju proviżorju u spjegata fil-premessi (89) sa (91) tar-Regolament proviżorju hija kkonfermata.

(50)

Żewġ produtturi esportaturi kkontestaw ir-rati ta' kambju użati mill-Kummissjoni. Kif diġà ġie spjegat fil-premessi (12) u (13) hawn fuq, din it-talba ġiet aċċettata.

(51)

Fin-nuqqas ta' kwalunkwe kumment dwar il-bażi li fuqha l-valur normali u l-prezz ta' esportazzjoni ġew ipparagunati u l-aġġustamenti ġew magħmula sabiex jiżguraw paragun ġust bejn il-prezzijiet ta' esportazzjoni u l-valur normali, il-konklużjoni proviżorja kif tinsab fil-premessa (93) tar-Regolament proviżorju hija kkonfermata.

(52)

Il-marġnijiet ta' dumping espressi bħala perċentwali fuq il-prezz ta' importazzjoni CIF fil-fruntiera Komunitarja, li ġew riveduti fid-dawl tal-kwistjonijiet deskritti hawn fuq, issa huma kif ġej:

(53)

Produttur esportatur wieħed sostna li l-kalkolazzjoni tad-dazju anti-dumping għall-produtturi esportaturi kollha li kkooperaw li la ngħataw MET u lanqas IT irriżultat f'dazju individwali għal kull waħda minn dawn il-kumpanniji. B'mod iżjed partikolari, dan il-produttur esportatur argumenta li l-produtturi esportaturi kollha li kkooperaw li la ngħataw MET u lanqas IT għandhom iħallsu l-istess ammont ta' dazju.

(54)

Fl-istadju proviżorju, dawn il-kumpanniji kellhom l-istess marġni ta' dumping f'perċentwali tal-valur CIF. Madankollu, il-kalkolazzjoni tad-dazju speċifiku għal kull tunnellata abbażi tal-valur CIF ta' l-importazzjonijiet ta' kull waħda minn dawn il-kumpanniji wasslet għal ammonti differenti ta' dazju. B'mod partikolari ġew stabbiliti dazji speċifiċi ta' EUR 188 għal kull tunnellata u EUR 191 għal kull tunnellata għal żewġ produtturi esportaturi rispettivament. L-ammont ta' dazju speċifiku għal kull tunnellata ġie kkoreġut għall- kalkolazzjoni ta' dazju definittiv kif ġej: il-marġni ta' dumping individwali għall-produtturi esportaturi li kkooperaw ġie kkalkolat billi tqabbel il-valur normali medju peżat stabbilit għall-pajjiż analogu u l-prezz ta' l-esportazzjoni medju peżat irrapportat mill-produtturi esportaturi kkonċernati. Il-marġni ta' dumping medju ġie mbagħad ikkalkulat bħala l-medja peżata tal-marġnijiet ta' dumping individwali stabbiliti għall-produtturi esportaturi li kkooperaw li la kienu ngħataw MET u lanqas IT. Id-dazju speċifiku għal kull tunnellata ġie kkalkolat billi ġie applikat dan il-marġni ta' dumping uniku għall-valur CIF peżat għal kull tunnellata stabbilit għal dawn il-kumpanniji. Kieku l-metodoloġija hawn fuq spjegata kienet ġiet applikata fl-istadju proviżorju, id-dazju proviżorju speċifikat għal kull tunnellata għall-produtturi esportaturi kollha li la ngħataw MET u lanqas IT kien ikun ta' EUR 183. Għaldaqstant, sa fejn id-dazji imposti bir-Regolament proviżorju kienu ogħla minn dan l-ammont, id-differenza m'għandhiex tinġabar definittivament.

(55)

Abbażi ta' dan, il-livell definittiv ta' dumping fuq il-pajjiż kollu ġie stabbilit li huwa ta' 22,9 % tal-prezz CIF fil-fruntiera Komunitarja.

(56)

Fin-nuqqas ta' informazzjoni ġdida sottomessa, il-bażi għall-kalkolazzjoni tal-produzzjoni totali tal-Komunità kif stipulata fil-premessi (100) sa (101) tar-Regolament proviżorju qiegħda b'dan tiġi kkonfermata.

(57)

Fin-nuqqas ta' kwalunkwe informazzjoni ġdida sottomessa, id-definizzjoni ta' industrija Komunitarja kif stipulata fil-premessa (102) tar-Regolament proviżorju qiegħda b'dan tiġi kkonfermata.

(58)

Fin-nuqqas ta' kwalunkwe informazzjoni ġdida sottomessa, il-kalkolazzjoni tal-konsum Komunitarju kif stipulata fil-premessi (103) sa (106) tar-Regolament proviżorju qiegħda b'dan tiġi kkonfermata.

(59)

Kif imsemmi fil-premessa (52) hawn fuq, wieħed mill-produtturi esportaturi fil-PRC instab li ma kienx biegħ bi prezzijiet li huma oġġett ta' dumping matul l-IP. Barra minn hekk, u kif imsemmi fil-premessa (37) hawn fuq, il-marġni ta' dumping li nstab għall-produtturi esportaturi li kkooperaw fil-Pakistan kien inqas mil-limitu de minimis. Konsegwentement, il-volumi ta' esportazzjoni minn dawn il-produtturi esportaturi għandhom jitnaqqsu mill-volumi totali ta' importazzjoni mill-pajjiżi kkonċernati. L-evoluzzjoni ta' l-importazzjonijiet li huma oġġett ta' dumping mill-pajjiżi kkonċernati, kif murija fil-premessa (108) fir-Regolament proviżorju għandha għaldaqstant tkun kif ġej;

(60)

Fin-nuqqas ta' kwalunkwe informazzjoni ġdida sottomessa, jirriżulta mid-data hawn fuq illi, anke meta jitqies it-tnaqqis ta' l-importazzjonijiet li ma kinux oġġett ta' dumping, kif spjegat fil-premessa (59), il-kriterji ta' l-Artikolu 3(4) tar-Regolament bażiku xorta jiġu sodisfatti fir-rigward tal-kumulazzjoni ta' importazzjonijiet li joriġinaw fil-PRC u l-Awstralja. Għaldaqstant, it-tnaqqis ta' l-importazzjonijiet li ma kinux oġġett ta' dumping ma jaffettwax ir-riżultati li għandhom x'jaqsmu ma' l-adegwatezza tal-valutazzjoni kumulattiva ta' l-effetti ta' l-importazzjonijiet li huma oġġett ta' dumping kkonċernati, kif stipulat fir-Regolament proviżorju, speċjalment fid-dawl tal-fatt illi l-livell ta' tqaċċit tal-prezz li jinsab fir-Regolament proviżorju jikkorrispondi mal-livell ta' tqaċċit tal-prezz misjub għal dawk il-produtturi esportaturi li jibqa' wara t-tnaqqis ta' l-importazzjonijiet li ma kinux oġġett ta' dumping. Finalment, is-sehem tas-suq, fir-rigward ta' l-importazzjonijiet li huma oġġett ta' dumping mill-Awstralja kif stipulat fil-premessi (107) sa (111) tar-Regolament proviżorju qiegħed b'dan jiġi kkonfermat.

(61)

Fin-nuqqas ta' kwalunkwe informazzjoni ġdida sottomessa barra minn dik t'hawn fuq, is-sejbien relatat mal-valutazzjoni kumulattiva ta' l-effetti ta' l-importazzjonijiet li huma oġġett ta' dumping ikkonċernati u s-sehem tas-suq ta' dawn l-importazzjonijiet, kif stipulati fil-premessi (107) sa (111) tar-Regolament proviżorju, qegħdin b'dan jiġu kkonfermati.

(62)

Għandu jiġi mfakkar illi, biex saru s-sejbiet proviżorji, il-Kummissjoni kienet, kif stipulat fil-premessi (112) sa (114) tar-Regolament proviżorju, qabblet il-prezzijiet ex-works ta' l-industrija Komunitarja ma' dawk tal-produtturi esportaturi fil-pajjiżi kkonċernati fil-livell tal-valur CIF fil-fruntiera Komunitarja, waqt li jitqiesu d-dazji doganali, u b'aġġustamenti għall-ispejjeż tal-maniġġ u ta' livelli differenti ta' kummerċ.

(63)

Abbażi ta' prezzijiet ġodda CIF fil-fruntiera Komunitarja kkalkulati għall-produtturi esportaturi fl-Awstralja (ara premessa (21)) u l-PRC (ara premessa (52)), u minħabba r-rati tal-kambju l-ġodda użati (ara premessi (12) sa (13)), ġew ikkalkulati marġnijiet ġodda ta' tqaċċit tal-prezzijiet.

(64)

Il-marġnijiet il-ġodda li bihom l-importazzjonijiet tal-prodotti kkonċernati li joriġinaw fil-pajjiżi kkonċernati qaċċtu l-prezzijiet medji ta' l-industrija Komunitarja, imfissra bħala perċentwali ta' dan ta' l-aħħar, huma li ġejjin:

(65)

Id-differenzi meta mqabbla mal-livell ta' tqaċċit tal-prezzijiet għall-produtturi esportaturi fl-Awstralja u l-PRC, kif ippreżentati fil-premessa (113) tar-Regolament proviżorju, m'humiex meqjusin sinifikanti. Il-konklużjoni magħmula dwar il-livell ta' tqaċċit ta' prezzijiet fir-Regolament proviżorju hija għalhekk ikkonfermata.

(66)

Xi produtturi esportaturi argumentaw li l-aġġustament magħmul għall-ispejjeż ta' maniġġ u l-livelli differenti għall-kummerċ (1 %) ma kienx suffiċjenti. Skond dawn il-produtturi esportaturi, l-aġġustamenti li saru ma kinux suffiċjenti biex ikopru l-ispejjeż reali imġarrba malli l-prodotti jiġu importati.

(67)

Madankollu, l-aġġustamenti kienu bbażati fuq informazzjoni attwali miġbura waqt l-investigazzjoni. Fin-nuqqas ta' kwalunkwe evidenza ġdida li l-livelli t'aġġustament magħmulin ma kinux korretti, jiġifieri ma kinux ibbażati fuq fatti miġbura, l-argumenti ta' dawn il-produtturi esportaturi huma miċħudin. Il-livell ta' l-aġġustament magħmul fir-Regolament proviżorju qiegħed b'dan jiġi kkonfermat.

(68)

Fin-nuqqas ta' kwalunkwe informazzjoni sottomessa barra minn dik t'hawn fuq, is-sejbiet fir-rigward tal-prezzijiet ta' l-importazzjonijiet u tqaċċit tal-prezzijiet stipulati fil-premessi (112) sa (114) tar-Regolament proviżorju huma kkonfermati.

(69)

Għandu jiġi mfakkar li fil-premessa (147) tar-Regolament proviżorju, il-Kummissjoni kkonkludiet proviżorjament li l-industrija Komunitarja kienet sofriet danni materjali skond l-Artikolu 3 tar-Regolament bażiku.

(70)

Ħafna produtturi esportaturi iddubitaw l-interpretazzjoni taċ-ċifri relatati mas-sitwazzjoni ta' l-industrija Komunitarja kif ippreżentata fil-premessi (117) sa (144) tar-Regolament proviżorju. Huma ddikjaraw li ċ-ċifri ma urewx xi ħsara materjali. Dawn il-produtturi esportaturi allegaw li minflok, iċ-ċifri urew żieda kbira fil-volumi tal-produzzjoni, fil-kapaċità produttiva, fil-volumi tal-bejgħ u fil-prezzijiet medji sa mill-bidu tal-perijodu kkunsidrat (1999), li għandhom iwasslu għall-konklużjoni illi l-industrija Komunitarja ma ġarbitx ħsara materjali.

(71)

Il-produtturi esportaturi rreferew ukoll għall-fatt li l-konsum kien żdied bi 37 % matul il-perijodu kkunsidrat (premessa (106) tar-Regolament proviżorju). Huma sostnew illi, jekk l-industrija Komunitarja f'dawn iċ-ċirkostanzi vantaġġużi ma setgħetx tilħaq livell ta' effiċjenza, li seta' jiżgura marġni ta' profitt sostenibbli, anki jekk ikkonfrontata b'importazzjonijiet minn pajjiżi terzi, ir-rendiment fqir kellu jkun attribwit għal fatturi fl-industrija Komunitarja stess aktar milli għall-kompetizzjoni minn importazzjonijiet.

(72)

Qiegħed jiġi innotat li ħadd mill-produtturi esportaturi ma ddubita miċ-ċifri relatati mas-sitwazzjoni ta' l-industrija Komunitarja fihom infushom, imma mill-interpretazzjoni tagħhom.

(73)

Meta jiġi analizzat l-iżvilupp ta' l-indikaturi ekonomiċi ta' l-industrija Komunitarja bejn l-1999 u l-IP, wieħed irid iżomm f'moħħu li l-industrija Komunitarja kienet tinsab fi stat ta' dipressjoni serja fl-1999 b'telf ta' 16,4 % minħabba l-importazzjonijiet li huma oġġett ta' dumping tal-prodott ikkonċernat mill-Indja, l-Indonesja, il-Malasja, ir-Repubblika tal-Korea, it-Tajwan u t-Tajlandja.

(74)

Kif jingħad fil-premessa tar-Regolament proviżorju, id-dazji anti-dumping kienu imposti fuq importazzjonijiet tal-prodott ikkonċernat mill-Indja, l-Indonesja, il-Malasja, ir-Repubblika tal-Korea, it-Tajwan u t-Tajlandja fis-sena 2000 (4).

(75)

Sussegwentement għall-impożizzjoni tal-miżuri anti-dumping fis-sena 2000, is-suq Komunitarju stabbilizza u l-indikaturi ekonomiċi għall-industrija Komunitarja ġew għall-aħjar bħala riżultat tal-miżuri imposti. Il-Kummissjoni enfasizzat dan l-iżvilupp partikolari meta, fil-premessa (143) tar-Regolament proviżorju, hija kkonkludiet illi sas-sena 2001, l-industrija Komunitarja kienet irkuprat mid-dumping ta' qabel.

(76)

F'dawn iċ-ċirkostanzi, sabiex jitkejlu l-effetti ta' l-importazzjonijiet li huma oġġett ta' dumping mill-pajjiżi kkonċernati, huwa kkunsidrat li l-indikaturi ekonomiċi rilevanti għandhom jiġu partikolarment eżaminati miż-żmien minn meta l-industrija Komunitarja kienet irkuprat għal kollox mid-dumping ta' qabel, li f'dan il-każ kienet is-sena 2001. Meta wieħed jeżamina l-fatturi ekonomiċi rilevanti mis-sena 2001, joħroġ illi, kuntrarju għas-sottomissjonijiet li saru hawn fuq, iżda kif diġà misjub mill-Kummissjoni fis-sejbien proviżorju tagħha (premessi (135) u (146) tar-Regolament proviżorju), l-industrija Komunitarja wriet tnaqqis sinifikanti fil-profitt, waqa' fil-prezz u telf sinifikanti fis-sehem tas-suq, speċjalment mis-sena 2002 u matul l-IP.

(77)

Fin-nuqqas ta' kwalunkwe informazzjoni oħra sottomessa barra dak li hemm referenza għalih hawn fuq, is-sejbien fir-rigward tas-sitwazzjoni għall-industrija Komunitarja, kif stipulat fil-premessi (117) sa (144) tar-Regolament proviżorju, qegħdin b'dan jiġu kkonfermati.

(78)

Minn dak li ngħad hawn fuq, qiegħed jiġi konkluż li l-industrija Komunitarja sofriet ħsara materjali skond l-Artikolu 3 tar-Regolament bażiku.

(79)

Huwa mfakkar li fil-premessi (150) sa (153) tar-Regolament proviżorju, il-Kummissjoni kkonkludiet li kien hemm rabta kawżali bejn l-importazzjonijiet li huma oġġett ta' dumping mill-pajjiżi kkonċernati u l-ħsara materjali sofferta mill-industrija Komunitarja.

(80)

Minħabba li wieħed mill-produtturi esportaturi fil-PRC instab li ma kienx biegħ bi prezz li hu oġġett ta' dumping matul l-IP, u l-marġni ta' dumping għall-produtturi esportaturi li kkooperaw fil-Pakistan instab li kien taħt il-livell de minimis, il-volum ta' esportazzjoni minn dawn il-produtturi esportaturi għandu jitnaqqas mill-effetti ta' l-importazzjonijiet li huma oġġett ta' dumping.

(81)

L-esportazzjonijiet lejn il-Komunità mill-produtturi esportaturi Ċiniżi kkonċernati rrappreżentaw inqas minn 5 % tal-volumi ta' importazzjonijiet li joriġinaw mill-PRC fi żmien l-IP (inqas minn 1 % f'termini tas-sehem tas-suq tal-konsum fil-Komunità). It-tnaqqis fl-esportazzjoni minn dan l-esportatur huwa għalhekk ikkunsidrat li għandu effett marġinali fuq ir-rabta kawżali stabbilita fl-investigazzjoni li wasslet għar-Regolament proviżorju.

(82)

L-esportazzjonijiet lejn il-Komunità mill-produtturi esportaturi li kkooperaw fil-Pakistan irrappreżentaw 4 % f'termini ta' sehem mis-suq tal-konsum mill-Komunità fl-IP, u għalhekk kienu kkunsidrati li kienu sinifikanti. Madankollu, hekk kif imqabbla mat-total ta' l-importazzjonijiet mill-pajjiżi kkonċernati, l-esportazzjonijiet li joriġinaw fil-Pakistan jirrappreżentaw biss 33,4 % tat-total ta' l-importazzjonijiet mill-pajjiżi kkonċernati, jiġifieri 66,7 % ta' l-importazzjonijiet mill-pajjiżi kkonċernati xorta nstabu li kienu mibjugħa bi prezzijiet b'marġni ta' dumping ogħla mil-livell de minimis. Għalhekk, huwa kkunsidrat li għad hemm rabta kawżali bejn l-importazzjonijiet li huma oġġett ta' dumping mill-Awstralja u l-PRC u d-dannu materjali soffert mill-industrija Komunitarja.

(83)

Xi produtturi esportaturi qalu li kien hemm korrelazzjoni pożittiva bejn il-prezzijiet ta' l-industrija Komunitarja u l-prezzijiet tal-produtturi esportaturi, dan minħabba li kien hemm żidiet u tnaqqis fl-istess ħin. Skond dawn il-produtturi esportaturi, dan wera li t-tnaqqis fil-prezz soffert matul dawn l-aħħar sentejn mill-industrija Komunitarja ma kienx dovut għall-kompetizzjoni minn importazzjonijiet li huma oġġett ta' dumping imma aktar minħabba aġġustamenti għat-tibdil fl-ispejjeż għall-materja prima.

(84)

Huwa mfakkar li bejn wieħed u ieħor żewġ terzi ta' l-ispiża tal-produzzjoni tikkonsisti minn materja prima (ara premessa (162) fir-Regolament proviżorju). F'dan il-kuntest, billi kemm il-produtturi esportaturi kif ukoll l-industrija Komunitarja jiddependu fuq l-istess materja prima, huwa kkunsidrat li l-mistoqsija dwar jekk il-prezzijiet jirreaġixxux simultanjament għal tibdil fl-istruttura ta' l-ispiża sottostanti mhix ikkunsidrata rilevanti waħidha. Fi kwalunkwe ċirkostanza, kif ser jintwera hawn isfel, analiżi tal-prezzijiet attwali ma tikkonfermax li kien hemm korrelazzjoni pożittiva.

(85)

Il-premessi (162) sa (172) tar-Regolament proviżorju juru fid-dettall analiżi ta' kontribuzzjoni possibbli ta' l-ispiża tal-materja prima għad-danni sofferti mill-industrija Komunitarja. Għandu jkun innutat ukoll illi, analiżi tal-prezzijiet ta' l-importazzjonijiet li huma oġġett ta' dumping mill-pajjiżi kkonċernati wara l-2001 meta l-industrija Komunitarja irkuprat minn dumping tal-passat turi li ġej:

(86)

Filwaqt li ż-żieda fil-prezz ta' l-importazzjonijiet mill-PRC (+4,5 %) tikkoinċidi ma' l-iżvilupp tal-prezz fuq l-istess perijodu bħal tal-materja prima ewlenija, PTA (+5,1 % (ara premessa (168) fir-Regolament proviżorju), il-prezzijiet ta' l-importazzjonijiet li joriġinaw fl-Awstralja naqsu matul l-istess perijodu. Il-prezzijiet ta' l-industrija Komunitarja żdiedu b'inqas minn 1 % matul dan il-perijodu. Għaldaqstant, ma jistax jiġi konkluż li kien hemm korrelazzjoni pożittiva bejn il-prezzijiet ta' l-industrija Komunitarja u l-prezzijiet tal-produtturi esportaturi, billi l-iżvilupp tal-prezz mit-tliet pajjiżi mhuwiex koerenti. F'dan il-kuntest, għandu jkun imfakkar ukoll li l-Kummissjoni kienet sabet tqaċċit sinifikanti fil-prezzijiet tal-bejgħ ta' l-industrija Komunitarja mill-produtturi esportaturi kollha fil-kors ta' l-investigazzjoni.

(87)

Fin-nuqqas ta' kwalunkwe informazzjoni sottomessa barra dik t'hawn fuq, il-konklużjoni fir-rigward ta' l-effetti ta' l-importazzjonijiet 'li huma oġġett ta' dumping fil-premessi (150) sa (153) tar-Regolament proviżorju hija b'dan ikkonfermata. Madankollu, għandu jiġi nnutat li l-esportazzjonijiet minn produttur esportatur wieħed fil-PRC li fir-Regolament proviżorju nstab li l-esportazzjonijiet tiegħu kienu oġġett ta' dumping, instab li huwa ma kienx biegħ bi prezzijiet li huma oġġett ta' dumping. Barra minn hekk, il-marġni ta' dumping tal-produtturi esportaturi li kkooperaw fil-Pakistan, li l-esportazzjonijiet tagħhom instabu li kienu oġġett ta' dumping fir-Regolament proviżorju nstab li kien taħt il-livell de minimis. Għaldaqstant, l-effett ta' dawn l-esportazzjonijiet m'għandux ikun ivvalutat aktar taħt l-effett ta' l-importazzjonijiet li huma oġġett ta' dumping imma taħt l-effett ta' fatturi oħra.

(88)

Minħabba li wieħed mill-produtturi esportaturi fil-PRC instab li ma kienx biegħ bi prezzijiet li huma oġġett ta' dumping matul l-IP, u l-marġni ta' dumping għall-produtturi esportaturi li kkooperaw fil-Pakistan instab li kien taħt il-marġni de minimis, il-volumi ta' l-esportazzjoni minn dawn il-produtturi esportaturi għandhom jitnaqqsu mill-volum totali ta' l-importazzjonijiet li huma oġġett ta' dumping. Madankollu, il-prezzijiet ta' dawn il-produtturi esportaturi nstabu li kienu ferm taħt il-prezz tal-bejgħ medju ta' l-industrija Komunitarja. Kif ingħad fil-premessi (81) u (82), il-volumi ta' importazzjonijiet li m'humiex oġġett ta' dumping mill-pajjiżi kkonċernati jirrappreżentaw bejn 4 % sa 5 % tal-konsum fil-Komunità. Għaldaqstant ma jistax jiġi eskluż li l-esportazzjonijiet lejn il-Komunità minn dan il-produttur esportatur mill-PRC u mill-produtturi esportaturi li kkooperaw mill-Pakistan ikkontribwew b'mod sinifikanti wkoll għall-ħsara materjali sofferta mill-industrija Komunitarja.

(89)

Xi esportaturi allegaw li l-Komunità ma investigatx biżżejjed l-effett tad-deprezzament tal-USD u RMB kontra l-EUR. Dawn l-esportaturi allegaw illi, minħabba d-deprezzament tal-USD u l-RMB kontra l-EUR matul l-IP, l-esportaturi kienu ggwadanjaw sehem fis-suq Komunitarju billi żammew il-prezzijiet tagħhom f'USD, li effettivament involvew tnaqqis fil-prezz imfisser f'EUR. Abbażi ta' dak li ngħad qabel, il-produtturi esportaturi esprimew dubji dwar jekk id-dannu materjali soffert mill-industrija Komunitarja ġiex ikkawżat minn 'importazzjonijiet li huma oġġett ta' dumping jew minn 'importazzjonijiet bi prezzijiet li kienu aktar baxxi minħabba l-effett tal-valuta.

(90)

Iċ-ċaqliq fil-valuti waħdu normalment ma jitqiesx f'każijiet ta' investigazzjonijiet anti-dumping billi ma jistax jiġi kkunsidrat li huwa ta' natura li ddum. Madankollu, l-effetti taċ-ċaqliq tal-valuta huma, effettivament, inklużi fl-analiżi jekk kellhom effett fuq il-prezz tal-materja prima użata mill-industrija Komunitarja (premessi (162) sa (173) tar-Regolament proviżorju) u fuq il-prezz ta' importazzjonijiet li huma oġġett ta' dumping (premessi (150) sa (153) tar-Regolament proviżorju).

(91)

Huwa mfakkar illi nstabu livelli sinifikanti ta' dumping minn esportaturi fl-Awstralja u l-PRC matul l-investigazzjoni (ara premessi (21) u (52). Barra minn hekk, huwa wkoll imfakkar illi l-produtturi esportaturi mill-Awstralja u mill-PRC instabu li kienu qed ibaxxu l-prezzijiet ta' l-industrija Komunitarja b'ammonti sinifikanti (ara premessa 64)).

(92)

Ma jistax jiġi eskluż illi importazzjonijiet li m'humiex oġġett ta' dumping li joriġinaw fil-PRC u importazzjonijiet li joriġinaw mill-produtturi esportaturi li kkooperaw fil-Pakistan, li l-marġni ta' dumping tagħhom instab li kien taħt il-livell de minimis, jistgħu jikkontribwixxu għall-ħsara sofferta mill-industrija Komunitarja. Dan l-effett, iżda, m'huwiex tali li jkisser ir-rabta kawżali stabbilita fir-Regolament proviżorju bejn l-importazzjonijiet li huma oġġett ta' dumping fil-pajjiżi kkonċernati u l-ħsara materjali sofferta mill-industrija fil-Komunità. Għalhekk, fin-nuqqas ta' informazzjoni ġdida sottomessa, il-konklużjonijiet imniżżlin dwar l-effett ta' l-importazzjonijiet li huma oġġett ta' dumping fil-premessi (150) sa (153) u dwar l-effett ta' fatturi oħrajn fil-premessi (154) sa (178) tar-Regolament proviżorju qegħdin b'dan jiġu kkonfermati.

(93)

Fin-nuqqas ta' informazzjoni sottomessa dwar l-interess ta' l-industrija Komunitarja, is-sejbien kif stipulat fil-premessi (183) sa (184) tar-Regolament proviżorju huwa b'dan ikkonfermat.

(94)

Ġiet riċevuta sottomissjoni waħda minn importatur mhux relatat. Barra minn hekk, ġiet organizzata seduta ma' importatur ieħor (aġent). L-argumenti ta' l-ewwel importatur ikkoinċidew ma' dawk tal-produtturi esportaturi u ġew diskussi fil-premessa (70) hawn fuq. L-argumenti tat-tieni importatur (aġent) huma diskussi taħt il-premessa (102) hawn isfel, billi dawn jikkoinċidu ma' l-argumenti ta' żewġ produtturi ta' ilma minerali.

(95)

Fin-nuqqas ta' kwalunkwe informazzjoni ulterjuri sottomessa dwar l-interess ta' importaturi mhux relatati, is-sejbien kif stipulat fil-premessi (185) sa (187) tar-Regolament proviżorju qiegħed b'dan jiġi kkonfermat.

(96)

Fin-nuqqas ta' kwalunkwe informazzjoni sottomessa dwar l-interess ta' fornituri Komunitarji, is-sejbien kif stipulat fil-premessi (188) sa (189) tar-Regolament proviżorju qiegħed b'dan jiġi kkonfermat.

(97)

Il-mod li bih il-konsum fil-Komunità tal-prodott ikkonċernat kien imqassam bejn diversi tipi ta' utenti ġie spjegat taħt l-intestatura rimarki preliminari fil-premessi (190) sa (192) tar-Regolament proviżorju. Fin-nuqqas ta' kwalunkwe informazzjoni ġdida, din id-deskrizzjoni qiegħda b'dan tiġi kkonfermata.

(98)

Huwa mfakkar li l-Kummissjoni fis-sejbien proviżorju tagħha (premessa (196) tar-Regolament proviżorju) ma setgħetx tistabbilixxi jekk ikunx fl-interess tal-preform/bottle converters li timponi dazji anti-dumping. Din il-konklużjoni kienet ibbażata fuq il-fatt illi, filwaqt li żewġ preform/bottle converters li kkooperaw appoġġaw l-introduzzjoni tal-miżuri anti-dumping, l-Assoċjazzjoni ta' Plastic Converters opponietha.

(99)

Sussegwentement għall-impożizzjoni tal-miżuri anti-dumping proviżorji, la saret sottomissjoni ġdida u lanqas talba għal smigħ mill-Assoċjazzjoni tal-Plastic Converters. Fuq din il-bażi ma jistax jiġi konkluż illi l-interessi tal-preform/bottle converters jikkostitwixxu xi raġuni konvinċenti kontra l-impożizzjoni ta' miżuri anti-dumping. Is-sejbien kif stipulat fil-premessi (193) sa (195) tar-Regolament proviżorju qiegħed għaldaqstant jiġi kkonfermat.

(100)

Wara li l-kxif tal-bażi li fuqha ġew imposti l-miżuri proviżorji, żball klerikali ġie rranġat billi ġiet inkluża L'Européenne D'embouteillage fil-lista ta' l-utenti li kkooperaw. Dan l-utent oppona l-introduzzjoni tal-miżuri proviżorji. Konsegwentement, kien hemm żewġ produtturi ta' l-ilma minerali u naturali u mhux wieħed li kienu qed jopponu l-impożizzjoni tad-dazju anti-dumping, filwaqt li tnejn oħra baqgħu favur.

(101)

Huwa mfakkar illi fl-investigazzjoni li wasslet għad-dazji proviżorji, il-Kummissjoni kienet ikkonkludiet dan li ġej dwar fliexken ta' l-ilma minerali mimlijin:

(102)

Sussegwenti għall-kxif tas-sejbien proviżorju, żewġ produtturi ta' ilma minerali u naturali u importatur wieħed (il-’grupp’) għamlu sottomissjoni konġunta. Il-grupp sostna illi:

(103)

Dwar l-affermazzjoni tal-grupp illi ż-żieda fil-prezzijiet tal-PET ma setgħetx tingħadda lil-livell ta' utenti li jmiss (jiġifieri lil bejjiegħa bl-imnut, konsumaturi aħħarin u, fil-każ ta' preform/bottle converters, lil produtturi ta' soft drinks), din l-affermazzjoni ma kinitx issostanzjata. Barra minn hekk, l-ebda bejjiegħ bl-imnut jew xi għaqda ta' konsumaturi ma wriet ruħha matul din l-investigazzjoni. Dan l-argument qiegħed għalhekk jiġi miċħud.

(104)

Dwar l-allegata esaġerazzjoni tal-prezz bl-imnut mill-Kummissjoni fir-Regolament proviżorju (li ġġib magħha bħala konsegwenza nuqqas ta' valutazzjoni ta' l-effetti illi żidiet fil-PET ikollhom fuq l-industrija aktar 'l isfel fil-linja tax-xogħol), il-prezzijiet bl-imnut reġgħu ġew investigati. Madankollu, dawn instabu li huma fil-limiti ppreżentati fir-Regolament proviżorju. Dan l-argument qiegħed għalhekk jiġi miċħud.

(105)

Dwar ir-riskji ta' outsourcing, qiegħed jiġi mfakkar illi r-regolamenti sanitarji fir-rigward ta' mili ta' ilma minerali jirrikjedu illi fi prinċipju, il-fliexken preform għandhom ikunu prodotti fil-post fejn jimtlew. Għaldaqstant, preforms użati mill-produtturi ta' l-ilma huma prodotti minnhom stess qrib il-linji tan-nefħa u tal-mili. Għalhekk, ir-riskji ta' kwalunkwe outsourcing tal-kapaċità ta' preform/ibbottiljar huma limitati għall-każ ta' preforms għal produtturi ta' soft drinks, li jammontaw biss għal madwar 40 % tal-konsum totali tal-prodott ikkonċernat. Barra minn hekk, kif innotat fil-premessa (99) hawn fuq, ma jistax jiġi konkluż li l-interessi ta' preform/bottle converters jikkostitwixxu raġuni konvinċenti kontra l-impożizzjoni ta' miżuri anti-dumping. F'dawn iċ-ċirkostanzi, l-argumenti tal-grupp dwar l-allegat riskju ta' outsourcing tal-kapaċità ta' ibbottiljar/converting, qiegħed jiġi miċħud.

(106)

Fin-nuqqas ta' kwalunkwe informazzjoni ġdida sottomessa barra minn dik t'hawn fuq, is-sejbien kif stipulat fil-premessi (197) sa (202) tar-Regolament proviżorju, qiegħed jiġi b'dan ikkonfermat.

(107)

Fin-nuqqas ta' kwalunkwe informazzjoni ġdida sottomessa dwar l-interess tal-produtturi ta' soft drinks, is-sejbien kif stipulat fil-premessi (203) sa (206) tar-Regolament proviżorju qiegħed jiġi b'dan ikkonfermat.

(108)

Fin-nuqqas ta' kwalunkwe informazzjoni ġdida sottomessa rigward l-allegati skarsezzi ta' PET fis-suq Komunitarju, is-sejbien kif stipulat fil-premessi (207) sa (209) tar-Regolament proviżorju qiegħed jiġi b'dan ikkonfermat.

(109)

Fid-dawl tal-konklużjonijiet imniżżlin fir-Regolament proviżorju u wara li tqiesu s-sottomissjonijiet magħmula mid-diversi partijiet, huwa konkluż illi m'hemmx raġunijiet konvinċenti sabiex ma jiġux imposti miżuri anti-dumping definittivi kontra importazzjonijiet li huma oġġett ta' dumping ta' PET li joriġinaw mill-pajjiżi kkonċernati.

(110)

Abbażi tal-metodoloġija spjegata fil-premessi (212) sa (215) tar-Regolament proviżorju, ġie kkalkulat livell ta’ eliminazzjoni tal-ħsara bil-għan li jiġi stabbilit il-livell ta' miżuri li għandhom jiġu imposti.

(111)

Meta kien qed jiġi kkalkulat il-marġni ta' ħsara fir-Regolament proviżorju, il-profitt immirat għall-industrija Komunitarja kien iffissat għal 7 %, livell li oriġina mill-investigazzjoni li wasslet għall-impożizzjoni ta' miżuri anti-dumping fuq importazzjonijiet tal-prodott ikkonċernat li oriġina, inter alia, fl-Indja fis-sena 2000. Dak iż-żmien dan kien ibbażat fuq l-istima tal-livell ta' profitt illi l-industrija Komunitarja setgħet tistenna fl-assenza ta' dumping u livell li kien ikkunsidrat neċessarju sabiex jiżgura l-vijabbiltà ta' l-industrija.

(112)

Madankollu, fl-investigazzjoni preżenti, instab, abbażi ta' evidenza, illi fl-assenza ta' dumping seta' jintlaħaq marġni ta' profitt ta' 7,6 %. Għalhekk, huwa kkunsidrat illi profitt immirat ta' 7,6 % ikun aktar xieraq meta jiġi kkalkolat il-marġni ta' ħsara, milli dak ta' 7 % użat fir-Regolament proviżorju.

(113)

Fin-nuqqas ta' kwalunkwe kumment ġdid fuq dan is-suġġett, għajr għall-emenda t'hawn fuq, il-metodoloġija stipulata fil-premessi (212) sa (215) tar-Regolament proviżorju qegħda b'dan tiġi kkonfermata.

(114)

Fid-dawl ta' dak li ngħad fuq u skond l-Artikolu 9(4) tar-Regolament bażiku, dazju anti-dumping definittiv għandu jiġi impost fil-livell tal-marġni ta' dumping ikkalkulat, minħabba li fil-każijiet kollha kienu inqas mill-marġni ta' ħsara.

(115)

Abbażi ta' dak t'hawn fuq, id-dazji definittivi għandhom ikunu kif ġej:

(116)

Ir-rati individwali ta' dazju anti-dumping speċifikati f'dan ir-Regolament kienu stabbiliti abbażi tas-sejbiet ta' l-investigazzjoni preżenti. Għalhekk, jirriflettu s-sitwazzjoni li nstabet waqt dik l-investigazzjoni fir-rigward ta' dawn il-kumpanniji. Dawn ir-rati ta' dazju (kif oppost għad-dazju fil-pajjiż kollu applikabbli għall-“kumpanniji l-oħrajn kollha”) huma b'hekk esklussivament applikabbli għall-importazzjonijiet ta' prodotti li joriġinaw mill-pajjiż ikkonċernat u prodotti mill-kumpanniji speċifikatament imsemmija. Prodotti importati prodotti minn xi kumpannija oħra mhux speċifikatament imsemmija b'isimha u bl-indirizz fil-parti operattiva ta' dan ir-Regolament, inklużi entitajiet relatati ma' dawk speċifikament imsemmija, ma jistgħux jibbenefikaw minn dawn ir-rati u jkunu soġġetti għar-rata ta' dazju applikabbli “għall-kumpanniji l-oħrajn kollha”.

(117)

Kwalunkwe talba li ssir sabiex jiġu applikati dawn ir-rati individwal ta' dazju anti-dumping (eż. wara xi bidla fl-isem ta' l-entità jew wara l-istabbiliment ta' xi entitatijiet ġodda ta' produzzjoni jew bejgħ) għandha tkun indirizzata lill-Kummissjoni (5) minnufih bl-informazzjoni kollha rilevanti, b'mod partikolari kull tibdil fl-attivitajiet tal-kumpannija li għandu x'jaqsam mal-produzzjoni, bejgħ domestiku u esportazzjoni assoċjata ma' per eżempju, dik il-bidla ta' l-isem jew inkella dik il-bidla fil-produzzjoni u entitajiet ta' bejgħ. Jekk ikun xieraq, ir-Regolament jiġi emendat kif meħtieġ billi tiġi aġġornata l-lista tal-kumpanniji li jibbenefikaw minn rati ta' dazju individwali.

(118)

Kif imsemmi fil-premessa (162) fir-Regolament proviżorju, il-prezzijiet tal-PET jistgħu u fil-fatt jitilgħu u jinżlu skond iċ-ċaqliq fil-prezzijiet taż-żejt mhux raffinat, imma dan m'għandux fih innifsu jinvolvi dazju ogħla. Għalhekk, kien ikkunsidrat addatt li jiġu imposti dazji fil-forma ta' ammont speċifiku għal kull tunnellata. Dawn l-ammonti jirriżultaw mill-applikazzjoni tar-rata ta' dazju anti-dumping għall-prezzijiet ta' l-esportazzjoni CIF użati għall-kalkolazzjoni tal-livell ta' eliminazzjoni ta' ħsara.

(119)

Sussegwenti għall-adozzjoni tal-miżuri anti-dumping proviżorji, produttur esportatur li kkoopera fl-Awstralja offra impenn ta' prezz skond l-Artikolu 8(1) tar-Regolament bażiku. F'dan l-impenn, il-produttur esportatur in kwistjoni offra li jbiegħ il-prodott ikkonċernat fil-livelli tal-prezz jew inkella ogħla li jeliminaw l-effett ta’ ħsara tad-dumping.

(120)

Il-Kummissjoni, bid-Deċiżjoni 2004/600/KE (6), aċċettat l-impenn magħmul mill-produttur esportatur ikkonċernat. Ir-raġunijiet għall-aċċettazzjoni ta' dan l-impenn huma stipulati f'dik id-Deċiżjoni.

(121)

Fid-dawl tad-daqs tal-marġnijiet ta' dumping misjubin u fid-dawl tal-livell tal-ħsara materjali kkawżata lill-industrija Komunitarja, huwa kkunsidrat neċessarju li l-ammonti ggarantiti permezz tad-dazju anti-dumping proviżorju, impost bir-Regolament (KE) Nru 306/2004, għandhom jinġabru bir-rata tad-dazju definittiv impost. Fejn id-dazji definittivi huma ogħla mid-dazji proviżorji, l-ammonti ggarantiti sal-livell tad-dazji proviżorji biss għandhom jinġabru definittivament.

Kummissjoni Ewropea

Direttorat-Ġenerali għall-Kummerċ

Direzzjoni B

Uffiċċju J-79 5/16

B-1049 Brussell.

31.12.2008   

MT

Il-Ġurnal Uffiċjali ta’ l-Unjoni Ewropea

27

(1)

Fis-26 ta' Ġunju 2003, il-Kunsill awtorizza lill-Kummissjoni biex tiftaħ negozjati taħt l-Artikolu XXVIII tal-GATT 1994 bil-ħsieb li jiġu mmodifikati ċerti konċessjonijiet għar-ross. Għaldaqstant, il-Kommunità nnotifikat lid-WTO fit-2 ta' Lulju 2003 bl-intenzjoni tagħha li timmodifika ċerti konċessjonijiet fl-Iskeda CXL tal-KE.

(2)

In-negozjati tmexxew mill-Kummissjoni b’konsultazzjoni mal-Kumitat stabbilit bl-Artikolu 133 tat-Trattat u fil-qafas tad-direttivi ta' negozjar maħruġa mill-Kunsill.

(3)

Il-Kummissjoni nnegozjat ma' l-Istati Uniti ta' l-Amerika, li għandha interess prinċipali fil-forniment tal-prodotti tal-kodiċi HS 1006 20 (ross bla ħliefa) u interess sostanzjali fil-forniment tal-prodotti tal-kodiċi HS 1006 30 (ross mitħun), it-Tajlandja, li għandha interess prinċipali fil-forniment tal-prodotti tal-kodiċi HS 1006 30 (ross mitħun) u interess sostanzjali fil-forniment tal-prodotti tal-kodiċi HS 1006 20 (ross bla ħliefa) u l-Indja u l-Pakistan, li t-tnejn għandhom interess sostanzjali fil-forniment tal-prodotti tal-kodiċi HS 1006 20 (ross bla ħliefa).

(4)

Sabiex jiġi żgurat li l-Ftehim ikun jista' jiġi applikat bis-sħiħ sa l-1 ta' Settembru 2004 u sakemm jiġi emendat ir-Regolament tal-Kunsill (KE) Nru 1785/2003 tad-29 ta' Settembru 2003 dwar l-organizzazzjoni komuni tas-suq tar-ross (1), il-Kummissjoni għandha tiġi awtorizzata tadotta derogi temporanji minn dak ir-Regolament.

(5)

Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat implimentattivi mogħtija lill-Kummissjoni (2).

(6)

Il-Kummissjoni nnegozjat b'suċċess Ftehim fil-forma ta’ Skambju ta’ Ittri bejn il-Komunità Ewropea u l-Indja. Għalhekk, il-Ftehim għandu jiġi approvat,

31.12.2008   

MT

Il-Ġurnal Uffiċjali ta’ l-Unjoni Ewropea

33

(1)

Fis-26 ta' Ġunju 2003, il-Kunsill awtorizza lill-Kummissjoni biex tiftaħ negozjati taħt l-Artikolu XXVIII tal-GATT 1994 bil-ħsieb li jiġu mmodifikati ċerti konċessjonijiet għar-ross. Għaldaqstant, il-Kommunità nnotifikat lid-WTO fit-2 ta' Lulju 2003 bl-intenzjoni tagħha li timmodifika ċerti konċessjonijiet fl-Iskeda CXL tal-KE.

(2)

In-negozjati tmexxew mill-Kummissjoni b’konsultazzjoni mal-Kumitat stabbilit bl-Artikolu 133 tat-Trattat u fi ħdan il-qafas tad-direttivi ta' negozjar maħruġa mill-Kunsill.

(3)

Il-Kummissjoni nnegozjat ma' l-Istati Uniti ta' l-Amerika, li għandha interess prinċipali fil-forniment tal-prodotti tal-kodiċi HS 1006 20 (ross bla ħliefa) u interess sostanzjali fil-forniment tal-prodotti tal-kodiċi HS 1006 30 (ross mitħun), it-Tajlandja, li għandha interess prinċipali fil-forniment tal-prodotti tal-kodiċi HS 1006 30 (ross mitħun) u interess sostanzjali fil-forniment tal-prodotti tal-kodiċi HS 1006 20 (ross bla ħliefa) u l-Indja u l-Pakistan, li t-tnejn għandhom interess sostanzjali fil-forniment tal-prodotti tal-kodiċi HS 1006 20 (ross bla ħliefa).

(4)

Sabiex jiġi żgurat li l-Ftehim ikun jista' jiġi applikat bis-sħiħ sa l-1 ta' Settembru 2004 u sakemm jiġi emendat ir-Regolament tal-Kunsill (KE) Nru 1785/2003 tad-29 ta' Settembru 2003 dwar l-organizzazzjoni komuni tas-suq tar-ross (1), il-Kummissjoni għandha tiġi awtorizzata tadotta derogi temporanji minn dak ir-Regolament.

(5)

Il-miżuri meħtieġa għall-implimentazzjoni ta' din id-Deċiżjoni għandhom jiġu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tistabbilixxi l-proċeduri għall-eżerċizzju tas-setgħat ta' implimentazzjoni mogħtija lill-Kummissjoni (2).

(6)

Il-Kummissjoni nnegozjat b'suċċess Ftehim fil-forma ta’ Skambju ta’ Ittri bejn il-Komunità Ewropea u l-Pakistan. Għalhekk, il-Ftehim għandu jiġi approvat,

31.12.2008   

MT

Il-Ġurnal Uffiċjali ta’ l-Unjoni Ewropea

35

(1)

Fis-26 ta' Ġunju 2003, il-Kunsill awtorizza lill-Kummissjoni biex tiftaħ negozjati taħt l-Artikolu XXVIII tal-GATT 1994 bil-ħsieb li jiġu mmodifikati ċerti konċessjonijiet għar-ross. Għaldaqstant, il-Kommunità nnotifikat lid-WTO fit-2 ta' Lulju 2003 bl-intenzjoni tagħha li timmodifika ċerti konċessjonijiet fl-Iskeda CXL tal-KE.

(2)

In-negozjati tmexxew mill-Kummissjoni b’konsultazzjoni mal-Kumitat stabbilit bl-Artikolu 133 tat-Trattat u fil-qafas tad-direttivi ta' negozjar maħruġa mill-Kunsill.

(3)

Il-Kummissjoni nnegozjat ma' l-Istati Uniti ta' l-Amerika, li għandha interess prinċipali fil-forniment tal-prodotti tas-subintestatura HS 1006 20 (ross bla ħliefa) u interess sostanzjali fil-forniment tal-prodotti tas- subintestatura HS 1006 30 (ross mitħun), it-Tajlandja, li għandha interess prinċipali fil-forniment tal-prodotti tas- subintestatura HS 1006 30 (ross mitħun) u interess sostanzjali fil-forniment tal-prodotti tas- subintestatura HS 1006 20 (ross bla ħliefa) u l-Indja u l-Pakistan, li t-tnejn għandhom interess sostanzjali fil-forniment tal-prodotti tas- subintestatura HS 1006 20 (ross bla ħliefa).

(4)

Il-Kummissjoni nnegozjat ftehim ma' l-Indja u l-Pakistan f'forma ta' skambju ta' ittri iżda ma kinitx kapaċi tinnegozja ftehim aċċettabbli ma' l-Istati Uniti ta' l-Amerika u mat-Tajlandja.

(5)

Sabiex tippermetti l-modifikazzjoni ta' ċerti konċessjonijiet li jikkonċernaw ir-ross bla ħliefa u r-ross mitħun fl-Iskeda CXL tal-KE għandha tiġi stabbilita rata tariffarja ġdida għar-ross bla ħliefa u għar-ross mitħun.

(6)

Peress li l-istabbiliment ta' rata tariffarja ġdida għar-ross bla ħliefa u għar-ross mitħun jeħtieġ modifika għar-Regolament tal-Kunsill (KE) Nru 1785/2003 tad-29 ta' Settembru 2003 dwar l-organizzazzjoni komuni tas-suq tar-ross (1), il-Kummissjoni għandha tiġi awtorizzata tadotta derogi temporanji minn dak ir-Regolament.

(7)

Il-miżuri meħtieġa għall-implimentazzjoni ta' din id-Deċiżjoni għandhom ikunu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' l-implimentazzjoni konferiti fuq il-Kummissjoni (2)

31.12.2008   

MT

Il-Ġurnal Uffiċjali ta’ l-Unjoni Ewropea

36

(1)

Abbażi tad-Deċiżjoni 2001/131/KE (3), l-għajnuna finanzjarja mogħtija lill-Ħaiti ġiet sospiża parzjalment bħala “miżuri xierqa” skond l-Artikolu 96(2)(c) tal-Ftehim tas-Sħubija ta’ l-AKP-KE.

(2)

Id-Deċiżjoni 2003/916/KE tiskadi fil-31 ta’ Diċembru 2004 u teħtieġ reviżjoni tal-miżuri fi żmien sitt xhur.

(3)

Fit-12 ta' Mejju 2004 saru diskussjonijiet bejn il-Kummissjoni u l-Prim Ministru Transitorju tal-Ħaiti biex issir valutazzjoni tas-sitwazzjoni ta' l-aġenda politika tal-Gvern Transitorju b'rabta ma' l-istabbiliment mill-ġdid tat-tmexxija demokratika u kostituzzjonali sħiħa, inkluż programm ta' l-elezzjoni, b'rispett dovut għad-drittijiet tal-bniedem u l-libertà fundamentali.

(4)

Permezz ta' ittra tal-25 ta' Mejju 2004, il-Prim Ministru Transitorju tal-Ħaiti kkonferma l-impenji speċifiċi tal-Gvern Transitorju tal-Ħaiti li jirrispetta l-elementi essenzjali ta' l-Artikolu 9 tal-Ftehim ta' Sħubija AKP-KE, b'mod partikolari fir-rigward tas-sitwazzjoni tad-drittijiet tal-bniedem, il-prinċipji demokratiċi u l-istat ta' dritt bil-ħsieb li l-pajjiż jirritorna għal tmexxija demokratika u kostituzzjonali sħiħa,

(1)

Fit-tieni u fit-tielet paragarafu ta’ l-Artikolu 3, id-data tal-31 ta' Diċembru 2004 għandha tiġi ssostitwita bi “31 ta' Diċembru 2005”.

(2)

L-Anness għandu jiġi ssostitwit bit-test li jidher fl-Anness għal din id-Deċiżjoni.

31.12.2008   

MT

Il-Ġurnal Uffiċjali ta’ l-Unjoni Ewropea

38

(1)

Skond rapporti xjentifiċi reċenti, u b'mod partikolari r-rapporti tal-Kunsill Internazzjonali għall-Esplorazzjoni tal-Baħar (ICES), fl-Atlantiku nstabu u ġew irreġistrati fuq mappi abitati tal-fond li huma sensittivi ħafna. F'dawk l-abitati jgħixu komunitajiet bijoloġiċi importanti u differenti ħafna u huma kkunsidrati li jeħtieġu protezzjoni prijoritarja. B'mod partikolari, huma definiti bħala abitati ta' interess Komunitarju fid-Direttiva tal-Kunsill 92/43/KE tal-21 ta' Mejju 1992 dwar il-konservazzjoni ta' l-abitat naturali u tal-fawna u l-flora selvaġġa (2). Barra minn dan, sikek tal-qroll tal-fond kienu reċentement inklużi f'lista ta' abitati fil-perikolu fil-qafas tal-Konvenzjoni għall-Protezzjoni ta' l-Ambjent Marittimu tal-Grigal ta' l-Atlantiku (“Konvenzjoni OSPAR”).

(2)

Skond evidenza xjentifika, l-irkupru mill-ħsara ta' dawn l-abitati magħmula mit-tagħmir tat-tkarkir li jitkarkar mal-qiegħ huwa jew impossibbli jew diffiċli ħafna u bil-mod. L-ibħra madwar l-Azores, il-Gżejjer Kanarji u Madeira għandhom bosta abitati tal-fond magħrufin jew potenzjali li sa ftit ilu kienu ppreservati mit-tkarkir. Għalhekk huwa xieraq li jiġi pprojbit l-użu tat-tartaruni tal-qiegħ u tagħmir simili fl-ibħra madwar l-Azores, il-Gżejjer Kanarji u Madeira fejn dawn l-abitati għadhom fi status ta' konservazzjoni favorevoli.

(3)

Informazzjoni xjentifika ġdida tindika li l-qabdiet ta' merluzz maqbud f'sajd magħmul skond il-kondizzjonijiet speċifiċi fil-punt 17 ta' l-Anness IV tar-Regolament tal-Kunsill (KE) Nru 2287/2003 tad-19 ta' Diċembru 2003 li jiffissa għas-sena 2004 l-opportunitajiet tas-sajd u l-kondizzjonijiet assoċjati għal ċerti ħażniet ta' ħut u gruppi ta' ħażniet ta' ħut, applikabbli f'ibħra Komunitarji u, għal bastimenti Komunitarji, f'ibħra fejn huma meħtieġa limitazzjonijiet ta' qabdiet (3), x'aktarx li jkunu baxxi u konsegwentament dan is-sajd huwa ta' riskju addizzjonali żgħir għall-irkupru tal-merluzz. Għaldaqstant żieda fin-numru ta' jiem ta' sajd għall-bakkaljaw huwa ġustifikat.

(4)

Sabiex jiġi żgurat l-għajxien tas-sajjieda Komunitarji, huwa importanti li dan is-sajd isir disponibbli malajr kemm jista' jkun. Għalhekk, huwa imperattiv li tingħata eċċezzjoni għall-perijodu ta' sitt ġimgħat imsemmi fil-paragrafu I(3) tal-Protokoll dwar ir-rwol tal-Parlamenti nazzjonali fl-Unjoni Ewropea, anness għat-Trattat dwar l-Unjoni Ewropea u għat-Trattat li jistabbilixxi l-Komunità Ewropea.

(5)

Ir-Regolament (KE) Nru 2287/2003 għandu għaldaqstant jiġi emendat kif meħtieġ,

1.

Fl-Anness IV għandu jiżdied il-punt li ġej:

“19.   Projbizzjoni ta' tkarkir fl-ibħra madwar l-Azores, il-Gżejjer Kanarji u Madeira

Il-bastimenti għandhom jiġu pprojbiti milli jużaw kwalunkwe xibka tat-tkarkir tal-qiegħ jew xbieki ta' rmonk simili li joperaw f'kuntatt ma' qiegħ il-baħar f'ibħra taħt is-sovranità jew il-ġurisdizzjoni ta' Stati Membri fiż-żoni fi ħdan linja li tgħaqqad il-koordinati li ġejjin:

2.

Fl-Anness V dan li ġej għandu jiżdied fil-punt 6:

31.12.2008   

MT

Il-Ġurnal Uffiċjali ta’ l-Unjoni Ewropea

40

(1)

B'ittra reġistrata mal-Kummissjoni fid-19 ta' Frar 2004 l-Portugall talab l-awtorizzazzjoni biex jintroduċi miżura derogatorja fir-rigward tas-settur tal-bejgħ domiċiljari.

(2)

L-Istati Membri l-oħra ġew informati b'dan fis-26 ta' Marzu 2004.

(3)

Il-Portugall ġie nnotifikat fit-30 ta' Marzu 2004 li l-Kummissjoni kienet fil-pussess ta' l-informazzjoni kollha li kienet teħtieġ biex tieħu deċiżjoni dwar il-materja.

(4)

Il-miżura hija maħsuba biex tippermetti lil ċerti impriżi impenjati f'bejgħ domiċiljari li jħallsu f'isem il-bejjiegħa mill-ġdid tagħhom il-VAT dovuta fuq il-prezzijiet tal-prodotti li l-bejjiegħa mill-ġdid ibigħu lill-klijenti tagħhom, dment li l-valur tal-bejgħ sħiħ ta' l-impriżi jinkiseb minn bejgħ domiċiljari minn bejjiegħa mill-ġdid li jaħdmu f'isimhom stess u fuq il-kont tagħhom stess u li l-listi tal-prezzijiet li jistabbilixxu l-prezz tal-bejgħ li jintalab lill-pubbliku għall-prodotti kollha ta' l-impriża jitfasslu minn qabel u jiġu rrispettati.

(5)

Id-deroga ser tapplika biss f'każijiet fejn l-impriża tbigħ il-prodotti tagħha direttament lill-bejjiegħa mill-ġdid li, min-naħa tagħhom, ibigħu direttament lill-konsumaturi finali.

(6)

L-impriżi li jissodisfaw il-kondizzjonijiet ta' hawn fuq u li ġew awtorizzati b'mod debitu mill-amministrazzjoni fiskali jħallsu lit-teżor l-ammont ta' VAT dovut fuq il-prezz tal-bejgħ bl-imnut stabbilit minn qabel.

(7)

Il-bejjiegħa mill-ġdid mhumiex ser ikunu meħtieġa aktar li jħallsu taxxa fuq il-bejgħ tagħhom u għalhekk mhux ser jibbenefikaw mid-dritt ta' tnaqqis.

(8)

Dan l-arranġament jikkostitwixxi deroga mill-Artikolu 21(1)(a) tas-Sitt Direttiva għall-fatt li l-bejjiegħ bl-ingrossa ser jinżamm responsabbli għat-taxxa fuq oġġetti mibjugħa lill-konsumaturi aħħarin mill-bejjiegħa mill-ġdid tiegħu.

(9)

Il-bejjiegħa bl-ingrossa huma għalhekk meħtieġa jissodisfaw l-obbligi fir-rigward ta’ prospetti ta’ taxxa tal-fatturar tat-taxxa u tal-ħlas tat-taxxa, eċċ., fir-rigward tal-prodotti li l-bejjiegħa tagħhom ibigħu lill-konsumaturi finali u, b'deroga mill-Artikolu 22, il-bejjiegħa mill-ġdid tagħhom huma eżentati minn dawn l-obbligi fir-rigward ta' l-oġġetti li huma jfornu lill-konsumaturi finali.

(10)

L-arranġament ġie awtorizzat bid-Deċiżjoni aktar bikrija tal-Kunsill 1999/82/KE tat-18 ta' Jannar 1999 (2), li kienet applikabbli mill-1 ta' Jannar 1999 sal-31 ta' Diċembru 2000.

(11)

Il-Kummissjoni tikkunsidra li din id-deroga hija miżura ta' simplifikazzjoni u għalhekk tissodisfa l-kondizzjonijiet imniżżla fl-Artikolu 27 tas-Sitt Direttiva.

(12)

Id-deroga għandha tiġi awtorizzata sal-31 ta' Diċembru 2009.

(13)

Id-deroga mhix ser tibdel l-ammont ta' VAT miġbur fl-istadju tal-konsumazzjoni finali u mhix ser ikollha effett negattiv fuq ir-riżorsi proprji tal-Komunitajiet Ewropej miskuba mit-taxxa fuq il-valur miżjud,

(a)

il-prodotti kollha mibjugħa mill-impriża huma inklużi f'lista ta' prezzijiet stabbilita minn qabel applikabbli fl-istadju finali tal-konsum;

(b)

l-impriża tbigħ il-prodotti tagħha direttament lill-bejjiegħa mill-ġdid li, min-naħa tagħhom, ibigħu direttament lill-konsumaturi finali.

31.12.2008   

MT

Il-Ġurnal Uffiċjali ta’ l-Unjoni Ewropea

42

(1)

F’Awwissu 1999, il-Kunsill, bir-Regolament (KE) Nru 1796/1999 (2) tiegħu, impona dazju anti-dumping ta’ 60,4 % fuq l-importazzjonijiet ta’ ħbula u kejbils ta’ l-azzar (“steel wire ropes” jew “SWR”) li joriġinaw, inter alia, mir-Repubblika Popolari taċ-Ċina (“PRC”).

(2)

Fil-5 ta’ Jannar 2004, il-Kummissjoni rċeviet talba, skond l-Artikolu 13(3) tar-Regolament bażiku, mill-Kumitat ta’ Kordinament tal-Federazzjoni Ewropea ta’ l-Industrija tal-Ħbula ta’ l-Azzar, (EWRIS) sabiex tinvestiga l-allegat evitar permezz ta’ circumvention tal-miżuri anti-dumping imposti fuq importazzjonijiet ta’ ħbula u kejbils ta’ l-azzar li ġejjin mill-PRC. Din it-talba ġiet ippreżentata f’isem il-produtturi li jirrappreżentaw il-parti l-kbira tal-produzzjoni ta’ SWR tal-Komunità.

(3)

Din it-talba allegat u pproduċiet evidenza suffiċjenti prima facie li turi illi wara l-impożizzjoni ta’ miżuri fuq l-importazzjonijiet ta’ SWR li joriġinaw fil-PRC, kien hemm bidla sinifikanti fil-mod ta’ kif isir il-kummerċ li jinvolvi esportazzjonijiet ta’ SWR mill-PRC u mill-Marokk lejn il-Komunità. Ġie allegat li din il-bidla fil-mod ta’ kif isir il-kummerċ ġejja minn trasbord permezz tal -Marokk ta’ SWR li joriġina fil-PRC. Kien hemm żieda sinifikanti fl-importazzjonijiet mill-Marokk filwaqt li sadanittant l-importazzjonijiet mill-PRC naqsu bi proporzjonijiet bejn wieħed u ieħor ekwivalenti.

(4)

It-talba kkonkludiet li kien hemm kawża dovuta insuffiċjenti jew ġustifikazzjoni ekonomika għat-tibdil imsemmi fuq, ħlief l-eżistenza tad-dazju anti-dumping fuq SWR li joriġina fil-PRC.

(5)

Finalment, l-EWRIS ippreżenta wkoll biżżejjed evidenza li l-effetti rimedjali ta’ dan id-dazju kienu qegħdin jiġu mminati kemm f’termini ta’ kwantità kif ukoll f’termini ta’ prezzijiet u li l-prezzijiet ta’ SWR mill-Marokk kienu oġġett ta’ dumping meta mqabbla mal-valuri normali li qabel kienu ġew stabbiliti għal SWR li joriġina mill-PRC.

(6)

Il-Kummissjoni, bir-Regolament (KE) Nru 275/2004 (3) tagħha (“Regolament ta’ bidu”), bdiet investigazzjoni tas-circumvention allegata u tat direttiva, b’mod konformi ma’ l-Artikoli 13(3) u 14(5) tar-Regolament bażiku, lill-awtoritajiet doganali, sabiex jirreġistraw l-importazzjonijiet ta’ SWR konsenjati mill-Marokk, kemm jekk dikjarati li joriġinaw mill-Marokk kif ukoll jekk le, u dan mid-19 ta’ Frar 2004. Il-Kummissjoni avżat lill-awtoritajiet tal-PRC u tal-Marokk bil-bidu ta’ din l-investigazzjoni.

(7)

Intbagħtu kwestjonarji lill-importaturi ta’ SWR fil-Komunità kif ukoll lill-esportaturi ta’ SWR li jinsabu fil-PRC u fil-Marokk, li kienu ssemmew fit-talba, u lil partijiet interessati oħrajn li ppreżentaw irwieħhom fil-limitu taż-żmien preskritt. Il-partijiet kollha ġew informati li n-nuqqas ta’ kooperazzjoni tagħhom tista’ twassal għall-applikazzjoni ta’ l-Artikolu 18 tar-Regolament bażiku. Ġew ukoll mgħarrfa bil-konsegwenzi tan-nuqqas ta’ kooperazzjoni.

(8)

Numru ta’ importaturi Komunitarji infurmaw lill-Kummissjoni bil-miktub fejn huma ddikjaraw li ma kinux importaw SWR mill-Marokk.

(9)

L-ebda risposta għall-kwestjonarji ma waslet lura mill-esportaturi/produtturi fil-PRC.

(10)

Risposta għall-kwestjonarju waslet mingħand produttur esportatur Marokkin wieħed, Remer Maroc SARL, Settat. Il-Kummissjoni wettqet żjara ta’ verifika fil-bini ta’ din il-kumpannija.

(11)

Il-perijodu ta’ l-investigazzjoni jkopri l-perijodu bejn l-1 ta’ Jannar 2003 sal-31 ta’ Diċembru 2003 (“l-IP”). Id-data nġabret mill-1999 sat-tmiem l-IP sabiex tiġi investigata l-allegata bidla fil-mod li bih kien qiegħed isir in-negozju.

(12)

Kif intqal fil-premessa 9, ma kienet riċevuta l-ebda kooperazzjoni mill-produtturi jew mill-esportaturi ta’ SWR fil-PRC. Madanakollu, inkisbet informazzjoni mingħand produttur esportatur wieħed mill-Marokk li kkoopera, Remer Maroc SARL, li pproduċa SWR u li esporta parti żgħira mill-produzzjoni tiegħu lejn il-Komunità matul l-IP. Din il-kumpannija hija responsabbli għal inqas minn 5 % tal-volum totali ta’ importazzjonijiet SWR mill-Marokk lejn il-Komunità matul l-IP, kif rapportat mill-EUROSTAT. Għaldaqstant ir-riżultati kellhom ikunu ibbażati parzjalment fuq il-fatti disponibbli, skond l-Artikolu 18 tar-Regolament bażiku.

(13)

Il-prodott konċernat huwa, kif definit fl-investigazzjoni li wasslet għall-impożizzjoni tal-miżuri eżistenti (“l-investigazzjoni oriġinali”), ħbula u kejbils ta’ l-azzar, inklużi ħbula b’barma fissa, għajr ħbula u kejbils ta’ l-istainless steel, li għandhom taqsima trasversali massima li taqbeż it-3 mm (fit-terminolġija industrijali huma magħrufin bħala “SWR”), li joriġinaw mir-Repubblika Popolari taċ-Ċina, normalment dikjarati taħt il-kodiċi NM ex 7312 10 82, ex 7312 10 84, ex 7312 10 86, ex 7312 10 88 u ex 7312 10 99.

(14)