32022R1379

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 2022/1379 - EN - EUR-Lex

Help

Search tips

Need more search options? Use the Advanced search

Document 32022R1379

Help

Regolament tal-Kummissjoni (UE) 2022/1379 tal-5 ta’ Lulju 2022 li jemenda r-Regolament (UE) 2017/2400 fir-rigward tad-determinazzjoni tal-emissjonijiet tas-CO2 u tal-konsum tal-fjuwil ta’ trakkijiet medji u tqal u ta’ karozzi tal-linja tqal u sabiex jiġu introdotti vetturi elettriċi u teknoloġiji ġodda oħra (Test b’rilevanza għaż-ŻEE)

C/2022/4520

ĠU L 212, 12.8.2022, p. 1–290 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2022/1379/oj

HTML

PDF

Official Journal

12.8.2022

Il-Ġurnal Uffiċjali tal-Unjoni Ewropea

L 212/1

REGOLAMENT TAL-KUMMISSJONI (UE) 2022/1379

tal-5 ta’ Lulju 2022

li jemenda r-Regolament (UE) 2017/2400 fir-rigward tad-determinazzjoni tal-emissjonijiet tas-CO2 u tal-konsum tal-fjuwil ta’ trakkijiet medji u tqal u ta’ karozzi tal-linja tqal u sabiex jiġu introdotti vetturi elettriċi u teknoloġiji ġodda oħra

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 595/2009 tal-Parlament Ewropew u tal-Kunsill tat-18 ta’ Ġunju 2009 dwar l-approvazzjoni tat-tip ta’ vetturi bil-mutur u tal-magni rigward l-emissjonijiet minn vetturi heavy-duty (Euro VI) u dwar l-aċċess għal informazzjoni dwar it-tiswija u l-manutenzjoni tal-vetturi (1), u b’mod partikolari l-Artikolu 4(3) u l-punt (e) tal-Artikolu 5(4) tiegħu,

Billi:

(1)

Ir-Regolament tal-Kummissjoni (UE) 2017/2400 (2) jintroduċi metodu komuni sabiex iqabbel oġġettivament il-prestazzjoni ta’ vetturi tqal imqegħdin fis-suq tal-Unjoni fir-rigward tal-emissjonijiet tas-CO2 u tal-konsum tal-fjuwil tagħhom. Jistabbilixxi dispożizzjonijiet għaċ-ċertifikazzjoni tal-komponenti b’impatt fuq l-emissjonijiet tas-CO2 u fuq il-konsum tal-fjuwil tal-vetturi tqal, jintroduċi għodda ta’ simulazzjoni bil-għan li jiġu ddeterminati u ddikjarati l-emissjonijiet tas-CO2 u l-konsum tal-fjuwil ta’ dawk il-vetturi u jistipula, fost l-oħrajn, rekwiżiti għall-awtoritajiet tal-Istati Membri u għall-manifatturi sabiex jivverifikaw il-konformità taċ-ċertifikazzjoni tal-komponenti u l-konformità tal-operat tal-għodda ta’ simulazzjoni.

(2)

Ir-Regolament (UE) 2018/858 tal-Parlament Ewropew u tal-Kunsill (3) ittrasferixxa r-regoli dwar l-aċċess għal informazzjoni dwar id-dijanjostika abbord il-vettura u għal informazzjoni dwar it-tiswija u l-manutenzjoni tal-vetturi mir-Regolament (KE) Nru 595/2009. Sabiex il-kliem tar-Regolament (UE) 2017/2400 jiġi allinjat mal-kliem mibdul tar-Regolament (KE) Nru 595/2009, ir-referenzi għal informazzjoni dwar id-dijanjostika abbord u għal informazzjoni dwar it-tiswija u l-manutenzjoni tal-vetturi jeħtieġ li jitneħħew mir-Regolament (UE) 2017/2400.

(3)

Ir-Regolament (UE) 2017/2400 jiddetermina l-emissjonijiet tas-CO2 u l-konsum tal-fjuwil ta’ trakkijiet tqal. Madankollu, sabiex tingħata stampa aħjar tal-emissjonijiet tas-CO2, iridu jiġu kkalkolati l-emissjonijiet tas-CO2 ta’ aktar vetturi. Għalhekk, huwa meħtieġ li jiġu ddeterminati l-emissjonijiet tas-CO2 u l-konsum tal-fjuwil ta’ vetturi tqal oħra, jiġifieri trakkijiet medji u karozzi tal-linja tqal.

(4)

Sabiex jiġu koperti b’mod xieraq it-teknoloġiji futuri, huwa neċessarju li jiġu speċifikati rekwiżiti addizzjonali għal teknoloġiji ġodda bħal vetturi ibridi u dawk purament elettriċi, vetturi li jużaw żewġ tipi ta’ fjuwil, sistemi ta’ rkupru tas-sħana mormija u sistemi avvanzati ta’ assistenza għas-sewwieqa.

(5)

Peress li l-proċedura ta’ ttestjar tal-verifika fit-triq uriet li hija għodda importanti għall-verifika tal-kalkoli tal-emissjonijiet tas-CO2 u tal-konsum tal-fjuwil, huwa xieraq li din tapplika għal trakkijiet medji u għal teknoloġiji ġodda. Madankollu, minħabba l-kumplessitajiet tas-sistema ta’ produzzjoni u ta’ approvazzjoni f’diversi stadji li tapplika għal karozzi tal-linja tqal, f’dan il-mument ma huwiex possibbli li l-proċedura ta’ ttestjar tal-verifika fit-triq tiġi estiża għalihom.

(6)	Xi definizzjonijiet u rekwiżiti fir-Regolament (UE) 2017/2400 jeħtieġu aktar kjarifika u korrezzjonijiet, inkluż aktar allinjament mal-istandards ta’ rendiment għall-emissjonijiet tas-CO2 għal vetturi tqal ġodda stabbiliti fir-Regolament (UE) 2019/1242 tal-Parlament Ewropew u tal-Kunsill (4).

(7)	Sabiex l-Istati Membri, l-awtoritajiet nazzjonali u l-operaturi ekonomiċi jingħataw biżżejjed żmien sabiex iħejju għall-applikazzjoni tar-regoli introdotti minn dan ir-Regolament, id-data tal-applikazzjoni ta’ dan ir-Regolament jenħtieġ li tiġi differita.

(8)

Peress li ċerti manifatturi jistgħu jippreferu jissodisfaw ir-rekwiżiti stabbiliti f’dan ir-Regolament qabel id-data tal-applikazzjoni tiegħu, jenħtieġ li jkollhom il-possibbiltà li jiksbu liċenzja sabiex joperaw l-għodda ta’ simulazzjoni u jirċievu ċertifikazzjoni għall-komponenti f’konformità mar-regoli introdotti minn dan ir-Regolament qabel id-data tal-applikazzjoni tiegħu.

(9)

Għal ċerti gruppi ta’ vetturi u ċerti teknoloġiji, l-għodda ta’ simulazzjoni meħtieġa għall-obbligu li jiġu ddeterminati u ddikjarati l-emissjonijiet tas-CO2 u l-konsum tal-fjuwil ta’ vetturi ġodda, se tkun disponibbli biss wara d-data tal-applikazzjoni ġenerali ta’ dan ir-Regolament. F’dawn il-każijiet, ir-rekwiżiti jistgħu jkunu meħtieġa biss mill-mument tad-disponibbiltà tal-għodda ta’ simulazzjoni. Din hija r-raġuni għalfejn xi dispożizzjonijiet ta’ dan ir-Regolament għandhom japplikaw biss minn data aktar tard.

(10)	Il-miżuri previsti f’dan ir-Regolament huma skont l-opinjoni tal-Kumitat Tekniku – Vetturi bil-Mutur,

ADOTTAT DAN IR-REGOLAMENT:

Artikolu 1

Ir-Regolament (UE) 2017/2400 huwa emendat kif ġej:

(1)

L-Artikoli 1 u 2 huma sostitwiti b’dan li ġej:

“Artikolu 1

Suġġett

Dan ir-Regolament jikkomplementa l-qafas legali għall-approvazzjoni tat-tip tal-vetturi bil-mutur u tal-magni fir-rigward tal-emissjonijiet stabbiliti mir-Regolament (UE) Nru 582/2011 billi jistabbilixxi r-regoli għall-ħruġ tal-liċenzji għall-operar ta’ għodda ta’ simulazzjoni bil-għan li jiġu ddeterminati l-emissjonijiet tas-CO2 u l-konsum tal-fjuwil ta’ vetturi ġodda li se jinbiegħu, jiġu rreġistrati jew jitqiegħdu fis-servizz fl-Unjoni u għall-operar ta’ għodda ta’ simulazzjoni u għad-dikjarar tal-valuri tal-emissjonijiet tas-CO2 u tal-konsum tal-fjuwil determinati b’dan il-mod.

Artikolu 2

Kamp ta' Applikazzjoni

1. Soġġett għat-tieni paragrafu tal-Artikolu 4, dan ir-Regolament għandu japplika għal trakkijiet medji, għal trakkijiet tqal u għal karozzi tal-linja tqal.

2. Fil-każ ta’ approvazzjonijiet tat-tip f’diversi stadji jew ta’ approvazzjonijiet individwali ta’ trakkijiet tqal u medji, dan ir-Regolament għandu japplika għal trakkijiet bażi.

Fil-każ ta’ karozzi tal-linja tqal, dan ir-Regolament għandu japplika għal vetturi primarji, għal vetturi interim u għal vetturi kompluti jew għal vetturi kkompletati.

3. Dan ir-Regolament ma għandux japplika għal vetturi off-road, għal vetturi bi skop speċjali u għal vetturi bi skop speċjali off-road kif definiti, rispettivament, fil-punti 2.1, 2.2. u 2.3. tal-Parti A tal-Anness I tar-Regolament (UE) 2018/858 tal-Parlament Ewropew u tal-Kunsill (*1).

(*1) Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).”;"

(2)

l-Artikolu 3 huwa emendat kif ġej:

(a)

l-ewwel paragrafu huwa emendat kif ġej:

(1)

il-punti 10, 11 u 12 huma sostitwiti b’dan li ġej:

“(10)

‘fus’ tfisser komponent li jinkludi l-partijiet kollha li jduru tad-driveline li jittrasferixxu t-torque tas-sewqan li jiġi mill-propxaft għar-roti u li jibdel it-torque u l-veloċità bi proporzjon fiss u li jinkludi l-funzjonijiet ta’ ger differenzjali;

(11)	‘reżistenza tal-arja’ tfisser karatteristika tal-konfigurazzjoni ta’ vettura rigward il-forza ajrudinamika li taġixxi fuq il-vettura fid-direzzjoni tal-fluss tal-arja u determinata bħala prodott tal-koeffiċjent ta’ reżistenza u taż-żona trażversali għal kundizzjonijiet ta’ ebda riħ trażversali;

(12)

‘awżiljarji’ tfisser komponenti tal-vettura li jinkludu fann tal-magna, sistema ta’ ggwidar, sistema elettrika, sistema pnewmatika u sistema tat-Tisħin, tal-Ventilazzjoni u tal-Arja Kundizzjonata (HVAC) li l-proprjetajiet tal-emissjonijiet tas-CO2 u tal-konsum tal-fjuwil tagħha ġew iddefiniti fl-Anness IX;”;

(2)

il-punti 15 sa 18 huma sostitwiti b’dan li ġej:

“(15)

‘vettura tqila b’emissjonijiet żero’ (Ze-HDV) tfisser ‘vettura tqila mingħajr emissjonijiet’ kif definita fil-punt (11) tal-Artikolu 3 tar-Regolament (UE) 2019/1242 tal-Parlament Ewropew u tal-Kunsill;

(16)

‘vettura vokazzjonali’ tfisser vettura tqila li ma tkunx maħsuba għat-trasport tal-merkanzija u li għaliha tintuża waħda minn dawn iċ-ċifri sabiex tissupplimenta l-kodiċijiet tal-karozzerija, kif elenkati fl-Appendiċi 2 tal-Anness I tar-Regolament (UE) 2018/858: 09, 10, 15, 16, 18, 19, 20, 23, 24, 25, 26, 27, 28, 31; jew tratturi b'veloċità massimu sa 79 km/h;

(17)	‘trakk riġidu’ tfisser ‘trakk’ kif definit fil-punt 4.1 tal-Parti C tal-Anness I tar-Regolament (UE) 2018/858, ħlief għat-trakkijiet iddisinjati jew mibnijin għall-irmonk ta’ semitrejler;

(18)	‘trattur’ tfisser ‘unità ta’ trakter għal semitrejler’ kif definita fil-punt 4.3 tal-Parti C tal-Anness I tar-Regolament (UE) 2018/858;”;

(3)

il-paragrafu 20 huwa sostitwit b’dan li ġej:

“(20)

‘vettura tqila elettrika ibrida’ (He-HDV) tfisser vettura tqila ibrida, li għall-fini tal-propulsjoni mekkanika, tieħu l-enerġija miż-żewġ sorsi li ġejjin ta’ enerġija jew qawwa maħżuna fil-vettura ta’: (i) fjuwil konsumabbli, u (ii) apparat għall-ħżin tal-enerġija elettrika;”;

(4)

jiżdiedu l-punti (22) sa (39) li ġejjin:

“(22)

‘vettura primarja’ tfisser karozzi tal-linja tqila f’kundizzjoni ta’ assemblaġġ virtwali determinat għal skopijiet ta’ simulazzjoni, li għalih tintuża d-data tal-input u l-informazzjoni tal-input kif stabbilit fl-Anness III;

(23)	‘fajl tar-rekords tal-manifattur’ tfisser fajl prodott mill-għodda ta’ simulazzjoni li jkun fih informazzjoni relatata mal-manifattur, dokumentazzjoni tad-data tal-input u tal-informazzjoni tal-input għall-għodda ta’ simulazzjoni u r-riżultati għall-emissjonijiet tas-CO2 u għall-konsum tal-fjuwil;

(24)	‘fajl ta’ informazzjoni għall-klijent’ tfisser fajl prodott mill-għodda ta’ simulazzjoni li jkun fih sett definit ta’ informazzjoni relatata mal-vettura u r-riżultati għall-emissjonijiet tas-CO2 u tal-konsum tal-fjuwil kif definiti fil-Parti II tal-Anness IV;

(25)

‘fajl ta’ informazzjoni dwar il-vettura’ (VIF) tfisser fajl prodott mill-għodda ta’ simulazzjoni għall-karozzi tal-linja tqal sabiex tiġi ttrasferita d-data tal-input rilevanti, l-informazzjoni tal-input u r-riżultati tas-simulazzjoni għall-istadji tal-manifattura sussegwenti skont il-metodu deskritt fil-punt (2) tal-Anness I;

(26)	‘trakk medju’ tfisser vettura tal-kategorija N2, kif definita fil-punt (b)(ii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli li taqbeż il-5 000 kg u li ma taqbiżx is-7 400 kg;

(27)	‘trakk tqil’ tfisser vettura tal-kategorija N2, kif definita fil-punt (b)(ii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli li taqbeż is-7 400 kg u vettura tal-kategorija N3, kif definita fil-punt (b)(iii) tal-Artikolu 4(1) ta’ dak ir-Regolament;

(28)	‘karozza tal-linja tqila’ tfisser vettura tal-kategorija M3, kif definita fil-punt (a)(iii) tal-Artikolu 4(1) tar-Regolament (UE) 2018/858, b’massa massima mgħobbija teknikament permissibbli ta’ aktar minn 7 500 kg;

(29)	‘manifattur tal-vettura primarja’ tfisser manifattur responsabbli għall-vettura primarja;

(30)	‘vettura interim’ tfisser kwalunkwe tlestija ulterjuri ta’ vettura primarja meta jiżdied u/jew jiġi mmodifikat subsett ta’ data tal-input u ta’ informazzjoni tal-input kif definit għall-vettura kompluta jew ikkompletata f’konformità mat-Tabella 1 u mat-Tabella 3a tal-Anness III;

(31)	‘manifattur interim’ tfisser manifattur responsabbli għal vettura interim;

(32)	‘vettura mhux kompluta’ tfisser ‘vettura mhux kompleta’ kif definita fil-punt (25) tal-Artikolu 3 tar-Regolament (UE) 2018/858;

(33)	‘vettura ikkompletata’ tfisser ‘vettura kompluta’ kif definita fil-punt (26) tal-Artikolu 3 tar-Regolament (UE) 2018/858;

(34)	‘vettura kompluta’ tfisser ‘vettura kompleta’ kif definita fil-punt (27) tal-Artikolu 3 tar-Regolament (UE) 2018/858;

(35)	‘valur standard’ hija d-data tal-input għall-għodda ta’ simulazzjoni għal komponent fejn iċ-ċertifikazzjoni tad-data tal-input hija applikabbli, iżda l-komponent ma jkunx ġie ttestjat sabiex jiġi ddeterminat valur speċifiku u li jirrifletti l-prestazzjoni tal-agħar xenarju ta’ komponent;

(36)

‘valur ġeneriku’ hija d-data użata fl-għodda ta’ simulazzjoni għall-komponenti jew għall-parametri tal-vettura fejn ma jkun previst l-ebda ttestjar tal-komponenti jew dikjarazzjoni ta’ valuri speċifiċi u li tirrifletti l-prestazzjoni tat-teknoloġija medja tal-komponent jew l-ispeċifikazzjonijiet tipiċi tal-vettura;

(37)	‘vann’ tfisser ‘vann’ kif definit fil-punt 4.2 tal-Parti C tal-Anness I tar-Regolament (UE) 2018/858;

(38)

‘każ ta’ applikazzjoni’ tfisser ix-xenarji differenti li għandhom jiġu segwiti fil-każ ta’ trakk medju, ta’ trakk tqil, ta’ karozza tal-linja tqila li hija vettura primarja, ta’ karozza tal-linja tqila li hija vettura interim, ta’ karozza tal-linja tqila li hija vettura kompluta jew ta’ vettura kkompletata li għaliha jkunu applikabbli dispożizzjonijiet u funzjonijiet differenti tal-manifattur fl-għodda ta’ simulazzjoni;

(39)

‘trakk bażi’ tfisser trakk medju jew trakk tqil mgħammar mill-anqas:

—	b’xażì, magna, trażmissjoni, fusien u tajers, fil-każ ta’ vetturi b’magna ta’ kombustjoni interna biss;

—	b’xażì, sistema ta’ magna elettrika u/jew komponent integrat tas-sistema tal-motopropulsjoni elettrika, sistema/i tal-batterija u/jew sistema/i tal-kapaċitatur u tajers, fil-każ ta’ vetturi purament elettriċi;

—

b’xażì, magna, sistema ta’ magna elettrika u/jew komponent integrat tas-sistema tal-motopropulsjoni elettrika u/jew komponent integrat tal-motopropulsjoni tal-vettura elettrika ibrida tat-tip 1, sistema/i tal-batterija u/jew sistema/i ta’ kapaċitatur u tajers, fil-każ ta’ vetturi tqal elettriċi ibridi.”;

(b)	it-tieni paragrafu jitħassar;

(3)

l-Artikolu 4 huwa sostitwit b’dan li ġej:

“Artikolu 4

Gruppi ta' vetturi

Għall-finijiet ta’ dan ir-Regolament, il-vetturi bil-mutur għandhom jiġu kklassifikati fi gruppi ta’ vetturi f’konformità mat-Tabelli 1 sa 6 tal-Anness I.

L-Artikoli 5 sa 23 ma japplikawx għal trakkijiet tqal tal-gruppi ta’ vetturi 6, 7, 8, 13, 14, 15, 17, 18 u 19 kif stabbilit fit-Tabella 1 tal-Anness I, u għal trakkijiet medji tal-gruppi ta’ vetturi 51, 52, 55 u 56, kif stabbilit fit-Tabella 2 tal-Anness I u għal kwalunkwe vettura b’fus ta’ quddiem motorizzat fil-gruppi ta’ vetturi 11, 12 u 16 kif stabbilit fit-Tabella 1 tal-Anness I.”;

(4)	fl-Artikolu 5(3), l-ewwel sentenza hija sostitwita b’din li ġejja: “L-għodda ta’ simulazzjoni għandha tintuża għall-finijiet ta’ determinazzjoni tal-emissjonijiet tas-CO2 u tal-konsum tal-fjuwil tal-vetturi l-ġodda.”;

(5)

fl-Artikolu 5, il-paragrafu 5 huwa sostitwit b’dan li ġej:

“5. L-għodda tal-hashing għandha tintuża għall-istabbiliment ta’ assoċjazzjoni mingħajr ekwivoki bejn il-proprjetajiet relatati mal-emissjonijiet tas-CO2 u l-konsum tal-fjuwil iċċertifikati ta’ komponent, ta’ unità teknika separata jew ta’ sistema u d-dokument ta’ ċertifikazzjoni tagħha, kif ukoll għall-istabbiliment ta’ assoċjazzjoni mingħajr ekwivoki bejn vettura u l-fajl tar-rekords tal-manifattur tagħha, il-fajl ta’ informazzjoni dwar il-vettura u l-fajl ta’ informazzjoni għall-klijent kif imsemmi fl-Anness IV.”;

(6)	fil-Kapitolu 2, it-titolu huwa sostitwit b’dan li ġej: “LIĊENZJA GĦALL-OPERAR TAL-GĦODDA TA’ SIMULAZZJONI GĦALL-FINIJIET TAL-APPROVAZZJONI TAT-TIP FIR-RIGWARD TAL-EMISSJONIJIET”;

(7)

l-Artikolu 6 huwa emendat kif ġej:

(a)

il-paragrafu 1 huwa sostitwit b’dan li ġej:

“1. Il-manifattur tal-vettura għandu jissottometti għand l-awtorità tal-approvazzjoni applikazzjoni għal liċenzja sabiex jopera l-għodda ta’ simulazzjoni għal każ ta’ applikazzjoni bil-għan li jiddetermina l-emissjonijiet tas-CO2 u l-konsum tal-fjuwil ta’ vetturi ġodda li jappartjenu għal grupp ta’ vetturi wieħed jew aktar (“liċenzja”). Liċenzja individwali għandha tapplika biss għal każ wieħed ta’ applikazzjoni bħal dan.

L-applikazzjoni għal liċenzja għandha tkun akkumpanjata minn deskrizzjoni adegwata tal-proċessi stabbiliti mill-manifattur tal-vettura bil-għan li titħaddem l-għodda ta’ simulazzjoni fir-rigward tal-każ ta’ applikazzjoni kkonċernat, kif stabbilit fil-punt (1) tal-Anness II.”;

(b)

il-paragrafu 4 huwa sostitwit b’dan li ġej:

“4. Il-manifattur tal-vettura għandu jissottometti l-applikazzjoni għal liċenzja lill-awtorità tal-approvazzjoni mhux aktar tard minn meta jissottometti l-applikazzjoni għal approvazzjoni tat-tip tal-KE ta’ vettura b’sistema tal-magna approvata fir-rigward tal-emissjonijiet skont l-Artikolu 7 tar-Regolament (UE) Nru 582/2011, minn meta jissottometti l-applikazzjoni għal approvazzjoni tat-tip tal-KE ta’ vettura fir-rigward tal-emissjonijiet skont l-Artikolu 9 ta’ dak ir-Regolament, minn meta jissottometti applikazzjoni għal approvazzjoni tat-tip ta’ vettura sħiħa skont ir-Regolament (UE) 2018/858 jew l-applikazzjoni għal approvazzjoni ta’ vettura individwali nazzjonali. L-approvazzjoni ta’ sistema ta’ magna purament elettrika u l-approvazzjoni tat-tip tal-KE ta’ vettura purament elettrika fir-rigward tal-emissjonijiet imsemmija fis-sentenza preċedenti hija limitata għall-kejl tal-potenza netta tal-magna f’konformità mal-Anness XIV tar-Regolament (UE) Nru 582/2011.

L-applikazzjoni għal liċenzja trid tkun tikkonċerna l-każ ta’ applikazzjoni li jinkludi t-tip ta’ vettura kkonċernat mill-applikazzjoni għal approvazzjoni tat-tip tal-UE.”;

(8)

l-Artikolu 7(1) huwa sostitwit b’dan li ġej:

“1. L-awtorità tal-approvazzjoni għandha tagħti l-liċenzja jekk il-manifattur tal-vettura jissottometti applikazzjoni f’konformità mal-Artikolu 6 u juri li r-rekwiżiti stabbiliti fl-Anness II huma ssodisfati fir-rigward tal-każ ta’ applikazzjoni kkonċernat.”;

(9)

l-Artikolu 8 huwa emendat kif ġej:

(a)	jitħassar il-paragrafu 1;

(b)

il-paragrafu 3 huwa sostitwit b’dan li ġej:

“3. Wara li jikseb il-liċenzja, il-manifattur tal-vettura għandu jinnotifika lill-awtorità tal-approvazzjoni mingħajr dewmien dwar kwalunkwe tibdil fil-proċessi stabbiliti minnu għall-finijiet tal-liċenzja għall-każ ta’ applikazzjoni kopert mil-liċenzja li jista’ jaffettwa l-akkuratezza, l-affidabilità u l-istabbiltà ta’ dawk il-proċessi.”;

(10)

l-Artikolu 9 huwa emendat kif ġej:

(a)

il-paragrafu 1 huwa sostitwit b’dan li ġej:

“1. Manifattur tal-vettura għandu jiddetermina l-emissjonijiet tas-CO2 u l-konsum tal-fjuwil ta’ kull vettura ġdida, bl-eċċezzjoni ta’ vetturi li jużaw teknoloġiji ta’ vetturi elenkati fl-Appendiċi 1 tal-Anness III, li għandha tinbiegħ, tiġi rreġistrata jew titqiegħed fis-servizz fl-Unjoni billi juża l-aħħar verżjoni disponibbli tal-għodda ta’ simulazzjoni msemmija fl-Artikoli 5(3). Fir-rigward karozzi tal-linja tqal, il-manifattur tal-vettura jew il-manifattur interim għandu juża l-metodu stabbilit fil-punt (2) tal-Anness I.

Għat-teknoloġiji tal-vetturi elenkati fl-Appendiċi 1 tal-Anness III, li għandhom jinbiegħu, jiġu rreġistrati jew jitqiegħdu fis-servizz fl-Unjoni, il-manifattur tal-vettura jew il-manifattur interim għandu jiddetermina biss il-parametri tal-input speċifikati għal dawk il-vetturi fil-mudelli stabbiliti fit-Tabella 5 tal-Anness III, billi juża l-aħħar verżjoni disponibbli tal-għodda ta’ simulazzjoni msemmija fl-Artikolu 5(3).

Manifattur tal-vettura jista’ jopera l-għodda ta’ simulazzjoni għall-finijiet ta’ dan l-Artikolu biss jekk ikun fil-pussess ta’ liċenzja mogħtija għall-każ ta’ applikazzjoni kkonċernat f’konformità mal-Artikolu 7. Manifattur interim jopera l-għodda ta’ simulazzjoni taħt il-liċenzja ta’ manifattur tal-vettura.”;

(b)

fil-paragrafu 2, jiżdied is-subparagrafu li ġej:

“Il-manifatturi tal-vetturi tal-karozzi tal-linja tqal għandhom jirreġistraw ukoll ir-riżultati tas-simulazzjoni fil-fajl ta’ informazzjoni dwar il-vettura. Il-manifatturi interim ta’ karozzi tal-linja tqal għandhom jirreġistraw il-fajl ta’ informazzjoni dwar il-vettura.”;

(c)

il-paragrafu 3 huwa sostitwit b’dan li ġej:

“3. Il-manifattur tal-vetturi ta’ trakkijiet medji u ta’ trakkijiet tqal għandu joħloq hashes kriptografiċi tal-fajl tar-rekords tal-manifattur u tal-fajl ta’ informazzjoni għall-klijent.

Il-manifattur tal-vettura primarja għandu joħloq hashes kriptografiċi tal-fajl tar-rekords tal-manifattur u tal-fajl ta’ informazzjoni dwar il-vettura.

Il-manifattur interim għandu joħloq il-hash kriptografika tal-fajl ta’ informazzjoni dwar il-vettura.

Il-manifattur tal-vettura ta’ vetturi kompluti jew ta’ vetturi kkompletati li huma karozzi tal-linja tqal, għandu joħloq hashes kriptografiċi tal-fajl tar-rekords tal-manifattur, tal-fajl ta’ informazzjoni għall-klijent u tal-fajl ta’ informazzjoni dwar il-vettura.”;

(d)

il-paragrafu 4 huwa emendat kif ġej:

(1)

l-ewwel subparagrafu huwa sostitwit b’dan li ġej:

“Trakkijiet u vetturi kompluti jew vetturi kkompletati li huma karozzi tal-linja tqal li għandhom jiġu rreġistrati, jinbiegħu jew jitqiegħdu fis-servizz għandhom ikunu akkumpanjati mill-fajl ta’ informazzjoni għall-klijent imfassal mill-manifattur f’konformità mal-mudell stabbilit fil-Parti II tal-Anness IV.”;

(2)	jiżdied is-subparagrafu li ġej: “Il-manifatturi tal-vetturi tal-karozzi tal-linja tqal għandhom jagħmlu l-fajl ta’ informazzjoni dwar il-vettura disponibbli għall-manifattur ta’ stadji sussegwenti fil-katina.”;

(e)

il-paragrafu 5 huwa sostitwit b’dan li ġej:

“5. Għall kull vettura akkumpanjata minn ċertifikat tal-konformità jew, fil-każ ta’ vetturi approvati f’konformità mal-Artikolu 45 tar-Regolament (UE) 2018/858, minn ċertifikat tal-approvazzjoni ta’ vettura individwali, iċ-ċertifikat għandu jinkludi timbru tal-hashes kriptografiċi msemmi fil-paragrafu 3 ta’ dan l-Artikolu.”;

(f)	jiżdied il-paragrafu li ġej: “6. F’konformità mal-punt 11 tal-Anness III, manifattur jista’ jittrasferixxi r-riżultati tal-għodda ta’ simulazzjoni lil vetturi oħrajn.”;

(11)

fl-Artikolu 10(3), jiżdied is-subparagrafu li ġej:

“Meta sseħħ ħsara fl-għodda ta’ simulazzjoni fi stadju fil-katina tal-manifattura ta’ karozzi tal-linja tqal qabel l-istadji tal-manifattura kompluti jew ikkompletati, l-obbligu skont l-Artikolu 9(1) li l-għodda ta’ simulazzjoni tiġi operata fl-istadji sussegwenti tal-manifattura għandu jiġi pospost għal massimu ta’ 14-il jum kalendarju wara d-data li fiha l-manifattur tal-istadju preċedenti jkun għamel il-fajl ta’ informazzjoni dwar il-vettura disponibbli għall-manifattur tal-istadju komplut jew ikkompletat.”;

(12)

fl-Artikolu 11, il-paragrafi 1 u 2 huma sostitwiti b’dan li ġej:

“1. Il-fajl tar-rekords tal-manifattur, il-fajl ta’ informazzjoni dwar il-vettura u ċ-ċertifikati dwar il-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tas-sistemi u tal-unitajiet tekniċi separati għandhom jinħażnu mill-manifattur tal-vettura għal tal-anqas 20 sena wara l-produzzjoni tal-vettura u għandhom ikunu disponibbli, fuq talba, għall-awtorità tal-approvazzjoni u għall-Kummissjoni.

2. Fuq talba minn entità awtorizzata ta’ Stat Membru jew mill-Kummissjoni, il-manifattur tal-vettura għandu jipprovdi, fi żmien 15-il jum ta’ xogħol, il-fajl tar-rekords tal-manifattur jew il-fajl ta’ informazzjoni dwar il-vettura.”;

(13)

l-Artikolu 12 huwa emendat kif ġej:

(a)

il-paragrafu 1 huwa emendat kif ġej:

(1)

il-punt (g) huwa sostitwit b’dan li ġej:

“(g)	ir-reżistenza tal-arja;”;

(2)

jiżdied il-punt (j) li ġej:

“(j)	il-komponenti tas-sistema tal-motopropulsjoni elettrika.”;

(b)

il-paragrafu 2 huwa sostitwit b’dan li ġej:

“2. Il-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi msemmija fil-punti (b) sa (g), (i) u (j) tal-paragrafu 1 ta’ dan l-Artikolu għandhom ikunu bbażati fuq il-valuri determinati, għal kull komponent, unità teknika separata, sistema jew, jekk applikabbli, għall-familja rispettiva tagħhom, f’konformità mal-Artikolu 14 u ċċertifikati f’konformità mal-Artikolu 17 (“valuri ċċertifikati”) jew, fin-nuqqas tal-valuri ċċertifikati, fuq il-valuri standard determinati f’konformità mal-Artikolu 13.”;

(c)

il-paragrafi 4 sa 7 huma sostitwiti b’dan li ġej:

“4. Il-proprjetajiet relatati mal-emissjonijiet tas-CO2 u mal-konsum tal-fjuwil tal-awżiljarji għandhom ikunu bbażati fuq il-valuri ġeneriċi kif implimentati fl-għodda ta’ simulazzjoni u kif allokati għal vettura abbażi tal-informazzjoni tal-input li għandha tiġi ddeterminata f’konformità mal-Anness IX.

5. Fil-każ ta’ trakk bażi, il-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi msemmija fil-punt (g) tal-paragrafu 1 ta’ dan l-Artikolu, li ma jistgħux jiġu ddeterminati għat-trakkijiet bażi għandhom ikunu bbażati fuq il-valuri standard. Għall-komponenti, għall-unitajiet tekniċi separati u għas-sistemi msemmija fil-punt (h) tal-paragrafu 1 il-manifattur tal-vettura għandu jagħżel it-teknoloġija bl-akbar telf ta’ potenza.

6. Fil-każ ta’ vetturi eżentati mill-obbligu li jiġu ddeterminati l-emissjonijiet tas-CO2 u l-konsum tal-fjuwil skont l-Artikolu 9(1), id-data tal-input tal-għodda ta’ simulazzjoni għandha tinkludi l-informazzjoni stabbilita fit-Tabella 5 tal-Anness III.

7. Meta l-vettura tkun se tiġi rreġistrata, tinbiegħ jew tintuża b’sett komplut ta’ tajers għall-borra u b’sett komplut ta’ tajers standard, il-manifattur tal-vettura jista’ jagħżel liema tajers juża għad-determinazzjoni tal-emissjonijiet tas-CO2. Fil-każ ta’ karozzi tal-linja tqal, dment li t-tajers użati fis-simulazzjoni tal-vettura primarja jkunu mal-vettura meta tiġi rreġistrata, tinbiegħ jew titqiegħed fis-servizz, iż-żieda ta’ settijiet ta’ tajers mal-vettura ma għandhiex tirriżulta fl-obbligu li titwettaq simulazzjoni ġdida tal-vettura primarja f’konformità mal-punt 2 tal-Anness I.”;

(14)

l-Artikolu 13 huwa emendat kif ġej:

(a)	l-intestatura hija sostitwita b’dan li ġej: “Valuri standard u valuri ġeneriċi”;

(b)

il-paragrafi 7 u 8 huma sostitwiti b’dan li ġej:

“7. Għall-awżiljarji, il-valuri ġeneriċi jiġu allokati mill-għodda ta’ simulazzjoni f’konformità mat-teknoloġiji magħżulin f’konformità mal-Anness IX.

8. Il-valur standard għat-tajers għandu jiġi ddeterminat f’konformità mal-punt 3.2 tal-Anness X.”;

(c)	jiżdied il-paragrafu li ġej: “9. Il-valuri standard għall-komponenti tas-sistema tal-motopropulsjoni elettrika għandhom jiġu ddeterminati f’konformità mal-Appendiċijiet 8, 9 u 10 tal-Anness Xb.”;

(15)

l-Artikolu 14 huwa emendat kif ġej:

(a)

il-paragrafi 1 u 2 huma sostitwiti b’dan li ġej:

“1. Il-valuri determinati f’konformità mal-paragrafi 2 sa 10 ta’ dan l-Artikolu jistgħu jintużaw mill-manifattur tal-vettura bħala d-data tal-input tal-għodda ta’ simulazzjoni jekk ikunu ċċertifikati f’konformità mal-Artikolu 17.

2. Il-valuri ċċertifikati għall-magni għandhom jiġu ddeterminati f’konformità mal-punti 4, 5 u 6 tal-Anness V.”;

(b)	jiżdied il-paragrafu 10 li ġej: “10. Il-valuri ċċertifikati għall-komponenti tas-sistema tal-motopropulsjoni elettrika għandhom jiġu ddeterminati f’konformità mal-punti 4, 5 u 6 tal-Anness Xb.”;

(16)

l-Artikolu 15 huwa emendat kif ġej:

(a)

fil-paragrafu 1, jiżdiedu l-inċiżi li ġejjin:

“—	l-Appendiċi 3 tal-Anness V fir-rigward tal-magni, il-valuri ċċertifikati għall-membri ta’ familja ta’ magni maħluqa f’konformità mad-definizzjoni ta’ familja għandhom jiġu dderivati f’konformità mal-punti 4, 5 u 6 tal-Anness V;

—

l-Appendiċi 13 tal-Anness Xb fir-rigward tal-kunċett ta’ familja tas-sistemi ta’ magni elettriċi jew ta’ komponenti integrati tas-sistema tal-motopropulsjoni elettrika, il-valuri ċċertifikati għall-membri ta’ familja maħluqin f’konformità mad-definizzjoni ta’ familja tas-sistemi ta’ magni elettriċi, għandhom jiġu dderivati f’konformità mal-punt 4 tal-Anness Xb.”;

(b)

il-paragrafu 2 huwa sostitwit b’dan li ġej:

“2. Għall-magni, il-valuri ċċertifikati għall-membri ta’ familja ta’ magni għandhom jiġu dderivati f’konformità mal-punti 4, 5 u 6 tal-Anness V.

Għat-tajers, il-familja għandha tikkonsisti f’tip ta’ tajer wieħed biss.

Għas-sistemi ta’ magni elettriċi jew għall-komponenti integrati tas-sistema tal-motopropulsjoni elettrika, il-valuri ċċertifikati għall-membri ta’ familja tas-sistemi ta’ magni elettriċi għandhom jiġu dderivati f’konformità mal-punt 4 tal-Anness Xb.”;

(17)

l-Artikolu 16 huwa emendat kif ġej:

(a)

il-paragrafu 1 huwa sostitwit b’dan li ġej:

“1. L-applikazzjoni għal ċertifikazzjoni tal-proprjetajiet relatati mal-emissjonijiet tas-CO2 u mal-konsum tal-fjuwil tal-komponent, tal-unità teknika separata u tas-sistema, jew, jekk applikabbli, tal-familji rispettivi tagħhom, għandha tiġi sottomessa lill-awtorità tal-approvazzjoni.”;

(b)

fil-paragrafu 2, jiżdied l-inċiż li ġej:

“—	L-Appendiċijiet 2 sa 6 tal-Anness Xb fir-rigward tal-komponenti tas-sistema tal-motopropulsjoni elettrika.”;

(c)

il-paragrafu 3 huwa sostitwit b’dan li ġej:

“3. L-applikazzjoni għal ċertifikazzjoni għandha tkun akkumpanjata minn spjegazzjoni tal-elementi tad-disinn tal-komponent, tal-unità teknika separata u tas-sistema, jew, jekk applikabbli, tal-familji rispettivi tagħhom ikkonċernati li jkollhom effett mhux negliġibbli fuq il-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tal-unitajiet tekniċi separati jew tas-sistemi kkonċernati.

L-applikazzjoni għandha tkun akkumpanjata wkoll mir-rapporti tat-testijiet rilevanti maħruġin minn awtorità tal-approvazzjoni, minn riżultati tat-testijiet, u minn dikjarazzjoni tal-konformità maħruġa minn awtorità tal-approvazzjoni skont il-punt 2 tal-Anness IV tar-Regolament (UE) 2018/858.”;

(18)

l-Artikolu 17 huwa emendat kif ġej:

(a)

il-paragrafu 1 huwa sostitwit b’dan li ġej:

“1. Jekk jiġu ssodisfati r-rekwiżiti applikabbli kollha, l-awtorità tal-approvazzjoni għandha tiċċertifika l-valuri relatati mal-proprjetajiet relatati mal-emissjonijiet tas-CO2 u mal-konsum tal-fjuwil tal-komponent, tal-unità teknika separata u tas-sistema, jew, jekk applikabbli, tal-familji rispettivi tagħhom ikkonċernati.”;

(b)

fil-paragrafu 2, jiżdied l-inċiż li ġej:

“—	l-Appendiċi 1 tal-Anness Xb fir-rigward tal-komponenti tas-sistema tal-motopropulsjoni elettrika.”;

(c)

fil-paragrafu 3, jiżdied l-inċiż li ġej:

“—	l-Appendiċi 14 tal-Anness Xb fir-rigward tal-komponenti tas-sistema tal-motopropulsjoni elettrika.”;

(d)

fil-paragrafu 3, it-tieni subparagrafu huwa sostitwit b’dan li ġej:

“L-awtorità tal-approvazzjoni ma għandhiex tassenja l-istess numru lil komponent ieħor, lil unità teknika separata oħra u lil sistema oħra, jew, jekk applikabbli, lill-familji rispettivi tagħhom. In-numru taċ-ċertifikazzjoni għandu jintuża bħala l-identifikatur tar-rapport tat-test.”

(19)

fl-Artikolu 18(1), l-ewwel subparagrafu huwa emendat kif ġej:

(a)

l-ewwel inċiż huwa sostitwit b’dan li ġej:

“—	L-Appendiċi 3 tal-Anness V fir-rigward tal-kunċett tal-familja ta’ magni, filwaqt li jitqiesu r-rekwiżiti tal-Artikolu 15(2);”;

(b)

jiżdied l-inċiż li ġej:

“—	l-Appendiċi 13 tal-Anness Xb, fir-rigward tal-kunċett ta’ familja tas-sistemi ta’ magni elettriċi jew ta’ komponenti integrati tas-sistema tal-motopropulsjoni elettrika, filwaqt li jitqiesu r-rekwiżiti tal-Artikolu 15(2).”;

(20)

l-Artikolu 20 huwa emendat kif ġej:

(a)

il-paragrafu 1 huwa emendat kif ġej:

(1)

l-ewwel subparagrafu huwa sostitwit b’dan li ġej:

“Il-manifattur tal-vettura għandu jieħu l-miżuri neċessarji sabiex jiżgura li l-proċessi stabbiliti għall-fini li tinkiseb il-liċenzja għall-għodda ta’ simulazzjoni għall-każ ta’ applikazzjoni kopert mil-liċenzja mogħtija skont l-Artikolu 7 ikomplu jkunu adegwati għal dak il-għan.”;

(2)

fit-tieni subparagrafu, l-ewwel sentenza hija sostitwita b’din li ġejja:

“Għat-trakkijiet medji u għat-trakkijiet tqal, bl-eċċezzjoni tal-He-HDV jew PEV, il-manifattur tal-vettura għandu jwettaq il-proċedura ta’ ttestjar tal-verifika stabbilita fl-Anness Xa fuq numru minimu ta’ vetturi f’konformità mal-punt 3 ta’ dak l-Anness.”;

(b)

fl-ewwel subparagrafu tal-paragrafu 2, l-ewwel sentenza hija sostitwita b’din li ġejja:

“L-awtorità tal-approvazzjoni għandha tagħmel valutazzjoni erba’ darbiet fis-sena kif imsemmi fil-punt 2 tal-Anness II sabiex tivverifika jekk il-proċessi stabbiliti mill-manifattur għall-finijiet tad-determinazzjoni tal-emissjonijiet tas-CO2 u tal-konsum tal-fjuwil għall-każijiet ta’ applikazzjoni u għall-gruppi ta’ vetturi kollha koperti mil-liċenzja għadhomx adegwati.”;

(21)

l-Artikolu 21 huwa emendat kif ġej:

(a)	il-paragrafu 2 huwa sostitwit b’dan li ġej: “2. Il-pjan ta’ miżuri ta’ rimedju għandu japplika għall-każijiet ta’ applikazzjoni u għall-gruppi ta’ vetturi kollha li jiġu identifikati mill-awtorità tal-approvazzjoni fit-talba tagħha.”;

(b)

il-paragrafu 3 huwa emendat kif ġej:

(1)

it-tieni subparagrafu huwa sostitwit b’dan li ġej:

“L-awtorità tal-approvazzjoni tista’ titlob lill-manifattur tal-vettura joħroġ fajl tar-rekords tal-manifattur, fajl ta’ informazzjoni dwar il-vettura, fajl ta’ informazzjoni għall-klijent u ċertifikat tal-konformità ġdid fuq il-bażi ta’ determinazzjoni ġdida tal-emissjonijiet tas-CO2 u tal-konsum tal-fjuwil li jirriflettu l-bidliet implimentati f’konformità mal-pjan approvat tal-miżuri ta’ rimedju.”;

(2)

jiżdiedu s-subparagrafi li ġejjin:

“Il-manifattur tal-vettura għandu jieħu l-miżuri neċessarji sabiex jiżgura li l-proċessi stabbiliti għall-fini li tinkiseb il-liċenzja għall-operat tal-għodda ta’ simulazzjoni għall-każijiet ta’ applikazzjoni u għall-gruppi ta’ vetturi kollha koperti mil-liċenzja mogħtija skont l-Artikolu 7 ikomplu jkunu adegwati għal dak il-għan.

Għat-trakkijiet medji u għat-trakkijiet tqal, il-manifattur tal-vettura għandu jwettaq il-proċedura ta’ ttestjar tal-verifika stabbilita fl-Anness Xa fuq numru minimu ta’ vetturi f’konformità mal-punt 3 ta’ dak l-Anness.”;

(22)

l-Artikolu 22 huwa emendat kif ġej:

(a)

l-ewwel subparagrafu tal-paragrafu 1 huwa sostitwit b’dan li ġej:

“Il-manifattur għandu jieħu l-miżuri neċessarji f’konformità mal-Anness IV tar-Regolament (UE) 2018/858 sabiex jiżgura li l-proprjetajiet relatati mal-emissjonijiet tas-CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi elenkati fl-Artikolu 12(1) li kienu s-suġġett taċ-ċertifikazzjoni f’konformità mal-Artikolu 17 ma jiddevjawx mill-valuri ċċertifikati.”;

(b)

fit-tieni subparagrafu tal-paragrafu 1, jiżdied l-inċiż li ġej:

“—	il-proċeduri stabbiliti fil-punti 1 sa 4 tal-Appendiċi 12 tal-Anness Xb, fir-rigward tal-komponenti tas-sistema tal-motopropulsjoni elettrika”;

(c)

il-paragrafu 3 huwa sostitwit b’dan li ġej:

“3. Il-manifattur għandu jiżgura li tal-anqas waħda minn kull 25 proċedura msemmija fit-tieni subparagrafu tal-paragrafu 1, jew, b’eċċezzjoni għat-tajers, tal-anqas proċedura waħda fis-sena, relatata ma’ komponent, ma’ unità teknika separata u ma’ sistema jew, jekk applikabbli, mal-familji rispettivi tagħhom, tkun issorveljata minn awtorità tal-approvazzjoni differenti minn dik li ħadet sehem fiċ-ċertifikazzjoni tal-proprjetajiet relatati mal-emissjonijiet tas-CO2 u mal-konsum tal-fjuwil tal-komponent, tal-unità teknika separata, tas-sistema jew, jekk applikabbli, tal-familji rispettivi tagħhom ikkonċernati skont l-Artikolu 16.”;

(23)

l-Artikolu 23 huwa emendat kif ġej:

(a)	il-paragrafu 2 huwa sostitwit b’dan li ġej: “2. Il-pjan ta’ miżuri ta’ rimedju għandu japplika għall-komponenti, għall-unitajiet tekniċi separati u għas-sistemi kollha, jew għall-familji rispettivi tagħhom li jiġu identifikati mill-awtorità tal-approvazzjoni fit-talba tagħha.”;

(b)

fil-paragrafu 3, it-tieni subparagrafu huwa sostitwit b’dan li ġej:

“L-awtorità tal-approvazzjoni tista’ titlob lill-manifattur tal-vettura joħroġ fajl tar-rekords tal-manifattur, fajl ta’ informazzjoni għall-klijent, fajl ta’ informazzjoni dwar il-vettura u ċertifikat tal-konformità ġdid fuq il-bażi ta’ determinazzjoni ġdida tal-emissjonijiet tas-CO2 u tal-konsum tal-fjuwil li jirriflettu l-bidliet implimentati f’konformità mal-pjan approvat tal-miżuri ta’ rimedju.”;

(c)

il-paragrafu 5 huwa sostitwit b’dan li ġej:

“5. Il-manifattur għandu jżomm rekord ta’ kull komponent, unità teknika separata jew sistema msejħa lura u msewwija jew modifikata, li għandu jinkludi wkoll dettalji dwar il-workshop li jkun għamel it-tiswija jew il-modifika. L-awtorità tal-approvazzjoni għandu jkollha aċċess għal dawn ir-rekords fuq talba matul l-implimentazzjoni tal-pjan ta’ miżuri ta’ rimedju u għal perjodu ta’ ħames snin wara t-tlestija tal-implimentazzjoni tiegħu.

Il-manifattur għandu jaħżen dawk ir-rekords għal 10 snin.”;

(d)

il-paragrafu 6 huwa sostitwit b’dan li ġej:

“6. Meta l-pjan ta’ miżuri ta’ rimedju jkun ġie rifjutat mill-awtorità tal-approvazzjoni, jew l-awtorità tal-approvazzjoni tistabbilixxi li l-miżuri ta’ rimedju ma humiex qegħdin jiġu applikati kif suppost, din għandha tieħu l-miżuri neċessarji sabiex tiżgura l-konformità tal-proprjetajiet relatati mal-emissjonijiet tas-CO2 u mal-konsum tal-fjuwil tal-komponent, tal-unità teknika separata u tas-sistema, u jekk applikabbli, tal-familji rispettivi tagħhom ikkonċernati, jew tirtira ċ-ċertifikat dwar il-proprjetajiet relatati mal-emissjonijiet tas-CO2 u mal-konsum tal-fjuwil.”;

(24)

l-Artikolu 24 huwa emendat kif ġej:

(a)

il-paragrafu 1 huwa emendat kif ġej:

(1)

il-formulazzjoni introduttorja hija sostitwita b’dan li ġej:

“Mingħajr preġudizzju għall-Artikolu 10(3) ta’ dan ir-Regolament, meta ma jkunx hemm konformità mal-obbligi msemmija fl-Artikolu 9 ta’ dan ir-Regolament, l-Istati Membri għandhom jikkunsidraw iċ-ċertifikati tal-konformità għall-vetturi bl-approvazzjoni tat-tip, bħala li ma jibqgħux validi għall-finijiet tal-Artikolu 48 tar-Regolament (UE) 2018/858, u għall-vetturi bl-approvazzjoni tat-tip jew dawk b’approvazzjoni individwali, għandhom jipprojbixxu r-reġistrazzjoni, il-bejgħ jew d-dħul fis-servizz ta’:”;

(2)

jiżdiedu l-punti (d), (e) u (f) li ġejjin:

“(d)	vetturi fil-gruppi 53 u 54, kif definiti fit-Tabella 2 tal-Anness I, mill-1 ta’ Lulju 2024;

(e)	vetturi fil-gruppi 31 sa 40, kif definiti fit-Tabelli 4 sa 6 tal-Anness I, mill-1 ta’ Jannar 2025;

(f)	vetturi fil-grupp 1s, kif definiti fit-Tabella 1 tal-Anness I, mill-1 ta’ Lulju 2024.”;

(b)

il-paragrafi 2 u 3 huma sostitwiti b’dan li ġej:

“2. L-obbligi msemmija fl-Artikolu 9 għandhom japplikaw kif ġej:

(a)	għall-vetturi fil-gruppi 53 u 54, kif definiti fit-Tabella 2 tal-Anness I, bid-data tal-produzzjoni fl-1 ta’ Jannar 2024 jew wara;

(b)	għall-vetturi fil-gruppi P31/32, P33/34, P35/36, P37/38 u P39/40, kif definiti fit-Tabella 3 tal-Anness I bid-data tal-produzzjoni fl-1 ta’ Jannar 2024 jew wara;

(c)	għall-karozzi tal-linja tqal, is-simulazzjoni tal-vettura kompluta jew tal-vettura kkompletata kif imsemmi fil-punt 2.1(b) tal-Anness I għandha titwettaq biss jekk is-simulazzjoni tal-vettura primarja kif imsemmi fil-punt 2.1(a) tal-Anness I tkun disponibbli;

(d)	għall-vetturi fil-grupp 1s kif definiti fit-Tabella 1 tal-Anness I bid-data tal-produzzjoni fl-1 ta’ Jannar 2024 jew wara;

(e)	għall-vetturi fil-gruppi 1, 2, 3, 4, 5, 9, 10, 4v, 5v, 9v, 10v, 11, 12, u 16, kif definiti fit-Tabella 1 tal-Anness I, għajr dawk definiti fil-punti (f) u (g) ta’ dan il-paragrafu, bid-data tal-produzzjoni fl-1 ta’ Jannar 2024 jew wara;

(f)	għall-vetturi fil-gruppi 1, 2, 3, 4, 5, 9, 10, 4v, 5v, 9v, 10v, 11, 12, u 16, kif definiti fit-Tabella 1 tal-Anness I, li huma mgħammra b’sistema ta’ rkupra tas-sħana mitlufa, kif definita fil-punt 2(8) tal-Anness V, sakemm ma jkunux ZE-HDVs, He-HDVs jew vetturi li jużaw żewġ tipi ta’ fjuwil;

(g)

għall-vetturi li jużaw żewġ tipi ta’ fjuwil fil-gruppi 1, 2, 3, 4, 5, 9, 10, 4v, 5v, 9v, 10v, 11, 12, u 16 kif definiti fit-Tabella 1 tal-Anness I bid-data tal-produzzjoni fl-1 ta’ Jannar 2024 jew wara; jekk ikollhom data tal-produzzjoni qabel l-1 ta’ Jannar 2024, il-manifattur jista’ jagħżel jekk japplikax l-Artikolu 9.

Għal ZE-HDVs, He-HDVs u vetturi li jużaw żewġ tipi ta’ fjuwil fil-gruppi 1, 2, 3, 4, 5, 9, 10, 4v, 5v, 9v, 10v, 11, 12, u 16 kif definiti fit-Tabella 1 tal-Anness I li fir-rigward tagħhom l-Artikolu 9 ma ġiex applikat f’konformità mal-punti (a) sa (g) tal-ewwel subparagrafu ta’ dan il-paragrafu, il-manifattur tal-vettura għandu jiddetermina l-parametri tal-input speċifikati għal dawk il-vetturi fil-mudelli stabbiliti fit-Tabella 5 tal-Anness III, billi juża l-aktar verżjoni reċenti disponibbli tal-għodda ta’ simulazzjoni msemmija fl-Artikolu 5(3). F’każ bħal dan, l-obbligi msemmija fl-Artikolu 9 għandhom jitqiesu li ġew issodisfati għall-finijiet tal-paragrafu 1 ta’ dan l-Artikolu.

Għall-finijiet ta’ dan il-paragrafu, id-data tal-produzzjoni għandha tfisser id-data tal-firma taċ-ċertifikat ta’ konformità u fejn ma jkun inħareġ l-ebda ċertifikat ta’ konformità, id-data li fiha n-numru ta’ identifikazzjoni tal-vettura jkun twaħħal għall-ewwel darba fuq il-partijiet rilevanti tal-vettura.

3. Il-miżuri ta’ rimedju skont l-Artikoli 21(5) u 23(6) għandhom japplikaw fir-rigward tal-vetturi msemmija fil-punti (a), (b) u (c) tal-paragrafu 1 ta’ dan l-Artikolu skont investigazzjoni dwar il-falliment ta’ vettura fil-proċedura ta’ ttestjar tal-verifika stabbilita fl-Anness Xa mill-1 ta’ Lulju 2023 u fir-rigward tal-vetturi msemmija fil-punti (d) u (g) tal-paragrafu 2 ta’ dan l-Artikolu mill-1 ta’ Lulju 2024.”;

(25)	l-Anness I huwa sostitwit bit-test fl-Anness I ta’ dan ir-Regolament;

(26)	l-Anness II huwa emendat kif stabbilit fl-Anness II ta’ dan ir-Regolament;

(27)	l-Anness III huwa sostitwit bit-test tal-Anness III ta’ dan ir-Regolament;

(28)	l-Anness IV huwa sostitwit bit-test tal-Anness IV ta’ dan ir-Regolament;

(29)	l-Anness V huwa emendat kif stabbilit fl-Anness V ta’ dan ir-Regolament;

(30)	l-Anness VI huwa emendat kif stabbilit fl-Anness VI ta’ dan ir-Regolament;

(31)	l-Anness VII huwa emendat kif stabbilit fl-Anness VII ta’ dan ir-Regolament;

(32)	l-Anness VIII huwa emendat kif stabbilit fl-Anness VIII ta’ dan ir-Regolament;

(33)	l-Anness IX huwa sostitwit bit-test tal-Anness IX ta’ dan ir-Regolament;

(34)	l-Anness X huwa emendat kif stabbilit fl-Anness X ta’ dan ir-Regolament;

(35)	l-Anness Xa huwa sostitwit bit-test fl-Anness XI ta’ dan ir-Regolament;

(36)	it-test fl-Anness XII ta’ dan ir-Regolament jiddaħħal bħala l-Anness Xb.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 3

Dan ir-Regolament għandu japplika mill-1 ta’ Lulju 2022.

Minkejja l-ewwel paragrafu ta’ dan l-Artikolu, għad-determinazzjoni tal-emissjonijiet tas-CO2 u tal-konsum tal-fjuwil tal-vetturi fil-gruppi 1, 2, 3, 4, 5, 9, 10, 4v, 5v, 9v, 10v, 11, 12, u 16 definiti fit-Tabella 1 tal-Anness I, għajr ZE-HDVs, He-HDVs, vetturi li jużaw żewġ tipi ta’ fjuwil, u vetturi li l-magna tagħhom tkun ġiet iċċertifikata b’sistema ta’ rkupru tas-sħana mitlufa, skont l-Artikolu 9(1) tar-Regolament (UE) 2017/2400, dan ir-Regolament għandu japplika mill-1 ta’ Jannar 2024.

Minkejja l-ewwel paragrafu ta’ dan l-Artikolu, il-punt (35) tal-Artikolu 1 għandu japplika mill-1 ta’ Jannar 2023.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-5 ta’ Lulju 2022.

Għall-Kummissjoni

Il-President

Ursula VON DER LEYEN

(1) ĠU L 188, 18.7.2009, p. 1.

(2) Ir-Regolament tal-Kummissjoni (UE) 2017/2400 tat-12 ta’ Diċembru 2017 li jimplimenta r-Regolament (KE) Nru 595/2009 tal-Parlament Ewropew u tal-Kunsill fir-rigward tad-determinazzjoni tal-emissjonijiet tas-CO2 u tal-konsum tal-fjuwil tal-vetturi tqal u li jemenda d-Direttiva 2007/46/KE tal-Parlament Ewropew u tal-Kunsill u r-Regolament tal-Kummissjoni (UE) Nru 582/2011 (ĠU L 349, 29.12.2017, p. 1).

(3) Ir-Regolament (UE) 2018/858 tal-Parlament Ewropew u tal-Kunsill tat-30 ta’ Mejju 2018 dwar l-approvazzjoni u s-sorveljanza tas-suq ta’ vetturi bil-mutur u t-trejlers tagħhom, u ta’ sistemi, komponenti u unitajiet tekniċi separati maħsuba għal tali vetturi, li jemenda r-Regolamenti (KE) Nru 715/2007 u (KE) Nru 595/2009 u li jħassar id-Direttiva 2007/46/KE (ĠU L 151, 14.6.2018, p. 1).

(4) Ir-Regolament (UE) 2019/1242 tal-Parlament Ewropew u tal-Kunsill tal-20 ta’ Ġunju 2019 li jistabbilixxi standards tal-prestazzjoni tal-emissjonijiet tas-CO2 għall-vetturi tqal ġodda u li jemenda r-Regolamenti (KE) Nru 595/2009 u (UE) 2018/956 tal-Parlament Ewropew u tal-Kunsill u d-Direttiva tal-Kunsill 96/53/KE (ĠU L 198, 25.7.2019, p. 202).

ANNESS

LISTA TAL-ANNESSI

ANNESS I

Il-klassifikazzjoni tal-vetturi fi gruppi ta’ vetturi u l-metodu sabiex jiġu ddeterminati l-emissjonijiet ta’ CO2 u l-konsum tal-fjuwil għall-karozzi tal-linja tqal

ANNESS II

Rekwiżiti u proċeduri relatati mat-tħaddim tal-għodda ta’ simulazzjoni

Appendiċi 1

Mudell ta’ dokument ta’ informazzjoni għall-finijiet tat-tħaddim tal-għodda ta’ simulazzjoni sabiex jiġu ddeterminati l-emissjonijiet ta’ CO2 u l-konsum tal-fjuwil ta’ vetturi ġodda

Appendiċi 2

Mudell ta’ liċenzja għat-tħaddim tal-għodda ta’ simulazzjoni sabiex jiġu ddeterminati l-emissjonijiet ta’ CO2 u l-konsum tal-fjuwil ta’ vetturi ġodda

ANNESS III

Informazzjoni tal-input relatata mal-karatteristika tal-vettura

Appendiċi 1

It-teknoloġiji tal-vetturi li għalihom ma japplikawx l-obbligi stabbiliti fl-ewwel subparagrafu tal-Artikolu 9(1), kif previst f’dak is-subparagrafu

ANNESS IV

Mudell tal-fajls tal-output tal-għodda ta’ simulazzjoni

ANNESS V

Verifika tad-data tal-magna

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ Informazzjoni dwar il-Magna

Appendiċi 3

Familja ta’ CO2 tal-Magni

Appendiċi 4

Konformità tal-proprjetajiet relatati mal-emissjonijiet ta’ CO2 u mal-konsum tal-fjuwil

Appendiċi 5

Determinazzjoni tal-konsum tal-enerġija tal-komponenti tal-magna

Appendiċi 6

Markar

Appendiċi 7

Parametri tal-input għall-għodda ta’ simulazzjoni

Appendiċi 8

L-istadji ta’ evalwazzjoni u l-ekwazzjonijiet importanti tal-għodda ta’ preproċessar tal-magna

ANNESS VI

Verifika tad-data dwar it-trażmissjoni, il-konvertitur tat-torque, komponenti oħra li jittrasferixxu t-torque u komponenti addizzjonali tad-driveline

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ informazzjoni dwar it-trażmissjoni

Appendiċi 3

Dokument ta’ informazzjoni tal-konvertitur tat-torque (TC) idrodinamiku

Appendiċi 4

Dokument ta’ informazzjoni ta’ komponenti oħra li jittrasferixxu t-torque (OTTC)

Appendiċi 5

Dokument ta’ informazzjoni tal-komponenti addizzjonali tad-driveline (ADC)

Appendiċi 6

Kunċett tal-Familja

Appendiċi 7

Markar u enumerazzjoni

Appendiċi 8

Valuri tat-telf standard tat-torque - Trażmissjoni

Appendiċi 9

Mudell ġeneriku – konvertitur tat-torque

Appendiċi 10

Valuri tat-telf standard tat-torque – komponenti oħra li jittrasferixxu t-torque

Appendiċi 11

Valuri tat-telf standard tat-torque – angle drive bil-ger jew komponent tas-sistema tal-mototrażmissjoni bi proporzjon tal-veloċità wieħed

Appendiċi 12

Parametri tal-input għall-għodda ta’ simulazzjoni

ANNESS VII

Verifika tad-data dwar il-fusien

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ informazzjoni dwar il-fus

Appendiċi 3

Kalkolu tat-telf standard tat-torque

Appendiċi 4

Kunċett tal-Familja

Appendiċi 5

Markar u enumerazzjoni

Appendiċi 6

Parametri tal-input għall-għodda ta’ simulazzjoni

ANNESS VIII

Verifika tad-data dwar ir-reżistenza tal-arja

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ informazzjoni dwar ir-reżistenza tal-arja

Appendiċi 3

Rekwiżiti dwar l-għoli tal-vettura għal trakkijiet u għal tratturi riġidi

Appendiċi 4

Konfigurazzjonijiet standard tal-karozzerija u tas-semitrejlers għal trakkijiet u għal tratturi riġidi

Appendiċi 5

Familja tar-reżistenza tal-arja

Appendiċi 6

Konformità tal-proprjetajiet iċċertifikati relatati mal-emissjonijiet ta’ CO2 u mal-konsum tal-fjuwil

Appendiċi 7

Valuri standard

Appendiċi 8

Markar

Appendiċi 9

Parametri tal-input għall-għodda ta’ simulazzjoni

ANNESS IX

Verifika tad-data awżiljarja tat-trakkijiet u tal-karozzi tal-linja

ANNESS X

Proċedura taċ-ċertifikazzjoni għal tajers pnewmatiċi

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ informazzjoni dwar il-koeffiċjent tar-reżistenza għad-dawrien tat-tajer

Appendiċi 3

Parametri tal-input għall-għodda ta’ simulazzjoni

Appendiċi 4

Enumerazzjoni

ANNESS Xa

Konformità tat-tħaddim tal-għodda ta’ simulazzjoni u tal-proprjetajiet relatati mal-emissjonijiet ta’ CO2 u mal-konsum tal-fjuwil tal-komponenti, tal-unitajiet tekniċi separati u tas-sistemi: proċedura tal-ittestjar għall-verifika

Appendiċi 1

Passi u ekwazzjonijiet ewlenin ta’ evalwazzjoni kif imwettqin mill-għodda ta’ simulazzjoni f’simulazzjoni ta’ proċedura tal-ittestjar għall-verifika

ANNESS Xb

Ċertifikazzjoni tal-komponenti tas-sistema tal-motopropulsjoni elettrika

Appendiċi 1

Mudell ta’ ċertifikat ta’ komponent, ta’ unità teknika separata jew ta’ sistema

Appendiċi 2

Dokument ta’ Informazzjoni għal sistema ta’ magna elettrika

Appendiċi 3

Dokument ta’ Informazzjoni għal IEPC

Appendiċi 4

Dokument ta’ Informazzjoni għal IHPC tat-Tip 1

Appendiċi 5

Dokument ta’ Informazzjoni għal sistema ta’ batterija jew għal tip rappreżentattiv ta’ subsistema ta’ batterija

Appendiċi 6

Dokument ta’ Informazzjoni għal sistema ta’ kapaċitatur jew għal tip rappreżentattiv ta’ subsistema ta’ kapaċitatur

Appendiċi 7

Appendiċi 8

Valuri standard għal sistema ta’ magna elettrika

Appendiċi 9

Valuri standard għal IEPC

Appendiċi 10

Valuri standard għal REESS

Appendiċi 11

Appendiċi 12

Konformità tal-proprjetajiet iċċertifikati relatati mal-emissjonijiet ta’ CO2 u mal-konsum tal-fjuwil

Appendiċi 13

Kunċett tal-familja

Appendiċi 14

Markar u enumerazzjoni

Appendiċi 15

Parametri tal-input għall-għodda ta’ simulazzjoni

ANNESS XI

Emendi għad-Direttiva 2007/46/KE

ANNESS I

IL-KLASSIFIKAZZJONI TAL-VETTURI FI GRUPPI TA’ VETTURI U L-METODU SABIEX JIĠU DDETERMINATI L-EMISSJONIJIET TA’ CO2 U L-KONSUM TAL-FJUWIL GĦALL-KAROZZI TAL-LINJA TQAL

1. Klassifikazzjoni tal-vetturi għall-fini ta’ dan ir-Regolament

1.1

Klassifikazzjoni tal-vetturi tal-kategorija N

Tabella 1

Gruppi ta’ vetturi għal trakkijiet tqal

Deskrizzjoni tal-elementi rilevanti għall-klassifikazzjoni fil-gruppi ta’ vetturi			Grupp ta’ vetturi	Allokazzjoni tal-profil tal-missjoni u tal-konfigurazzjoni tal-vetturi
Konfigurazzjoni tal-fusien	Konfigurazzjoni tax-xażì	Massa massima mgħobbija teknikament permissibbli (tunnellati)	Grupp ta’ vetturi	Distanza twila	Distanza twila EMS (*1)	Konsenja reġjonali	Konsenja reġjonali EMS (*1)	Konsenja urbana	Utilità tal-muniċipalità	Kostruzzjoni
4 × 2	Trakk riġidu (jew trattur) (*2)	> 7,4 – 7,5	1s			R		R
	Trakk riġidu (jew trattur) (*2)	> 7,5 – 10	1			R		R
	Trakk riġidu (jew trattur) (*2)	> 10 – 12	2	R + T1		R		R
	Trakk riġidu (jew trattur) (*2)	> 12 – 16	3			R		R
	Trakk riġidu	> 16	4	R + T2		R		R	R
	Trattur	> 16	5	T + ST	T + ST + T2	T + ST	T + ST + T2	T + ST
	Trakk riġidu	> 16	4v (*3)						R	R
	Trattur	> 16	5v (*3)							T + ST
4 × 4	Trakk riġidu	> 7,5 – 16	(6)
	Trakk riġidu	> 16	(7)
	Trattur	> 16	(8)
6 × 2	Trakk riġidu	il-piżijiet kollha	9	R + T2	R + D + ST	R	R + D + ST		R
	Trattur	il-piżijiet kollha	10	T + ST	T + ST + T2	T + ST	T + ST + T2
	Trakk riġidu	il-piżijiet kollha	9v (*3)						R	R
	Trattur	il-piżijiet kollha	10v (*3)							T + ST
6 × 4	Trakk riġidu	il-piżijiet kollha	11	R + T2	R + D + ST	R	R + D + ST		R	R
6 × 4	Trattur	il-piżijiet kollha	12	T + ST	T + ST + T2	T + ST	T + ST + T2			T + ST
6 × 6	Trakk riġidu	il-piżijiet kollha	(13)
6 × 6	Trattur	il-piżijiet kollha	(14)
8 × 2	Trakk riġidu	il-piżijiet kollha	(15)
8 × 4	Trakk riġidu	il-piżijiet kollha	16							R
8 × 6 8 × 8	Trakk riġidu	il-piżijiet kollha	(17)
8 × 2 8 × 4 8 × 6 8 × 8	Trattur	il-piżijiet kollha	(18)
5 fusien, il-konfigurazzjonijiet kollha	Trakk riġidu jew trattur	il-piżijiet kollha	(19)

Tabella 2

Gruppi ta’ vetturi għal trakkijiet medji

Deskrizzjoni tal-elementi rilevanti għall-klassifikazzjoni fil-gruppi ta’ vetturi			Allokazzjoni tal-profil tal-missjoni u tal-konfigurazzjoni tal-vetturi
Konfigurazzjoni tal-fusien	Konfigurazzjoni tax-xażì	Grupp ta’ vetturi	Distanza twila	Distanza twila EMS (*4)	Konsenja reġjonali	Konsenja reġjonali EMS (*4)	Konsenja urbana	Utilità tal-muniċipalità	Kostruzzjoni
FWD / 4 × 2F	Trakk Riġidu (jew trattur)	(51)
FWD / 4 × 2F	Vann	(52)
RWD / 4 × 2	Trakk Riġidu (jew trattur)	53			R		R
RWD / 4 × 2	Vann	54			I		I
AWD / 4 × 4	Trakk Riġidu (jew trattur)	(55)
AWD / 4 × 4	Vann	(56)

1.2.

Klassifikazzjoni tal-vetturi tal-kategorija M

1.2.1.

Karozzi tal-linja tqal

1.2.2.

Klassifikazzjoni tal-vetturi primarji

Tabella 3

Gruppi ta’ vetturi għall-vetturi primarji

Deskrizzjoni tal-elementi rilevanti għall-klassifikazzjoni fil-gruppi ta’ vetturi		Grupp ta’ vetturi (1)	Allokazzjoni tal-karozzerija ġenerika		Sottogrupp ta’ vetturi	Allokazzjoni tal-profil tal-missjoni
Numru ta’ fusien	Artik-olati	Grupp ta’ vetturi (1)	Art baxxa (LF) / Art għolja (HF) (2)	Numru ta’ sulari (3)	Sottogrupp ta’ vetturi	Urbani Tqal	Urbani	Suburbani	Interurbani	Kowċ
2	le	P31/32	LF	SD	P31 SD	x	x	x	x
			LF	DD	P31 DD	x	x	x
			HF	SD	P32 SD				x	x
			HF	DD	P32 DD				x	x
3	le	P33/34	LF	SD	P33 SD	x	x	x	x
			LF	DD	P33 DD	x	x	x
			HF	SD	P34 SD				x	x
			HF	DD	P34 DD				x	x
	iva	P35/36	LF	SD	P35 SD	x	x	x	x
			LF	DD	P35 DD	x	x	x
			HF	SD	P36 SD				x	x
			HF	DD	P36 DD				x	x
4	le	P37/38	LF	SD	P37 SD	x	x	x	x
			LF	DD	P37 DD	x	x	x
			HF	SD	P38 SD				x	x
			HF	DD	P38 DD				x	x
	iva	P39/40	LF	SD	P39 SD	x	x	x	x
			LF	DD	P39 DD	x	x	x
			HF	SD	P40 SD				x	x
			HF	DD	P40 DD				x	x

1.2.3.

Il-klassifikazzjoni ta’ vetturi kompluti jew ta’ vetturi kkompletati

Il-klassifikazzjoni ta’ vetturi kompluti jew ikkompletati li huma karozzi tal-linja tqal hija bbażata fuq is-sitt kriterji li ġejjin:

(a)	Numru ta’ fusien;

(b)	Il-kodiċi tal-vetturi kif stabbilit fil-punt 3 tal-parti C tal-Anness I tar-Regolament (UE) 2018/858;

(c)	Il-klassi tal-vettura f’konformità mal-paragrafu 2 tar-Regolament Nru 107 tan-NU (4);

(d)	Vettura b’entrata baxxa (informazzjoni “iva/le” dderivata mill-kodiċi tal-vetturi u mit-tip ta’ fus) li għandha tiġi ddeterminata skont il-fluss tad-deċiżjoni muri fl-Illustrazzjoni 1;

(e)	In-numru ta’ passiġġieri fis-sular ta’ isfel miċ-Ċertifikat ta’ Konformità kif stabbilit fl-Anness VIII tar-Regolament ta’ Implimentazzjoni tal-Kummissjoni (UE) 2020/683 (5) jew f’dokumenti ekwivalenti fil-każ ta’ approvazzjoni ta’ vettura individwali;

(f)	L-għoli tal-karozzerija integrata li għandu jiġi ddeterminat f’konformità mal-Anness VIII.

Illustrazzjoni 1

Fluss tad-deċiżjoni sabiex jiġi ddeterminat jekk vettura għandhiex “entrata baxxa” jew le:

Il-klassifikazzjoni korrispondenti li għandha tintuża hija mogħtija fit-Tabelli 4, 5 u 6.

Tabella 4

Gruppi ta’ vetturi għal vetturi kompluti u għal vetturi kkompletati li huma karozzi tal-linja tqal b’2 fusien

Deskrizzjoni tal-elementi rilevanti għall-klassifikazzjoni fil-gruppi ta’ vetturi

Grupp ta’ vetturi

Allokazzjoni ta’

profil tal-missjoni

Numru ta’ Fusien

Konfigurazzjoni tax-xażì

(spjegazzjoni biss)

Kodiċi tal-Vettura (*5)

Klassi tal-vettura (*6)

Entrata Baxxa

(Kodiċi tal-Vettura CE jew CG biss)

Is-sits tal-passiġġieri fis-sular ta’ isfel (Kodiċi tal-Vettura CB jew CD biss)

Għoli tal-karozzerija integrata fi [mm] (Klassi tal-Vettura “II+III” biss)

+II

jew

+III

III

jew

Urbani Tqal

Urbani

Suburbani

Interurbani

Kowċ

riġidi

—

31a

iva

—

31b1

iva

—

31b2

—

31c

saqaf miftuħ

—

31d

—

31e

—

32a

—

≤ 3 100

32b

—

> 3 100

32c

—

32d

—

≤ 6

—

32e

—

> 6

—

32f

Tabella 5

Gruppi ta’ vetturi għal vetturi kompluti u għal vetturi kkompletati li huma karozzi tal-linja tqal b’3 fusien

Deskrizzjoni tal-elementi rilevanti għall-klassifikazzjoni fil-gruppi ta’ vetturi

Grupp ta’ vetturi

Allokazzjoni ta’

profil tal-missjoni

Numru ta’ Fusien

Konfigurazzjoni tax-xażì

(spjegazzjoni biss)

Kodiċi tal-Vettura (*7)

Klassi tal-vettura (*8)

Entrata Baxxa

(Kodiċi tal-Vettura CE jew CG biss)

Is-sits tal-passiġġieri fis-sular ta’ isfel (Kodiċi tal-Vettura CB jew CD biss)

Għoli tal-karozzerija integrata fi [mm] (Klassi tal-Vettura “II+III” biss)

+II

jew

+III

III

jew

Urbani Tqal

Urbani

Suburbani

Interurbani

Kowċ

riġidi

—

33a

iva

—

33b1

iva

—

33b2

—

33c

saqaf miftuħ

—

33d

—

33e

—

34 a

—

≤ 3 100

34b

—

> 3 100

34c

—

34d

—

≤ 6

—

34e

—

> 6

—

34f

artiko-lati

—

35 a

iva

—

35b1

iva

—

35b2

—

35c

—

36a

—

≤ 3 100

36b

—

> 3 100

36c

—

36d

—

≤ 6

—

36e

—

> 6

—

36f

Tabella 6

Gruppi ta’ vetturi għal vetturi kompluti u għal vetturi kkompletati li huma karozzi tal-linja tqal b’4 fusien

Deskrizzjoni tal-elementi rilevanti għall-klassifikazzjoni fil-gruppi ta’ vetturi

Grupp ta’ vetturi

Allokazzjoni ta’

profil tal-missjoni

Numru ta’ Fusien

Konfigurazzjoni tax-xażì

(spjegazzjoni biss)

Kodiċi tal-Vettura (*9)

Klassi tal-vettura (*10)

Entrata Baxxa

(Kodiċi tal-Vettura CE jew CG biss)

Is-sits tal-passiġġieri fis-sular ta’ isfel (Kodiċi tal-Vettura CB jew CD biss)

Għoli tal-karozzerija integrata fi [mm] (Klassi tal-Vettura “II+III” biss)

+II

jew

+III

III

jew

Urbani Tqal

Urbani

Suburbani

Interurbani

Kowċ

riġidi

—

37a

iva

—

37b1

iva

—

37b2

—

37c

saqaf miftuħ

—

37d

—

37e

—

38a

—

≤ 3 100

38b

—

> 3 100

38c

—

38d

—

≤ 6

—

38e

—

> 6

—

38f

artiko-lati

—

39 a

iva

—

39b1

iva

—

39b2

—

39c

—

40a

—

≤ 3 100

40b

—

> 3 100

40c

—

40d

—

≤ 6

—

40e

—

> 6

—

40f

2. Metodu sabiex jiġu ddeterminati l-emissjonijiet ta’ CO2 u l-konsum tal-fjuwil għal karozzi tal-linja tqal

2.1.

Għal karozzi tal-linja tqal, l-ispeċifikazzjonijiet tal-vettura kompluta jew tal-vettura kkompletata, inklużi l-proprjetajiet tal-karozzerija finali u tal-unitajiet awżiljarji, għandhom jiġu riflessi fir-riżultati għall-emissjonijiet ta’ CO2 u għall-konsum tal-fjuwil. Fil-każ ta’ karozzi tal-linja tqal mibnijin fi stadji, aktar minn manifattur wieħed jista’ jkun involut fil-proċess tal-ġenerazzjoni ta’ data tal-input u ta’ informazzjoni dwar l-input u t-tħaddim tal-għodda ta’ simulazzjoni. Għall-karozzi tal-linja tqal, l-emissjonijiet ta’ CO2 u l-konsum tal-fjuwil għandhom ikunu bbażati fuq iż-żewġ simulazzjonijiet differenti li ġejjin:

(a)	għall-vettura primarja;

(b)	għall-vettura kompluta jew għall-vettura kkompletata.

2.2.

Jekk karozza tal-linja tqila tiġi approvata minn manifattur bħala vettura kompluta, is-simulazzjonijiet għandhom jitwettqu kemm għall-vettura primarja kif ukoll għall-vettura kompluta.

2.3.

Għall-vettura primarja, l-input għall-għodda ta’ simulazzjoni jkopri d-data tal-input dwar il-magna, it-trażmissjoni, it-tajers u l-informazzjoni dwar l-input għal subsett ta’ unitajiet awżiljarji (6). Il-klassifikazzjoni fi gruppi ta’ vetturi titwettaq f’konformità mat-Tabella 3 fuq il-bażi tan-numru ta’ fusien u tal-informazzjoni dwar jekk il-vettura hijiex karozza tal-linja artikolata jew le. Fis-simulazzjonijiet għall-vettura primarja, l-għodda ta’ simulazzjoni talloka sett ta’ erba’ karozzeriji ġeneriċi differenti (karozzerija b’art għolja u b’art baxxa, b’sular wieħed u b’żewġ sulari) u tissimula l-11-il profil tal-missjoni kif elenkati fit-Tabella 3 għal kull grupp ta’ vetturi għal żewġ kundizzjonijiet ta’ tagħbija differenti. Dan iwassal għal sett ta’ 22 riżultat għall-emissjonijiet ta’ CO2 u għall-konsum tal-fjuwil għal karozza tal-linja tqila primarja. L-għodda ta’ simulazzjoni tipproduċi l-fajl ta’ informazzjoni dwar il-vettura għall-istadju inizjali (VIF1), li fih id-data neċessarja kollha li għandha tingħadda għall-istadju sussegwenti tal-manifattura. Il-VIF1 jinkludi d-data tal-input mhux kunfidenzjali kollha, ir-riżultati għall-konsum tal-enerġija (7) f’[MJ/km], l-informazzjoni dwar il-manifattur primarju u l-hashes rilevanti (8).

2.4.

Il-manifattur tal-vettura primarja għandu jagħmel il-VIF1 disponibbli għall-manifattur responsabbli għall-istadju tal-manifattura sussegwenti. Meta manifattur ta’ vettura primarja jipprovdi data li tmur lil hinn mir-rekwiżiti tal-vettura primarja kif stabbiliti fl-Anness III, din id-data ma tinfluwenzax ir-riżultati tas-simulazzjoni għall-vettura primarja iżda tinkiteb fil-VIF1 sabiex titqies fi stadji aktar tard. Għal vettura primarja, l-għodda ta’ simulazzjoni tipproduċi wkoll fajl tar-rekords tal-manifattur.

2.5.

Fil-każ ta’ vettura interim, il-manifattur interim huwa responsabbli għal subsett ta’ data tal-input rilevanti u għall-informazzjoni tal-input għall-karozzerija finali (9). Manifattur interim ma japplikax għaċ-ċertifikazzjoni tal-vettura kkompletata. Manifattur interim għandu jżid jew jaġġorna l-informazzjoni rilevanti għall-vettura kkompletata u jopera l-għodda ta’ simulazzjoni sabiex jipproduċi verżjoni aġġornata u hashed tal-fajl ta’ informazzjoni dwar il-vettura (VIFi) (10). Il-VIFi għandu jkun disponibbli għall-manifattur responsabbli għall-istadju tal-manifattura sussegwenti. Għall-vetturi interim, il-VIFi ikopri wkoll il-kompitu ta’ dokumentazzjoni fir-rigward tal-awtoritajiet tal-approvazzjoni. Ma ssir l-ebda simulazzjoni tal-emissjonijiet ta’ CO2 u/jew tal-konsum tal-fjuwil fuq vetturi interim.

2.6.

Jekk manifattur iwettaq modifiki fuq vettura interim, kompluta jew ikkompletata, li jkunu jeħtieġu aġġornamenti għad-data tal-input jew għall-informazzjoni tal-input allokata lill-vettura primarja (eż. bidla ta’ fus jew tat-tajers), il-manifattur li jwettaq il-modifika jaġixxi bħala manifattur tal-vettura primarja bir-responsabbiltajiet korrispondenti.

2.7.

Għal vettura kompluta jew ikkompletata, il-manifattur għandu jikkomplementa u, jekk ikun meħtieġ, jaġġorna d-data tal-input u l-informazzjoni tal-input għall-karozzerija finali kif trażmessi fil-VIFi mill-istadju tal-manifattura preċedenti u għandu jopera l-għodda ta’ simulazzjoni sabiex jikkalkola l-emissjonijiet ta’ CO2 u l-konsum tal-fjuwil. Għas-simulazzjonijiet f’dan l-istadju, il-karozzi tal-linja tqal huma kklassifikati fuq il-bażi tas-sitt kriterji stabbiliti fil-punt 1.2.3 fil-gruppi ta’ vetturi kif elenkati fit-Tabelli 4, 5 u 6. Sabiex jiġu ddeterminati l-emissjonijiet ta’ CO2 u l-konsum tal-fjuwil ta’ vetturi kompluti jew ta’ vetturi kkompletati li huma karozzi tal-linja tqal, l-għodda ta’ simulazzjoni twettaq l-istadji ta’ kalkolu li ġejjin:

2.7.1.

Stadju 1 - Għażla tas-sottogrupp primarju tal-vettura li jaqbel mal-karozzerija tal-vettura kompluta jew ikkompletata (eż. “P34 DD” għal “34f”) u li jsiru disponibbli r-riżultati korrispondenti għall-konsum tal-enerġija mis-simulazzjoni tal-vettura primarja.

2.7.2.

Stadju 2 - It-twettiq ta’ simulazzjonijiet sabiex tiġi kkwantifikata l-influwenza tal-karozzerija u tal-awżiljarji tal-vettura kompluta jew tal-vettura kkompletata meta mqabblin mal-karozzerija u mal-awżiljarji ġeneriċi, kif ikkunsidrati fis-simulazzjonijiet għall-vettura primarja fir-rigward tal-konsum tal-enerġija. F’dawn is-simulazzjonijiet, tintuża data ġenerika għas-sett ta’ data primarja dwar il-vetturi, li ma hijiex parti mit-trasferiment tal-informazzjoni bejn stadji differenti tal-manifattura kif ipprovduti mill-VIF (11).

2.7.3.

Stadju 3 - Il-kombinazzjoni tar-riżultati tal-konsum tal-enerġija mis-simulazzjoni tal-vettura primarja kif magħmula disponibbli mill-istadju 1 mar-riżultati mill-istadju 2 tipprovdi r-riżultati tal-konsum tal-enerġija tal-vettura kompluta jew ikkompletata. Id-dettalji ta’ dan l-istadju ta’ kalkolu huma ddokumentati fil-manwal tal-utent tal-għodda ta’ simulazzjoni.

2.7.4.

Stadju 4 - Ir-riżultati għall-emissjonijiet ta’ CO2 u għall-konsum tal-fjuwil tal-vettura jiġu kkalkolati fuq il-bażi tar-riżultati tal-istadju 3 u tal-ispeċifikazzjonijiet ġeneriċi tal-fjuwil kif maħżunin fl-għodda ta’ simulazzjoni. L-Istadji 2, 3 u 4 jitwettqu separatament għal kull kombinazzjoni ta’ profil tal-missjoni kif elenkata fit-Tabelli 4, 5 u 6 għall-gruppi tal-vetturi f’kundizzjoni ta’ tagħbija kemm baxxa kif ukoll rappreżentattiva.

2.7.5.

Għal vettura kompluta jew għal vettura kkompletata, l-għodda ta’ simulazzjoni tipproduċi fajl tar-rekords tal-manifattur, fajl ta’ informazzjoni għall-klijent kif ukoll VIFi. Il-VIFi għandu jkun disponibbli għall-manifattur sussegwenti fil-każ li l-vettura tgħaddi minn stadju biex tiġi kkompletata.

L-Illustrazzjoni 2 turi l-fluss tad-data fuq il-bażi tal-eżempju ta’ vettura prodotta f’ħames stadji tal-manifattura relatati mas-CO2.

Illustrazzjoni 2

Eżempju ta’ fluss tad-data fil-każ ta’ karozza tal-linja tqila manifatturata f’ħames stadji

Choose the experimental features you want to try