19.3.2009   

MT

Il-Ġurnal Uffiċjali tal-Unjoni Ewropea

L 73/22

(1)

Id-Direttiva 64/432/KEE tipprovdi kriterja għall-approvazzjoni ta’ Stat Membru jew reġjun tiegħu bħala liberu minn ċertu mard li jittieħed, fosthom il-marda ta’ Aujeszky. Din id-Direttiva tipprovdi wkoll li garanziji addizzjonali, ġeneriċi jew speċifiċi, li jistgħu jinħtieġu f’kummerċ ġewwa l-Komunità b’relazzjoni ma’ dawk l-Istati Membri u reġjuni, għandhom ikunu stabbiliti skont il-proċedura stipulata hemm.

(2)

L-Anness I tad-Deċiżjoni tal-Kunsill 2008/185/KE tal-21 ta’ Frar 2008 dwar garanziji addizzjonali f’kummerċ intra-Komunitarju tal-majjal rigward il-marda ta’ Aujeszky u kriterji sabiex jipprovdu informazzjoni dwar din il-marda (2) jelenka Stati Membri jew reġjuni tagħhom li huma liberi mill-marda ta’ Aujeszky u fejn it-tilqim huwa pprojbit.

(3)

Id-Deċiżjoni 2008/185/KE tistabbilixxi wkoll il-garanziji addizzjonali rigward dik il-marda għall-moviment tal-ħnieżer bejn l-Istati Membri. Dawk il-garanziji addizzjonali huma marbuta mal-istatus tal-marda tal-Istat Membru jew reġjuni tiegħu kkonċernati.

(4)

L-esperjenza fl-implimentazzjoni ta’ dawk il-garanziji wriet li hu neċessarju li jiġi ċċarat li l-moviment tal-ħnieżer bejn l-Istati Membri jew reġjuni tagħhom, li huma liberi mill-marda ta’ Aujeszky u fejn t-tilqim huwa pprojbit u li huma elenkati fl-Anness I tad-Deċiżjoni 2008/185/KE, ma jeħtieġu l-ebda garanzija addizzjonali.

(5)

Għaldaqstant id-Deċiżjoni 2008/185/KE għandha tiġi emendata skont dan.

(6)

Il-miżuri pprovduti f’din id-Deċiżjoni huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

(1)

Fl-Artikolu 1, il-frażi ta’ introduzzjoni tinbidel b’dan li ġej:

“Ħnieżer intenzjonati għat-tkabbir jew produzzjoni, mibgħuta fi Stati Membri jew reġjuni tagħhom li huma liberi mill-marda ta’ Aujeszky u li huma elenkati fl-Anness I għandhom jiġu minn Stat Membru jew reġjun tiegħu elenkat f’dak l-Anness jew għandhom ikunu konformi mal-kondizzjonijiet addizzjonali li ġejjin:”

(2)

Fl-Artikolu 2, il-frażi ta’ introduzzjoni tinbidel b’dan li ġej:

“Ħnieżer intenzjonati għall-qatla, mibgħuta fi Stati Membri jew reġjuni tagħhom li huma liberi mill-marda ta’ Aujeszky u li huma elenkati fl-Anness I għandhom jiġu minn Stat Membru jew reġjun tiegħu elenkat f’dak l-Anness jew għandhom ikunu konformi mal-kondizzjonijiet addizzjonali li ġejjin:”