(1)

Sabiex tiġi evitata varjabbiltà bla bżonn fir-rekwiżiti ta’ kapital bejn l-istituzzjonijiet, u sabiex l-approċċ ibbażat fuq il-mandat isir operazzjonali f’sitwazzjonijiet fejn ma jkunx hemm biżżejjed informazzjoni, huwa meħtieġ li jiġi speċifikat il-metodu għall-kalkolu tal-ammont tal-iskopertura ponderat għar-riskju għal impriża ta’ investiment kollettiv (collective investment undertaking, CIU) skont l-approċċ ibbażat fuq il-mandat għall-każijiet fejn l-inputs neqsin ma jippermettux il-komputazzjoni tal-ammont tal-iskopertura ponderat għar-riskju.

(2)

Meta CIU tidħol fi tranżazzjonijiet ta’ derivattivi u s-sottostanti tad-derivattivi jew ir-riskju sottostanti tal-pożizzjonijiet tad-derivattivi ma jkunux magħrufa, il-kost tas-sostituzzjoni tal-pożizzjonijiet ma jistax jiġi determinat mill-istituzzjonijiet, u għaldaqstant lanqas ma jista’ jiġi determinat il-valur tal-iskopertura tagħhom. F’dak il-każ, jenħtieġ li l-istituzzjonijiet jibbażaw il-kalkoli tagħhom fuq l-ammont nozzjonali ta’ pożizzjoni ta’ derivattiv, li normalment ikun magħruf u jkun l-aħjar indikatur tad-daqs tal-pożizzjoni, u għaldaqstant tipprovdi approssimazzjoni għall-valur tal-iskopertura.

(3)

Meta l-mandat tas-CIU ma jeskludix id-dħul f’derivattivi iżda ma jinkludix biżżejjed informazzjoni biex jiġi determinat jekk sottostanti jikkostitwix skopertura fil-karta bilanċjali jew barra l-karta bilanċjali, ma jistax jiġi eskluż li tali skopertura tkun kostitwita. Għaldaqstant huwa meħtieġ li dik l-iskopertura tiġi inkluża fil-kalkolu tal-ammonti ta’ skoperturi ponderati għar-riskju tal-iskoperturi tas-CIU.

(4)

Meta l-mandat ma jipprovdix biżżejjed informazzjoni dwar il-valur tal-iskopertura ta’ tali pożizzjoni, ma jistax jiġi eskluż li l-valur tal-iskopertura jkun l-ammont nozzjonali sħiħ tal-pożizzjoni tad-derivattivi.

(5)

Meta l-mandat ma jispeċifikax l-ammont nozzjonali tal-pożizzjoni tad-derivattivi, biex jiġi żgurat approċċ prudenti biżżejjed, jenħtieġ li dak l-ammont jiġi derivat mill-ammont nozzjonali massimu ta’ derivattivi permess skont il-mandat.

(6)

Meta l-kostijiet tas-sostituzzjoni jew l-iskopertura futura potenzjali għall-finijiet tal-kalkolu tal-ammont tal-iskopertura assoċjat mar-riskju ta’ kreditu tal-kontroparti ma jkunux magħrufa, jenħtieġ li l-istituzzjonijiet jibbażaw il-kalkoli tagħhom fuq is-somma tal-ammonti nozzjonali tat-tranżazzjonijiet fis-sett ta’ netting, li tkun l-aħjar stima konservattiva disponibbli biex tippermetti l-użu tal-approċċ ibbażat fuq il-mandat.

(7)

Hemm każijiet fejn mhuwiex possibbli li l-istituzzjonijiet jaċċertaw is-settijiet ta’ netting rilevanti għal ċertu tip ta’ derivattiv fis-CIU, billi ma hemm l-ebda informazzjoni disponibbli dwar il-kontropartijiet jew dwar jekk it-tranżazzjonijiet humiex soġġetti għal arranġament ta’ netting bilaterali legalment infurzabbli msemmi fl-Artikolu 272, il-punt (4) tar-Regolament (UE) Nru 575/2013. F’dawk il-każijiet, jenħtieġ li l-istituzzjonijiet jassumu li la l-effetti tan-netting u lanqas id-diversifikazzjoni tal-kontroparti ma jeżistu għal dak it-tip ta’ derivattiv. Għaldaqstant, jenħtieġ li l-istituzzjonijiet jassumu li s-CIU daħlet f’derivattiv uniku bl-ammont nozzjonali massimu permess mill-mandat għal dak it-tip ta’ derivattiv.

(8)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Bankarja Ewropea.

(9)

L-Awtorità Bankarja Ewropea wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2),

(1)

Skont l-Artikolu 50(2)(a) tar-Regolament (UE) Nru 1151/2012, l-applikazzjoni mill-Italja għall-approvazzjoni ta’ emenda mhux minuri għall-Ispeċifikazzjoni tal-Prodott tal-Indikazzjoni Ġeografika Protetta “Aceto Balsamico di Modena” ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Fil-31 ta’ Awwissu 2021, il-Kummissjoni rċeviet tliet avviżi ta’ oppożizzjoni u dikjarazzjoni motivata mill-Ġermanja. Żewġ dikjarazzjonijiet motivati oħra ta’ oppożizzjoni mill-Ġermanja ġew sottomessi fil-11 ta’ Ottubru 2021. Fis-16 ta’ Settembru 2021, il-Kummissjoni rċeviet ir-raba’ avviż ta’ oppożizzjoni minn avversarju bbażat fit-Turkija. Id-dikjarazzjoni motivata tal-oppożizzjoni relatata ġiet ippreżentata fis-16 ta’ Novembru 2021.

(3)

Wara li eżaminat id-dikjarazzjonijiet motivati tal-oppożizzjoni u sabet li huma ammissibbli, f’konformità mal-Artikolu 51(3) tar-Regolament (UE) Nru 1151/2012, il-Kummissjoni, permezz ta’ ittra datata l-10 ta’ Diċembru 2021, stiednet lill-Italja u lill-Ġermanja, flimkien mal-avversarju mit-Turkija, biex jipparteċipaw f’konsultazzjonijiet xierqa bil-ħsieb li jintlaħaq ftehim.

(4)

Fl-4 ta’ Marzu 2021, il-Ġermanja informat lill-Kummissjoni li waħda mill-oppożizzjonijiet ġiet irtirata, iżda nżammet minn żewġ avversarji oħra mill-Ġermanja.

(5)

Il-konsultazzjonijiet bejn l-Italja u l-Ġermanja fuq naħa, u l-Italja u l-avversarju mit-Turkija fuq in-naħa l-oħra ntemmu mingħajr ma ntlaħaq ftehim. Għaldaqstant, jenħtieġ li l-Kummissjoni tieħu deċiżjoni dwar l-emendi f’konformità mal-proċedura prevista fl-Artikolu 52(3)(b) tar-Regolament (UE) Nru 1151/2012, filwaqt li tqis ir-riżultati ta’ dawn il-konsultazzjonijiet.

(6)

L-avversarji qiesu li l-emendi għall-Ispeċifikazzjoni tal-Prodott jirriżultaw f’nuqqas ta’ konformità mal-kundizzjonijiet stabbiliti fl-Artikolu 5(2) tar-Regolament (UE) Nru 1151/2012, b’mod partikolari minħabba li tinkiser ir-rabta bejn il-prodott u ż-żona ġeografika. Għal dak il-għan, ġew iddubitati l-bidliet allegati fil-karatteristiċi organolettiċi tal-“Aceto Balsamico di Modena”, il-bidla fl-aċidità totali minima għall-prodott imqaddem u proċedura ta’ korrezzjoni għal devjazzjonijiet possibbli mill-parametri. Dawn l-emendi ġew ikkontestati wkoll bħala li jnaqqsu l-kwalità tal-“Aceto Balsamico di Modena” u li jirriżultaw f’nuqqas ta’ konformità mar-rekwiżiti stabbiliti għall-ħall tal-inbid skont il-punt 17 tal-Parti II tal-Anness VII tar-Regolament (UE) Nru 1308/2013 tal-Parlament Ewropew u tal-Kunsill (3) li jistabbilixxi organizzazzjoni komuni tas-swieq fi prodotti agrikoli (aċidità ta’ mill-inqas 60 gramma għal kull litru = mill-inqas 6 %).

(7)

Barra minn hekk, l-avversarji allegaw nuqqas ta’ konformità mar-rekwiżiti minimi għall-kontenut tal-Ispeċifikazzjoni tal-Prodott, fir-rigward tal-Artikolu (7)(1)(g) tar-Regolament (UE) Nru 1151/2012, dwar it-tneħħija tal-indikazzjoni tal-korp ta’ kontroll għall-“Aceto Balsamico di Modena”.

(8)

Barra minn hekk, l-avversarji allegaw li l-kamp ta’ applikazzjoni eżistenti tal-protezzjoni ġie estiż bla bżonn u, għalhekk, ir-reġistrazzjoni tal-emendi tipperikola l-eżistenza ta’ ismijiet, marki kummerċjali jew prodotti, inkluż ħall balsamiku ta’ oriġini oħra. B’mod partikolari, din l-affermazzjoni tikkonċerna l-inklużjoni allegata tal-obbligu tal-ibbottiljar fiż-żona demarkata, regola addizzjonali dwar il-forma tal-kontenituri, kif ukoll l-introduzzjoni ta’ parametri tal-proporzjon iżotopiku. B’riżultat ta’ dan, l-avversarji jsostnu li l-emendi ppjanati allegatament jippreġudikaw l-interessi tal-bottiljaturi tal-“Aceto Balsamico di Modena” u tal-produtturi Ġermaniżi ta’ ħall ieħor.

(9)

Fl-aħħar nett, l-avversarji sostnew li t-tnaqqis tal-aċidità minima li għadu kif ġie introdott jista’ jwassal għal konfużjoni bejn l-IĠP “Aceto Balsamico di Modena” u d-DOP “Aceto Balsamico Tradizionale di Modena”.

(10)

Il-Kummissjoni vvalutat l-argumenti li ħarġu fid-dikjarazzjonijiet motivati ta’ oppożizzjoni mill-Ġermanja u mit-Turkija fid-dawl tad-dispożizzjonijiet tar-Regolament (UE) Nru 1151/2012, b’kont meħud tar-riżultati tal-konsultazzjonijiet xierqa li saru bejn l-applikant u l-avversarji, u kkonkludiet li jenħtieġ li l-emenda għall-Ispeċifikazzjoni tal-Prodott għall-indikazzjoni ġeografika protetta “Aceto Balsamico di Modena” tiġi approvata.

(11)

L-Italja sostniet li l-avversarji ma kinux urew l-interess leġittimu tagħhom li jippreżentaw l-oppożizzjonijiet, kif meħtieġ mill-Artikolu 51(1) tar-Regolament (UE) Nru 1151/2012, peress li l-avversarji kkontestaw emendi li jew ma saritx applikazzjoni għalihom jew li ma kinux jirriżultaw f’ostakli għall-kummerċ u/jew għas-suq.

Fil-kuntest tal-proċedura applikabbli għall-applikazzjonijiet għal emendi fl-Ispeċifikazzjoni tal-Prodott li ma humiex minuri, kwalunkwe persuna fiżika jew ġuridika li jkollha interess leġittimu tista’ tippreżenta oppożizzjoni għall-applikazzjoni għal emenda sottomessa. F’dan il-każ, ir-riskju ta’ ħsara għall-interessi tal-avversarji ma kienx ikkunsidrat bħala purament improbabbli, u lanqas ipotetiku u, għalhekk, ġie konkluż li l-avversarji wrew interess leġittimu fil-preżentazzjoni tal-oppożizzjonijiet.

(12)

L-analiżi tar-riżervi ppreżentati mill-avversarji żvelat li, tabilħaqq, saru xi wħud mill-affermazzjonijiet fir-rigward tal-elementi fl-Ispeċifikazzjoni tal-Prodott li fil-fatt ma nbidlux bħala riżultat ta’ dawn l-emendi, iżda li kienu jikkonsistu minn sempliċi bidliet editorjali. Dawn il-bidliet editorjali kellhom l-għan li jġibu d-Dokument Uniku f’konformità mal-Artikolu 8(1)(c) tar-Regolament (UE) Nru 1151/2012 u biex dan jirrifletti aħjar il-kundizzjonijiet stabbiliti fl-Ispeċifikazzjoni tal-Prodott tal-IĠP “Aceto Balsamico di Modena”. Dan jikkonċerna, b’mod partikolari, il-bidliet allegati fil-karatteristiċi organolettiċi, l-allegati bidliet li jikkonċernaw l-użu ta’ addittivi u l-użu ta’ kontenituri tal-plastik, kif ukoll l-obbligu allegat tal-ibbottiljar fiż-żona demarkata. Dawn ir-regoli ma nbidlux, filwaqt li l-formulazzjoni mill-ġdid li dehret fid-Dokument Uniku u li setgħet ġiet perċepita bħala emendi għall-Ispeċifikazzjoni tal-Prodott, fil-fatt irriżultat mir-rettifika ta’ diskrepanzi bejn l-Ispeċifikazzjoni tal-Prodott u s-sommarju tal-Ispeċifikazzjoni tal-Prodott li ġie ppubblikat f’Il-Ġurnal Uffiċjali tal-Unjoni Ewropea (4). Il-valutazzjoni tal-Kummissjoni tal-applikazzjoni għall-emenda tal-IĠP “Aceto Balsamico di Modena” ffukat fuq l-emendi sostanzjali li għalihom saret applikazzjoni.

(13)

Il-bidliet li jikkonċernaw perċentwal minimu ta’ aċidità għat-tip “invecchiato” (imqaddem) minn 6 % għal 5,5 % jew il-proċedura ta’ korrezzjoni permessa għal devjazzjonijiet possibbli, ma jistgħux jitqiesu li għandhom impatt negattiv fuq ir-rabta bejn il-prodott u l-oriġini ġeografika tiegħu. Ir-raġunijiet wara dawn l-emendi ġew spjegati u ġġustifikati kif xieraq fil-pubblikazzjoni tal-applikazzjoni, filwaqt li huwa evidenti li n-natura u l-iskala ta’ dawn l-emendi ma jbiddlux il-karatteristiċi essenzjali tal-IĠP “Aceto Balsamico di Modena”, u konsegwentement ma jistgħux iwasslu biex ir-rabta titneħħa.

(14)

Barra minn hekk, is-similarità fil-livell ta’ aċidità ma għandhiex il-kapaċità li toħloq konfużjoni bejn l-IĠP “Aceto Balsamico di Modena” u d-DOP “Aceto Balsamico Tradizionale di Modena”, jew li twassal għall-evokazzjoni ta’ din tal-aħħar. Anke jekk il-prodotti taħt iż-żewġ denominazzjonijiet jikkondividu ċerti karatteristiċi, bħal-livell ta’ aċidità, dawn huma magħmulin minn materja prima differenti u jsegwu metodu ta’ produzzjoni differenti u għalhekk jibqgħu distinti.

(15)

Fl-aħħar nett, l-IĠP “Aceto Balsamico di Modena” ma hijiex definita bħala ħall tal-inbid u għalhekk ma hijiex soġġetta għar-regoli applikabbli għall-ħall tal-inbid, b’mod partikolari fir-rigward tal-aċidità minima.

(16)

Fir-rigward tal-oppożizzjonijiet li jikkonċernaw l-estensjoni tal-firxa tad-daqs tal-fliexken, l-emenda ma tistax titqies li qed timponi xi limitazzjonijiet fuq l-operaturi involuti fl-ippakkjar tal-“Aceto Balsamico di Modena”. Għall-kuntrarju, l-awtorizzazzjoni ta’ kapaċitajiet addizzjonali ta’ kontenituri bħal 0,100 l, 0,150 l, 0,200 l jew 1,5 l tista’ titqies bħala l-liberalizzazzjoni tal-kundizzjonijiet għall-ibbottiljar. Effett possibbli ta’ kompetizzjoni akbar li jista’ jirriżulta mill-kummerċjalizzazzjoni tal-“Aceto Balsamico di Modena” f’firxa usa’ ta’ qisien ta’ fliexken ikun konformi mal-prinċipji fundamentali tal-politika tal-kompetizzjoni tal-UE u ma għandux jitqies bħala ta’ ħsara għar-reputazzjoni tal-IĠP “Aceto Balsamico di Modena”.

(17)

L-għan tal-karatteristiċi tal-kontenituri b’kapaċità ta’ anqas minn 0,250 litru inklużi fit-taqsima 3.5 tad-Dokument Uniku huwa li jiġi żgurat standard minimu ta’ uniformità fost il-fliexken, li fihom jinbiegħ il-prodott. Din ir-regola tal-ippakkjar ma hijiex inkluża fid-deskrizzjoni tal-prodott, u lanqas ma hija elaborata fir-rigward tal-Ispeċifiċità tal-Prodott taħt it-taqsima tad-Dokument Uniku ddedikat għar-rabta, u għalhekk ma tistax titqies bħala karatteristika essenzjali tal-preżentazzjoni tal-prodott. Peress li dawn ir-rekwiżiti huma stabbiliti biss għal kontenituri ġodda b’kapaċità ta’ anqas minn 0,250 litru, li ma kinux permessi qabel din l-emenda, il-bidla kkontestata mhux se jkollha impatt negattiv fuq l-investimenti f’kontenituri li diġà saru mill-bottiljaturi tal-“Aceto Balsamico di Modena”, u konsegwentement, ma hijiex se tirriżulta fit-telf ekonomiku tagħhom.

(18)

L-informazzjoni rigward il-korp ta’ kontroll ma ġietx ipprovduta direttament fid-Dokument Uniku, billi ma hijiex meħtieġa hemm f’konformità mal-Anness I tar-Regolament ta’ Implimentazzjoni tal-Kummissjoni (UE) Nru 668/2014 (5). Madankollu, din l-informazzjoni ġiet inkluża fl-Ispeċifikazzjoni tal-Prodott, kif stipulat fl-Artikolu 7(1)(g) tar-Regolament (UE) Nru 1151/2012.

(19)

B’referenza għall-oġġezzjonijiet tal-avversarji għall-konformità meħtieġa mal-parametri tal-proporzjon iżotopiku, ġew introdotti parametri bħal dawn biex tiġi identifikata aħjar l-adulterazzjoni possibbli tal-ħall tal-inbid u tittejjeb is-sistema ta’ kontroll għall-“Aceto Balsamico di Modena”. Fi kwalunkwe każ, il-verifika tal-proporzjon iżotopiku ssir fl-istadju tal-produzzjoni, u b’hekk taffettwa biss lill-produtturi tal-“Aceto Balsamico di Modena”.

(20)

Għaldaqstant, jenħtieġ li l-emenda għall-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea rigward l-isem “Aceto Balsamico di Modena” (IĠP) tiġi approvata.

(21)

Il-miżuri previsti f’dan ir-Regolament huma skont l-opinjoni tal-Kumitat tal-Politika dwar il-Kwalità tal-Prodotti Agrikoli,

(1)

Ir-Regolament (UE) 2016/429 fost l-oħrajn jistipula r-rekwiżiti tas-saħħa tal-annimali għad-dħul fl-Unjoni ta’ kunsinni ta’ annimali, ta’ prodotti ġerminali u ta’ prodott ta’ oriġini mill-annimali, u japplika mill-21 ta’ April 2021. Wieħed minn dawk ir-rekwiżiti tas-saħħa tal-annimali huwa li dawk il-kunsinni jridu jiġu minn pajjiż terz jew territorju, jew żona, jew kompartiment tiegħu, elenkati f’konformità mal-Artikolu 230(1) ta’ dak ir-Regolament.

(2)

Ir-Regolament Delegat tal-Kummissjoni (UE) 2020/692 (2) jissupplimenta r-Regolament (UE) 2016/429 rigward ir-rekwiżiti tas-saħħa tal-annimali għad-dħul fl-Unjoni ta’ kunsinni ta’ ċerti speċijiet u kategoriji ta’ annimali, ta’ prodotti ġerminali u ta’ prodotti li joriġinaw mill-annimali minn pajjiżi terzi jew mit-territorji, jew iż-żoni, jew il-kompartimenti tagħhom. Ir-Regolament Delegat (UE) 2020/692 jipprevedi li kunsinni ta’ annimali, ta’ prodotti ġerminali u ta’ prodotti li joriġinaw mill-annimali li jidħlu fil-kamp ta’ applikazzjoni tiegħu jistgħu jingħataw permess jidħlu fl-Unjoni biss jekk jiġu minn pajjiż terz jew mit-territorju, minn żona jew minn kompartiment tiegħu li jkun elenkat għall-ispeċijiet u l-kategoriji ta’ annimali, ta’ prodotti ġerminali u ta’ prodotti li joriġinaw mill-annimali, f’konformità mar-rekwiżiti tas-saħħa tal-annimali stabbiliti f’dak ir-Regolament Delegat.

(3)

Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi tal-pajjiżi terzi, jew tat-territorji, jew iż-żoni, jew il-kompartimenti tagħhom li minnhom huwa permess id-dħul fl-Unjoni ta’ dawk l-ispeċijiet u l-kategoriji ta’ annimali, ta’ prodotti ġerminali u ta’ prodotti li joriġinaw mill-annimali li jidħlu fil-kamp ta’ applikazzjoni tar-Regolament Delegat (UE) 2020/692. Il-listi u ċerti regoli ġenerali li jikkonċernaw il-listi huma stabbiliti fl-Annessi I sa XXII ta’ dak ir-Regolament ta’ Implimentazzjoni.

(4)

L-Anness XV, il-Parti 1 tar-Regolament ta’ Implimentazzjoni (UE) 2021/404 jistabbilixxi l-lista tal-pajjiżi terzi, tat-territorji jew taż-żoni tagħhom minn fejn huwa awtorizzat id-dħul fl-Unjoni ta’ prodotti tal-laħam tal-ungulati, tal-pollam u tal-għasafar tal-kaċċa. L-Anness XIX, il-Parti 1 tar-Regolament ta’ Implimentazzjoni (UE) 2021/404 jistabbilixxi l-lista tal-pajjiżi terzi, tat-territorji jew taż-żoni tagħhom minn fejn huwa awtorizzat id-dħul fl-Unjoni ta’ kunsinni ta’ bajd u ta’ prodotti tal-bajd.

(5)

Il-Moldova ressqet applikazzjoni lill-Kummissjoni biex tiġi awtorizzata ddaħħal fl-Unjoni kunsinni ta’ prodotti tal-laħam tal-pollam għajr il-laħam tar-ratiti u l-bajd, u pprovdiet il-garanziji tal-konformità, ta’ dak il-pajjiż terz, mar-rekwiżiti dwar in-notifika u r-rappurtar tal-mard elenkat imsemmi fl-Anness I tar-Regolament Delegat (UE) 2020/692 li hu rilevanti għall-pollam, u garanziji tal-konformità, ta’ dak il-pajjiż terz, mar-rekwiżiti rilevanti tal-Unjoni dwar is-saħħa tal-annimali jew ma’ rekwiżiti ekwivalenti. Għalhekk, u filwaqt li titqies il-qagħda tas-saħħa tal-pollam fil-Moldova, jixraq li dak il-pajjiż terz jiddaħħal fil-listi stabbiliti fl-Anness XV, il-Parti 1, u fl-Anness XIX, il-Parti 1 tar-Regolament ta’ Implimentazzjoni (UE) 2021/404 rigward il-prodotti tal-laħam tal-pollam għajr il-laħam tar-ratiti u l-bajd.

(6)

Għalhekk jenħtieġ li l-Annessi XV u XIX tar-Regolament ta’ Implimentazzjoni (UE) 2021/404 jiġu emendati skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament Delegat tal-Kummissjoni (UE) 2022/2292 (2) jissupplimenta r-Regolament (UE) 2017/625 u għandu l-għan li jiżgura li kunsinni ta’ annimali li jipproduċu l-ikel u ċerti oġġetti maħsuba għall-konsum mill-bniedem li jiġu minn pajjiżi terzi jew minn reġjuni tagħhom jikkonformaw ma’ ċerti rekwiżiti tal-Unjoni għas-sikurezza tal-ikel jew ma’ rekwiżiti li jkunu rikonoxxuti li jkunu mill-inqas ekwivalenti għalihom. B’mod partikolari, dak ir-Regolament jidentifika l-annimali u l-oġġetti maħsuba għall-konsum mill-bniedem li huma soġġetti għar-rekwiżit li jiġu minn pajjiż terz li jinsab fil-lista msemmija fl-Artikolu 126(2)(a) tar-Regolament (UE) 2017/625 jew minn reġjun tiegħu.

(2)

L-Artikolu 7 tar-Regolament Delegat (UE) 2022/2292 jipprevedi li ċerti kunsinni ta’ annimali li jipproduċu l-ikel, ta’ prodotti li joriġinaw mill-annimali, u ta’ prodotti komposti, għandhom jidħlu fl-Unjoni biss minn pajjiżi terzi li hemm fil-lista tal-pajjiżi terzi approvati biex idaħħlu fl-Unjoni dawn il-kunsinni għall-konsum mill-bniedem.

(3)

Ir-Regolament ta’ Implimentazzjoni tal-Kummissjoni (UE) 2021/405 (3) jistabbilixxi lista ta’ pajjiżi terzi jew reġjuni tagħhom li minnhom hu awtorizzat id-dħul fl-Unjoni ta’ kunsinni ta’ ċerti prodotti raffinati ħafna maħsuba għall-konsum mill-bniedem.

(4)

Minn mindu saret emenda riċenti (4) tar-Regolament (KE) Nru 853/2004 tal-Parlament Ewropew u tal-Kunsill (5), it-terminu prodotti raffinati ħafna jkopri wkoll derivattivi mix-xaħam u aromatizzanti tal-ikel li jkunu awtorizzati f’konformità mar-Regolament (KE) Nru 1334/2008 tal-Parlament Ewropew u tal-Kunsill (6), soġġett għal trattamenti li jeskludu kull riskju għas-saħħa pubblika jew għas-saħħa tal-annimali. Jenħtieġ li r-Regolament ta’ Implimentazzjoni (UE) 2021/405 jiġi emendat biex ikun konsistenti ma’ din il-bidla.

(5)

L-Ażerbajġan ressaq pjan ta’ kontroll li jkopri l-bajd tal-ħut u l-kavjar. Il-pjan jipprovdi biżżejjed garanziji u għaldaqstant jenħtieġ li jiġi approvat.

(6)

Il-Libanu ressaq pjan ta’ kontroll li jkopri l-għasel. Il-pjan jipprovdi biżżejjed garanziji u għaldaqstant jenħtieġ li jiġi approvat.

(7)

Isle of Man hija elenkata fit-tabella tal-Anness -I tar-Regolament ta’ Implimentazzjoni (UE) 2021/405 biex tesporta l-laħam ovin u kaprin lejn l-Unjoni. Iżda Isle of Man għarrfet lill-Kummissjoni li ma għadiex interessata tesporta l-laħam kaprin lejn l-Unjoni. Għalhekk jenħtieġ li l-entrata tal-Isle of Man dwar il-laħam ovin u kaprin f’dik it-tabella tal-Anness -I tar-Regolament ta’ Implimentazzjoni (UE) 2021/405 tkopri biss il-laħam ovin.

(8)

Il-Ġappun huwa elenkat fit-tabella tal-Anness -I tar-Regolament ta’ Implimentazzjoni (UE) 2021/405 biex jesporta l-laħam tal-majjal lejn l-Unjoni. Iżda l-Ġappun għarraf lill-Kummissjoni li ma għadux interessat li jressaq pjan ta’ kontroll għal-laħam tal-majjal, u minflok biħsiebu juża biss laħam tal-majjal li joriġina minn Stati Membri jew minn pajjiżi terzi li minnhom huma awtorizzati li jidħlu dawn il-prodotti fl-Unjoni. B’konsegwenza ta’ dan, jenħtieġ li l-entrata tal-Ġappun dwar il-laħam tal-majjal tiġi addattata kif xieraq fl-Anness -I tar-Regolament ta’ Implimentazzjoni (UE) 2021/405.

(9)

Ir-Renju Unit huwa elenkat fit-tabella tal-Anness -I tar-Regolament ta’ Implimentazzjoni (UE) 2021/405 biex jesporta l-laħam tal-fenek lejn l-Unjoni. Iżda r-Renju Unit għarraf lill-Kummissjoni li ma għadux interessat li jressaq pjan ta’ kontroll għal-laħam tal-fenek, u minflok biħsiebu juża biss laħam tal-fenek li joriġina minn Stati Membri jew minn pajjiżi terzi li minnhom huma awtorizzati li jidħlu dawn il-prodotti fl-Unjoni. B’konsegwenza ta’ dan, jenħtieġ li l-entrata tar-Renju Unit dwar il-laħam tal-fenek tiġi addattata kif xieraq fl-Anness -I tar-Regolament ta’ Implimentazzjoni (UE) 2021/405.

(10)

It-Tajlandja ma ressqitx pjan ta’ kontroll għall-ħalib lill-Kummissjoni. Madankollu t-Tajlandja pprovdiet garanziji li tuża biss ħalib li joriġina minn Stati Membri jew minn pajjiżi terzi li minnhom huwa awtorizzat li jidħol il-ħalib fl-Unjoni. Barra minn hekk għarrfet lill-Kummissjoni li dan il-ħalib li jkun għall-esportazzjoni lejn l-Unjoni ma jkunx limitat għall-prodotti komposti li fihom prodotti tal-ħalib ipproċessat. B’konsegwenza ta’ dan, jenħtieġ li l-entrata tat-Tajlandja dwar il-ħalib tiġi addattata kif xieraq fl-Anness -I tar-Regolament ta’ Implimentazzjoni (UE) 2021/405.

(11)

L-Istati Uniti tal-Amerka ressqu pjan ta’ kontroll li jkopri l-budellati. Il-pjan jipprovdi biżżejjed garanziji u għaldaqstant jenħtieġ li jiġi approvat.

(12)

Attwalment ir-Rwanda hija elenkata għall-għasel, u l-Kolombja u s-Sirja huma elenkati għall-budellati fit-tabella tal-Anness -I tar-Regolament ta’ Implimentazzjoni (UE) 2021/405. Billi dawk il-pajjiżi terzi ma ressqux pjanijiet lill-Kummissjoni għall-prodotti rispettivi, jenħtieġ li dawk l-entrati jitħassru mit-tabella f’dak l-Anness.

(13)

Il-Moldova ressqet programm għall-kontroll tas-Salmonella f’qatgħat ta’ tiġieġ tal-bajd biex tkun awtorizzata ddaħħal bajd tal-klassi A fl-Unjoni f’konformità mal-Artikolu 7 tar-Regolament ta’ Implimentazzjoni (UE) 2021/405. Dak il-programm ta’ kontroll ġie vvalutat mill-Kummissjoni b’riżultat favorevoli. Il-konformità b’rabta mar-rekwiżiti dwar il-kontroll tas-Salmonella f’konformità mal-Artikolu 10(6) tar-Regolament (KE) Nru 2160/2003 tal-Parlament Ewropew u tal-Kunsill (7) ġiet ivverifikata darbtejn waqt l-awditu li wettqet il-Kummissjoni f’April tal-2022 (8). Għalhekk jenħtieġ li l-Moldova tiġi awtorizzata ddaħħal il-bajd tal-klassi A fl-Unjoni.

(14)

Għalhekk jenħtieġ li r-Regolament ta’ Implimentazzjoni (UE) 2021/405 jiġi emendat skont dan.

(15)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Id-Direttiva tal-Kummissjoni 2008/107/KE (2) inkludiet l-abamektina bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Is-sustanzi attivi inklużi fl-Anness I tad-Direttiva 91/414/KEE huma meqjusa li ġew approvati skont ir-Regolament (KE) Nru 1107/2009 u jinsabu elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (4).

(3)

L-approvazzjoni tas-sustanza attiva abamektina, kif stipulat fil-Parti A tal-Anness tar-Regolament ta’ Implimentazzjoni (UE) Nru 540/2011, tiskadi fit-30 ta’ April 2023.

(4)

F’konformità mal-Artikolu 1 tar-Regolament ta’ Implimentazzjoni tal-Kummissjoni (UE) Nru 844/2012 (5) u fil-perjodu ta’ żmien previst f’dak l-Artikolu, tressqet applikazzjoni għat-tiġdid tal-approvazzjoni tas-sustanza attiva abamektina lill-Awstrija, l-Istat Membru relatur, u lil Malta, l-Istat Membru korelatur.

(5)

L-applikant bagħat il-fajls supplimentari lill-Istat Membru relatur, lill-Istat Membru korelatur, lill-Kummissjoni u lill-Awtorità Ewropea dwar is-Sigurtà fl-Ikel (“l-Awtorità”) f’konformità mal-Artikolu 6 tar-Regolament ta’ Implimentazzjoni (UE) Nru 844/2012. L-Istat Membru relatur sab li l-applikazzjoni kienet kompluta.

(6)

L-Istat Membru relatur ħejja abbozz tar-rapport ta’ valutazzjoni tat-tiġdid b’konsultazzjoni mal-Istat Membru korelatur, u bagħtu lill-Awtorità u lill-Kummissjoni fis-17 ta’ April 2019. Fl-abbozz tar-rapport ta’ valutazzjoni tat-tiġdid tiegħu, l-Istat Membru relatur ippropona li l-approvazzjoni tal-abamektina tiġġedded.

(7)

L-Awtorità bagħtet l-abbozz tar-rapport ta’ valutazzjoni tat-tiġdid lill-applikant u lill-Istati Membri għall-kummenti tagħhom u għaddiet il-kummenti li rċeviet lill-Kummissjoni. L-Awtorità għamlet ukoll il-fajl tas-sommarju supplimentari disponibbli għall-pubbliku.

(8)

Fil-15 ta’ Lulju 2020, l-Awtorità kkomunikat lill-Kummissjoni l-konklużjoni tagħha (6) dwar jekk jistax ikun mistenni li l-abamektina tissodisfa l-kriterji tal-approvazzjoni previsti fl-Artikolu 4 tar-Regolament (KE) Nru 1107/2009. L-Awtorità identifikat għadd ta’ kwistjonijiet li ma setgħux jiġu ffinalizzati. B’mod partikolari identifikat riskji fir-rigward tal-għasafar u tal-mammiferi, tal-organiżmi akkwatiċi u tal-makroorganiżmi tal-ħamrija.

(9)

Fl-1 ta’ Frar 2022, il-Kummissjoni bagħtet mandat lill-Awtorità b’talba għal rieżami tal-valutazzjonijiet tal-esponiment u tar-riskju fir-rigward tal-għasafar u tal-mammiferi, tal-organiżmi akkwatiċi u tal-makroorganiżmi tal-ħamrija. Fis-27 ta’ Lulju 2022 (7), l-Awtorità bagħtet konklużjoni aġġornata tagħha lill-Kummissjoni. Fil-Konklużjoni aġġornata tagħha, l-Awtorità kkonfermat ir-riskji identifikati fil-valutazzjoni preċedenti.

(10)

Fil-25 ta’ Marzu 2021, il-Kummissjoni ppreżentat rapport tat-tiġdid u l-abbozz tar-Regolament għall-abamektina lill-Kumitat Permanenti dwar il-Pjanti, l-Annimali, l-Ikel u l-Għalf, u fit-8 ta’ Diċembru 2022 ppreżentat verżjonijiet riveduti taż-żewġ dokumenti biex jitqiesu l-eżiti tal-Konklużjoni aġġornata tal-Awtorità.

(11)

Il-Kummissjoni stiednet lill-applikant jibgħat il-kummenti tiegħu dwar il-konklużjoni tal-Awtorità u, f’konformità mal-Artikolu 14(1), it-tielet subparagrafu, tar-Regolament ta’ Implimentazzjoni (UE) Nru 844/2012, dwar ir-rapport tat-tiġdid. L-applikant bagħat l-osservazzjonijiet tiegħu dwar iż-żewġ verżjonijiet tar-rapport tat-tiġdid, li ġew eżaminati bir-reqqa.

(12)

Fir-rigward ta’ użu rappreżentattiv wieħed jew aktar ta’ mill-inqas prodott wieħed għall-protezzjoni tal-pjanti li fih l-abamektina, ġie stabbilit li l-kriterji tal-approvazzjoni previsti fl-Artikolu 4 tar-Regolament (KE) Nru 1107/2009 huma ssodisfati.

(13)

Il-valutazzjoni tar-riskju għat-tiġdid tal-approvazzjoni tas-sustanza attiva abamektina hija bbażata fuq l-użi rappreżentattivi bħala insettiċida u akariċida f’għelejjel protetti. Filwaqt li mhuwiex meħtieġ, fid-dawl ta’ din il-valutazzjoni tar-riskju, li tinżamm ir-restrizzjoni għall-użu biss bħala insettiċida u akariċida, huwa madankollu meħtieġ li jiġu previsti ċerti kundizzjonijiet u restrizzjonijiet, f’konformità mal-Artikolu 14(1) tar-Regolament (KE) Nru 1107/2009 flimkien mal-Artikolu 6 tiegħu, u fid-dawl tal-għarfien xjentifiku u tekniku attwali. B’mod partikolari, jixraq li l-użu ta’ prodotti għall-protezzjoni tal-pjanti li fihom l-abamektina jiġi ristrett għal użi li jippermettu l-iskambju kkontrollat tal-materjali u tal-enerġija maż-żoni tal-madwar, sabiex jiġi evitat ir-rilaxx ta’ prodotti għall-protezzjoni tal-pjanti fl-ambjent u jiġi mmitigat ir-riskju għoli identifikat għall-organiżmi akkwatiċi u għall-organiżmi terrestri selvaġġi mhux fil-mira. Għaldaqstant, l-użi fis-serer permanenti biss jistgħu jiġu awtorizzati.

(14)

Għalhekk, jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

(15)

Ir-Regolament ta’ Implimentazzjoni tal-Kummissjoni (UE) 2022/378 (8) estenda l-perjodu ta’ approvazzjoni tal-abamektina sat-30 ta’ April 2023 sabiex il-proċess tat-tiġdid ikun jista’ jitlesta qabel ma jiskadi l-perjodu tal-approvazzjoni ta’ dik is-sustanza attiva. Minħabba li ttieħdet deċiżjoni dwar it-tiġdid qabel dik id-data ta’ skadenza estiża, u filwaqt li jitqies li l-approvazzjoni attwali tal-abamektina tiskadi fit-30 ta’ April 2023, jenħtieġ li dan ir-Regolament jidħol fis-seħħ malajr kemm jista’ jkun u japplika minn qabel dik id-data.

(16)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament ta’ Implimentazzjoni tal-Kummissjoni (UE) 2020/2236 (3) jistabbilixxi l-mudelli taċ-ċertifikati tas-saħħa tal-annimali għad-dħul fl-Unjoni u l-movimenti fl-Unjoni ta’ konsenji ta’ annimali akkwatiċi u ta’ ċerti prodotti li ġejjin mill-annimali akkwatiċi.

(2)

B’mod partikolari, l-Anness II tar-Regolament ta’ Implimentazzjoni (UE) 2020/2236 jistabbilixxi l-mudelli taċ-ċertifikati tas-saħħa tal-annimali għad-dħul fl-Unjoni ta’ konsenji ta’ annimali akkwatiċi maħsuba għal ċerti stabbilimenti tal-akkwakultura, għar-rilaxx fl-ambjent naturali, jew għal skopijiet oħra, ħlief il-konsum dirett mill-bniedem (mudell “AQUA-ENTRY-ESTAB/RELEASE/OTHER”). L-Artikolu 166 tar-Regolament Delegat tal-Kummissjoni (UE) 2020/692 (4) ġie emendat dan l-aħħar bir-Regolament Delegat (UE) 2023/119 (5) sabiex jippermetti lill-professjonisti tas-saħħa tal-annimali akkwatiċi jwettqu spezzjonijiet kliniċi fuq konsenji ta’ annimali akkwatiċi qabel l-esportazzjoni lejn l-Unjoni, dment li jkunu awtorizzati jagħmlu dan skont il-liġi tal-pajjiż terz jew tat-territorju esportaturi. Dawk ir-rekwiżiti l-ġodda għad-dħul fl-Unjoni ta’ dawk il-konsenji jenħtieġ li jiġu riflessi fil-punt II.3.2. ta’ dak il-mudell taċ-ċertifikat tas-saħħa tal-annimali. Għalhekk, l-Anness II tar-Regolament ta’ Implimentazzjoni (UE) 2020/2236 jenħtieġ li jiġi emendat skont dan.

(3)

Sabiex jiġi evitat kwalunkwe tfixkil fil-kummerċ fir-rigward tad-dħul fl-Unjoni ta’ konsenji ta’ annimali akkwatiċi maħsuba għal ċerti stabbilimenti tal-akkwakultura, għar-rilaxx fl-ambjent naturali jew għal skopijiet oħra, ħlief il-konsum dirett mill-bniedem, l-użu taċ-ċertifikat tas-saħħa tal-annimali maħruġ f’konformità mar-Regolament ta’ Implimentazzjoni (UE) 2020/2236, kif applikabbli qabel l-emendi magħmula minn dan ir-Regolament ta’ Implimentazzjoni, jenħtieġ li jkompli jiġi awtorizzat matul perjodu tranżitorju soġġett għal ċerti kundizzjonijiet.

(4)

Billi r-Regolament ta’ Implimentazzjoni (UE) 2020/2236 japplika mill-21 ta’ April 2021, fl-interess taċ-ċertezza tad-dritt, u għall-faċilitazzjoni tal-kummerċ, jenħtieġ li l-emendi li jridu jsiru fir-Regolament ta’ Implimentazzjoni (UE) 2020/2236 b’dan ir-Regolament isiru effettivi b’urġenza.

(5)

Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.

“(a)

il-prevenzjoni, il-koordinazzjoni u l-immaniġġar tal-impatt ta’ emerġenzi tas-saħħa pubblika fuq prodotti mediċinali u fuq apparati mediċi u l-impatt ta’ avvenimenti maġġuri fuq prodotti mediċinali u fuq apparati mediċi fil-livell tal-Unjoni u t-tħejjija għal dan l-impatt;”,

“(a)

il-prevenzjoni, il-koordinazzjoni u l-immaniġġar tal-impatt ta’ emerġenzi tas-saħħa pubblika fuq prodotti mediċinali u fuq apparati mediċi u l-impatt ta’ avvenimenti maġġuri fuq prodotti mediċinali fil-livell tal-Unjoni u t-tħejjija għal dan l-impatt;”;

2.

3.

4.

5.

“(d)

titlob informazzjoni dwar prodotti mediċinali fil-listi ta’ mediċini kritiċi mill-punti uniċi ta’ kuntatt imsemmija fl-Artikolu 3(6) abbażi tas-sett ta’ informazzjoni msemmi fl-Artikolu 6(4), u tistabbilixxi skadenza għall-preżentazzjoni ta’ dik l-informazzjoni, jekk dik l-informazzjoni ma tkunx disponibbli fl-ESMP.”,

“(d)

titlob informazzjoni dwar prodotti mediċinali fil-listi ta’ mediċini kritiċi mill-punti uniċi ta’ kuntatt imsemmija fl-Artikolu 3(6), it-tieni subparagrafu, abbażi tas-sett ta’ informazzjoni msemmi fl-Artikolu 6(4), u tistabbilixxi skadenza għall-preżentazzjoni ta’ dik l-informazzjoni, jekk dik l-informazzjoni ma tkunx disponibbli fl-ESMP.”;

6.

7.

“(a)

jippreżenta s-sett ta’ informazzjoni, msemmi fl-Artikolu 6(4) inkluż id-data disponibbli u stmata dwar il-volum tad-domanda u t-tbassir tad-domanda, permezz tal-punt uniku ta’ kuntatt imsemmi fl-Artikolu 3(6) u bl-użu tal-metodi u tas-sistemi ta’ rappurtar stabbiliti skont l-Artikolu 9(1), punti (b) u (c), rispettivament;”,

“(a)

jippreżenta s-sett ta’ informazzjoni msemmi fl-Artikolu 9(2), punt (d), inkluż id-data disponibbli u stmata dwar il-volum tad-domanda u t-tbassir tad-domanda, permezz tal-punt uniku ta’ kuntatt imsemmi fl-Artikolu 3(6), it-tieni subparagrafu, bl-użu tal-metodi u tas-sistemi ta’ rappurtar stabbiliti skont l-Artikolu 9(1), punti (b) u (c), rispettivament;”.

8.

9.

“(b)

l-Istati Membri għandhom jużaw l-ESMP biex jirrapportaw l-informazzjoni relatata mal-prodotti mediċinali fil-listi ta’ mediċini kritiċi lill-Aġenzija, permezz tal-punti uniċi ta’ kuntatt msemmija fl-Artikolu 9(1), punt (d), f’konformità mal-Artikoli 9 u 11.”,

“(b)

l-Istati Membri għandhom jużaw l-ESMP biex jirrapportaw l-informazzjoni relatata mal-prodotti mediċinali fil-listi ta’ mediċini kritiċi lill-Aġenzija, permezz tal-punti uniċi ta’ kuntatt msemmija fl-Artikolu 3(6), it-tieni subparagrafu, f’konformità mal-Artikoli 9 u 11.”;

10.

“(b)

l-Istati Membri għandhom jużaw lill-ESMP biex jirrappurtaw lill-Aġenzija dwar nuqqasijiet ta’ prodotti mediċinali li x’aktarx iwasslu għal emerġenza tas-saħħa pubblika jew avveniment maġġuri skont l-Artikolu 4(2), permezz tal-punti uniċi ta’ kuntatt msemmija fl-Artikolu 9(1), punt (e).”,

“(b)

l-Istati Membri għandhom jużaw lill-ESMP biex jirrappurtaw lill-Aġenzija dwar nuqqasijiet ta’ prodotti mediċinali li x’aktarx iwasslu għal emerġenza tas-saħħa pubblika jew avveniment maġġuri skont l-Artikolu 4(2), permezz tal-punti uniċi ta’ kuntatt imsemmija fl-Artikolu 3(6), it-tieni subparagrafu.”;

11.

12.

13.

14.

“(a)

jippreżenta s-sett ta’ informazzjoni msemmi fl-Artikolu 22(2), inkluż l-informazzjoni disponibbli dwar il-ħtiġijiet relatati mal-apparati mediċi inklużi fil-lista ta’ apparati kritiċi ta’ emerġenza tas-saħħa pubblika, u d-data disponibbli u stmata dwar il-volum tad-domanda u t-tbassir tad-domanda għal dawk l-apparati mediċi, permezz tal-punt uniku ta’ kuntatt rispettiv imsemmi fl-Artikolu 25(2), punt (a), u bl-użu tal-metodi u tas-sistemi ta’ monitoraġġ u ta’ rappurtar stabbiliti skont l-Artikolu 25(1), punt (b);”,

“(a)

jippreżenta s-sett ta’ informazzjoni msemmi fl-Artikolu 25(2), punt (d), inkluż l-informazzjoni disponibbli dwar il-ħtiġijiet relatati mal-apparati mediċi inklużi fil-lista ta’ apparati kritiċi ta’ emerġenza tas-saħħa pubblika, u d-data disponibbli u stmata dwar il-volum tad-domanda u t-tbassir tad-domanda għal dawk l-apparati mediċi, permezz tal-punt uniku ta’ kuntatt rispettiv imsemmi fl-Artikolu 21(5), it-tieni subparagrafu, bl-użu tal-metodi u tas-sistemi ta’ monitoraġġ u ta’ rappurtar stabbiliti skont l-Artikolu 25(1), punt (b);”;

15.

16.

“(b)

iqisu kwalunkwe rakkomandazzjoni msemmija fl-Artikolu 24(3) u kwalunkwe linji gwida msemmija fl-Artikolu 28, punt (b), u jikkoordinaw l-azzjonijiet tagħhom b’rabta ma’ kwalunkwe azzjoni meħuda fil-livell tal-Unjoni skont l-Artikolu 12, punt (a);”,

“(b)

iqisu kwalunkwe rakkomandazzjoni msemmija fl-Artikolu 24(3) u kwalunkwe linji gwida msemmija fl-Artikolu 28, punt (b), u jikkoordinaw l-azzjonijiet tagħhom b’rabta ma’ kwalunkwe azzjoni meħuda fil-livell tal-Unjoni skont l-Artikolu 28, punt (a);”.

(1)

fit-Tabella ‘A. Persuni fiżiċi msemmija fl-Artikolu 2(1)’, l-entrati 10, 17, 20, 22, 35, 39, 41, 42, 64, 65, 71, 73, 75, 78, 85, 87, 89, 90, 123, 125 u 179 huma sostitwiti b’dan li ġej:”,

(1)

fit-Tabella ‘A. Persuni fiżiċi msemmija fl-Artikolu 2(1)’, l-entrati 10, 17, 20, 22, 35, 39, 41, 42, 64, 65, 71, 73, 75, 78, 85, 87, 89, 90, 104, 123, 125, 129, 131, 179 u 195 huma sostitwiti b’dan li ġej:”.