EUR-Lex Access to European Union law
This document is an excerpt from the EUR-Lex website
Document 32014L0110
Commission Directive 2014/110/EU of 17 December 2014 amending Directive 2004/33/EC as regards temporary deferral criteria for donors of allogeneic blood donations Text with EEA relevance
Direttiva tal-Kummissjoni 2014/110/UE tas- 17 ta' Diċembru 2014 li temenda d-Direttiva 2004/33/KE fir-rigward tal-kriterji ta' differiment temporanju għad-donaturi tad-demm alloġeniku Test b'rilevanza għaż-ŻEE
Direttiva tal-Kummissjoni 2014/110/UE tas- 17 ta' Diċembru 2014 li temenda d-Direttiva 2004/33/KE fir-rigward tal-kriterji ta' differiment temporanju għad-donaturi tad-demm alloġeniku Test b'rilevanza għaż-ŻEE
OJ L 366, 20.12.2014, p. 81–82
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.12.2014 |
MT |
Il-Ġurnal Uffiċjali tal-Unjoni Ewropea |
L 366/81 |
DIRETTIVA TAL-KUMMISSJONI 2014/110/UE
tas-17 ta' Diċembru 2014
li temenda d-Direttiva 2004/33/KE fir-rigward tal-kriterji ta' differiment temporanju għad-donaturi tad-demm alloġeniku
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2002/98/KE tal-Parlament Ewropew u tal-Kunsill tas-27 ta' Jannar 2003 li tistabbilixxi livelli stabbiliti ta' kwalità u sigurtà għall-ġbir, l-ittestjar, l-ipproċessar, il-ħażna u t-tqassim ta' demm tal-bniedem u komponenti tad-demm u li temenda d-Direttiva 2001/83/KE (1), u b'mod partikolari l-punt (d) tat-tieni paragrafu tal-Artikolu 29 tagħha,
Billi:
|
(1) |
Il-Punt 2.2 tal-Anness III tad-Direttiva tal-Kummissjoni 2004/33/KE (2) jistabbilixxi l-kriterji tad-differiment temporanju għad-donaturi b'marda li tittieħed jew għad-donaturi li jitilqu minn żona fejn hemm marda li tittieħed. |
|
(2) |
Il-Punt 2.2.1 tal-Anness III tad-Direttiva 2004/33/KE jistabbilixxi perjodu ta' differiment ta' 28 jum għad-donaturi prospettivi wara li jitilqu minn żona bit-trażmissjoni kontinwa tal-Virus tan-Nil tal-Punent (West Nile Virus — WNV) lill-bniedem. |
|
(3) |
Evidenza xjentifika riċenti wriet li d-differiment temporanju ta' dawn id-donaturi prospettivi mhuwiex meħtieġ jekk isir Test tal-Aċidu Nuklejku (NAT) u dan it-test ikun negattiv. |
|
(4) |
Għalhekk, l-Istati Membri għandhom jingħataw l-għażla li japplikaw dan it-test jekk iridu jibdlu l-kriterji tad-differiment temporanju. |
|
(5) |
Il-miżuri stipulati f'din id-Direttiva huma f'konformità mal-opinjoni tal-Kumitat stabbilit bid-Direttiva 2002/98/KE, |
ADOTTAT DIN ID-DIRETTIVA:
Artikolu 1
Il-kriterju tad-differiment għall-Virus tan-Nil tal-Punent stabbilit fit-tabella (it-tieni kolonna, l-aħħar ringiela) tal-punt 2.2.1 tal-Anness III tad-Direttiva 2004/33/KE jinbidel b'dan li ġej:
“28 jum wara t-tluq minn żona ta' riskju tal-Virus tan-Nil tal-Punent miksub lokalment, għajr jekk it-Test individwali tal-Aċidu Nuklejku (NAT) ikun negattiv”
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva sa mhux aktar tard mill-31 ta' Diċembru 2015. Għandhom jikkomunikaw minnufih lill-Kummissjoni t-test ta' dawk id-dispożizzjonijiet.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew għandhom ikunu akkumpanjati mit-tali referenza dakinhar tal-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, is-17 ta' Diċembru 2014.
Għall-Kummissjoni
Il-President
Jean-Claude JUNCKER
(2) Id-Direttiva tal-Kummissjoni 2004/33/KE tat-22 ta' Marzu 2004 li timplimenta d-Direttiva 2002/98/KE tal-Parlament Ewropew u tal-Kunsill rigward ċerti ħtiġiet tekniċi tad-demm u tal-komponenti tad-demm (ĠU L 91, 30.3.2004, p. 25).