—

wara li kkunsidra l-kontijiet annwali definittivi tal-Aġenzija Ewropea għar-Rikostruzzjoni għas-sena finanzjarja 2007 (1),

—

wara li kkunsidra r-rapport tal-Qorti tal-Awdituri dwar il-kontijiet annwali definittivi tal-Aġenzija Ewropea għar-Rikostruzzjoni għas-sena finanzjarja 2007, flimkien mat-tweġibiet tal-Aġenzija (2),

—

wara li kkunsidra r-rakkomandazzjoni tal-Kunsill tal-10 ta’ Frar 2009 (5588/2009 – C6-0060/2009),

—

wara li kkunsidra t-Trattat KE, u b’mod partikulari l-Artikolu 276 tiegħu,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej (3), u b’mod partikolari l-Artikolu 185 tiegħu,

—

wara li kkunsidra r-Regolament tal-Kunsill (KE) Nru 2667/2000 tal-5 ta’ Diċembru 2000 dwar l-Aġenzija Ewropea għar-Rikostruzzjoni (4), u partikularment l-Artikolu 8 tiegħu,

—

wara li kkunsidra r-Regolament tal-Kummissjoni (KE, Euratom) Nru 2343/2002 tad-19 ta’ Novembru 2002 dwar ir-Regolament Finanzjarju ta’ qafas għall-korpi msemmija fl-Artikolu 185 tar-Regolament (KE, Euratom) Nru 1605/2002 (5), u b’mod partikulari l-Artikolu 94 tiegħu,

—

wara li kkunsidra r-Regola 71, u l-Anness V, tar-Regoli ta’ Proċedura tiegħu,

—

wara li kkunsidra r-rapport tal-Kumitat għall-Kontroll tal-Baġit (A6-0169/2009),

A.

billi l-Qorti Ewropea tal-Awdituri stqarret li kisbet assigurazzjoni raġonevoli li l-kontijiet annwali għas-sena finanzjarja 2007 huma ta’ min wieħed joqgħod fuqhom, u li t-tranżazzjonijiet bażiċi huma legali u regolari,

B.

billi fit-22 ta’ April 2008 il-Parlament ta l-kwittanza lid-Direttur tal-Aġenzija Ewropea għar-Rikostruzzjoni fir-rigward tal-implimentazzjoni tal-baġit tal-Aġenzija għas-sena finanzjarja 2006 (6);

1.

Jinnota b’mod pożittiv li, bħal fir-rigward tas-sena finanzjarja 2006, il-QEA kkunsidrat li l-Aġenzija implimentat il-baġit b’mod sodisfaċenti;

2.

Ifakkar li l-mandat tal-Aġenzija jispiċċa fil-31 ta’ Diċembru 2008;

3.

Ra evidenza biżżejjed li l-Aġenzija ma kellhiex biss is-sistemi (loġistika, is-sistemi tal-IT, u oħrajn) biex timplimenta malajr ammonti kbar ta’ għajnuna f’sitwazzjonijiet ta’ wara l-konflitt, imma kellha wkoll il-ħila u l-għarfien bil-provi biex tfassal u tagħti assistenza ta’ kwalità għolja li ħalliet impatt reali;

4.

Jiddispjaċih dwar il-fatt li l-Kummissjoni ma rrispettatx ir-riżoluzzjonijiet ta’ kwittanza għas-snin finanzjarji 2005 u 2006 billi talbet biex jitwalu l-attivitajiet tal-Aġenzija, li ntemmu fl-2008, u huwa mħasseb dwar ir-riskju konsegwenzjali li l-UE tista’ titlef ħafna mill-ħila li l-Aġenzija kisbet matul l-aħħar tmien snin;

5.

Ifakkar li, fir-riżoluzzjoni tiegħu dwar il-kwittanza tal-Kummissjoni tal-2006, hu talab lill-Kummissjoni biex iżommu infurmat b’mod regolari dwar it-trasferiment tal-attivitajiet tal-Aġenzija lid-delegazzjonijiet;

6.

Jinnota li l-Kummissjoni, fil-paragrafi 201 u 203 tas-segwitu tagħha għall-kwittanza tal-2006, wiegħdet li żżomm lill-Parlament infurmat dwar it-trasferiment tal-attivitajiet tal-Aġenzija lid-delegazzjonijiet u dwar l-istadji differenti tal-għeluq tal-Aġenzija (7);

7.

Jinnota l-istqarrija tal-Kummissjoni, fis-segwitu tagħha tal-kwittanza tal-2006, li l-Aġenzija se ttemm l-attivitajiet operattivi kollha sa tmiem Settembru 2008; li l-Aġenzija ikollha tliet xhur, minn Ottubru sa Diċembru 2008, biex tiffinalizza l-għeluq amministrattiv tagħha; u li fl-2009, “ċellula tal-għeluq” bħala parti mill-Kummissjoni se tieħu ħsieb l-għeluq tal-attivitajiet amministrattivi li jifdal matul perjodu limitat ta’ ftit xhur;

8.

Jinnota li l-Kummissjoni bagħtet ġabra ta’ noti ta’ informazzjoni dwar il-koperazzjoni bejn il-Kummissjoni u l-Aġenzija waqt il-perjodu ta’ tranżizzjoni 2007-2008 liċ-Chairperson tal-Kumitat għall-Kontroll tal-Baġit (8);

9.

Jinnota mir-raba’ nota ta’ informazzjoni tas-7 ta’ Ottubru 2008 li l-Kummissjoni se tressaq rapport finali dwar l-għeluq tal-Aġenzija meta jitlestew il-kontijiet finali tal-Aġenzija u ċ-ċellula tal-għeluq tkun temmet ix-xogħol tagħha; jistenna bil-ħerqa dan ir-rapport;

10.

Jinnota li l-QEA, fir-rapport annwali tagħha għall-2007, identifikat tliet riskji potenzjali dwar it-trasferiment tal-attivitajiet tal-Aġenzija lid-delegazzjonijiet:

11.

Jitlob lill-Kummissjoni biex tinforma lill-Kumitat kompetenti tal-Parlament dwar:

12.

Jirreferi għal osservazzjonijiet oħrajn li jakkumpanjaw id-deċiżjoni ta’ kwittanza li huma ta’ natura orizzontali għar-riżoluzzjoni tiegħu tat-23 ta’ April 2009 dwar il-ġestjoni finanzjarja u l-kontroll tal-aġenziji tal-UE (9).