Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

L-iżgurar tas-sikurezza tal-ġugarelli fl-Unjoni Ewropea

 

SOMMARJU TA’:

Id-Direttiva 2009/48/KE dwar is-sikurezza tal-ġugarelli

X’INHU L-GĦAN TAD-DIRETTIVA?

  • Hija tissabbilixxi r-rekwiżiti tas-sikurezza li l-ġugarelli li jsiru disponibbli fl-Unjoni Ewropea (UE) jeħtieġ li jilħqu. Dawn ir-rekwiżiti huma mfassla biex jipprovdu livell għoli ta’ saħħa u sikurezza, biex jipproteġu l-pubbliku u jiggarantixxu l-moviment liberu tal-ġugarelli fl-UE.
  • Hija tidentifika r-responsabbiltajiet partikolari ta’ operaturi differenti fil-katina tal-provvista mill-manifattur lill-importatur/bejjiegħ/distributur.

PUNTI EWLENIN

  • Il-ġugarelli huma prodotti ddisinjati jew intiżi, esklussivament jew le, sabiex jintużaw fil-logħob minn tfal ta’ taħt l-14-il sena.
  • Minħabba li għandhom għarfien iddettaljat dwar il-prodott tagħhom, il-manifatturi għandhom ir-responsabbiltà li jiżguraw li l-ġugarelli tagħhom jissodisfaw ir-rekwiżiti tas-sikurezza kollha applikabbli.
  • L-importaturi huma meħtieġa li jpoġġu biss fis-suq ġugarelli minn barra l-UE li jikkonformaw mar-rekwiżiti kollha applikabbli.
  • Id-distributuri u l-bejjiegħa bl-imnut għandhom jaġixxu b’attenzjoni xierqa fir-rigward tar-rekwiżiti tas-sikurezza applikabbli.
  • L-awtoritajiet nazzjonali jwettqu sorveljanza tas-suq.
  • Il-ġugarelli għandhom jiġu akkumpanjati minn “dikjarazzjoni ta’ konformità” tal-UE u jeħtieġ li juru l-marka CE sabiex jinbiegħu madwar l-UE.
  • Il-leġiżlazzjoni ma tapplikax għat-tipi ta’ ġugarelli (fost oħrajn) li ġejjin:
    • tagħmir tal-plejgrawnd għall-użu pubbliku;
    • magni tal-logħob awtomatiċi maħsuba għall-użu pubbliku;
    • vetturi tal-ġugarelli b’magni tal-kombustjoni;
    • magni li jaħdmu bl-istim tal-ġugarelli;
    • wdab (vleġeġ) u żbandoli.
  • Id-direttiva tiġi aġġornata perjodikament sabiex tistabbilixxi limiti siguri għall-kimiċi li jintużaw fil-ġugarelli (bħall-kadmju, barju, nikil, bisfenol A, formaldeid u ċomb), partikolarment rigward tfal taħt it-tliet snin u f’ġugarelli maħsuba biex jitpoġġew fil-ħalq. L-emendi dawn l-aħħar 5 snin jirrelataw ma’ aspetti bħal:
  • Il-Kummissjoni Ewropea u l-Grupp ta’ Esperti fuq is-Sigurtá tal-Ġugarelli ppubblikaw dokumenti gwida biex jassistu l-manifatturi, l-importaturi, d-distributuri u l-awtoritajiet pubbliċi fl-applikazzjoni tad-direttiva.

MINN META TAPPLIKA D-DIRETTIVA?

Id-direttiva kellha tiġi trasposta f’liġi nazzjonali sal- 20 ta’ Jannar 2011. Dawn ir-regoli ilhom japplikaw mill-20 ta’ Jannar 2011.

SFOND

Għal aktar informazzjoni, ara:

DOKUMENT PRINĊIPALI

Id-Direttiva2009/48/KE tal-Parlament Ewropew u tal-Kunsill tat-18 ta’ Ġunju 2009 dwar is-sikurezza tal-ġugarelli (ĠU L 170, 30.6.2009, pp. 1-37).

Emendi suċċessivi għad-Direttiva 2009/48/KE ġew inkorporati fit-test oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Id-Deċiżjoni ta’ Implimentazzjoni tal-Kummissjoni (UE)2021/1992 tal-15 ta’ Novembru 2021 dwar l-istandards armonizzati għall-ġugarelli abbozzati b’appoġġ għad-Direttiva 2009/48/KE tal-Parlament Ewropew u tal-Kunsill (ĠU L 405, 16.11.2021, pp. 14-19).

Id-Direttiva tal-Kummissjoni (UE) 2021/903 tat-3 ta’ Ġunju 2021 li temenda d-Direttiva 2009/48/KE tal-Parlament Ewropew u tal-Kunsill fir-rigward tal-valuri ta’ limitu speċifiċi għall-anilina f’ċerti ġugarelli (ĠU L 197, 4.6.2021, pp. 110-113).

Id-Direttiva tal-Kummissjoni (UE) 2020/2088 tal-11 ta’ Diċembru 2020 li temenda l-Anness II tad-Direttiva 2009/48/KE tal-Parlament Ewropew u tal-Kunsill fir-rigward tat-tikkettar tal-fwejjaħ allerġeniċi fil-ġugarelli (ĠU L 423, 15.12.2020, pp. 53-57).

Id-Direttiva tal-Kummissjoni (UE) 2020/2089 tal-11 ta’ Diċembru 2020 li temenda l-Anness II tad-Direttiva 2009/48/KE tal-Parlament Ewropew u tal-Kunsill fir-rigward tal-projbizzjoni tal-fwejjaħ allerġeniċi fil-ġugarelli (ĠU L 423, 15.12.2020, pp. 58-61).

Id-Direttiva tal-Kummissjoni (UE) 2019/1929 tad-19 ta’ Novembru 2019 li temenda l-Appendiċi C tal-Anness II tad-Direttiva 2009/48/KE tal-Parlament Ewropew u tal-Kunsill sabiex jiġu adottati valuri ta’ limitu speċifiċi għas-sustanzi kimiċi użati f’ċerti ġugarelli, fir-rigward tal-formaldeid (ĠU L 299, 20.11.2019, pp. 51-54).

Id-Direttiva tal-Kummissjoni (UE) 2019/1922 tat-18 ta’ Novembru 2019 li temenda, għall-finijiet ta’ adattament għall-iżviluppi tekniċi u xjentifiċi, il-punt 13 tal-parti III tal-Anness II tad-Direttiva 2009/48/KE tal-Parlament Ewropew u tal-Kunsill dwar is-sikurezza tal-ġugarelli, fir-rigward tal-aluminju VI (ĠU L 298, 19.11.2019, pp. 5-7).

Id-Direttiva tal-Kummissjoni (UE) 2018/725 tas-16 ta’ Mejju 2018 li temenda, għall-finijiet ta’ adattament għall-iżviluppi tekniċi u xjentifiċi, il-punt 13 tal-parti III tal-Anness II tad-Direttiva 2009/48/KE tal-Parlament Ewropew u tal-Kunsill dwar is-sikurezza tal-ġugarelli, fir-rigward tal-kromju VI (ĠU L 122, 17.5.2018, pp. 29-31).

Id-Direttiva tal-Kummissjoni (UE) 2017/898 tal-24 ta’ Mejju 2017 li temenda, għall-fini li jiġu adottati valuri limitu speċifiċi għall-kimiċi użati fil-ġugarelli, l-Appendiċi C tal-Anness II tad-Direttiva 2009/48/KE tal-Parlament Ewropew u tal-Kunsill dwar is-sikurezza tal-ġugarelli, fir-rigward tal-bisfenol A (ĠU L 138, 25.5.2017, pp. 128-130).

Id-Direttiva tal-Kummissjoni (UE)2017/774 tat-3 ta’ Mejju 2017 li temenda l-Appendiċi C tal-Anness II tad-Direttiva 2009/48/KE tal-Parlament Ewropew u tal-Kunsill dwar is-sikurezza tal-ġugarelli, fir-rigward tal-fenol, sabiex jiġu adottati valuri ta’ limitu speċifiċi għas-sustanzi kimiċi użati fil-ġugarelli (ĠU L 115, 4.5.2017, pp. 47-49).

Id-Direttiva tal-Kunsill (UE) 2017/738 tas-27 ta’ Marzu 2017 li temenda l-Anness II għad-Direttiva 2009/48/KE tal-Parlament Ewropew u tal-Kunsill dwar is-sikurezza tal-ġugarelli fir-rigward taċ-ċomb, biex tadatta mal-progress tekniku (ĠU L 110, 27.4.2017, pp. 6-8).

Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, pp. 1-1355).

Ara l-verżjoni konsolidata.

Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-rReġistrazzjoni, il-Valutazzjoni, l-Aawtorizzazzjoni u r-Restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, pp. 1-849). Test ippubblikat mill-ġdid fir-rettifika (ĠU L 136, 29.5.2007, pp. 3-280).

Ara l-verżjoni konsolidata.

l-aħħar aġġornament 01.09.2022

Top