L-unjoni doganali

Unjoni doganali tinħoloq meta grupp ta’ pajjiżi jingħaqdu flimkien biex japplikaw l-istess rati jew dazji fuq l-importazzjoni ta’ merkanzija mill-bqija tad-dinja. Il-pajjiżi f’dik l-unjoni jaqblu wkoll li ma japplikawx dazji doganali bejniethom. Essenzjalment, ladarba l-merkanzija tkun għaddiet mid-dwana tista’ tiċċaqlaq liberament bejn dawk il-pajjiżi.

L-Unjoni doganali tal-UE hija eżempju uniku. Fl-Unjoni doganali tal-UE, is-27 Stat Membru tal-UE japplikaw sistema uniformi biex jittrattaw l-importazzjoni, l-esportazzjoni u t-tranżitu ta’ merkanzija u jimplimentaw sett komuni ta’ regoli doganali li jissejħu l-Kodiċi Doganali tal-Unjoni (KDU). Il-Kodiċi daħal fis-seħħ fl-1 Mejju 2016, iżda xi arranġament tranżizzjonali għadhom japplikaw. Sistema uniformi ta’ dazji doganali tapplika fuq importazzjoni minn barra l-UE u m’hemmx dazji doganali fil-fruntieri bejn l-Istati Membri.

L-Unjoni Doganali tal-UE hija essenzjali għall-Funzjonament tajjeb tas-suq uniku. Fil-prattika, l-awtoritajiet doganali nazzjonali fis-27 Stat Membru kollha jaħdmu flimkien biex jimmaniġġjaw l-operazzjoinijiet ta’ kuljum tal-Unjoni Doganali. Il-Kummissjoni Ewropea tipproponi l-leġiżlazzjoni doganali tal-UE u tissorvelja l-implimentazzjoni tagħha.

F’Settembru 2020, il-Kummissjoni nediet Pjan ta’ Azzjoni Doganali biex tieħu l-Unjoni Doganali tal-UE fil-livell li jmiss. Il-Pjan ta’ Azzjoni ressaq passi biex jagħmel id-dwana tal-UE aktar intelliġenti, innovattiva u effiċjenti, bħall-użu mtejjeb tad-dejta, għodod u tagħmir aħjar, il-promozzjoni tal-konformità, aktar kooperazzjoni fl-UE u mal-awtoritajiet doganali tal-pajjiżi msieħba u preparazzjoni għall-kriżijiet futuri.

ARA WKOLL

• Politika kummerċjali UE
• is-suq intern
• L-Istati Membri
• Riżorsi proprji
• Kodiċi Doganali tal-Unjoni (sommarju)
• Kalkoli tad-dazji doganali (Kummissjoni Ewropea)
• /Dwana (Kummissjoni Ewropea)
• Kodiċi Doganali tal-Unjoni (KDU) — Introduzzjoni (Kummissjoni Ewropea).