SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
OPINJONI
Sezzjoni għax-Xogħol, l-Affarijiet Soċjali u ċ-Ċittadinanza
Proposta għal Direttiva tal-Parlament Ewropew u tal-Kunsill dwar it-titjib u l-infurzar tal-kundizzjonijiet tax-xogħol tat-trainees u l-ġlieda kontra relazzjonijiet ta’ impjieg regolari li taparsi jkunu traineeships (id-“Direttiva dwar it-Traineeships”)
(COM(2024) 132 final – 2024/0068 (COD))
Proposta għal Rakkomandazzjoni tal-Kunsill dwar Qafas tal-Kwalità għat-Traineeships imsaħħaħ
(COM(2024) 133 final)
Relatur: Nicoletta MERLO
1.RAKKOMANDAZZJONIJIET
Fir-rigward tal-Proposta għal Direttiva, il-Kumitat Ekonomiku u Soċjali Ewropew (KESE):
1.1jenfasizza li l-apprendistati u t-traineeships huma żewġ prattiki ta’ xogħol distinti li jinvolvu t-tagħlim u t-taħriġ, u m’għandhomx jitħalltu. Ir-referenza fil-premessa 17 għal trikkib bejn it-tnejn għandha għalhekk titneħħa;
1.2jirrakkomanda li d-definizzjonijiet stabbiliti fl-Artikolu 2 ma jinvolvu l-ebda obbligu għall-Istati Membri li jikklassifikaw it-traineeships bħala relazzjoni ta’ impjieg fejn, skont ir-regolamenti fl-Istati Membri, din il-prattika tax-xogħol ma taqax taħt id-definizzjoni ta’ “trainee” stabbilita mid-Direttiva;
1.3jipproponi li fl-Artikolu 3 tiġi inkluża lista tal-kundizzjonijiet tax-xogħol li ma jistgħux jiġu derogati, biex tiġi żgurata protezzjoni aħjar tal-interessi tat-trainees waqt li tiġi ppreservata l-awtonomija tal-imsieħba soċjali fir-rigward tar-regolamentazzjoni tal-kundizzjonijiet tat-traineeships fis-suq miftuħ, eż. permezz ta’ ftehimiet kollettivi;
1.4jenfasizza l-importanza li l-Istati Membri jipprovdu biżżejjed riżorsi umani u finanzjarji lill-awtoritajiet kompetenti inkarigati mill-kontroll u l-ispezzjoni skont l-Artikolu 4, u li jirrikonoxxu formalment ir-rwol importanti li l-imsieħba soċjali jista’ jkollhom fl-isforzi ta’ kontroll, monitoraġġ u infurzar, billi jitqiesu l-prattiki nazzjonali eżistenti;
1.5jissuġġerixxi, mingħajr preġudizzju għall-valutazzjoni ta’ jekk it-trainee għandux relazzjoni ta’ impjieg skont il-prattiki nazzjonali u l-ġurisprudenza tal-Qorti tal-Ġustizzja tal-UE, li l-elementi elenkati fl-Artikolu 5, kif emendat, jitqiesu bħala indikattivi tal-eżistenza ta’ relazzjoni ta’ impjieg regolari, sabiex l-Artikolu jsir aktar ċar u konsistenti.
Fir-rigward tal-Proposta għal Rakkomandazzjoni tal-Kunsill, il-KESE:
1.6jirrakkomanda d-definizzjoni ta’ kriterji minimi ta’ kwalità għal kull tip ta’ traineeship madwar l-UE u jissuġġerixxi li tiġi inkluża lista ta’ ġustifikazzjonijiet illustrattivi għal raġunijiet oġġettivi għal deroga, mingħajr preġudizzju għall-approċċi nazzjonali eżistenti, sabiex jiġu żgurati standards għoljin u qafas bażiku komuni fl-Istati Membri kollha;
1.7jemmen li huwa kruċjali li tinġabar data u jinġabru u jiġu kondiviżi eżempji ta’ prattiki nazzjonali tajbin għal kull tip ta’ traineeship fil-livell tal-UE, bħala parti mill-proċess ta’ rieżami u implimentazzjoni;
1.8jenfasizza l-importanza tal-kumpens ġust li jqis ukoll l-ispejjeż possibbli tal-parteċipazzjoni fl-attività ta’ taħriġ u r-rekwiżiti tal-għajxien relatati, sabiex jiġi żgurat aċċess ugwali għall-esperjenza ta’ traineeship għal kulħadd;
1.9jitlob li jiġu inklużi r-rappreżentanti tat-trade unions fiż-żewġ Proposti fejn issir referenza għar-rappreżentanti tal-ħaddiema, kif ukoll dispożizzjonijiet li jiżguraw li dejjem ikunu jistgħu jaġixxu biex jissalvagwardjaw it-trainees, anke jekk it-traineeship ma jikkostitwixxix relazzjoni ta’ impjieg.
2.NOTI TA’ SPJEGAZZJONI
Il-KESE jenfasizza li t-traineeships huma l-ewwel u qabel kollox esperjenza ta’ taħriġ u ta’ tagħlim biex jiġu żviluppati ħiliet u kompetenzi (speċjalment dawk taż-żgħażagħ) li jwasslu għal titjib fl-impjegabbiltà u l-prospetti ta’ impjieg, u jikkontribwixxu għall-formazzjoni ta’ mentalità intraprenditorjali.
Il-KESE jikkondividi l-objettiv li tittejjeb il-kwalità tat-traineeships madwar l-UE (b’mod partikolari fir-rigward tal-kontenut tat-tagħlim u t-taħriġ u l-kundizzjonijiet tax-xogħol), bl-għan li tiġi ffaċilitata t-tranżizzjoni mill-edukazzjoni, il-qgħad jew l-inattività, u li jiġi żgurat li t-traineeships ikunu ġenwini u ma jintużawx biex jaħbu r-relazzjonijiet tax-xogħol.
Proposta għal Direttiva tal-Parlament Ewropew u tal-Kunsill dwar it-titjib u l-infurzar tal-kundizzjonijiet tax-xogħol tat-trainees u l-ġlieda kontra relazzjonijiet ta’ impjieg regolari li taparsi jkunu traineeships (id-“Direttiva dwar it-Traineeships”)
Argument b’appoġġ għar-Rakkomandazzjoni 1.1
2.1Trikkib possibbli bejn it-traineeships u l-apprendistati (premessa 17): Il-Proposta tissuġġerixxi li d-Direttiva proposta dwar it-Traineeships tista’ possibbilment tkopri ċerti aspetti tar-Rakkomandazzjoni dwar Apprendistati ta’ Kwalità u Effettivi. Madankollu, il-KESE jenfasizza li l-apprendistati u t-traineeships huma żewġ prattiki ta’ ħidma distinti b’għanijiet u regolamenti differenti fl-Istati Membri, u m’għandhomx jitħalltu. Il-prinċipji li jinsabu fir-Rakkomandazzjoni tal-Kunsill dwar Apprendistati ta’ Kwalità u Effettivi jindirizzaw biżżejjed aspetti relatati mal-kwalità u l-effettività tal-istrument. Ir-referenza għal trikkib għandha titneħħa mill-abbozz ta’ direttiva.
Argument b’appoġġ għar-Rakkomandazzjoni 1.2
2.2Definizzjonijiet (Artikolu 2) u kamp ta’ applikazzjoni personali: Il-kamp ta’ applikazzjoni tad-Direttiva huwa determinat mid-definizzjonijiet ta’ “trainee” u “traineeship”. L-ewwel waħda hija bbażata kemm fuq id-definizzjoni nazzjonali ta’ “impjegat” kif ukoll fuq id-definizzjoni adottata mill-Qorti tal-Ġustizzja tal-UE. Id-definizzjoni ta’ “traineeship” tidher li hija usa’ u tinkludi kwalunkwe tip ta’ traineeship, ma tagħmel l-ebda referenza għat-tip ta’ kuntratt jew relazzjoni ta’ impjieg, u titkellem biss dwar il-prattika tax-xogħol li tinkludi komponent sinifikanti ta’ taħriġ. Filwaqt li “traineeship” huwa predominanti fit-taqsima ddedikata għal relazzjonijiet ta’ impjieg qarrieq, it-taqsima dwar l-infurzar hija mibnija madwar il-kunċett ta’ “trainee”. Tkun meħtieġa aktar ċarezza dwar kif iż-żewġ kunċetti jinteraġixxu fir-rigward tad-dispożizzjonijiet differenti.
Barra minn hekk, meta jitqies li ħafna Stati Membri jikkunsidraw li t-traineeships huma ġenwinament barra mill-impjieg, u jirregolawhom bħala tali, għandu jiġi ċċarat, tal-anqas fil-premessi, li d-Direttiva ma torbotx lill-Istati Membri biex jittrasformaw il-mudelli regolatorji tagħhom qrib dak tal-impjieg. Peress li d-Direttiva għandha l-għan ewlieni li twaqqaf l-użu ta’ traineeships biex jinħbew ir-relazzjonijiet ta’ impjieg, l-Istati Membri li jadottaw dawk il-mudelli għandhom jintalbu jirrispettaw ir-Rakkomandazzjoni, jadattaw ir-regolamentazzjoni tagħhom biex jivvalutaw aħjar meta relazzjoni ta’ impjieg tkun moħbija, u biex irawmu l-infurzar tad-drittijiet tat-taparsi trainee.
Argument b’appoġġ għar-Rakkomandazzjoni 1.3
2.3Prinċipju ta’ nondiskriminazzjoni (Artikolu 3): Peress li t-trainee, għall-finijiet tad-Direttiva, huwa ħaddiem involut f’esperjenza ta’ tagħlim u, konsegwentement, li din is-sitwazzjoni tista’ tiġi distinta minn dik ta’ ħaddiema tas-sengħa u speċjalizzati, id-definizzjoni ta’ raġunijiet oġġettivi li jiġġustifikaw deroga mill-prinċipju ta’ nondiskriminazzjoni hija appoġġjata. Madankollu, sabiex jiġu speċifikati aħjar il-limiti ta’ tali derogi, il-KESE jissuġġerixxi li tiġi inkluża lista ta’ kundizzjonijiet tax-xogħol li għandhom jitqiesu bħala mhux derogabbli.
Argument b’appoġġ għar-Rakkomandazzjoni 1.4
2.4Miżuri għall-ġlieda kontra r-relazzjonijiet regolari ta’ impjieg li taparsi jkunu traineeships (Artikolu 4): Kontrolli u spezzjonijiet effettivi mwettqa mill-awtoritajiet kompetenti għandhom rwol ewlieni fil-ġlieda kontra relazzjonijiet regolari ta’ impjieg li taparsi jkunu traineeships. F’dan ir-rigward, l-Istati Membri għandhom jinħtieġu jappoġġjaw lil dawn l-awtoritajiet b’riżorsi umani u finanzjarji suffiċjenti, imfasslin għall-bżonnijiet tal-kuntest nazzjonali, biex ikunu jistgħu jwettqu dan il-kompitu kruċjali. Flimkien mal-awtoritajiet kompetenti, il-KESE jenfasizza li l-imsieħba soċjali, jekk rilevanti skont il-leġiżlazzjoni u l-prattika nazzjonali, jista’ jkollhom rwol importanti fl-isforzi ta’ kontroll, monitoraġġ u infurzar.
Argument b’appoġġ għar-Rakkomandazzjoni 1.5
2.5Valutazzjoni ta’ relazzjonijiet regolari ta’ impjieg li taparsi jkunu traineeships (Artikolu 5): Dan l-Artikolu jelenka għadd ta’ elementi li għandhom jiġu kkunsidrati fil-valutazzjoni ta’ allegat traineeship. Il-formulazzjoni tad-dispożizzjoni hija vaga fir-rigward tat-tipi ta’ mekkaniżmi li hija tistabbilixxi u, b’mod speċifiku, ir-rwoli li għandhom l-elementi differenti. Il-KESE jqis li d-dispożizzjoni għandha tiġi fformulata mill-ġdid biex tispeċifika li l-okkorrenza ta’ wieħed jew aktar mill-elementi elenkati hija indikattiva ta’ relazzjoni ta’ impjieg regolari, mingħajr preġudizzju għall-valutazzjoni tal-eżistenza ta’ relazzjoni ta’ impjieg għat-trainee skont il-prattika nazzjonali u l-ġurisprudenza tal-Qorti tal-Ġustizzja tal-UE. Il-Premessa 26 għandha tiġi emendata biex tirrifletti dan. Barra minn hekk, in-nuqqas ta’ superviżur għandu jiġi inkluż ukoll fost l-elementi li għandhom jitqiesu (Artikolu 5(1)(a)) u, bl-istess mod, l-informazzjoni li għandha tiġi pprovduta mill-impjegatur (Artikolu 5(2)) għandha tinkludi wkoll informazzjoni dwar l-eżistenza ta’ superviżur. Fl-aħħar nett, il-kundizzjonijiet li jilleġittimizzaw durata eċċessiva jew ripetizzjoni ta’ traineeship mal-istess impjegatur għandhom jiġu speċifikati aħjar (l-Artikolu 5(3)(a)), inkluża l-possibbiltà ta’ deroga minn dan meta dan ikun iġġustifikat taħt kundizzjonijiet nazzjonali eżistenti.
Kummenti addizzjonali
2.6Proċeduri f’isem it-trainees jew b’appoġġ għalihom (Artikolu 8): Skont dan l-Artikolu, ir-rappreżentanti tal-ħaddiema għandhom ikunu intitolati li jinvolvu ruħhom fi proċeduri f’isem it-trainees jew b’appoġġ għalihom. Minn naħa, l-użu tat-terminu “trainee” jirriskja li jipprevjeni lir-rappreżentanti tal-ħaddiema milli jintervjenu b’appoġġ għal dawk li jaħdmu f’pożizzjonijiet li taparsi huma traineeships jekk ma jkunux taħt kuntratt ta’ impjieg (ara l-Artikolu 2(b)). Min-naħa l-oħra, f’ħafna każijiet, it-trainees mhumiex inklinati li jeżerċitaw id-drittijiet tagħhom minħabba l-biża’ li jitilfu opportunità ta’ impjieg iktar ’il quddiem. Il-fatt li r-rappreżentanti tal-ħaddiema jitħallew jaġixxu biss bil-kunsens espliċitu tat-trainee jew tat-trainees jillimita fil-biċċa l-kbira l-ispazju għall-intervent tal-union u jonqos milli jqis li l-impjegar ta’ ħaddiema taħt skemi taparsi traineeships għandu impatt fuq il-kundizzjonijiet tax-xogħol tal-ħaddiema l-oħra fil-kumpanija, fuq kandidati oħra għal pożizzjonijiet ta’ impjieg u fuq il-kompetizzjoni bejn il-kumpaniji. Il-ġlieda kontra r-relazzjonijiet ta’ impjieg taparsi traineeships għandha għanijiet usa’ u għandha implikazzjonijiet lil hinn mit-traineeship uniku. Id-dispożizzjoni tista’ tiġi inkwadrata b’mod li jiżgura, tal-inqas f’kuntesti nazzjonali fejn it-trade unions jaġixxu mingħajr il-ħtieġa tal-kunsens tal-ħaddiem ikkonċernat, li biex jipproteġu l-interess kollettiv li jsegwu, ir-rappreżentanti tat-trade unions tal-ħaddiema jistgħu jaġixxu anke mingħajr il-kunsens tat-trainees.
2.7Protezzjoni kontra trattament ħażin u konsegwenzi (Artikolu 9): Dan l-Artikolu għandu jinftiehem li japplika fejn ma hemmx protezzjoni applikabbli għal trainees bħala ħaddiema fis-sistemi legali tal-Istati Membri li jiggarantixxu livell adegwat ta’ protezzjoni fuq dan il-punt.
Proposta għal Rakkomandazzjoni tal-Kunsill dwar Qafas tal-Kwalità għat-Traineeships imsaħħaħ
Argumenti b’appoġġ għar-Rakkomandazzjoni 1.6
2.8Il-Proposta għandha l-għan li tkopri t-tipi differenti kollha ta’ traineeships, iżda ma tqisx b’mod adegwat id-differenzi bejn id-diversi tipi ta’ traineeships u l-applikazzjonijiet differenti tagħhom fl-Istati Membri. Il-KESE jirrakkomanda li jiġu definiti kriterji minimi ta’ kwalità għal kull tip ta’ traineeship madwar l-Ewropa, sabiex jiġu żgurati standards għoljin u qafas bażiku komuni fl-Istati Membri kollha.
2.9Objettiv u kamp ta’ applikazzjoni (2): Il-kamp ta’ applikazzjoni tar-Rakkomandazzjoni huwa wiesa’ ħafna. Filwaqt li d-dispożizzjonijiet huma pjuttost flessibbli, il-Proposta tqis biss in-natura differenti tat-traineeships sa fejn huma kkonċernati t-trainees f’relazzjoni ta’ impjieg. Divrenzjar ieħor huwa kkunsidrat biss fil-kuntest tad-diversi premessi (eż. id-durata, fil-premessi 24-26). Tista’ tingħata aktar attenzjoni lill-kwistjoni sabiex tiġi pprovduta gwida lill-Istati Membri dwar l-applikazzjoni tal-prinċipji u l-miżuri stabbiliti f’sitwazzjonijiet differenti.
2.10Raġunijiet oġġettivi għal derogi: Ċerti miżuri rakkomandati jistgħu jiġu derogati għal raġunijiet oġġettivi: durata raġonevoli, traineeships konsekuttivi u esperjenza ta’ xogħol preċedenti. Din il-klawżola ġenerali tista’ tiġi interpretata b’diversi modi fl-Istati Membri, u jaf ikun xieraq li tiġi inkluża lista ta’ ġustifikazzjonijiet illustrattivi, mingħajr preġudizzju għall-approċċi nazzjonali eżistenti.
Argument b’appoġġ għar-Rakkomandazzjoni 1.7
2.11Bħala parti mill-proċess ta’ rieżami u implimentazzjoni, fid-dawl tan-natura eteroġena tal-istrument, il-kampijiet ta’ applikazzjoni differenti li jista’ jaqdi u l-applikazzjonijiet differenti tiegħu fl-Istati Membri, il-KESE jemmen li huwa kruċjali li tinġabar data u jinġabru u jiġu kondiviżi eżempji ta’ prattiki nazzjonali tajbin għal kull tip ta’ traineeship fil-livell tal-UE, speċjalment traineeships tas-suq miftuħ.
Argument b’appoġġ għar-Rakkomandazzjoni 1.8
2.12Kumpens ġust (6): Bi tweġiba għat-talbiet minn xi setturi biex jiġu pprojbiti t-traineeships mingħajr ħlas, il-Kummissjoni rrakkomandat li t-traineeships jitħallsu b’mod ġust, “filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ”. F’dan ir-rigward, u ħlief f’każijiet fejn it-traineeship jitqies bħala relazzjoni ta’ impjieg (li hija koperta mid-Direttiva proposta), jista’ jkun adatt li jintuża t-terminu “kumpens” minflok “paga” u li dan l-appoġġ jintrabat mal-ispejjeż possibbli mġarrba mit-trainee biex jipparteċipa fit-traineeship, u r-rekwiżiti tal-għajxien assoċjati (eż. vjaġġar, ikel, akkomodazzjoni, eċċ.) u li jiġi pprovdut fil-forma ta’ allowance għall-parteċipazzjoni. Id-divrenzjar possibbli fil-kumpens jista’ jitqies minħabba t-tipi differenti ta’ traineeships. Dan jidher li huwa approċċ ibbilanċjat li jirrikonoxxi li traineeship huwa nkwadrat fil-kuntest ta’ esperjenza ta’ xogħol b’komponent ta’ taħriġ b’saħħtu, u li l-kompiti mwettqa mhumiex l-istess u mhumiex fl-istess livell bħal dawk imwettqa minn impjegati regolari, iżda fl-istess ħin jiżgura aċċess ugwali għal opportunitajiet ta’ traineeships għal kulħadd.
Argumenti b’appoġġ għar-Rakkomandazzjoni 1.9
2.13Mezzi biex jiġu rrapportati prattiki ħżiena (15): Il-mezzi għar-rappurtar ta’ prattiki ħżiena għandhom ikunu disponibbli għat-trainees, it-trade unions u r-rappreżentanti tal-ħaddiema b’konformità mar-regoli u l-prattiki nazzjonali.
2.14Ir-rwol tar-rappreżentanti tal-ħaddiema (33): ara hawn fuq dwar il-kunsens tat-trainees (Punt 2.6).
Kummenti addizzjonali
2.15Ir-rwol tas-servizzi tal-impjiegi u fornituri oħra ta’ gwida għall-karriera (20): Fejn dawn ikunu involuti fil-promozzjoni ta’ attivitajiet ta’ traineeship, ir-rwol tagħhom jista’ jiġi estiż biex jinkludi l-valutazzjoni tal-kwalità tal-opportunità ta’ traineeship billi jiġu analizzati avviżi ta’ postijiet battala u informazzjoni dwar reklami, speċjalment meta jkunu ffinanzjati bi flus pubbliċi (eż. il-Garanzija għaż-Żgħażagħ).
3.EMENDI PROPOSTI GĦALL-PROPOSTA LEĠIŻLATTIVA TAL-KUMMISSJONI EWROPEA
Proposta għal Direttiva tal-Parlament Ewropew u tal-Kunsill dwar it-titjib u l-infurzar tal-kundizzjonijiet tax-xogħol tat-trainees u l-ġlieda kontra relazzjonijiet ta’ impjieg regolari li taparsi jkunu traineeships (id-“Direttiva dwar it-Traineeships”)
Emenda 1
marbuta mar-rakkomandazzjonijiet 1.1 u 1.2
Premessa 17
Ibdel it-test kif ġej
|
Test propost mill-Kummissjoni Ewropea
|
Emenda tal-KESE
|
|
(17) Il-programmi ta’ tagħlim ibbażati fuq ix-xogħol li jaqgħu taħt id-definizzjoni ta’ traineeship ivarjaw b’mod sinifikanti bejn l-Istati Membri. Għalhekk, l-apprendistati jistgħu jaqgħu fil-kamp ta’ applikazzjoni ta’ din id-Direttiva, sa fejn l-apprendisti jaqgħu taħt il-kunċett ta’ “ħaddiem” kif definit mil-liġi, mill-ftehimiet kollettivi jew mill-prattiki fis-seħħ fl-Istati Membri, fid-dawl tal-ġurisprudenza tal-Qorti tal-Ġustizzja tal-Unjoni Ewropea.
|
(17) Il-programmi ta’ tagħlim ibbażati fuq ix-xogħol li jaqgħu taħt id-definizzjoni ta’ traineeship ivarjaw b’mod sinifikanti bejn l-Istati Membri. Minkejja d-definizzjoni ta’ trainee prevista f’din il-Proposta, l-Istati Membri li ma jqisux it-traineeships bħala relazzjoni ta’ impjieg u jirregolawhom kif xieraq ma għandhomx għalfejn jittrasformaw il-mudelli regolatorji tagħhom f’mudellil tal-impjieg. F’każijiet bħal dawn, din il-proposta għandha tiġi applikata mill-Istati Membri biex jivvalutaw aħjar meta relazzjoni ta’ impjieg tkun moħbija u biex jippromovu l-infurzar tad-drittijiet tat-“taparsi trainee”.
|
|
Raġuni
|
|
Ara l-punti 2.1 u 2.2.
|
Emenda 2
marbuta mar-rakkomandazzjoni 1.4
Artikolu 4
Ibdel it-test kif ġej
|
Test propost mill-Kummissjoni Ewropea
|
Emenda tal-KESE
|
|
Artikolu 4
Miżuri għall-ġlieda kontra r-relazzjonijiet regolari ta’ impjieg li taparsi jkunu traineeships
L-Istati Membri għandhom jipprevedu kontrolli u spezzjonijiet effettivi mwettqa mill-awtoritajiet kompetenti biex jidentifikaw u jieħdu miżuri ta’ infurzar kontra prattiki meta relazzjoni ta’ impjieg regolari taparsi tkun traineeship bl-effett li jingħataw livelli aktar baxxi ta’ protezzjoni, inklużi kundizzjonijiet tax-xogħol u paga, minn dawk li l-ħaddiem ikkonċernat ikun intitolat għalihom skont il-liġi, il-ftehimiet kollettivi jew il-prattika tal-Unjoni jew nazzjonali.
|
Artikolu 4
Miżuri għall-ġlieda kontra r-relazzjonijiet regolari ta’ impjieg li taparsi jkunu traineeships
L-Istati Membri għandhom jipprevedu kontrolli u spezzjonijiet effettivi mwettqa mill-awtoritajiet kompetenti biex jidentifikaw u jieħdu miżuri ta’ infurzar kontra prattiki meta relazzjoni ta’ impjieg regolari taparsi tkun traineeship bl-effett li jingħataw livelli aktar baxxi ta’ protezzjoni, inklużi kundizzjonijiet tax-xogħol u paga, minn dawk li l-ħaddiem ikkonċernat ikun intitolat għalihom skont il-liġi, il-ftehimiet kollettivi jew il-prattika tal-Unjoni jew nazzjonali.
Is-sħab soċjali, jekk rilevanti skont il-leġiżlazzjoni u l-prattika nazzjonali, jista’ jkollhom rwol importanti fl-isforzi ta’ kontroll, monitoraġġ u infurzar.
|
Emenda 3
marbuta mar-rakkomandazzjoni 1.5
Artikolu 5
Ibdel it-test kif ġej:
|
Test propost mill-Kummissjoni Ewropea
|
Emenda tal-KESE
|
|
Artikolu 5
Valutazzjoni ta’ relazzjonijiet regolari ta’ impjieg li taparsi jkunu traineeships
1.
Sabiex jiġi ddeterminat jekk allegat traineeship jikkostitwixxix relazzjoni ta’ impjieg regolari, l-awtoritajiet kompetenti għandhom jagħmlu valutazzjoni ġenerali tal-elementi fattwali rilevanti kollha. Dik il-valutazzjoni għandha tqis, fost l-oħrajn, l-elementi indikattivi li ġejjin:
(a)
in-nuqqas ta’ komponent sinifikanti ta’ tagħlim jew taħriġ fl-allegat traineeship;
(b)
id-durata eċċessiva tal-allegat traineeship jew traineeships multipli u/jew konsekuttivi mal-istess impjegatur mill-istess persuna;
(c)
livelli ekwivalenti ta’ kompiti, responsabbiltajiet u intensità tax-xogħol għall-allegati trainees u impjegati regolari f’pożizzjonijiet komparabbli mal-istess impjegatur;
(d)
ir-rekwiżit ta’ esperjenza ta’ xogħol preċedenti għal kandidati għal traineeships fl-istess qasam ta’ attività jew f’qasam ta’ attività simili mingħajr ġustifikazzjoni xierqa;
(e)
proporzjon għoli ta’ allegati traineeships meta mqabbla ma’ relazzjonijiet regolari ta’ impjieg mal-istess impjegatur;
(f)
għadd sinifikanti ta’ allegati trainees mal-istess impjegatur li kienu temmew żewġ traineeships jew aktar jew kellhom relazzjonijiet ta’ impjieg regolari fl-istess qasam ta’ attività jew f’qasam ta’ attività simili, qabel ma bdew l-allegat traineeship.
2.
Sabiex l-awtoritajiet kompetenti jkunu jistgħu jwettqu l-valutazzjoni msemmija fil-paragrafu 1, l-impjegatur għandu, fuq talba, jipprovdi lil dawk l-awtoritajiet bl-informazzjoni li ġejja:
(a)
l-għadd ta’ traineeships u relazzjonijiet ta’ impjieg regolari
(b)
id-durata tat-traineeships;
(c)
il-kundizzjonijiet tax-xogħol, inklużi l-paga, il-kompiti u r-responsabbiltajiet tal-allegati trainees u ta’ impjegati regolari f’pożizzjonijiet komparabbli;
(d)
id-deskrizzjonijiet tal-komponenti tat-tagħlim u t-taħriġ tat-traineeships;
(e)
l-avviżi ta’ postijiet battala għat-traineeships.
3.
Biex jiffaċilitaw il-valutazzjoni msemmija fil-paragrafu 1, l-Istati Membri għandhom:
(a)
jiddefinixxu limitu ta’ żmien li jindika durata eċċessiva ta’ traineeship u ta’ traineeships ripetuti, inklużi konsekuttivi, mal-istess impjegatur;
(b)
jirrikjedu li l-impjegaturi jinkludu informazzjoni dwar il-kompiti mistennija, il-kundizzjonijiet tax-xogħol, inklużi l-paga, il-protezzjoni soċjali, l-elementi tat-tagħlim u t-taħriġ fl-avviżi ta’ postijiet battala u r-reklami għat-traineeships.
L-Istati Membri jistgħu jipprevedu eċċezzjonijiet għal-limitu ta’ żmien fil-punt (a) f’każijiet fejn durata itwal tkun ġustifikata fuq bażi oġġettiva.
|
Artikolu 5
Valutazzjoni ta’ relazzjonijiet regolari ta’ impjieg li taparsi jkunu traineeships
1.
Sabiex jiġi ddeterminat jekk allegat traineeship jikkostitwixxix relazzjoni ta’ impjieg regolari, l-awtoritajiet kompetenti għandhom jagħmlu valutazzjoni ġenerali tal-elementi fattwali rilevanti kollha. L-okkorrenza ta’ wieħed jew aktar mill-elementi li ġejjin għandha titqies indikattiva tal-eżistenza ta’ relazzjoni ta’ impjieg regolari:
(a)
in-nuqqas ta’ komponent sinifikanti ta’ tagħlim jew taħriġ fl-allegat traineeship u n-nuqqas ta’ superviżur;
(b)
id-durata eċċessiva tal-allegat traineeship jew traineeships multipli u/jew konsekuttivi mal-istess impjegatur mill-istess persuna;
(c)
livelli ekwivalenti ta’ kompiti, responsabbiltajiet u intensità tax-xogħol għall-allegati trainees u impjegati regolari f’pożizzjonijiet komparabbli mal-istess impjegatur;
(d)
ir-rekwiżit ta’ esperjenza ta’ xogħol preċedenti għal kandidati għal traineeships fl-istess qasam ta’ attività jew f’qasam ta’ attività simili mingħajr ġustifikazzjoni xierqa;
(e)
proporzjon għoli ta’ allegati traineeships meta mqabbla ma’ relazzjonijiet regolari ta’ impjieg mal-istess impjegatur;
(f)
għadd sinifikanti ta’ allegati trainees mal-istess impjegatur li kienu temmew żewġ traineeships jew aktar jew kellhom relazzjonijiet ta’ impjieg regolari fl-istess qasam ta’ attività jew f’qasam ta’ attività simili, qabel ma bdew l-allegat traineeship.
2.
Sabiex l-awtoritajiet kompetenti jkunu jistgħu jwettqu l-valutazzjoni msemmija fil-paragrafu 1, l-impjegatur għandu, fuq talba, u sakemm l-istess informazzjoni ma tkunx direttament aċċessibbli għall-awtoritajiet, jipprovdi lil dawk l-awtoritajiet bl-informazzjoni li ġejja:
(a)l-għadd ta’ traineeships u relazzjonijiet ta’ impjieg regolari
(b)id-durata tat-traineeships;
(c)il-kundizzjonijiet tax-xogħol, inklużi l-paga, il-kompiti u r-responsabbiltajiet tal-allegati trainees u ta’ impjegati regolari f’pożizzjonijiet komparabbli;
(d)id-deskrizzjonijiet tal-komponenti tat-tagħlim u t-taħriġ tat-traineeships;
(e)il-preżenza ta’ superviżur;
(f)l-avviżi ta’ postijiet battala għat-traineeships.
3.
Biex jiffaċilitaw il-valutazzjoni msemmija fil-paragrafu 1, l-Istati Membri għandhom:
(a)
jiddefinixxu limitu ta’ żmien massimu għal traineeship u jistabbilixxu l-kundizzjonijiet eċċezzjonali li jiġġustifikaw ir-ripetizzjoni jew l-estensjoni tiegħu mal-istess impjegatur;
(b)
jirrikjedu li l-impjegaturi jinkludu informazzjoni dwar il-kompiti mistennija, il-kundizzjonijiet tax-xogħol, inklużi l-paga, il-protezzjoni soċjali, l-elementi tat-tagħlim u t-taħriġ fl-avviżi ta’ postijiet battala u r-reklami għat-traineeships.
L-Istati Membri jistgħu jipprevedu eċċezzjonijiet għal-limitu ta’ żmien fil-punt (a) f’każijiet fejn durata itwal tkun ġustifikata fuq bażi oġġettiva.
|
Proposta għal Rakkomandazzjoni tal-Kunsill dwar Qafas tal-Kwalità għat-Traineeships imsaħħaħ
Emenda 4
marbuta mar-rakkomandazzjoni 1.8
Punt 6
Ibdel it-test kif ġej
|
Test propost mill-Kummissjoni Ewropea
|
Emenda tal-KESE
|
|
6. jiżguraw li t-trainees jitħallsu b’mod ġust, filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ.
|
6. jiżguraw li t-trainees jiġu kkumpensati b’mod ġust, filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ, kif ukoll l-ispejjeż possibbli mġarrba mit-trainee biex jipparteċipa fit-traineeship, inklużi r-rekwiżiti tal-għajxien assoċjati (eż. vjaġġar, ikel, akkomodazzjoni, eċċ.).
|
Il-President tas-Sezzjoni għax-Xogħol, l-Affarijiet Soċjali u ċ-Ċittadinanza
Cinzia DEL RIO
*
*
*
N.B.:
Ara l-Anness fil-paġni li ġejjin.
ANNESS għall-OPINJONI
tas-Sezzjoni għax-Xogħol, l-Affarijiet Soċjali u ċ-Ċittadinanza
L-emendi li ġejjin inċaħdu waqt id-diskussjoni iżda rċevew aktar minn kwart tal-voti (Artikolu 60(2) tar-Regoli ta’ Proċedura):
|
EMENDA 7
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Il-KESE jenfasizza li t-traineeships huma l-ewwel u qabel kollox esperjenza ta’ taħriġ u ta’ tagħlim biex jiġu żviluppati ħiliet u kompetenzi (speċjalment dawk taż-żgħażagħ) li jwasslu għal titjib fl-impjegabbiltà u l-prospetti ta’ impjieg, u jikkontribwixxu għall-formazzjoni ta’ mentalità intraprenditorjali.
Il-KESE jikkondividi l-objettiv li tittejjeb il-kwalità tat-traineeships madwar l-UE (b’mod partikolari fir-rigward tal-kontenut tat-tagħlim u t-taħriġ u l-kundizzjonijiet tax-xogħol), bl-għan li tiġi ffaċilitata t-tranżizzjoni mill-edukazzjoni, il-qgħad jew l-inattività, u li jiġi żgurat li t-traineeships ikunu ġenwini u ma jintużawx biex jaħbu r-relazzjonijiet tax-xogħol.
|
Il-KESE jenfasizza li t-traineeships huma l-ewwel u qabel kollox esperjenza ta’ taħriġ u ta’ tagħlim biex jiġu żviluppati ħiliet u kompetenzi (speċjalment dawk taż-żgħażagħ) li jwasslu għal titjib fl-impjegabbiltà u l-prospetti ta’ impjieg, u jikkontribwixxu għall-formazzjoni ta’ mentalità intraprenditorjali.
Il-KESE jikkondividi l-objettiv li tittejjeb il-kwalità tat-traineeships madwar l-UE (b’mod partikolari fir-rigward tal-kontenut tat-tagħlim u t-taħriġ u l-kundizzjonijiet tax-xogħol), bl-għan li tiġi ffaċilitata t-tranżizzjoni mill-edukazzjoni, il-qgħad jew l-inattività, u li jiġi żgurat li t-traineeships ikunu ġenwini u ma jintużawx biex jaħbu r-relazzjonijiet tax-xogħol. Dan jitlob qafas legali konsistenti u semplifikat li ma joħloqx taħlita ta’ regoli għal segmenti differenti ta’ persuni f’relazzjonijiet ta’ impjieg. L-għodod u l-istrumenti eżistenti fil-livell tal-UE u dak nazzjonali għandhom jintużaw għal dan l-għan u b’kunsiderazzjoni xierqa għar-realtajiet nazzjonali tal-edukazzjoni u t-taħriġ u s-sistemi tar-relazzjonijiet industrijali, u r-rwol tal-imsieħba soċjali fihom, fl-Istati Membri kollha. Barra minn hekk, il-KESE jenfasizza li t-traineeships jirrikjedu investiment konsiderevoli mill-kumpaniji u l-intraprendituri f’termini ta’ ħin u riżorsi ddedikati għat-taħriġ tat-trainees.
|
Riżultat tal-votazzjoni:
|
Favur:
|
33
|
|
Kontra:
|
46
|
|
Astensjonijiet:
|
2
|
|
EMENDA 8
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.3
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Prinċipju ta’ nondiskriminazzjoni (Artikolu 3): Peress li t-trainee, għall-finijiet tad-Direttiva, huwa ħaddiem involut f’esperjenza ta’ tagħlim u, konsegwentement, li din is-sitwazzjoni tista’ tiġi distinta minn dik ta’ ħaddiema tas-sengħa u speċjalizzati, id-definizzjoni ta’ raġunijiet oġġettivi li jiġġustifikaw deroga mill-prinċipju ta’ nondiskriminazzjoni hija appoġġjata. Madankollu, sabiex jiġu speċifikati aħjar il-limiti ta’ tali derogi, il-KESE jissuġġerixxi li tiġi inkluża lista ta’ kundizzjonijiet tax-xogħol li għandhom jitqiesu bħala mhux derogabbli.
|
Prinċipju ta’ nondiskriminazzjoni (Artikolu 3): Peress li t-trainee, għall-finijiet tad-Direttiva proposta, huwa ħaddiem involut f’esperjenza ta’ tagħlim u, konsegwentement, li din is-sitwazzjoni tista’ tiġi distinta minn dik ta’ ħaddiema tas-sengħa u speċjalizzati, id-definizzjoni ta’ raġunijiet oġġettivi li jiġġustifikaw deroga mill-prinċipju ta’ nondiskriminazzjoni hija appoġġjata. Dan jista’ jitqies bħala approċċ ġust li jipproteġi l-interessi tat-trainees u fl-istess ħin jirrikonoxxi li traineeship huwa l-ewwel u qabel kollox esperjenza ta’ tagħlim u, għalhekk, li trainee għandu jiġi distint minn xi ħadd li jopera bħala impjegat kwalifikat u mħarreġ. Huwa importanti wkoll li tiġi rispettata l-awtonomija tal-imsieħba soċjali fir-rigward tar-regolamentazzjoni tal-kundizzjonijiet għal traineeships fis-suq miftuħ, pereżempju permezz ta’ ftehimiet kollettivi.
|
Riżultat tal-votazzjoni:
|
Favur:
|
33
|
|
Kontra:
|
51
|
|
Astensjonijiet:
|
1
|
|
EMENDA 9
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.4
Żid punt ġdid:
Pożizzjoni: Wara l-punt eżistenti – Livell ta’ taħt
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
|
Punt kruċjali għat-titjib tal-abbozz ta’ direttiva attwali huwa li tiġi inkluża dispożizzjoni speċifika dwar ir-rwol tal-imsieħba soċjali. F’konformità ma’ realtajiet differenti ta’ negozjar kollettiv madwar l-Ewropa, l-abbozz ta’ direttiva għandu jippermetti lill-imsieħba soċjali jistabbilixxu b’mod konġunt il-kundizzjonijiet tax-xogħol għat-trainees, li jinkludi l-possibbiltà għalihom li jidderogaw mill-prinċipju tat-trattament ugwali għal raġunijiet oġġettivi relatati man-natura distinta tat-traineeships fis-suq miftuħ meta mqabbla mar-relazzjonijiet ta’ impjieg.
|
Riżultat tal-votazzjoni:
|
Favur:
|
33
|
|
Kontra:
|
51
|
|
Astensjonijiet:
|
1
|
|
EMENDA 10
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.5
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Valutazzjoni ta’ relazzjonijiet regolari ta’ impjieg li taparsi jkunu traineeships (Artikolu 5): Dan l-Artikolu jelenka għadd ta’ elementi li għandhom jiġu kkunsidrati fil-valutazzjoni ta’ allegat traineeship. Il-formulazzjoni tad-dispożizzjoni hija vaga fir-rigward tat-tipi ta’ mekkaniżmi li hija tistabbilixxi u, b’mod speċifiku, ir-rwoli li għandhom l-elementi differenti. Il-KESE jqis li d-dispożizzjoni għandha tiġi fformulata mill-ġdid biex tispeċifika li l-okkorrenza ta’ wieħed jew aktar mill-elementi elenkati hija indikattiva ta’ relazzjoni ta’ impjieg regolari, mingħajr preġudizzju għall-valutazzjoni tal-eżistenza ta’ relazzjoni ta’ impjieg għat-trainee skont il-prattika nazzjonali u l-ġurisprudenza tal-Qorti tal-Ġustizzja tal-UE. Il-Premessa 26 għandha tiġi emendata biex tirrifletti dan. Barra minn hekk, in-nuqqas ta’ superviżur għandu jiġi inkluż ukoll fost l-elementi li għandhom jitqiesu (Artikolu 5(1)(a)) u, bl-istess mod, l-informazzjoni li għandha tiġi pprovduta mill-impjegatur (Artikolu 5(2)) għandha tinkludi wkoll informazzjoni dwar l-eżistenza ta’ superviżur. Fl-aħħar nett, il-kundizzjonijiet li jilleġittimizzaw durata eċċessiva jew ripetizzjoni ta’ traineeship mal-istess impjegatur għandhom jiġu speċifikati aħjar (l-Artikolu 5(3)(a)), inkluża l-possibbiltà ta’ deroga minn dan meta dan ikun iġġustifikat taħt kundizzjonijiet nazzjonali eżistenti.
|
Valutazzjoni ta’ relazzjonijiet regolari ta’ impjieg li taparsi jkunu traineeships (Artikolu 5): Dan l-Artikolu jelenka għadd ta’ elementi li għandhom jiġu kkunsidrati fil-valutazzjoni ta’ allegat traineeship. Dan għandu jkun mingħajr preġudizzju għall-valutazzjoni tal-eżistenza ta’ relazzjoni ta’ impjieg għat-trainee skont il-prattika nazzjonali u l-ġurisprudenza tal-Qorti tal-Ġustizzja tal-UE. Fehim komuni indikattiv ta’ x’jikkostitwixxi l-użu ħażin tat-traineeships huwa utli biex jgħin jiżgura li l-atturi rilevanti kollha, speċjalment l-impjegaturi, it-trainees, u l-awtoritajiet regolatorji, ikollhom sett oġġettiv ta’ kriterji li abbażi tagħhom jivvalutaw it-twettiq ta’ traineeship. Dan ikollu wkoll il-benefiċċju li jiġu evitati fehmiet u perċezzjonijiet suġġettivi li jistgħu jfixklu r-realtà, u b’hekk iġib perspettiva aktar ibbażata fuq l-evidenza għal diskussjonijiet futuri dwar il-kwalità tat-traineeships. Għandu jitħalla biżżejjed spazju għall-valutazzjoni ġenerali tal-fatturi rilevanti xierqa kollha mill-awtoritajiet nazzjonali kompetenti. Barra minn hekk, in-nuqqas ta’ superviżur għandu jiġi inkluż ukoll fost l-elementi li għandhom jitqiesu (Artikolu 5(1)(a)) u, bl-istess mod, l-informazzjoni li għandha tiġi pprovduta mill-impjegatur (Artikolu 5(2)) għandha tinkludi wkoll informazzjoni dwar l-eżistenza ta’ superviżur. Fl-aħħar nett, il-kundizzjonijiet li jilleġittimizzaw durata eċċessiva jew ripetizzjoni ta’ traineeship mal-istess impjegatur għandhom jiġu speċifikati aħjar (l-Artikolu 5(3)(a)), inkluża l-possibbiltà ta’ deroga minn dan meta dan ikun iġġustifikat taħt kundizzjonijiet nazzjonali eżistenti.
|
Riżultat tal-votazzjoni:
|
Favur:
|
33
|
|
Kontra:
|
52
|
|
Astensjonijiet:
|
1
|
|
EMENDA 11
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.6
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Proċeduri f’isem it-trainees jew b’appoġġ għalihom (Artikolu 8): Skont dan l-Artikolu, ir-rappreżentanti tal-ħaddiema għandhom ikunu intitolati li jinvolvu ruħhom fi proċeduri f’isem it-trainees jew b’appoġġ għalihom. Minn naħa, l-użu tat-terminu “trainee” jirriskja li jipprevjeni lir-rappreżentanti tal-ħaddiema milli jintervjenu b’appoġġ għal dawk li jaħdmu f’pożizzjonijiet li taparsi huma traineeships jekk ma jkunux taħt kuntratt ta’ impjieg (ara l-Artikolu 2(b)). Min-naħa l-oħra, f’ħafna każijiet, it-trainees mhumiex inklinati li jeżerċitaw id-drittijiet tagħhom minħabba l-biża’ li jitilfu opportunità ta’ impjieg iktar ’il quddiem. Il-fatt li r-rappreżentanti tal-ħaddiema jitħallew jaġixxu biss bil-kunsens espliċitu tat-trainee jew tat-trainees jillimita fil-biċċa l-kbira l-ispazju għall-intervent tal-union u jonqos milli jqis li l-impjegar ta’ ħaddiema taħt skemi taparsi traineeships għandu impatt fuq il-kundizzjonijiet tax-xogħol tal-ħaddiema l-oħra fil-kumpanija, fuq kandidati oħra għal pożizzjonijiet ta’ impjieg u fuq il-kompetizzjoni bejn il-kumpaniji. Il-ġlieda kontra r-relazzjonijiet ta’ impjieg taparsi traineeships għandha għanijiet usa’ u għandha implikazzjonijiet lil hinn mit-traineeship uniku. Id-dispożizzjoni tista’ tiġi inkwadrata b’mod li jiżgura, tal-inqas f’kuntesti nazzjonali fejn it-trade unions jaġixxu mingħajr il-ħtieġa tal-kunsens tal-ħaddiem ikkonċernat, li biex jipproteġu l-interess kollettiv li jsegwu, ir-rappreżentanti tat-trade unions tal-ħaddiema jistgħu jaġixxu anke mingħajr il-kunsens tat-trainees.
|
Proċeduri f’isem it-trainees jew b’appoġġ għalihom (Artikolu 8): Skont dan l-Artikolu, ir-rappreżentanti tal-ħaddiema għandhom ikunu intitolati li jinvolvu ruħhom fi proċeduri f’isem it-trainees jew b’appoġġ għalihom. Kif iddikjarat fil-proposta għal Direttiva, huwa essenzjali li t-trainees jagħtu l-approvazzjoni tagħhom qabel ma r-rappreżentanti tal-ħaddiema jinvolvu ruħhom f’isimhom. Madankollu, id-dispożizzjoni tista’ tiġi inkwadrata b’mod li jiżgura, f’dawk il-kuntesti nazzjonali fejn il-leġiżlazzjoni/il-prattiki nazzjonali jippermettu li t-trade unions jaġixxu mingħajr il-ħtieġa tal-kunsens tal-ħaddiem ikkonċernat, li biex jipproteġu l-interess kollettiv li jsegwu, ir-rappreżentanti tat-trade unions tal-ħaddiema jistgħu jaġixxu anke mingħajr il-kunsens tat-trainees.
|
Riżultat tal-votazzjoni:
|
Favur:
|
32
|
|
Kontra:
|
55
|
|
Astensjonijiet:
|
2
|
|
EMENDA 12
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.8
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Il-Proposta għandha l-għan li tkopri t-tipi differenti kollha ta’ traineeships, iżda ma tqisx b’mod adegwat id-differenzi bejn id-diversi tipi ta’ traineeships u l-applikazzjonijiet differenti tagħhom fl-Istati Membri. Il-KESE jirrakkomanda li jiġu definiti kriterji minimi ta’ kwalità għal kull tip ta’ traineeship madwar l-Ewropa, sabiex jiġu żgurati standards għoljin u qafas bażiku komuni fl-Istati Membri kollha.
|
Il-Proposta għandha l-għan li tkopri t-tipi differenti kollha ta’ traineeships, iżda ma tqisx b’mod adegwat id-differenzi bejn id-diversi tipi ta’ traineeships u l-applikazzjonijiet differenti tagħhom fl-Istati Membri. Il-KESE jfakkar li l-prinċipji tal-kwalità tar-Rakkomandazzjoni Qafas tal-Kwalità tal-2014 għat-traineeships tqiesu validi u jieħu nota tal-prinċipji tal-kwalità kif indikati fil-proposta għal Rakkomandazzjoni tal-Kunsill u jirrakkomanda li dawn għandhom jiġu applikati mingħajr preġudizzju għall-approċċi nazzjonali eżistenti.
|
Riżultat tal-votazzjoni:
|
Favur:
|
31
|
|
Kontra:
|
52
|
|
Astensjonijiet:
|
2
|
|
EMENDA 13
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 2.9
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
Objettiv u kamp ta’ applikazzjoni (2): Il-kamp ta’ applikazzjoni tar-Rakkomandazzjoni huwa wiesa’ ħafna. Filwaqt li d-dispożizzjonijiet huma pjuttost flessibbli, il-Proposta tqis biss in-natura differenti tat-traineeships sa fejn huma kkonċernati t-trainees f’relazzjoni ta’ impjieg. Divrenzjar ieħor huwa kkunsidrat biss fil-kuntest tad-diversi premessi (eż. id-durata, fil-premessi 24-26). Tista’ tingħata aktar attenzjoni lill-kwistjoni sabiex tiġi pprovduta gwida lill-Istati Membri dwar l-applikazzjoni tal-prinċipji u l-miżuri stabbiliti f’sitwazzjonijiet differenti.
|
Objettiv u kamp ta’ applikazzjoni (2): Il-kamp ta’ applikazzjoni tar-Rakkomandazzjoni huwa wiesa’ ħafna u ma għandux jinkludi dawk it-traineeships li jseħħu bħala parti mill-edukazzjoni formali u t-taħriġ. Filwaqt li d-dispożizzjonijiet huma pjuttost flessibbli, il-Proposta tqis biss in-natura differenti tat-traineeships sa fejn huma kkonċernati t-trainees f’relazzjoni ta’ impjieg. Divrenzjar ieħor huwa kkunsidrat biss fil-kuntest tad-diversi premessi (eż. id-durata, fil-premessi 24-26). Tista’ tingħata aktar attenzjoni lill-kwistjoni sabiex tiġi pprovduta gwida lill-Istati Membri dwar l-applikazzjoni tal-prinċipji u l-miżuri stabbiliti f’sitwazzjonijiet differenti.
|
Riżultat tal-votazzjoni:
|
Favur:
|
30
|
|
Kontra:
|
54
|
|
Astensjonijiet:
|
2
|
|
EMENDA 15
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
COM(2024) 132 final – 2024/0068 (COD)
Emenda 1 tal-KESE
Premessa 17
Ibdel it-test kif ġej:
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Test propost mill-Kummissjoni Ewropea
|
|
(17) Il-programmi ta’ tagħlim ibbażati fuq ix-xogħol li jaqgħu taħt id-definizzjoni ta’ traineeship ivarjaw b’mod sinifikanti bejn l-Istati Membri. Għalhekk, l-apprendistati jistgħu jaqgħu fil-kamp ta’ applikazzjoni ta’ din id-Direttiva, sa fejn l-apprendisti jaqgħu taħt il-kunċett ta’ “ħaddiem” kif definit mil-liġi, mill-ftehimiet kollettivi jew mill-prattiki fis-seħħ fl-Istati Membri, fid-dawl tal-ġurisprudenza tal-Qorti tal-Ġustizzja tal-Unjoni Ewropea.
|
|
Abbozz ta’ opinjoni
|
Emenda
|
|
(17) Il-programmi ta’ tagħlim ibbażati fuq ix-xogħol li jaqgħu taħt id-definizzjoni ta’ traineeship ivarjaw b’mod sinifikanti bejn l-Istati Membri. Minkejja d-definizzjoni ta’ trainee prevista f’din il-Proposta, l-Istati Membri li ma jqisux it-traineeships bħala relazzjoni ta’ impjieg u jirregolawhom kif xieraq ma għandhomx għalfejn jittrasformaw il-mudelli regolatorji tagħhom f’mudellil tal-impjieg. F’każijiet bħal dawn, din il-proposta għandha tiġi applikata mill-Istati Membri biex jivvalutaw aħjar meta relazzjoni ta’ impjieg tkun moħbija u biex jippromovu l-infurzar tad-drittijiet tat-“taparsi trainee”.
|
(17) Il-programmi ta’ tagħlim ibbażati fuq ix-xogħol li jaqgħu taħt id-definizzjoni ta’ traineeship ivarjaw b’mod sinifikanti bejn l-Istati Membri. Minkejja d-definizzjoni ta’ trainee prevista f’din il-Proposta, l-Istati Membri li ma jqisux it-traineeships bħala relazzjoni ta’ impjieg u jirregolawhom kif xieraq ma għandhomx għalfejn jittrasformaw il-mudelli regolatorji tagħhom f’mudellil tal-impjieg. Madankollu, id-Direttiva tinkludi lista ta’ elementi indikattivi li jistgħu jiġu kkunsidrati mill-awtoritajiet kompetenti meta jwettqu valutazzjoni ġenerali ta’ jekk hemmx użu ħażin tat-traineeships.
|
Riżultat tal-votazzjoni:
|
Favur:
|
30
|
|
Kontra:
|
54
|
|
Astensjonijiet:
|
2
|
|
EMENDA 16
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
COM(2024) 132 final – 2024/0068 (COD)
Emenda ġdida tal-KtR
Ibdel it-test kif ġej:
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Test propost mill-Kummissjoni Ewropea
|
|
Artikolu 3
Prinċipju ta’ nondiskriminazzjoni
L-Istati Membri għandhom jiżguraw li, fir-rigward tal-kundizzjonijiet tax-xogħol inkluż il-paga, it-trainees ma jiġux ittrattati b’mod inqas favorevoli minn impjegati regolari komparabbli fl-istess stabbiliment, sakemm trattament differenti ma jkunx ġustifikat fuq bażi oġġettiva, bħal kompiti differenti, responsabbiltajiet aktar baxxi, intensità tax-xogħol jew il-piż tal-komponent tat-tagħlim u t-taħriġ.
Meta ma jkun hemm l-ebda impjegat regolari komparabbli fl-istess stabbiliment, il-paragun għandu jsir b’referenza għall-ftehim kollettiv applikabbli, jew fejn ma jkun hemm l-ebda ftehim kollettiv applikabbli, skont il-liġi jew il-prattika nazzjonali.
|
|
Abbozz ta’ opinjoni
|
Emenda
|
|
|
Artikolu 3
Prinċipju ta’ nondiskriminazzjoni
L-Istati Membri għandhom jiżguraw li, fir-rigward tal-kundizzjonijiet tax-xogħol inkluż il-paga, it-trainees ma jiġux ittrattati b’mod inqas favorevoli minn impjegati regolari komparabbli fl-istess stabbiliment, sakemm trattament differenti ma jkunx ġustifikat fuq bażi oġġettiva, bħal kompiti differenti, responsabbiltajiet aktar baxxi, livell ta’ esperjenza, intensità tax-xogħol jew il-piż tal-komponent tat-tagħlim u t-taħriġ.
Meta ma jkun hemm l-ebda impjegat regolari komparabbli fl-istess stabbiliment, il-paragun għandu jsir b’referenza għall-ftehim kollettiv applikabbli, jew fejn ma jkun hemm l-ebda ftehim kollettiv applikabbli, skont il-liġi jew il-prattika nazzjonali.
Dan huwa mingħajr preġudizzju għall-awtonomija tal-imsieħba soċjali li jistabbilixxu b’mod konġunt kundizzjonijiet tax-xogħol għat-trainees, inkluża l-possibbiltà għalihom li jidderogaw mill-prinċipju tat-trattament ugwali għal raġunijiet oġġettivi b’rabta man-natura distinta tat-traineeships tas-suq miftuħ meta mqabbla mar-relazzjonijiet ta’ impjieg.
|
Riżultat tal-votazzjoni:
|
Favur:
|
33
|
|
Kontra:
|
51
|
|
Astensjonijiet:
|
1
|
|
EMENDA 17
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
COM(2024) 132 final – 2024/0068 (COD)
Emenda 3 tal-KESE
Artikolu 5
Ibdel it-test kif ġej:
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Test propost mill-Kummissjoni Ewropea
|
|
Artikolu 5
Valutazzjoni ta’ relazzjonijiet regolari ta’ impjieg li taparsi jkunu traineeships
1.
Sabiex jiġi ddeterminat jekk allegat traineeship jikkostitwixxix relazzjoni ta’ impjieg regolari, l-awtoritajiet kompetenti għandhom jagħmlu valutazzjoni ġenerali tal-elementi fattwali rilevanti kollha. Dik il-valutazzjoni għandha tqis, fost l-oħrajn, l-elementi indikattivi li ġejjin:
(a)
in-nuqqas ta’ komponent sinifikanti ta’ tagħlim jew taħriġ fl-allegat traineeship;
(b)
id-durata eċċessiva tal-allegat traineeship jew traineeships multipli u/jew konsekuttivi mal-istess impjegatur mill-istess persuna;
(c)
livelli ekwivalenti ta’ kompiti, responsabbiltajiet u intensità tax-xogħol għall-allegati trainees u impjegati regolari f’pożizzjonijiet komparabbli mal-istess impjegatur;
(d)
ir-rekwiżit ta’ esperjenza ta’ xogħol preċedenti għal kandidati għal traineeships fl-istess qasam ta’ attività jew f’qasam ta’ attività simili mingħajr ġustifikazzjoni xierqa;
(e)
proporzjon għoli ta’ allegati traineeships meta mqabbla ma’ relazzjonijiet regolari ta’ impjieg mal-istess impjegatur;
(f)
għadd sinifikanti ta’ allegati trainees mal-istess impjegatur li kienu temmew żewġ traineeships jew aktar jew kellhom relazzjonijiet ta’ impjieg regolari fl-istess qasam ta’ attività jew f’qasam ta’ attività simili, qabel ma bdew l-allegat traineeship.
2.
Sabiex l-awtoritajiet kompetenti jkunu jistgħu jwettqu l-valutazzjoni msemmija fil-paragrafu 1, l-impjegatur għandu, fuq talba, jipprovdi lil dawk l-awtoritajiet bl-informazzjoni li ġejja:
(a)
l-għadd ta’ traineeships u relazzjonijiet ta’ impjieg regolari
(b)
id-durata tat-traineeships;
(c)
il-kundizzjonijiet tax-xogħol, inklużi l-paga, il-kompiti u r-responsabbiltajiet tal-allegati trainees u ta’ impjegati regolari f’pożizzjonijiet komparabbli;
(d)
id-deskrizzjonijiet tal-komponenti tat-tagħlim u t-taħriġ tat-traineeships;
(e)
l-avviżi ta’ postijiet battala għat-traineeships.
3.
Biex jiffaċilitaw il-valutazzjoni msemmija fil-paragrafu 1, l-Istati Membri għandhom:
(a)
jiddefinixxu limitu ta’ żmien li jindika durata eċċessiva ta’ traineeship u ta’ traineeships ripetuti, inklużi konsekuttivi, mal-istess impjegatur;
(b)
jirrikjedu li l-impjegaturi jinkludu informazzjoni dwar il-kompiti mistennija, il-kundizzjonijiet tax-xogħol, inklużi l-paga, il-protezzjoni soċjali, l-elementi tat-tagħlim u t-taħriġ fl-avviżi ta’ postijiet battala u r-reklami għat-traineeships.
L-Istati Membri jistgħu jipprevedu eċċezzjonijiet għal-limitu ta’ żmien fil-punt (a) f’każijiet fejn durata itwal tkun ġustifikata fuq bażi oġġettiva.
|
|
Abbozz ta’ opinjoni
|
Emenda
|
|
Artikolu 5
Valutazzjoni ta’ relazzjonijiet regolari ta’ impjieg li taparsi jkunu traineeships
1.
Sabiex jiġi ddeterminat jekk allegat traineeship jikkostitwixxix relazzjoni ta’ impjieg regolari, l-awtoritajiet kompetenti għandhom jagħmlu valutazzjoni ġenerali tal-elementi fattwali rilevanti kollha. L-okkorrenza ta’ wieħed jew aktar mill-elementi li ġejjin għandha titqies indikattiva tal-eżistenza ta’ relazzjoni ta’ impjieg regolari:
(a)
in-nuqqas ta’ komponent sinifikanti ta’ tagħlim jew taħriġ fl-allegat traineeship u n-nuqqas ta’ superviżur;
(b)
id-durata eċċessiva tal-allegat traineeship jew traineeships multipli u/jew konsekuttivi mal-istess impjegatur mill-istess persuna;
(c)
livelli ekwivalenti ta’ kompiti, responsabbiltajiet u intensità tax-xogħol għall-allegati trainees u impjegati regolari f’pożizzjonijiet komparabbli mal-istess impjegatur;
(d)
ir-rekwiżit ta’ esperjenza ta’ xogħol preċedenti għal kandidati għal traineeships fl-istess qasam ta’ attività jew f’qasam ta’ attività simili mingħajr ġustifikazzjoni xierqa;
(e)
proporzjon għoli ta’ allegati traineeships meta mqabbla ma’ relazzjonijiet regolari ta’ impjieg mal-istess impjegatur;
(f)
għadd sinifikanti ta’ allegati trainees mal-istess impjegatur li kienu temmew żewġ traineeships jew aktar jew kellhom relazzjonijiet ta’ impjieg regolari fl-istess qasam ta’ attività jew f’qasam ta’ attività simili, qabel ma bdew l-allegat traineeship.
2.
Sabiex l-awtoritajiet kompetenti jkunu jistgħu jwettqu l-valutazzjoni msemmija fil-paragrafu 1, l-impjegatur għandu, fuq talba, u sakemm l-istess informazzjoni ma tkunx direttament aċċessibbli għall-awtoritajiet, jipprovdi lil dawk l-awtoritajiet bl-informazzjoni li ġejja:
(a)
l-għadd ta’ traineeships u relazzjonijiet ta’ impjieg regolari
(b)
id-durata tat-traineeships;
(c)
il-kundizzjonijiet tax-xogħol, inklużi l-paga, il-kompiti u r-responsabbiltajiet tal-allegati trainees u ta’ impjegati regolari f’pożizzjonijiet komparabbli;
(d)
id-deskrizzjonijiet tal-komponenti tat-tagħlim u t-taħriġ tat-traineeships;
(e)
il-preżenza ta’ superviżur;
(f)
l-avviżi ta’ postijiet battala għat-traineeships.
3.
Biex jiffaċilitaw il-valutazzjoni msemmija fil-paragrafu 1, l-Istati Membri għandhom:
(a)
jiddefinixxu limitu ta’ żmien massimu għal traineeship u jistabbilixxu l-kundizzjonijiet eċċezzjonali li jiġġustifikaw ir-ripetizzjoni jew l-estensjoni tiegħu mal-istess impjegatur;
(b)
jirrikjedu li l-impjegaturi jinkludu informazzjoni dwar il-kompiti mistennija, il-kundizzjonijiet tax-xogħol, inklużi l-paga, il-protezzjoni soċjali, l-elementi tat-tagħlim u t-taħriġ fl-avviżi ta’ postijiet battala u r-reklami għat-traineeships.
L-Istati Membri jistgħu jipprevedu eċċezzjonijiet għal-limitu ta’ żmien fil-punt (a) f’każijiet fejn durata itwal tkun ġustifikata fuq bażi oġġettiva.
|
Artikolu 5
Valutazzjoni ta’ relazzjonijiet regolari ta’ impjieg li taparsi jkunu traineeships
1.
Sabiex jiġi ddeterminat jekk allegat traineeship jikkostitwixxix relazzjoni ta’ impjieg regolari, l-awtoritajiet kompetenti għandhom jagħmlu valutazzjoni ġenerali tal-elementi fattwali rilevanti kollha. Dik il-valutazzjoni għandha tqis, fost l-oħrajn, l-elementi indikattivi li ġejjin:
(a)
in-nuqqas ta’ komponent sinifikanti ta’ tagħlim jew taħriġ fl-allegat traineeship u n-nuqqas ta’ superviżur;
(b)
id-durata eċċessiva tal-allegat traineeship jew traineeships multipli u/jew konsekuttivi mal-istess impjegatur mill-istess persuna;
(c)
livelli ekwivalenti ta’ kompiti, responsabbiltajiet u intensità tax-xogħol għall-allegati trainees u impjegati regolari f’pożizzjonijiet komparabbli mal-istess impjegatur;
(d)
ir-rekwiżit ta’ esperjenza ta’ xogħol preċedenti għal kandidati għal traineeships fl-istess qasam ta’ attività jew f’qasam ta’ attività simili mingħajr ġustifikazzjoni xierqa;
(e)
proporzjon għoli ta’ allegati traineeships meta mqabbla ma’ relazzjonijiet regolari ta’ impjieg mal-istess impjegatur;
(f)
għadd sinifikanti ta’ allegati trainees mal-istess impjegatur li kienu temmew żewġ traineeships jew aktar jew kellhom relazzjonijiet ta’ impjieg regolari fl-istess qasam ta’ attività jew f’qasam ta’ attività simili, qabel ma bdew l-allegat traineeship.
2.
Sabiex l-awtoritajiet kompetenti jkunu jistgħu jwettqu l-valutazzjoni msemmija fil-paragrafu 1, l-impjegatur għandu, fuq talba, u sakemm l-istess informazzjoni ma tkunx direttament aċċessibbli għall-awtoritajiet, jipprovdi lil dawk l-awtoritajiet bl-informazzjoni li ġejja:
(a)
l-għadd ta’ traineeships u relazzjonijiet ta’ impjieg regolari
(b)
id-durata tat-traineeships;
(c)
il-kundizzjonijiet tax-xogħol, inklużi l-kumpens, il-kompiti u r-responsabbiltajiet tal-allegati trainees u ta’ impjegati regolari f’pożizzjonijiet komparabbli;
(d)
id-deskrizzjonijiet tal-komponenti tat-tagħlim u t-taħriġ tat-traineeships;
(e)
il-preżenza ta’ superviżur;
(f)
l-avviżi ta’ postijiet battala għat-traineeships.
3.
Biex jiffaċilitaw il-valutazzjoni msemmija fil-paragrafu 1, l-Istati Membri għandhom:
(a)
jiddefinixxu limitu ta’ żmien indikattiv għal traineeship u jindikaw eżempji tal-kundizzjonijiet eċċezzjonali li jistgħu jiġġustifikaw ir-ripetizzjoni jew l-estensjoni tiegħu mal-istess impjegatur;
(b)
jirrikjedu li l-impjegaturi jinkludu informazzjoni dwar il-kompiti mistennija, il-kundizzjonijiet tax-xogħol, inklużi l-kumpens, il-protezzjoni soċjali, l-elementi tat-tagħlim u t-taħriġ fl-avviżi ta’ postijiet battala u r-reklami għat-traineeships.
L-Istati Membri jistgħu jipprevedu eċċezzjonijiet għal-limitu ta’ żmien fil-punt (a) f’każijiet fejn durata itwal tkun ġustifikata fuq bażi oġġettiva.
|
Riżultat tal-votazzjoni:
|
Favur:
|
32
|
|
Kontra:
|
51
|
|
Astensjonijiet:
|
2
|
|
EMENDA 18
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
COM(2024) 133 final
Emenda 4 tal-KESE
Punt 6
Ibdel it-test kif ġej:
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Test propost mill-Kummissjoni Ewropea
|
|
6. jiżguraw li t-trainees jitħallsu b’mod ġust, filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ.
|
|
Abbozz ta’ opinjoni
|
Emenda
|
|
6. jiżguraw li t-trainees jiġu kkumpensati b’mod ġust, filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ, kif ukoll l-ispejjeż possibbli mġarrba mit-trainee biex jipparteċipa fit-traineeship, inklużi r-rekwiżiti tal-għajxien assoċjati (eż. vjaġġar, ikel, akkomodazzjoni, eċċ.).
|
6. jiżguraw li t-trainees jiġu kkumpensati b’mod ġust, filwaqt li jqisu elementi bħall-kompiti u r-responsabbiltajiet tat-trainee, l-intensità tax-xogħol tat-trainee, u l-piż tal-komponent tat-tagħlim u t-taħriġ.
|
Riżultat tal-votazzjoni:
|
Favur:
|
31
|
|
Kontra:
|
55
|
|
Astensjonijiet:
|
2
|
|
EMENDA 1
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.3
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
jipproponi li fl-Artikolu 3 tiġi inkluża lista tal-kundizzjonijiet tax-xogħol li ma jistgħux jiġu derogati, biex tiġi żgurata protezzjoni aħjar tal-interessi tat-trainees waqt li tiġi ppreservata l-awtonomija tal-imsieħba soċjali fir-rigward tar-regolamentazzjoni tal-kundizzjonijiet tat-traineeships fis-suq miftuħ, eż. permezz ta’ ftehimiet kollettivi;
|
jipproponi li fl-Artikolu 3 jiġi inkluż ukoll il-livell ta’ esperjenza bħala eżempju ta’ raġunijiet oġġettivi għal trattament differenti kif ukoll referenza biex tiġi ppreservata l-awtonomija tal-imsieħba soċjali fir-rigward tar-regolamentazzjoni tal-kundizzjonijiet tat-traineeships fis-suq miftuħ, eż. permezz ta’ ftehimiet kollettivi;
|
Riżultat tal-votazzjoni:
|
Favur:
|
33
|
|
Kontra:
|
51
|
|
Astensjonijiet:
|
1
|
|
EMENDA 2
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.4
Żid punt ġdid:
Pożizzjoni: Wara l-punt eżistenti – Livell ta’ taħt
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
|
jipproponi li, f’konformità mar-realtajiet differenti tan-negozjar kollettiv madwar l-Ewropa, l-abbozz ta’ direttiva għandu jippermetti lill-imsieħba soċjali jistabbilixxu b’mod konġunt il-kundizzjonijiet tax-xogħol għat-trainees, li jinkludu l-possibbiltà li dawn jidderogaw mill-prinċipju tat-trattament ugwali għal raġunijiet oġġettivi relatati man-natura distinta tat-traineeships fis-suq miftuħ meta mqabbla mar-relazzjonijiet ta’ impjieg.
|
Riżultat tal-votazzjoni:
|
Favur:
|
33
|
|
Kontra:
|
51
|
|
Astensjonijiet:
|
1
|
|
|
|
|
EMENDA 3
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.5
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
jissuġġerixxi, mingħajr preġudizzju għall-valutazzjoni ta’ jekk it-trainee għandux relazzjoni ta’ impjieg skont il-prattiki nazzjonali u l-ġurisprudenza tal-Qorti tal-Ġustizzja tal-UE, li l-elementi elenkati fl-Artikolu 5, kif emendat, jitqiesu bħala indikattivi tal-eżistenza ta’ relazzjoni ta’ impjieg regolari, sabiex l-Artikolu jsir aktar ċar u konsistenti.
|
jinnota, mingħajr preġudizzju għall-valutazzjoni ta’ jekk it-trainee għandux relazzjoni ta’ impjieg skont il-prattiki nazzjonali u l-ġurisprudenza tal-Qorti tal-Ġustizzja tal-UE, li l-elementi elenkati fl-Artikolu 5 huma maħsuba li jkunu elementi indikattivi li għandhom jitqiesu fil-valutazzjoni tal-eżistenza ta’ relazzjoni ta’ impjieg regolari, u jenfasizza l-importanza li jitħalla spazju għall-valutazzjoni tal-fatturi rilevanti xierqa kollha mill-awtoritajiet nazzjonali kompetenti. L-applikazzjoni ta’ dan l-Artikolu ma għandhiex twassal għal piż amministrattiv eċċessiv.
|
Riżultat tal-votazzjoni:
|
Favur:
|
33
|
|
Kontra:
|
52
|
|
Astensjonijiet:
|
1
|
|
EMENDA 4
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.6
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
jirrakkomanda d-definizzjoni ta’ kriterji minimi ta’ kwalità għal kull tip ta’ traineeship madwar l-UE u jissuġġerixxi li tiġi inkluża lista ta’ ġustifikazzjonijiet illustrattivi għal raġunijiet oġġettivi għal deroga, mingħajr preġudizzju għall-approċċi nazzjonali eżistenti, sabiex jiġu żgurati standards għoljin u qafas bażiku komuni fl-Istati Membri kollha;
|
ifakkar li l-prinċipji tal-kwalità tar-Rakkomandazzjoni Qafas tal-Kwalità tal-2014 għat-traineeships tqiesu validi u jieħu nota tal-prinċipji tal-kwalità kif indikati fil-proposta għal Rakkomandazzjoni tal-Kunsill u jirrakkomanda li dawn iridu jiġu applikati mingħajr preġudizzju għall-approċċi nazzjonali eżistenti.
|
Riżultat tal-votazzjoni:
|
Favur:
|
31
|
|
Kontra:
|
52
|
|
Astensjonijiet:
|
2
|
|
EMENDA 5
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.8
Ibdel it-test kif ġej
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
jenfasizza l-importanza tal-kumpens ġust li jqis ukoll l-ispejjeż possibbli tal-parteċipazzjoni fl-attività ta’ taħriġ u r-rekwiżiti tal-għajxien relatati, sabiex jiġi żgurat aċċess ugwali għall-esperjenza ta’ traineeship għal kulħadd;
|
jenfasizza l-importanza tal-kumpens ġust, sabiex jiġi żgurat aċċess ugwali għall-esperjenza ta’ traineeship għal kulħadd u jinnota li l-kumpens ivarja bejn it-tipi differenti ta’ traineeships u s-sistemi u l-prattiki nazzjonali;
|
Riżultat tal-votazzjoni:
|
Favur:
|
29
|
|
Kontra:
|
57
|
|
Astensjonijiet:
|
3
|
|
EMENDA 6
SOC/805
Direttiva dwar it-Traineeships u Qafas ta’ Kwalità għat-Traineeships Imsaħħaħ
Punt 1.9
Ħassar il-punt:
|
Imressqa minn:
BLIJLEVENS René
DANISMAN Mira-Maria
MINCHEVA Mariya
POTTIER Jean-Michel
SCHWENG Christa
|
|
Abbozz ta’ opinjoni
|
Emenda
|
|
jitlob li jiġu inklużi r-rappreżentanti tat-trade unions fiż-żewġ Proposti fejn issir referenza għar-rappreżentanti tal-ħaddiema, kif ukoll dispożizzjonijiet li jiżguraw li dejjem ikunu jistgħu jaġixxu biex jissalvagwardjaw it-trainees, anke jekk it-traineeship ma jikkostitwixxix relazzjoni ta’ impjieg.
|
|
Riżultat tal-votazzjoni:
|
Favur:
|
32
|
|
Kontra:
|
55
|
|
Astensjonijiet:
|
2
|
_____________
