RAPPORT TAL-AWDITJAR

Lill-Maniġment tal-

Qorti Ewropea tal-Awdituri

Aħna awditjajna r-rapporti finanzjarji hawn mehmuża tal-Qorti Ewropea tal-Awdituri, li jinkludu l-karta tal-bilanċ fil-31 ta’ Diċembru 2016, ir-rapport tal-prestazzjoni finanzjarja tagħha, ir-rapport tal-flussi tal-flus tagħha u r-rapport tal-bidliet fl-assi netti għas-sena li ntemmet dakinhar u sommarju tal-politiki kontabilistiċi sinifikanti u informazzjoni oħra ta’ spjegazzjoni, u li jibdew fil-paġna 10 u jintemmu fil-paġna 18.

Responsabbiltà tal-maniġment għar-rapporti finanzjarji

Il-Maniġment huwa responsabbli għat-tħejjija u l-preżentazzjoni ġusta ta’ dawn ir-rapporti finanzjarji f’konformità mar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1), minn hawn ’il quddiem imsejjaħ ir-“Regolament Finanzjarju”; u mar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament Finanzjarju, u għal tali kontroll intern li l-Maniġment iqis li huwa meħtieġ biex ikunu jistgħu jitħejjew rapporti finanzjarji li jkunu ħielsa minn kwalunkwe dikjarazzjoni skorretta materjali, sew jekk minħabba frodi u sew jekk minħabba xi żball.

Responsabbiltà tar-“Réviseur d’entreprises agréé”

Ir-responsabbiltà tagħna hija li nesprimu opinjoni dwar dawn ir-rapporti finanzjarji bbażata fuq l-awditu tagħna. Aħna wettaqna l-awditu tagħna skont l-Istandards Internazzjonali tal-Awditjar kif adottati għal-Lussemburgu mill-“Commission de Surveillance du Secteur Financier”. Dawn l-istandards jirrikjedu li aħna nikkonformaw mar-rekwiżiti etiċi u li nippjanaw u nwettqu l-awditu biex niksbu aċċertament raġonevoli dwar jekk ir-rapporti finanzjarji jkunux ħielsa minn kwalunkwe dikjarazzjoni skorretta materjali.

Awditu jinvolvi t-twettiq ta’ proċeduri biex tinkiseb evidenza għall-awditjar dwar l-ammonti u d-divulgazzjonijiet fir-rapporti finanzjarji. Il-proċeduri magħżula jiddependu fuq il-ġudizzju tar-“Réviseur d’entreprises agréé”, inkluża l-valutazzjoni tar-riskji ta’ dikjarazzjoni skorretta materjali tal-kontijiet annwali, sew jekk minħabba frodi u sew jekk minħabba xi żball. Meta jwettaq dawk il-valutazzjonijiet tar-riskji, ir-“Réviseur d’entreprises agréé” iqis il-kontroll intern rilevanti għat-tħejjija u l-preżentazzjoni ġusta tal-kontijiet annwali mill-entità, sabiex ifassal proċeduri tal-awditjar li jkunu xierqa fiċ-ċirkustanzi, iżda mhux bl-iskop li jagħti opinjoni dwar l-effettività tal-kontroll intern tal-entità. Awditu jinkludi wkoll l-evalwazzjoni tal-adegwatezza tal-politiki kontabilistiċi użati u r-raġonevolezza tal-istimi kontabilistiċi li jsiru mill-Maniġment, kif ukoll l-evalwazzjoni tal-preżentazzjoni kumplessiva tar-rapporti finanzjarji.

Aħna nemmnu li l-evidenza għall-awditjar li ksibna hija suffiċjenti u xierqa biex tipprovdi bażi għall-opinjoni tal-awditjar tagħna.

Opinjoni

Fl-opinjoni tagħna, ir-rapporti finanzjarji jagħtu stampa vera u ġusta tal-pożizzjoni finanzjarja tal-Qorti Ewropea tal-Awdituri fil-31 ta’ Diċembru 2016, u tal-prestazzjoni finanzjarja tagħha, il-flussi tal-flus tagħha u l-bidliet fl-assi netti għas-sena li ntemmet dakinhar skont ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1), minn hawn ’il quddiem imsejjaħ ir-“Regolament Finanzjarju”; u mar-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament Finanzjarju.

RAPPORTI FINANZJARJI U NOTI TA’ SPJEGAZZJONI (1)

Karta tal-Bilanċ

(EUR)
	Nota	31 ta' Diċembru 2016	31 ta' Diċembru 2015
Assi Mhux Kurrenti
Assi intanġibbli	3.1.	3 530 432	5 021 023
Proprjetà, impjanti u tagħmir	3.2.	78 146 338	83 145 082
Ammonti riċevibbli		—	—
		81 676 770	88 166 105
Assi Kurrenti
Ammonti riċevibbli	3.3.	691 455	604 313
Flus kontanti u ekwivalenti ta' flus kontanti	3.4.	8 356 341	7 215 048
		9 047 796	7 819 361
Assi Totali		90 724 566	95 985 466
Obbligazzjonijiet Kurrenti
Provvedimenti		—	50 000
Ammonti pagabbli	3.5.	5 354 888	6 982 008
		5 354 888	7 032 008
Total tal-Obbligazzjonijiet		5 354 888	7 032 008
Assi Netti		85 369 678	88 953 458
Bilanċ pożittiv/defiċit akkumulat		88 953 458	97 320 516
Riżultat ekonomiku għas-sena		(3 583 780 )	(8 367 058 )
Assi Netti		85 369 678	88 953 458

Rapport tal-Prestazzjoni Finanzjarja

(EUR)
	Nota	2016	2015
Fondi ttrasferiti mill-Kummissjoni għal istituzzjonijiet oħra	4.1.	116 700 000	106 700 000
Dħul mill-operat amministrattiv	4.2.	20 234 812	19 326 442
Dħul operattiv ieħor	4.3.	49 328	90 141
Total tad-dħul operattiv		136 984 140	126 116 583
Spejjeż għall-persunal		(112 410 058 )	(106 959 858 )
Spejjeż relatati mal-assi	4.6.	(7 764 105 )	(6 957 504 )
Spejjeż amministrattivi oħra	4.7.	(20 351 775 )	(20 519 950 )
Spejjeż operazzjonali	4.8.	(25 270 )	(31 295 )
Total tal-ispejjeż operattivi		(140 551 208 )	(134 468 607 )
Bilanċ pożittiv/(defiċit) minn attivitajiet operattivi		(3 567 068 )	(8 352 024 )
Dħul finanzjarju	4.9.	—	14
Spejjeż finanzjarji	4.10.	(16 712 )	(15 048 )
Bilanċ pożittiv/(defiċit) minn attivitajiet mhux operattivi		(16 712 )	(15 034 )
Riżultat ekonomiku tas-sena		(3 583 780 )	(8 367 058 )

Rapport tal-Flussi tal-Flus

(EUR)
	2016	2015
Riżultat ekonomiku tas-sena	(3 583 780 )	(8 367 058 )
Attivitajiet operattivi – Aġġustamenti
Amortizzament	1 600 449	831 765
Deprezzament	6 146 461	6 120 197
Żieda/tnaqqis fil-Provvedimenti	(50 000 )	22 750
Żieda/tnaqqis fl-Ammonti riċevibbli	(87 142 )	153 611
Żieda/tnaqqis fl-Ammonti pagabbli	(1 627 120 )	(46 134 )
Flussi tal-flus netti minn attivitajiet operattivi	2 398 868	(1 284 869 )
Flussi tal-flus minn attivitajiet ta' investiment
Xiri ta' proprjetà, impjanti u tagħmir u assi intanġibbli (-)	(1 274 770 )	(1 688 898 )
Rikavati minn proprjetà, impjanti u tagħmir u assi intanġibbli (+)	17 195	5 542
Flussi tal-flus netti minn attivitajiet ta' investiment	(1 257 575 )	(1 683 356 )
Żieda/(tnaqqis) fil-Benefiċċji tal-impjegati	—	—
Żieda/(tnaqqis) nett fil-flus kontanti u fl-ekwivalenti ta' flus kontanti	1 141 293	(2 968 225 )
Flus kontanti u ekwivalenti ta' flus kontanti fil-bidu tas-sena	7 215 048	10 183 273
Flus kontanti u ekwivalenti ta' flus kontanti fi tmiem is-sena	8 356 341	7 215 048

Rapport tal-bidliet fl-Assi Netti

(EUR)
Assi netti	Bilanċ Pożittiv/(Defiċit) Akkumulat	Riżultat ekonomiku tas-sena	Total
Bilanċ fil-31.12.2015	97 320 516	(8 367 058 )	88 953 458
Allokazzjoni tar-riżultat ekonomiku tas-sena preċedenti	(8 367 058 )	8 367 058	—
Riżultat ekonomiku tas-sena	—	(3 583 780 )	(3 583 780 )
Bilanċ fil-31.12.2016	88 953 458	(3 583 780 )	85 369 678

Politiki kontabilistiċi u noti għar-rapporti finanzjarji

1.    Ġenerali

Il-Qorti Ewropea tal-Awdituri (minn hawn ’il quddiem “il-Qorti”) ġiet stabbilita bit-Trattat ta’ Brussell tat-22 ta’ Lulju 1975 u bdiet topera f’Ottubru 1977. Is-sede tagħha tinsab fil-Lussemburgu.

Missjoni tal-Qorti Ewropea tal-Awdituri Il-missjoni tal-Qorti Ewropea tal-Awdituri hija li tikkontribwixxi għat-titjib tal-ġestjoni finanzjarja tal-UE, li tippromwovi l-obbligu ta’ rendikont u t-trasparenza, u li taġixxi bħala l-gwardjan indipendenti tal-interessi finanzjarji taċ-ċittadini tal-Unjoni. Ir-rwol tal-QEA bħala l-awditur indipendenti estern tal-UE huwa li tivverifika li l-fondi tal-UE jiġu kontabilizzati b’mod korrett, li dawn jinġabru u jintnefqu skont ir-regoli u r-regolamenti rilevanti u li jkunu kisbu valur għall-flus. Il-QEA tivverifika li l-baġit tal-Unjoni Ewropea jkun ġie implimentat b’mod korrett, u li l-fondi tal-UE jkunu nġabru u ntnefqu legalment u skont il-prinċipji ta’ ġestjoni finanzjarja tajba. Il-QEA hija l-istituzzjoni tal-UE li tawditja l-finanzi tal-UE u hija impenjata li tkun organizzazzjoni effiċjenti u fuq ’il quddiem nett tal-iżviluppi fl-awditjar pubbliku u fl-amministrazzjoni pubblika.

Is-sena finanzjarja tal-Qorti tibda fl-1 ta’ Jannar u tintemm fil-31 ta’ Diċembru.

2.    Bażi legali u regoli kontabilistiċi

2.1.   Bażi tal-preżentazzjoni

Ir-rapporti finanzjarji tal-Qorti jitħejjew f’konformità mar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (1) minn hawn ’il quddiem imsejjaħ ir-“Regolament Finanzjarju” u mar-Regolament ta’ Delega tal-Kummissjoni (UE) Nru 1268/2012 (2) li jistabbilixxi regoli dettaljati tal-applikazzjoni ta’ dan ir-Regolament Finanzjarju.

2.2.   Prinċipji kontabilistiċi

Ir-rapporti finanzjarji jitħejjew fuq il-bażi ta’ regoli kontabilistiċi bbażati fuq id-dovuti, li huma bbażati fuq Standards Internazzjonali tal-Kontabbiltà għas-Settur Pubbliku (IPSAS). Dawn ir-Regoli Kontabilistiċi tal-UE jiġu adottati mill-Uffiċjal tal-Kontabbiltà tal-Kummissjoni wara konsultazzjoni tal-istituzzjonijiet l-oħra.

Il-prinċipji kontabilistiċi li għandhom jiġu segwiti waqt it-tħejjija tar-rapporti finanzjarji huma stabbiliti fir-Regola Kontabilistika Nru 1 tal-UE, intitolata “Rapporti Finanzjarji” u huma l-istess bħal dawk deskritti fl-IPSAS 1, jiġifieri: preżentazzjoni ġusta, ibbażati fuq id-dovuti, negozju avvjat, konsistenza tal-preżentazzjoni, aggregazzjoni, tpaċija u informazzjoni komparattiva. Il-karatteristiki kwalitattivi tar-rappurtar finanzjarju skont l-Artikolu 144 tar-Regolament Finanzjarju huma li jkun rilevanti, affidabbli, li jista’ jinftiehem u komparabbli.

F’konformità mal-IPSAS u mal-prinċipji ta’ kontabbiltà ġeneralment aċċettatti, ir-rapporti finanzjarji neċessarjament jinkludu ammonti bbażati fuq stimi u suppożizzjonijiet mill-maniġment abbażi tal-informazzjoni l-aktar affidabbli li tkun disponibbli.

2.3.   Munita u bażi għall-konverżjoni

Ir-rapporti finanzjarji jiġu ppreżentati f’euro billi l-euro hija l-munita funzjonali u tar-rappurtar li tintuża mill-UE.

Tranżazzjonijiet f’munita barranija jissarrfu f’euro bl-użu tar-rata tal-kambju li tkun prevalenti fid-data tat-tranżazzjoni.

Qligħ u telf mill-kambju li jirriżultaw mis-saldu ta’ tranżazzjonijiet f’munita barranija, u mit-tisrif bir-rati tal-kambju fi tmiem is-sena tal-assi u l-obbligazzjonijiet monetarji denominati f’muniti barranin, jiġu kontabilizzati fir-rapport tal-prestazzjoni finanzjarja.

Bilanċi fi tmiem is-sena tal-assi u l-obbligazzjonijiet monetarji denominati f’muniti barranin jinbidlu f’euro fuq il-bażi tar-rati tal-kambju fil-31 ta’ Diċembru.

2.4.   Assi intanġibbli

Liċenzji akkwistati ta’ softwer tal-kompjuters jiġu kontabilizzati bil-kost storiku bit-tnaqqis tal-amortizzament akkumulat u t-telf minn indeboliment. L-assi jiġu amortizzati fuq bażi lineari fuq perjodu ta’ erba’ snin. Assi intanġibbli żviluppati internament jiġu kapitalizzati meta l-kriterji rilevanti tar-regoli kontabilistiċi tal-UE jiġu ssodisfati. Il-kostijiet li jistgħu jiġu kapitalizzati jinkludu l-kostijiet kollha direttament attribwibbli li jkunu meħtieġa biex jinħoloq, jiġi prodott u jitħejja l-assi biex dan ikun jista’ jopera bil-mod previst mill-maniġment tal-Qorti. Kostijiet assoċjati ma’ attivitajiet ta’ riċerka, kostijiet tal-iżvilupp mhux kapitalizzat u kostijiet tal-manutenzjoni jiġu kontabilizzati bħala spejjeż hekk kif jiġġarrbu.

2.5.   Proprjetà, impjanti u tagħmir

Il-proprjetà, l-impjanti u t-tagħmir kollha jiġu kontabilizzati bil-kost storiku bit-tnaqqis tad-deprezzament akkumulat u t-telf minn indeboliment. Il-kost storiku jinkludi l-infiq li jkun direttament attribwibbli għall-akkwiżizzjoni jew għall-kostruzzjoni tal-assi.

Il-kostijiet sussegwenti jiġu inklużi fl-ammont riportat tal-assi jew rikonoxxuti bħala assi separat, kif meħtieġ, fil-każ biss meta jkun probabbli li l-benefiċċji ekonomiċi futuri, jew il-potenzjal ta’ servizz futur assoċjati ma’ dan l-assi jkunu se jmorru għand il-Qorti u l-kost tiegħu jkun jista’ jitkejjel b’mod affidabbli. Kostijiet tat-tiswija u tal-manutenzjoni jiġu ddebitati fir-rapport tal-prestazzjoni finanzjarja matul il-perjodu finanzjarju li fih jiġġarrbu. Billi l-Qorti ma tissellifx flus biex tiffinanzja l-akkwiżizzjoni ta’ proprjetà, impjanti u tagħmir, ma hemm l-ebda kost tas-self relatat ma’ dawn ix-xirjiet.

Assi li jkunu suġġetti għad-deprezzament jiġu eżaminati għal indeboliment, kull meta avvenimenti jew bidliet fiċ-ċirkustanzi jkunu jindikaw li l-ammont riportat jista’ ma jkunx rekuperabbli. Telf minn indeboliment jiġi kontabilizzat bħala l-ammont li bih l-ammont riportat tal-assi jkun jeċċedi l-ammont rekuperabbli tiegħu.

Art u xogħlijiet tal-arti ma jiġux deprezzati billi jitqiesu li għandhom ħajja utli indefinita. Assi taħt kostruzzjoni ma jiġux deprezzati billi dawn l-assi jkunu għadhom mhumiex disponibbli għall-użu. Deprezzament fuq assi oħrajn jiġi kkalkulat bl-użu tal-metodu lineari biex il-kost tagħhom jiġi allokat lill-valuri residwi tagħhom fuq il-ħajja utli stmata tagħhom, kif ġej:

Bini	4 %
Impjanti, makkinarju u għodod	12,5  % – 25 %
Għamara u flotta tal-vetturi	10 % – 25 %
Hardwer tal-kompjuters	25 %
Installazzjonijiet u immuntar oħra	12,5  % – 25 %

2.6.   Provvedimenti

Provvedimenti jiġu kontabilizzati meta l-Qorti jkollha obbligu attwali ġuridiku jew kostruttiv, lejn partijiet terzi b’riżultat ta’ avvenimenti fil-passat, ikun aktar probabbli milli le li jkun jinħtieġ ħruġ ta’ riżorsi għas-saldu tal-obbligu, u l-ammont ikun jista’ jiġi stmat b’mod affidabbli. Ma jiġux kontabilizzati provvedimenti għal telf operattiv fil-futur. L-ammont tal-provvediment huwa l-aħjar stima tan-nefqiet mistennija li jkunu meħtieġa għas-saldu tal-obbligu attwali fid-data tar-rappurtar.

2.7.   Kontabilizzar tal-ispejjeż

F’konformità mar-regoli kontabilistiċi tal-UE, tranżazzjonijiet u avvenimenti jiġu kontabilizzati fir-rapporti finanzjarji fil-perjodu li għalih huma jirrelataw. Fi tmiem il-perjodu kontabilistiku, l-ispejjeż dovuti jiġu kontabilizzati fuq il-bażi ta’ ammont stmat tal-obbligu tat-trasferiment għall-perjodu. Il-kalkolu tal-ispejjeż dovuti jsir skont il-linji gwida operazzjonali u prattiċi dettaljati maħruġa mill-Uffiċjal tal-Kontabbiltà li għandhom il-għan li jiżguraw li r-rapporti finanzjarji jirriflettu stampa vera u ġusta.

2.8.   Obbligazzjonijiet kontinġenti

Obbligazzjoni kontinġenti hija obbligu possibbli li jirriżulta minn avvenimenti li jkunu seħħew fil-passat u li l-eżistenza tiegħu tkun ikkonfermata biss bl-okkorrenza jew bin-nuqqas ta’ okkorrenza ta’ avveniment wieħed jew aktar fil-futur li jkunu inċerti u li ma jkunux kompletament fil-kontroll tal-UE; jew obbligu attwali li jirriżulta minn avvenimenti li jkunu seħħew fil-passat iżda li ma jiġix kontabilizzat għax: mhuwiex probabbli li l-ħruġ ta’ riżorsi li jinkorporaw benefiċċji ekonomiċi jew potenzjal tas-servizz ikun meħtieġ għas-saldu tal-obbligu jew fiċ-ċirkustanzi rari fejn l-ammont tal-obbligu ma jkunx jista’ jitkejjel b’mod affidabbli biżżejjed.

3.    Noti għall-Karta tal-Bilanċ

ASSI MHUX KURRENTI

3.1.   Assi intanġibbli

Il-movimenti fl-assi intanġibbli matul is-sena 2016 kienu:

(EUR)
Ammonti riportati grossi fil-31.12.2015	7 667 601
Żidiet	109 858
Disponimenti	—
Trasferiment bejn il-kategoriji tal-assi	—
Bidliet oħra	—
Ammonti riportati grossi 31.12.2016	7 777 459
Amortizzament akkumulat fil-31.12.2015	(2 646 578 )
Debitu tal-amortizzament għas-sena	(1 600 449 )
Amortizzament imnaqqas	—
Disponimenti	—
Trasferiment bejn il-kategoriji tal-assi	—
Amortizzament akkumulat fil-31.12.2016	(4 247 027 )
Ammonti riportati netti 31.12.2016	3 530 432
Ammonti riportati netti 31.12.2015	5 021 023

L-ammonti ta' hawn fuq huma relatati primarjament ma' softwer tal-kompjuters.

Fl-2016 ma ġie kontabilizzat l-ebda kost assoċjat ma’ attivitajiet ta’ riċerka.

3.2.   Proprjetà, Impjanti u Tagħmir

Il-movimenti fi Proprjetà, impjanti u tagħmir matul is-sena 2016 kienu:

(EUR)
	Art u Bini	Impjanti u tagħmir	Għamara u vetturi	Hardwer tal-kompjuters	Installazzjonijiet u immuntar oħra	Assi tanġibbli taħt kostruzzjoni	Total
Ammonti riportati grossi fil-31.12.2015	125 117 299	885 583	4 881 674	4 092 395	2 261 979	—	137 238 930
Żidiet	62 007	61 727	378 085	527 504	126 589	9 000	1 164 912
Disponimenti	—	(8 050 )	(36 904 )	(198 485 )	(125 611 )	—	(369 050 )
Trasferiment bejn il-kategoriji tal-assi	—	—	—	—	—	—	—
Bidliet oħra	—	—	—	—	—	—	—
Ammonti riportati grossi 31.12.2016	125 179 306	939 260	5 222 855	4 421 414	2 262 957	9 000	138 034 792
Deprezzament akkumulat fil-31.12.2015	(46 453 274 )	(641 813 )	(2 480 283 )	(2 847 133 )	(1 671 344 )	—	(54 093 847 )
Debitu tad-deprezzament għas-sena	(4 608 357 )	(120 064 )	(456 007 )	(746 416 )	(215 617 )	—	(6 146 461 )
Deprezzament imnaqqas	—	7 595	32 035	190 708	121 517	—	351 855
Disponimenti	—	—	—	—	—	—	—
Trasferiment bejn il-kategoriji tal-assi	—	—	—	—	—	—	—
Deprezzament akkumulat fil-31.12.2016	(51 061 631 )	(754 282 )	(2 904 255 )	(3 402 841 )	(1 765 444 )	—	(59 888 453 )
Ammonti riportati netti 31.12.2016	74 117 675	184 978	2 318 600	1 018 573	497 513	9 000	78 146 339
Ammonti riportati netti 31.12.2015	78 664 025	243 770	2 401 391	1 245 262	590 635	—	83 145 083

ASSI KURRENTI

3.3.   Ammonti riċevibbli

(EUR)
	31 ta' Diċembru 2016	31 ta' Diċembru 2015
Ammonti riċevibbli kurrenti prinċipalment dovuti għat-trasferiment tad-drittijiet tal-pensjoni nazzjonali mill-persunal	(4 123 )	3 795
Ammonti riċevibbli varji prinċipalment relatati mal-pagamenti bil-quddiem ta' salarji u ta' spejjeż tal-missjonijiet	134 738	66 833
Debiti differiti għal kiri ta' bini u kuntratti tal-IT	551 166	533 685
Ammonti riċevibbli minn entitajiet tal-UE	9 674	—
Total	691 455	604 313

3.4.   Flus kontanti u ekwivalenti ta’ flus kontanti

(EUR)
	31 ta' Diċembru 2016	31 ta' Diċembru 2015
Flus kontanti għal spejjeż żgħar (petty cash)	1 000	1 000
Kont kurrenti tal-bank	1 447 332	180 564
Kont fiduċjarju	6 908 009	7 033 484
Total	8 356 341	7 215 048

Fis-27 ta’ Jannar 2010 nfetaħ kont fiduċjarju mill-Qorti Ewropea tal-Awdituri mal-Banque et Caisse d’Épargne de l’État, il-Lussemburgu. Dan il-kont fiduċjarju ppermetta lill-Qorti timmaniġġja l-baġit mogħti mill-awtorità baġitarja fir-rigward tal-proġett tal-bini K3 (ara n-Nota 5.3). Fl-14 ta’ Marzu 2014, il-Qorti talbet lill-Parlament Ewropew u lill-Kunsill biex jippermettu l-użu tal-ammont li kien stmat li fadal mill-baġit allokat lill-proġett tal-bini K3 (EUR 7 miljun) għat-titjib tekniku u obbligatorju u li kien neċessarju tal-bini K2 tal-Qorti. Din il-proposta ġiet approvata mill-Parlament Ewropew u mill-Kunsill fl-1 ta’ April 2014. Fit-23 ta’ Marzu 2015, il-Qorti ħabbret lill-Parlament Ewropew u lill-Kunsill li l-ammont finali li kien fadal mill-baġit allokat lill-proġett tal-bini K3 kien jammonta għal EUR 9,4 miljun u, billi l-kost stmat għat-titjib tal-bini K2 kien ta’ EUR 7 miljun, fit-12 ta’ Mejju 2015, intraddu lura EUR 2,4 miljun għall-baġit tal-UE. Il-pagamenti għall-bini K2 li saru fl-2016 kienu jammontaw għal EUR 125 475,01.

OBBLIGAZZJONIJIET KURRENTI

3.5.   Ammonti pagabbli

(EUR)
	31 ta' Diċembru 2016	31 ta' Diċembru 2015
Ammonti pagabbli kurrenti	88 815	61 781
Ammonti pagabbli varji relatati mas-salarji u mal-persunal	(14 199 )	(30 952 )
Debiti dovuti	5 148 263	6 791 296
Kontijiet pagabbli lill-entitajiet konsolidati tal-UE prinċipalment lill-Kunsill u lill-Parlament Ewropew	132 009	159 883
Total	5 354 888	6 982 008

4.    Noti għar-Rapport tal-Prestazzjoni Finanzjarja

4.1.

“Fondi ttrasferiti mill-Kummissjoni għal istituzzjonijiet oħra”: dan l-ammont jikkorrispondi għas-sejħiet ta’ kull xahar għal fondi li jsiru mill-Qorti lill-Kummissjoni biex tikkredita l-kont bankarju tagħha mill-ġdid.

4.2.

“Dħul mill-operat amministrattiv”: fil-biċċa l-kbira, din l-intestatura hija magħmula minn tnaqqis ta’ taxxa u ta’ kontribuzzjonijiet soċjali mis-salarji tal-Membri u tal-persunal fir-rigward.

4.3.

“Dħul operattiv ieħor” jirriżulta, fost l-oħrajn, minn qligħ mir-rati tal-kambju.

4.4.

Ġie ġġenerat dħul minn tranżazzjonijiet tal-kambju u minn tranżazzjonijiet mhux relatati mal-kambju kif ġej: (EUR)   2016 2015 Dħul minn tranżazzjonijiet tal-kambju 59 002 90 155 Dħul minn tranżazzjonijiet mhux tal-kambju 136 925 138 126 026 442 Total tad-dħul 136 984 140 126 116 597

4.5.

“Spejjeż għall-persunal” jinkludu s-salarji tal-Membri, tal-persunal statutorju, tal-aġenti kuntrattwali u tal-persunal temporanju.

4.6.

“Spejjeż relatati mal-assi” jikkonsistu fid-deprezzament/amortizzament tal-assi tanġibbli u intanġibbli.

4.7.

Il-partiti l-aktar sinifikanti ta’ “spejjeż amministrattivi oħra” kienu:

—	IT u telekomunikazzjoni

—	Spejjeż tal-missjonijiet

—	Servizzi ta’ tindif u ta’ sigurtà.

4.8.

“Spejjeż operazzjonali” jirriżultaw fost oħrajn minn telf mir-rati tal-kambju.

4.9.

“Dħul finanzjarju” jikkonsisti fi mgħax bankarju gwadanjat fuq il-kontijiet kurrenti u fiduċjarji tal-Qorti.

4.10.

“Spejjeż finanzjarji” huma debiti bankarji imposti fuq il-kontijiet kurrenti u fiduċjarji tal-Qorti.

5.    Divulgazzjonijiet sinifikanti oħra

5.1.   Assi kontinġenti

Il-garanziji bankarji li ġejjin ingħataw mill-fornituri f’konformità mal-obbligi kuntrattwali:

(EUR)
	31 ta' Diċembru 2016	31 ta' Diċembru 2015
Rinnovazzjoni tal-bini	251 139	80 353
Ġestjoni tal-proġett tal-bini K3	10 339	110 339
Kumpanija tal-assigurazzjoni	1 361	1 361
Telekomunikazzjoni	20 000	20 000
Appoġġ metodoloġiku EMAS	4 680	4 680
Total	287 519	216 733

5.2.   Impenji għal finanzjament futur

(EUR)
	31 ta' Diċembru 2016	31 ta' Diċembru 2015
Kiri operazzjonali għall-Binjiet	875 000	797 500
Kiri operazzjonali għal materjal tal-IT, karozzi u tagħmir ieħor	2 156 313	1 350 635
Subtotal	3 031 313	2 148 135
Impenji kontra approprjazzjonijiet li għadhom ma ġewx ikkunsmati – RAL (“Restant à liquider”) -, wara t-tnaqqis tad-dovuti għall-2016	8 166 271	7 253 338
Total	11 197 584	9 401 473

Ir-RAL huwa element tal-kontabbiltà baġitarja li jirrappreżenta l-valur ta’ impenji pendenti. Huwa d-differenza bejn l-impenji li jkunu saru u l-pagamenti, minħabba l-intervall ta’ żmien bejn meta jsir impenn u meta jseħħ il-pagament relatat.

5.3.   Il-proġetti tal-binjiet tal-Qorti

Il-Qorti okkupat il-bini prinċipali tagħha (il-bini “K1”) fl-1988 u xtratu bl-art li jinsab fuqha fl-1990. Fl-1999, il-Qorti ffirmat ftehim qafas mal-Istat tal-Lussemburgu li permezz tiegħu hija ngħatat id-dritt li tuża biċċa art oħra għal 49 sena (ftehim li seta’ jiġġedded darba) għall-kostruzzjoni ta’ estensjoni (il-bini “K2”) għal pagament ta’ EUR 1. Madankollu, għat-tieni estensjoni, il-bini “K3”, minħabba arranġamenti differenti għat-twettiq tal-proġett, kien jinħtieġ li l-Istat tal-Lussemburgu u l-Qorti jikkonkludu ftehim qafas ġdid u dan sar fit-22 ta’ Frar 2008.

Rigward iż-żewġ biċċiet art relatati maż-żewġ estensjonijiet (“K2” u “K3”) imsemmija hawn fuq, l-Istat biegħhom lill-Qorti bil-prezz simboliku ta’ EUR 1.

Min-naħa tagħha, jekk il-Qorti qatt tikkunsidra li ċċedi xi waħda minn dawn il-binjiet lil parti terza li ma tkunx korp jew istituzzjoni tal-Unjoni, il-Qorti tkun trid trodd lura s-sjieda tal-art liIl-Istat bil-prezz simboliku ta’ EUR 1, u dan tal-aħħar ikollu wkoll l-possibbiltà li jixtri l-bini bi prezz li jiġi determinat minn espert indipendenti. F’każ li l-Istat jiddeċiedi li ma jużax din il-possibbiltà, huwa jkun irid jagħti d-dritt tal-użu tal-art lix-xerrejja tal-bini.

5.4.   Obbligazzjonijiet kontinġenti

Ma hemm l-ebda obbligazzjoni kontinġenti.

---

(1)  In-noti hawn mehmuża jiffurmaw parti integrali minn dawn ir-rapporti finanzjarji.

(1)  ĠU L 298, 26.10.2012, p. 1.

(2)  ĠU L 362, 31.12.2012, p. 1.

INFORMAZZJONI DWAR IL-BAĠIT GĦAS-SENA FINANZJARJA 2016

A.   Komputazzjoni tar-riżultat tal-baġit

Ir-riżultat tal-baġit tas-sena jiġi komputat fuq il-bażi taċ-ċifri tal-implimentazzjoni baġitarja.

(EUR)
Pagamenti fuq approprjazzjonijiet tas-sena 2016	(126 932 174 )
Pagamenti li saru mir-riport ta' approprjazzjonijiet ta' pagament	(8 724 144 )
Pagamenti fuq approprjazzjonijiet relatati ma' dħul assenjat	(24 845 )
Ordnijiet ta' rkupru tas-sena, imsarrfa fi flus kontanti matul is-sena 2016	20 272 767
Ordnijiet ta' rkupru baġitarju maħruġa qabel l-2016 u msarrfa fi flus kontanti fis-sena 2016	6 250
Aġġustament fuq ordnijiet ta' rkupru minn snin preċedenti	—
Approprjazzjonijiet ta' pagament riportati għall-2016	(9 303 863 )
Approprjazzjoni riportata minn snin preċedenti	9 235 061
Aġġustament għar-riport mis-sena preċedenti ta' approprjazzjonijiet disponibbli fil-31.12 li jirriżultaw minn dħul assenjat	62 478
Riżultat tal-baġit	(115 408 470 )

B.   Rikonċiljazzjoni tar-riżultat ekonomiku mar-riżultat tal-baġit

(EUR)
Riżultat ekonomiku tas-sena		(3 583 780 )
Aġġustament għal partiti inklużi fir-riżultat ekonomiku iżda mhux fir-riżultat tal-baġit		(101 600 197 )
	Differenza bejn id-dovuti fi tmiem is-sena preċedenti u dawk fi tmiem is-sena kurrenti	(1 274 563 )
	Ammont mill-kont ta' kollegament mal-Kummissjoni kkontabilizzat fil-Kont tar-Riżultat Ekonomiku	(116 700 000 )
	Fatturi mhux imħallsa fi tmiem is-sena iżda kkontabilizzati fid-debiti (klassi 6)	(407 496 )
	Deprezzament ta' assi intanġibbli u tanġibbli	7 989 618
	Provvedimenti	—
	Tnaqqis fil-valur	—
	Ordnijiet ta' rkupru maħruġa fl-2016 fi klassi 7 li għadhom ma ssarrfux fi flus kontanti	—
	Pagamenti li saru mir-riport ta' approprjazzjonijiet ta' pagament	8 724 144
	Oħrajn	85 193
	Differenzi fir-rati tal-kambju	(17 093 )
Aġġustament għal partiti inklużi fir-riżultat tal-baġit iżda mhux fir-riżultat ekonomiku		(10 224 493 )
	Akkwiżizzjonijiet tal-assi (imħallsa matul is-sena)	(1 500 283 )
	Ordnijiet ta' rkupru baġitarji maħruġa qabel l-2016 u msarrfa fi flus kontanti fis-sena	6 250
	Approprjazzjonijiet ta' pagament riportati għall-2016	(9 303 863 )
	Kanċellazzjoni ta' approprjazzjonijiet ta' pagament mhux użati u li ġew riportati mis-sena preċedenti	510 917
	Aġġustament għar-riport mis-sena preċedenti ta' approprjazzjonijiet disponibbli fil-31.12 li jirriżultaw minn dħul assenjat	62 479
	Pagamenti għal pensjonijiet (dawn huma pagamenti baġitarji iżda kkontabilizzati kontra l-provvedimenti)	—
	Oħrajn	7
Riżultat tal-baġit		(115 408 470 )

RAPPORT TA’ AĊĊERTAMENT INDIPENDENTI

Lill-Maniġment tal-

Qorti Ewropea tal-Awdituri

Aħna eżaminajna li r-riżorsi finanzjarji assenjati mill-Kummissjoni Ewropea lill-Qorti Ewropea tal-Awdituri (minn hawn ’il quddiem il-“Qorti”) intużaw għall-iskopijiet intenzjonati tagħhom u li l-proċeduri ta’ kontroll li ġew stabbiliti mill-uffiċjali awtorizzanti jipprovdu l-garanziji meħtieġa biex tiġi żgurata l-konformità tal-operazzjonijiet finanzjarji mar-regoli u r-regolamenti applikabbli għar-riżorsi finanzjarji li kienu disponibbli u li ntużaw għall-perjodu mill-1 ta’ Jannar 2016 sal-31 ta’ Diċembru 2016.

Iż-żamma ta’ kotba u reġistri u l-istabbiliment u ż-żamma ta’ kontrolli xierqa huma r-responsabbiltà tal-Maniġment tal-Qorti. Ir-responsabbiltà tagħna hija li nesprimu l-opinjoni tagħna bbażata fuq l-eżaminar li wettaqna.

Aħna wettaqna dan l-eżaminar skont l-Istandard Internazzjonali dwar Inkarigi ta’ Aċċertament: “Assurance Engagements other than Audits or Reviews of Historical Financial Information” (Inkarigi ta’ Aċċertament li ma jinkludux Awditi jew Analiżijiet ta’ Informazzjoni Finanzjarja Storika) (ISAE 3000), hekk kif adottat mill-“Commission de Surveillance du Secteur Financier”. Dan l-istandard jirrikjedi li aħna nippjanaw u nwettqu l-eżaminar tagħna b’tali mod li l-użu skorrett tar-riżorsi li materjalment jaffettwa l-kotba tal-Qorti jinqabad b’aċċertament raġonevoli. Xogħolna kien jikkonsisti primarjament f’eżaminar fuq bażi ta’ testijiet u ta’ kampjuni, evidenza li ssostni l-fatt li:

—	Ir-riżorsi assenjati lill-Qorti ntużaw għall-iskopijiet intenzjonati tagħhom;

—	Il-proċeduri ta’ kontroll stabbiliti jipprovdu l-garanziji meħtieġa biex tiġi żgurata l-konformità tal-operazzjonijiet finanzjarji mar-regoli u r-regolamenti applikabbli.

Il-kriterji użati għall-eżaminar tagħna huma r-regoli u r-regolamenti li ġejjin:

—

Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta’ Ottubru 2012 dwar ir-regoli finanzjarji applikabbli għall-baġit ġenerali (minn hawn ’il quddiem il-“Baġit”) tal-Unjoni u li jħassar ir-Regolament tal-Kunsill (KE, Euratom) Nru 1605/2002 (minn hawn ’il quddiem ir-“Regolament Finanzjarju”);

—

Ir-Regolament ta’ Delega tal-Kummissjoni (UE) Nru 1268/2012 tad-29 ta’ Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (minn hawn ’il quddiem ir-“Regoli ta’ Implimentazzjoni”);

—

Ir-Regoli ta’ Proċedura tal-Qorti tal-Awdituri tal-11 ta’ Marzu 2010, b’mod partikolari l-Artikolu 15 tagħhom, u d-Deċiżjoni Nru 26-2010 tal-11 ta’ Marzu 2010 kif emendata mill-Qorti fit-3 ta’ April 2014 li tistabbilixxi r-regoli għall-implimentazzjoni tar-Regoli ta’ Proċedura, b’mod partikolari l-Artikolu 38 ta’ dik id-Deċiżjoni;

—

Id-Deċiżjoni Nru 54-2016 tal-Qorti Ewropea tal-Awdituri dwar ir-regoli interni għall-implimentazzjoni tal-Baġit tagħha tat-12 ta’ Settembru 2016. Dawn id-dispożizzjonijiet jiffurmaw parti mill-proċeduri stabbiliti bit-Trattati, jew il-ftehimiet magħmula permezz tagħhom, li jikkonċernaw il-proċess operazzjonali marbut mal-implimentazzjoni tal-Baġit.

B’mod partikolari, ir-Regoli Interni li ġejjin intużaw bħala kriterji:

—	L-Artikolu 7.1 – Firem – Kull waħda mill-partijiet involuti fl-abbozzar, il-kontroll u r-reġistrazzjoni ta’ operazzjonijiet biex jiġi stabbilit u rkuprat id-dħul jew biex jiġu impenjati somom u biex isiru pagamenti għandha tiffirma u tniżżel id-data tal-involviment tagħha;

—

L-Artikolu 8 – Proġetti immobiljari – Il-President għandu jippreżenta lill-Parlament Ewropew u lill-Kunsill kwalunkwe proġett immobiljari li x’aktarx ikollu implikazzjonijiet finanzjarji sinifikanti għall-baġit tal-Qorti. Qabel ma l-Qorti tagħti l-approvazzjoni tagħha għal kwalunkwe impenn kuntrattwali li jikkonċerna tali proġett, is-servizz responsabbli għandu jippreżenta dokument ta’ spjegazzjoni li jiġġustifika l-kompatibbiltà tal-proġett mal-qafas finanzjarju;

—	L-Artikolu 11.2 – Qabel ma jiffirmaw, il-persuni li jkollhom is-setgħa jiffirmaw ordnijiet ta’ trasferiment ta’ kreditu bankarju għandhom jivverifikaw, b’mod partikolari, li l-ordnijiet ta’ trasferiment ta’ kreditu bankarju jikkorrispondu għall-ordnijiet ta’ pagament;

—	L-Artikolu 17.2 – It-talba għal trasferiment għandha tkun akkumpanjata mill-informazzjoni enumerata fl-Artikolu 17.2;

—

L-Artikolu 18.4 – L-Uffiċjal tal-Kontabbiltà għandu jqiegħed għad-dispożizzjoni tal-uffiċjali awtorizzanti, permezz tas-sistema ċentrali tal-IT, lista ta’ ammonti li għandhom jiġu riportati. L-uffiċjali awtorizzanti għandhom ikunu responsabbli biex jiżguraw li, fi tmiem is-sena, l-uniċi ammonti riportati jkunu dawk li fir-rigward tagħhom ikun hemm obbligu legali li jsir dan;

—	L-Artikolu 20.1 – Inventarji tal-proprjetà – Għandu jinżamm inventarju ta’ assi tanġibbli f’database komuni għall-uffiċjali awtorizzanti kollha f’konformità mal-proċeduri stabbiliti mis-Segretarju Ġenerali, wara konsultazzjoni mal-Uffiċjal tal-Kontabbiltà;

—	L-Artikolu 22.1 – Proċeduri minimi ta’ ġestjoni u ta’ kontroll intern – Il-proċeduri ta’ ġestjoni u ta’ kontroll intern għandhom jitfasslu mill-uffiċjali awtorizzanti f’konformità mal-istandards minimi ta’ kontroll intern adottati mill-Qorti.

Aħna nemmnu li l-eżaminar li wettaqna jipprovdi bażi raġonevoli għall-opinjoni tagħna.

Fuq il-bażi tax-xogħol tagħna deskritt f’dan ir-rapport, ma hemm xejn li laqat l-attenzjoni tagħna biex iġegħilna nemmnu li fl-aspetti materjali kollha u bbażat fuq il-kriterji deskritti hawn fuq:

—	Ir-riżorsi assenjati lill-Qorti ma ntużawx għall-iskopijiet intenzjonati tagħhom;

—	Il-proċeduri ta’ kontroll stabbiliti ma jipprovdux il-garanziji meħtieġa biex jiżguraw il-konformità tal-operazzjonijiet finanzjarji mar-regoli u r-regolamenti applikabbli.

Ir-rapport li ħejjejna huwa biss għall-iskop indikat fl-ewwel paragrafu u għall-informazzjoni tal-Qorti u ma għandu jintuża għall-ebda skop ieħor jew jitqassam lil partijiet terzi, ħlief biex jiġi ppubblikat fil-Ġurnal Uffiċjali Ewropew.