2fea9864-7d4e-11f0-9af8-01aa75ed71a1

Dokument je izvleček s spletišča EUR-Lex.

EUROPA
Začetna stran EUR-Lex
EUR-Lex - 2fea9864-7d4e-11f0-9af8-01aa75ed71a1 - SL

Pomoč

Nasveti za iskanje

Želite več možnosti iskanja? Uporabite Napredno iskanje

Dokument 2fea9864-7d4e-11f0-9af8-01aa75ed71a1

Pomoč

Konsolidirano besedilo: Regolament ta’ Implimentazzjoni tal-Kummissjoni (UE) 2024/1186 tal-24 ta’ April 2024 dwar l-awtorizzazzjoni taż-żejt essenzjali tal-qoxra tal-kannella u taż-żejt essenzjali tal-weraq tal-kannella minn Cinnamomum verum J. Presl bħala addittivi tal-għalf għal ċerti speċijiet tal-annimali (Test b’rilevanza għaż-ŻEE)

Dostop do prvotnega pravnega akta

(

Pravni status dokumenta V veljavi

)

05/08/2025

HTML

PDF

02024R1186 — MT — 05.08.2025 — 001.001

Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument

►B

REGOLAMENT TA’ IMPLIMENTAZZJONI TAL-KUMMISSJONI (UE) 2024/1186

tal-24 ta’ April 2024

dwar l-awtorizzazzjoni taż-żejt essenzjali tal-qoxra tal-kannella u taż-żejt essenzjali tal-weraq tal-kannella minn Cinnamomum verum J. Presl bħala addittivi tal-għalf għal ċerti speċijiet tal-annimali

(Test b’rilevanza għaż-ŻEE)

(ĠU L 1186 25.4.2024, p. 1)

Emendat bi:

		Il-Ġurnal Uffiċjali
		Nru	Paġna	Data
►M1	REGOLAMENT TA’ IMPLIMENTAZZJONI TAL-KUMMISSJONI (UE) 2025/1391 tal-15 ta’ Lulju 2025	L 1391	1	16.7.2025

▼B

REGOLAMENT TA’ IMPLIMENTAZZJONI TAL-KUMMISSJONI (UE) 2024/1186

tal-24 ta’ April 2024

(Test b’rilevanza għaż-ŻEE)

Artikolu 1

Awtorizzazzjoni

Is-sustanzi speċifikati fl-Anness, li jaqgħu taħt il-kategorija tal-addittivi “addittivi sensorjali” u l-grupp funzjonali “komposti aromatizzanti”, huma awtorizzati bħala addittivi fin-nutrizzjoni tal-annimali, soġġett għall-kundizzjonijiet stabbiliti f’dak l-Anness.

Artikolu 2

Irtirar mis-suq

L-addittivi tal-għalf żejt essenzjali tal-qoxra tal-kannella u taż-żejt essenzjali tal-weraq tal-kannella minn Cinnamomum verum J. Presl, kif awtorizzat skont id-Direttiva 70/524/KEE, għandhom jiġu rtirati mis-suq fir-rigward tal-ispeċijiet u l-kategoriji tal-annimali għajr dawk imsemmija fl-Anness.

Artikolu 3

Miżuri tranżizzjonali relatati mal-awtorizzazzjoni

L-addittivi tal-għalf imsemmija fl-Artikolu 2 u t-taħlitiet lesti minn qabel li fihom dawk l-addittiv, li jiġu prodotti u ttikkettati qabel il-15 ta’ Novembru 2024 f’konformità mar-regoli applikabbli qabel il-15 ta’ Mejju 2024 jistgħu jibqgħu jiġu introdotti fis-suq u jintużaw fir-rigward tal-ispeċijiet u tal-kategoriji tal-annimali msemmija fl-Anness sakemm jispiċċaw l-istokkijiet eżistenti.

L-għalf kompost u l-materjali tal-għalf li jkun fihom l-addittivi imsemmija fl-Artikolu 2, li jiġu prodotti u ttikkettati qabel il-15 ta’ Mejju 2025 f’konformità mar-regoli applikabbli qabel il-15 ta’ Mejju 2024 jistgħu jibqgħu jiġu introdotti fis-suq u jintużaw fir-rigward tal-ispeċijiet u tal-kategoriji tal-annimali msemmija fl-Anness sakemm jispiċċaw l-istokkijiet eżistenti.

Artikolu 4

Miżuri tranżizzjonali relatati mal-irtirar mis-suq

Il-ħażniet eżistenti tal-addittivi tal-għalf imsemmi fl-Artikolu 2 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness sal-15 ta’ Mejju 2025.

It-taħlitiet lesti minn qabel prodotti bl-addittivi tal-għalf imsemmi fil-paragrafu 1 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness sal-15 ta’ Awwissu 2025.

L-għalf kompost u l-materjali tal-għalf prodotti bl-addittivi tal-għalf imsemmi fil-paragrafu 1 jew bit-taħlitiet lesti minn qabel imsemmija fil-paragrafu 2 jistgħu jibqgħu jiġu introdotti fis-suq u jintużaw fir-rigward tal-ispeċijiet u l-kategoriji tal-annimali għajr dawk imsemmija fl-Anness użati sal-15 ta’ Mejju 2026.

Artikolu 5

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

ANNESS

Numru ta’ identifikazzjoni tal-addittiv tal-għalf	Addittiv	Kompożizzjoni, formula kimika, deskrizzjoni, metodu analitiku.	Speċi jew kategorija tal-annimal	Età massima	Kontenut minimu	Kontenut massimu	Dispożizzjonijiet oħra	Tmiem il-perjodu ta’ awtorizzazzjoni
					mg tas-sustanza attiva/kg ta’ għalf komplet b’kontenut ta’ ndewwa ta’ 12 %
Kategorija: Addittivi sensorjali. Grupp funzjonali: Komposti aromatizzanti
2b133-eo					Żejt essenzjali tal-qoxra tal-kannella	Kompożizzjoni tal-addittiv Żejt essenzjali miksub mill-qoxra ta’ Cinnamomum verum J. Presl Għamla likwida Karatterizzazzjoni tas-sustanza attiva Żejt essenzjali miksub mill-qoxra ta’ Cinnamomum verum J. Presl permezz tad-distillazzjoni bil-fwar u mbagħad separat mill-fażi milwiema permezz ta’ dekantazzjoni kif definit mill-Kunsill tal-Ewropa (1). Speċifikazzjonijiet — (E)-Ċinnamaldeid: 55–75 % — Ewġenol: ≤ 7,5 % — β-Karjofillen: 1,0–7,5 % — Linalol: 1,0–7,5 % — Safrol: ≤ 0,34 % ►M1 — Metilewġenol: ≤ 0,004 % ◄ — Stiren ≤ 0,024 % — Ganfra: ≤ 0,018 % — Kumarina: ≤ 0,01 % Numru CAS 8015-91-6 Numru EINECS: 283–479–0 Numru FEMA: 2291 Numru KtE: 133 Metodu analitiku (2) Għad-determinazzjoni ta’ (E)-ċinnamaldeid (markatur fitokimiku) fl-addittiv tal-għalf: kromatografija b’fażi gassuża abbinata ma’ individwazzjoni tal-jonizzazzjoni mal-fjamma (GC-FID)			Ħnieżer għas-simna	—	—	25	1. L-addittiv għandu jkun inkorporat fl-għalf fil-forma ta’ taħlita lesta minn qabel. 2. Fl-istruzzjonijiet għall-użu tal-addittiv u tal-premixxela, għandhom jiġu indikati l-kundizzjonijiet tal-ħżin u tal-istabbiltà waqt it-trattament bis-sħana. 3. Dan l-addittiv ma għandux jintuża flimkien ma’ addittivi oħra li fihom is-safrol, il-metilewġenol u l-istiren. 4. Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operazzjonali u miżuri organizzazzjonali biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’dawn il-proċeduri u l-miżuri, l-addittiv u l-premixxeli għandhom jintużaw b’tagħmir protettiv personali għan-nifs, għall-għajnejn u għall-ġilda.	il-15 ta’ Mejju 2034
	Ħnieżer tas-simna ta’ Suidae minuri	—	—	50
	Ħnienes u ħnienes ta’ Suidae minuri			50
	Bhejjem tal-ifrat għat-tismin, nagħaġ għat-tismin, speċijiet minuri ta’ ruminanti għat-tismin u għoġġiela għat-tismin.	—	—	10
	Tiġieġ għat-tismin, dundjani għat-tismin u speċijiet minuri ta’ pollam għat-tismin	—	—	5
	Salmonidi u speċijiet minuti ta’ ħut bil-pinen għajr l-istokk tal-ħut riproduttur	—	—	5
	Speċijiet minuri oħra għat-tismin għajr l-ekwidi	—	—	5
(1) Natural sources of flavourings - Report No. 2 (2007). (2) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_en.

Numru tal-identifikazzjoni tal-addittiv	Addittiv	Kompożizzjoni, formula kimika, deskrizzjoni, metodu analitiku.	Speċi jew kategorija tal-annimal	Età massima	Kontenut minimu	Kontenut massimu	Dispożizzjonijiet oħra	Tmiem il-perjodu ta’ awtorizzazzjoni
Numru tal-identifikazzjoni tal-addittiv					mg tas-sustanza attiva/kg ta’ għalf komplet b’kontenut ta’ ndewwa ta’ 12 %
Kategorija: Addittivi sensorjali. Grupp funzjonali: Komposti aromatizzanti
2b133i-eo					Żejt essenzjali tal-weraq tal-kannella	Kompożizzjoni tal-addittiv Żejt essenzjali tal-kannella miksuba mill-qoxra tas-siġra Cinnamomum verum J. Presl Għamla likwida Karatterizzazzjoni tas-sustanza attiva Żejt essenzjali miksub mill-weraq tal-Cinnamomum verum J. Presl permezz tad-distillazzjoni bil-fwar u mbagħad separat mill-fażi milwiema permezz ta’ dekantazzjoni kif definit mill-Kunsill tal-Ewropa (1). Speċifikazzjonijiet — (E)-Ċinnamaldeid: ≤ 3 % — Ewġenol: 70–85 % — aċetat Eugenil: 1,3–5,0 % — Benżoat tal-benżil: 2–4,5 % — Safrol: ≤ 1,09 % — Metileuġenol: ≤ 0,030 % — Ganfra: ≤ 0,007 % — Kumarina: ≤ 0,01 % — Stiren: ≤ 0,013 % Numru CAS 8015-91-6 Numru EINECS: 283–479–0 Numru FEMA: 2292 Numru KtE: 133 Metodu analitiku (2) Għad-determinazzjoni ta’ ċinnamaldeid (markatur fitokimiku) fl-addittiv tal-għalf: kromatografija b’fażi gassuża abbinata ma’ individwazzjoni tal-jonizzazzjoni mal-fjamma (GC-FID)			Ħnieżer għas-simna	—	—	50	1. L-addittiv għandu jkun inkorporat fl-għalf fil-forma ta’ taħlita lesta minn qabel. 2. Fl-istruzzjonijiet għall-użu tal-addittiv u tal-premixxela, għandhom jiġu indikati l-kundizzjonijiet tal-ħżin u tal-istabbiltà waqt it-trattament bis-sħana. 3. Dan l-addittiv ma għandux jintuża flimkien ma’ addittivi oħra li fihom is-safrol, il-metilewġenol u l-istiren. 4. Għall-utenti tal-addittiv u tal-premixxeli, l-operaturi tan-negozji tal-għalf għandhom jistabbilixxu proċeduri operazzjonali u miżuri organizzazzjonali biex jindirizzaw ir-riskji potenzjali li jirriżultaw mill-użu tagħhom. Meta dawk ir-riskji ma jkunux jistgħu jiġu eliminati b’dawn il-proċeduri u l-miżuri, l-addittiv u l-premixxeli għandhom jintużaw b’tagħmir protettiv personali għan-nifs, għall-għajnejn u għall-ġilda.	il-15 ta’ Mejju 2034
	Ħnieżer tas-simna ta’ Suidae minuri	—	—	50
	Ħnienes u ħnienes ta’ Suidae minuri			50
	Bhejjem tal-ifrat, nagħaġ għat-tismin, speċijiet minuri ta’ ruminanti għat-tismin u għoġġiela għat-tismin	—	—	50
	Tiġieġ tas-simna u speċijiet minuri oħrajn ta’ pollam tas-simna	—	—	40
	Dundjani għas-simna	—	—	50
	Fniek tas-simna	—	—	50
	Salmonidi u speċijiet minuti ta’ ħut bil-pinen għajr l-istokk tal-ħut riproduttur	—	—	25
	Speċijiet minuri oħra għat-tismin għajr l-ekwidi	—	—	25
(1) Natural sources of flavourings - Report No. 2 (2007). (2) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports.

Na vrh

Izberite preskusne funkcije, ki jih želite preveriti.