1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim ŻEE billi naqset milli tagħmel l-Att imsemmi fil-punt 56z tal-Kapitolu V tal-Anness XIII tal-Ftehim ŻEE (ir-Regolament (UE) 2017/352 tal-Parlament Ewropew u tal-Kunsill tal-15 ta’ Frar 2017 li jistabbilixxi qafas għall-forniment tas-servizzi portwarji u regoli komuni dwar it-trasparenza finanzjarja tal-portijiet), kif adattat mill-Protokoll 1 tal-Ftehim ŻEE, parti mill-ordinament ġuridiku intern tagħha, u

2.

Tordna lill-Iżlanda tħallas l-ispejjeż ta’ dawn il-proċedimenti.

—

Permezz tar-rikors, l-Awtorità ta’ Sorveljanza tal-EFTA (“ESA”) titlob dikjarazzjoni mill-Qorti li l-Iżlanda naqset milli tadotta l-miżuri meħtieġa biex tittrasponi l-Att imsemmi fil-punt 56z tal-Kapitolu V tal-Anness XIII tal-Ftehim ŻEE, kif adattat mill-Protokoll 1 ta’ dak il-Ftehim, fl-ordni legali intern tagħha, kif meħtieġ mill-Artikolu 7 tal-Ftehim ŻEE.

—

Fi tweġiba datata l-25 ta’ Settembru 2023 għall-ittra ta’ intimazzjoni tal-ESA tal-4 ta’ Lulju 2023, l-Iżlanda infurmat lill-ESA li kienet għadha ma ħaditx il-miżuri meħtieġa biex timplimenta l-Att.

—

L-ESA tat l-opinjoni motivata tagħha fit-22 ta’ Novembru 2023, filwaqt li żammet l-opinjoni tagħha li l-Att ma kienx sar parti mill-ordni legali intern Iżlandiż. L-Iżlanda ma weġbitx għall-opinjoni motivata.

—

Meta skada l-perjodu ta’ żmien stabbilit mill-opinjoni motivata l-Iżlanda la kienet infurmat lill-ESA dwar xi miżura li kienet addottat biex tagħmel l-Att parti mill-ordni legali intern tagħha, u lanqas ma kienet fil-pussess ta’ xi informazzjoni oħra li kienet tindika li l-Att kien sar parti mill-ordni legali intern tal-Iżlanda.

—

L-ESA tinnota li, fil-mument tal-preżentazzjoni ta’ dan ir-rikors, l-Iżlanda la kienet għamlet l-Att parti mill-ordni legali intern tagħha, u lanqas ma kienet infurmat lill-ESA li dan kien sar.