EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document C2012/161/08

Notifika minn qabel ta' konċentrazzjoni (Każ COMP/M.6593 – Audi/Ducati Motor Holding) – Każ li jista' jiġi kkunsidrat għal proċedura simplifikata Test b’relevanza għaż-ŻEE

OJ C 161, 7.6.2012, p. 27–27 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

7.6.2012   

MT

Il-Ġurnal Uffiċjali tal-Unjoni Ewropea

C 161/27


Notifika minn qabel ta' konċentrazzjoni

(Każ COMP/M.6593 – Audi/Ducati Motor Holding)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2012/C 161/08

1.

Fil-31 ta’ Mejju 2012, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Audi AG (“Audi”, il-Ġermanja) takkwista skont it-tifsira tal-Artikolu 3(1)(b) tar-Regolament dwar l-Għaqdiet il-kontroll uniku tal-impriża Ducati Motor Holding SpA, (“Ducati”, l-Italja). Audi hija kkontrollati minn Volkswagen AG.

2.

L-attivitajiet kummerċjali tal-impriżi kkonċernati huma:

Volkswagen AG: id-disinn, il-manifattura, il-forniment u d-distribuzzjoni ta' karozzi u l-manifattura u l-forniment ta' partijiet (spare parts) għall-karozzi,

Audi: id-disinn, il-manifattura, il-forniment u d-distribuzzjoni ta' karozzi u l-manifattura u l-forniment ta' partijiet (spare parts) għall-karozzi,

Ducati: id-disinn, il-manifattura, id-distribuzzjoni u l-bejgħ muturi (motorbikes) kif ukoll il-forniment ta' partijiet (spare parts) u aċċessorji.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.6593 – Audi/Ducati Motor Holding, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË


(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).


Top