Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document C2010/058/05

Notifika minn qabel ta' konċentrazzjoni (Każ COMP/M.5795 – Siemens/Sinara Locomotives/JV) – Każ li jista' jiġi kkunsidrat għal proċedura simplifikata Test b’relevanza għaż-ŻEE

OJ C 58, 10.3.2010, p. 18–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

10.3.2010   

MT

Il-Ġurnal Uffiċjali tal-Unjoni Ewropea

C 58/18

Notifika minn qabel ta' konċentrazzjoni

(Każ COMP/M.5795 – Siemens/Sinara Locomotives/JV)

Każ li jista' jiġi kkunsidrat għal proċedura simplifikata

(Test b’relevanza għaż-ŻEE)

2010/C 58/05

1.

Fl-1 ta’ Marzu 2010, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi Siemens Aktiengesellschaft (“Siemens”, il-Ġermanja) u Sinara Locomotives Limited (“Sinara Locomotive”, Ċipru), ikkontrollati minn Mr. Pumpyansky (ir-Russja), jakkwistaw fit-tifsira tal-Artikolu 3(1)(b) tar-Regolament tal-KE dwar l-Għaqdiet il-kontroll konġunt ta' Ural Locomotives Holding Company (“Holding Company”, il-Pajjiżi l-Baxxi) u OOO Ural Locomotives (“il-Kumpanija Operattiva”, ir-Russja) permezz ta' xiri ta' ishma f'kumpanija ġdida li tikkostitwixxi f'impriża konġunta. Il-Kumpanija Operattiva għandha tkun attiva fit-tfassil, manifattura, attivazzjoni, kummerċ, bejgħ u manutenzjoni ta' lokomotivi fir-Russja.

2.

L-attivitajiet kummerċjali tal-impriżi kkonċernati huma:

—

għal Siemens: Enerġija, Kura tas-Saħħa u Industrija. L-Industrija tas-Settur tas-Siemens hi attiva fil-qasam tat-teknoloġija ferrovjarja li tinvolvi partikolarment ferroviji li jaħdmu bl-elettriku u bid-diżil,

—

għal Pumpyansky group: servizz finanzjarju, żvilupp ta' proprjetà, produzzjoni ta' pajpijiet tal-azzar, inġinerija għal makkinarju ta' trasport, inklużi lokomotivi li jaħdmu bl-elettriku u bid-diżil.

3.

Wara eżami preliminari, il-Kummissjoni ssib li l-operazzjoni nnotifikata tista' taqa' fl-ambitu tar-Regolament tal-KE dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet taħt ir-Regolament tal-KE dwar l-Għaqdiet (2) ta' min jinnota li dan il-każ jista' jiġi kkunsidrat għat-trattament taħt il-proċedura stipulata fl-Avviż.

4.

Il-Kummissjoni tistieden lill-partijiet terzi interessati biex iressqu kwalunkwe kummenti li jistgħu jkollhom dwar it-tranżizzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni bil-feks (+32 22964301), jew b'emejl lil COMP-MERGER-REGISTRY@ec.europa.eu jew bil-posta, taħt in-numru ta' referenza COMP/M.5795 – Siemens/Sinara Locomotives/JV, fl-indirizz li ġej:

Il-Kummissjoni Ewropea

Direttorat Ġenerali għall-Kompetizzjoni

Reġistru tal-Amalgamazzjonijiet

J-70

1049 Bruxelles/Brussel

BELGIQUE/BELGIË

(1)  ĠU L 24, 29.1.2004, p. 1 (ir-“Regolament tal-KE dwar l-Għaqdiet”).

(2)  ĠU C 56, 5.3.2005, p. 32 (“Avviż ta’ proċedura simplifikata”).

Top