Rikors ippreżentat fis-27 ta’ Diċembru 2024 – Menacho vs Il-Kummissjoni

(Kawża T-679/24)

(C/2025/928)

Lingwa tal-kawża: il-Franċiż

Partijiet

Rikorrent: Manuela Menacho (Alicante, Spanja) (rappreżentant: D. Grisay, avukat)

Konvenut: Il-Kummissjoni Ewropea

Talbiet

Ir-rikorrenti titlob li l-Qorti Ġenerali jogħġobha:

Motivi u argumenti prinċipali

Insostenn tar-rikors, ir-rikorrenti tinvoka żewġ motivi.

L-artikoli msemmija iktar ’il fuq jipprevedu li l-uffiċjal għandu jieħu d-deċiżjoni li jittrasferixxi d-drittijiet għall-pensjoni tiegħu akkumulati fis-sistema nazzjonali lill-Fond tal-Pensjoni tal-Unjoni Ewropea fi żmien għaxar snin mill-bidu tal-attività tiegħu fis-servizzi tal-istituzzjonijiet tal-Unjoni Ewropea. Madankollu, huwa biss fil-mument tal-irtirar tiegħu li l-uffiċjal li jkun għamel trasferiment jista’ jkejjel b’mod korrett il-portata tat-trasferiment possibbli tiegħu, b’mod partikolari minħabba r-regola li tillimita l-ammont tal-pensjonijiet għal 70 %. Din ir-regola għalhekk toħloq differenza fit-trattament meta mqabbel ma’ uffiċjal li qatta’ l-karriera kollha tiegħu fi ħdan is-sistema Ewropea.

B’hekk, id-dispożizzjonijiet ikkontestati huma illegali: ir-rikorrenti għandha għaldaqstant tkun tista’ tagħmel għażla infurmata dwar it-trasferiment tad-drittijiet nazzjonali tagħha għall-pensjoni għas-sistema Ewropea meta tieħu l-pensjoni tagħha u mhux qabel. Interpretazzjoni kuntrarja tikser il-prinċipju ta' nondiskriminazzjoni.

Meta jiġu trasferiti d-drittijiet għall-pensjoni tar-rikorrent lill-Fond tal-Pensjoni tal-UE, jiġi stabbilit mekkaniżmu ta' konverżjoni. Qabel kollox, l-amministrazzjoni nazzjonali tiddetermina ammont kapitali (ekwivalenti attwarjali). Il-Kummissjoni Ewropea mbagħad twettaq il-kalkolu tagħha stess sabiex tikkonverti l-ekwivalenti attwarjali fin-numru ta’ snin supplimentari li ser jitqiesu għall-kalkolu tar-rata tal-pensjoni tal-uffiċjal meta jirtira.

Madankollu, ġie kkonstatat li, mal-irtirar, ir-rikorrenti ma rċevietx rimbors tal-perċentwal li jeċċedi dak previst fl-Artikolu 77 tar-Regolamenti tal-Persunal, minkejja li dan il-perċentwali żejjed ġej minn kontribuzzjonijiet imħallsa lill-iskema tal-pensjoni Belġjana, li ġew ittrasferiti permezz ta’ kapitalizzazzjoni lill-Fond tal-Pensjoni tal-UE, u li mhux ser jitqiesu għall-istabbiliment tal-pensjoni li għaliha r-rikorrenti kellha dritt.