—

tannulla d-digriet appellat tal-Qorti Ġenerali fil-Kawża T-6/23 u konsegwentement:

—

1. prinċipalment, tannulla d-Deċiżjoni ta’ Implimentazzjoni tal-Kunsill (PESK) 2022/2398 (1) kontenzjuża u r-Regolament ta’ Implimentazzjoni tal-Kunsill (UE) 2022/2397 (2)kontenzjuż, sa fejn jikkonċernaw lill-appellant;

—

sussidjarjament, tibgħat lura l-kawża quddiem il-Qorti Ġenerali għal deċiżjoni mill-ġdid.

1.

L-ewwel aggravju

Il-Qorti Ġenerali wettqet żball ta’ liġi meta kkonstatat li l-miżuri inkwistjoni ma jiksrux l-Artikolu 31(1) TUE, li jipprojbixxi lill-Kunsill milli jeżerċita funzjonijiet leġiżlattivi.

2.

It-tieni aggravju

Il-Qorti Ġenerali wettqet żball ta’ liġi meta kkonstatat li l-miżuri inkwistjoni ma jiksrux il-kamp ta’ applikazzjoni tal-Artikolu 29 TUE.

3.

It-tielet aggravju

Il-Qorti Ġenerali wettqet żball ta’ liġi meta kkonstatat li l-limiti imposti fuq il-Kunsill dwar l-iffriżar tal-assi, kif ipprovdut fl-Artikolu 75 TFUE, ma japplikawx għas-sanzjonijiet kontra l-appellant. Barra minn hekk, l-interpretazzjoni fis-sens li l-miżuri li jiffriżaw l-assi tal-appellant ma humiex suġġett għall-kundizzjonijiet u għal-limitazzjonijiet previsti fl-Artikolu 75 TFUE, tmur kontra l-prinċipju ta’ ugwaljanza fit-trattament.

4.

Ir-raba’ aggravju

L-appellant talab lill-Qorti Ġenerali tordna li l-Kunsill jiġi obbligat jipprovdi atti proċedurali u verbali tal-votazzjoni li wasslu għall-miżuri inkwistjoni, bl-għan li tiġi vverifikata l-konformità mar-rekwiżiti formali u mar-regoli ta’ votazzjoni. Dan huwa rilevanti fil-kuntest tal-prinċipju tal-legalità u tal-eċċezzjoni ta’ illegalità. Il-Qorti Ġenerali żbaljatament irrifjutat li tindirizza dan u għamlet riferiment, b’mod żbaljat ukoll, għall-eċċezzjonijiet ipprovduti fir-Regolament Nru 1049/2001 (3) u fir-Regoli tal-Proċedura tal-Kunsill, minkejja l-fatt li l-Kunsill ma kienx ibbaża ruħu fuq dawn l-eċċezzjonijiet fid-difiża tiegħu u minkejja li dawn l-eċċezzjonijiet ma humiex applikabbli fil-każ preżenti.

5.

Il-ħames aggravju

It-test tal-Artikolu 3(2)(g) tad-Deċiżjoni (4) u l-Artikolu 2b(1)(g) tar-Regolament (5) li l-miżuri inkwistjoni huma bbażati fuqu huwa wiesa’ ħafna. Il-Qorti Ġenerali wettqet żball ta’ liġi meta kkonstatat li l-miżuri inkwistjoni huma bbażati mhux fuq il-punt (g) iżda fuq il-punt (f).

6.

Is-sitt aggravju

Il-Qorti Ġenerali wettqet żball ta’ liġi fir-rigward tal-obbligu ta’ motivazzjoni u l-oneru tal-prova, u żnaturat il-fatti li tressqu quddiemha għall-evalwazzjoni. Il-Qorti Ġenerali eċċediet il-limiti tal-kompetenzi tagħha stess billi żiedet raġunijiet fid-difiża tal-miżuri inkwistjoni li ma kinux parti mill-motivazzjoni oriġinali.

7.

Is-seba’ aggravju

L-appellant huwa ċittadin tal-Unjoni. Id-digriet appellat tal-Qorti Ġenerali jikser il-moviment liberu u d-dritt ta’ residenza u ta’ stabbiliment, li huma drittijiet fundamentali. Barra minn hekk, il-miżuri inkwistjoni ma jissodisfawx il-prinċipji ta’ proporzjonalità u ta’ effettività.