1)

L-Artikolu 3(1) tad-Deċiżjoni Qafas tal-Kunsill 2008/675/ĠAI tal-24 ta’ Lulju 2008 dwar it-teħid in konsiderazzjoni ta’ kundanni fl-Istati Membri ta’ l-Unjoni Ewropea waqt proċedimenti kriminali ġodda (2), ikkunsidrat flimkien mal-Artikolu 2(a) tad-Deċiżjoni Qafas tal-Kunsill 2009/315/ĠAI tas-26 ta’ Frar 2009 dwar l-organizzazzjoni u l-kontenut tal-iskambju bejn l-Istati Membri, ta’ informazzjoni estratta mir-rekords kriminali (ĠU 2009, L 93, p. 23), għandhom jiġu interpretati fis-sens li t-teħid inkunsiderazzjoni ta’ kundanni preċedenti mogħtija kontra l-istess persuna fi Stati Membri oħra jfisser li l-qorti, li quddiemha jkunu tressqu proċeduri kriminali ġodda kontra l-istess persuna (il-qorti ta’ applikazzjoni), għandha tikkunsidra li l-kundanni preċedenti rreġistrati fis-Sistema Ewropea ta’ Informazzjoni ta’ Rekords Kriminali (ECRIS) u mogħtija fi Stati Membri oħra jikkonċernaw l-istess kategoriji ta’ fatti suġġetti għal piena kriminali li, minħabba l-perikolu tagħhom għas-soċjetà, tqiesu mid-dritt nazzjonali bħala li huma suġġetti għal reġistrazzjoni fir-rekord kriminali tal-Istat fejn tinsab il-qorti ta’ applikazzjoni? F’sitwazzjoni fejn ikun hemm diversi kategoriji ta’ fatti suġġetti għal piena kriminali li tqiesu mid-dritt nazzjonali bħala li huma suġġetti għal reġistrazzjoni fir-rekord kriminali tal-Istat fejn tinsab il-qorti ta’ applikazzjoni, li l-konsegwenzi legali tagħhom ikunu differenti fil-każ ta’ kundanna, il-qorti nazzjonali li quddiemha jkunu tressqu proċeduri kriminali kontra persuna partikolari, għandha tevalwa, f’kull każ individwali, f’liema kategorija jaqgħu, skont il-klassifikazzjoni nazzjonali, il-fatti li taw lok għall-kundanni preċedenti mogħtija fi Stati Membri oħra? F’liema każijiet partikolari għandha titwettaq tali evalwazzjoni?

2)

L-Artikolu 3(1) tad-Deċiżjoni Qafas 2008/675 għandu jiġi interpretat fis-sens li jawtorizza leġiżlazzjoni nazzjonali li tipprevedi li qorti hija obbligata ma tiħux inkunsiderazzjoni kundanni kriminali mogħtija fi Stat Membru ieħor tal-Unjoni Ewropea fir-rigward ta’ fatti li ma jikkostitwixxux reati kriminali taħt id-dritt nazzjonali tal-qorti ta’ applikazzjoni?