EUR-Lex Access to European Union law

Back to EUR-Lex homepage

This document is an excerpt from the EUR-Lex website

Document 62023TB0108

Kawża T-108/23: Digriet tal-Qorti Ġenerali tal-11 ta’ Diċembru 2023 – UY vs Il-Kummissjoni (“Rikors għal annullament – Prodotti mediċinali għall-użu mill-bniedem – Direttiva 2001/83/KE – Awtorizzazzjoni ta’ tqegħid fis-suq tal-prodott mediċinali Spikevax – Vaċċin kontra l-COVID-19 – Assenza ta’ interess ġuridiku – Nuqqas ta’ inċidenza diretta – Nuqqas ta’ inċidenza individwali – Inammissibbiltà”)

ĠU C, C/2024/2312, 2.4.2024, ELI: http://data.europa.eu/eli/C/2024/2312/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/C/2024/2312/oj

European flag

Il-Ġurnal Uffiċjali
ta'l-Unjoni Ewropea

MT

Is-serje C


C/2024/2312

2.4.2024

Digriet tal-Qorti Ġenerali tal-11 ta’ Diċembru 2023 – UY vs Il-Kummissjoni

(Kawża T-108/23) (1)

(“Rikors għal annullament - Prodotti mediċinali għall-użu mill-bniedem - Direttiva 2001/83/KE - Awtorizzazzjoni ta’ tqegħid fis-suq tal-prodott mediċinali Spikevax - Vaċċin kontra l-COVID-19 - Assenza ta’ interess ġuridiku - Nuqqas ta’ inċidenza diretta - Nuqqas ta’ inċidenza individwali - Inammissibbiltà”)

(C/2024/2312)

Lingwa tal-kawża: il-Ġermaniż

Partijiet

Rikorrent: UY (rappreżentant: R. Holzeisen, avukata)

Konvenuta: Il-Kummissjoni Ewropea (rappreżentanti: E. Mathieu u M. Noll-Ehlers, aġenti)

Suġġett

Permezz tar-rikors tiegħu bbażat fuq l-Artikolu 263 TFUE, ir-rikorrent jitlob l-annullament, l-ewwel nett, tad-Deċiżjoni ta’ Implimentazzjoni tal-Kummissjoni C(2022) 7163 final tat-3 ta’ Ottubru 2022 li tawtorizza t-tqegħid fis-suq tal-prodott mediċinali għall-użu mill-bniedem Spikevax – elasomeran skont ir-Regolament (KE) Nru 726/2004 tal-Parlament Ewropew u tal-Kunsill u li tħassar id-Deċiżjoni C(2021) 94 final, it-tieni nett, tad-Deċiżjoni ta’ Implimentazzjoni tal-Kummissjoni C(2021) 5686 tat-23 ta’ Lulju 2021, li temenda l-awtorizzazzjoni ta’ tqegħid fis-suq kundizzjonali tal-prodott mediċinali għall-użu mill-bniedem “Spikevax – Vaċċin mRNA (bin-nukleosid modifikat) kontra l-COVID-19” mogħtija permezz tad-Deċiżjoni ta’ Implimentazzjoni C(2021) 94 final tas-6 ta’ Jannar 2021, it-tielet nett, tad-Deċiżjoni ta’ Implimentazzjoni C(2021) 94 final, li tawtorizza t-tqegħid fis-suq kundizzjonali, skont ir-Regolament (KE) Nru 726/2004, tal-prodott mediċinali għall-użu mill-bniedem “COVID-19 Vaċċin Moderna – Vaċċin mRNA (bin-nukleosid modifikat) kontra l-COVID-19”, ir-raba’ nett, tal-aħħar sentenza tal-punt 2.1 tal-Parti IV tal-Anness I tad-Direttiva 2001/83/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem (ĠU Edizzjoni Speċjali bil-Malti, Kapitolu 13, Vol. 27, p. 69), u, il-ħames nett, tal-Anness tad-Direttiva tal-Kummissjoni 2009/120/KE tal-14 ta’ Settembru 2009 li temenda d-Direttiva 2001/83 fir-rigward ta’ prodotti mediċinali ta’ terapija avvanzata (ĠU 2009, L 242, p. 3).

Dispożittiv

1)

Ir-rikors huwa miċħud bħala inammissibbli.

2)

Ma għadx hemm lok li tingħata deċiżjoni dwar it-talba għal intervent imressqa mill-Parlament Ewropew.

3)

UY huwa kkundannat għall-ispejjeż rispettivi tiegħu, kif ukoll għal dawk sostnuti mill-Kummissjoni Ewropea.

4)

Il-Parlament huwa kkundannat għall-ispejjeż rispettivi tiegħu.


(1)   ĠU C 155, 2.5.2023.


ELI: http://data.europa.eu/eli/C/2024/2312/oj

ISSN 1977-0987 (electronic edition)


Top