—

tannulla s-sentenza tal-Qorti Ġenerali mogħtija fis-17 ta’ Jannar 2018 fil-Kawża T-68/17;

—

tannulla d-deċiżjoni mogħtija mir-Raba’ Bord tal-Appell tal-EUIPO fl-4 ta’ Diċembru 2015 fil-Każ R 2345/2014-4;

—

jew, alternattivament, tibgħat il-kawża lura quddiem il-Qorti Ġenerali tal-Unjoni Ewropea;

—

tikkundanna lill-konvenut u lill-intervenjenti għall-ispejjeż marbuta kemm mal-proċedura tal-ewwel ustanza kif ukoll għal dawk tal-appell.

1)

Fl-ewwel lok, il-Qorti Ġenerali interpretat b’mod żbaljat l-importanza u l-konsegwenzi legali tad-determinazzjoni tat-tip ta’ trade mark ikkonċernata. Hija assumiet b’mod żbaljat li l-kwistjoni dwar jekk it-trade mark kinitx waħda ta’ pożizzjoni jew inkella trade mark figurattiva ma kinitx rilevanti. Issa, fil-verità, id-distinzjoni bejn it-tipi differenti ta’ trade marks għandha effett importanti fuq l-iskop tagħhom u l-mod kif dawn jintużaw. L-użu tat-trade mark ikkontestata bħala trade mark figurattiva ikun differenti ħafna mill-użu bħala trade mark ta’ pożizzjoni.

2)

Fit-tieni lok, il-Qorti Ġenerali ma ddeterminatx b’mod korrett l-iskop tat-trade mark ikkontestata, iżda, għall-kuntrarju, tqis li din kienet trade mark ta’ pożizzjoni. It-trade mark ikkontestata hija trade mark figurattiva, peress li din saret applikazzjoni għaliha u sussegwentement ġiet irreġistrata bħala trade mark figurattiva u magħha ma ġiex mehmuża l-ebda deskrizzjoni jew dikjarazzjoni ta’ rinunzja li tissuġġerixxi l-kuntrarju. Is-sempliċi użu ta’ linji mhux kompluti ma jistax jittrasforma trade mark figurattiva fi trade mark ta’ pożizzjoni.

3)

Konsegwentement, il-Qorti Ġenerali qieset b’mod żbaljat li Munich S.L kienet stabbilixxiet użu ġenwin mit-trade mark tagħha billi tat prova tal-bejgħ ta’ żraben miksija b’żewġ strixxi msallba fuq il-ġenb tagħhom. Dan it-tip ta’ użu huma sinonimu ma’ trade mark ta’ pożizzjoni u mhux ma’ trade mark figurattiva bħal dik ikkontestata.