Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62017TN0738

Kawża T-738/17: Rikors ippreżentat fil-3 ta’ Novembru 2017 – STIF-IDF vs Il-Kummissjoni

OJ C 22, 22.1.2018, p. 49–50 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

22.1.2018   

MT

Il-Ġurnal Uffiċjali tal-Unjoni Ewropea

C 22/49

Rikors ippreżentat fil-3 ta’ Novembru 2017 – STIF-IDF vs Il-Kummissjoni

(Kawża T-738/17)

(2018/C 022/65)

Lingwa tal-kawża: il-Franċiż

Partijiet

Rikorrenti: Syndicat Transport Île-de-France (STIF-IDF) (Pariġi, Franza) (rappreżentanti: B. Le Bret u C. Rydzynski, avukati)

Konvenuta: Il-Kummissjoni Ewropea

Talbiet

Ir-rikorrenti titlob lill-Qorti Ġenerali jogħġobha:

—

tannulla parzjalment id-deċiżjoni kkontestata sa fejn, fl-Artikolu 3, hija tikklassifika “il-kontribuzzjonijiet C2 mogħtija minn STIF fil-kuntest ta’ CT2” bħala “skema ta’ għajnuna implementata illegalment” iżda kompatibbli mas-suq intern;

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka żewġ motivi.

1.

L-ewwel motiv huwa bbażat fuq il-ksur tal-Artikolu 107(1) TFUE li bih hija vvizzjata d-deċiżjoni kkontestata inkwistjoni, jiġifieri d-Deċiżjoni tal-Kummissjoni (UE) 2017/1470 tat-2 ta’ Frar 2017 dwar l-iskemi ta’ għajnuna SA.26763 2014/C (eks 2012/NN) implimentata minn Franza favur tal-impriżi ta’ trasport bix-xarabank fir-Reġjun ta’ Île-de-France (ĠU 2017, L 209, p. 24). Tali ksur ġie allegatament kommess mill-Kummissjoni sa fejn din ikklassifikat il-kontribut C2 ta’ CT2 bħala għajnuna mill-Istat, peress li qieset li l-miżura kienet tagħti vantaġġ ekonomiku lill-benefiċjarji tagħha.

Ir-rikorrenti tqis, barra minn hekk, li l-Kummissjoni, fl-analiżi tagħha, wettqet diversi żbalji ta’ liġi u ta’ evalwazzjoni meta kkonkludiet li r-raba’ kriterju tal-ġurisprudenza Altmark ma kienx issodisfatt fil-każ inkwistjoni.

2.

It-tieni motiv huwa bbażat fuq assenza ta’ motivazzjoni tad-deċiżjoni kkontestata, dwar in-nuqqas ta’ osservanza tar-raba’ kriterju tal-ġurisprudenza Altmark u fuq l-eżistenza ta’ vantaġġ ekonomiku.
Top