Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015TN0143

Kawża T-143/15: Rikors ippreżentat fit-30 ta’ Marzu 2015 – Spanja vs Il-Kummissjoni

OJ C 178, 1.6.2015, p. 19–20 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

1.6.2015   

MT

Il-Ġurnal Uffiċjali tal-Unjoni Ewropea

C 178/19

Rikors ippreżentat fit-30 ta’ Marzu 2015 – Spanja vs Il-Kummissjoni

(Kawża T-143/15)

(2015/C 178/19)

Lingwa tal-kawża: l-Ispanjol

Partijiet

Rikorrent: Ir-Renju ta’ Spanja (rappreżentanti: M. Sampol Pucurull u M. García-Valdecasas Dorrego, Abogados del Estado)

Konvenuta: Il-Kummissjoni Ewropea

Talbiet

—

tannulla parzjalment id-Deċiżjoni ta’ Implimentazzjoni tal-Kummissjoni, tas-16 ta’ Jannar 2015, li teskludi mill-finanzjament tal-Unjoni Ewropea ċertu nfiq imġarrab mill-Istati Membri skont il-Fond Agrikolu Ewropew ta’ Garanzija (FAEG) u skont il-Fond Agrikolu Ewropew għall-Iżvilupp Rurali (FAEŻR), sa fejn teskludi:

1.

l-għajnuna rċevuta minn Spanja, korrispondenti għall-Comunidad de Andalucía, li tammonta għal EUR 3 5 86  250,48flimkien ma’ EUR 1 8 66  977,31 (għajnuna diretta mogħtija f’partijiet separati) għas-snin finanzjarji 2009 u 2010.

2.

l-ispejjeż inkorsi mir-Renju ta’ Spanja, korrispondenti għall-Comunidad de Castilla y León, li jammontaw għal EUR 2 1 23  619,66 (EUR 1  479,90+ EUR 9 78  849,95+ EUR 12  597,37+ EUR 1  720,85+ EUR 1 0 96  710,18+ EUR 32  261,41) marbuta mal-kunċett “Żvantaġġi naturali” u “Miżuri agroambjentali”, għas-snin tal-baġit 2010 u 2011, u

—

tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrent jinvoka l-motivi li ġejjin:

1.

Il-korrezzjoni fil-forma ta’ somma f’daqqa imposta b’ammont net ta’ EUR 5 4 53  227,79 (għajnuna diretta mogħtija f’partijiet separati) tmur kontra l-Artikolu 27(1) tar-Regolament tal-Kummissjoni (KE) Nru 796/2004, l-Artikolu 31 tar-Regolament tal-Kunsill (KE) Nru 1290/2005, u l-Artikoli 3 u 52 tar-Regolament (UE) Nru 1306/2013, għal żewġ raġunijiet:

—

Għaliex il-Kummissjoni interpretat b’mod żbaljat l-Artikolu 27 tar-Regolament (KE) Nru 796/2004, sa fejn il-fatt li r-riżultati tal-kampjun każwali matul is-snin 2008 u 2009 kienu agħar mir-riżultati tal-kampjun ta’ riskju, ma jfissirx li hemm ksur ta’ dan l-artikolu, u għaldaqstant ma jikkostitwixxix ksur tad-dritt tal-Unjoni li jeskludi finanzjament tal-ispejjeż agrikoli konformement mal-Artikolu 31 tar-Regolament (KE) Nru 1290/2005 u mal-Artikolu 52 tar-Regolament (UE) Nru 1306/2013.

—

Għaliex il-Kummissjoni ma setgħetx raġonevolment tikkonkludi li kien hemm ksur tal-Artikolu 27 tar-Regolament (KE) Nru 796/2004 peress li l-provi prodotti mir-Renju ta’ Spanja fil-proċedura ta’ verifika ġġustifikaw l-applikazzjoni ta’ analiżi xierqa u l-adozzjoni tal-miżuri adegwati sabiex titjieb is-selezzjoni bbażata fuq ir-riskju, u għaldaqstant dan ma jikkostitwixxix ksur tad-dritt tal-Unjoni li jeskludi finanzjament tal-ispejjeż agrikoli konformement mal-Artikolu 31 tar-Regolament (KE) Nru 1290/2005 u mal-Artikolu 52 tar-Regolament (UE) Nru 1306/2013.

2.

Il-korrezzjoni imposta b’ammont ta’ EUR 2 1 23  619,66 (“Żvantaġġi naturali” u “Miżuri agroambjentali”) għandhom jiġu annullati għar-raġunijiet li ġejjin:

—

Din tikser l-Artikolu 10(2) u (4) u l-Artikolu 14(2) tar-Regolament (KE) Nru 1975/2006, sa fejn il-Kummissjoni qieset li r-Renju ta’ Spanja naqas milli jwettaq l-obbligi tiegħu fil-qasam tal-verifiki peress li ma pproċediex, fir-rigward tal-miżuri “Diffikultajiet ambjentali” u “Miżuri agroambjentali”, għall-għadd mill-ġdid tal-annimali matul il-verifiki mwettqa fuq l-art b’rabta mal-għajnuna msemmija. Dan il-motiv huwa maqsuma f’żewġ partijiet, fejn ir-Renju ta’ Spanja jqis li:

a)

L-obbligu ta’ għadd mill-ġdid tal-annimali matul il-verifiki fuq l-art fil-kuntest tal-għajnuna għall-Programm ta’ Żvilupp Rurali 2007-2013 ta’ Catilla y León imur kontra n-natura ta’ kontinwità tal-kriterju ta’ koeffiċjenti ta’ oneru u kontra l-prinċipju ta’ ugwaljanza fit-trattament u,

b)

Il-Kummissjoni interpretat l-Artikolu 10(2) u (4) b’rabta mal-Artikolu 14(2) tar-Regolament (KE) Nru 1975/2006 b’mod żbaljat, billi qieset li s-sistema ta’ verifika Spanjola ma kinitx adegwata biex jiġi vverifikat jekk ġiex issodisfatt il-kriterju tal-oneru.

—

Din tikser l-Artikolu 2(2) tar-Regolament (KE) Nru 1082/2003, u l-Artikolu 26(2)(b) tar-Regolament (KE) Nru 796/2004, sa fejn ir-Renju ta’ Spanja għandu bażi ta’ data affidabbli dwar ċanga, vitella, nagħaġ u mogħoż, li, barra minn hekk, jaġġorna b’mod kontinwu u bil-metodu previst.

—

Din tisker l-Artikolu 31(2) tar-Regolament (KE) Nru 1290/2005, inkwantu hija manifestament sproporzjonata sa fejn tistabbilixxi korrezzjoni finanzjarja ta’ 5 % għall-miżuri affettwati mill-investigazzjoni. Il-korrezzjoni finanzjarja hija sporporzjonata peress li, li kieku kellu jiġi kkonstatat il-ksur attribwit lill-awtoritajiet Spanjoli, id-deċiżjoni adottata tmur lil hinn minn dak li huwa xieraq u neċessarju sabiex jiġu protetti l-interessi finanzjarji tal-Unjoni.
Top