Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62015CN0129

Kawża C-129/15: Talba għal deċiżjoni preliminari mressqa mill-Administrativen sad Sofia-grad (il-Bulgarija) fis-16 ta’ Marzu 2015 – H. M. vs Agentsia za darzhavna finansova inspektsia (ADFI)

OJ C 171, 26.5.2015, p. 22–23 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

26.5.2015   

MT

Il-Ġurnal Uffiċjali tal-Unjoni Ewropea

C 171/22

Talba għal deċiżjoni preliminari mressqa mill-Administrativen sad Sofia-grad (il-Bulgarija) fis-16 ta’ Marzu 2015 – H. M. vs Agentsia za darzhavna finansova inspektsia (ADFI)

(Kawża C-129/15)

(2015/C 171/27)

Lingwa tal-kawża: il-Bulgaru

Qorti tar-rinviju

Administrativen sad Sofia-grad

Partijiet fil-kawża prinċipali

Rikorrent: H. M.

Konvenuta: Agentsia za darzhavna finansova inspektsia (ADFI)

Domandi preliminari

1)

Organu, li jkun kumpannija kummerċjali, għandu jkun ikkunsidrat bħala organu rregolat mid-dritt pubbliku fis-sens tal-Artikolu 1(9) tad-Direttiva 2004/18/KE (1) minħabba s-sempliċi fatt li iktar minn 30 % tad-dħul li jirriżulta mill-attività tiegħu għas-sena preċedenti ġej mit-twettiq ta’ attivitajiet mediċi mħallsa min-Natsionalna zdravno-osiguritelna kasa, f’kundizzjonijiet ta’ kompetizzjoni effettiva ma’ stabbilimenti oħra għall-kura tas-saħħa?

2)

Għandu jiġi kkunsidrat li l-provvista ta’ servizzi mediċi, f’kundizzjonijiet ta’ kompetizzjoni effettiva minn kumpanniji kummerċjali privati stabbiliti bi skop ta’ lukru, tista’ tiġi kkunsidrata bħala intiża sabiex “tissodisfa bżonn ta’ interess ġenerali” fis-sens tal-Artikolu 1(9) tad-Direttiva 2004/18/KE?

3)

L-Artikolu 1(9) tad-Direttiva 2004/18/KE tal-Parlament Ewropew u tal-Kunsill, tal-31 ta’ Marzu 2004, fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi] għandu jiġi interpretat fis-sens li jipprekludi l-punt 21 tal-paragrafu 1 tad-dispożizzjonijiet komplementari tal-liġi [Bulgara] dwar il-kuntratti pubbliċi, li jistabbilixxi li huwa biżżejjed li jiġi ssodisfatt wieħed mill-kriterji li jikkorrispondu mal-kriterji kumulattivi stabbiliti mid-Direttiva sabiex organu jiġi kklassifikat bħala organu rregolat mid-dritt pubbliku?

(1)  Direttiva 2004/18/KE tal-Parlament Ewropew u tal-Kunsill, tal-31 ta’ Marzu 2004, fuq kordinazzjoni ta’ proċeduri għall-għoti ta’ kuntratti għal xogħlijiet pubbliċi, kuntratti għal provvisti pubbliċi u kuntratti għal servizzi pubbliċi [kuntratti pubbliċi għal xogħlijiet, għal provvisti u għal servizzi] (ĠU Edizzjoni Speċjali bil-Malti, Kapitolu 6, Vol. 7, p. 132).

Top