Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014TN0698

Kawża T-698/14: Rikors ippreżentat fid- 19 ta’ Settembru 2014 – European Dynamics Luxembourg u Evropaïki Dynamiki vs Il-Kummissjoni

OJ C 448, 15.12.2014, p. 28–29 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

15.12.2014   

MT

Il-Ġurnal Uffiċjali tal-Unjoni Ewropea

C 448/28

Rikors ippreżentat fid-19 ta’ Settembru 2014 – European Dynamics Luxembourg u Evropaïki Dynamiki vs Il-Kummissjoni

(Kawża T-698/14)

(2014/C 448/37)

Lingwa tal-kawża: il-Grieg

Partijiet

Rikorrenti: European Dynamics Luxembourg SA (Ettelbrück, il-Lussemburgu) Evropaïki Dynamiki – Proigmena Systimata Tilepikoinonion Pliroforikis kai Tilematikis AE (Ateni, il-Greċja) (rappreżentant: V. Christianos, avukat)

Konvenuta: Il-Kummissjoni Ewropea

Talbiet tar-rikorrenti

—

tannulla d-deċiżjoni tal-Kummissjoni Ewropea DIGIT/R/3/MB/pt 2431467 (2014), tal-11 ta’ Lulju 2014, li permezz tagħha l-Kummissjoni kklassifikat l-offerta tar-rikorrenti fir-raba’ post, fl-ambitu tas-sejħa għal offerti inkwistjoni, fir-rigward tal-Lot Nru 1;

—

tannulla d-deċiżjoni tal-Kummissjoni Ewropea DIGIT/R/3/MB/pt 2703722 (2014), tal-31 ta’ Lulju 2014, li permezz tagħha l-Kummissjoni eskludiet l-offerta ppreżentata mir-rikorrenti, fl-ambitu tas-sejħa għal offerti inkwistjoni, fir-rigward tal-Lot Nru 2;

—

tannulla d-deċiżjoni tal-Kummissjoni Ewropea DIGIT/R/3/MB/pt 2711165 (2014), tal-31 ta’ Lulju 2014, li permezz tagħha l-Kummissjoni kklassifikat l-offerta tar-rikorrenti fit-tielet post, fl-ambitu tas-sejħa għal offerti inkwistjoni, fir-rigward tal-Lot Nru 3;

—

tikkundanna lill-Kummissjoni tikkumpensa d-dannu kkawżat lir-rikorrenti għat-telf ta’ opportunità li jiġu kklassifikati fl-ewwel post fl-ambitu tat-tlett lottijiet tal-kuntratt qafas, liema dannu huwa stmat għal tmien mitt elf Euro (EUR 8 00  000) għal-Lot Nru 1, għa erba’ mitt elf Euro (EUR 4 00  000) għal-Lot Nru 2 u għal mitejn elf Euro (EUR 2 00  000) għal-Lot Nru 3, flimkien mal-interessi mid-data tal-għoti tas-sentenza; u

—

tikkundanna lill-Kummissjoni għall-ispejjeż kollha sostnuti mir-rikorrenti.

Motivi u argumenti prinċipali

Insostenn tar-rikors tagħhom, ir-rikorrenti jsostnu li d-deċiżjonijiet ikkontestati, li permezz tagħhom il-Kummissjoni ċaħdet l-offerta tagħhom fl-ambitu tal-proċedura miftuħa ta’ sejħa għal offerti DIGIT/R2/PO/2013/029 – ESP DESIS III għal tliet proġetti separati (lottijiet), għandhom jiġu annullati, skont l-Artikolu 263 TFUE, minħabba ksur tar-regoli tad-dritt tal-Unjoni, b’mod partikolari għat-tliet raġunijiet li ġejjin:

1.

Fl-ewwel lok, minħabba ksur min-naħa tal-Kummissjoni tal-obbligu ta’ motivazzjoni, peress li hija pprovdiet motivazzjoni insuffiċjenti fir-rigward tal-offerta teknika tar-rikorrenti;

2.

Fit-tieni lok, minħabba ksur min-naħa tal-Kummissjoni tar-Regolament finanzjarju, flimkien mar-Regolament ta’ implementazzjoni tiegħu, u tad-dokumenti għal sejħa għal offerti, fir-rigward tal-kwistjoni tal-offerti anormalment baxxi;

3.

Fit-tielet lok, minħabba ksur min-naħa tal-Kummissjoni tal-kompetizzjoni libera, inkwantu l-Kummissjoni imponiet kundizzjonijiet vinkolanti għall-preżentazzjoni tal-offerti, mingħajr ma ppermettiet it-tfassil ħieles tal-istess offerti min-naħa tal-kandidati, sabiex tagħżel l-iktar offerta ekonomikament vantaġġjuża.
Top