EUR-Lex Access to European Union law
This document is an excerpt from the EUR-Lex website
Document 62014CN0054
Case C-54/14: Request for a preliminary ruling from the Juzgado de Primera Instancia Madrid (Spain) lodged on 5 February 2014 — Rafael Villafáñez Gallego and María Pérez Anguio v Banco Bilbao Vizcaya Argentaria, S.A.
Kawża C-54/14: Talba għal deċiżjoni preliminari mressqa mill-Juzgado de Primera Instancia de Madrid (Spanja) fil- 5 ta’ Frar 2014 – Rafael Villafañez Gallego u María Pérez Anguio vs Banco Bilbao Vizcaya Argentaria, S.A.
Kawża C-54/14: Talba għal deċiżjoni preliminari mressqa mill-Juzgado de Primera Instancia de Madrid (Spanja) fil- 5 ta’ Frar 2014 – Rafael Villafañez Gallego u María Pérez Anguio vs Banco Bilbao Vizcaya Argentaria, S.A.
OJ C 135, 5.5.2014, p. 20–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
5.5.2014 |
MT |
Il-Ġurnal Uffiċjali tal-Unjoni Ewropea |
C 135/20 |
Talba għal deċiżjoni preliminari mressqa mill-Juzgado de Primera Instancia de Madrid (Spanja) fil-5 ta’ Frar 2014 – Rafael Villafañez Gallego u María Pérez Anguio vs Banco Bilbao Vizcaya Argentaria, S.A.
(Kawża C-54/14)
2014/C 135/23
Lingwa tal-kawża: l-Ispanjol
Qorti tar-rinviju
Juzgado de Primera Instancia no 34 de Madrid
Partijiet fil-kawża prinċipali
Rikorrenti: Rafael Villafañez Gallego u María Pérez Anguio
Konvenuta: Banco Bilbao Vizcaya Argentaria, S.A.
Domandi preliminari
1) |
L-Artikolu 3(1) u (2) tad-Direttiva tal-Kunsill 93/13/KE, tal-5 ta’ April 1993 (1) għandu jiġi interpretat fis-sens li jikkostitwixxi klawżola li tkun ġiet negozjata individwalment ftehim bejn il-bank u l-konsumatur li jissellef skont liema, minbarra l-emenda fil-kundizzjonijiet dwar il-limitazzjoni tar-rati ta’ interess, l-ispejjeż li jirriżultaw mill-emenda tal-att awtentiku ta’ self u ta’ kostituzzjoni ta’ ipoteka li jkun sar bejn il-bank u l-konsumatur jitħallsu mill-konsumatur, meta l-ftehim kien ġie propost mill-bank bħala waħda minn żewġ għażliet possibbli sabiex jiġu emendati l-kundizzjonijiet ekonomiċi tas-self ipotekarju u kien ġie aċċettat volontarjament mill-konsumatur, bħala konsegwenza tal-ftehim li kienu waslu għalih l-istabbiliment bankarju u l-mutual association li jappartjeni għaliha l-konsumatur, wara negozjati u fl-interess u għall-benefiċċju tal-membri tal-mutual association? |
2) |
Jekk ir-risposta għad-domanda preċedenti hija negattiva, id-dispożizzjonijiet magħqudin tal-Artikolu 3(1) u tal-Artikolu 6(1) tad-Direttiva 93/13/KEE għandhom jiġu interpretati, f’dak li jikkonċerna n-natura inġusta tal-klawżola, fis-sens li, fir-rigward tal-għan u tas-suġġett tal-ftehim bejn il-bank u l-mutual association, huma jipprekludu ftehim bħal dak deskritt fid-domanda preċedenti? |
(1) Direttiva tal-Kunsill 93/13/KEE, tal-5 ta’ April 1993, dwar klawżoli inġusti f’kuntratti mal-konsumatur (ĠU Edizzjoni Speċjali bil-Malti, Kapitolu 15, Vol. 2, p. 288).