Rikors ippreżentat fis-17 ta’ Settembru 2010 — Il-Kummissjoni Ewropea vs Il-Gran Dukat tal-Lussemburgu

(Kawża C-458/10)

()

2010/C 346/48

Lingwa tal-kawża: il-Franċiż

Partijiet

Rikorrenti: Il-Kummissjoni Ewropea (rappreżentanti: S. Pardo Quintillán u O. Beynet, aġenti)

Konvenut: Il-Gran Dukat tal-Lussemburgu

Talbiet tal-parti rikorrenti

Motivi u argumenti prinċipali

Il-Kummissjoni tqajjem żewġ ilmenti insostenn tar-rikors tagħha.

Permezz tal-ewwel ilment tagħha, il-Kummissjoni ssostni li t-traspożizzjoni tal-Artikolu 9(3)(b) u (ċ) tad-Direttiva 98/83 hija inkompleta. Fil-fatt, il-leġiżlazzjoni nazzjonali ma tipprevedix li d-deċiżjoni ta’ deroga għandu jkun fiha r-“riżultati relevanti ta’ kontrolli li jkunu saru” u ma tippreċiżax “il-kwantità tal-ilma provduta kull jum”, “il-popolazzjoni konċernata” u “jekk tkunx sa tiġi affetwata xi impriża tal-produzzjoni tal-ikel [l-eżistenza ta’ riperkussjonijiet eventwali fuq impriżi tal-produzzjoni tal-ikel]”.

Permezz tat-tieni lment tagħha, il-Kummissjoni ssostni li t-traspożizzjoni tal-Artikolu 9(3)(e) tad-Direttiva 98/83 hija inkompleta u inkorretta sa fejn l-awtoritajiet Lussemburgiżi jsostnu, b’mod partikolari li, peress li huwa l-awtur tat-talba għal deroga li għandu jiddefinixxi u jimplementa miżuri korrettivi, huwa dan l-istess awtur u mhux l-awtur tad-deċiżjoni tal-għoti ta’ deroga, li għandu jipprovdi “pjan fil-qosor”, “time-table għax-xogħol” u “stima ta’ l-ispejjeż”, kif mitlub mid-Direttiva.

(1)  Direttiva tal-Kunsill 98/83/KE, tat-3 ta’ Novembru 1998, dwar il-kwalità tal-ilma maħsub għall-konsum mill-bniedem (ĠU Edizzjoni Speċjali bil-Malti, Kapitolu 15, Vol. 4, p. 90)