Din il-komunikazzjoni hija ppubblikata skont l-Artikolu 17(5) tar-Regolament Delegat tal-Kummissjoni (UE) 2019/33 (1).

NOTIFIKA TAL-APPROVAZZJONI TA’ EMENDA STANDARD

“Sierras de Málaga”

PDO-ES-A1480-AM03

Data tal-komunikazzjoni: 29.10.2024

DESKRIZZJONI U RAĠUNIJIET GĦALL-EMENDA APPROVATA

VARJETAJIET ĠODDA HUMA INTRODOTTI.

Deskrizzjoni:

Il-lista tal-varjetajiet ħomor li bihom jistgħu jsiru l-inbejjed protetti hija estiża u tinkorpora l-Melonera u l-Garnacha Tintorera.

It-taqsima F tal-Ispeċifikazzjoni tal-Prodott u l-punt 7 tad-Dokument Uniku huma emendati.

Din hija emenda standard skont l-Artikolu 24(4) tar-Regolament (UE) 2024/1143 tal-Parlament Ewropew u tal-Kunsill, tal-11 ta’ April.

Raġunijiet:

L-invażjoni tal-phylloxera fl-aħħar tas-seklu dsatax irriżultat f’deterjorament notevoli tal-wirt varjetali, kif ukoll fil-frammentazzjoni u fit-tnaqqis taż-żona tat-tkabbir tal-inbid, li xxerred l-irqajja’ tal-vinji fil-provinċja kollha ta’ Malaga.

Sa mis-snin 80 tas-seklu li għadda, il-produtturi kienu qed iwettqu xogħol innovattiv u sperimentali importanti fir-rigward tal-varjetajiet, billi salvaw għeneb storiku u inkorporaw oħrajn ikkuntrastati f’żoni ta’ produzzjoni tal-inbid fil-qrib, u t-tipi ta’ nbejjed miksuba bihom, li maż-żmien irnexxilhom jiksbu r-rikonoxximent fl-2000 tad-DOP Sierras de Málaga.

Għalhekk, il-karatterizzazzjoni u l-fatturi tipiċi tad-DOP Sierras de Málaga hija marbuta fuq kollox mal-ambjent naturali divers u mal-istruttura territorjali (irqajja’ mxerrda u b’superfiċje żgħar), li jtejbu l-fattur terroir, u jagħtu lok għal inbejjed ta’ espressjoni u ta’ kwalità għolja.

It-tħassib innovattiv tas-settur tal-inbid tad-DOP Sierras de Málaga fisser li l-espansjoni tal-varjetajiet kienet kostanti fl-emendi suċċessivi tal-Ispeċifikazzjoni tal-Prodott sa mill-pubblikazzjoni tagħha fl-2000, li ttenni l-iskema oriġinali b’varjetajiet storiċi u tinkorpora oħrajn ikkuntrastati f’żoni tal-produzzjoni tal-inbid fil-qrib.

Melonera: Varjetà tradizzjonali ta’ qabel il-phylloxera, imsemmija minn Rojas Clemente fl-“Ensayo sobre las variedades de la vid común que vegetan en Andalucía” (Esej dwar il-varjetajiet tad-dielja komuni li jivveġetaw fl-Andalusija) (1807), li ma nstabitx fiċ-ċirkwit kummerċjali. Il-Ministeru għall-Agrikoltura, is-Sajd, l-Ilma u l-Iżvilupp Rurali tal-Gvern ta’ Andalusija stabbilixxa proġett ta’ riċerka u żvilupp għar-riintegrazzjoni tagħha permezz taċ-Ċentru IFAPA Rancho de la Merced f’Jerez. Il-Bord Regolatorju tad-Denominazzjonijiet ta’ Oriġini Protetti “Málaga”, “Sierras de Málaga” u “Pasas de Málaga” kienu involuti sabiex id-dettalji amministrattivi jiġu regolarizzati. Bħalissa, din il-varjetà hija awtorizzata fl-Andalusija, u għalhekk hija inkorporata fl-Ispeċifikazzjoni tal-Prodott.

Garnacha Tintorera: Ir-rapporti tekniċi pprovduti mill-enologi tal-fabbriki tal-inbid tal-Kunsill Regolatorju li jippromwovu l-applikazzjoni għall-inkorporazzjoni ta’ din il-varjetà fl-Ispeċifikazzjoni tal-Prodott, jargumentaw li hija varjetà sempliċi tal-vitikulturali, adattata sew għall-klima taż-żona ġeografika demarkata fl-Ispeċifikazzjoni tal-Prodott, b’rekwiżit medju tal-ilma u proporzjon għoli ta’ produzzjoni/konsum tal-ilma, li huwa interessanti biex itaffi t-tnaqqis fir-rendimenti medji minħabba n-nuqqas ta’ xita. Din hija varjetà li mhix sensittiva ħafna għall-mard komuni fiż-żona ġeografika, bħal ma huma l-moffa żajbrija u l-brimba s-safra. Min-naħa tagħha, takkumula inqas kontenut ta’ alkoħol minn Garnacha Tinta, bl-istess kundizzjonijiet ta’ tkabbir peress li għandha għeneb akbar, li huwa vantaġġ biex jitnaqqas il-kontenut ta’ alkoħol miksub mill-inbejjed. U minħabba li l-polpa hija kkulurita, il-kontenut finali tal-antoċjanina (antiossidanti) huwa ħafna ogħla minn dak ta’ varjetajiet oħra tal-għeneb. Dan jagħmilha interessanti ħafna mill-perspettiva tal-maturazzjoni, jagħti durabbiltà lill-inbid u kummerċjalment huwa vantaġġ għal ħafna konsumaturi li qed ifittxu attributi oħra minbarra dawk organolettiċi.

DOKUMENT UNIKU

1.   Isem/ismijiet għar-reġistrazzjoni

Sierras de Málaga

2.   Tip ta’ indikazzjoni ġeografika

DOP – Denominazzjoni ta’ Oriġini Protetta

3.   Kategoriji tal-prodotti tad-dwieli

1.

Inbid

16.	Inbid ta’ għeneb misjur iżżejjed

3.1.   Kodiċi tan-nomenklatura magħquda

—	22 – XARBIET, SPIRTI U ĦALL 2204 – Inbid tal-għeneb frisk, inkluż l-inbejjed imqawwija; most tal-għeneb għajr dak tal-intestatura 2009

4.   Deskrizzjoni tal-inbid/inbejjed

1.   Inbid abjad

DESKRIZZJONI QASIRA

Dehra viżiva: Kulur isfar ċar għal dehbi antik.

Riħa: Intensità tax-xamm dixxernibbli, ta’ frott.

Togħma: Intensità tat-togħma dixxernibbli, aċidità perċettibbli. Persistenza qasira sa twila.

*	Fil-limiti mhux indikati, se jitħarsu r-regolamenti attwali.

Karatteristiċi analitiċi

—	Qawwa alkoħolika totali massima (f’% tal-volum): –

—	Qawwa alkoħolika proprja minima (f’% tal-volum): 10

—	Aċidità totali minima: f’milliekwivalenti għal kull litru

—	Aċidità volatili massima (f’milliekwivalenti għal kull litru): –

—	Total massimu ta’ diossidu tal-kubrit (f’milligrammi għal kull litru): –

2.   Inbid rożè

DESKRIZZJONI QASIRA

Dehra viżiva: Mill-kulur tal-ġilda tal-basla għal toni roża fil-aħmar rubini.

Riħa: Intensità tax-xamm dixxernibbli, ta’ frott u ta’ fjuri.

Togħma: Intensità tat-togħma dixxernibbli. Aċidità u qrusija dixxernibbli. Persistenza qasira sa twila.

*Fil-limiti

mhux indikati, se jitħarsu r-regolamenti attwali.

Karatteristiċi analitiċi

—	Qawwa alkoħolika totali massima (f’% tal-volum): –

—	Qawwa alkoħolika proprja minima (f’% tal-volum): 11

—	Aċidità totali minima: f’milliekwivalenti għal kull litru

—	Aċidità volatili massima (f’milliekwivalenti għal kull litru): –

—	Total massimu ta’ diossidu tal-kubrit (f’milligrammi għal kull litru): –

3.   Inbid aħmar

DESKRIZZJONI QASIRA

Dehra viżiva: Mill-kulur vjola għal-lewn it-terrakotta.

Riħa: Intensità dixxernibbli, ta’ frott.

Togħma: Intensità tat-togħma dixxernibbli. Aċidità u densità dixxernibbli. Qarsa. Persistenza qasira għal twila ħafna.

*	Fil-limiti mhux indikati, se jitħarsu r-regolamenti attwali.

Karatteristiċi analitiċi

—	Qawwa alkoħolika totali massima (f’% tal-volum): –

—	Qawwa alkoħolika proprja minima (f’% tal-volum): 12

—	Aċidità totali minima: f’milliekwivalenti għal kull litru

—	Aċidità volatili massima (f’milliekwivalenti għal kull litru): –

—	Total massimu ta’ diossidu tal-kubrit (f’milligrammi għal kull litru): –

4.   Inbid aħmar minn għeneb immaturat iżżejjed

DESKRIZZJONI QASIRA

Dehra viżiva: Minn kulur vjola għal ċirasa skura.

Riħa: Intensità tax-xamm dixxernibbli, ta’ frott.

Togħma: Intensità tat-togħma dixxernibbli; aċidità u qrusija dixxernibbli. Densità ħafifa għal dixxernibbli ħafna. Persistenza qasira għal twila ħafna.

*Fil-limiti

mhux indikati, se jitħarsu r-regolamenti attwali.

Karatteristiċi analitiċi

—	Qawwa alkoħolika totali massima (f’% tal-volum): –

—	Qawwa alkoħolika proprja minima (f’% tal-volum): 12

—	Aċidità totali minima: –

—	Aċidità volatili massima (f’milliekwivalenti għal kull litru): –

—	Total massimu ta’ diossidu tal-kubrit (f’milligrammi għal kull litru): –

5.   Prattiki tal-produzzjoni tal-inbid

5.1.   Prattiki enoloġiċi speċifiċi użati biex isir l-inbid jew biex isiru l-inbejjed, u r-restrizzjonijiet rilevanti fuq il-produzzjoni tagħhom

1.   Prattika enoloġika speċifika

Il-maturazzjoni se ssir f’reċipjenti tal-ballut bl-użu tas-sistema “añadas”.

L-indikazzjonijiet tat-termini tradizzjonali “Crianza”, “Reserva” u “Gran Reserva”, stabbiliti fir-regolamenti eżistenti, jistgħu jintużaw b’mod fakultattiv fuq l-inbejjed.

2.   Restrizzjoni rilevanti fuq il-produzzjoni tal-inbid

Għall-produzzjoni tal-most u tal-inbejjed, se jiġu applikati pressjonijiet sabiex ir-rendiment ma jaqbiżx is-70 % (l inbid/Kg ta’ għeneb).

It-taħlil mhuwiex permess, u lanqas xi żieda artifiċjali fil-qawwa alkoħolika naturali, u kemm il-qawwa alkoħolika miksuba kif ukoll iz-zokkor residwu li jista’ jkun hemm fl-inbejjed protetti għandhom dejjem ikunu naturali.

3.   Prattika ta’ kultivazzjoni

Il-ħsad se jsir esklussivament b’għeneb b’saħħtu u mmaturat, u għeneb immaturat iżżejjed jista’ jintuża għall-inbejjed li l-kontenut ta’ zokkor residwu tagħhom huwa akbar minn 4 grammi għal kull litru. Il-kontenut minimu ta’ alkoħol naturali tal-prodotti eliġibbli fil-kategorija “inbid” se jkun ta’ 10 % tal-volum, u l-ħsad minn irqajja’ tal-art b’kontenut ta’ alkoħol potenzjali aktar baxx mhux se jkun adattat biex isiru nbejjed protetti, ħlief għall-kategorija “inbid minn għeneb immaturat iżżejjed”, li għandu jkollu kontenut ta’ alkoħol naturali ta’ aktar minn 15 % tal-volum.

Fis-subżona “Serranía de Ronda”, il-ħsad se jkun manwali u f’kontenituri ta’ massimu ta’ 30 kg, u t-trasport se jsir fil-kontenituri msemmija hawn fuq.

5.2.   Rendimenti massimi għal kull ettaru

1.   Varjetajiet bojod

12 000 kilogramma ta’ għeneb għal kull ettaru

84 ettolitru għal kull ettaru

2.   Varjetajiet ħomor

9 000 kilogramma ta’ għeneb għal kull ettaru

63 ettolitru għal kull ettaru

3.   Fis-subżona “Serranía de Ronda”

9 000 kilogramma ta’ għeneb għal kull ettaru

63 ettolitru għal kull ettaru

6.   Żona ġeografika demarkata

Iż-żona tal-produzzjoni tal-inbejjed koperti mid-Denominazzjonijiet tal-Oriġini Sierras de Málaga hija magħmula mill-muniċipalitajiet ta’: Malaga, Alameda, Alcaucín, Alfarnate, Alfarnatejo, Algarrobo, Algatocín, Alhaurín de la Torre, Alhaurín el Grande, Almáchar, Almargen, Almogía, Álora, Alozaina, Alpandeire, Antequera, Árchez, Archidona, Ardales, Arenas, Arriate, Atajate, Benadalid, Benahavís, Benalauría, Benalmdena, Benamargosa, Benamocarra, Benaoján, Benarrabá, El Borge, EL Burgo, Campillos, Canillas de Aceituno, Canillas de Albaida, Cañete la Real, Carratraca, cartajima, Cártama, Casabermeja, Casarabonela, Casares, Coín, Colmenar, Comares, Cómpeta, Cortes de la Frontera, Cuevas Bajas, Cuevas del Becerro, Cuevas de San Marcos, Cútar, Estepona, Faraján, Frigiliana, Fuengirola, Fuentepiedra, Gaucín, Genalguacil, Guaro, Humilladero, Igualeja, Istán, Iznate, Jiména de líbar, Jubrique, Júzcar, Macharaviaya, Manilva, Marbella, Mijas, Moclinejo, Mollina, Monda, Montecorto, Montejaque, Nerja, Ojén, Parauta, Periana, Pizarra, Pujerra, Rincón de la Victoria, Riogordo, Ronda, Salares, Sayalonga, Sedella, Serrato, Sierra de Yeguas, Teba, Tolox, Torremolinos, Torrox, Totalán, Valle de Abdalajís, Vélez-Málaga, Villanueva de Algaidas, Villanueva de la Concepción, Villanueva del Rosario, Villanueva de Tapia, Villanueva del Trabuco, La Viñuela y Yunquera, li jappartjenu għall-provinċja ta’ Málaga, kif ukoll il-muniċipalitajiet ta’ Benamejí u Palenciana li jappartjenu għall-provinċja ta’ Córdoba.

Subżona: Unità ġeografika iżgħar miż-żona ta’ produzzjoni, li tikkostitwixxi ambjent ġeografiku omoġenju, u li fiha japplikaw ċerti rekwiżiti differenzjati.

Żona: Unità ġeografika iżgħar miż-żona ta’ produzzjoni, li hija kkaratterizzata minn ambjent ġeografiku b’ċerta omoġenità.

Fiż-żona tal-produzzjoni tad-Denominazzjoni ta’ Oriġini Sierras de Málaga hemm is-subżona tradizzjonalment imsejħa “Serranía de Ronda”, reġjun naturali li għalih jappartjenu l-muniċipalitajiet ta’ Algatocín, Alpandeire, Arriate, Atajate, Benadalid, Benalauría, Benaoján Benarrabá, Cartajima, Cortes de la Frontera, Cuevas del Becerro, Faraján, Gaucín, Genalgaucín, Igualeja, Jimena de Líbar, Jubrique, Júzcar, Montecorto, Montejaque, Parauta, Pujerra, Ronda u Serrato.

Bl-istess mod, fiż-żona ta’ produzzjoni, iż-żoni li ġejjin huma distinti: “Axarquía” li għaliha jappartjenu l-muniċipalitajiet ta’ Alcaucín, Alfarnate, Alfarnatejo, Algarrobo, Almáchar, Árchez, Arenas, Benamargosa, Benamocarra, Borge, Canillas de Aceituno, Canillas de Albaida, Comares, Cómpeta, Cútar, Frigiliana, Iznate, Macharaviaya, Moclinejo, Nerja, Periana, Rincón de la Victoria, Riogordo, Salares, Sayalonga, Sedella, Torrox, Totalán, Vélez-Málaga u La Viñuela.

“Montes de Málaga” li għaliha jappartjenu l-muniċipalitajiet ta’ Alhaurín de la Torre, Alhaurín el Grande, Almogía, Álora, Antequera (il-parti li tinsab fin-Nofsinhar ta’ Sierras Pelada, ta’ Cabras, ta’ Prieta, ta’ Co u tal-Camarolas), Ardales, Carratraca, Cártama, Casabermeja, Coín, Colmenar, Málaga, Pizarra, Torremolinos u Villanueva de la Concepción.

“Manilva” li għaliha jappartjenu l-muniċipalitajiet ta’ Manilva, Casares u Estepona.

“Costa Occidental” li għaliha jappartjenu l-muniċipalitajiet ta’ Benahavís, Benalmádena, Fuengirola, Marbella u Mijas.

“Norte de Málaga li għaliha jappartjenu l-muniċipalitajiet ta’ Alameda, Almargen, Antequera, Archidona, Benamejí, Campillos, Cañete la Real, Cuevas Bajas, Cuevas de San Marcos, Fuentepiedra, Humilladero, Mollina, Palenciana, Sierra de Yeguas, Teba, Valle de Abdalajís, Villanueva de Algaidas, Villanueva del Rosario, Villanueva de Tapia u Villanueva del Trabuco.

“Sierra de las Nieves” li għaliha jappartjenu t-termini ta’ Alozaina, El Burgo, Casarabonela, Guaro, Istán, Monda, Ojén, Tolox u Yunquera.

7.   Varjetà jew varjetajiet tad-dwieli li minnhom jinkiseb l-inbid / jinkisbu l-inbejjed

BLAUER LIMBERGER - BLAUFRÄNKISCH

CABERNET FRANC

CABERNET SAUVIGNON

CHARDONNAY

COLOMBARD

DORADILLA

GARNACHA BLANCA

GARNACHA TINTA

GARNACHA TINTORERA

GEWÜRZTRAMINER

GRACIANO

JAEN TINTO

LAIREN

MACABEO - VIURA

MALBEC

MALVASIA AROMÁTICA

MELONERA

MERLOT

MONASTRELL

MONTÚA - CHELVA

MOSCATEL DE ALEJANDRÍA

MOSCATEL DE GRANO MENUDO - MOSCATEL MORISCO

MOSCATEL NEGRO

PARDINA - JAÉN BLANCO

PEDRO XIMÉNEZ

PERRUNO

PETIT VERDOT

PINOT NOIR

RIESLING

ROME

SAUVIGNON BLANC

SYRAH

TEMPRANILLO

TINTILLA DE ROTA

TINTO VELASCO - BLASCO

VERDEJO

VERMENTINO

VIJARIEGO BLANCO - BIGIRIEGO

VIOGNIER

8.   Deskrizzjoni tar-rabta/rabtiet

Id-diversità tat-tipi ta’ nbejjed u karatteristiċi fost dawk tal-istess tip (bojod, rożè jew ħomor) hija r-riflessjoni tal-interazzjoni bejn l-ambjent naturali kumpless u divers li jsostni l-produzzjoni tagħhom, il-profużjoni ta’ varjetajiet użati minn oriġini differenti (storiċi, barranin adattati u speċijiet nattivi rkuprati) li jirnexxu minħabba l-klima ġentili taż-żona ta’ produzzjoni, u l-kumplessità orografika, li tiffavorixxi unitajiet żgħar ta’ sfruttament li jtejbu l-espressjoni tat-terren.

Ix-xejra tat-temperatura waqt il-maturazzjoni huwa ta’ importanza speċjali, li jinfluwenza b’mod deċiżiv il-varjabbiltà tal-isfumaturi aromatiċi u l-kwalità polifenolika. Fiż-żona tagħna hija karatteristikament moderata, bi tnaqqis fil-lejl, li tiġi miġġielda bis-sħana tal-latitudni kemm mill-post tagħha f’żona ta’ tranżizzjoni klimatika, kif ukoll minn kawżi mesoklimatiċi. Madankollu, hemm ukoll karatteristika klimatika notevoli, bħas-sigħat twal ta’ xemx, li jiffavorixxi l-produzzjoni ta’ most b’kontenut naturali għoli meħtieġ għall-produzzjoni tal-inbejjed minn għeneb immaturat iżżejjed.

Il-ħamrija, minħabba l-kompożizzjoni, is-sawra u/jew ix-xaqliba, hija ġeneralment ikkaratterizzata minn drenaġġ tajjeb, li flimkien ma’ fertilità medja sa baxxa, ittejjeb il-konċentrazzjoni ta’ komponenti aromatiċi u l-finezza tal-inbejjed.

9.   Rekwiżiti oħra applikabbli (imballaġġ, tikkettar, rekwiżiti addizzjonali

Qafas legali:

Fil-leġiżlazzjoni nazzjonali

Tip ta’ kundizzjoni komplementari:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

—	Indikazzjoni fakultattiva ta’ unità ġeografika ewlenija: “Andalucía”, reġjun li jinkludi ż-żona protetta kollha kemm hi.

—	Unitajiet ġeografiċi minuri: l-aċċenn għas-sottożona, għaż-żoni ta’ produzzjoni differenti u għall-muniċipalitajiet taż-żona ddefinita huma espressament regolati.

Link għall-ispeċifikazzjoni tal-prodott

https://lajunta.es/505uu

---

(1)   ĠU L 9, 11.1.2019, p. 2.