IL-KUMMISSJONI EWROPEA

Brussell, 4.2.2025

COM(2025) 42 final

Rakkomandazzjoni għal

DEĊIŻJONI TAL-KUNSILL

li tawtorizza lill-Kummissjoni Ewropea tipparteċipa, f’isem l-Unjoni Ewropea, fin-negozjati tal-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna

MEMORANDUM TA’ SPJEGAZZJONI

B’din ir-rakkomandazzjoni, il-Kummissjoni qed titlob l-awtorizzazzjoni mill-Kunsill biex tiftaħ negozjati dwar l-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna (minn hawn ’il quddiem: “l-istrument li jistabbilixxi l-Kummissjoni għat-Talbiet”), li se jirrieżamina, jivvaluta u jieħu deċiżjonijiet dwar it-talbiet eliġibbli rreġistrati fir-Reġistru tad-Danni Kkawżati mill-Aggressjoni tal-Federazzjoni Russa kontra l-Ukrajna u jiddetermina l-kumpens dovut f’kull każ.

1.KUNTEST TAL-PROPOSTA

•Raġunijiet u għanijiet tal-proposta

Fl-14 ta’ Novembru 2022, l-Assemblea Ġenerali tan-Nazzjonijiet Uniti adottat ir-riżoluzzjoni ES-11/5 1 , (“ir-Riżoluzzjoni tal-Assemblea Ġenerali tan-NU”) intitolata “Furtherance of remedy and reparation for aggression against Ukraine” (Il-progress fir-rimedju u r-riparazzjonijiet tal-aggressjoni kontra l-Ukrajna), li fiha l-Assemblea Ġenerali rrikonoxxiet li l-Federazzjoni Russa trid tinżamm responsabbli għal kwalunkwe ksur tad-dritt internazzjonali fl-Ukrajna jew kontriha, inkluż l-aggressjoni tagħha bi ksur tal-Karta tan-Nazzjonijiet Uniti, kif ukoll kwalunkwe ksur tad-dritt umanitarju internazzjonali u tad-dritt internazzjonali dwar id-drittijiet tal-bniedem, u li trid iġġarrab il-konsegwenzi legali tal-atti kollha tagħha internazzjonalment ħżiena, inkluż li tagħmel riparazzjoni għall-korriment, inkluż kwalunkwe dannu, ikkawżat minn tali atti.

Dik ir-Riżoluzzjoni rrikonoxxiet ukoll il-ħtieġa għall-istabbiliment, f’kooperazzjoni mal-Ukrajna, ta’ mekkaniżmu internazzjonali għal riparazzjoni għal ħsara, telf jew korriment, li jirriżultaw minn atti internazzjonalment illegali tal-Federazzjoni Russa fl-Ukrajna jew kontriha; u rrakkomandat il-ħolqien mill-Istati Membri, f’kooperazzjoni mal-Ukrajna, ta’ reġistru internazzjonali tad-danni biex iservi bħala rekord, f’forma dokumentarja, ta’ evidenza u informazzjoni dwar talbiet dwar dannu, telf, jew korriment lill-persuni fiżiċi u ġuridiċi kollha kkonċernati, kif ukoll lill-Istat tal-Ukrajna, ikkawżati minn atti internazzjonalment illegali tal-Federazzjoni Russa fl-Ukrajna jew kontriha, kif ukoll biex jippromwovu u jikkoordinaw il-ġbir tal-evidenza.

F’konformità mar-Riżoluzzjoni tal-Assemblea Ġenerali tan-NU, l-Istati adottaw approċċ gradwali, li l-ewwel għażlu li jistabbilixxu r-Reġistru, li għandu jiġi segwit mill-elementi l-oħra tal-mekkaniżmu ta’ kumpens, jiġifieri Kummissjoni għat-Talbiet u Fond ta’ Kumpens. Dan l-approċċ ġie rifless fl-Istatut tar-Reġistru, fejn huwa rikonoxxut li r-Reġistru, inkluż il-pjattaforma diġitali tiegħu bid-data kollha dwar it-talbiet u l-evidenza rreġistrata fih, huwa maħsub bħala l-ewwel komponent tal-mekkaniżmu ta’ kumpens li għandu jiġi stabbilit minn strument internazzjonali separat f’kooperazzjoni mal-Ukrajna 2 .

Fit-12 ta’ Mejju 2023, il-Kumitat tal-Ministri tal-Kunsill tal-Ewropa adotta r-Riżoluzzjoni li tistabbilixxi l-Ftehim Parzjali Estiż dwar ir-Reġistru tad-Danni kkawżati mill-Aggressjoni tal-Federazzjoni Russa kontra l-Ukrajna (minn hawn ’il quddiem: “Reġistru tad-Danni” jew “Reġistru”) 3 .

Ir-reġistru tad-Danni, imħabbar fir-4 Summit tal-Kapijiet ta’ Stat u ta’ Gvern tal-Kunsill tal-Ewropa f’Reykjavik (is-16 u s-17 ta’ Mejju 2023), iservi bħala rekord, f’forma dokumentarja, ta’ evidenza u informazzjoni dwar talbiet dwar dannu, telf jew korriment ikkawżati lill-persuni fiżiċi u ġuridiċi kollha kkonċernati, kif ukoll l-Istat tal-Ukrajna, fl-24 ta’ Frar 2022 jew wara fit-territorju tal-Ukrajna mill-atti internazzjonalment illegali tal-Federazzjoni Russa fl-Ukrajna jew kontriha.

L-Unjoni ngħaqdet mal-Ftehim Parzjali Estiż dwar ir-Reġistru tad-Danni bħala Membru Assoċjat fundatur permezz ta’ Deċiżjoni tal-Kummissjoni, adottata fil-11 ta’ Mejju 2023, skont l-Artikolu 212 tat-TFUE 4 . Fit-22 ta’ Lulju 2024, il-Kunsill adotta d-Deċiżjoni dwar il-bidla fl-istatus tal-Unjoni minn Membru Assoċjat għal Parteċipant 5 , u b’hekk tenna l-impenn sod tal-Unjoni għall-attivitajiet tar-Reġistru, inkluż permezz tal-ħlas tal-kontribuzzjoni obbligatorja annwali.

Bl-istabbiliment tar-Reġistru tad-Danni, il-Kunsill tal-Ewropa u l-fundaturi tar-Reġistru segwew ir-Riżoluzzjoni tal-Assemblea Ġenerali tan-NU.

Fil-Konferenza Ministerjali “Restoring Justice for Ukraine” tat-2 ta’ April 2024, fejn ir-Reġistru nieda uffiċjalment l-attivitajiet tiegħu, l-Istati interessati qablu li jorganizzaw laqgħa fi żmien debitu biex jiddiskutu abbozz ta’ strument dwar l-istabbiliment ta’ Kummissjoni għat-Talbiet bħala l-pass li jmiss lejn mekkaniżmu ta’ kumpens għall-Ukrajna.

Sussegwentement, is-Segretarjat tar-Reġistru tad-Danni ħejja “abbozz żero” tal-istrument li jistabbilixxi l-Kummissjoni għat-Talbiet (minn hawn ’il quddiem: “abbozz ta’ strument”) u, flimkien mal-Ukrajna u n-Netherlands, organizzaw laqgħat preparatorji għall-iskambju ta’ fehmiet preliminari dwar tali abbozz u l-verżjonijiet riveduti ulterjuri tiegħu (id-9 u l-10 ta’ Lulju 2024, it-12 u t-13 ta’ Settembru 2024 u bejn it-13 u l-15 ta’ Novembru 2024; u bejn it-28 u t-30 ta’ Jannar 2025). L-94 Stat li vvutaw favur ir-riżoluzzjoni tal-Assemblea Ġenerali tan-NU msemmija hawn fuq ġew mistiedna għal-laqgħat. Matul dawn il-laqgħat, id-delegazzjonijiet ġew imħeġġa jfittxu mandat biex jipparteċipaw f’Konferenza Diplomatika futura biex jadottaw u jiffirmaw l-istrument li jistabbilixxi l-Kummissjoni għat-Talbiet, b’kont meħud li dan jista’ jieħu l-forma ta’ strument internazzjonali legalment vinkolanti.

F’konformità mad-dispożizzjonijiet rilevanti tal-abbozz tal-istrument, il-Kummissjoni għat-Talbiet jenħtieġ li tkun korp amministrattiv biex tirrieżamina, tivvaluta u tiddeċiedi talbiet eliġibbli u tiddetermina l-ammont ta’ kumpens dovut f’kull każ. Għal dan l-għan, l-abbozz tal-istrument jipprevedi li l-ħidma tar-Reġistru għandha tiġi ttrasferita lill-Kummissjoni għat-Talbiet, inkluż il-faċilitajiet u r-riżorsi għall-bini amministrattiv tagħha.

L-abbozz tal-istrument tħejja bil-fehim li għad m’hemmx kunsens fir-rigward tal-qafas istituzzjonali tal-Kummissjoni għat-Talbiet futura, jew il-funzjonament u l-governanza tagħha. Fil-laqgħat preparatorji li saru s’issa, l-Istati parteċipanti ddiskutew l-għażliet li ġejjin għall-istabbiliment tal-Kummissjoni għat-Talbiet: (i) taħt l-awspiċji tal-Kunsill tal-Ewropa permezz ta’ konvenzjoni tal-Kunsill tal-Ewropa; (ii) permezz ta’ strument internazzjonali awtonomu li jistabbilixxi l-Kummissjoni għat-Talbiet; (iii) permezz ta’ strument internazzjonali awtonomu li jistabbilixxi l-Kummissjoni għat-Talbiet, li madankollu tiddependi fuq l-appoġġ segretarjali mill-Kunsill tal-Ewropa (l-hekk imsejjaħ “mudell ibridu”). In-negozjati formali tal-istrument li jistabbilixxi l-Kummissjoni għat-Talbiet huma madankollu mistennija li jibdew sa Marzu 2025.

L-għan ta’ din ir-rakkomandazzjoni huwa għalhekk li tiġi żgurata l-parteċipazzjoni f’waqtha tal-Unjoni fin-negozjati li ġejjin tal-istrument li jistabbilixxi l-Kummissjoni għat-Talbiet li matulhom se jintlaħaq qbil dwar in-natura ta’ tali strument, il-karatteristiċi tal-Kummissjoni għat-Talbiet u r-regoli rilevanti kollha dwar il-qafas, il-governanza u l-funzjonament tiegħu.

•Konsistenza mad-dispożizzjonijiet eżistenti fil-qasam ta’ politika

Barra minn hekk, il-parteċipazzjoni fl-istabbiliment tal-Kummissjoni għat-Talbiet tikkomplementa diversi inizjattivi meħuda fil-livell tal-Unjoni minn Frar 2022, li għandhom l-għan li jiżguraw li l-Federazzjoni Russa tinżamm responsabbli għall-gwerra ta’ aggressjoni tagħha kontra l-Ukrajna u li l-individwi responsabbli għad-delitti internazzjonali mwettqa fl-Ukrajna u kontriha jitressqu quddiem il-ġustizzja. B’mod partikolari, l-Unjoni ppermettiet it-twaqqif taċ-Ċentru Internazzjonali għall-Prosekuzzjoni tad-Delitt ta’ Aggressjoni kontra l-Ukrajna (International Centre for the Prosecution of the Crime of Aggression against Ukraine, ICPA) fl-Eurojust. L-Eurojust ilha tassisti lill-awtoritajiet nazzjonali li jipparteċipaw fis-SIK u fl-ICPA permezz tal-appoġġ operazzjonali, tekniku, loġistiku u finanzjarju mfassal apposta tagħha, inkluż permezz tal-Bażi ta’ Data ta’ Evidenza dwar Delitti Internazzjonali Ewlenin tagħha. Din il-proposta hija bl-istess mod konsistenti mal-parteċipazzjoni tal-Unjoni f’fora u strutturi internazzjonali mmirati lejn it-tisħiħ tal-kooperazzjoni fost l-awtoritajiet nazzjonali kompetenti li jinvestigaw id-delitti internazzjonali mwettqa fl-Ukrajna u kontra l-Ukrajna u li jiżguraw li ma jkunx hemm impunità għal tali reati. Dawn il-fora jinkludu l-Grupp Konsultattiv dwar l-Atroċitajiet bejn l-Istati Uniti u l-UE li jiffaċilita l-assistenza minn esperti lill-Uffiċċju tal-Prosekutur Ġenerali tal-Ukrajna, kif ukoll il-Grupp ta’ Djalogu, li jaġixxi bħala pjattaforma internazzjonali ta’ koordinazzjoni għal inizjattivi li jikkonċernaw l-appoġġ għall-kapaċitajiet investigattivi u ta’ prosekuzzjoni tal-Ukrajna, azzjonijiet minn organizzazzjonijiet internazzjonali u organizzazzjonijiet tas-soċjetà ċivili (OSĊ). .

•Konsistenza ma’ politiki oħra tal-Unjoni

2.BAŻI LEGALI, SUSSIDJARJETÀ U PROPORZJONALITÀ

•Bażi legali

L-Artikolu 218(3) TFUE jipprevedi l-preżentazzjoni mill-Kummissjoni ta’ “rakkomandazzjonijiet lill-Kunsill, li għandu jadotta deċiżjoni li tawtorizza l-ftuħ tan-negozjati u li tinnomina, skont is-suġġett tal-ftehim previst, in-negozjatur tal-Unjoni jew il-kap tal-grupp ta’ negozjaturi tal-Unjoni.”

Skont l-Artikolu 218(4) TFUE, il-Kunsill jista’ jindirizza d-direttivi lin-negozjatur u għandu jaħtar kumitat speċjali li permezz ta’ konsultazzjoni miegħu għandhom jitwettqu n-negozjati”.

Skont il-ġurisprudenza stabbilita tal-Qorti Ewropea tal-Ġustizzja 8 , il-bażi legali sostantiva tiddependi primarjament fuq l-objettiv u l-kontenut tal-att previst. Jekk l-att previst ikollu żewġ miri jew żewġ komponenti, u jekk wieħed minn dawn il-miri jew komponenti jkun jista’ jiġi identifikat bħala dak ewlieni, filwaqt li l-ieħor ikun sempliċiment inċidentali, att legali jrid jissejjes fuq bażi legali sostantiva waħda, jiġifieri dik rikjesta mill-mira jew komponent ewlieni jew predominanti. Din ir-rakkomandazzjoni għandha l-għan li tiżgura li l-Unjoni tkun awtorizzata tipparteċipa fin-negozjati tal-istrument li jistabbilixxi l-Kummissjoni għat-Talbiet.

L-istabbiliment tal-Kummissjoni għat-Talbiet huwa maħsub biex jipprovdi l-assistenza teknika u finanzjarja meħtieġa lil pajjiż terz, b’mod partikolari lill-Ukrajna, biex jiżgura li l-Federazzjoni Russa tinżamm responsabbli bis-sħiħ għall-gwerra ta’ aggressjoni tagħha kontra l-Ukrajna u li d-danni, it-telf u l-korrimenti kollha kkawżati lill-persuni fiżiċi u ġuridiċi kollha kkonċernati, kif ukoll lill-Istat tal-Ukrajna, inkluż l-awtoritajiet reġjonali u lokali tagħha, l-entitajiet tal-Istat jew ikkontrollati mill-Istat, mill-atti internazzjonalment illegali tal-Federazzjoni Russa fl-Ukrajna jew kontriha jiġu kkumpensati kif xieraq. L-għan aħħari tal-istrument li jistabbilixxi l-Kummissjoni għat-Talbiet huwa għalhekk li jindirizza kwistjonijiet amministrattivi, finanzjarji, proċedurali, legali u ta’ politika tal-Kummissjoni għat-Talbiet biex jiġi żgurat li l-Federazzjoni Russa tagħmel riparazzjoni sħiħa kif previst fil-mandat u l-funzjoni tal-Kummissjoni għat-Talbiet fl-abbozz żero tal-istrument internazzjonali u li jkun konsistenti mal-għan skont l-Artikolu 212 TFUE. Dan ikun konsistenti wkoll kemm mal-bażi legali sostantiva tad-Deċiżjoni tal-Kunsill dwar il-bidla tal-istatus tal-Unjoni minn Membru Assoċjat għal Parteċipant fir-Reġistru tad-Danni adottat abbażi tal-Artikolu 212 TFUE, kif ukoll mal-kontribuzzjoni annwali prevista tal-Unjoni lill-Kummissjoni għat-Talbiet skont ir-Regolament li jistabbilixxi l-Faċilità għall-Ukrajna, li tipprovdi assistenza finanzjarja b’mod ugwali abbażi tal-Artikolu 212 TFUE.

Fl-istess ħin, il-kuntest ta’ din l-inizjattiva u l-preambolu tal-abbozz żero juru li l-Kummissjoni għat-Talbiet prevista ssegwi l-għan li tiżgura r-rispett għad-dritt internazzjonali u żżomm lill-Federazzjoni Russa responsabbli għall-atti illegali tagħha. Kif muri mir-riżoluzzjonijiet tal-AĠNU msemmija fil-preambolu tal-abbozz ta’ strument, dan il-mekkaniżmu ser jiġi stabbilit biex jirrispondi għad-delitt ta’ aggressjoni mwettaq mill-Federazzjoni Russa kontra l-Ukrajna, f’viloazzjoni manifesta tal-Artikolu 2(4) tal-Karta tan-NU. L-istabbiliment ta’ dan il-mekkaniżmu għalhekk ser jifforma wkoll parti mill-isforzi tal-komunità internazzjonali biex jiġu żgurati l-paċi u s-sigurtà internazzjonali. Mill-perspettiva tal-UE, il-parteċipazzjoni f’dan il-mekkaniżmu tikkorrispondi għall-objettivi li jirfdu l-azzjoni esterna tal-UE, kif stabbilit fl-Artikolu 21(2) TFUE.

Din ir-rakkomandazzjoni hija bbażata fuq l-Artikolu 212 TFUE flimkien mal-Artikolu 218(3) u (4) tat-TFUE u tipprevedi l-ħatra tal-Kummissjoni bħala n-negozjatur tal-Unjoni.

•Sussidjarjetà (għall-kompetenza mhux esklużiva)

F’konformità mal-Artikolu 216(1) TFUE, il-parteċipazzjoni tal-Unjoni fin-negozjati tal-istrument li jistabbilixxi l-Kummissjoni għat-Talbiet taqa’ taħt il-kompetenza esterna tal-Unjoni.

Skont l-Artikolu 212(3), it-tieni subparagrafu, TFUE, in-negozjar ta’ ftehim internazzjonali mill-Unjoni huwa mingħajr preġudizzju għall-kompetenza tal-Istati Membri li jinnegozjaw f’korpi internazzjonali u li jikkonkludu tali ftehimiet. Fid-dawl tal-objettivi konġunti tal-UE u l-Istati Membri tagħha biex jiġi żgurat il-ħlas tad-danni tal-gwerra mill-Federazzjoni Russa, huwa xieraq li kemm l-Unjoni kif ukoll dawk l-Istati Membri li jiddeċiedu hekk, jipparteċipaw f’dawn in-negozjati.

•Proporzjonalità

L-għanijiet tal-Unjoni fir-rigward ta’ din il-proposta kif stabbiliti hawn fuq jistgħu jinkisbu biss bil-parteċipazzjoni tal-Unjoni fin-negozjati tal-istrument li jistabbilixxi l-Kummissjoni għat-Talbiet.

•Għażla tal-istrument

Il-parteċipazzjoni tal-Unjoni fin-negozjati tal-istrument li jistabbilixxi l-Kummissjoni għat-Talbiet jeħtieġ li tiġi stabbilita permezz ta’ Deċiżjoni tal-Kunsill li tawtorizza l-ftuħ tan-negozjati, in-nomina tan-negozjatur tal-Unjoni u l-indirizzar ta’ direttivi lin-negozjatur skont l-Artikolu 218(3) u (4) TFUE.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu tal-għarfien espert

•Valutazzjoni tal-impatt

•Idoneità regolatorja u simplifikazzjoni

•Drittijiet fundamentali

L-aggressjoni tal-Federazzjoni Russa kontra l-Ukrajna hija ksur serju tad-dritt internazzjonali li tikkawża u diġà kkawżat danni enormi fl-Ukrajna u lill-popolazzjoni Ukrena. Din il-proposta għandha l-għan li ssaħħaħ l-impenn tal-Unjoni li tiżgura li, permezz tal-Kummissjoni għat-Talbiet, tali danni jistgħu jiġu kkumpensati kif xieraq, inklużi dawk li jirriżultaw mill-ksur mill-Federazzjoni Russa tad-drittijiet fundamentali bħad-drittijiet għall-ħajja, għall-integrità tal-persuna u għall-proprjetà, kif ukoll id-dritt tal-projbizzjoni tat-tortura u tal-piena jew trattament inuman jew degradanti.

4.IMPLIKAZZJONIJIET BAĠITARJI

Kif previst fl-abbozz tal-istrument, f’konformità mad-dritt internazzjonali l-Federazzjoni Russa jenħtieġ li tħallas l-ispejjeż tal-ħidma tal-Kummissjoni għat-Talbiet. Fl-abbozz tal-istrument, huwa stipulat ukoll, madankollu, li sakemm il-Federazzjoni Russa twettaq l-obbligu tagħha, il-Kummissjoni għat-talbiet jenħtieġ li tiġi ffinanzjata permezz tal-kontribuzzjonijiet annwali tal-Membri tagħha, u kontribuzzjonijiet volontarji. Dawn il-kontribuzzjonijiet għandhom jitqiesu bħala pagamenti bil-quddiem dovuti mill-Federazzjoni Russa skont il-liġi internazzjonali u li jistgħu jiġu rkuprati mill-Federazzjoni Russa. B’mod aktar speċifiku, il-kontribuzzjonijiet annwali mill-Membri jenħtieġ li jiġu ddeterminati mill-Kumitat Finanzjarju tal-Assemblea, abbażi tal-iskala adottata min-Nazzjonijiet Uniti għall-baġit regolari tagħha. Skont l-abbozz tal-istrument, il-Membri mhumiex mistennija jikkontribwixxu għall-fond ta’ kumpens li se jitwaqqaf biex jeżegwixxi d-deċiżjonijiet tal-Kummissjoni għat-Talbiet li jagħtu kumpens.

Għalhekk, jekk l-Unjoni jkollha l-intenzjoni li tipparteċipa bħala Membru fl-istrument li jistabbilixxi l-Kummissjoni għat-Talbiet, hija tkun meħtieġa tħallas kontribuzzjoni annwali. Aktar dettalji dwar l-impatt finanzjarju tal-Unjoni jinsabu fid-dikjarazzjoni finanzjarja leġiżlattiva annessa ma’ din il-proposta.

Ir-Regolament (UE) 2024/792 li jistabbilixxi l-Faċilità għall-Ukrajna jipprevedi l-bażi legali għall-kontribuzzjoni tal-Unjoni lill-Kummissjoni għat-Talbiet sal-2027. Abbażi tal-objettivi stabbiliti fir-Regolament (UE) 2024/792, u b’mod partikolari taħt il-Kapitolu V, l-Artikolu 34(3) tal-imsemmi Regolament jipprevedi li “L-assistenza skont dan il-Kapitolu għandha ssaħħaħ ukoll il-kapaċitajiet għall-prevenzjoni tal-kunflitti u l-konsolidazzjoni tal-paċi u tindirizza l-ħtiġijiet ta’ qabel u ta' wara l-kriżi, inkluż permezz ta’ miżuri u proċessi għall-bini tal-fiduċja li jippromwovu l-ġustizzja, it-tfittxija tal-verità, ir-riabilitazzjoni komprensiva wara kunflitt għal soċjetà inklużiva u paċifika, kif ukoll il-ġbir ta’ evidenza ta’ delitti mwettqa matul il-gwerra. Il-finanzjament għal inizjattivi u korpi involuti fl-appoġġ u l-infurzar tal-ġustizzja internazzjonali fl-Ukrajna jista’ jiġi pprovdut skont dan il-Kapitolu.”. Għalhekk, peress li l-istrument li jistabbilixxi l-Kummissjoni għat-Talbiet għandu l-għan li jinforza l-ġustizzja internazzjonali fl-Ukrajna billi jikkontribwixxi għal mekkaniżmu li se jikkumpensa d-danni mġarrba mill-Ukrajna u mill-popolazzjoni tagħha u kkawżati mill-ksur tad-dritt internazzjonali mill-Federazzjoni Russa, l-Artikolu 34(3) tar-Regolament (UE) 2024/792 jipprevedi l-bażi legali xierqa biex l-Unjoni tipprovdi l-kontribuzzjoni finanzjarja tagħha lill-Kummissjoni għat-Talbiet sal-2027.

Il-linja baġitarja li tkopri din in-nefqa tkun il-linja 16 06 03 01 — Assistenza għall-adeżjoni tal-Unjoni u miżuri oħra, fejn fir-rimarki baġitarji relattivi huwa spjegat li din il-partita “se tkopri wkoll l-appoġġ għal […] miżuri oħra li huma komplementari għall-azzjoni tal-UE, bħall-mekkaniżmi ta’ responsabbiltà għall-gwerra ta’ aggressjoni tar-Russja”.

Fir-rigward tal-metodu ta’ implimentazzjoni, l-Artikolu 245 tar-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (riformulazzjoni) 9 , li jippermetti lill-Unjoni tħallas tariffi tas-sħubija lil korpi li l-Unjoni hija membru tagħhom, huwa applikabbli għall-kontribuzzjoni tal-Unjoni lill-Kummissjoni għat-Talbiet.

5.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

Fir-rigward tal-arranġamenti ta’ rappurtar, il-Kunsill jista’ jaħtar kumitat speċjali skont it-tifsira tal-Artikolu 218(4) TFUE, li jenħtieġ li jiġi kkonsultat għat-tmexxija tan-negozjati. Jekk dan il-kumitat jinħatar, il-Kummissjoni jenħtieġ li tirrapporta regolarment lilu dwar il-passi meħuda skont id-Deċiżjoni tal-Kunsill u tikkonsultah fuq bażi regolari.

Meta tintalab hekk mill-Kunsill, jenħtieġ li l-Kummissjoni tirrapporta lura lilu dwar it-tmexxija u l-eżitu tan-negozjati, inkluż bil-miktub.

•Dokumenti ta’ spjegazzjoni (għad-direttivi)

Mhux applikabbli.

•Spjegazzjoni fid-dettall tad-dispożizzjonijiet speċifiċi tal-proposta

L-Artikolu 1 jinkludi l-awtorizzazzjoni tal-Kummissjoni biex tipparteċipa, f’isem l-Unjoni, fin-negozjati ta’ ftehim internazzjonali li jistabbilixxi l-Kummissjoni Internazzjonali għat-Talbiet għall-Ukrajna. L-Artikolu 1 jistabbilixxi wkoll li n-negozjati jenħtieġ li jitmexxew abbażi tad-direttivi ta’ negozjati tal-Kunsill mehmuża fl-anness għad-Deċiżjoni.

L-Artikolu 2 jipprevedi n-nomina tal-Kummissjoni bħala negozjatur tal-Unjoni.

L-Artikolu 3 jipprevedi l-ħatra ta’ kumitat speċjali li f’konsultazzjoni miegħu jridu jitmexxew in-negozjati.

L-Artikolu 4 jipprovdi li d-Deċiżjoni hija indirizzata lill-Kummissjoni.

L-Artikolu 5 jipprevedi d-dħul fis-seħħ tad-Deċiżjoni.

Rakkomandazzjoni għal

DEĊIŻJONI TAL-KUNSILL

li tawtorizza lill-Kummissjoni Ewropea tipparteċipa, f’isem l-Unjoni Ewropea, fin-negozjati tal-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, b’mod partikolari l-Artikolu 212 flimkien mal-Artikolu 218(3) u (4) tiegħu,

Wara li kkunsidra r-rakkomandazzjoni mill-Kummissjoni Ewropea

Billi:

(1)Wara l-gwerra ta’ aggressjoni mhux provokata u mhux ġustifikata mwettqa mill-Federazzjoni Russa kontra l-Ukrajna, 10 fl-14 ta’ Novembru 2022, l-Assemblea Ġenerali tan-Nazzjonijiet Uniti adottat ir-Riżoluzzjoni ES-11/5, intitolata “Furtherance of remedy and reparation for aggression against Ukraine”. 11  

(2)Minbarra li tfakkar fl-obbligi tal-Istati skont l-Artikolu 2 tal-Karta tan-Nazzjonijiet Uniti, inkluż dak li jżommu lura fir-relazzjonijiet internazzjonali tagħhom mit-theddida jew l-użu tal-forza kontra l-integrità territorjali jew l-indipendenza politika ta’ kwalunkwe Stat, l-Assemblea Ġenerali esprimiet tħassib serju dwar it-telf ta’ ħajjiet, l-ispostament ċivili, il-qerda katastrofika tal-infrastruttura u r-riżorsi naturali, it-telf ta’ proprjetà pubblika u privata, u l-kalamità ekonomika kkawżata mill-aggressjoni tal-Federazzjoni Russa kontra l-Ukrajna. 12

(3)L-Assemblea Ġenerali tan-Nazzjonijiet Uniti rrikonoxxiet li l-Federazzjoni Russa trid tinżamm responsabbli għal kwalunkwe ksur tad-dritt internazzjonali mwettaq kontra l-Ukrajna. Barra minn hekk, hija enfasizzat ukoll li l-Federazzjoni Russa trid iġġarrab il-konsegwenzi legali tal-atti illegali kollha tagħha fuq livell internazzjonali, inkluż l-għoti ta’ kumpens għad-dannu, inkluż kwalunkwe dannu, ikkawżat mill-atti illegali tagħha. 13  

(4)Taħt dan il-qafas, l-Assemblea Ġenerali tan-Nazzjonijiet Uniti enfasizzat il-ħtieġa li jiġi stabbilit, f’kooperazzjoni mal-Ukrajna, mekkaniżmu internazzjonali għal riparazzjoni għal dannu, telf jew korriment, li jirriżultaw minn atti internazzjonalment illegali tal-Federazzjoni Russa fl-Ukrajna jew kontra l-Ukrajna. 14 Għal dan l-għan, hija rrakkomandat il-ħolqien ta’ reġistru internazzjonali tad-dannu biex iservi bħala rekord, f’forma dokumentarja, ta’ evidenza u informazzjoni dwar it-talbiet dwar id-dannu, it-telf jew il-korriment lill-persuni fiżiċi u ġuridiċi kollha kkonċernati, kif ukoll lill-Istat tal-Ukrajna, ikkawżati minn atti internazzjonalment illegali tal-Federazzjoni Russa fl-Ukrajna jew kontriha, kif ukoll għall-promozzjoni u l-koordinazzjoni tal-ġbir tal-evidenza. 15

(5)Fit-12 ta’ Mejju 2023, il-Kumitat tal-Ministri tal-Kunsill tal-Ewropa adotta r-Riżoluzzjoni CM/Res(2023)3 li tistabbilixxi l-Ftehim Parzjali Estiż dwar ir-Reġistru tad-Danni Kkawżati mill-Aggressjoni tal-Federazzjoni Russa kontra l-Ukrajna.

(6)Sabiex jitmexxew ’il quddiem l-isforzi ta’ responsabbiltà lejn l-istabbiliment ta’ mekkaniżmu internazzjonali għal riparazzjoni għal dannu, telf jew korriment, u li jirriżultaw minn atti internazzjonalment illegali tal-Federazzjoni Russa fl-Ukrajna jew kontra l-Ukrajna, l-Istati adottaw approċċ gradwali, li l-ewwel għażlu li jistabbilixxu r-Reġistru, li għandu jiġi segwit mill-elementi l-oħra tal-mekkaniżmu ta’ kumpens, jiġifieri Kummissjoni għat-Talbiet u Fond ta’ Kumpens. Dan l-approċċ ġie rifless fl-Istatut tar-Reġistru, fejn huwa rikonoxxut li r-Reġistru, inkluż il-pjattaforma diġitali tiegħu bid-data kollha dwar it-talbiet u l-evidenza rreġistrata fih, huwa maħsub bħala l-ewwel komponent tal-mekkaniżmu ta’ kumpens li għandu jiġi stabbilit minn strument internazzjonali separat f’kooperazzjoni mal-Ukrajna u organizzazzjonijiet u korpi internazzjonali rilevanti.

(7)Wara li ngħaqdet mar-Reġistru tad-Danni bħala Membru Assoċjat fundatur fil-11 ta’ Mejju 2023 permezz ta’ notifika lis-Segretarju Ġenerali tal-Kunsill tal-Ewropa, l-Unjoni biddlet l-istatus tagħha għal Parteċipant fit-22 ta’ Lulju 2024.

(8)Fid-29 ta’ Frar 2024, il-Parlament Ewropew u l-Kunsill adottaw ir-Regolament (UE) 2024/792 li jistabbilixxi l-Faċilità għall-Ukrajna, li permezz tiegħu l-koleġiżlaturi fost l-oħrajn ipprovdew il-bażi legali għall-assistenza għal inizjattivi u korpi involuti fl-appoġġ u l-infurzar tal-ġustizzja internazzjonali fl-Ukrajna, inkluż billi jkopru l-kontribuzzjoni finanzjarja tal-Unjoni għar-Reġistru tad-Danni.

(9)Fl-2024, l-Uffiċċju tal-President tal-Ukrajna, il-Ministeru għall-Affarijiet Barranin tal-Ukrajna, il-Ministeru għall-Affarijiet Barranin tar-Renju tan-Netherlands u r-Reġistru tad-Danni għall-Ukrajna stiednu lill-Istati li appoġġaw l-adozzjoni tar-Riżoluzzjoni A/RES/ES-11/5 tal-Assemblea Ġenerali tan-Nazzjonijiet Uniti għal Laqgħat Preparatorji dwar Strument Internazzjonali biex tiġi stabbilita Kummissjoni għat-Talbiet għall-Ukrajna f’The Hague, in-Netherlands. L-ewwel ċiklu ta’ negozjati formali huwa mistenni li jseħħ f’Marzu 2025.

(10)Is-Segretarjat tar-Reġistru tad-Danni ħejja “abbozz żero” ta’ strument internazzjonali għall-istabbiliment ta’ Kummissjoni għat-Talbiet għall-Ukrajna. L-“abbozz żero” jinkludi dispożizzjonijiet dwar il-mandat, il-funzjoni, l-istatus legali, is-sede, is-sħubija u l-parteċipazzjoni tal-Kummissjoni għat-Talbiet, l-istruttura organizzattiva, il-finanzjament u l-baġit kif ukoll dwar il-proċedura għar-rieżami tat-talbiet, is-sħubija fil-Federazzjoni Russa, u t-trasferiment tal-ħidma tar-Reġistru tad-Danni.

(11)Minħabba l-interess tal-Unjoni li ttenni l-impenn sod tagħha li tiżgura li l-Federazzjoni Russa ġġorr il-konsegwenzi legali tal-atti internazzjonalment illegali tagħha kontra l-Ukrajna, inkluż l-obbligu li tagħmel riparazzjoni għal kwalunkwe dannu, telf u dannu kkawżat minn dawk l-atti, huwa xieraq li l-Unjoni tipparteċipa fin-negozjati tal-istrument internazzjonali li jistabbilixxi l-Kummissjoni għat-Talbiet.

ADOTTAT DIN ID-DEĊIŻJONI:

Artikolu 1

Il-Kummissjoni hija b’dan awtorizzata tinnegozja, f’isem l-Unjoni, strument internazzjonali li jistabbilixxi Kummissjoni Internazzjonali għat-Talbiet għall-Ukrajna.

Artikolu 2

In-negozjati għandhom jitmexxew abbażi tad-direttivi ta’ negozjar stabbiliti fl-Anness.

Artikolu 3

Il-Kummissjoni hija b’dan maħtura bħala n-negozjatur tal-Unjoni.

Artikolu 4

Il-parteċipazzjoni tal-Unjoni fin-negozjati msemmija fl-Artikolu 1 għandha ssir f’konsultazzjoni mal-kumitat speċjali maħtur f’konformità mal-Artikolu 218(4) TFUE.

Il-Kummissjoni għandha tirrapporta regolarment lill-kumitat speċjali msemmi fl-ewwel subparagrafu dwar il-passi meħuda skont din id-Deċiżjoni u tikkonsultah fuq bażi regolari.

Artikolu 5

Din id-Deċiżjoni hija indirizzata lill-Kummissjoni.

Magħmul fi Brussell,

(1)    Riżoluzzjoni tal-AĠNU A/RES/ES-11/5, OP2-OP4

(2)    L-Appendiċi għar-Riżoluzzjoni CM/Res (2023) tat-12 ta’ Mejju 2023, l-Istatut tar-Reġistru tad-Danni Kkawżati mill-Aggressjoni tal-Federazzjoni Russa kontra l-Ukrajna, l-Artikolu 2.5.

(3)

   Ir-riżoluzzjoni CM/Res(2023)3 li tistabbilixxi l-Ftehim Parzjali Estiż dwar ir-Reġistru tad-Danni kkawżati mill-Aggressjoni tal-Federazzjoni Russa kontra l-Ukrajna (Adottata mill-Kumitat tal-Ministri fit-12 ta’ Mejju 2023 fl-1466 laqgħa tad-Deputati tal-Ministri).

(4)

   C(2023) 3241, 11.5.2023.

(5)    Id-Deċiżjoni tal-Kunsill (UE) 2024/2045 tat-22 ta’ Lulju 2024 dwar il-pożizzjoni li għandha tittieħed f’isem l-Unjoni fi ħdan il-korpi tal-Kunsill tal-Ewropa fir-rigward tal-istatus tal-Unjoni Ewropea fil-Ftehim Parzjali Estiż dwar ir-Reġistru tad-Danni kkawżati mill-Aggressjoni tal-Federazzjoni Russa kontra l-Ukrajna, ĠU L, 2024/2045, 24.7.2024, ELI: http://data.europa.eu/eli/dec/2024/2045/oj.

(6)    Ir-Regolament (UE) 2024/792 tal-Parlament Ewropew u tal-Kunsill tad-29 ta’ Frar 2024 li jistabbilixxi l-Faċilità għall-Ukrajna ĠU L, 2024/792, 29.2.2024.

(7)    Id-Direttiva (UE) 2024/1226 tal-Parlament Ewropew u tal-Kunsill tal-24 ta’ April 2024 dwar id-definizzjoni ta’ reati kriminali u ta’ penali għall-ksur ta’ miżuri restrittivi tal-Unjoni u li temenda d-Direttiva (UE) 2018/1673, ĠU L, 2024/1226, 29.4.2024, ELI: http://data.europa.eu/eli/dir/2024/1226/oj.

(8)    Is-sentenza tal-24 ta’ Ġunju 2014 (Awla Manja), il-Parlament Ewropew vs il-Kunsill, C-658/11, il-paragrafi 55–57 u s-Sentenza tal-Qorti tal-Ġustizzja fil-Kawża C-130/10 il-Parlament Ewropew vs il-Kunsill, il-paragrafu 80.

(9)

   Ir-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (riformulazzjoni) ĠU L, 2024/2509, 26.9.2024, ELI: http://data.europa.eu/eli/reg/2024/2509/oj.

(10)    UN DOC A/ES-11/L.1.

(11)    UN Doc A/RES/ES-11/5.

(12)    Ibid Premessi 2, 9.

(13)    Ibid il-paragrafu 2.

(14)    Dokument tan-NU A/RES/ES-11/5 il-paragrafu 3.

(15)    Ibid il-paragrafu 4.

IL-KUMMISSJONI EWROPEA

Brussell, 4.2.2025

COM(2025) 42 final

ANNESSI

ta'

Rakkomandazzjoni għal Deċiżjoni tal-Kunsill

li tawtorizza lill-Kummissjoni Ewropea tipparteċipa, f’isem l-Unjoni Ewropea, fin-negozjati tal-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna

ANNESS 1

Direttivi għan-negozjati tal-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna

Matul in-negozjati, il-Kummissjoni jenħtieġ li timmira li tikseb l-għanijiet stabbiliti fid-dettall hawn taħt.

(1)L-għan tal-istrument internazzjonali li jistabbilixxi l-Kummissjoni Internazzjonali għat-Talbiet għall-Ukrajna għandu jkun li joħloq il-bażi legali skont id-dritt internazzjonali għal korp amministrattiv biex jirrieżamina, jivvaluta u jiddeċiedi talbiet eliġibbli għal kumpens għal dannu, telf, jew korriment ikkawżat fl-24 ta’ Frar 2022 jew wara, fit-territorju tal-Ukrajna fi ħdan il-fruntieri tagħha rikonoxxuti internazzjonalment, li testendi għall-baħar territorjali tagħha kif ukoll fiż-żona ekonomika esklużiva u l-blata kontinentali tagħha għall-persuni fiżiċi u ġuridiċi kollha kkonċernati, kif ukoll l-Istat tal-Ukrajna, inkluż l-awtoritajiet reġjonali u lokali tagħha, l-entitajiet tal-Istat jew ikkontrollati mill-Istat, mill-atti internazzjonalment illegali tal-Federazzjoni Russa fl-Ukrajna jew kontriha, inkluż l-aggressjoni tagħha bi ksur tal-Karta tan-Nazzjonijiet Uniti, kif ukoll kwalunkwe ksur tad-dritt umanitarju internazzjonali u tad-dritt internazzjonali dwar id-drittijiet tal-bniedem.

(2)L-istrument internazzjonali għandu jipprovdi l-istatus legali u l-personalità ġuridika tal-Kummissjoni għat-Talbiet kif meħtieġ għall-eżerċizzju tal-funzjonijiet tagħha u għat-twettiq tal-mandat tagħha.

(3)L-istrument internazzjonali għandu jispjega b’mod ċar u preċiż it-titoli ta’ sħubija għall-Istati u l-Organizzazzjonijiet Internazzjonali u l-modalitajiet tagħhom ta’ parteċipazzjoni fl-istrument.

(4)L-istrument internazzjonali għandu jiddeskrivi b’mod ċar l-istruttura organizzattiva tal-Kummissjoni għat-Talbiet, b’mod partikolari, fir-rigward tal-istruttura ta’ governanza u l-modalitajiet tal-parteċipazzjoni tal-Istati u l-Organizzazzjonijiet Internazzjonali.

(5)L-istrument internazzjonali għandu jispeċifika li, skont il-liġi internazzjonali, il-Federazzjoni Russa għandha tħallas l-ispejjeż tal-Kummissjoni għat-Talbiet. Hija għandha tispeċifika wkoll li, sakemm il-Federazzjoni Russa tneħħi l-obbligu msemmi, il-Kummissjoni għat-Talbiet għandha tiġi ffinanzjata permezz tal-kontribuzzjonijiet annwali stmati tal-Membri tagħha u l-kontribuzzjonijiet volontarji, u li l-kontribuzzjonijiet tal-Membri għandhom ikunu jistgħu jiġu rkuprati mill-Federazzjoni Russa.

(6)L-istrument internazzjonali għandu jistabbilixxi b’mod ċar il-modalitajiet tad-determinazzjoni tal-kontribuzzjoni finanzjarja annwali mill-Membri u r-regoli u l-proċeduri finanzjarji li jirregolaw il-Kummissjoni għat-Talbiet.

(7)L-istrument internazzjonali għandu jinkludi l-modalitajiet meħtieġa għal trasferiment bla xkiel u preċiż tax-xogħol tar-Reġistru tad-Danni, u jagħti dettalji dwar il-kontinwazzjoni possibbli tar-Reġistru fil-qafas tal-Kummissjoni għat-Talbiet.

(8)Il-proċedura għan-negozjati għandha tkun kif ġej:

(a)In-negozjati għandhom jitħejjew sew bil-quddiem. Għal dan l-għan, il-Kummissjoni għandha tinforma lill-kumitat speċjali maħtur f’konformità mal-Artikolu 218(4) TFUE dwar l-iskeda antiċipata u l-kwistjonijiet li għandhom jiġu nnegozjati, u taqsam l-informazzjoni rilevanti kmieni kemm jista’ jkun.

(b)Fejn meħtieġ, is-sessjonijiet ta’ negozjar għandhom ikunu preċeduti minn laqgħa tal-kumitat speċjali maħtur f’konformità mal-Artikolu 218(4) TFUE sabiex jiġu identifikati l-kwistjonijiet ewlenin, jiġu fformulati opinjonijiet u tiġi pprovduta gwida, kif xieraq.

(c)Il-Kummissjoni għandha tirrapporta lill-kumitat speċjali maħtur f’konformità mal-Artikolu 218(4) TFUE dwar l-eżitu tan-negozjati wara kull sessjoni ta’ negozjar jew, meta jsiru għadd ta’ negozjati b’mod parallel, wara serje ta’ sessjonijiet ta’ negozjati.

(d)Il-Kummissjoni għandha tinforma lill-kumitat speċjali maħtur f’konformità mal-Artikolu 218(4) TFUE dwar kwalunkwe kwistjoni importanti li tista’ tinqala’ matul in-negozjati.

ANNESS 2

DIKJARAZZJONI FINANZJARJA U DIĠITALI LEĠIŻLATTIVA

1.QAFAS TAL-PROPOSTA/TAL-INIZJATTIVA3

1.1.Titolu tal-proposta/tal-inizjattiva3

1.2.Qasam/Oqsma ta’ politika kkonċernat(i)3

1.3.Għan(ijiet)3

1.3.1.Għan(ijiet) ġenerali3

1.3.2.Għan(ijiet) speċifiku/speċifiċi3

1.3.3.Riżultat(i) u impatt mistennija3

1.3.4.Indikaturi tal-prestazzjoni3

1.4.Il-proposta/l-inizjattiva hija relatata ma’:4

1.5.Raġunijiet għall-proposta/għall-inizjattiva4

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluż kronoloġija dettaljata għat-tnedija tal-implimentazzjoni tal-inizjattiva4

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.4

1.5.3.Tagħlimiet meħuda minn esperjenzi simili fl-imgħoddi4

1.5.4.Kompatibbiltà mal-qafas finanzjarju pluriennali u sinerġiji possibbli ma’ strumenti xierqa oħra5

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni5

1.6.Durata tal-proposta/tal-inizjattiva u tal-impatt finanzjarju tagħha6

1.7.Metodu/i tal-implimentazzjoni tal-baġit ippjanat(i)6

2.MIŻURI TA’ ĠESTJONI8

2.1.Regoli ta’ monitoraġġ u ta’ rapportar8

2.2.Sistema/i ta’ ġestjoni u ta’ kontroll8

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta8

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom8

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq)8

2.3.Miżuri għall-prevenzjoni ta’ frodi u ta’ irregolaritajiet9

3.IMPATT FINANZJARJU STMAT TAL-PROPOSTA/TAL-INIZJATTIVA10

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i10

3.2.Impatt finanzjarju stmat tal-proposta fuq l-approprjazzjonijiet12

3.2.1.Sommarju tal-impatt stmat fuq l-approprjazzjonijiet operazzjonali12

3.2.1.1.Approprjazzjonijiet mill-baġit ivvutat12

3.2.1.2.Approprjazzjonijiet minn dħul assenjat estern17

3.2.2.Output stmat iffinanzjat minn approprjazzjonijiet operazzjonali22

3.2.3.Sommarju tal-impatt stmat fuq l-approprjazzjonijiet amministrattivi24

3.2.3.1. Approprjazzjonijiet mill-baġit ivvutat24

3.2.3.2.Approprjazzjonijiet minn dħul assenjat estern24

3.2.3.3.Total tal-approprjazzjonijiet24

3.2.4.Rekwiżiti stmati ta’ riżorsi umani25

3.2.4.1.Iffinanzjati mill-baġit ivvutat25

3.2.4.2.Iffinanzjati minn dħul assenjat estern26

3.2.4.3.Rekwiżiti totali ta’ riżorsi umani26

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali28

3.2.6.Kompatibbiltà mal-qafas finanzjarju pluriennali attwali28

3.2.7.Kontribuzzjonijiet ta’ partijiet terzi28

3.3.Impatt stmat fuq id-dħul29

4.Dimensjonijiet diġitali29

4.1.Rekwiżiti ta’ rilevanza diġitali30

4.2.Data30

4.3.Soluzzjonijiet diġitali31

4.4.Valutazzjoni tal-interoperabbiltà31

4.5.Miżuri li jappoġġaw l-implimentazzjoni diġitali32

1.QAFAS TAL-PROPOSTA/TAL-INIZJATTIVA 

1.1.Titolu tal-proposta/tal-inizjattiva

1.2.Qasam/Oqsma ta’ politika kkonċernat(i) 

1.3.Għan(ijiet)

1.3.1.Għan(ijiet) ġenerali

1.3.2.Għan(ijiet) speċifiku/speċifiċi

1.3.3.Riżultat(i) u impatt mistennija

Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.

1.3.4.Indikaturi tal-prestazzjoni

Speċifika l-indikaturi għall-monitoraġġ tal-progress u tal-kisbiet.

1.4.Il-proposta/l-inizjattiva hija relatata ma’: 

 azzjoni ġdida 

 azzjoni ġdida b’segwitu għal proġett pilota/azzjoni preparatorja 1  

 l-estensjoni ta’ azzjoni eżistenti 

 fużjoni jew ridirezzjonar ta’ azzjoni waħda jew aktar lejn azzjoni oħra/ġdida

1.5.Raġunijiet għall-proposta/għall-inizjattiva 

1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluż kronoloġija dettaljata għat-tnedija tal-implimentazzjoni tal-inizjattiva

1.5.2.Valur miżjud tal-involviment tal-UE (dan jista’ jirriżulta minn fatturi differenti, pereż. gwadanji mill-koordinazzjoni, ċertezza legali, aktar effettività jew komplementarjetajiet). Għall-finijiet ta’ din it-taqsima, “valur miżjud tal-involviment tal-UE” huwa l-valur li jirriżulta mill-azzjoni tal-UE, li huwa addizzjonali għall-valur illi kieku kien jinħoloq mill-Istati Membri waħedhom.

1.5.3.Tagħlimiet meħuda minn esperjenzi simili fl-imgħoddi

1.5.4.Kompatibbiltà mal-qafas finanzjarju pluriennali u sinerġiji possibbli ma’ strumenti xierqa oħra

1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni

1.6.Durata tal-proposta/tal-inizjattiva u tal-impatt finanzjarju tagħha

 durata limitata

–    fis-seħħ mill-2025 sal-2035 2  

–    Impatt finanzjarju minn SSSS sa SSSS għall-approprjazzjonijiet ta’ impenn u minn SSSS sa SSSS għall-approprjazzjonijiet ta’ pagament.

 durata mhux limitata

–Implimentazzjoni b’perjodu ta’ tnedija minn SSSS sa SSSS,

–segwita b’operazzjoni fuq skala sħiħa.

1.7.Metodu(i) tal-implimentazzjoni tal-baġit ippjanat(i) 3   

 Ġestjoni diretta mill-Kummissjoni 4

– mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–    mill-aġenziji eżekuttivi

 Ġestjoni kondiviża mal-Istati Membri

Ġestjoni indiretta billi jiġu fdati kompiti ta’ implimentazzjoni baġitarja lil:

– pajjiżi terzi jew lill-korpi nnominati minnhom

– organizzazzjonijiet internazzjonali u lill-aġenziji tagħhom (iridu jiġu speċifikati) 5

– il-Bank Ewropew tal-Investiment u lill-Fond Ewropew tal-Investiment

– korpi msemmija fl-Artikoli 70 u 71 tar-Regolament Finanzjarju

– korpi tad-dritt pubbliku

– korpi rregolati mid-dritt privat b’missjoni ta’ servizz pubbliku sakemm dawn ikollhom garanziji finanzjarji adegwati

– korpi rregolati mid-dritt privat ta’ Stat Membru li jkunu fdati bl-implimentazzjoni ta’ sħubija pubblika-privata u li jkollhom garanziji finanzjarji adegwati

– korpi jew lill-persuni fdati bl-implimentazzjoni ta’ azzjonijiet speċifiċi fil-Politika Estera u ta’ Sigurtà Komuni skont it-Titolu V tat-Trattat dwar l-Unjoni Ewropea, u identifikati fl-att bażiku rilevanti

–korpi stabbiliti fi Stat Membru, irregolati mid-dritt privat ta’ Stat Membru jew mid-dritt tal-Unjoni u eliġibbli biex jiġu fdati, f’konformità mar-regoli speċifiċi għas-settur, bl-implimentazzjoni ta’ fondi tal-Unjoni jew ta’ garanziji baġitarji, sa fejn tali korpi jkunu kkontrollati minn korpi tad-dritt pubbliku jew minn korpi rregolati mid-dritt privat b’missjoni ta’ servizz pubbliku, u jkunu pprovduti b’garanziji finanzjarji adegwati fil-forma ta’ responsabbiltà in solidum mill-korpi kontrollanti jew b’garanziji finanzjarji ekwivalenti, li jistgħu, għal kull azzjoni, ikunu limitati għall-ammont massimu tal-appoġġ tal-Unjoni.

2.MIŻURI TA’ ĠESTJONI 

2.1.Regoli ta’ monitoraġġ u ta’ rapportar 

2.2.Sistema/i ta’ ġestjoni u ta’ kontroll 

2.2.1.Ġustifikazzjoni tal-metodu/i tal-implimentazzjoni tal-baġit, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon bejn il-kostijiet tal-kontroll u l-valur tal-fondi relatati ġestiti) u valutazzjoni tal-livelli mistennija tar-riskju ta’ errur (mal-ħlas u fl-għeluq) 

2.3.Miżuri għall-prevenzjoni ta’ frodi u ta’ irregolaritajiet 

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i 

·Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt finanzjarju stmat tal-proposta fuq l-approprjazzjonijiet 

3.2.1.Sommarju tal-impatt stmat fuq l-approprjazzjonijiet operazzjonali 

–    Il-proposta/L-inizjattiva ma teħtieġx l-użu tal-approprjazzjonijiet operazzjonali

–    Il-proposta/L-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt

3.2.1.1.Approprjazzjonijiet mill-baġit ivvutat

miljuni ta’ EUR (sa tliet pożizzjonijiet deċimali)

3.2.2.Output stmat iffinanzjat mill-approprjazzjonijiet operazzjonali (din it-taqsima ma għandhiex timtela mill-aġenziji deċentralizzati)

Approprjazzjonijiet ta’ impenn f’miljuni ta’ EUR (sa tliet pożizzjonijiet deċimali)

3.2.3.Sommarju tal-impatt stmat fuq l-approprjazzjonijiet amministrattivi 

–    Il-proposta/L-inizjattiva ma teħtieġx l-użu tal-approprjazzjonijiet ta’ natura amministrattiva

–    Il-proposta/L-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt

3.2.3.1. Approprjazzjonijiet mill-baġit ivvutat

3.2.4.Rekwiżiti stmati ta’ riżorsi umani 

–    Il-proposta/L-inizjattiva ma teħtieġx l-użu ta’ riżorsi umani

–    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt

3.2.4.1.Iffinanzjati mill-baġit ivvutat

L-istima għandha tiġi espressa f’unitajiet ekwivalenti għall-full-time (FTEs, Full-Time Equivalent) 13

Il-persunal meħtieġ għall-implimentazzjoni tal-proposta (f’FTEs):

Deskrizzjoni tal-kompiti li jridu jitwettqu minn:

3.2.5.Ħarsa ġenerali lejn l-impatt stmat fuq l-investimenti relatati mat-teknoloġija diġitali

3.2.6.Kompatibbiltà mal-qafas finanzjarju pluriennali attwali 

Il-proposta/l-inizjattiva:

–    tista’ tiġi ffinanzjata kompletament permezz ta’ riallokazzjoni fl-intestatura rilevanti tal-qafas finanzjarju pluriennali (QFP)

–    teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP

–    teħtieġ reviżjoni tal-QFP

3.2.7.Kontribuzzjonijiet ta’ partijiet terzi 

Il-proposta/l-inizjattiva:

–    ma tipprevedix kofinanzjament minn partijiet terzi

–    tipprevedi l-kofinanzjament minn partijiet terzi stmat hawn taħt:

3.3.    Impatt stmat fuq id-dħul 

–    Il-proposta/L-inizjattiva ma għandha l-ebda impatt finanzjarju fuq id-dħul.

–    Il-proposta/L-inizjattiva għandha l-impatt finanzjarju li ġej:

fuq ir-riżorsi proprji

fuq dħul ieħor

indika, jekk id-dħul hux assenjat għal-linji tan-nefqa

miljuni ta’ EUR (sa tliet pożizzjonijiet deċimali)

4.Dimensjonijiet diġitali

4.1.Rekwiżiti ta’ rilevanza diġitali

4.2.Data

4.3.Soluzzjonijiet diġitali

4.4.Valutazzjoni tal-interoperabbiltà

4.5.Miżuri li jappoġġaw l-implimentazzjoni diġitali

(1)    Kif imsemmi fl-Artikolu 58(2), il-punt (a) jew (b) tar-Regolament Finanzjarju.

(2)    It-tul ta’ ħajja tal-Kummissjoni Internazzjonali għat-Talbiet bħalissa huwa stmat għal 10 sena.

(3)    Id-dettalji tal-metodi ta’ implimentazzjoni tal-baġit u r-referenzi għar-Regolament Finanzjarju jinsabu fuq is-sit BUDGpedia:  https://myintracomm.ec.europa.eu/corp/budget/financial-rules/budget-implementation/Pages/implementation-methods.aspx .

(4)    Din il-kontribuzzjoni se ssir permezz tal-ħlas ta’ miżata tas-sħubija skont l-Artikolu 245 tar-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (riformulazzjoni) (ĠU L, 2024/2509, 26.9.2024, ELI: http://data.europa.eu/eli/reg/2024/2509/oj. Dan huwa strument taħt ġestjoni diretta. 

(5)    Huwa mistenni li l-Kummissjoni Internazzjonali għat-Talbiet innifisha se tieħu ħsieb il-kompiti tal-implimentazzjoni tal-baġit. 

(6)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(7)    EFTA: Assoċjazzjoni Ewropea tal-Kummerċ Ħieles.

(8)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(9)    Assistenza teknika u/jew amministrattiva u nefqa ta’ appoġġ għall-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta, riċerka diretta.

(10)    Il-kontribuzzjoni annwali stmata tal-UE x’aktarx li tvarja bejn EUR 2 miljun u EUR 3 miljun.

(11)    Outputs huma l-prodotti u s-servizzi li għandhom jiġu pprovduti (pereż. l-għadd ta’ skambji ta’ studenti ffinanzjati, l-għadd ta’ kilometri ta’ toroq mibnija, eċċ.).

(12)    Kif deskritt fit-Taqsima 1.3.2. “Għan(ijiet) speċifiku/speċifiċi”

(13)    Speċifika taħt it-tabella, kemm mill-FTEs fl-għadd indikat huma diġà assenjati għall-ġestjoni tal-azzjoni u/jew jistgħu jiġu riallokati fid-DĠ tiegħek, u x’inhuma l-ħtiġijiet netti tiegħek.