Fil-paragrafi 197 u 198 tal-Linji Gwida dwar l-Għajnuna mill-Istat biex tippromwovi investimenti ta’ finanzjament ta’ riskju (1), il-Kummissjoni pproponiet lill-Istati Membri, abbażi tal-Artikolu 108(1) tat-TFUE, li jieħdu miżuri xierqa u jemendaw, fejn neċessarju, l-iskemi eżistenti ta’ għajnuna għall-finanzjament ta’ riskju tagħhom sabiex jinġiebu konformi mad-dispożizzjonijiet ta’ dawn il-Linji Gwida fi ħdan 6 xhur wara d-data tal-pubblikazzjoni tagħhom f’Il-Ġurnal Uffiċjali tal-Unjoni Ewropea. L-Istati Membri ġew mitluba jikkonfermaw l-aċċettazzjoni tagħhom tal-miżuri xierqa proposti fi żmien xahrejn mid-data tal-pubblikazzjoni tal-Linji Gwida f’Il-Ġurnal Uffiċjali tal-Unjoni Ewropea.

Skont ir-Regolament tal-Kunsill (UE) 2015/1589 (2), il-Kummissjoni rreġistrat il-ftehim mhux kondizzjonat u espliċitu għall-miżuri adegwati mill-Istati Membri kollha li kellhom skemi ta’ għajnuna eżistenti fis-seħħ fiż-żmien tal-pubblikazzjoni tal-Linji Gwida dwar l-Għajnuna mill-Istat għall-promozzjoni ta’ finanzjament ta’ riskju.

(1)  Il-Komunikazzjoni tal-Kummissjoni - Linji Gwida dwar l-għajnuna mill-Istat biex tippromwovi investimenti ta’ finanzjament ta’ riskju (ĠU C 508, 16.12.2021, p. 1.).

(2)  Ir-Regolament tal-Kunsill (UE) 2015/1589 tat-13 ta’ Lulju 2015 li jistabbilixxi regoli dettaljati għall-applikazzjoni tal-Artikolu 108 tat-Trattat dwar il-Funzjonament tal-Unjoni Ewropea (ĠU L 248, 24.9.2015, p. 9).