52023DC0531

IL-KUMMISSJONI EWROPEA

Brussell, 9.10.2023

COM(2023) 531 final

2023/0264(BUD)

Proposta għal

ITTRA EMENDATORJA Nru 1 TAL-ABBOZZ TAL-BAĠIT ĠENERALI TAL-2024

Stima aġġornata tal-ħtiġijiet għan-nefqa agrikola

Aġġustamenti oħra u aġġornamenti tekniċi

Wara li kkunsidrat:

–it-Trattat dwar il-Funzjonament tal-Unjoni Ewropea, u b’mod partikolari l-Artikolu 314 tiegħu, flimkien mat-Trattat li jistabbilixxi l-Komunità Ewropea tal-Enerġija Atomika, u b’mod partikolari l-Artikolu 106a tiegħu,

–id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea 1 , daħlet fis-seħħ fl-1 ta’ Ġunju 2021,

–Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni (…) 2 , u b’mod partikolari l-Artikolu 42 tiegħu,

–l-abbozz tal-baġit ġenerali tal-Unjoni Ewropea għas-sena finanzjarja 2024, kif adottat mill-Kummissjoni fil-5 ta’ Lulju 2023 3 ,

Il-Kummissjoni Ewropea b’dan tippreżenta lill-Parlament Ewropew u lill-Kunsill l-Ittra Emendatorja Nru 1 tal-abbozz tal-baġit ġenerali tal-Unjoni Ewropea għas-sena finanzjarja 2024 għar-raġunijiet stabbiliti fil-memorandum ta’ spjegazzjoni.

BIDLIET GĦAD-DIKJARAZZJONI TAD-DĦUL U TAN-NEFQA SKONT IT-TAQSIMA

Il-bidliet fir-rapport ġenerali tan-nefqa u d-dħul kif ukoll fir-rapporti tad-dħul u n-nefqa skont it-taqsima huma disponibbli fuq EUR-Lex ( https://eur-lex.europa.eu/budget/www/index-en.htm ). Verżjoni bl-Ingliż tal-bidliet f’dan ir-rapport hija mehmuża għall-informazzjoni bħala anness baġitarju.

1.Introduzzjoni

L-Ittra Emendatorja Nru 1 (IE 1/2024) għall-abbozz tal-baġit għall-2024 (AB 2024) tkopri l-elementi li ġejjin:

¾Reviżjoni ’l isfel tal-ħtiġijiet għal-linja tal-imgħax għal NextGenerationEU, fl-isfond ta’ livell aktar baxx ta’ żborżi tan-NextGenerationEU fl-2023 milli kien stmat qabel;

¾L-aġġornament tal-ħtiġijiet stmati, id-dħul assenjat u l-approprjazzjonijiet għan-nefqa agrikola. Minbarra l-fatturi tas-suq li dejjem jinbidlu, l-IE 1/2024 tinkorpora wkoll l-impatt tad-deċiżjonijiet fis-settur tal-agrikoltura minn meta ġie adottat l-AB 2024 f'Lulju 2023 kif ukoll proposti oħra li huma mistennija li jkollhom effett sinifikanti matul is-sena baġitarja;

¾Aġġornament tal-ħtiġijiet stmati għall-Ftehimiet ta’ Sħubija dwar is-Sajd Sostenibbli (SFPAs), filwaqt li jitqiesu l-ftehim iffirmat reċentement u l-protokoll relatat mar-Repubblika ta’ Madagascar u l-protokoll il-ġdid mar-Repubblika ta’ Kiribati li daħal f’applikazzjoni proviżorja fit-2 ta’ Ottubru 2023;

¾Aġġustamenti għal-livell ta’ approprjazzjonijiet u/jew persunal ta’ diversi aġenziji deċentralizzati, b’mod partikolari l-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust), l-Aġenzija tal-Unjoni Ewropea għat-Tmexxija Operattiva ta’ Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (eu-LISA) u l-Uffiċċju tal-Prosekutur Pubbliku Ewropew (UPPE), filwaqt li jitqiesu l-aħħar żviluppi leġiżlattivi jew politiċi dwar l-operazzjonijiet tagħhom għall-2024 u l-ammonti li għandhom jiġu trasferiti mil-linji ta’ riżerva għal-linji operazzjonali wara l-adozzjoni ta’ proposti legali;

¾It-trasferiment tar-riżorsi tal-Fond Ewropew għall-Iżvilupp Reġjonali (FEŻR) lejn Orizzont Ewropa wara talba korrispondenti magħmula mil-Litwanja biex temenda l-programm tal-FEŻR tagħha skont l-Artikolu 26 tar-Regolament ta’ Proviżjonament Komuni 4 ;

¾Aġġustamenti għall-intestatura 7 “Amministrazzjoni Pubblika Ewropea”, b’mod partikolari fir-rigward tas-Servizz Ewropew għall-Azzjoni Esterna (SEAE) biex tissaħħaħ aktar il-Kapaċità Militari tal-Ippjanar u t-Tmexxija (MPCC), inkluż kemm żieda fil-persunal kif ukoll tisħiħ tas-sistema ta’ komunikazzjoni u informazzjoni, kif ukoll aġġustamenti żgħar oħra għall-intestatura.

¾Ammonti li għandhom jiġu trasferiti mil-linja ta’ riżerva għal-linja operazzjonali għall-Att b’Appoġġ għall-Produzzjoni tal-Munizzjon (ASAP) u l-Att dwar it-Tisħiħ tal-Industrija Ewropea tad-Difiża permezz tal-Akkwist Komuni (EDIRPA) wara l-adozzjoni tal-atti bażiċi.

B’mod ġenerali, l-impatt nett tal-IE 1/2024 fuq in-nefqa fl-AB 2024 huwa tnaqqis ta’ EUR 67,4 miljun f’approprjazzjonijiet ta’ impenn u ta’ pagament.

Aktar informazzjoni dwar kull komponent hija pprovduta fit-taqsimiet li ġejjin.

Il-linji baġitarji rilevanti huma dettaljati fl-anness baġitarju, flimkien mal-aġġornament tad-dħul li jirriżulta mill-bidliet fin-nefqa inklużi f’din l-ittra emendatorja.

2.Kostijiet ta’ finanzjament ta’ NextGenerationEU

Fil-kuntest tal-AB 2024, il-Kummissjoni pproponiet tisħiħ tal-linja tal-imgħax tal-EURI b’EUR 1,9 biljun meta mqabbla mal-ipprogrammar finanzjarju għall-2024, abbażi ta’ projezzjonijiet tar-rati tal-imgħax u tal-iżborżi tal-NGEU sa tmiem l-2023 kif kienu f’dak iż-żmien.

L-aħħar projezzjonijiet fuq il-linja EURI sat-8 ta’ Ottubru 2023 jindikaw ammont totali ta’ żborżi għall-appoġġ mhux ripagabbli fl-2023 ta’ EUR 79.9 biljun, li huwa tnaqqis ta’ madwar EUR 3 biljun meta mqabbel mal-pjan ta’ żborż ikkunsidrat fl-AB 2024. F’dan ix-xenarju l-ġdid, li jqis ukoll rati tal-imgħax kemxejn ogħla u żieda ta’ EUR 10 miljun tal-ammont li jista’ jiġi riportat mis-sena 2023, il-kost stmat għal-linja tal-imgħax huwa ta’ EUR 3 790 miljun, jiġifieri tnaqqis ta’ EUR 74 miljun. Il-Kummissjoni tipproponi li tnaqqas il-livell ta’ approprjazzjonijiet ta’ impenn u ta’ pagament tal-linja tal-imgħax tal-EURI kif xieraq.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
06 04 01	Strument ta’ Rkupru tal-Unjoni Ewropea (EURI) – Il-ħlas ta’ kupun perjodiku u l-fidi tal-maturità	-74 000 000	-74 000 000
Total		-74 000 000	-74 000 000

Bit-tnaqqis propost, ir-rikors għall-Istrument ta’ Marġini Uniku taħt is-subintestatura 2b jitnaqqas b’EUR 72,0 miljun għal EUR 300,8 miljun.

3.Fond Agrikolu Ewropew ta’ Garanzija (FAEG)

L-IE 1/2024 taġġorna l-istimi għan-nefqa agrikola abbażi tal-aktar data ekonomika u qafas leġiżlattiv aġġornati. Sa Settembru 2023, il-Kummissjoni kellha għad-dispożizzjoni tagħha l-ewwel indikazzjoni tal-livell ta’ produzzjoni għall-2023, u l-perspettiva għas-swieq agrikoli kif ukoll iċ-ċifri attwali għall-biċċa l-kbira tal-eżekuzzjoni baġitarja tal-2023 rigward il-ġestjoni kondiviża tal-FAEG, li huma l-bażi għall-istimi aġġornati tal-ħtiġijiet baġitarji għall-2024.

Minbarra li tqis il-fatturi tas-suq, l-IE 1/2024 tinkorpora wkoll l-impatt tad-deċiżjonijiet leġiżlattivi fis-settur agrikolu minn meta ġie adottat l-AB 2024 f’Lulju 2023.

B’mod ġenerali, il-ħtiġijiet tal-FAEG għall-2024, inkluża r-riżerva għall-agrikoltura (li hija ffinanzjata minn ammont mhux minfuq tar-riżerva agrikola tal-2023 ta’ EUR 200 miljun, kif ukoll mid-disponibbiltajiet tal-FAEG tal-2024), issa huma stmati għal EUR 41 450,6 miljun 5 . Din hija żieda ta’ EUR 343 miljun meta mqabbla mal-AB 2024, li hija dovuta rispettivament għal (i) ħtiġijiet addizzjonali ta’ EUR 280 miljun għall-partita 08 02 01 “Riżerva agrikola”, (ii) ħtiġijiet ogħla għall-miżuri tas-suq u l-interventi tal-Istati Membri b’EUR 61 miljun, prinċipalment minħabba l-ħtiġijiet kbar għas-settur tal-frott u l-ħaxix, u (iii) żieda żgħira ta’ EUR 2 miljun għal nefqa oħra tal-FAEG.

Fl-2023, ġew adottati miżuri eċċezzjonali b’impatt finanzjarju globali ta’ EUR 530 miljun biex jipprovdu appoġġ lill-bdiewa milquta mill-influwenza avjarja, biex jindirizzaw it-tfixkil fis-suq ikkawżat minn żieda fl-importazzjonijiet tal-qamħ Ukren fl-Istati Membri l-aktar esposti, kif ukoll biex jipprovdu assistenza lill-bdiewa milquta minn avvenimenti estremi tat-temp u problemi speċifiċi oħra. Dan l-ammont globali qabeż b’EUR 80 miljun id-disponibbiltajiet tar-riżerva agrikola tal-2023. Mill-EUR 450 miljun disponibbli, EUR 250 miljun huma mistennija li jintużaw fl-2023, abbażi tal-aħħar data ta’ implimentazzjoni u l-forcasts tal-Istati Membri. L-ammont li jifdal ta’ EUR 200 miljun se jiġi riportat għas-sena 2024 f’konformità mal-Artikolu 16(2) tar-Regolament Orizzontali tal-PAK 6 u se jintuża għar-rimborż tan-nefqa tal-Istati Membri relatata ma’ dawn il-miżuri eċċezzjonali adottati fl-2023 iżda mħallsa wara l-15 ta’ Ottubru, u b’hekk tappartjeni għas-sena agrikola 2024. Barra minn hekk, biex tkun tista’ tkopri bis-sħiħ il-legat tal-miżuri eċċezzjonali adottati fl-2023, f’konformità mal-ewwel subparagrafu tal-Artikolu 16(2) tar-Regolament Orizzontali tal-PAK, il-Kummissjoni tipproponi li żżid l-approprjazzjonijiet il-ġodda tar-riżerva għall-agrikoltura tal-2024 għal EUR 530 miljun, jiġifieri żieda ta’ EUR 80 miljun meta mqabbla mal-AB 2024. Dan se jippermetti li jinżammu EUR 450 miljun għal miżuri eċċezzjonali ġodda li jistgħu jiġu adottati s-sena d-dieħla biex jirrispondu għal tfixkil possibbli fis-suq ikkawżat mill-kuntest ġeopolitiku instabbli kontinwu u, dejjem aktar, minn avvenimenti klimatiċi negattivi madwar l-UE.

L-ammont ta’ dħul assenjat li mistenni jkun disponibbli fl-2024 jiżdied minn EUR 505,5 miljun fl-AB 2024 għal EUR 848,5 miljun li jkopri bis-sħiħ il-ħtiġijiet addizzjonali. Iż-żieda mistennija fid-dħul assenjat toriġina mis-surplus mistenni tal-2023, li se jiġi riportat għall-2024 skont l-Artikolu 12(2)(d) tar-Regolament Finanzjarju. Is-surplus joriġina mis-sottoeżekuzzjoni tar-riżerva għall-agrikoltura tal-2023 kif spjegat hawn fuq u sottoeżekuzzjoni relattivament żgħira tal-pagamenti diretti, kif ukoll dħul assenjat ogħla milli mistenni mill-approvazzjoni tal-kontijiet tal-FAEG.

Konsegwentement, l-ammont globali tal-approprjazzjonijiet ta’ impenn jibqa’ l-istess, jiġifieri EUR 40 602,1 miljun, li jinkludi EUR 530 miljun għar-riżerva għall-agrikoltura. Dan l-ammont globali jikkorrispondi għall-bilanċ nett disponibbli għall-FAEG, inkluż l-effett tan-notifiki tal-Istati Membri fuq it-trasferimenti bejn il-pagamenti diretti u l-iżvilupp rurali, u ma jħalli l-ebda marġni taħt is-sottolimitu massimu.

4. Aġġornament tal-Ftehimiet ta’ Sħubija dwar Sajd Sostenibbli

Il-Kummissjoni eżaminat l-aktar informazzjoni reċenti disponibbli dwar il-Ftehimiet ta’ Sħubija dwar Sajd Sostenibbli (SFPAs) u rrieżaminat il-ħtiġijiet mistennija għall-2024 abbażi tal-iżviluppi fil-proċessi tan-negozjati mal-pajjiżi terzi involuti, kif previst fil-punt C tal-Parti II tal-Ftehim Interistituzzjonali (IIA) 7 . Abbażi ta’ dan ir-rieżami, il-Kummissjoni tipproponi li ċċaqlaq approprjazzjonijiet ta’ impenn u pagament għal ammont ta’ EUR 2 560 000 mir-riżerva (artikolu baġitarju 30 02 02) għall-artikolu operazzjonali (08 05 01 Stabbiliment ta’ qafas ta’ governanza għall-attivitajiet tas-sajd imwettqa mill-bastimenti tas-sajd tal-Unjoni f’ilmijiet ta’ pajjiżi terzi). Dan it-trasferiment newtrali għall-baġit huwa relatat mal-SFPAs mar-Repubblika ta’ Madagascar, li daħlu f’applikazzjoni proviżorja fl-1 ta’ Lulju 2023 u mar-Repubblika ta’ Kiribati, li daħlu f’applikazzjoni proviżorja fit-2 ta’ Ottubru 2023.

L-approprjazzjonijiet ta’ impenn totali disponibbli għall-ftehimiet ta’ sħubija dwar is-sajd sostenibbli jibqgħu l-istess, jiġifieri EUR 156,7 miljun, li minnhom EUR 66,9 miljun fir-riżerva u EUR 89,9 miljun fuq il-linja operazzjonali ewlenija.

EUR

Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
08 05 01	Stabbiliment ta’ qafas ta’ governanza għall-attivitajiet tas-sajd imwettqa minn bastimenti tas-sajd tal-Unjoni f’ilmijiet ta’ pajjiżi terzi	2 560 000	2 560 000
30 02 02	Approprjazzjonijiet differenzjati (Riżerva għall-artikolu baġitarju 08 05 01)	-2 560 000	- 2 560 000
Total		0	0

5.Aġenziji Deċentralizzati u l-Uffiċċju tal-Prosekutur Pubbliku Ewropew

5.1. L-Uffiċċju tal-Prosekutur Pubbliku Ewropew (UPPE)

Fl-ABE 4/2023 8 , il-Kummissjoni pproponiet li żżid il-kontribuzzjoni tal-UE lill-UPPE għas-sigurtà tal-bini u tas-sistemi tal-IT, kif ukoll billi talloka tmien postijiet addizzjonali ta’ aġenti temporanji. Il-baġit tal-2024 tal-UPPE huwa propost li jiżdied b’EUR 2 miljun biex ikopri tisħiħ ta’ darba tal-IT u tas-sigurtà tal-bini kif ukoll is-salarji tal-persunal il-ġdid ippjanat li jiġi reklutat fl-2023 fuq bażi ta’ sena sħiħa.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
07 10 08	Uffiċċju tal-Prosekutur Pubbliku Ewropew (EPPO)	2 000 000	2 000 000
Total		2 000 000	2 000 000

Il-bidliet relatati fit-tabella tal-persunal huma stabbiliti fl-anness baġitarju.

5.2. L-Aġenzija tal-Unjoni Ewropea għall-Kooperazzjoni fil-Ġustizzja Kriminali (Eurojust)

Wara l-istabbiliment taċ-Ċentru Internazzjonali għall-Prosekuzzjoni tad-Delitt ta’ Aggressjoni kontra l-Ukrajna (ICPA), l-Eurojust ser tipprovdi appoġġ operazzjonali, legali, finanzjarju u loġistiku, inkluż għall-preservazzjoni, il-ħżin u l-analiżi tal-evidenza. Din il-ħidma hija essenzjali għat-tħejjija ta’ proċessi futuri, kemm quddiem qrati nazzjonali kif ukoll internazzjonali, inkluż quddiem tribunal li possibbilment jinħoloq għar-reat ta’ aggressjoni jew quddiem il-Qorti Kriminali Internazzjonali (ICC) fir-rigward ta’ reati fil-ġurisdizzjoni tagħha. Il-kompiti addizzjonali korrispondenti tal-ICPA għall-Eurojust jeħtieġu tisħiħ tat-tabella tal-persunal tal-aġenzija minn erba’ aġenti temporanji fl-2024. It-tisħiħ relatat tal-kontribuzzjoni tal-UE lill-Eurojust se jitħallas mill-Istrumenti tal-Politika Barranija (FPI) permezz ta’ ftehimiet ta’ kontribuzzjoni għall-kompiti tal-ICPA, u b’hekk ma jeħtiġux approprjazzjonijiet addizzjonali mill-baġit tal-UE.

Il-bidliet relatati fit-tabella tal-persunal huma stabbiliti fl-anness baġitarju.

5.3. Aġenzija tal-Unjoni Ewropea għat-Tmexxija Operattiva tas-Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (“eu-LISA”)

Wara l-konklużjoni tan-negozjati politiċi dwar ir-Regolament dwar id-Diġitalizzazzjoni tal-proċedura tal-viża 9 , il-baġit għall-eu-LISA jeħtieġ li jiġi aġġornat għall-2024 f’konformità mad-Dikjarazzjoni Finanzjarja Leġiżlattiva aġġornata. Dan jinvolvi tnaqqis fl-għadd ta’ aġenti temporanji (minn ħamsa għal wieħed) u tal-aġenti kuntrattwali (minn tlieta għal żero). Il-qbil politiku milħuq jimplika wkoll tnaqqis tal-approprjazzjonijiet meħtieġa fl-2024. Mill-ammont previst ta’ EUR 19 945 000 f’riżerva għal dan ir-Regolament, li ġie paċut mill-Istrument għall-appoġġ finanzjarju għall-ġestjoni tal-fruntieri u l-viżi (BMVI), huwa propost li jiġu trasferiti EUR 86 000 għal-linja operazzjonali u EUR 19 859 000 lura għall-BMVI.

Il-bidliet relatati fit-tabella tal-persunal huma stabbiliti fl-anness baġitarju.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
30 02 02	Approprjazzjonijiet differenzjati (Riżerva għall-artikolu baġitarju 11 10 02)	-19 945 000	-19 945 000
11 10 02	Aġenzija tal-Unjoni Ewropea għat-Tmexxija Operattiva tas-Sistemi tal-IT fuq Skala Kbira fl-Ispazju ta’ Libertà, Sigurtà u Ġustizzja (“eu-LISA”)	86 000	86 000
11 02 01	Strument għall-appoġġ finanzjarju għall-ġestjoni tal-fruntieri u għall-viżi	19 859 000	19 859 000
Total		0	0

5.4. Trasferimenti mir-riżervi għal-linji operazzjonali tal-aġenziji deċentralizzati minħabba l-adozzjoni ta’ atti legali.

Minħabba l-adozzjoni imminenti jew li diġà seħħet tal-atti legali li ġejjin mill-koleġiżlaturi, il-Kummissjoni tipproponi li tittrasferixxi l-ammonti attwalment imqiegħda f’riżervi għall-implimentazzjoni ta’ dawn l-atti legali għal-linji operazzjonali tal-aġenziji deċentralizzati kkonċernati:

·Aġenzija tas-Sikurezza tal-Avjazzjoni tal-Unjoni Ewropea (EASA) (02 10 01): Wara l-ftehim politiku dwar il-proposta tal-Kummissjoni dwar l-iżgurar ta’ kundizzjonijiet ekwi għal trasport bl-ajru sostenibbli 10 , ammont ta’ EUR 2 774 000 f’approprjazzjonijiet ta’ impenn u ta’ pagament se jiġi trasferit mil-linja ta’ riżerva għal-linja operazzjonali.

·Aġenzija Ewropea għas-Sigurtà Marittima (EMSA) (02 10 02): Wara l-adozzjoni tar-Regolament 2023/1805 tal-Parlament Ewropew u tal-Kunsill tat-22 ta’ Settembru 2023 dwar l-użu ta’ fjuwils rinnovabbli u b’livell baxx ta’ emissjonijiet tal-karbonju fit-trasport marittimu u li jemenda d-Direttiva 2009/16/KE 11 , ammont ta’ EUR 1 191 000 f’approprjazzjonijiet ta’ impenn u ta’ pagament se jiġi ttrasferit mil-linja ta’ riżerva għal-linja operazzjonali.

·L-awtorità Ewropea tat-Titoli u s-Swieq (ESMA) (03 10 04): Wara l-ftehim politiku dwar il-proposta tal-Kummissjoni dwar Punt ta’ Aċċess Uniku Ewropew 12 , ammont ta’ EUR 1 007 000 f’approprjazzjonijiet ta’ impenn u ta’ pagament se jiġi trasferit mil-linja ta’ riżerva għal-linja operazzjonali.

It-tabella ta’ hawn taħt tipprovdi ħarsa ġenerali lejn l-ammonti li huma proposti li jinġibdu mir-riżerva wara l-adozzjoni tal-atti bażiċi korrispondenti:

Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
02 10 01	Aġenzija tal-Unjoni Ewropea tas-Sikurezza tal-Avjazzjoni (EASA)	2 774 000	2 774 000
30 02 02	Approprjazzjonijiet differenzjati (Riżerva għall-artikolu baġitarju 02 10 01)	-2 774 000	-2 774 000
02 10 02	L-Aġenzija Ewropea għas-Sigurtà Marittima (EMSA)	1 191 000	1 191 000
30 02 02	Approprjazzjonijiet differenzjati (Riżerva għall-artikolu baġitarju 02 10 02)	- 1 191 000	-1 191 000
03 10 04	Awtorità Ewropea tat-Titoli u s-Swieq (ESMA)	1 007 000	1 007 000
30 02 02	Approprjazzjonijiet differenzjati (Riżerva għall-artikolu baġitarju 03 10 04)	- 1 007 000	-1 007 000
Total		0	0

6.Trasferiment tar-riżorsi tal-Fond Ewropew għall-Iżvilupp Reġjonali lejn Orizzont Ewropa għal-Litwanja

Wara t-talba tal-Litwanja f’emenda tal-programm tal-FEŻR tagħha 13 għat-trasferiment tar-riżorsi skont l-Artikolu 26 tar-Regolament dwar Dispożizzjonijiet Komuni (CPR), jistgħu jiġu implimentati riżorsi addizzjonali taħt Orizzont Ewropa f’konformità mar-regoli tal-istrument, għall-benefiċċju tal-Istat Membru kkonċernat. L-approprjazzjonijiet huma miktuba fuq linji baġitarji separati.

Abbażi ta’ dan, il-Kummissjoni tipproponi l-bidliet li ġejjin għal-linji baġitarji kkonċernati fl-AB 2024:

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
05 02 01	FEŻR — Nefqa operazzjonali	-10 543 750	0
05 02 09	Orizzont Ewropa — Kontribuzzjoni mill-FEŻR	10 543 750	0
Total		0	0

7.Aġġustamenti għall-intestatura 7 “Amministrazzjoni Pubblika Ewropea”

Aġġustamenti tas-7.1 għan-nefqa tas-Servizz Ewropew għall-Azzjoni Esterna (SEAE) għaż-żieda ta’ SNEs militari

Fid-dikjarazzjoni tal-Estimi tiegħu għall-2024, is-SEAE indika li għadd ta’ diskussjonijiet li għaddejjin kienu għadhom ma laħqux maturità suffiċjenti biex jiġġustifikaw l-inklużjoni tar-riżorsi korrispondenti fl-Abbozz tal-Baġit tal-2024 iżda jistgħu jsiru parti minn Ittra Emendatorja fi stadju aktar tard.

Fost dawn l-azzjonijiet, il-Pjan Direzzjonali tal-Kapaċità Militari tal-Ippjanar u t-Tmexxija (MPCC) avvanzat biżżejjed biex jiġi inkluż fl-Ittra Emendatorja. L-Istati Membri ddikjaraw fil-Boxxla Strateġika li huma “jiżguraw li l-Kapaċità Militari tal-Ippjanar u t-Tmexxija tkun kompletament kapaċi tippjana, tikkontrolla u tikkmanda kompiti u operazzjonijiet mhux eżekuttivi u eżekuttivi, kif ukoll eżerċizzji diretti. F’dan il-kuntest, ser inżidu l-kontribuzzjonijiet tal-persunal u niżguraw li jkollna s-sistemi ta’ komunikazzjoni u informazzjoni meħtieġa, kif ukoll il-faċilitajiet meħtieġa”.

Fid-dawl tal-ambizzjoni maqbula fil-Boxxla Strateġika għall-iżvilupp futur tal-MPCC bħala l-istruttura ppreferuta ta’ kmand u kontroll, it-tisħiħ meħtieġ tar-riżorsi tagħha jseħħ permezz ta’:

·il-finanzjament ta’ 55 SNEs Militari kondiviżi bi spejjeż, li minnhom 20 se jissostitwixxu SNEs mingħajr ħlas inklużi fl-ABE 4/2023, u b’hekk il-persunal tal-MPCC żdied għal total ta’ 115. Dan se jeħtieġ żieda fl-approprjazzjonijiet ta’ EUR 3 394 400.

·il-finanzjament parzjali tal-azzjonijiet meħtieġa biex ikopru l-ispejjeż għas-SEAE bħala Fornitur ta’ Servizzi tas-Sistema Unika ta’ Komunikazzjoni u Informazzjoni (CIS) għall-MPCC (il-bqija ser jitħallsu mill-Faċilità Ewropea għall-Paċi). Fil-kuntest tal-appoġġ militari tal-UE lill-Ukrajna l-ambjent tas-sigurtà nbidel b’mod drammatiku, u b’hekk il-mili tal-lakuni eżistenti tas-CIS sar neċessità. Dan se jeħtieġ żieda fl-approprjazzjonijiet ta’ EUR 4 126 000 li jkopru b’mod partikolari kemm il-finanzjament tas-Servizz CIS kif ukoll ta’ erba’ esperti relatati.

·il-finanzjament ta’ erba’ aġenti kuntrattwali għas-Servizzi ta’ Appoġġ tas-CIS. Huwa għalhekk propost li l-approprjazzjonijiet jiżdiedu b’EUR 414 700.

L-elementi kollha ta’ hawn fuq jikkorrispondu għal żieda fit-Taqsima X tas-SEAE b’total ta’ EUR 7 935 100.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima X – Servizz Ewropew għall-Azzjoni Esterna (SEAE)
1 2 0 0	Persunal bil-Kuntratt	414 700	414 700
1 2 0 5	Esperti militari nazzjonali ssekondati	3 394 400	3 394 400
2 1 0 0	Teknoloġija tal-informazzjoni u l-komunikazzjoni	2 271 000	2 271 000
2 1 0 1	Kriptografija u teknoloġija tal-informazzjoni u l-komunikazzjoni ta’ kunfidenzjalità għolja	1 855 000	1 855 000
Total		7 935 100	7 935 100

7.2 Aġġustamenti għall-infiq tal-Qorti Ewropea tal-Awdituri (QEA)

Wara żball klerikali, il-Qorti Ewropea tal-Awdituri naqset milli tinkludi fit-talba tal-baġit tagħha għall-2024 ammont ta’ EUR 330 000 relatat mal-miżati annwali miġbura lura mill-Kummissjoni għall-użu tal-applikazzjoni għal ħlas (PNA) u Sysper. Għalhekk qed jiġi propost li tiżdied il-linja baġitarja relatata skont dan.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima V - Il-Qorti Ewropea tal-Awdituri
2 1 0 2	Servizzi esterni għall-operat, l-implimentazzjoni u l-manutenzjoni tas-softwer u s-sistemi	330 000	330 000
Total		330 000	330 000

7.3 Aġġustamenti għan-nefqa tal-Parlament Ewropew (PE)

Fil-kuntest tat-trattament tal-fajls tal-qgħad tal-ex assistenti parlamentari, l-Uffiċċju tal-Amministrazzjoni u l-Ħlas tal-Intitolamenti Individwali (PMO) bħalissa qed jiffattura lill-Parlament Ewropew (PE) biex ikopri l-ammont ta’ xogħol relatat. Minħabba n-natura rikorrenti ta’ dan is-servizz, b’livelli massimi partikolari wara l-elezzjonijiet Ewropej, ġie miftiehem bejn il-PMO u l-PE li parti mill-baġit annwali totali għandha tiġi allokata direttament lill-PMO minflok lill-PE, biex b’hekk il-PMO jkun jista’ jirrekluta l-aġenti kuntrattwali meħtieġa għall-ġestjoni ta’ dawn il-fajls fuq bażi permanenti. L-ispiża li jifdal, li se tiddependi mill-volum annwali reali tal-fajls li għandhom jiġu ġestiti, se tkompli tiġi fatturata lill-PE.

Konsegwentement, huwa propost li jiġi inkluż dan it-trasferiment newtrali għall-baġit, li jirriżulta fi tnaqqis tat-talba baġitarja tal-PE għall-2024 b’EUR 300 000 b’żieda ekwivalenti tal-baġit tal-PMO.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima I – Il-Parlament Ewropew
1 4 0 0	Aġenti oħra — Segretarjat Ġenerali u gruppi politiċi	- 300 000	-300 000
Taqsima III — Il-Kummissjoni Ewropea
O3 01 02	Persunal estern	300 000	300 000
Total		0	0

7.4 Aġġustamenti għan-nefqa tal-Kummissjoni Ewropea

Il-Kummissjoni tipproponi li AL1/2024 tinkludi tnaqqis ta’ EUR 3,7 miljun tan-nefqa fuq is-salarji fil-Kummissjoni biex jitqies l-impatt tat-tnaqqis fil-grad ta’ 78 postijiet AST għal AST-SC, li jirrifletti d-deċiżjoni reċenti tal-Kummissjoni 14 fir-rigward tal-pjan ta’ stabbiliment tal-2023 skont l-Artikolu 53 tar-Regolament Finanzjarju.

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
20 01 02 01	Rimunerazzjoni u gratifiki — Kwartieri u uffiċċji ta’ Rappreżentanza	-3 677 000	-3 677 000
Total		-3 677 000	-3 677 000

B’mod ġenerali, l-effett ikkombinat fuq in-nefqa stmata fl-Abbozz tal-Baġit tal-2024 għall-intestatura 7 huwa żieda ta’ EUR 4,6 miljun għan-nefqa amministrattiva, filwaqt li n-nefqa għall-pensjonijiet u l-Iskejjel Ewropej tibqa’ l-istess.

L-impatt globali fuq in-nefqa huwa kif ġej:

Ammonti f'Miljuni ta' EUR
	AB 2024	Ittra Emendatorja 1 għall-AB 2024	AB 2024 b’AL1
Pensjonijiet u Skejjel Ewropej	2 812,6		2 812,6
Pensjonijiet	2 565,5		2 565,5
Skejjel Ewropej	247,2		247,2
Nefqa amministrattiva tal-istituzzjonijiet	9 137	7,3	9 144,3
Il-Kummissjoni	4 221,4	-3,4	4 218,1
Istituzzjonijiet oħra	4 915,6	10,7	4 926,2
Parlament Ewropew	2 354,9	-0,3	2 354,6
Kunsill Ewropew u Kunsill	676,8		676,8
Qorti tal-Ġustizzja tal-Unjoni Ewropea	502,4		502,4
Qorti tal-Awdituri	184,8	0,3	185,1
Kumitat Ekonomiku u Soċjali Ewropew	164,9		164,9
Kumitat tar-Reġjuni	121,9		121,9
Ombudsman Ewropew	13,7		13,7
Kontrollur Ewropew għall-Protezzjoni tad-Data	23,9		23,9
Is-Servizz Ewropew tal-Azzjoni Esterna	872,2	7,9	880,1
Total	11 949,6	4,6	11 954,2

Konsegwentement, ir-rikors għall-Istrument ta’ Marġini Uniku taħt l-intestatura 7 jeħtieġ li jiżdied b’ammont ta’ EUR 4,6 miljun meta mqabbel mal-AB 2024, li jwassal għall-użu tal-Artikolu 11(1)(a) tal-Istrument ta’ Marġini Uniku għal ammont ta’ EUR 181,2 miljun fl-2024 sabiex jikkonforma mal-obbligi legali kollha. B’mod ġenerali, madankollu, in-nefqa totali għall-amministrazzjoni taħt l-intestatura 7 fil-perjodu 2021-2024 għadha fil-limiti massimi stabbiliti għal din l-intestatura fir-Regolament QFP, peress li l-marġnijiet mhux użati fl-intestatura 7 fl-2021-2022 ammontaw għal EUR 467 miljun.

8.Trasferiment mil-linja ta’ riżerva għal-linji operazzjonali

Minħabba l-adozzjoni tal-atti legali korrispondenti mill-koleġiżlaturi, il-Kummissjoni tipproponi li tittrasferixxi l-ammonti attwalment imqiegħda f’riżervi għall-Att b’Appoġġ għall-Produzzjoni tal-Munizzjon (ASAP) 15 u l-Att dwar it-Tisħiħ tal-Industrija Ewropea tad-Difiża permezz tal-Akkwist Komuni (EDIRPA) 16 għal-linji operazzjonali tal-programmi kkonċernati, kif ġej:

EUR
Linja baġitarja	Isem	Approprjazzjonijiet ta’ impenn	Approprjazzjonijiet ta’ pagament
Taqsima III – Il-Kummissjoni
13 06 01	Strument tad-Difiża fuq Medda Qasira dwar akkwist komuni	259 972 301	100 000 000
13 07 01	Strument għat-Tisħiħ tal-Industrija tad-Difiża	343 000 000	78 500 000
30 02 02	Approprjazzjonijiet differenzjati (Riżerva għall-artikolu baġitarju 13 06 01)	-259 972 301	-100 000 000
30 02 02	Approprjazzjonijiet differenzjati (Riżerva għall-artikolu baġitarju 13 07 01)	-343 000 000	-78 500 000
Total		0	0

9. Finanzjament

B’mod ġenerali, l-impatt nett tal-IE 1/2024 fuq in-nefqa fl-AB 2024 huwa tnaqqis ta’ EUR 67,4 miljun f’approprjazzjonijiet ta’ impenn u ta’ pagament.

L-impatt ikkombinat tat-tnaqqis tal-kostijiet ta’ finanzjament fuq il-linja tal-imgħax tal-EURI u ż-żieda fin-nefqa għall-Intestatura 7 iwasslu għal tnaqqis tal-ammonti proposti li għandhom jiġu mobilizzati mill-Istrument ta’ Marġini Uniku b’EUR 67,4 miljun.

10.Tabella fil-Qosor skont l-Intestatura tal-QFP

		Abbozz ta' Baġit 2024		Ittra Emendatorja 1 għall-Abbozz tal-Baġit 2024		Abbozz ta’ Baġit 2024 ink. AL1
		AI	AP	AI	AP	AI	AP
1.	Suq Uniku, Innovazzjoni u Diġitali	21 431 352 987	20 916 212 003			21 431 352 987	20 916 212 003
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Limitu		21 598 000 000				21 598 000 000
Marġni		166 647 013				166 647 013
2.	Koeżjoni, Reżiljenza u Valuri	74 979 363 449	34 186 039 329	-72 000 000	-72 000 000	74 907 363 449	34 114 039 329
	li minnhom taħt l-Istrumenti ta’ Flessibbiltà	1 335 350 949				1 335 350 949
	li minnhom l-Istrument ta’ Marġini Uniku (l-Artikolu 11(1), il-punt (a))	372 816 884		-72 000 000		300 816 884
	li minnhom l-Istrument ta’ Marġini Uniku (l-Artikolu 11(1), il-punt (c))
Limitu		73 289 000 000				73 289 000 000
Marġni		17 804 384				17 804 384
2a.	Koeżjoni ekonomika, soċjali u territorjali	64 665 195 616	24 155 654 152			64 665 195 616	24 155 654 152
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Limitu		64 683 000 000				64 683 000 000
Marġni		17 804 384				17 804 384
2b.	Reżiljenza u l-valuri	10 314 167 833	10 030 385 177	-72 000 000	-72 000 000	10 242 167 833	9 958 385 177
	li minnhom taħt l-Istrumenti ta’ Flessibbiltà	1 335 350 949				1 335 350 949
	li minnhom l-Istrument ta’ Marġini Uniku (l-Artikolu 11(1), il-punt (a))	372 816 884		-72 000 000		300 816 884
	li minnhom l-Istrument ta’ Marġini Uniku (l-Artikolu 11(1), il-punt (c))
Limitu		8 606 000 000				8 606 000 000
Marġni
3.	Riżorsi naturali u Ambjent	57 388 890 839	54 232 567 941			57 388 890 839	54 232 567 941
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Limitu		57 449 000 000				57 449 000 000
Marġni		60 109 161				60 109 161
	Li minnu: Nefqa relatata mas-suq u pagamenti diretti	40 602 078 000	40 590 282 213			40 602 078 000	40 590 282 213
	Sublimitu massimu tal-FAEG	40 603 000 000				40 603 000 000
	Ittondjar tad-differenza eskluża għall-kalkolu tas-sottomarġni	922 000				922 000
	Trasferimenti netti bejn l-FAEG u l-FAEŻR
	Bilanċ nett disponibbli għan-nefqa tal-FAEG	40 602 078 000				40 602 078 000
	Sublimitu aġġustat tal-FAEG ikkoreġut mit-trasferimenti bejn il-FAEG u l-FAEŻR	40 603 000 000				40 603 000 000
	Submarġni tal-FAEG	922 000				922 000
	Submarġni tal-FAEG (eskluża d-differenza tal-ittondjar)
4.	Il-Migrazzjoni u l-Ġestjoni tal-Fruntieri	3 896 705 671	3 257 967 443			3 896 705 671	3 257 967 443
Limitu		4 020 000 000				4 020 000 000
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Marġni		123 294 329				123 294 329
5.	Sigurtà u Difiża	2 304 177 926	2 028 413 531			2 304 177 926	2 028 413 531
Limitu		2 004 000 000				2 004 000 000
	li minnhom taħt l-Istrumenti ta’ Flessibbiltà	300 177 926				300 177 926
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Marġni
6.	Viċinat u d-Dinja	15 830 000 000	15 111 157 313			15 830 000 000	15 111 157 313
li minnhom taħt l-Istrumenti ta’ Flessibbiltà
Limitu		15 830 000 000				15 830 000 000
	li minnhom l-Istrument ta’ Marġini Uniku (l-Artikolu 11(1), il-punt (a))
	li minnhom l-Istrument ta’ Marġini Uniku (l-Artikolu 11(1), il-punt (c))
Marġni
7.	Amministrazzjoni pubblika Ewropea	11 949 625 456	11 949 625 456	4 588 100	4 588 100	11 954 213 556	11 954 213 556
Limitu		11 773 000 000				11 773 000 000
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))	176 625 456		4 588 100		181 213 556
	li minnhom l-Istrument ta’ Marġini Uniku (l-Artikolu 11(1), il-punt (c))
Marġni
	li minnhom: Nefqa amministrattiva tal-istituzzjonijiet	9 137 000 694	9 137 000 694	4 588 100	4 588 100	9 141 588 794	9 141 588 794
	Sublimitu massimu	9 006 000 000				9 006 000 000
	li minnhom taħt l-Istrumenti ta’ Flessibbiltà
	li minnhom l-Istrument ta’ Marġini Uniku (l-Artikolu 11(1), il-punt (a))	131 000 694		4 588 100		135 588 794
	li minnhom l-Istrument ta’ Marġini Uniku (l-Artikolu 11(1), il-punt (c))
	Marġni
	Pensjonijiet u Skejjel Ewropej	2 812 624 762	2 812 624 762			2 812 624 762	2 812 624 762
	Pensjonijiet	2 565 464 000	2 565 464 000			2 565 464 000	2 565 464 000
	Skejjel Ewropej	247 160 762	247 160 762			247 160 762	247 160 762
	Nefqa amministrattiva tal-istituzzjonijiet	9 137 000 694	9 137 000 694	4 588 100	4 588 100	9 141 588 794	9 141 588 794
	Parlament Ewropew	2 354 855 881	2 354 855 881	-300 000	-300 000	2 354 555 881	2 354 555 881
	Kunsill Ewropew u Kunsill	676 842 943	676 842 943			676 842 943	676 842 943
	Il-Kummissjoni	4 221 445 825	4 221 445 825	-3 377 000	-3 377 000	4 218 068 825	4 218 068 825
	Qorti tal-Ġustizzja tal-Unjoni Ewropea	502 443 711	502 443 711			502 443 711	502 443 711
	Qorti Ewropea tal-Awdituri	184 803 430	184 803 430	330 000	330 000	185 133 430	185 133 430
	Kumitat Ekonomiku u Soċjali Ewropew	164 945 524	164 945 524			164 945 524	164 945 524
	Il-Kumitat Ewropew tar-Reġjuni	121 878 345	121 878 345			121 878 345	121 878 345
	Ombudsman Ewropew	13 667 466	13 667 466			13 667 466	13 667 466
	Kontrollur Ewropew għall-Protezzjoni tad-Data	23 921 966	23 921 966			23 921 966	23 921 966
	Is-Servizz Ewropew tal-Azzjoni Esterna	872 195 603	872 195 603	7 935 100	7 935 100	880 130 703	880 130 703
Approprjazzjonijiet għall-intestaturi		187 780 116 328	141 681 983 016	-67 411 900	-67 411 900	187 712 704 428	141 614 571 116
	Limitu	185 963 000 000	170 543 000 000			185 963 000 000	170 543 000 000
	Li minnhom taħt l-Istrument ta' Flessibbiltà	1 635 528 875	1 747 272 316			1 635 528 875	1 747 272 316
li minnhom l-Istrument ta’ Marġini Uniku (l-Artikolu 11(1), il-punt (a))		549 442 340		-67 411 900		482 030 440
li minnhom l-Istrument ta’ Marġini Uniku (l-Artikolu 11(1), il-punt (c))
	Marġni	367 854 887	30 608 289 300		67 411 900	367 854 887	30 675 701 200
Approprjazzjonijiet bħala % tal-ING		1,06 %	0,80 %	0,00 %	0,00 %	1,06 %	0,80 %
	Strumenti speċjali tematiċi	1 560 861 211	1 371 395 001			1 560 861 211	1 371 395 001
	Riżerva ta' Solidarjetà u Għajnuna ta' Emerġenza (SEAR)	1 351 395 001	1 351 395 001			1 351 395 001	1 351 395 001
	Fond Ewropew ta’ Aġġustament għall-Globalizzazzjoni (FEG)	209 466 210	20 000 000			209 466 210	20 000 000
	Riżerva ta’ Aġġustament għall-Brexit (BAR)	p.m.	p.m.			p.m.	p.m.
Total tal-approprjazzjonijiet		189 340 977 539	143 053 378 017	-67 411 900	-67 411 900	189 273 565 639	142 985 966 117

(1) Id-Deċiżjoni tal-Kunsill (UE, Euratom) 2020/2053 tal-14 ta’ Diċembru 2020 dwar is-sistema tar-riżorsi proprji tal-Unjoni Ewropea u li tħassar id-Deċiżjoni 2014/335/UE, Euratom, ĠU L 424, 15.12.2020.

(2) ĠU L 193, 30.7.2018, p. 1.

(3) COM(2023) 300 final, 5.7.2023.

(4) Ir-Regolament (UE) 2021/1060 tal-Parlament Ewropew u tal-Kunsill tal-24 ta’ Ġunju 2021 li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi, is-Sajd u l-Akkwakultura u r-regoli finanzjarji għalihom u għall-Fond għall-Ażil, il-Migrazzjoni u l-Integrazzjoni, il-Fond għas-Sigurtà Interna u l-Istrument għall-Appoġġ Finanzjarju għall-Ġestjoni tal-Fruntieri u l-Politika dwar il-Viżi, ĠU L 231, 30.6.2021, p. 159–706.

(5) L-ammont tal-ħtiġijiet jikkorrispondi għal EUR 40 602,1 miljun f’approprjazzjonijiet ġodda kif ukoll EUR 848,5 miljun fi dħul assenjat.

(6) Ir-Regolament (UE) 2021/2116 tal-Parlament Ewropew u tal-Kunsill tat-2 ta’ Diċembru 2021 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolament (UE) Nru 1306/2013, ĠU L 435, 6.12.2021, p. 187–261.

(7) Il-Ftehim Interistituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni Ewropea dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba, kif ukoll dwar riżorsi proprji ġodda, inkluż pjan direzzjonali lejn l-introduzzjoni ta’ riżorsi proprji ġodda, ĠU L 433, 20.12.2020, p. 28.

(8) COM(2023)530

(9) COM(2022) 658

(10) COM(2021) 561

(11) ĠU L234, 22.09.2023 p.48-100.

(12) COM(2021) 725

(13) COM(2023) 3269

(14) C (2023) 5001 final, 11.7.2023.

(15) Ir-Regolament (UE) 2023/1525 tal-Parlament Ewropew u tal-Kunsill tal-20 ta’ Lulju 2023 dwar l-appoġġ għall-produzzjoni tal-munizzjon (ASAP), ĠU L 185, 24.7.2023, p. 7–25.

(16) Ir-Regolament (UE) 2023/xxx tal-Parlament Ewropew u tal-Kunsill ta’ xx ta’ Settembru 2023 dwar l-istabbiliment tal-Att dwar it-Tisħiħ tal-Industrija Ewropea tad-Difiża permezz tal-Akkwist Komuni, ĠU L xxx, xx.10.2023, xxx.

Choose the experimental features you want to try