Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52021IR0433

Opinjoni tal-Kumitat Ewropew tar-Reġjuni — Strateġija biex tissaħħaħ l-applikazzjoni tal-Karta tad-Drittijiet Fundamentali fl-UE

COR 2021/00433

ĠU C 440, 29.10.2021, pp. 49–50 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

29.10.2021   

MT

Il-Ġurnal Uffiċjali tal-Unjoni Ewropea

C 440/49

Opinjoni tal-Kumitat Ewropew tar-Reġjuni — Strateġija biex tissaħħaħ l-applikazzjoni tal-Karta tad-Drittijiet Fundamentali fl-UE

(2021/C 440/09)

Relatur:

Jean-Luc VANRAES (BE/Renew Europe),

Membru tal-Kunsill Muniċipali ta’ Uccle

Dokument ta’ referenza:

Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Strateġija biex tissaħħaħ l-applikazzjoni tal-Karta tad-Drittijiet Fundamentali fl-UE

COM(2020) 711 final

RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

1.

 jilqa’ l-Istrateġija l-ġdida biex tissaħħaħ l-applikazzjoni tal-Karta tad-Drittijiet Fundamentali tal-UE, peress li tirrikonoxxi b’mod speċifiku r-rwol tal-awtoritajiet lokali u reġjonali bħala partijiet interessati ċentrali fil-promozzjoni u l-protezzjoni tad-drittijiet tal-Karta;

2.

 jappella għal involviment kontinwu tal-awtoritajiet lokali u reġjonali, livell fundamentali tal-leġittimità demokratika, fil-promozzjoni tal-valuri tal-Karta u fil-monitoraġġ tal-konformità mal-prinċipji assoċjati magħha;

3.

 jaqbel li l-UE għandha tkompli tħeġġeġ l-iskambju ta’ prattika tajba u esperjenza bejn il-livelli kollha ta’ gvern (nazzjonali, reġjonali u lokali) u l-iżvilupp ta’ gwida u taħriġ aktar immirati dwar il-Karta;

4.

 jenfasizza l-importanza tal-gwida mmirata biex tispjega għaliex id-drittijiet fundamentali huma importanti għall-awtoritajiet lokali u reġjonali, parzjalment billi tipprovdi eżempji ta’ kif l-awtoritajiet jistgħu jagħmlu użu mill-Karta tal-UE;

5.

 iħeġġeġ il-kooperazzjoni mal-Kunsill tal-Ewropa biex tissaħħaħ l-applikazzjoni tal-Karta tad-Drittijiet Fundamentali tal-UE;

6.

 jilqa’ l-intenzjoni tal-Kummissjoni li tfassal rapport annwali, mill-2021 ’il quddiem, dwar l-applikazzjoni tal-Karta tad-Drittijiet Fundamentali fl-Istati Membri, u jappella lill-Kummissjoni tippreżenta fir-rapport il-prattiki tajbin u l-esperjenzi tal-bliet u r-reġjuni fl-applikazzjoni tal-Karta, b’enfasi fuq komunikazzjoni proattiva mal-bliet u r-reġjuni. Il-kooperazzjoni mal-KtR hija importanti hawnhekk;

7.

 jinnota r-rwol importanti li l-assoċjazzjonijiet nazzjonali u Ewropej tal-awtoritajiet lokali u reġjonali jista’ jkollhom f’dan il-kuntest, u jimpenja ruħu li jżid il-kooperazzjoni tiegħu magħhom sabiex iżid l-għarfien u l-fehim tal-awtoritajiet lokali u reġjonali fir-rigward tal-Karta tal-UE;

8.

 jirrikonoxxi l-importanza li jiġu stabbiliti punti ta’ kuntatt u network li jiffaċilitaw il-fluss ta’ informazzjoni dwar il-Karta bejn il-livelli differenti ta’ gvern u l-kondiviżjoni tal-aħjar prattiki, u jista’ jipprovdi wkoll gwida għall-awtoritajiet lokali u reġjonali dwar kif ifasslu l-politiki tagħhom f’konformità sħiħa mal-Karta;

9.

 jilqa’ l-fondi allokati mill-Kummissjoni Ewropea permezz tal-Programm dwar id-Drittijiet u l-Valuri biex jgħinu lill-muniċipalitajiet u l-assoċjazzjonijiet jaħdmu flimkien fuq kwistjonijiet ta’ interess komuni li jippermettu l-iskambju ta’ prattika tajba u biex jiżviluppaw networks ta’ bliet;

10.

 jirrikonoxxi li l-Istati Membri kollha tal-UE jeħtieġ li jaħtru koordinaturi lokali b’dikjarazzjoni ċara tal-missjoni dwar l-implimentazzjoni tal-Karta, kif propost mill-Kummissjoni Ewropea;

11.

 meta jitqies ir-rwol ewlieni tal-awtoritajiet lokali u reġjonali fl-iżgurar tal-applikazzjoni tal-Karta tad-Drittijiet Fundamentali, jemmen li l-parteċipazzjoni tal-KtR hija essenzjali fid-djalogu interistituzzjonali dwar il-Karta;

12.

 jissottolinja li l-Kummissjoni Ewropea għandha twettaq b’mod sistematiku kontroverifika mal-applikazzjoni tal-Karta qabel ma tagħti fondi tal-UE, bl-użu ta’ proċedura ċara u trasparenti. Il-konformità mal-Artikolu 2 tat-TUE, li jiġbor fih il-valuri tal-Unjoni, għandha tikkostitwixxi kondizzjonalità għall-eliġibbiltà għall-fondi tal-UE. Ir-Regolament (UE) 2020/2092 tas-16 ta’ Diċembru 2020 dwar reġim ġenerali ta' kondizzjonalità għall-protezzjoni tal-baġit tal-Unjoni (1) jfakkar li “Fil-konklużjonijiet tiegħu tal-21 ta’ Lulju 2020, il-Kunsill Ewropew iddikjara li l-interessi finanzjarji tal-Unjoni għandhom jiġu protetti f’konformità mal-prinċipji ġenerali inkorporati fit-Trattati, b’mod partikolari l-valuri stabbiliti fl-Artikolu 2 TUE”. L-istess regolament jistipula li kull meta l-Istati Membri jimplimentaw il-baġit tal-Unjoni, ir-rispett għall-istat tad-dritt, li huwa intrinsikament marbut mar-rispett għad-demokrazija u għad-drittijiet fundamentali, “huwa prekondizzjoni essenzjali għall-konformità mal-prinċipji ta’ ġestjoni finanzjarja tajba minquxa fl-Artikolu 317 tat-Trattat dwar il-Funzjonament tal-Unjoni Ewropea (TFUE)”.

13.

 jitlob li l-Karta tad-Drittijiet Fundamentali tiġi diskussa b’mod xieraq u għalhekk issir aktar magħrufa fl-okkażjoni ta’ Jum l-Ewropa (9 ta’ Mejju) u b’rabta mal-Konferenza dwar il-Futur tal-Ewropa, u jitlob lill-membri tiegħu jippromovu attivitajiet lokali li huma kompletament aċċessibbli u inklużivi, jispjegaw u jenfasizzaw l-importanza kbira tad-drittijiet fundamentali u tal-Karta Ewropea għad-demokraziji u ċ-ċittadini tagħna;

14.

 jappoġġja bis-sħiħ l-adeżjoni tal-Unjoni Ewropea għall-Konvenzjoni għall-Protezzjoni tad-Drittijiet tal-Bniedem u tal-Libertajiet Fundamentali;

15.

 jirrakkomanda li jitwaqqaf korp għall-monitoraġġ tal-applikazzjoni korretta tal-Karta tad-Drittijiet Fundamentali tal-Unjoni Ewropea;

16.

 jitlob li l-programmi mmirati lejn iż-żgħażagħ u t-tfal, bħal Euroscola, eTwinning, il-Korp Ewropew ta’ Solidarjetà, eċċ., jiffokaw b’mod permanenti fuq il-finanzjament ta’ azzjonijiet relatati mal-Karta tad-Drittijiet Fundamentali sabiex jedukawhom dwarha;

17.

 jirrakkomanda wkoll li l-Unjoni Ewropea taderixxi mal-Karta Soċjali Ewropea sabiex tiżgura l-ogħla livell ta’ protezzjoni għad-drittijiet fundamentali kollha;

18.

 jemmen li l-kisba tagħha se tikkostitwixxi pass importanti fit-tisħiħ tal-applikazzjoni tal-Karta tad-Drittijiet Fundamentali tal-UE fl-Unjoni Ewropea u, fl-istess ħin, li dan se jkompli jsaħħaħ il-pożizzjoni tal-UE fir-rigward tal-isforzi tagħha biex id-drittijiet tal-bniedem ikunu komponent ewlieni tal-azzjoni esterna tagħha.

Brussell, l-1 ta’ Lulju 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1)  https://eur-lex.europa.eu/eli/reg/2020/2092/oj

Top