Pubblikazzjoni ta’ applikazzjoni għal approvazzjoni ta’ emenda mhux minuri għall-Ispeċifikazzjoni tal-Prodott skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2019/C 434/10)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TAL-PRODOTT TA’ DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA

Applikazzjoni għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“Patata de Galici a” / “ Pataca de Galici a”

Nru tal-UE: PGI-ES-02300 – 10.3.2017

DOP ( ) IĠP (X)

1.   Grupp applikant u interess leġittimu

Il-Kunsill Regolatorju tal-Indikazzjoni Ġeografika Protetta “Patata de Galicia”

Indirizz: Finca devesa, s/n, 32630 Xinzo de Limia, Ourense

Indirizz elettroniku: patacadegalicia@patacadegalicia.es

Telefown: 0034 988,462,650

Il-grupp applikant għandu interess leġittimu li jitlob din l-emenda tal-Ispeċifikazzjoni tal-Prodott, bħala organizzazzjoni tal-ġestjoni tal-IĠP, skont l-Artikolu 3 tar-Regolament dwar l-Indikazzjoni Ġeografika Protetta “Patata de Galicia” u l-Kunsill Regolatorju tagħha kif ukoll skont l-Artikolu 12 tal-liġi Nru 2/2005 tat-18 ta’ Frar 2005 għall-promozzjoni u għad-difiża tal-kwalità tal-ikel ta’ Galicia. Il-produtturi u l-pakkjaturi kollha tal-indikazzjoni ġeografika huma integrati f’dan il-grupp.

2.   Stat Membru jew pajjiż terz

Spanja

3.   Intestatura tal-ispeċifikazzjoni tal-prodott affettwata mill-emenda

☐ Isem il-prodott

☒ Deskrizzjoni tal-prodott

☒ Żona ġeografika

☒ Prova tal-oriġini

☒ Metodu ta’ kisba

☒ Rabta

☒ Tikkettar

☐ Oħrajn (speċifika).

4.   Tip ta’ emenda/i

☒ Emenda għall-Ispeċifikazzjoni tal-Prodott ta’ DOP/IĠP irreġistrata li m’għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012.

☐ Emenda għall-Ispeċifikazzjoni tal-Prodott ta’ DOP/IĠP irreġistrata, li għaliha ma ġiex ippubblikat Dokument Uniku (jew l-ekwivalenti), li m’għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012.

5.   Emendi

L-emendi ewlenin li huma proposti li jiġu inklużi fl-Ispeċifikazzjoni tal-Prodott jikkonsistu fl-introduzzjoni ta’ żewġ varjetajiet ġodda ta’ patata u fl-estensjoni taż-żona ġeografika. L-ewwel emenda tikkonċerna l-emenda tal-paragrafu dwar id-deskrizzjoni tal-prodott, u titlob il-ħtieġa li jiġu introdotti l-valuri tar-rendiment massimu għal kull ettaru għall-varjetajiet il-ġodda, u l-emenda formali fil-paragrafu dwar il-metodu ta’ kisba. Minħabba dawn iż-żewġ emendi huwa meħtieġ ukoll li jsiru l-emendi formali minuri fl-intestaturi dwar il-prova tal-oriġini u r-rabta.

Barra minn dan, iż-żieda tar-rendiment massimu għal kull ettaru tal-varjetà Kennebec, l-unika varjetà meqjusa s’issa fl-Ispeċifikazzjoni tal-Prodott tal-IĠP, ġiet emendata wkoll.

Barra minn hekk, għal dan il-għan, ir-rekwiżit taż-żrigħ fuq art li jiġbor il-kundizzjonijiet xierqa inbidel f’rakkomandazzjoni.

Fl-aħħar nett, il-paragrafu dwar it-tikkettar ġie emendat ukoll biex jinkludi l-logo ta’ identifikazzjoni tal-Indikazzjoni Ġeografika Protetta, li ilu jintuża minn meta ġie rreġistrat, u saħansitra qabel, meta l-prodott kien jibbenefika minn protezzjoni fil-livell ta’ Spanja biss. Dan jippermetti li tiġi rregolata l-possibbiltà li jintużaw l-isem u l-indikazzjoni ġeografika għall-prodotti li jiġu żviluppati mill-Patata de Galicia.

5.1.   Ġustifikazzjoni tal-emendi

(a)   Introduzzjoni tal-varjetà Agria

Din il-varjetà ilha tiġi kkultivata f’Galicia għal ħafna deċenji, speċjalment fil-muniċipalità ewlenija li tipproduċihom, A Limia. Din ma kinitx fl-ewwel Speċifikazzjoni tal-Prodott ta’ din l-Indikazzjoni Ġeografika Protetta minħabba li dak iż-żmien din kienet varjetà protetta, u dan m’għadux il-każ illum.

Il-karatteristiċi kemm tal-ħamrija kif ukoll tal-klima ta’ Galicia jagħtu lill-varjetà Agria kwalitajiet organalettiċi li jiddistingwuhom mill-patata tal-istess varjetà kkultivata f’żoni oħra ta’ produzzjoni, kif jixhdu ħafna sessjonijiet ta’ dewqan ma’ persuni mgħammdin li fihom ipparteċipaw esperti fl-analiżi sensorjali. Għal dan id-dewqan, il-patata li ġejja minn żoni differenti tħejjiet fi tliet modi differenti: mgħollija, moqlija (imqattgħa fi stikek) u fi krisps. F’dan id-dewqan kollu, il-varjetà Agria kkultivata f’Galicia rċeviet valutazzjoni komparattiva favorevoli ferm u punti għoljin, speċjalment meta l-patata kienet moqlija u b’mod partikolari fil-forma ta’ krisps, li jagħmilha l-aktar patata b’domanda għolja f’dan is-settur.

Din hija varjetà b’kontenut xott ta’ madwar 21 % u li l-kontenut ta’ zokkor riduċenti tagħha għadu taħt il-limitu li ġie stabbilit għal din l-Indikazzjoni Ġeografika Protetta.

Bħall-varjetà Kennebec, l-Agria hija kkaratterizzata mill-qoxra fina u lixxa u mill-ftit tikek tagħha, li jagħmilha l-aktar patata b’domanda għolja għal finijiet kummerċjali.

Fir-rigward tal-karatteristiċi agronomiċi tagħha, sabiex jinkiseb rendiment għal kull ettaru akbar minn dak tal-varjetà Kennebec, ir-reżistenza tagħha għan-nematodi taċ-ċisti fil-patata (Globodera rostochiensis) għandha tiġi enfasizzata, u dan huwa aspett importanti ladarba ż-żona ewlenija tal-produzzjoni tal-Patata de Galicia, il-muniċipalità ta’ A Limia msemmija hawn fuq, għandha numru dejjem jikber ta’ raba’ infestata minn dan il-parassit, li l-varjetà Kennebec hija pjuttost vulnerabbli għalih. L-introduzzjoni tal-varjetà Agria timplika wkoll tnaqqis fl-ispejjeż tat-trattament u rispett akbar lejn l-ambjent għaliex din tippermetti t-tnaqqis b’mod sinifikanti, kif ukoll it-tneħħija, tat-trattamenti għall-ġlieda kontra din il-pjaga.

(b)   Introduzzjoni tal-varjetà Fina de Carballo

Il-Fina de Carballo hija varjetà indiġena ta’ Galicia kkultivata prinċipalment fil-muniċipalità ta’ Bergantiños, waħda miż-żoni l-aktar tradizzjonali tal-kultivazzjoni tal-patata f’Galicia. Bħall-varjetajiet Kennebec u Agria, il-qoxra tagħha hija lixxa u fina. Min-naħa l-oħra, għall-kuntrarju ta’ dawn il-varjetajiet, il-Fina de Carballo għandha tikek fondi, u dan jillimita l-attrazzjoni kummerċjali tagħha u konsegwentement, il-produzzjoni tagħha.

Madankollu, din hija varjetà li, bħall-Kennebec, għandha ġewwa abjad u kwalitajiet organalettiċi eċċellenti, b’mod partikolari meta din tissajjar, kif urew it-testijiet komparattivi ta’ dewqan li twettqu bl-għan li din tiġi evalwata. Il-fatt li din hija varjetà indiġena u l-ħtieġa li jissaħħaħ il-patrimonju ġenetiku tal-pjanti juru li l-inklużjoni ta’ din il-varjetà fost dawk ammessi fil-qafas tal-IĠP Patata de Galicia hija rakkomandata.

(c)   Estensjoni taż-żona ġeografika

L-Ispeċifikazzjoni tal-Prodott attwali tal-IĠP Patata de Galicia ssemmi erba’ subżoni ta’ produzzjoni li jkopru diversi muniċipalitajiet mifruxa fi tlieta mill-erba’ provinċji ta’ Galicia.

Fl-ewwel Speċifikazzjoni tal-Prodott kien hemm biss il-muniċipalitajiet li l-kultivazzjoni maħsuba għall-kummerċjalizzazzjoni kienet l-aktar importanti fihom, li jeskludu miż-żona ġeografika il-bqija tat-territorju ta’ Galicia.

Madankollu, il-kultivazzjoni tal-patata infirxet f’Galicia b’mod pjuttost omoġenju fl-erba’ provinċji tal-Komunità. Fil-fatt, id-data uffiċjali tindika li ż-żoni kkultivati fl-2014 kienu dawn li ġejjin: 6 016 (A Coruña), 4 201 (Lugo), 6 883 (Ourense) u 3 158 (Pontevedra).

Il-fatt li f’Galicia, parti kbira tal-produzzjoni tal-patata hija maħsuba għall-awtokonsum jew għall-bejgħ dirett mill-produttur għall-konsumatur, jispjega wkoll li ċerti żoni partikolari biss huma inklużi fit-territorju kopert mill-Indikazzjoni Ġeografika Protetta.

Madankollu, il-karatteristiċi pedoklimatiċi li jinsabu fl-Ispeċifikazzjoni tal-Prodott attwali huma ftit jew wisq l-istess fil-muniċipalitajiet kollha ta’ Galicia. Għandu jiġi nnotat li s-subżoni indikati fl-Ispeċifikazzjoni tal-Prodott attwali huma mifruxa madwar it-territorju ta’ Galicia kollu. Dawn il-karatteristiċi, jiġifieri klima umda, b’xita ta’ madwar 1 000 sa 1 500 mm jew aktar, perjodu ta’ nixfa fl-aħħar tas-sajf u temperaturi moderati waqt il-perjodu veġetattiv tal-pjanta, kif ukoll ħamrija maħlula u mrammla b’valuri tal-pH aċidużi (bejn 5 u 6,5), huma dawk li jipprevalu b’mod ġenerali f’Galicia. Kif diġà ssemma qabel, il-kultivazzjoni tal-patata ta’ Galicia titwettaq fuq it-territorju kollu tal-Komunità Awtonoma, għajr fiż-żoni tal-muntanji għoljin, fejn l-artijiet imżerżqa jagħmlu l-mekkanizzazzjoni tal-kultivazzjoni diffiċli.

(d)   Żieda fir-rendiment għal kull ettaru tal-varjetà Kennebec

Ir-rendiment għal kull ettaru tal-varjetà Kennebec żdied f’dawn l-aħħar snin hekk kif il-bdiewa ta’ Galicia qelbu l-attività tagħhom fuq livell professjonali. Għalhekk, illum il-ġurnata, il-produtturi kważi kollha jużaw żrieragħ iċċertifkati, li minnhom jiksbu ħsad aktar abbundanti u ta’ kwalità aħjar milli biż-żrieragħ li jistgħu jerġgħu jintużaw, prattika ġġeneralizzata għal bosta snin. L-analiżi sistematika tal-ħamrija hija wkoll iġġeneralizzata, flimkien mal-prattika ta’ fertilizzazzjoni adattata skont ir-riżultati ta’ dawn l-analiżijiet, li jwassal ukoll għal ħsad aktar abbundanti.

Għalhekk, jeħtieġ li jiżdiedu bi kważi 15 % il-valuri tar-rendiment massimu għal kull ettaru għall-varjetà Kennebec, għal 25 000 kg/ha għall-kultivazzjonijiet mhux irrigati u għal 40 000 kg/ha għall-kultivazzjonijiet irrigati, kwantitajiet konformi mar-rendimenti massimi għal kull ettaru stabbiliti għall-varjetà Fina de Carballo. Madankollu, għall-varjetà Agria, rendimenti kemxejn ogħla ġew stabbiliti (30 000 kg/ha għall-kultivazzjonijiet mhux irrigati u 50 000 kg/ha għall-kultivazzjonijiet irrigati) minħabba li din il-varjetà hija aktar produttiva.

(e)   Rakkomandazzjoni għall-prattika taż-żrigħ fuq art li tiġbor il-kundizzjonijiet xierqa għal dan il-għan

L-emenda li saret hija marbuta wkoll mal-livell għoli ta’ professjonaliżmu li nkiseb f’dan is-settur. Il-persuni responsabbli għall-azjendi agrikoli għandhom għarfien tajjeb tal-problemi li jista’ joħloq iż-żrigħ f’kundizzjonijiet ta’ ħamrija li ftit li xejn huma adegwati u jafu wkoll kif isolvu din il-problema. Għalhekk, ma jidhirx li hemm ħtieġa li jiġi impost iż-żrigħ fuq ħamrija adattata, li huwa biżżejjed biex jiġi rrakkomandat.

(f)   Inklużjoni tal-logotip tal-Indikazzjoni Ġeografika Protetta

Skont l-Ispeċifikazzjoni tal-Prodott attwali, it-tikketta tal-patata li hija protetta permezz tal-IĠP Patata de Galicia għandu jkollha l-logotip proprju ta’ din l-IĠP. L-imballaġġ għandu jinkludi wkoll tikketta ta’ wara nnumerata li turi l-logotip. Madankollu, dan ma jidhirx fl-Ispeċifikazzjoni tal-Prodott, minkejja li ilu jintuża minn qabel ir-reġistrazzjoni ta’ din l-indikazzjoni ġeografika fir-Reġistru Ewropew, meta l-prodott kien jibbenefika minn protezzjoni skont il-leġiżlazzjoni Spanjola, li tippreċedi l-leġiżlazzjoni Komunitarja.

Jidher li huwa utli, sabiex tiġi ffaċilitata l-informazzjoni tal-konsumaturi u b’mod partikolari għal finijiet ta’ protezzjoni u ta’ kontroll tal-prodott barra mill-Komunità Awtonoma ta’ Galicia, li l-logotip jidher fl-Ispeċifikazzjoni tal-Prodott, u dan għandu jiffaċilita l-kontroll immexxi mill-awtoritajiet kompetenti.

(g)   Regolament dwar l-użu tal-indikazzjoni ġeografika għall-prodotti magħmula mill-Patata de Galicia bħala ingredjent

Ġew stabbiliti xi regoli dwar il-possibbiltà li tintuża l-kitba “Elaborado con IGP Patata de Galicia” fuq il-prodotti magħmula mill-Patata de Galicia IĠP bħala materja prima, b’konformità mal-linji gwida dwar it-tikkettar tal-oġġetti tal-ikel li jużaw id-Denominazzjoni ta’ Oriġini Protetta (DOP) u l-Indikazzjonijiet Ġeografiċi Protetti (IĠP) bħala komponenti (2010/C 341/03) tal-Kummissjoni Ewropea.

5.2.   Intestaturi tal-Ispeċifikazzjoni tal-Prodott u tad-Dokument Uniku affettwati mill-emendi

A)   Deskrizzjoni tal-prodott

It-test tal-Ispeċifikazzjoni tal-Prodott ġie emendat sabiex tiġi introdotta referenza għall-varjetajiet il-ġodda li ġew inklużi.

B’hekk, it-test:

ġie sostitwit bi:

u t-test:

“Il-karatterisitiċi partikolari tal-patata tal-varjetà Kennebec maħsuba għall-konsum li hija protetta mill-Indikazzjoni Ġeografika Protetta “Patata de Galicia”, huma dawn li ġejjin:

—	Forma tat-tuberi: tonda lejn l-ovali.

—	Preżenza ta’ ftit tikek.

—	Qoxra li tidher lixxa u fina.

—	Kulur tal-qoxra: isfar ċar.

—	Kulur ta’ ġewwa: abjad

—	Konsistenza: soda meta tintmess u kremuża meta tissajjar, konsistenti fil-palat.

—	Kwalità għall-konsum: eċċellenti, patata rimarkabbli l-aktar minħabba l-kontenut ta’ materja xotta u l-karatteristiċi tal-kulur, tal-aroma u tat-togħma tagħha wara li tissajjar.”

ġie sostitwit bit-test li ġej:

Emendi simili saru fi (3.2) tad-Dokument Uniku.

(b)   Żona ġeografika

Dan il-paragrafu tal-Ispeċifikazzjoni tal-Prodott ġie emendat b’tali mod li t-test:

“Iż-żona tal-produzzjoni u tal-ippakkjar tal-prodott li hija protetta permezz tal-Indikazzjoni Ġeografika Protetta tinkludi fiha erba’ subżoni tal-Komunità Awtonoma ta’ Galicia, li ż-żona territorjali tagħha huwa dan li ġej:

—	Subżona ta’ Bergantiños (A Coruña): magħmula mill-muniċipalitajiet ta’

—	Carballo, Coristanco, A Laracha, Malpica u Ponteceso;

—	Subżona ta’ A Terra Chá-A Mariña (Lugo): magħmula mit-totalità tal-muniċipalitajiet ta’ Abadín, Alfoz, Barreiros, Cospeito, Foz, Lourenzá, Mondoñedo, Ribadeo, Trabada, Valadouro, Vilalba u Xermade;

—	Subżona ta’ Lemos (Lugo): magħmula mill-muniċipalitajiet ta’ Monforte de Lemos, Pantón u Saviñao;

—

Subżona ta’ A Limia (Ourense): magħmula mit-totalità tal-muniċipalitajiet ta’ Baltar, Os Blancos, Calvos de Randín, Castrelo do val, Cualedro, Laza, Monterrei, Oímbra, Porqueira, Rairíz de Veiga, Sandiás, Sarreaus, Trasmiras, Verín, Vilar de Santos u Xinzo de Limia; u d-distretti ta’ Coedo u Torneiros, li jagħmlu parti mill-muniċipalità ta’ Allariz, dawk ta’ Bóveda, Padreda, Seiró u Vilar de Barrio, li jagħmlu parti mill-muniċipalità ta’ Vilar de Barrio; kif ukoll dawk ta’ A Abeleda, Bobadela a Pinta, A Graña u Sobradelo, li jagħmlu parti mill-muniċipalità ta’ Xunqueira de Ambía.

Iż-żona agrikola ddedikata għall-kultivazzjoni tvarja bejn 500 u 1 000 ettaru fis-sena.”

ġie sostitwit bit-test li ġej:

L-(4) tad-Dokument Uniku ġie emendat ukoll. It-test li ġej:

ġie sostitwit bit-test li ġej:

(c)   Prova tal-oriġini

Dan il-punt tal-Ispeċifikazzjoni tal-Prodott huwa affettwat mill-emendi formali minuri minħabba l-inklużjoni tal-varjetajiet il-ġodda u l-estensjoni tat-territorju.

B’hekk, it-test:

ġie sostitwit bit-test li ġej:

(d)   Metodu ta’ kisba

Saret ukoll emenda formali marbuta mal-inklużjoni ta’ żewġ varjetajiet ġodda f’dan il-punt tal-Ispeċifikazzjoni tal-Prodott.

B’hekk, il-paragrafu:

ġie sostitwit bi:

Huwa pproċeda wkoll għall-emendi pertinenti marbuta mar-rendimenti massimi għal kull ettaru li jikkorrispondu għal kull varjetà, b’tali mod li s-sentenza li ġejja:

ġiet sostitwita bi:

Min-naħa l-oħra, ir-rekwiżit għat-tħejjija tal-ħamrija waqt iż-żrigħ ġie emendat. B’hekk, is-sentenza:

ġiet sostitwita bi:

Fl-aħħar nett, il-paragrafu dwar il-possibbiltà ta’ irrigazzjoni fuq bażi ad hoc f’ċerti żoni ta’ produzzjoni (fl-Ispeċifikazzjoni tal-Prodott attwali, il-muniċipalità ta’ A Limia) ġie emendat biex it-test jiġi adattat għas-sitwazzjoni ġeografika l-ġdida. Dan il-kliem il-ġdid għandu joffri l-possibbiltà li wieħed jipproċedi għal irrigazzjoni fuq bażi ad hoc fis-sajf fiż-żoni kollha li din tista’ tkun meħtieġa fihom (reġjuni interni, bi klima aktar kontinentali). B’hekk, il-paragrafu:

ġie sostitwit bit-test li ġej:

(e)   Rabta

Dan il-punt jeħtieġ xi emendi formali speċifiċi marbuta mal-estensjoni taż-żona ġeografika. Dawn l-emendi jirrigwardaw sew l-Ispeċifikazzjoni tal-Prodott kif ukoll id-Dokument Uniku.

Għalhekk, l-Ispeċifikazzjoni tal-Prodott ġiet emendata kif ġej:

Il-paragrafu:

ġie sostitwit bi:

il-paragrafu:

ġie sostitwit bi:

il-paragrafu:

ġie sostitwit bil-paragrafu li ġej:

u l-paragrafu:

ġie sostitwit bil-paragrafu li ġej:

Fir-rigward tad-Dokument Uniku, saru l-emendi li ġejjin f’(5):

Fil-punt dwar l-ispeċifiċità taż-żona, it-test:

ġie sostitwit bi:

u t-test dwar l-orografija:

ġie sostitwit bit-test li ġej:

Fil-punt dwar l-ispeċifiċità tal-prodott, is-sentenza:

“-	Adattament tajjeb tal-varjetà Kennebec għall-ħamrija ta’ Galicia, li tipproduċi tuberi bi ftit tikek, b’qoxra fina u lixxa u li l-kulur ta’ ġewwa tagħha huwa abjad ħafna.”

ġiet sostitwita bis-sentenza li ġejja:

“-

Adattament tajjeb tal-varjetajiet Kennebec u Agria għall-ħamrija ta’ Galicia, li jipproduċu tuberi bi ftit tikek, b’qoxra fina u lixxa u li l-kulur ta’ ġewwa huwa abjad ħafna għall-Kennebec u isfar għall-Agria. Barra minn dan, il-varjetà Fina de Carballo hija indiġena u għalhekk, b’mod naturali, adattata ferm għall-ambjent, u din hija r-raġuni għalfejn din tipproduċi tuberi li jintgħarfu mill-qoxra fina tagħhom, minkejja li għandhom tikek fondi u ġewwa abjad.”.

Fl-aħħar nett, fil-punt dwar ir-rabta kawżali bejn iż-żona ġeografika u l-kwalità, ir-reputazzjoni jew karatteristika oħra tal-prodott, il-paragrafu:

ġie ssostitwit bil-paragrafu li ġej:

(f)   tikkettar

Il-paragrafu li ġej tal-Ispeċifikazzjoni tal-Prodott u tad-Dokument Uniku:

ġie ssostitwit bil-paragrafu li ġej:

u fiż-żewġ dokumenti, il-logotip tal-Indikazzjoni Ġeografika Protetta ddaħħal taħt it-test.

Barra minn hekk, fl-Ispeċifikazzjoni tal-Prodott, iddaħħal it-test li ġej:

DOKUMENT UNIKU

“Patata de Galicia” / “ Pataca de Galicia”

Nru tal-UE: PGI-ES-02300 – 10.3.2017

DOP ( ) IĠP (X)

1.   Isem

“Pataca de Galicia”/“Patata de Galicia”

2.   Stat Membru jew pajjiż terz

Spanja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6. Frott, ħxejjex u ċereali friski jew ipproċessati

3.2.   Deskrizzjoni tal-prodott li għalih japplika l-isem f’(1)

Dawn huma tuberi tal-ispeċi Solanum tuberosum L., tal-varjetajiet kkultivati Kennebec, Agria u Fina de Carballo, li huma maħsuba għall-konsum mill-bniedem.

B’mod indipendenti mill-varjetà kkultivata, il-patata koperta minn din l-IĠP għandha qoxra li tidher lixxa u fina u hija kkaratterizzata minn konsistenza soda meta tintmess u kremuża meta tissajjar, ta’ konsistenza tajba fil-palat. Din hija ta’ kwalità eċċellenti għall-konsum u rimarkabbli l-aktar minħabba l-kontenut ta’ materja xotta u l-kwalitajiet tal-kulur tal-patata, l-aroma u t-togħma tagħha wara li tissajjar.

Il-karatteristiċi morfoloġiċi tagħha u l-kulur tagħha jvarjaw skont il-varjetà kkultivata, kif indikat fit-tabella ta’ hawn taħt:

	Kennebec	Agria	Fina de Carballo
Forma	tonda lejn l-ovali	ovali twila	għat-tond
Tikek	ftit ħafna	ftit ħafna	Fondi
Kulur tal-qoxra	isfar ċar	isfar	isfar ċar
Kulur minn ġewwa	abjad	isfar	abjad

Il-karatteristiċi analitiċi huma kif ġej: kontenut ta’ materja xotta iktar minn 18 % u kontenut ta’ zokkor riduċenti inqas minn 0,4 %.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

—

3.4.   Passi speċifiċi fil-produzzjoni li jridu jsiru fiż-żona ġeografika ddefinita

Minbarra l-kultivazzjoni fiha nnifisha, huwa meħtieġ li l-ħżin u l-ippakkjar isiru fiż-żona territorjali definita.

Il-fatt li l-ħżin u l-ippakkjar jitwettqu fiż-żona tat-territorju definit, huwa dovut għall-ħtieġa li l-karatteristiċi partikolari tal-prodott għandhom jiġu ppreżervati sew u minħabba li tradizzjonalment l-istabbilimenti kienu jinsabu fiż-żoni tal-produzzjoni tal-aqwa kwalità. Għandu jitqies il-fatt li waqt il-proċess tal-ippakkjar, issir selezzjoni manwali minn persunal b’esperjenza u tradizzjoni twila fil-mod ta’ kif dan il-prodott għandu jintgħażel bl-idejn. Min-naħa l-oħra, b’dan il-mod wieħed jistenna li jnaqqas il-possibbiltà li l-kwalità aħħarija tal-prodott titbaxxa minħabba t-trasport (żieda fl-ammont ta’ daqqiet, temperaturi li mhumiex adegwati, eċċ.) u ta’ xi kundizzjonijiet tal-ħżin li mhumiex rakkomandati.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

Il-patata li hija maħsuba għall-konsum hija protetta permezz tal-Indikazzjoni Ġeografika Protetta (I.Ġ.P) “Pataca de Galicia”/“Patata de Galicia”, għandha tiġi kkummerċjalizzata f’pakketti ġodda, nodfa u f’materjali li huma adegwati sabiex jiffavorixxu ventilazzjoni, preżervazzjoni u trasport tal-prodott li huma korretti. L-ippakkjar għandhu jsir f’lottijiet ta’ daqs u oriġini li jkunu omoġenji.

Id-daqs minimu għandu jkun ta’ 35 mm. Madankollu, għandha tkun awtorizzata l-kummerċjalizzazzjoni ta’ patata b’daqs li jvarja bejn 18 mm u l-minimu msemmi, taħt id-denominazzjoni ta’ “patata menuda fuera de calibre” (patata żgħira li mhix tad-daqs speċifikat) jew taħt isem kummerċjali ieħor li huwa ekwivalenti.

L-omoġenjità tad-daqs mhijiex obbligatorja fil-pakketti tal-bejgħ ta’ piż nett ta’ 5 Kg jew iktar. Fil-pakketti għall-bejgħ li għandhom piż nett ta’ 5 Kg jew inqas, id-differenza bejn l-ikbar u l-iżgħar unitajiet ma għandiex tkun iktar minn 35 mm.“”

Il-pakketti għandhom ikunu ta’ piż nett ta’ 15, 10, 5, 4, 3, 2 u 1 kg. Pakketti ta’ 20 u 25 kg maħsuba għall-użu minn ristoranti, lukandi kif ukoll minn xi gruppi oħrajn li jistgħu jistaqsu għalihom, għandhom jiġu awtorizzati b’mod eċċezzjonali.

3.6.   Regoli speċifiċi dwar it-tikkettar

Fuq il-kontenituri kollha tal-prodott kopert mill-IĠP għandu jidher, stampat b’qies ta’ terz tal-wiċċ ewlieni tal-pakkett, il-logo tal-IĠP t’hawn taħt u l-kitba ‘Indicación Geográfica Protegida ‘Pataca de Galicia’/‘Patata de Galicia’’.

Kull pakkett ikollu tikketta sekondarja mibgħuta mill-kunsill regolatorju, bin-numru korrispondenti u bil-logotip tal-indikazzjoni ġeografika.

4.   Definizzjoni fil-qosor taż-żona ġeografika

Iż-żona tal-produzzjoni u tal-ippakkjar tal-prodott li hija protetta permezz tal-Indikazzjoni Ġeografika Protetta tikkorrispondi mal-Komunità Awtonoma ta’ Galicia.

5.   Rabta maż-żona ġeografika

Speċifiċità taż-żona ġeografika

Iż-żona ġeografika definita għandha kundizzjonijiet tal-klima u tal-ħamrija li huma vantaġġużi għall-iżvilupp tal-kultivazzjoni u li jispjegaw il-kwalità għolja tal-patata ta’ Galicia.

Il-karatteristiċi speċifiċi taż-żona geoġrafika tal-IĠP b’rabta diretta mal-parametri kkunsidrati bħala l-aqwa għall-patata huma dawn li ġejjin:

Klimatoloġija:

—	Nżul tax-xita: għandu jiġi enfasizzat l-ammont kbir ta’ xita taż-żona definita, bejn 1 000 u 1 500 mm/kull sena u kultant aktar f’ċerti żoni, b’perjodu ta’ nixfa bejn Awwissu u Settembru.

—	Temperaturi: moderati matul l-iżvilupp veġetattiv tal-patata.

Ħamrija:

Il-ħamrija maħlula u mrammla, b’valuri ta’ pH li jvarjaw bejn 5 u 6,5.

Orografija:

Iż-żoni differenti tal-produzzjoni mifruxa fuq it-territorju tal-Komunità Awtonoma ta’ Galicia jkopru b’mod essenzjali artijiet li jinsabu f’żoni ċatti u b’altitudni medja jew baxxa, b’kundizzjonijiet ideali għall-kultivazzjoni tal-patata.

Speċifiċità tal-prodott:

Fost il-karatteristiċi li jagħtu speċifiċità fil-kwalità tal-patata ta’ Galicia meta mqabbla ma’ patata oħra li tkun ġejja minn żoni ta’ produzzjoni oħra, jistgħu jissemmew:

—

l-adattament tajjeb tal-varjetà Kennebec u Agria għall-ħamrija ta’ Galicia tippermetti l-produzzjoni ta’ tuberi bi ftit tikek, b’qoxra fina u lixxa u li l-kulur ta’ ġewwa huwa abjad ħafna għall-Kennebec u isfar għall-Agria. Barra minn dan, il-varjetà Fina de Carballo hija indiġena u għalhekk, b’mod naturali, adattata ferm għall-ambjent, ir-raġuni għalfejn din tipproduċi tuberi li jintgħarfu mill-qoxra fina tagħhom, minkejja li għandhom tikek fondi u ġewwa abjad.

—

Parametri ta’ kwalità: il-patata tal-IĠP għandha kemxejn mid-dqiq, b’konsistenza pjuttost soda, ftit li xejn titfarrak, u hija soda meta tintmess. Dan kollu jagħmilha ideali għal kwalunkwe tip ta’ preparazzjoni fit-tisjir. Hija tiddistingwi ruħha għall-kontenut ta’ materja xotta u minħabba l-kulur, l-aroma u t-togħma wara li tissajjar.

—	Karatteristiċi analitiċi: kontenut ta’ materja xotta iktar minn 18 % u kontenut ta’ zokkor riduċenti inqas minn 0,4 %.

Rabta kawżali bejn iż-żona ġeografika u l-kwalità, ir-reputazzjoni jew karatteristika oħra tal-prodott:

Il-kundizzjonijiet naturali taż-żona ġeografika, speċjalment l-ammont kbir ta’ xita u t-temperaturi moderati, jikkontribwixxu sabiex il-kultivazzjonijiet tal-patata jkollhom l-aħjar żvilupp veġetattiv mingħajr il-ħtieġa ta’ tisqija – għajr għas-sajf f’ċerti żoni u fuq bażi ad hoc; b’hekk wieħed jikseb żieda kontinwa tat-tuberi.

Il-fatt li bejn Awwissu u Settembru jkun hemm perjodu ta’ nixfa, b’nuqqas ta’ ilma fil-ħamrija, iwassal biex it-tuberi jitilfu mill-kontenut tal-ilma tagħhom qabel ma jinqalgħu u jimmaturaw għalkollox. B’hekk jiffurmaw qoxra uniformi u reżistenti, li flimkien mal-fatt li jkun hemm nuqqas fil-kontenut tal-ilma fit-tuberu, jgħin fil-preżervazzjoni u jtejjeb il-kwalitajiet kulinarji tal-istess tuberu.

Fiż-żoni tal-produzzjoni hemm kwantità kbira ta’ ħamrija maħlula u mrammla, li għandha valur ta’ pH li jvarja bejn 5 u 6,5, li hija ideali għal din it-tip ta’ kultivazzjoni, minħabba li tiffavorixxi ventilazzjoni fil-ħamrija u fl-istess ħin tnaqqas l-inċidenza tal-mard, bħalma huma il-Pectobacterium spp. jew ir-Rhizoctonia solani. Din it-tip ta’ nisġa ta’ ħamrija tippermetti li l-qoxra tat-tuberu tkun fina u uniformi u li t-tuberi jinqalgħu nodfa mill-ħamrija, mingħajr ma jkun hemm bżonn li jinħaslu. Barra minn hekk, il-valuri tal-pH kemmxejn aċidużi jimpedixxu l-preżenża ta’ ċertu mard bħal pereżempju Streptomyces spp.

Fir-rigward tal-fattur uman, fost il-prattiki kulturali tradizzjonali, tispikka dik tal-fertilizzanti naturali li jitferrxu fuq din il-kultivazzjoni, madwar 25 jew 30 tunnellata/ettaru. Dan jikkontribwixxi għall-kwalità għolja aħħarija tal-patata prodotta taħt l-istess kundizzjonijiet speċifiċi.

Referenza għall-pubblikazzjoni tal-ispeċifikazzjoni

(it-tieni subparagrafu tal-Artikolu 6(1), ta’ dan ir-Regolament)

http://mediorural.xunta.gal/fileadmin/arquivos/alimentacion/produtos_calidade/2018/P_Condiciones_Patata_de_Galicia__mayo_2018.pdf

---

(1)  ĠU L 343, 20.12.1999, p. 1.