52019DC0320

MEMORANDUM TA’ SPJEGAZZJONI

1.Introduzzjoni

L-Abbozz ta’ Baġit Emendatorju (ABE) Nru 2/2019 huwa maħsub li jipprovdi EUR 100 miljun addizzjonali ta’ approprjazzjonijiet ta’ impenn għal Orizzont 2020 u Erasmus+ kif deċiż mill-Parlament Ewropew u mill-Kunsill fil-ftehim tagħhom dwar il-baġit tal-2019. Ma hija proposta l-ebda żieda fl-approprjazzjonijiet ta’ pagament.

2.Tisħiħ ta’ Orizzont 2020 u Erasmus+

2.1. Kuntest

Fil-ftehim finali tagħhom dwar il-baġit tal-2019 4 , il-Parlament Ewropew u l-Kunsill ftiehmu “li jibbaġitjaw EUR 100 miljun f’baġit emendatorju fl-2019 sabiex jissaħħaħ il-programm Orizzont 2020 u Erasmus+”. Huma stiednu lill-Kummissjoni biex “tippreżenta dan il-baġit emendatorju, li mhu se jinkludi ebda element ieħor, hekk kif l-aġġustament tekniku tal-Qafas Finanzjarju Pluriennali għall-2020 inkluż il-kalkolu tal-marġni globali għall-impenji jitlesta fir-rebbiegħa tal-2019”.

Ġaladarba l-aġġustament tekniku issa diġà ġie adottat 5 , il-Kummissjoni tipproponi li temenda l-baġit tal-2019 biex ikun jirrifletti l-ftehim imsemmi hawn fuq.

2.2. Tisħiħ ta’ Orizzont 2020

Orizzont 2020, il-programm emblematiku għas-sostenn tar-riċerka u tal-innovazzjoni, iffissa objettiv ambizzjuż għall-kontribut tiegħu għall-mira tal-klima tal-baġit tal-UE. Filwaqt li n-nefqa għat-tibdil fil-klima turi żieda konsiderevoli meta mqabbla mas-Seba’ Programm Qafas għall-Finanzjament tar-Riċerka 2007-2013 (FP7, 7th Framework Programme), jenħtieġ li jiġu msaħħa miżuri speċifiċi bil-għan li jqarrbu l-mira li 35 % tal-baġit globali ta’ Orizzont 2020 ikunu ddedikati għall-attivitajiet ta’ riċerka b’rabta mal-klima. Għalhekk qed jiġi propost li jkunu allokati EUR 80 miljun addizzjonali għal attivitajiet u proġetti f’dan il-qasam, speċifikament għar-riċerka b’rabta mat-trasport u għat-Teknoloġiji Futuri u Emerġenti fil-qafas tal-proġett pilota tal-Kunsill Ewropew tal-Innovazzjoni (KEI):

-Il-Kummissjoni tipproponi li talloka EUR 34,6 miljun addizzjonali għall-partita tal-baġit 08 02 03 04 — Kisba ta’ sistema tat-trasport Ewropea effiċjenti fir-riżorsi, tiffavorixxi l-ambjent, sikura u assjematika ta’ Orizzont 2020 biex jissaħħu l-azzjonijiet tal-2019 kontra t-tibdil fil-klima, b’mod partikolari l-batteriji, il-vetturi ekoloġiċi u s-sostenibbiltà ekoloġika tal-avjazzjoni.

-Il-Kummissjoni tipproponi li talloka EUR 45,4 miljun addizzjonali għall-partita tal-baġit 08 02 01 02 — Tisħiħ tar-riċerka fit-teknoloġiji futuri u emerġenti ta’ Orizzont 2020 biex jiżdied l-ammont għat-temi “Ġenerazzjoni tal-enerġija rivoluzzjonarja b’emissjonijiet żero għal dekarbonizzazzjoni sħiħa” u “Teknoloġiji li jirrigwardaw l-enerġija u t-tibdil fil-klima”. L-azzjoni primarjament se ssostni l-identifikazzjoni multidixxiplinari ta’ direzzjonijiet ġodda għall-ġenerazzjoni tal-elettriku nadifa, kumpatta u rħisa, u timmira lejn applikazzjonijiet awtonomi, mobbli jew portabbli f’kuntesti speċifiċi. Din tagħżel proġetti li jwittu t-triq għal teknoloġiji kompletament dekarbonizzati radikalment ġodda bħala mezz biex jiġi limitat l-effett tas-settur tal-enerġija fuq it-tibdil fil-klima.

2.3. Tisħiħ ta’ Erasmus+

Erasmus+ hu l-programm tal-UE li jappoġġa l-edukazzjoni, it-taħriġ, iż-żgħażagħ u l-isport fl-Ewropa. Permezz tal-programm, iktar minn 4 miljun Ewropew se jkunu jistgħu jistudjaw, jitħarrġu u jiggwadanjaw esperjenza barra minn pajjiżhom matul il-perjodu 2014-20.

Il-Kummissjoni tipproponi li talloka EUR 20 miljun addizzjonali għall-partita tal-baġit 15 02 01 01 — Promozzjoni tal-eċċellenza u l-kooperazzjoni fil-qasam Ewropew tal-edukazzjoni u t-taħriġ u r-relevanza tiegħu għas-suq tax-xogħol ta’ Erasmus+. L-allokazzjoni tkun issaħħaħ is-sostenn finanzjarju tal-UE għall-attivitajiet fundamentali ta’ mobbiltà tal-programm, b’mod partikolari fil-qasam tal-edukazzjoni għolja u tal-edukazzjoni u taħriġ vokazzjonali, kif ukoll għaċ-ċentri ta’ eċċellenza vokazzjonali. Din issaħħaħ ukoll l-Universitajiet Ewropej, azzjoni reċenti żviluppata fil-qafas taż-Żona Ewropea tal-Edukazzjoni sal-2025 6 .

2.4. Finanzjament

Minħabba n-nuqqas ta’ marġni sal-limitu massimu ta’ fondi għal impenji tal-intestatura 1a Kompetittività għat-tkabbir u għall-impjiegi fil-baġit ġenerali tal-2019, it-tisħiħ tal-approprjazzjonijiet ta’ impenn ta’ Orizzont 2020 u Erasmus+ se jiġi ffinanzjat mill-Marġni Globali għall-Impenji.

Il-Kummissjoni tqis li f’dan l-istadju l-approprjazzjonijiet ta’ pagament għal dawn iż-żewġ programmi fil-baġit tal-2019 ma għandhomx għalfejn jiżdiedu.

3.Tabella sommarja skont l-intestatura tal-QFP

Intestatura		Baġit 2019		Abbozz ta’ Baġit Emendatorju 2/2019		Baġit 2019
		(inkl. ABE 1/2019)				(inkl. ABE 1-2/2018)
		AI	AP	AI	AP	AI	AP
1.	Tkabbir intelliġenti u inklużiv	80 527 449 848	67 556 947 173	100 000 000		80 627 449 848	67 556 947 173
Li minnhom taħt l-Istrument ta’ Flessibbiltà		178 715 475				178 715 475
Li minnhom taħt il-marġni globali għall-impenji		424 734 373		100 000 000		524 734 373
Limitu massimu		79 924 000 000				79 924 000 000
Marġni
1a	Kompetittività għat-tkabbir u l-impjiegi	23 335 449 848	20 521 537 455	100 000 000		23 435 449 848	20 521 537 455
Li minnhom taħt l-Istrument ta’ Flessibbiltà		178 715 475				178 715 475
Li minnhom taħt il-marġni globali għall-impenji		74 734 373		100 000 000		174 734 373
Limitu massimu		23 082 000 000				23 082 000 000
Marġni
1b	Koeżjoni ekonomika, soċjali u territorjali	57 192 000 000	47 035 409 718			57 192 000 000	47 035 409 718
Li minnhom taħt il-marġni globali għall-impenji		350 000 000				350 000 000
Limitu massimu		56 842 000 000				56 842 000 000
Marġni
2.	Tkabbir sostenibbli: riżorsi naturali	59 642 077 986	57 399 857 331			59 642 077 986	57 399 857 331
Limitu massimu		60 344 000 000				60 344 000 000
Marġni		701 922 014				701 922 014
Li minnhom: Fond Agrikolu Ewropew ta’ Garanzija (FAEG) — Nefqa marbuta mas-suq u pagamenti diretti		43 191 947 000	43 116 399 417			43 191 947 000	43 116 399 417
Sottolimitu		43 881 000 000				43 881 000 000
Differenza dovuta għall-arrotondament eskluża mill-kalkolu tal-marġni		659 000				659 000
Marġni tal-FAEG		688 394 000				688 394 000
3.	Sigurtà u ċittadinanza	3 786 629 138	3 527 434 894			3 786 629 138	3 527 434 894
Li minnhom taħt l-Istrument ta’ Flessibbiltà		985 629 138				985 629 138
Limitu massimu		2 801 000 000				2 801 000 000
Marġni
4.	Ewropa Globali	11 319 265 627	9 358 295 603			11 319 265 627	9 358 295 603
Li minnhom taħt il-marġni globali għall-impenji		1 051 265 627				1 051 265 627
Limitu massimu		10 268 000 000				10 268 000 000
Marġni
5.	Amministrazzjoni	9 942 974 723	9 944 904 743			9 942 974 723	9 944 904 743
Limitu massimu		10 786 000 000				10 786 000 000
Li minnhom paċuti mal-marġni ta’ Kontinġenza		- 253 882 156				- 253 882 156
Marġni		589 143 121				589 143 121
Li minnhom: nefqa amministrattiva tal-istituzzjonijiet		7 747 285 803	7 749 215 823			7 747 285 803	7 749 215 823
Sottolimitu		8 700 000 000				8 700 000 000
Li minnhom paċuti mal-marġni ta’ Kontinġenza		- 253 882 156				- 253 882 156
Marġni		698 832 041				698 832 041
Total		165 218 397 322	147 787 439 744	100 000 000		165 318 397 322	147 787 439 744
Li minnhom taħt l-Istrument ta’ Flessibbiltà		1 164 344 613	961 862 659			1 164 344 613	961 862 659
Li minnhom taħt il-marġni globali għall-impenji		1 476 000 000		100 000 000		1 576 000 000
Limitu massimu		164 123 000 000	166 709 000 000			164 123 000 000	166 709 000 000
Li minnhom paċuti mal-marġni ta’ Kontinġenza		- 253 882 156				- 253 882 156
Marġni		1 291 065 135	19 883 422 915			1 291 065 135	19 883 422 915
	Strumenti speċjali oħra	577 248 000	411 500 000			577 248 000	411 500 000
Total Finali		165 795 645 322	148 198 939 744	100 000 000		165 895 645 322	148 198 939 744