1.   

Din in-notifika tikkonċerna lill-impriżi li ġejjin:

Sumitomo Corporation u Toyota Motor Corporation, jakkwistaw skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ Kinto Corporation, kumpanija ġdida li tikkostitwixxi impriża konġunta (“JV”).

Il-konċentrazzjoni hija mwettqa permezz tax-xiri ta’ ishma u ta’ trasferiment ta’ assi.

2.   

—   għal Sumitomo Corporation: kumpanija kummerċjali u ta’ investiment attiva fil-lokazzjoni ta’ karozzi, fil-kummerċ ta’ prodotti tal-metall, fit-trasport, fil-media, fir-riżorsi minerali, fl-enerġija, fil-prodotti kimiċi u fl-elettronika.

—   għal Toyota Motor Corporation: kumpanija attiva fis-settur tal-manifattura, tal-bejgħ, tal-lokazzjoni u tat-tiswija ta’ vetturi bil-mutur, tal-vapuri, tal-inġenji tal-ajru u tagħmir ieħor tat-trasport, kif ukoll fil-bejgħ ta’ tagħmir għall-immaniġġjar ta’ materjal.

—   għal JV: forniment ta’ servizzi ta’ mobbiltà, inklużi servizzi ta’ lokazzjoni fil-Ġappun.

3.   

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.   

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tkun speċifikata:

M.9215 — Sumitomo Corporation/Toyota Motor Corporation/Kinto Corporation

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: